PENGERINDU TUA DITAGANG
TUSUN KEPENUDI
DIKARANG RYANA
Seminggu Selly udah gerai ya pan pansut sepital.. Gabriel nganti ya begari ba luar.. Baru deka pansut Selly Ari ward sepital Gabriel meremi kediri ba kaki Selly... "SELLY SUDI NUAN NERIMA AKU NYADI KE LAKI NUAN" Ko Gabriel nanya Selly.. bala ke meda semua ngansak Selly nerima Gabriel.. "Terima aja dr"... ko bala mayuh... Lama Selly enda bebunyi.. Pemuas ya diansak bala mayuh ya pan nerima.. "Aku nerima nuan Gabriel".. ko Selly... Gaga meh Gabriel meda Selly nerima ya.. Alu diberap ya Selly... "Terima kasih sayau udah nerima aku"... ko Gabriel... Seduai ya pan mupuk mulai kediri...
Ba rumah Kosong..
"Lepas ka aku, pedis aku tulung tulunggg" ko Natasha rerauh... "Nuan minta lepas, nganti cik Selly enggau Tuan Gabriel datai".. ko Bodyguard Dato sri Bejako... "Tulung aku, pedis aku kasih ke aku".. ko Natasha enggau sesabak.. Nya batu ngasai kediri nyesal, ngelamatu peneka ya ka munuh Selly..
Datai Selly enggau Gabriel ba endur rumah nya, seduai ya seretai tama sambil bepigai jari, Natasha ke meda semina bekerai ai mata.. "Riel, mimit pan nuan enda macha ati aku, ketegal pengerindu Tua ditagang Nuan benci meda aku"... ko Natasha nyelai diri.. "Natasha, aku ukai indu sengapa deka medis nuan, amat pan nuan munuh aka aku tang ukai pulai ka dendam aku ngagai nuan, berubah meh badu ngaga ulah baka ke udah" ko Selly bejako ba mua Natasha... "Tasha, ukai aku enggai ke nuan, tang jako niang apai nuan udah kelalu enggau aku, enggau apai indai aku, ketegal ya aku merinsa nyimpan semua pemedis, Pulai nuan badu diau ditu, tu ukai menua nuan, nuan patut ngibun Indai nuan, nuan mesti nerima aku ukai ungkup nuan"...ko Gabriel madah ke Natasha... seduai ya lalu mupuk pulai... Natasha asuh Gabriel anjung pulai ke menua....
~~~~~
Ba menua....
"Umang, nadai telefon ngagai nuan endu Tasha, lama mat ya nadai ngirum berita cukup aku lelenggau ke endu Tasha".. ko indai ya madah ke Umang... "Nadai ibu, lama ya nadai Telefon, Engka ya bisi pengawa meh nya ibu, anang nuan tusah ati ila pulai meh Tasha dah".. ko Umang... puas indai ya betati ke Natasha nadai kala ngirum berita indai ya sakit baie kelalu enda betah Natasha... umang meh ke ngintu indai ya dimenua...
"Ibu, minggu depan start aku belajar baru, nuan mesti ngibun diri, anang enda makai ubat semua, kering ke tubuh nuan ngelaban sakit, Anang irau ke Tasha pulai ya ila dah" ko Umang.. "Lama nuan belajar baru ila dah mang, kemaya nuan datai ngabas aku dah".. ko indai Natasha.. "Maya aku bisi ari ila ku mulai kediri ngabas nuan, janji nuan kering ngelaban semua nya".. ko Umang... lama seduai ya enda bebunyi.. Dinga bisi Urang ngetuk Pintu..Angkat Umang muka pintu peda ya Natasha... "Umang ni indai aku".. ko Natasha nanya Umang... "Din indai nuan, galik dalam din, tama meh nuan"... ko Umang.....
"Indai, udah pulai ku indai"... ko Natasha nyabak merap indai ya ke benung galik ngenat kediri.. Ninga nyawa Natasha Indai ya lalu encelak ke mata.. "Endu tasha lama nuan enda pulai, nama gaga nuan rindang menua urang".. ko Indai ya... "Minta ampun ku indai, udah ningal ke nuan kelalu lama, Minta ampun ku indai ketegal ulah aku, apai nadai".. ko Natasha merap indai ya... Gaga meh indai ya meda Natasha mulai kediri... tengah ari Nya Natasha madah diri ka meli barang dapur laban nyau nadai utai kemisik seduai ya mindai... Mupuk meh ya enggau umang ke pasar tinggal indai dirumah....
