عالم ننو المدهش😆✋

بدت المسابقه😆🌝🔥

هلاااوو
اول شي شكرا لكل وحده سئلت عليه ما جنت ادري بنفسي هيج مهمه
اختفيت يوم ونص لكيت الدنيا محتركه عليه🌝
فديتجن حبيباتي 😘😘😘😘

ثاني شي حنزل الاشعار الي وصلتني
بس شوفن ولجن اكو قوانين اولا مو تروحن تعلقن لنفسجن مسموح الج تنطين صوتج لوحده بس مو شعرج😑

ثانيا مو تصيحين صديقتج وتجي حاميه عليه وتخبص الشعر بالتعليقات وتشمر ارقام وصفاره وسمايلات لو تسون كروبات وتصعد التعليقات للالف وادكولن احنه فزنه
لا تره هيج ما محسوب اني راح اجيب يمي ورقه وقلم ولكل وحده احسب صوت واحد وبس اوك
خلي تصير مسابقه مرتبه مو خبصن الدنيا

وثالث شي الشعر الي مكتوب فوك☝ بالصوره الي فوك العنوان
هذا صح شعري اني كاتبته بس ما داخل بالمسابقه 🌚
مجرد مخليته هيج شكليا

هسه نخلي الاشعار

........

شريــد انـي؟
غـيـر اصـعـد سـفـيـنـه نـوح
وابــدي بـگاع غـيـر الگاع
وابـدي بـنـاس غـيـر الـنـاس!
وابــدي بــحـدي مـتـنـازل عـالـوشـالة
گـضـيـت جـروحـي مـجـرورة
عـلـئ ظـهـري حـبـل صـبـري انـگـطـع
والــصـيـت عـتـالة…!
أشـد يـاهـي وألـم يـاهـي؟
وعـلـئ جـتـافـي اثـر وحـزوز جـتـالـه
أشـد يـاهـي وألـم يـاهـي؟
وعـلـئ جـتـافـي اثـر وحـزوز جـتـالـه
بـقـيـت الوحـدي احـب روحـي
انـه المـاگـو احـد بـحـالـه!
بـقـيـت لـوحـدي احـب روحـي
انـه الـمـاكـو احـد بـحـالـه!
خــردة الـبـاقـي بـيـه سـنيـن
وعـلـئ الـخـردة يـطـلبـوني!
بـعـد مـا شـبعـوني الـضـيم
طـلـع هـسـه يـردونـي
يجيبوني ويودوني وعلئ جفوفي
شلتهم شيلة الگرصة
اذا توگع يطخها تراب
تبوس شفافي والكصة!
عيوني الجمرت جم دوب
أهواي وتحترك قصة!
رميت بخيطي سنارة وعالحجارة
سحبني النابت بشصه!
يبين المختنك مرات
اذا يحجي تسمع باذنك الغصة
تحس سوالفه مــن گزاز
تشوفن روحك بنصه!
ويجيني الكاعد ومرتاح
يگلي سوالفج خبصة!
دجرب تضحك ومخنوك!
تعلي الضحكه من تنصه
وجرب صحبة الزنجار
تحـك وعمــره مـايصـفه!
وما رايد منهم انـه الـجـاه
ولا شايلهم العازه!
اتجي بروحي عالبيبان اذا اتوازه
    واذا اعزازه..!
يكفيني انه من اوكع
اخلي بايدي عگازه!
واذاا اعزازه..!
يكفيني انه من اوكع
اخلي بايدي عگازه!
واطب حافي!  الم حجايه التجرح
اكسرهم… اطشرهم!
وأعدي گزازه بگزازه!

^^^^^^^=+=^^^^^

• يآ ضحكتك من تمرني ،.'
• تبدي بدروبي العشگ ،♥️.'

