عالم ننو المدهش😆✋

ننو🌚🔪💪😯وما ادراك ما ننو

هلااااو
اليوم ما اريد انشر بارت اسئله ونكت راح انشر مثل البارتات القديمات الي عن مواقف وسوالفي ويه اهلي ومغامراتي🌚💪😆

نبدي اول شي باول يوم الي بالمدرسه 😒😤😿😪😂

اول يوم الي بالمدرسه
مرت الايام بسرعة وها انا  بالصف الخامس الاحيائي .
وحتى الان مازلت اذكر اول يوم في المدرسة عندما كنت في الابتدائية.
وبدء يومي 💖:

هوب✋✋ هوب✋✋ اني ماادبرها فصيح خليني احجي عدل احسلي 😇

گعدتني امي الصبح ولبست الملابس الجديده وطگتلي امي صور جنت صغيرونه وضعيفه كلش وحتى سمره مو مثل هسه.

انوب رحنا لبيت جيرانه (ام هبه) لان بنتهم الي لقبها او الكل يصيحلها بهذا الاسم هو (نونه) بيت ام هبه شالوا من زمان فما اذكر شنو اسم (نونه)  الحقيقي 😅😂

هي جانت صف ثاني ابتدائي وبنفس المدرسه اني وياها وماما وصتها عليه.
انوب رحنا المدرسه وماما ويانه راحت.

المدرسه جان بيومها الدوام صبحي.

المديره ما ادخل الطالبات للمدرسه الا بالموعد المحدد فضلينه واگفين بره ف(نونه) عرفتني على صديقتها الي نسيت اسمها و عرفتني على اخت صديقتها لان هي همين بالاول اسمها( حوراء)  فصرنا صديقات وبقينه سويه لحد المتوسطه  هي بشعبه ( ب)  واني بشعبه( أ)  بس اشوفها مرات.
بس من صرت بالاعداديه بعد ما شفتها.

وبعد ما انفتح الباب وودعت ماما وجنت كلش فرحانه😀لان اني احب المدرسه.

من دخلت الصف ما اعرف ولا وحده وجانت الشعبه مليانه طالبات وحتى ماكو مكان اكعد بي وكعدت بالكاع 😥😭

وجانت كاعده يمي بالكاع بنيه سبحان الي خلقها تجنن كلش حلوه بيضه والشعر اصفر ذهب وعيونها صفر المهم كولها على بعضها حلوه بس ما چان عندي جرئه احچي وياها وتمنيت نبقى سوه وما يفرقونه، حب من اول نظره 😍

بس مو كلشي نتمناه يصير بعد شويه اجت المعاونه وكالت الي اصيح اسمائهن يطلعن من الشعبه ويرحن لشعبه _أ_ واني جنت من ضمن الاسماء وهاي البنيه بقت بشعبه _ب_ وفرقونه للاسف✋😢

بس من صرت بصف رابع صرنه بنفس الشعبه وعرفت اسمها، اسمها مريم وجانت تحبني كلش وبالامتحانات دائما ادكولي اني وياج نمتحن سوه لان نفس الحرف اني وياها ميم المهم نرجع لسالفتنه

دخلت لشعبه _أ_ وكذالك ما اعرف احد بس حوراء لكيتها هناك بس ما كعدت اني وحوراء سويه.

اني جنت الرحله ٣ السطر البنص. وحوراء ما اذكر وين تحديدا كاعده😅.
رحنه استلمنه كتب واني حصلت كتب كلها جديده وبعدين رجعت لمكاني ..
انوب المعلمه كعدت يمي( غدير وميض) الي افترقنا اني وياها بالمتوسطه وهسه اني وياها بنفس الشعبه بالاعداديه ..