PENGERINDU TUA DITAGANG

PEMGERINDU TUA DITAGANG 4

PENGERINDU TUA DITAGANG
TUSUN 4
DIKARANG RYANA

Ba Rumah Gabriel..

      "Wai, bisi ninga nuan demalam, Tuai Rumah baum deka ngerami endu Tasha, kasih anak tua wai".. ko indai Gabriel, sambil murus ai mata ke nerutu.. "Ninga ku demalam wai, ukai tua enda nemu baka nie urang enggau tu".. ko  linang nyaut bini ya.. "Kati enda gaya dom tua wai, Kada udah tetemu ke ibu ya demlam, irau ati ku".. ko bini ya baru.. "Nemu dom tua ngatur pengidup diri ila dah wai, anang bangat betati ke semua nya".. ko Linang baru.. Bedau lama seduai ya keberandau dinga nya Natasha ngagau enggau sesabak..

      "Riel ni nuan bujang keling ati, buka pintu tu riel, aku tu Tahsa, buka pintu Riel".. ko Natasha madam pintu sambil ya nyabak rerauh ngagau..Ninga bisi nyawa Natasha ke ngagau beguai ga indai Gabriel angkat muka pintu.. "Nai nuan tadi endu, nama ga nuan kitu, legi pedis nuan anak dijamah apai nuan".. ko indai Gabriel.. "Ni Riel ibu, nama ku nadai meda ya".. ko Natasha agi sesedan nanya ke Gabriel.. "Nadai dom endu, udah bekejang ya pagi kemarik, enda ku nemu kini penungga ya".. ko indai Natasha.. Ari jauh Tuai Rumah Ligam mansang deka ngambi Natasha pulai..
   
       "Endu, pulai agi nuan, pama nuan enda pulai nuan ku jamah legi, enti nuan enggai meda rumah sida ya nya nyadi abu tau meh nuan kitu" ko Tuai Rumah Ligam merak nganu Natasha.. Ninga Tuai Rumah deka nunu rumah seduai ya Angkat Apai Gabriel tadi lalu bejako.. "ENGGAI KE NUAN ENDA NEMU TUAI, NYADI AKU DEKA MADAH, UKAI ANAK AKU AGI NGIGA ANAK NUAN TUAI, ANAK NUAN, DIATU ANAK AKU UDAH NADAI DITU, ENGGAI NYADI AKU ENDA BEJAKO, KITAI BISI ADAT TUAI, UKAI PENEKA NYEBUT, AMAT NUAN TUAI RUMAH ANANG NUAN ENDA INGAT RUMAH KE ENDUR NUAN NGENTAK DITU TANAH AKU TUAI, LABAN AKU ENGGAI BELAYA ENGGAU NUAN NYA ALAI AKU NGENTAK KEDIRI RUMAH ENDA BESAUM ENGGAU KITA DIRUMAH PANJAI, ENTI ASAI NUAN TUAI, AGI DEKA NYADI TUAI BA RUMAH PANJAI TU BEBASA NUAN KE AKU, PAMA AKU NYAU BISI LITAN KE ENDA MANAH NUAN ENGGAU RAKYAT NUAN KU BURU ARI TU, GERAN TANAH DITU AGI MERUAN DIIBUN MENYADI AKU SANTI".. Ko Linang ngelaban.. Ninga ke munyi nya surut Tuai Rumah Ligam laban ya ngasai kediri berumah ditanah sida Linang sebilik, ketagal nya meh ulah ya enda ulih muru Sida Linang sebilik laban Tanah nya meruan nama Linang tang Geran enda ulih pinta ya laban ke ba Menyadi Linang ke Nama SANTI.

Ba ibu Gabriel..
  
      Tumu sida ibu aya cina Gabriel beranjung ke Gabriel ngagai airport laban Gabriel ke deka gawa menua bukai, datai din ila ya disambut anak ibu ya ke nama Munah, Munah udah belaki tang nitih ke laki ya gawa dimenua urang. Nya meh Gabriel asuh nitih ke Munah kereja dimenua urang.. "Dom, tu duit belanja nuan, jimat ke ba menua urang nemu, udah nganti nuan aka nuan Munah ba airport"...ko ibu ya madah ke Gabriel serta ya nuak ke sampul surat.. "Au meh ibu anang irau, nemu ku nyaga diri dah".. ko Gabriel..

