My Racoon !

8

Unicode

"ဘယ်လို !!! "

ကုမ္ပဏီအပုပ်သတင်းကိုဖွတဲ့တရားခံကို ဖမ်းမိပြီဟု ဖုန်းဝင်လာတာ..နောက် ခိုင်းစေခံရတဲ့သူက ဦးလေးနာမည်ကိုပါ ထုတ်ပြောလာပြီး သက်သေတွေချပြလာသည်။

ရှယ်ယာရှင်အစည်းအဝေးကို ထပ်ကျင်းပပြီး ဦးလေးနဲ့ထောက်ခံသူအချိူ့ကို ထုတ်ပယ်ပစ်လိုက်နိုင်တော့သည်။

ရှောင်းကျန့်လဲ ကုမ္ပဏီအုပ်ချုပ်ခွင့်ကိုပြန်ရသွားတာမို့ ဖေဖေတို့အတွက်တာဝန်ကျေနိုင်ပြီလို့သာ တွေးထားတော့တယ်။

"လုံးရေ ကောတို့မုန့်သွားစားကြမယ်..."

ကားကိုခြံထဲတောင်မသွင်းပဲ အိမ်ထဲပြေးဝင်လာပြီးရိပေါ်ကိုအော်ခေါ်နေလိုက်သည်။တော်တော်ကြာတဲ့အထိထွက်မလာတာမို့ လှည့်ပတ်ရှာရင်း အိပ်ခန်းထဲရောက်တော့မှ အပေါ်ပိုင်းဗလာနဲ့ အိပ်ပျော်နေတဲ့ ကလေးကိုတွေ့တော့တယ်။

"ရိပေါ်လေး "

အင်း အဲ ညည်းပြီး ရိပေါ်ကသူ့ကိုက​ျောပေးကာလှည့်အိပ်သွားပြန်သည်။
Hoodieတစ်ထည်ကိုကောက်စွပ်ပေးလိုက်ပြီး ရိပေါ်ကိုယ်လေးကိုပွေ့ချီမ လို့ ကေားပေါ်ခေါ်တင်လာလိုက်တယ်။ဒီတစ်ခါတော့ ဆံပင်ရှည်လေးတွေကိုညှပ်မပစ်တော့ဖို့တွေးထားတယ်။

ခါးပတ်သေချာပြန်ပတ်ပေးပြီးတာနဲ့ကားလေးကို မောင်းထွက်ခဲ့တော့သည်။

လမ်းတစ်ဝက်လောက်ရောက်တော့မှ ရိပေါ်ကနိုးလာပြီး

"ဟင် ကော ဘယ်သွားနေတာလဲ"

"မုန့်သွားစားကြမယ်လေ..ရိပေါ်က ကောချီလာတာတောင်မနိုးဘူး...ကောနေရာမှာ သူများသာဆို ဘယ်လိုလုပ်မလဲ..."

"ဟီး.."

ကားမောင်းနေတဲ့ သူ့လက်မောင်းကို ရိပေါ်ကလာမှီတွယ်တာမို့ လမ်းဘေးတစ်နေရာထိုးရပ်လိုက်သည်။

"အိပ်ချင်မပြေသေးဘူးလား..."

လက်တစ်ဖက်က အိတ်ထဲအဆင်သင့်ထည့်နေကျ ဘီးတိုလေးကိုယူလိုက်သည်။

"လုံးလေး ကော ခေါင်းဖြီးပေးမယ် ဟိုဘက်လှည့်"

ရိပေါ်ဆံပင်လေးတွေကို သပ်ရပ်စွာဖြီးပေးလိုက်ပြီးဆွဲစုကာ မြင့်မြင့်စည်းပေးလိုက်တယ်။အောက်ဘက်နားကမမှီတဲ့ ဆံပင်လေးတွေကဂုတ်ဖြူဖြူလေးပေါ် ဝဲကျလာသည်။