PENGERINDU TUA DITAGANG

Pengerindu Tua Ditagang 12

PENGERINDU TUA DITAGANG
TUSUN 12
DIKARANG RYANA

Dalam kereta Gabriel enda mayuh jako, ya tembu merati ke mua indu nya, Sapa indu duduk sepiak ya nya.. "Hello, nama hal nuan nilik nilik aku baka nya, nyin jalai nyin peda" ko Indu nya bejako merak merak Gabriel.. "Mangah mat indu tu, Serea suba nadai ngemangah tu, jako pan semuti didinga pending enti Serra" ko Gabriel betelai kediri... seduai ya benung ngetu ba lampu isyarat sekali udah hijau lampu nya tang Gabriel lalu enda bejalai sampai dihon ke urang ari belakang.. "Hoi, nuan ninga ka urang belakang udah ngehon, nama hal enda nemu bejalai, temenung aja kereja"... ko indu nya baru nganu...

Ba Rumah Dato Sri...

Sangkai seduai ya ba rumah Dato sri mikail.. indu nya lalu pansut nuju pintu.. "hei, nyin beg aku nyin baie nuan, anang senang senang tama nadai utai dibaie" ko indu nya ngasuh Gabriel.. Gabriel nadai mantah ya lalu ngambi barang indu nya baie ya tama.. "Eh Riel nama nuan ke maie beg endu dah, ni urang empu enda maie" ko entua ya ke indu.. "Udah tama ya tadi mumy, ehmm ditu ku nyimpan barang ya mumy" ko Gabriel.. "Riel duduk dulu nuan, tadi dady nuan mesan nganti nuan datai ya ngasuh nganti enda lama, ya agi di atas" ko entua ya baru.. "Au meh mumy, ku nganti diluar dulu"... ko Gabriel nyaut lalu deka pansut.. "heii heii, sapa ngasuh nuan nyimpan barang aku dia aja, kin anjung kin barang ku nya simpan ba bilik sepiak mua ari kiba".. ko indu nya baru bejako.. mansang Gabriel lalu anjung ya niki ke atas ba bilik sepiak... baru ka nurun ya peda ya entua ya Dato Sri Mikail pansut..

"Eh, nuan tadi Dom, nama gaga nuan diatas ditu dah?"... ko Dato sri Mikail.. "Nganjung barang indu ke sama mua enggau niang ku tadi dady".. ko saut Gabriel.. "Oohh au, bah nurun tua aku bisi utai dikerandau".. ko Dato sri Mikail.. Datai dibaruh sida ya lalu duduk ba bilik temuai.. "Dom Gabriel, meseti nuan saru meda mua ya sebaka enggau niang Endu Serra,nyadi nama ya Selly, ya menyadi sapit Niang Serra ke biak, ya belajar di landon ngambi jurusan doktor"... ko Dato Sri Mikail nerang ke Gabriel..

Gabriel sigi enda nyaut ya tembu merati ke mua Selly.. "Nya nama utai ke dipeda nuan, nama enda kala meda urang indu pia, kati ke aka Serra ka ke nuan nya, meda urang indu pan tebelega"... ko Selly bejako.. "Selly, dady enda ngajar nuan bejako munyi nya, nama hal nuan sumbung enggau ulah nuan baka nya, nama nuan enda ulih nitih ke perangai niang aka nuan mentas serta bebudi bahasa"... ko Dato Sri Mikail merak Selly... Ninga Dady ya merak Selly lalu belanda nuju ke atas ringat udah dianu Dady ya ba mua Gabriel... Gabriel udah nemu jerita ya lalu madah ke diri mupuk mulai kediri..

Ba Rumah Gabriel..

"Laun mat nuan tadi Dom, kini nuan tadi"... ko Linang nanya anak ya Gabriel.. "Ngagai rumah Dady ku tadi apai, sebedau nya aku bisi ngambi siko indu ba Airport di asuh Dady.. Tang sayau mua sebaka enggau Niang tang perangai cukup sumbung, kasal"... ko Gabriel.. "Mali munyi nya Dom, ukai mensia sama ulah, engka ya bedau teleba nuan meh nya"...ko Linang.. Gabriel lalu angkat, mulai kediri tama ke bilik tinduk ya.. Mansang ya ke katil lalu jingkau ya Gambar Niang Serra...

