PENGERINDU TUA DITAGANG

Pengerindu tua ditagang 5

PENGERINDU TUA DITAGANG
TUSUN 5
DIKARANG RYANA

Ba Rumah RickiE
 
        Setaun Natasha udah jadi enggau Rickie, setaun nya meh Natasha merinsa nadai tau salah mimit lalu dijamah.. "Nuan anang bejegau legi, pulai ngajar lalu pulai anang peneka nuan aja ke bejegau, Nya gari rumah tu anang enda nemu ngintu nadai urang digaji nuan nulung tu aku ka bejalai nibuh nganti malam baru aku pulai" Ko Rickie merak Natasha.. "Riel, dini nuan Riel, setaun udah nuan ngejang belelang nadai kala ke menua, merinsa ku sayau dijamah belama" ko Natasha nyabak ingat ke Gabriel.. Nurun Natasha gawa semua utai udah diberesi ke ya.. Baka nya belama meh pengidup Natasha sekumbang ke jadi enggau Natasha, sebulan aja Rickie ke manah enggau ya mentas..

      Datai Natasha ba sekula alai ya ngajar bisi siko cikgu melayu ari semenanjung nanya Natasha.. "Selamat pagi cikgu, cikgu boleh saya tau kenapa muka tangan awak lebam,cikgu kena pukul ke"..ko cikgu nya..nyadi nama cikgu nya Shafiqah nang bekaban rapat enggau Natasha ba sekula nya..nyau setaun ya meda Natasha baka ke takut serta tubuh ya biru magang.. "Tak ada apa cikgu lebam sikit je jatuh diri tangga semalam"...ko Natasha nyaut,.ninga ke munyi nya enda gak Cikgu shafiqah nya nanya mayuh...Tengah ari cukup jam pulai ngajar Natasha berunding deka meli barang dapur semua nyau abi,ngarap ke Rickie meli,ngambi ke lepi...

     Datai ya ba supermarket alai ya deka meli kereban dapur. Ya lalu tama, ari jauh Rickie bisi merati ke ya laban ke benung ngirup ba kedai kopi enggau bala bakih.. udah ke tembu bebayar ke barang dapur Natasha lalu deka mupuk.. enda mukai mukai kasut ke kena Natasha nya patah laban masuk dalam lubang mit, nyau tejepik tudah deka labuh.. nasib bisi siko laki nulung migai Natasha ke labuh.. "terima kasih".. ko Natasha lalu mupuk beguai guai tama kereta lalu pulai ke rumah.. Rickie ke meda nya lalu angkat mulai kediri...

     datai dirumah susun ya meh barang dapur, benung ke kekisuk ya nusun barang dia deh Rickie reradak ngagau ke Natasha.. nadai ngampun nadai nanya lalu dijamah nya penapat abis mua abis kaki jari serta tubuh Natasha dijamah dipalu ditendang ya.. "Upah nuan kelalu kanji ngaga diri labuh mua urang laki, puihh" ko Rickie bejako lalu ngeludah Natasha.. udah ke nyamah ya lalu pansut baru.. Natasha laban ke udah balat pedis dia ya berunding deka mulai kediri ke rumah panjai idup begulai enggau rickie udah enda tan.. mupuk meh ya mulai kediri....

Ba Rumah Panjai Tuai Rumah..

      Datai Natasha dirumah panjai, nyau giuk giuk pejelai ya laban udah cukup pedis empai datai dimua pintu sida ya, Diak ya tegalik luput, begau sida ya serumah meda Natasha luput mua abis kembai, kaki jari nibuh kira nyau madai.. Ninga urang ke begau dirumah pansut Tuai Rumah, peda ya anak ya Natasha benung dikemegau ke urang..Abis ati ya meda anak ya kenya..Ngeleda tudah Natasha tadi dia Tuai Rumah lalu nanya semua nya..
       
        "Nama ulah tubuh nuan baka ke dijamah endu, sapa lintan ti bangat nyamah nuan bakatu".. Ko Tuai Rumah Ligam... "Puas ati nuan apai puas, tu utai ke deka dipinta nuan suba, ngasuh aku jadi enggau Rickie, enti ku enda mulai kediri mati ku apai mati ku dijamah belama setaun apai setaun ku baka buah bol disipak kiba sipak kanan" ko Natasha bejako enggau sesabak, indai ya nibuh kira sigi ari tadi nyabak meda tubuh Natasha kin kia biru.. Ninga ke Natasha nusi baka pansut Tuai Rumah lalu ngelawa Lutan bebaie ke dulu.. Datai ya dibilik Lutan lalu bejako ya.. "Ohh Lutan anak nuan asuh pulai diatu aku deka maie kitai betugung, anak nuan udah nyamah anak aku" ko tuai  rumah.....

