PENGERINDU TUA DITAGANG

Pengerindu tua ditagang 8

PENGERINDU TUA DITAGANG
TUSUN 8
DIKARANG RYANA

Ba Rumah Gabriel

      Tiga ari udah datai dimenua, kaki serra pan udah gerai. Pagi nya tumu Gabriel enggau Apai ya nurun bejalai.. Tinggal Serra enggau indai ya aja dirumah.. Udah Gabriel enggau apai ya nurun, dia indai Gabriel madah diri deka ngagai kebun laban deka ngambi lauk di kebun.. Mupuk meh indai Gabriel tingal meh Serra kediri dirumah.. Ari jauh Natasha meda Serra ke diri diri dirumah. Alu panjai senyum ya mansang ngagai rumah Gabriel.. Serra nadai nemu bisi urang ari belakang...

       Datai Natasha dia, lalu ditarit ya buk Serra, nyau nyerauh tudah ditarit Natasha ba buk.. "Nuan indu kanji, indu sampah indu murah, Nuan nemu Gabriel udah bisi pangan bisi tunang agi nuan ngacau, Nama nadai laki bukai menua nuan din pia"... ko Natasha narit buk enggau ditampar ya.. Serra laban sigi indu mentas manja nadai nemu ya ngelaban, tak nyabak,nyerauh aja ya ngetat kediri.. "Pedis aku pedis anang nyamah aku, tulung aku tulung" ko Serra rerauh madah kediri pedis sambil minta tulung.. "Nuan ka minta tulung sapa, sapa bisi ditu tua aja ditu, urang rumah panjai sigi enda mansang nulung nuan nemu" ko Natasha serta jari kaki ya bulih magang nyamah Serra...

Gabriel enggau apai ya..

      "Apai laju gi tua kaki tua nyinkang,,, tak enda nyamai ati ku.. Kada enda bisi penusah serra tinggal dirumah.Udah gak indai bisi madah diri ke kebun tadi".. ko Gabriel maie apai ya pulai laju gik.. "Dulu ga nuan Dom, aku ka ngiga ruas dulu, legi ka mansuh ikan ke ulih tua tu"..ko Linang madah ke anak ya.. "Au meh apai,dulu aku mulai ke diri enda lantang asai ati ku tu"... ko Gabriel sambil kaki ya nyinkang laju agi..

      Pengudah ya ke nyau ka datai dirumah, Diak ya ninga, baka bisi nyawa urang minta tulung, makin semak agi ya ninga, nya baru ya nemu nya nyawa Serra... Udah ya ninga nyawa Serra, Gabriel lalu belanda nuju ke rumah.. Datai ya dirumah peda ya Natasha benung duduk ba dada Serra numbuk penumbuk.. Natasha laban enda sedar Gabriel ke datai... 

        "NATASHA!!!!!".. Ko Gabriel merak Natasha lalu di juk ke ya,nyau teduduk Natasha dijuk ke Gabriel..Ya lalu narit Serra ke setengah idup.. Natasha pan tekenyit ninga nyawa Gabriel merak ya.. "Uuuuu...ukaiii  aaaa...akuuuu duuuu... duluu Taaa...tadi, yaaa duuu...duluu ngeee....ngepun" ko Natasha tesekat sekat nyaut... "ko Natasha nyaut lalu lari... Gabriel lalu ngangkat ke Serra lalu digalik ya dalam bilik, kedapur ya ngambi ai dalam mangkuk, lap ya mua Serra ke abis biru telih laban Natasha tadi, tubuh Serea diusut ya ubat ngambi enda pedis... Serra laban ke udah luput nadai nemu urang..

Ba Rumah Tuai Rumah 

        "Kini ke nuan tadi endu, ngelama lama nya ke bejegau, pengawa dirumah dileka ke nuan mekang mekang" ko indai ya nanya.. "Ehh kin ku tadi ngagai Umang, nyau tebelengga enda ingat ke diri agi gawa".. ko Natasha ngemula ke Indai ya.. "Nyin intu lauk diberi inik nuan sepiak tadi, anang bangat bakanya enda terintu ke utai"... ko indai ya bejako.. Angkat ya lalu ngintu utai.. sambil ya ke ngitu utai ya betelai kediri.. "Puas ati ku merinsa indu sundal bakana, Gaji ngacau pangan urang, jerak ya"... ko Natasha..