"Syg, nemu nuan, sapit nuan udah pulai, abis mua ya syg baka mua nuan, tegepang ku tadi syg meda mua ya kumbai ku nuan, tang ya enda baka syg manja, ya kasal mat dh jako sumbung, enti ya baka syg berasai tepantup lelenggau aku ke nuan"... ko Gabriel, berandau enggau gambar niang Serra..Gabriel lalu angkat mandi.. udah ke tembu, ya lalu ngalik kediri sambil merap gambar Niang Serra.. nyau tetinduk ya merap gambar Niang Serra....

Ba Rumah pansung...

"Natasha timpuh nuan deka pansut tinggal sebulan da agi, aku arap nuan badu ngaga ulah" ko pegawai balai nya.. "Au au, nadai aku tu mayuh ulah" ko Saut Natasha.. Ya lalu di baie pengawai polis nya ke dalam lokap baru.. Duduk ya ba dalam nya utak ya udah berunding baka ni ya ka ngiga endur Gabriel.. "Aku mesti nemu dini alamat rumah Gabriel, aku ka nemu sapa agi indu begulai enggau Gabriel, Nadai sapa ulih semak enggau Gabriel, enti semak ya sigi mati" ko Natasha...

Ba Rumah Dato Sri...

"Aka, lelenggau aku ke nuan, nama nuan dulu ninggal ke aku, aka, udah ku meda mua laki nuan, sigat patut nuan labuh pengerindu ngagai ya, minta ampun aka laban aku kasal enggau laki nuan" ko Selly bejako kediri dalam bilik Niang bilik Serra. "Bedau tinduk nuan kumang, nama gaga nuan dalam bilik endu" ko Datin sri.. "Nadai mumy, mata enggai tinduk lelenggau ke aka, ngelama tu enti ku pulai, uadah ku dibaie ya tinduk dalam tu, mayuh jerita ya"... ko Selly nyabak lelenggau ke Niang Serra...

Pagi nya tumu Selly dani laban ya deka ngagai pendam Niang Serra.. "mumy, mumy nemu lumur telefon Gabriel, Sellu deka mai ya ngabas pendam Niang aka Serra"... ko Selly nanya mumy ya.. "Bisi la sayau, nyah tu lumur ya"...ko mumy ya nyuak ke telefon... Udah Selly nekan lumur telefon Gabriel ya lalu call.. jam maya nya baru pukul 5.30pagi..Datin Sri Lia sigi urang tumu dani...

Dail Selly lumur Gabriel enda ga nyaut, uji ya baru enda ga nyaut.. "Ishh nama mensia tu sigi enda nemu ngangkat ke Telefon pia, tinduk mati".. ko Selly ringat dail Lumur Gabriel enda disaut.. kepuas ya dail baru Gabriel ngangkat..

Selly📞 Hoiii, nama nuan tinduk mati ka enda nemu ngangkat call urang...

Gabriel📞 Sapa nuan tu, tetiba aja nganu urang, udah ga tumu pagi Call..

Selly📞Aku tu Selly, Nuan ngambi aku legi dalam pukul 8 pagi,,, Laban aku deka ngabas Pendam Niang Aka Serra....

Gabriel📞Enda ulih ka maie urang lain, dady bisi driba kediri, aku bisi meeting legi...

Selly📞 Enti aku deka maie driba dady, kapa ku minta Lumur nuan ba Mumy, legi nuan mesti datai nemu pukul 8 pagi ukai pukul 8 malam, enti nuan laun siap nuan!!!...

Gabriel📞 Au auuu indu gamang, memangah nya, udah gak maksa urang, ngacau tinduk agi....

Selly📞 Gamang ke nu..... tut... tutt... tuttttt...

Bedau abis Selly bejako Telefon udah dipadam ke Gabriel.. "Apu dipadam ya Telefon neh, legi sepi nuan".. ko Selly mutap kediri... Datin Sri Lia ari jauh ngiling pala meda ulah anak ya siko nya,... "Mangah enda nemu kurang" ko Datin Sri Lia..........

Bersambung....