PENGERINDU TUA DITAGANG

Pengerindu tua ditagang 6

PENGERINDU TUA DITAGANG
TUSUN 6
DIKARANG RYANA

BA OPIS

        "Gabriel, tama opis aku dulu".. ko Dato sri... "Apu mati meh ku legi, nama ga dato ngagau ke aku".. ko Gabriel betelai kediri.. "Riel oh riel, anang guai aku ka nitih".. ko Serra. Tama seduai ya seretai palik dato sri  nyau ngiling pala meda ulah Anak ya Serra.. "Serra, nuan pansut dulu  sayau, dady deka berandau enggau Gabriel dulu" ko Dato sri.. ka enggai ya pansut tang dady ya ngasuh terpaksa. "Gabriel, nuan nemu aku ngagau ke nuan kitu" ko Dato sri nanya ya.. "Enda Dato sri, nama aku bisi ngaga salah Dato sri" ko Gabriel kekatat bejako.. Ninga Gabriel kekatat bejako nyau nguing ke tisi Dato sri nya tadi baie senyum, ya nemu siko nya takitut ditanya ya mayuh macam, sekumbang Gabriel ke kereja enggau ya sekali pan Gabriel nadai kala ngaga ulah, nya meh ya Cukup sayau ke Gabriel.

     "Amat nuan udah mutus ati nerima Serra nyadi ke bini, enti mutus ati aku meri nuan cuti dua minggu baie Serra pulai ke menua nuan,, uji ati ya, enti ya ngakal diau dimenua nuan dua minggu tu ya sigi ulih nyadi ke bini nuan, ukai nama amat ku apai Serra tang ku enggai ya enda nemu penatai asal kitai ya teleba idup senang, nyema ya nerima nuan ati ya mesti bersih ya mesti nerima pengidup pendiau kitai iban"..ko Dato sri madah ke Gabriel... "Apu Dato sri, keni aku maie Serra nya, mati ku Dato sri ngema ya niti jalai pulai ke menua" ko Gabriel.. "Nuan ga anang ngema ya, asuh bejalai pama ya enggai tinggal ke nuan, nemu ya nitih dah" ko Dato sri.. "Enti ku ninggal ke Serra tisi jalai bunuh nuan ku ila Dato sri merinsa anak nuan" ko Gabriel.. "Nadai aku deka munuh urang sengapa, ba ku ngasuh nuan maie ya ambik ya nemu asai idup merinsa ukai belama kitai senang idup di dunya bisi maya kitai merinsa".. ko Dato sri... Ninga munyi nya ngalah kediri ga Gabriel..

~~~~~~
Pulai ke menua...

         Setahun udah,baru aku mulai kediri,keni meh penerima atiku pulaibke menua,keni enti aku tepansa ke Natasha ulih enda ati ku nerima semua nya.. "Serra umbas agi tinduk dani, udah datai tua".. ko Gabriel ngerak Serra ke tinduk ba tandan bau Gabriel.. "udah datai tua pia sayau, bakatu rampa menua sarawak neya" ko Serra agi ngepit jari Gabriel.. Pansut seduai ya ari pinti pemansut bilun seduaibya di sambut Ibu ya santi.. "Serra tu ibu aku, Santi nama ya, menyadi apai aku, indai aka Munah" ko Gabriel nerang ke Serra.. "Hai ibu, nama berita, gerai nuan".. ko Serra.. "Hai, manah berita ku semampai gerai".. ko ibu Santi.. Hairan Gabriel meda Serra enda manja begulai enggau ibu ya, macam biasa aja.. mupuk meh sida ya pulai ke rumah ibu Santi sari nya..

       Lemai nya Gabriel enggau aya cina ya ke kedai, tinggal Serra enggau ibu ya aja dirumah,ibu ya berunding deka masak, diak deh Serra madah ya ka masak.. masak meh Serra macam macam utai, nadai ke nadai lauk dipunduk ya.. ibu Gabriel semina merati aja, laban Enda asuh Serra enggau ya didapur.. udah tembu semua masak dinga datai ga aya cina enggau Gabriel datai. Sida ya pan lalu makai.. Sepik aya cina lauk cukup nyamai, ayang nuan masak semua tu ".. ko Aya cina Gabriel.." ukai ayang, tapi menantu nuan ".. ko ibu santi bejako.. Ninga ibu ya madah Serra masak, Beguai guai Gabriel nyingkau semua lauk, semua diasai ke ya magang, tekenyit ya nyepik lauk panduk Serra.." Pandai masak ulih nyadi ke bini, gemok aku tu ila "ko Gabriel nelai diri " Tapi ujian petama lulus ujian kedua pagila "ko Gabriel baru nelai diri.. Udah tembu makai sida ya sama pulai kebilik, Gabriel enggau Serra sebilik laban bilik penuh enggau bilik anak bujang nyadi bilik endur seduai ya bilik Munah laban jarang pulai kosong bilik nya. Tinduk meh seduai ya siko dikatil siko ba lantai...

