PENGERINDU TUA DITAGANG

PENGERINDU TUA DITAGANG 2

PENGERINDU TUA DITAGANG
TUSUN 2
DIKARANG RYANA

Balik Tuai rumah.

      Lemai nya gaga meh Natasha deka madah ke Apai ya Ligam, Gabriel deka maie ya jadi.. "Apai indai, ku bisi utai deka padah, ngarap ke nuan apai nadai mantah".. ko Natasha ngepun ke randau.. "Nama utai bangat ka dikerandau ke nuan nya dah endu".. ko Tuai Rumah Ligam.. "Apai, lusa sida Gabriel sebilik deka kitu laban deka nanya aku ke bini, aku udah setuju apai nganti ari seduai indai apai aja"... Ko Natasha.. Ninga ke munyi nya Tuai Rumah lalu angat tang enda berupai.. "Au meh asuh kitu kitai berandau" ko Tuai Rumah Ligam..

Ba rumah Gabriel..

     "Apai indai, pagila kitai ngagai Tuai Rumah nanya ke Natasha nyadi ke bini aku".. ko Gabriel sambil senyum.. Gaga dah anak ati laban deka bebini... "Au anak pagila meh kitai 3 sida apai nuan kin".. Ko indai Gabriel.. "Au meh, tinduk meh seduai  apai, aku agi bedau ulih tinduk tu" ko Gabriel, sambil nilik ke dada langit.. Cukup tenang bulan malam nya baka penerang pengerindu seduai ya Natasha tang nadai siko nemu Pengerindu seduai ya benung ditagang Tuai rumah..

Ba rumah panjai..

      Pansut Tuai Rumah lalu nuju Bilik Apai Rickie,.. "Bisi dibilik nuan unggal".. ko Tuai Rumah ngagau ke Lutan.. "Bisi ku tuai, lalu meh kitu, benung meda berita ku tu, nama pejalai nuan Tuai".. ko Lutan nanya Tuai Rumah Ligam.. "Eh nya meh aku tu ka nanya ke Jang Rickie kemaya ke pulai ari tasik"... ko Tuai Rumah Ligam... "Minggu siti da pulai meh ya Tuai, Nam bisi beguna ke jang Nuan pia".. ko Lutan.. "Nya meh, nganti jang Pulai Ila, Endu tasha ka dipadu ke aku enggau Jang rickie laban aku ke enggai meda ya madah kediri deka jadi enggau Gabriel nya".. ko Tuai Rumah Ligam.. Ninga Tuai Rumah ke munyi nya gaga meh Lutan tu tadi, laban sigi ka diasuh ya anak ya Rickie nya tadi jadi enggau Natasha....Udah ke berandau ke nya, Diak Tuai Rumah lalu mulai kediri ngagai bilik ya...

         Sepagi nya meh Natasha ke bekupas ke bilik, Laban lemai nya Gabriel sebilik deka datai nanya ya ko anak ati ya. Gaga ke apai ya ngasuh sida nya sebilik datai, nadai meh ya nemu ati apai ya ke enda ngasuh, laban deka dipadu ke apai ya enggau Rickie...

Rumah Gabriel..
     Urung ya lemai ari sida Gabriel sebilik lalu begari gap, sida ya lalu niki ke  rumah panjai, Bejalai nuju bilik Tuai Rumah, nya meh bala ke meda sida ya tiga betunda udi nitih ke pangan diri nuju bilik Tuai rumah, ni ke betelai, ni ke betanya meh ya ke enda puas ati meda... Datai di mua pintu Tuai Rumah dia deh apai Gabriel tadi lalu ngagau ke Tuai Rumah... "Oh Tuai bisi dibilik kita, aku tu linang Apai Gabriel".. ko Linang bejako madah kediri... "Tu aku lalu meh" Tuai Rumah lalu ngasuh sida ya duduk... "Nama pejalai kita menyanak kitu" ko Tuai Rumah Ligam nanya enggau renjan.. udah nya Natasha enggau indai ya meh bisi dia, Lutan enggau bini ya...