Datai dipasar Natasha enggau umang lalu ngelawa supermarket... Benung seduai ya milih barang, Ari jauh cikgu Khairul meda Natasha lalu ngagau ke Natasha... "cikgu Tasha, ingat saya lagi tak, lama tak jumpa cikgu, lepas berhenti mengajar kat sekolah".. ko Cikgu Khairul.. "Mesti lah saya ingat cikgu lagi, ye lah saya dh berhenti memang lama tak jumpa, cikgu masih mengajar kat situ ke".. ko Natasha.. "Dah pindah dah sekarang mengajar dekat tempat lain, ehmm cikgu esok saya datang rumah ciku ye, kita jalan jalan saya ada benda nak cakap".. ko Cikgu khairul madah Ke natasha....cikgu khairul pan lalu mupuk, umang enggau Natasha lalu bebayar seduai ya pan mupuk mulai kediri...
Ba KL...
"Syg indu gamang, keni baju kena tua kawin" ko Gabriel nanya Selly... "Nama nadai manah agi nama ku nya digaga nuan jelu babas".. ko Selly nanya Gabriel... "Nadai arh sigi nama nuan meh gamang girl nya, ba kitai anang mangah".. ko Gabriel nyaut ya baru.. "Nuan ka bebini tauka free nuju batang mandai, enti asai ka bebini anang mayuh ulah, aku ka ja nganjung nuan ke batang mandai, bisi tiket free udah disedia ke aku suba, ka kena ku meri Natasha, tang nyau galau laban enda dikena, enti nuan ka tau meh" Ko selly madah ke Gabriel... "tau ga free nya dah".. ko Gabriel nyaut baru..
3taun udah nya....
"Syg jampat gi ke begari nya tinggal bilun kitai menyanak legi" Ko Gabriel ngagau ke bini ya Selly.. "Sabar, agi ngari Risha tu, nuan nya nama pengawa uji baramg nya anjung ke dalam kereta dulu".. ko selly nganu Gabriel.. "Au au nganjung ya meh tu, nuan nya ke lama".. Ko Gabriel.. "Bah Aram mupuk kitai nya Risha nya berap, anang ka nyadi bujang, udah apai urang nuan nya" ko Selly.. "Pama indu gamang dah nadai enda keketup nganu urang"... ko Gabriel... Mupuk meh sida ya menyanak ngagai airport laban deka pulai ke menua..
Ba Rumah Panjai...
"Umang, nulung ku ka kuar dulu beruban, sida Gabriel menyanak pulai kitu minta ambi, nuan nulung ngadu ke pelamin nya dulu"... ko Natasah madah ke umang sambil nurun ke parking kereta... mupuk meh ya ngagai airport kira ke sejam pejalai...Datai ya ba airport, lalu tama nganti sida tiga nya menyanak.. Ari jauh Ya udah meda Gabriel ngepai.. "Lama nuan nganti tadi tasha".. ko Selly nanya.. "Baru datai amat aku, laun nurun ari rumah tadi laban ke enggau urang ngintu utai dirumah"... "Tahniah tasha, nuan udah bulih penganti aku".. ko Gabriel.. "Ehh badu ingat ke semua nya udah ukai selatan tua meh nya"... ko Natasha... "Sel terima kasih laban nuan ngampun ke penyalah aku, tang aku enggai enda minta ampun ngagai seduai Riel, laban penyayau ku ke nuan aku sanggup munuh Niang Serra, minta ampun ku ngagai seduai"... ko Natasha nyabak merap Selly.. "Mupuk kitai, legi laun datai dirumah, badu ingat ke utai ke udah" ko Gabriel...
"Tasha, sangkai ke aku ba mua jalai tu enggau Selky, tua ya bejalai kaki pulai ke rumah, Risha baie nuan dulu".. ko Gabriel madah ke Natasha..Ninga ke jalai kaki melut mata Selly laban enda kala bejalai kaki.. "Apuuu mati ku dibaie nuan bejalai kaki deh jelu babas, nadai aku tu ka dibaie nuan"... ko Selly.. "Oii indu gamang, nuan mangah enda patut nuan enda nakal bejalai, neh indu matal aku suba nakal baie bejalai kaki".. ko Gabriel nyaut enggau rerising... "Matal enggau gamang enda sebaka nemu nuan".. ko Selly nyaut.. "Kati enda sebaka, seduai sapit, nuan mangah, ya Mentas tang seduai sama mua, dini enda sama, semina perangai seduai enda sama tang laki seduai sama nemu".. ko Gabriel nyaut Selly.. "Suba Dady mesan, semak Serra sanggup bejalai kaki enggau aku, ya sanggup nerima pengurang ba pengidup aku urang merinsa, diatu aku deka nemu nuan sanggup tusah senang enggau aku tauka enda"... ko Gabriel madah ke Selly,... "sapa ngumbai aku enda sanggup, bah aram mupuk tua" Ko Selly... nyau meh seduai ya bejalai kaki nuju ke rumah panjai Gabriel............
Abis....
YOU ARE READING
PENGERINDU TUA DITAGANG
Romance"Pegi ku jauh ukai ketegal aku putus asa tang aku meri awak nuan milih laki dipilih apai indai nuan"... "Kini penungga nuan, aku meruan nganti Nuan Meh lelaki diPILIH ATI".....
