اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تذكرون من جنه صغار ونكعد الصبح نبدل و چنه ننتظر امنه و هيه تحطلنه اللفه ب الجنطه و نطلع
چانت المدرسه ٦ دروس و تعب بس ما چنا نحس بشي و اذا غاب الاستاذ اكبر فرحه تصير
چان حايط الصف نكتب عليه اسامينا و راسمين قلب حب عليها❤
چان الخوف من حل الواجبات اكبر خوف لان الاستاذ چان عنده رهبه چبيره
چانت الفرصه اكبر فرحه عدنا چنا نركض نطلع من باب الصف حسبالك طالعين افراج من السجن
چنت احط ايدي على چتف صاحبتي و نروح چانت ضحكتنا راس مالنا و ماكو مكان للهموم جوانا
چان الواحد يروح تعبان للبيت و يذب الجنطه ب الباب و يصيح يووومه شمسويه اكل
چانت الطوبه مال منطقه نايلون و بس الطاگ عنده طوبه كبس و الگول طابوكتين و واكف وراه واحد يصغر و يكبر بي بكل هجمه و الملعب بنص الشارع و السمين يوگف گولچي
زمااان العشا خفيف
و تگعد تنتظر امك تسويلك املاء كل ما تشوف طياره تسلم عليها و تگول مع السلامه👋
چنا ننتظر نصير بصف الخامس حتى نكتب ب القلم الجاف
نحس بإنجاز وفرح وشي عظيم إذا طلعت الشمس🌞 واحنا بعدنا ما نايمين
ننتظر الامتحانات علمود ماناخذ جنطه و ننتظر النتائج علمود نكشخ من نروح ناخذها اكيد سويت شي منها او تقريبا كلها
من چنت زغيره رسمت الشمس بزاويه الورقه
چنا نسد باب الثلاجه شويه شويه علمود تعرف شوكت يطفى ضواها حاولت توازن مفاتيح الكهرباء بين ON و OFF
اذا واحد من اهلك طلب منك مي يشرب تشرب شويه قبل ماتدخل و تمسح شفتك علمود محد يعرف شربت منه
اكيد انت تبتسم الآن على هاي الايام الحلوة . وما ننسى قمة الفخامة ايام الابتدائية لما ينطيك الاستاذ طباشير و أوراق ويگولك وصلها للاستاذ في الصف الثاني الي يمنا تفوت عالصف گدام الطلاب وتحس حالك مبعوث من الأمم المتحدة اكيد هسه انت/ي تبتسم و رجعت شريط ذكرياتك و حسره بداخلك لان چنا على نياتنا و گلوبنا صافيه خاليه من الحقد و المصالح احلا شي اكلوبنه صافيه """"" استرجع الماضي راقت لي