      "Nyadi pejalai kami kitu Tuai, laban deka nanya ke endu tasha ke bini Gabriel, nya meh enggai enda nanya Tuai kitu" ko Linang ngepun bejako... "Aku ukai enggai enda madah ke Anak nuan Gabriel, pama Anak nuan ka ke anak aku, nyadi Endu tasha tu udah disambung aku jadi enggau jang Rickie, nyadi deka disambung jadi seminggu udah tu, Agi Anak nuan ukai urang kereja menyana, kada Anak nuan ulih tetupi ke ya, gaji kereja kedai ahcong nyin kada ulih nupik ya, aku sigi enda ngasuh Anak nuan jadi endu Natasha" Tuai Rumah bejako Madah sida ya tiga..

       Ninga ke Tuai Rumah ke munyi nya, Linang lalu minta mupuk mulai kediri.. "Enti baka nya nadai ngawa ga Tuai, ank nuan ga udah disambung jadi enggau jang Rickie, Ukai nasib anak aku meh nya Tuai"... "Lebih ari ukai nasib nya, sigi enda diasuh jadi, betemu agi, laban ke endu Tasha diasuh jadi enggau Jang Rickie".. ko Lutan nyaut apai Gabriel.. Natasha nyau enggau sesabak meh enda ngasuh Gabriel mulai kediri.. "Wai Gabriel, ambi aku wai ambi, kasih ku wai tinggal ke nuan, nadai ati ku wai jadi enggau Rickie, sigi nuan meh diati ku".. ko Natasha bejako enggau sabak sabak.. Gabriel nguing ke belakang enda meh, malu sinu meh ya laban ke enda jadi enggau Natasha.. Pia ke ya malu udah diberi Tuai Rumah Jako...

Ba Rumah Gabriel..

      'Apai indai, minta ampun aku, laban udah meri seduai malu, ketegal aku keran deka jadi enggau Tasha seduai nyadi mangsa ".. ko Gabriel bejako ngagai apai indai ya.." Anak, nadai ke ngasuh aku pedis ati enggau semua jako nya, mina aku minta anak, nuan anak kelalu ngambi ati enggau semua nya ".. ko Linang madah ke anak ya Gabriel.." Tinduk meh seduai apai indai badu betati ke semua nya "ko Gabriel...

       Semalam malam nya mata Gabriel nadai ulih lelap ya pending ya asai ke ninga jako diberi Tuai Rumah Ligam ngagai ya.. "Puas ku berunding nama penyalah kami sebilik, nama penusah kami sebilik bangat enda dibasa nadai enda siko siko ke meri jako, enda ku ulih baka tu nyamai ku ngiga kereja ke menua bukai ngambi ati aku enda balat telih, ambi runding aku enda tusut, tang kati ke apai ku ke tinggal di menua nyema ku ngejang ke menua bukai" Ko Gabriel bejako kediri sambil galik telentang ngerunding semua nya...

Ba bilik Tuai Rumah..

        "Apai kasih ke aku apai, kasih ke aku, terima meh Gabriel nyadi ke menantu".. ko Natasha enggau sesabak minta apai ya nerima Gabriel.. "Nuan cukup nadai ninga jako, pama sekali aku udah madah enggai nuan enda tau mantah, Aku sigi enda ngira nuan tetap dipadu ka aku enggau Jang Rickie".. ko Tuai Rumah merak Natasha.. "Enggai ku apai, enggai Rickie ukai lelaki  dipilih aku, Kasih ku apai anang merinsa aku baka tu".. ko Natasha.. Indai ya semina gilik pala meda anak enggau laki ya sama enggai alah di asuh ya salah enda di asuh salah ka bejako sigi temu alah, diau diri meh indai Natasha tadi...

Bersambung....