PENGERINDU TUA DITAGANG

PENGERINDU TUA DITAGANG 3

PENGERINDU TUA DITAGANG
TUSUN 3
DIKARANG RYANA

Ba Rumah Gabriel...

       Seminggu udahnya, Gabriel nemu Rickie deka pulai, Ya ngipa Natasha pulai lemai.. Ari jauh ya udah meda kereta Natasha nuju ke rumah panjai, berumban ya masut ke diri.. Natasha ke meda Gabriel bediri ditisi jalai ya lalu belubah lubah sangkai ba mua Gabriel, Pansut ya lalu belanda merap Gabriel...

     "Enda ku betah nuan Riel, enda ku nyangka apai aku sanggup ngaga kita sebilik baka nya, minta ampun ku riel, Baie ku Riel, lari tua ari menua tu cukup ujung minggu tu enti nuan enda maie aku nadai meh nuan meda ku agi, kasih ke aku  Riel"... Ko Natasha nyabak merap Gabriel.. tang Gabriel enda merap ya baru.. Diak Gabriel madah ke Natasha ya deka bekejang ngagai menua bukai ke enda ulih digiga ditemu urang.. "Tasha, ukai ku enggai maie nuan, ukai gak aku lari ke nuan, Tang aku deka maie diri ngagai menua jauh,PEGI AKU UKAI RETI AKU PUTUS ASA, TANG AKU MERI AWAK NUAN MILIH LAKI DI PILIH APAI INDAI NUAN"... ko Gabriel bejako.. "Pulai nuan Tasha badu ingat ke aku agi, ukai takdir tua begulai, Dulu ku meri jako selamat melah pinang, tinggal ke aku Tasha".. ko Gabriel lalu ngelepas ke jari Natasha begadai gadai meliar ai mata..

Ba Bilik Lutan

      "Indai jang, ingat ke lusa anak tua datai, Tua lalu nanya Endu Tasha ke bini jang".. ko Lutan madah ke bini ya.. "Au, barang ke nuan meh Apai Jang, aku pemaie nuan meh, Lemai tu nurun tua Legi ngambi jang ke airport ya datai ngena bilun pukul 8 malam" ko Bini ya.. "Enda ga ku nyangka Tuai ngasuh anak ya jadi enggau anak tua wai, nasib ga ya enda nerima Gabriel nya ke menantu" ko Lutan bejako.. Udah ke tembu nyikap diri seduai bini ya lalu nurun ke airport laban ke deka ngambik Rickie pulai..

Ba Bilik Tuai Rumah..

      "Endu, lemai tu datai Jang Rickie, nuan enda tau enda nanya ke rita ya, Anang nuan berulah baka ke udah anang ngemalu ka tua indai nuan, ninga nuan!!"... ko Tuai Rumah Ligam.. "Nya nama mata nuan nya mirah, nyabak nuan pia, nama utai ke diingat ke nuan ba Gabriel nya, kaya enda kereja menyana enda"..Ko Tuai rumah Ligam baru.. "Apai, enggai ku Jadi enggau Rickie nya apai, merinsa ku ila jadi enggau laki ukai ke deka"...ko Natasha agi madah ke apai ya enggai jadi enggau Rickie..

~~~~~~~~~
Ba Rumah Gabriel..

       Pagi tumu baru dini ari Gabriel ngerak indai apai ya dani.. "indai, apai dani seduai aku deka madah ke seduai".. Ko Gabriel ngerak apai indai ya dani.. "Nama nuan dani nenumu nya anak, lapa nuan".. Ko Linanag nanya Gabriel.. "Apai indai, aku deka belelang ke menua urang, seduai tinggal dulu, udah ku menyana meruan bisi endur gawa ila aku ngambi seduai, Diatu aku dulu pegi, agi aku deka meri pengidup kitai meruan menyana baka urang bukai, ukai nya aja apai indai, aku pegi laban aku deka meri awak Tasha milih Rickie, Awak ke ya badu ingat ke aku, aku badu ingat ke ya".. ko Gabriel madah ke apai enggau indai ya....

        Mupuk meh Gabriel pagi nya nurun bejalai kaki pansut ke simpang, apai enggau indai ya meda anak seduai ya pegi nyau keberai air mata, sinu meda anak seduai ya merinsa ninggal ke menua.. "Alai meh nuan dom, ngiga pengidup ke lebih meruan menyana baka urang bukai, anang nuan irau keduai apai nuan, Nyemak nuan senang dudi ari anang enda ingat ke kenduai apai nuan".. ko Indai Gabriel enggau sesabak meda anak ya ari jauh...

         Datai di simpang, Gabriel lalu ngipa Bas ke tumu pagi, ya lalu deka nuju pasar sibu dulu... Datai ya dipasar ya lalu nuju ibu ya ke diau di pasar sibu nya, laban deka minta anjung ngagai airport... Sangkai ya dirumah ibu ya peda agi bisi kereta ba rumah nya, ya lalu ngagau.. "ibu ohh ibu, bisi nuan dirumah, aku tu dom Gabriel" ko Gabriel ngagau.. Ninga ibu ya baka ke bisi urang ngagau Ya lalu pansut meda Gabriel.. "Apu dom, tumu amat nuan datai, ni apai enggau indai nuan dah enda enggau nuan kitu".. ko ibu ya nya.. ibu ya nya benama santi, ibu ya nya siko aja menyadi Linang ke jadi enggau cina.. Nya meh ke suah meri pemakai duit ngagai sida ya dimenua.. siko nya meh ke nulumg sida ya nyambung karan api semua, laban sigi tak urang pemisi nadai nanggul ya magang semua nya..

          "Enda enggau seduai ya ibu, aku tu deka pinta anjung nuan ngagai airport laban deka ngiga kereja menua urang din, nya alai aku kitu tadi" ko  Gabriel madah ke ibu ya.. Ya pan lalu nusi nama kebuah ya deka belelang menua jauh.. "Apu neh dom, pama ga jako Tuai Rumah Ligam nya neh, nama pemenchi ya bagat enggai meda kitai sebilik, enti ke ketegal aku enggai jadi enggau ya suba ukai kenya cara ya, cukup pama Ligam nya".. ko ibu ya, nehh kenya jerita ya neh, patut ya enggai amat nerima Gabriel nyadi ke menantu ya, laban ibu Gabriel udah kala nulak ya..

Ba Rumah panjai..

      Tuai Rumah Ligam maya nya maie rakyat ya gempuru di tengah ruai ya, laban ke deka madah ke anak ya Natasha deka dipadu jadi enggau Rickie, semua bisi magang semina sida Apai indai Gabriel nadai dikangau ke ya mansang. "Nyadi aku ngagau ke kitak bala banyak, laban aku deka madah ke kitai serumah minggu siti nyin aku deka madah anak aku enggau Jang Rickie deka di padu ka jadi, nyadi aku ngarap ke kitai serumah anang enda pansut datai ngerami seduai ya ke melah pinang.." ko Tuai Rumah Ligam..

    Lutan ke enda jauh ari Tuai Rumah, ya semina lelisum ngiga Tuai Rumah udah madah ke anak seduai ya jadi.. Rickie pan pia gaga asuh jadi enggau Natasha, laban ya sigi ari suba deka ke Natasha, tang Natasha enggai nerima Rickie, laban ke benung bepangan enggau Gabriel.. "Nye nadai ga  Gabriel nya, Enda ga seduai ya jadi enda percuma, Natasha nulak aku suba tu nyau jadi enggau aku .....

Bersambung...