PENGERINDU TUA DITAGANG

Pengerindu tua ditagang 1

PENGERINDU TUA DITAGANG
TUSUN 1
DIKARANG RYANA

        Lemai nya duduk Gabriel ba mua pintu dedugau kediri ngemata ke indai ya nyapu tengah laman, sambil ya ngerunding pengidup diri enda sebaka enggau urang lain.. Gabriel semina siko aja diri menyadi, ya begulai enggau apai indai bak langkau kediri ujung tanju rumah panjai... Laban ke pengidup enda sebaka enggau urang suah sida ya sebilik di kelaung ke sida serumah... Nyadi Gabriel bisi pangan nama Natasha, Natasha tu anak tuai rumah sida ya.. Seduai ya bepangan udah ambis sekula suba, diatu natasha nyadi pengajar enda jauh ari menua sida, Tiap ari lima baru natasha mulai kediri ke rumah panjai... Gabriel sima bekuli enggau cina ba kedai simpang jalai..

         Ari siti Natasha bisi pulai ya deka maie Gabriel betemu, ya ka mai Gabriel bejalai ke pasar.. Laban ke udah gaji ya deka mai Gabriel meli barang serta meri sida Gabriel sebilik barang dapur mimit.. Datai Natasha diri rumah panjai ya lalu nuju ke rumah Gabriel dulu laban deka madah maie siko nya bejalai..

Rumah Gabriel..

       "Riel, bisi nuan dia, ku tu Tasha".. ko Natahsa ngagau ke Gabriel ".. Ninga baka ke bisi urang ngagau Angkat tudah indai Gabriel nyenguk ke mua pintu.." Nai nuan tadi endu tasha, baru datai nuan tadi, lalu meh tama kitu, benung mandi dom td ".. ko indai Gabriel.." Au ibu aku meh tu, baru datai ku, pagila cuti "..ko Natasha madah ke indai Gabriel.. Lama diri Natasha berandau enggau indai Gabriel peda pansut ari bilik dapur pulai mandi.." Eh nuan tadi sha, baru datai pia, anang guai nganti udah begari ku pansut, nganti enda lama nuan "..ko Gabriel..

.........
Bilik Tuai Rumah...

     "Tuai ohh Tuai, ni nuan, bisi dibilik nuan tuai".. ko Apai Rickie.. "Tu aku di dapur lalu meh kitu".. ko Tuai Rumah nyaut Apai Rickie nya tadi.. "Ya nama nuan nyau gesah gesah unggal, baka ke bisi meda antu nuan nya".. ko Tuai Rumah nanya ya baru.. Nyadi nama Tuai rumah nya limba, Limba tu cukup pama, mangah nadai sapa berani ingkar jako ya, pama ingkar sigi diburu ya sekali. Apai rickie tu mandau ya takah 3 pintu ari bilik Tuai Rumah, Nama Apai Rickie ya nya Lutan.. Lutan bisi siko anak benama Rickie, Rickie tu jarang pulai ke menua laban ke kereja ke tasik.. 3bulan sekali baru ya mulai kediri...

      " Ehh ka madah ke nuan Tuai, Tadi aku pulai ari kebun meda Endu tasha sangkai ba rumah sida Gabriel, mayuh utai dibaie ya niki ke rumah sida nya tadi".. ko Apai Rickie.. Ninga ke munyi nya nyau begenggam jari meh Tuai Rumah tu tadi laban ya ke enggai meda Natasha suah sangkai bebeli ke utai ke sida nya sebilik, Apai rickie tu nang semampai ngehasut Utak Tuai Rumah ambi ke enggai meda sida nya sebilik.. "Amat pama Endu nya nadai mending ke jako, udah berapa kali madah enda ninga"... ko Tuai Rumah bejako.. Ninga Tuai munyi nya lelinsum Apai Rickie tadi laban ya enggai meda Natasha jadi enggau Gabriel, laban deka dipadu ke ya enggau Rickie..

Ba rumah Gabriel..

        "Tu barang beli aku tadi ibu,barang dapur nangi kita ke suntuk, nya ku meli tadi".. "Eh endu nadai nya ngawa, Dom bisi meli enti ya terima, aya nuan bisi ga meli barang ke siti dua pama nadai duit ulih ya nginti ngelama tu".. ko indai Gabriel.. Udah ke tembu begari pansut Gabriel ari bilik ya lalu mansang ngagai indai ya enggau Natasha.. "Minta ampun sha lama nganti".. ko Gabriel,.. "Au nadai ngawa ga, nganjung barang dapur ke beli ku ke kita tadi, lalu deka madah pagila ku bisi ngalu ke pasar aku ka maie nuan kira ke pukul 8 pagi baka nya, tu mupuk dulu aku enggai ke Apai meda".. ko Natasha lalu angkat mulai kediri..

      "Cukup manah ga endu tasha nya, nadai nemu keji enggau sumbung, budi bansa ya manah, enti ku bulih menantu baka endu tasha cukup peh pengaga aku".. ko indai Gabriel bejako enggau Gabriel.. "Ish nuan indai, kada urang nerima kitai ke merinsa baka tu dah, indah kitai semampai dikelaung ke urang semua utai".. ko Gabriel alu angkat nganti apai ya ke pulai ngabas pukat enggau ginti.. "Lama ga apai tu bedau pulai nyau silau ari bedau ga ya datai".. ko Gabriel bejako kediri.. Enda lama ari jauh apai ya dipeda cukuk cukuk pejalai baie perengka ya..

Ba Bilik Tuai Rumah..

      Datai natasha di mua pintu baru ka tama ya kebilik semetap kuyu Natasha ditampar apai ya.. "Nama penyalah aku apai, nama nuan nyamah aku baka tu" ko Natasha enggau sesabak nanya apai ya, indai Natasha berumban belanda ngenat ke Natasha enggai ke dijamah laki ya baru... "Tentu nuan nemu nama kebuah, aku udah madah aku enggai meda nuan mansang kediri ke rumah sida Gabriel nya, nuan kelalu nadai mending ke jako"... ko Tuai Rumah limba bejako..
"Ya salah aku pia, nyema aku kia dah apa, bisi pementi pemali kitai ngagai begulai enggau sida".. ko Natasha agi nyaut apai ya..Bendar meh sida ya belaya malam nya, Ketegal Apai rickie nya tadi ka udah ngahasut utak Tuai rumah...

        Pagi tumu Natasha begari, udah tembu semua ya lalu pansut ngagai kereta nuju Rumah Gabriel, nadai ya madah kini kini ngagai apai enggau indai ya.. Datai ya ba rumah Gabriel lalu di hon ke ya meh kereta, Pansut Gabriel lalu ngelawa kereta Natasha duduk sepiak kiba deriba... Mupuk meh seduai ya, datai ba pasar mayuh macam utai dibeli Natasha.. udah nya seduai ya bebayar.. udah ke tembu Natasha lalu maie Gabriel ngagai kedai makai..

        Seraya ke nganti seduai ya berandau mayuh macam jerita, pasal sekula endur Natasha ngajar, pia meda Gabriel.. enda lama udah nya datai pesan seduai ya lalu makai... Tembu ke makai, dia Gabriel lalu madah ke Natasha, Gabriel maie jadi.. " Natasha Limba 4Taun tua udah bepangan, diatu aku ngamat ke jako aku deka ngmbik nuan nyadi ke bini, enti nuan setuju ujung bulan ku maie apai enggau indai ku nanya ke nuan"... ko Gabriel.. Ninga Gabriel ke munyi nya, nama agi gaga meh Natasha tadi ninga Gabriel ke ka maie ya jadi, "Aku setuju........

Bersambung😘