انور بات سوال غزلان مرة سمانة وغزلان
في الصبيطار اف اليوم نخرج قلبي خرج
من القعدة هنا
انور : لاه مهمش متهليين فيك
غزلان : لالا بصح حابا نخرج ديما بين ربع
حيطان
انور : هيا دك نعيط للفرملية باش تدخل
تعاونك تبدلي
غزلان : اكي
خرج انور عيط للفرملية ويفكر في سراج
لي اسهمو بدات تطلع في مجال خدمة
قال لازم ندير اي حاجة باش نخليه يفلس
ولا منتسماش انور براهيمي
نروحو عند سراج
كان راقد صونا تيليفونو نحا لغطا من فوقو
عين محلولة وعين مصكرة لقاه حسام
حسام : الو وين راك اصاحبي
سراج : لا وش صرا
حسام : لالا غير خير مش جاي للخدمة
سراج : هدا خير روح متكفرنيش صباح ربي
لا نصبح عليك بايت مسهرني دخلنا على
فجر ربي وتقولي خدمة اليوم منيش جاي
افريها وحدك ديجا وش من حمار مات
راك نايض بكري
حسام : وش خذاك بعقلك برك اليوم بابا ويما
جايين رايح نجيبهم مت المطار محسوب
متعرفنيش انا ورقاد خاوة
سراج : ممم اكي سلم عليهم راني رايح
ندوش ونخدم في دار منيش قادر اليوم
نخرج
حسام : هيا ملا في امان الله
سراج : باي
ناض سراج دخل يدوش ولبس سرفات
حبط التحت صابهم ڨاعدين يفطرو
سراج: صباح الخير عليكم
يماه : صباح نور عليك ياوليدي نشاء الله
نلقا ولادك دايرين بيك
سراج : يما وش قلنا على هدا السوجي
راني لاتي بخدمتي
باباه : فكرتني بالخدمه وش اليوم مش رايح
تخدم وقيل
سراج : ايه اليوم راني راحة دار سراج عند
اية وش نتي متقرايش اليوم
اية : ايه 3 ايام مزيا اوموا نلقا رحتي
سراج : نتي تلقاي راحتك وحنا تهبلينا معاك
اية : لاه راني نوكل في قسمك
سراج : ياي فمك او تشرك دك نريبهولك
اية : لعت تريب وتبني معليش
سراج : انا نوض لا نخبطها راني نكره لي
يستفزني
قاتلو اية : اه نشاء الله طيح في طفلة
تسڨدك
راح خرج يجري في شاردان وسمع في لغنا
نروحو عند غزلان
وصلو سوال دار حبط انور زاد راح حل الباب
على غزلان وعاونها باش تدخل دخلو لدار
قالها اطلعي ريحي في شومبرة باش
ترتاحي جرحك مزال مبراش قاتلو : اهاه
حاب نتفرج راحت قعدت جات تشعل
تيلي معرفتش دار لقاها تتعافر معاه
راح عندها قالها هاتي نديرلك تتفرجي
قالها وش تتفرجي قاتلو دير برك حتى
طاحو في مسلسل تاع حب لايفهم الكلام
ولقاوه الحلقة الولى قالها هاه زهرك حلقة 1
قاتلو هداك زهر لي عندي وتكات باش
تتفرج قاتلو انور وش درت فيها خي قتلي
دك تدخلي لليسي قالها وي سمانة الجاية
تدخلي راكي روكار ناس رح تدخل للاختبارات
قاتلو خلاص بديت تعاير ( غزلان من النوع
شوي لي يحشم بصح مع انور ولات هي وياه
لانتيم وتحسو يهتم بيها بزاف ) قالها راني
رايح نشري وش نوكلو ونجي قاتلو اكي
خرج راحت غزلان تبدل قالت مدام انور
برا خليني نلبس هدي روبة كي يجي
راني نفيق راحت لبست وقاعد تتفرج
ونسات على روحها طبطب الباب محستش
حتى كي حلت الباب وتلقاه سراج
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