Ba Rumah Gabriel

     Udah ke tembu ngelap Serra indai ya datai... "Ni endu Serra tadi Dom, lalu nadai meda ya ayan ku"... ko Indai Gabriel nanya.. "Dalam bilik ya indai agi luput, udah lap ku tubuh ya tadi"... ko Gabriel nyaut.. "Nai nama utai ngemedis ya manah amat ya ditinggal ke aku tadi, ka baie ku tadi enggai ya enggau ka ngintu bilik ko ya tadi"... ko indai Gabriel tekenyit.. "Nama agi utai nyamah ya indu gila Natasha nya meh, nuan ditu indai ngemata ke Serra, aku ka ke rumah panjai ka ngiga Natasha"...ko Gabriel..

Ba Rumah panjai...

      Datai Gabriel ba tanju, diak sida ya serumah enda tetilap meda Gabriel nuju bilik Tuai Rumah.. Datai ya ba mua pintu bilik Tuai Rumah ya lalu ngetuk pintu.. "Bisi urang ditu, enti bisi aku ka tama"... ko Gabriel.. "Bisi lalu meh" ko indai Natasha.. sekali meda Gabriel tama ke bilik sida ya nyau tekenyit indai Natasha tadi.. "Nama pejalai nuan Dom kitu" ko Indai Natasha... "Ni Aya, aku deka berandau enggau ya" ko Gabriel.. "Di dapur ya tadi ngasah duku" ko  indai Natasha nyaut ya lalu mansang ke dapur.. Natasha benung kisuk kisuk mela lauk. "wai oh wai ngetu dulu nuan, nyin bisi Dom Gabriel ba bilik besai din".. ko Bini ya madah ke Tuai Rumah Ligam.. Ninga ke Gabriel bisi dibilik besai Alu beruban Natasha mansang seretai enggau apai indai ya, Enda ya ingat diri ke udah nyamah Serra tadi...

      "Riel, bisi nuan kitu, nama ambi nuan kitu, nanya aku pia" ko Natasha bejako enggau Gabriel.. Mata Gabriel ke meda ya ngusuk ngusuk ke tubuh ya ba belakang Gabriel nyau mirah baka ke ka nelan urang.. Sigi enda nganti lama Gabriel lalu Bejako.. "Aya ibu, ukai ku ka jaie enggau kitak tang Tasha udah kelalu, nya tadi din ya tinggal kami sebilik bejalai tinggal Serra aja dirumah, Dijamah ya setengah mati anak urang, diatu aku enggai enda madah legi bisi polis ngambi Tasha kitu laban Apai indai Serra telefon balai polis ngasuh nangkap Tasha".. ko Gabriel madah ke sida ya.. "Nadai aku, ukai aku nya, sengapa nuan nuduh aku, din ku tadi ba umang din aku" ko Natasha ngering diri... "Amat Dom, salah sangka nuan, din Endu Tasha tadi ba setak din ya begulai Enggau Umang".. ko indai ya nyaut laban ketemu ya Natasha ba bilik Umang... "Au enti kenya kangau ke Umang, tanya Umang bisi ke enda ya mansang ke bilik umang" ko Gabriel.. "Nuan Dom, anang kelalu nuduh anak aku, enggai nuan ke ya anang peneka ati nuan nyangka anak aku, ni bukti nuan" ko Tuai Rumah Ligam merak  Gabriel.. "Nya ku ngasuh ngagau ke Umang"... ko Gabriel nyaut Tuai Rumah Ligam ke bejako tadi.. angkat meh tudah indai Natasha tadi ya lalu ngagau ke Umang.. Mansang Umang lalu duduk sepiak Gabriel.. "Umang, amat ba nuan, endu tadi"... ko Gabriel.. tekenyit Umang ninga Gabriel nanya ke Natasha bisi ngagai ya.. ketemu ya seduai ya enda bekaban, Kati kati tau nyual nama urang.. "Nadai ya ngagai aku ke setak kin dah, agi tua ya sigi enda bekaban ari kelia".. ko Umang nyaut... "bula nuan nya Umang, bisi aku ngagai nuan tadi".. ko Natasha... "Agi ka bula nuan".. ko Gabriel.. "Amat nadai ku tadi".. ko Natasha.. "Nyah buka tu, peda mua sapa nya, anang nuan ngumbai ukai nuan legi, tu bukti nuan amat nyamah Serra, anang perasa nuan meda rumah aku baka nya, bisi kamera dalam umah nya" ko Gabriel... Peda Tuai Rumah amat Natasha benung duduk ba dada Serra.....

Bersambung...