^^^^^^^=+=^^^^^^^

يمر طيفك بالي واصرخ ...الله
جن صورت شعر لو مرت ...بيت
تمنيتك نفس وي شهكه ...الروح
وانه ادريها صعبه بس ..تمنيت
اعدلك بالاصابع صارلي ..هواي
تجيني وماتجيني وعمر ..عديت
ردت اعرف البيك وين ماوين
ورسايل ع الغيوم شكثر ..وديت
ناذر لو تجيني بگلب❤ مفتوح
اطش روحي ع دربك كووم ..جكليت

^^^^^^^^^^=+=^^^^^^^^

آذِآ مًوٌآلَکْ آکْتٌبً مًآآحًسِ بًشُوٌکْ
وٌآنِيَ عٌلَئ مًوٌدٍکْ آکْتٌبً بًشُعٌريَ
جّربًتٌکْ آهّوٌآيَهّ وٌآشُفُتٌکْ آوٌفُهّ آلَنِآسِ
يَأآوٌلَ حًسِبً تٌحًمًلَتٌ فُهّريَ
تٌسِألَنِيَ بًحًيَآتٌيَ شُکْدٍ تٌمًر آشُکْآلَ
بًسِ آنِتٌ آلَوٌحًيَدٍ آلَسِآکْنِ بًفُکْريَ
وٌتٌسِألَنِيَ بًحًيَآتٌيَ شُبًيَهّهّ منِ آهّمًوٌمً
وٌآنِيَ مًنِ آشُوٌفُکْ يَنِطِفُيَ جّمًريَ
يَأأوٌلَ مًحًطِهّ قُلَبًيَ ♥بًيَهّهّ آرتٌآحً
يَآنِهّر آلَحًنِآنِ وٌ بًآلَقُلَبً يَجّريَ♥

^^^^^^^^^^=+=^^^^^^^^

عشكتك عشك ما مريود
دوم مبهذل احوالي..
عشكتك عشك محبوب
وعايش دوم أبالي..
عشكتك عشك مجنون
واعاين وين دلالي..
عشكتك لاتظن انساك..!
لان انته النفس مالي..
عشكتك والگلب يهواك
ودوم بحبه يسعالي..
عشكتك وابقى عاشكتك
ومشكلتي احب چتالي...

^^^^^^^^^=+=^^^^^^^^

لچ كلبي من اشوفچ هيج ينثار...
شجاك وكلبي ماتهده وتنثار ...
هي النظره بعيونچ ترد ..ثار..
ولچ يوم الاشوفج عيدد اليه ...

^^^^^^^^^=+=^^^^^^^

غليت الرخيص وصار اله سوگ
وعلئ جتافي صعد ياحيف غدار
نطيت الماله قيمة منزلة وشان
وعگب طيب الثمر جازاني بحجار
صدگ بالغريب وعافني وطار
كبر بية وعلية تكبر اليوم
خلة الگصة تعرگ بين شمات
وصار يطيح ميهة بين الصغار

^^^^^^^^=+=^^^^^^^

ما زال بداخلي دَمعة وجرح وصرخة مَكتومة.. ما زال الألم غافي وبكلمة يصحى من نومه.. هدوئي الظاهر يَخدع هدوء إنسانة مصدومه

^^^^^^^^^=+=^^^^^^^^

يلي ابالي
يالبالي شحلاتك جن طبع نجمات
اليريد ايلوح خال يسهر
التعب على المثلك شمحله
تحس ربحان من تخسر
كالو داير
شلون تعرف مر بيك
كلتلهم اشم عنبر
مع جال احترامي للشكر للبيض بس مملوح يالاسمر

^^^^^^^^^=+=^^^^^^^^^

بالنسبه اليه ما راح اصوت لاي شعر خاف ادكولن هي انحازت لصديقتها وكذا فمن الاخير ما حصوت لاي شعر لان بصراحه كلهن عاجباتني

وحبابات مثل ما اتفقنه فوك☝ صوتن عدل

والنتيجه حتطلع بعد يومين
والجائزه هي الفائزه تختار الجائزه براحتها

اوك باااااي
صديقتكم ننو