         Pagi nya tumu Serra dani, bedau dani magang urang ya dulu.. angkat ya alu mandi udah mandi ya lalu manduk asi goreng, mee goreng ngelumai ai kupi.. Nyium utai bau renggut angkat tudah Gabriel nyau lapar asai perut ya.. Laban ke mata agi pejam.. "Emm sedap bau utai dipanduk nuan ibu" ko Gabriel bediri di belakang.. "Bedau dani ibu syg, aku jak udah dah dani, pegi kin alai cuci mua berus gigi mandi dulu legi ngirup" ko Serra sambil tuchum meda ulah Gabriel ke tekenyit.. "Amat enda lama aku sakit jantung meda perubahan ulat mulung tu" ko Gabriel betelai sambil tama baru ngagai bilik lalu mandi..

   Rumah panjai...

      "Ibu ditu aja tua ya sangkai nibuh nganjung kedalam".. ko Gabriel madah ke ibu ya.. nyau hairan siko nya meda ya deka maie Serra bejalai kaki tama kedalam.. ukai enda jauh pama bejalai kaki.. "Mupuk kenduai ya ibu, pama pulai ila ngambi kenduai ya ga" ko Gabriel.. "Syggggg,,, nama tua bejalai kaki tama kin pia".. ko Serra start manja baru.. "Au, bejalai kaki meh, nuan ga sanggup jadi enggau aku, nuan mesti nerima penatai pengidup aku".. ko Gabriel bejako..Bejalai meh seduai nengah jalai, enda lama ngetu bejalai mimit ngetu seduai ya baie Serra.. "Kasih meda mua, ketegal deka jadi enggau aku sanggup, nyau aku ke enda sanggup meda ya pedis" ko Gabriel nelai diri....

      Pemuas seduai ya ke bejalai ngetu tadi, nyau enda berasai peda perabung rumah makin semak gi makin peda..Baka ke di ajih Natasha pansut ke tanju laban deka muat gari, diak ya meda urang ke bejalai kaki baka ayas Gabriel.. makin diperati ya makin semak amat Gabriel.. enda berasai ya tanjun tanjun belanda nurun ke baruh ngagai Gabriel...

       Datai ya ba Gabriel lalu diberap ya enggau sesabak Gabriel tadi.. Gabriel tekenyit pia ke ya irau ke Serra meda. Tang siko nya udah meda nyau melut mata ya.. "RIEL, LAMA NUAN NADAU PULAI, LAMA NUAN NADAI NGUNDANG CUKUP PEMERINSA KU RIEL, TINGGAL KE NUAN BAKA NYA, SETAUN KU MERINSA DIJAMAH LAKI SAMPAI KE AKU GUGUR BELAMA, ENDA SANGGUP KU RIEL LENYAU NUAN" Ko Natasha nyabak sambil merap Gabriel.. Serra ke meda lalu mansang ngagai Gabriel.. "Syg, sapa indu tu merap nuan, nama ya nyabak baka nya".. ko Serra nanya.. "Nuan sapa ngagau ke pangan aku syg, aku tu bakal bini ya tunang ya nemu nuan".. ko Natasha merak Serra.. Ninga  Natasha ke munyi nya Keberai ai mata Serra labuh beg ke dipigai ya tadi.. "Syg amat semua tu, nama nuan enda madah ke aku".. ko Serra nyabak nanya Gabriel... Begadai gadai Gabriel ngelepas ke jari Natasha merap Gabriel.. mansang ya ngagai Serra lalu diberap ya.. "Serra, pertama ku madah ke nuan, amat ya kala nyadi pangan aku, tang tua ya enda jadi ketegal ditagang apai ya, nya alai ku lari ke menua bukai tetemu ke nuan, Amat suba ku nadai ati ke nuan, baie nuan baka matal kin kia nitih ke aku tang diatu aku nerima nuan penuh enggau penyayau".. ko Gabriel bejako.. malik ya ngaga Natasha ya lalu bjako.. "Nuan tasha, ka sapa nuan diatu, aku sigi enda nerima nuan pulai, nikal pulai aku sigi enda laban aku milik indu bukai ke ganti nuan"... ko Gabriel madah ke Natasha..........

Bersambung...