       Nyau ka semak jam Gabriel mupuk dia ya nyabi ibu enggau aya cina ya laban ke deka mupuk.. "Ibu mupuk aku, nyema aku meruan pagila lusa aku datai pulai ngundang kitak.." Au meh anak, kering ke ati nuan ninga, nyadi kenduai aya nuan kada  pulai ngagai rumah panjai legi.. sepanjai jalai nya, Santi enda nyamai ati, baka ke bisi utai ngacau runding ya.. nyau datai duai ya ba rumah Linang peda ya mayuh urang betunggung ba tengah laman menyadi ya..

     "BAKA TU ULAH NUAN KE NYADI TUAI RUMAH Ah LIGAM, BAKATU NUAN KE NYADI TUAI PIA, ULAH NUAN TU NADAI NGASUH AKU TAKUT KE NUAN, ENTI ASAI NUAN ENGGAI DIBURU AKU TAU NUAN PULAI KE RUMAH, ANANG SEKALI NUAN NEGU NYETIK MADI AKU" Ko Santi bejako.. Ninga ke jako munyi nya pulai meh Tuai Rumah Ligam ngirit Natasha pulai.. Datai dirumah dijamah ya meh Natasha tadi laban meri mua malu ngagai ya...

Ba Rumah Tuai Rumah..

         "Anak meri malu nuan tu, cukup nadai ajar peneka nuan aja ke ngatur pengidup!!!".. ko Tuai Rumah Ligam bejako.. "Tu nadai ulih anti agi, nibuh mayuh macam, pagila seduai Jang jadi lebih ari nya nuan mayuh ulah legi".. ko Tuai Rumah Ligam baru nandu jako ya.. Ninga ke munyi nya nyau nyabak baru... Selemai lemai nya meh Natasha ke nyabak ngenang diri, ngenang Gabriel ke ninggal ke ya.. "KINI PENUNGA NUAN, AKU MERUAN NGANTI, NUAN MEH LELEKI DIPILIH ATI".. Ko Natasha betelai sambil ya nyabak nyau tetinduk..

Ba Gabriel...

     "Ni aka Munah, lalu nadai dipeda aku, duduk ditu dulu meh nganti ya ke datai".. ko Gabriel bejako kediri.. Duduk ya dedugau seraya ke nganti Munah.. Diak ya ninga baka ke bisi urang negu.. "Dom lama nuan udah datai tadi, minta ampun dom laun ngambi, ninga parking dulu tadi, bah mupuk tua" ko Munah nanya lalu maie Gabriel..  "Dom, dini nuan deka ngiga kereja, enti nuan ka gawa dikilang tau meh Dom, bisi kosong ba semak rumah aka.." ko munah nanya.. "Dini dini tau meh aka, asal bisi anak belanja dikirum ke apai enggau indai dimenua"... ko Gabriel..

      "Ditu bilik nuan dom, belelak dulu meh, bisi nama nama nuan ngiga aka legi au".. Ko Munah... "Au meh aka" ko Gabriel sambil ke gali.. Pemuas ya gali angkat ga ya ngadu ke barang labuh gambar Natasha. Jingkau ya gambar nya.. "Tasha engka ukai  jalai tua ke begulai, enti semak nuan udah belaki, padam ke nama aku, badu meh ingat ke aku, sayau pan aku ke nuan nadai meh aku daya, udah atur tua baka tu" ko Gabriel... Angkat ya lalu nurun ke baruh ngiga Munah.. "Aka, bisi kunci pintu belakang, aku deka nunu semua gambar tu" ko Gabriel... "Bisi Dom, nyin dikait ke aka ba pintu belakang" ko munah....

Ba Rumah Tuai Rumah..

        Rami meh urang dirumah panjai, ninga aja meh tudah apai indai Gabriel.. Jadi meh Natasha enggau Rickie... "Nuan endu, udah bisi laki anang ngingat ke laki bukai" ko Tuai rumah Ligam.. semalam nya meh sida ya rami, semalam nya ga Natasha nyabak ngenang nasib diri.. "Riel, dini meh nuan, sanggup nuan ninggal ke aku......

Bersambung