Unicode
"ရိပေါ် ဒါယူသွားလိုက် ကောဖုန်းဆက်မယ်"
ရှောင်းကျန့်သူ့ဖုန်းကို ရိပေါ်နဲ့ပေးလိုက်ပြီး သူကတော့ ဖုန်းအသစ်ဝယ်ရမည်။
"ကောကို ဖက်ပါဦး "
လှစ်ခနဲပြေးဖက်လာတဲ့ ကိုယ်သေးသေးကိုဖျစ်ညှစ်ပစ်ပြီး ဂုတ်သားလေးကိုနမ်းလိုက်သည်။
"သား ညနေကျပြန်လာမှာ...စောင့်နေနော် ကော "
ရာကွန်းအသွင်ပြောင်းလိုက်ပြီးပြေးထွက်သွားတဲ့ ရိပေါ်ကိုတစ်ဆုံးကြည့်ပြီးသည့်နောက် ကားလေးမောင်းကာထွက်လာခဲ့တော့သည်။
ရုံးရောက်တာနဲ့ အလုပ်တွေကရှောင်းကျန့်ကိုတန်းစီစောင့်နေကြတာ....အိမ်ပြန်သွားတဲ့ လုံးလုံးကိုတောင် သတိမရနိုင်အား...
🔹🔹🔹
"မေမေ...."
မီးဖိုခန်းထဲကနေ ရယ်မောနေကြတဲ့ အသံတွေကိုရိပေါ်ကြားနေရသည်။ဖေဖေ့အကြိုက်ဆုံး အာလူးစွပ်ပြုတ်ဟင်းချိုကို ပြုတ်ပေးနေတာဖြစ်ရင်ဖြစ်လောက်မယ်။
ဒါမှမဟုတ် ဖက်ထုပ်ကြော်လဲဖြစ်နိုင်လောက်သည်။
အေပရွန်ဝတ်ပြီးရယ်မောနေတဲ့ ဖေဖေ့ပုံစံက သူ့နှလုံးအိမ်ထိပါပျော်ရွှင်စေတယ်။ဒီထက်စောစောပြန်ခဲ့သင့်တာ မေမေရယ်.....
အားဖြည့်နွားနို့မှုန်ဗူးတွေကို ခုံပေါ်ချထားလိုက်ပြီး ဧည့်ခန်းထဲပဲထိုင်နေရင်ကောင်းမလား...ဖေဖေတို့ဆီပဲဝင်သွားရင်ကောင်းမလား ဝေခွဲမရဖြစ်နေသည်။
"သား လာတယ်...မေမေ.."
မီးဖိုခန်းထဲကမေမေက လက်ကိုဆန့်တန်းပေးတယ်။ရိပေါ် ပြေးဖက်မိတာပဲ...မေမေ့ရင်ခွင်ကနွေးထွေးလိုက်တာ...ဖေဖေကပါ သူတို့နှစ်ယောက်ကို ပိုက်ထွေးလို့....
"စွပ်ပြုတ်လုပ်ထားတယ် သားလဲကြိုက်တယ်ဆို...."
"ဟုတ် ကြိုက်တယ်..."
မိသားစု၃ယောက်ရဲ့ ပထမဆုံးထမင်းစားဝိုင်းသည် မေမေ့စကားသံတွေနဲ့ဖေဖေရယ်မောသံတွေ ရောယှက်လို့....
"သားငယ်လေးက ဘာပုံစံပြောင်းနိုင်လဲ..."
ရိပေါ် နားရွက်နဲ့အမြီးကိုထုတ်ပြလိုက်တယ်။မေမေက သဘောတကျကြည့်ပြီး အနားကိုလာထိုင်ခိုင်းတယ်။ အမြီးလေးကိုတဖွဖွပွတ်ပေးနေတာမို့ ယားချင်သလိုလိုတောင်ဖြစ်သွားရတယ်။
YOU ARE READING
My Racoon !
Fanfictionနူးနူးညံ့ညံ့အချစ်ဇာတ်လမ်းလေးတစ်ပုဒ် ဖတ်ကြည့်ကြမလား ? Wang Yibo x Xiao Zhan