        
      Malam nya ga Rickie pulai, ninga apai ya mesan mesti pulai, ya tadi deka ninga Natasha, laban nadai dirumah maya ya pulai, baru ka nyingkang telefon ya bebunyi.. Datai ya dirumah panjai peda ya kereta Natasha udah parking ba tengah laman, kesal anak ati ya laban ya nemu urang udah nemu ulah ya.. ka enggai niki urang sigi udah nganti, ya lalu nunduk ke diri ba mua bala mayuh tisi apai ya.. "Nuan jang, enda ku nyangka nuan ngemedis ke anak aku baka uduk, diatu aku ngukum nuan, lalu nuan mesti sarak enggau anak aku, nyesal bemenantu ku anti aku".. ko Tuai Rumah Ligam.. udah ke putus berandau sarak meh Rickie enggau Natasha...
~~~~~~~~~
Ba Melaya...

      Setahun Gabriel di menua urang ya pan bulih kereja menyana... Ari ketagal ya nulung siko indu biak kena tigang penusah.. Ya kereja enggau apai indu nya ba syarikat  apai indu nya bepangat dato ti kaya senang lantang, adat basa cukup manah.. Nyadi nama anak Laki nya  Serra.. Serra bisi ati ngagai Gabriel tang Gabriel baka ke enda ibuh ke ya, kin kia Serra nitih ke Gabriel enda ga siko nya nanya ya.. "Serra, tama opis dady dulu".. ko Bos Gabriel ke bermana Dato sri Mikail.. "Okey dady Serra tama".. ko Serra.. "Serra, dady pulai tumu nyadi nuan enggau Gabriel nyaga opis okey tang nuan ngacau Gabriel kasih ya gawa laban Nuan".. ko Dato Sri Mikail.. mupuk meh Dato Sri Mikail tadi Serra lalu tama opis Gabriel..

      "Riel, dady mesan dady tumu pulai nyadi dady ngasuh aku enggau nuan ditu, dah nya dady mesan tua asuh ya jadi bulan siti nyin ila ninga anang nulak faham nuan enti nuan enggai asuh dady badu kereja, apai indai nuan baie pulai kitu ila diau enggau tua, enda seduai ya kin kia"... ko Serra bejako lain utai ko dady ya lain utai dipesan ya tusah nuan Serra enda tau endur mesan utai... Ninga ke munyi nya lama Gabriel enda memunyi nyau tegenung ya.. "Apuu, merinsa laban anak Bos tu, keni ka nulak jadi enti bos udah mesan, ditulak aku dibuai kereja, diterima keni ati ku nerima Serra nya, penyayau aku agi meruan ke Natasha".. ko Gabriel...

         "Au meh aku nerima, enda aku nulak dah, cukup bulan aku datai nanya nuan, padah ke Dato sri".. ko Gabriel. "Okey, legi pulai datai dirumah aku madah"... ko Serra nyaut Gabriel sambil mulut ya senyum.. "Yes, Gabriel nerima, uji ari suba ngasuh ya baka kan senang, pama meh jadi enggau laki sigat".. ko Serra betelai dalam ati.. Pulai meh sida ya laban ke udah cukup  jam.. Datai dirumah Serra lalu nyerauh ngagau ke dady ya.. "Daddy mumy, Gabriel madah ujung bulan ya datai kitu deka nanya aku" ko Serra gaga... dady ya nemu ulah anak selalu nundi Gabriel.. "Amat nuan anak, anak udu nundi Gabriel nuan".. ko Dato sri... "Amat lah nadai kami nipu" ko Serra..

Ba rumah aka Munah..

        "Serra Serra keni meh aku tau nerima nuan ke bini, udah perangai manja amat idup meh ku tu ila jadi enggau nuan" ko Gabriel tegenung nungga tv.. Meda Munah pengawa Gabriel ke tegenung ya lalu nanya "Dom, nama aka meda nuan ari tadi tegenung, bisi utai ngacau runding nuan pia" ko Munah.. "Bisi aka, aku diasuh Dato sri jadi enggau anak ya ujung bulan tu, tang keni aku jadi enggau Serra nya kelalu manja, kini kini aku sigi enda lengka, sakit jantung ku enti ngebuan bini kenya aka" ko Gabriel madah ke Munah.. "Nai manah nya Dom, asal ya nerima pengidup kitai nerima sapa kitai asal kitai udah manah, nerima apai enggau indai kitai" ko Munah madah ke Gabriel.. "Nadai ga ya mayuh jako aka, ya ngasuh apai enggau indai baie kitu diau ditu ko ya, minggu depan nyangka pulai ke menua aku aka, nguji maie Serra.....

Bersambung...