عالم ننو المدهش😆✋

طفولتي 😇😹😹😹🏃👈🌚

هلاووو شلوونكم

ذاك اليوم كاعده بغرفتي وسمعت صوت من البيت الي ورانه
بذيج اللحظه مرت عليه ذكريات هواي كأن بذاك الصوت استرجعت ذكرياتي
وتذكرت العداوه ما بيني وبينهم😏

من جنت صغيره بعمر التسع او العشر سنوات جنت من اصعد لغرفه اخوي الجبير واباوع من الشباك الى البيت الي ورانه دائما اشوفهم يذبون وصاختهم علينه
زبل واحذيه ونعوله _حشاكم _
فجنت احقد عليهم

ودائما اروح اشيل وصاختهم وارجعها عليهم ونتعارك اني والجهال
اخواني الي اصغر مني همين تولد حقد بداخلهم وصرنه يوميه نتعارك😁

يعني ميمر يوم اذا ما نتعارك وياهم 😛
وحتى بت عمتي من تجي هي واخوها لازم ياخذون حصتهم من العركه
تذكرين ولج ههههAliMajed634
وحتى بت خالتي من تجي هم لازم تتعارك 😪تذكريهم user93999660

المهم بيوم من الايام وباحد العركات والكلام الجارح 😃
كاموا يعيبون عليه ويصيحولي ولد😬
لان امي مسويه شعري قصير بوقتها
صدك انجرحت مشاعري وكسروا قلب الانثى الي بداخلي🌚

عفتهم ورحت للحمام ووكفت كبال المرايه اباوع لشكلي وتلمس شعري ودمعتي بطرف عيني
بس لا مستحيل ابجي 😤
شفت بانعكاس المرايه وراي طشت مال مي ابتسمت😈 ع الفكره الي براسي 😏
وترسته مي وطلعت رحت للغرفه 🚶

كلت للخواني وخروا وخروا وشلته وشمرت المي عليهم نكعتهم لهل وصخين 👌
حسيت بالانتصار واني هسه انتقت لنفسي
_دربالكم تندكون بننو😂_

وره شويه صاحتني امي وبقت ترزل بيه طلعوا الحقراء كالوا لامهم وجايه تعاتب امي 😒
كتلها يمه هم الي عالوا بيه ما تقتنع
بس عادي ميهم اصلا حسيت همه جبناء اني جنت اكدر اروح اشتكي واكول يعيبون عليه بس اني مو جبانه اني انتقم لنفسي بنفسي بس هم مابيهم حظ😑

واستمرت عداوتنه لحد ما مليت منهم وبعد حتى ما فتحت الشباك
وما ادري وين صفى بيهم الدهر
واتمنى الهم الخير بالاخير يبقون هم طفولتي 😹

مو بس هاي اني طفولتي متروسه مشاغبات مو مثل جيل الفين وهسه ميعيشون دقيقه بدون مبايل ونت 😒

من جنت صغيره علاقتي ويه اخواني احلى مو مثل هسه كلمن كامش مبايل
اذكر جان عدنه حديقه بس ما زارعين بيها هواي يعني عباره عن طين
جنه نشوف بالكارتون شلون يلعبون بالثلج

فاحنه بقت حصره بكلبنه فقررنه نخترع ثلج عراقي ونلعب بالطين
ونسوي حرب بالطين ونبني رجل طيني _عود رجل ثلجي 😂_
وتجي امي تسحلنه لان نوصخ روحنه😛

لا واذكر مره جنت بعدني ما مسجله مدرسه لسه هل موقف براسي
لكيت بالحديقه مشكلين صونده وبيها قفيص (هذا الي يخلوا ع الصونده علمود يضبها وما يطلع مي)