بون راني وليت علابالي بلي طولت عليكم
وسمحولي كل يوم نقول نحط وتصرالي
حاجة وسمحولي بزاف وكنت زادة مريضة
بسيف باش رتحت
راحت لحقتو ودخلو في اسنسار بقاو
يسناو وهي حاشمة منو وهو كل مرة يخزر
فيها ومبعد حبس بيهم وهي من لخلع
بقات لاصقة فيه وزيد طفا ضو وبقات
لاصقة فيه وتتنفس بصعوبة وتخنقت وبقات
تبكي وتقولو ع ي شك ا زرب قولهم
يحلو راني رايح نموت ولا حضنها ويقولها
خلاص مصرا والو دك يحلوه متخافيش
وبقات مزيرا عليه حتى شعل ضو وبقات
لاصقة فيه حتى ترخفت وتطيح بين
يديه بقا يشوف فيها تحل الباب وهزها
وداها لاشومبر بقاو لبنات باهتين فيهم
وحل باب شومبر وحطها فوق السرير وبقا
يشوف فيها عجبو شعرها وحط يدو في
خدها لقاه طري حط شفايفو فوق خدها
شحال طري وعجبوه شفايفها جا رح
يبوسها وتراجع زرب بعد منها خطاها
وخرج حط كارت فوق طابل بقا يمسح
في وجهو اف ياربي علاه اثرت فيا هكا
انا سراج واحد ما يأثر عليا نتي كيما
عايلتك دمك من دمهم
وراح حبط لقا حسام معا لبنات قالو وش
غير الخير متخلي حتى وحدة
وش علاه طولت اديتها قالو : صكر فمك
شوي خليني نهدر
سراج: ممم تسكر اسنسار وهي تخاف
بقات غير ترجف ولاصقة فيا وتبكي حتى
طاحت بين يديا وديتها للاشومبر و
حسام : و واش
سراج: بستها
حسام : بستها قول والله وين
سراج: مم من مك من خدها
حسام : اي خدودها يهبلو لاه مسلمتش من
قالو : صكر خلي لقدر بيناتنا
خلاص مقلنا والو بصح طفلة زلة راني
قتلك راني رايح نسهر مع لبنات اي كون
تشوفهم ياما هاد زين ولا بطل
قالو: وانا راني مروح يما دك تتقلق معيتلهاش
اليوم وبابا اليوم يديرلي مندبا على مشروع
حسام : ربي معاك انا راني رايح راح حسام
مع لبنات اما سراج راح ركب طوموبيل
تاعو ديراكت لدار دخل طلع طول لاشومبر
تاعو نحا قشو بقا غير بل بشورت ( هو يرقد
من غير تيشرت ) ورقد على ظهرو وبقا
يتفكر في بوستو لغزلان ورقد
يوم جديد *****
ناضت غزلان راسها يسطر بقات تشوف
في لاشومبر وتتفكر وش صرالها تفكرت
غير هي وسراج في اسنسار ناضت راحت
دارت في شومبر وهزت لكارت حطتها
في جيبها ودخلت لاصال دو بان غسلت
وجها وخرجت وراحت بقات تمشي في
فندق راحت حبطت لقات ناس باينين
من طبقة مخملية ورولها للخدمة لي
وصاهم عليها سراج وصلتها طفلة اسمها
هديل جاي قد طول تاع غزلان وعينيها
خوضر وشعرها شاتان قالتلها ا نتي هي
غزلان روحي منا دك يجي شاف تتعرف
عليه وهاذا طاقم العمل لي رح تخدمي
معاه هادا امين شباب وبوقوص بصح
يماه هي لي تتحكم فيه وهي واعرة
سيف زادة بوقوس بصح واعر وصعيب
ميحبش هدرة بزاف
لميس شابة بصح مسمامة وتغير من لبنات
ليكونو لي قراب من سراج وهي محبتش
غزلان لانها شافتها مع سراج كي دخلها
لاشومبر
راحت غزلان سلمت عليهم كامل اما لميس
صافحتها قاتلها منشتيش نسلم الوغ
نصافحك سيتو بب جات ليها هديل
قالتها غزلان امشي امشي اليوم عدنا
خدمة بزاف وزيد متداسريش لميس
راهي تلصق غير في بيت ليريش
قاتلها : مم داكور راحو يخدمو وغزلان
بدات تغسل في لماعن وكل دقيقة تزيد
عليهم كأنها معملت حتى حاجة
نروحو عند سراج
بقا يتحرك في بلاصتو وقاعد يسمع في
صوت باباه كي راهو يهدر ويقول دلالك
لي وصلو لهنا ناض من بلاصتو دخل لاصال
دو بان دوش كي لعادة مشط شعرو وخرج
من دوش لبس قشو كان موجدو من قبل
ودار برفان تاعو لي دوخ لبنات وهز مفاتحو
تاع طوموبيل وتليفونو وحبط لقاهم ڨاع
متلمين في طابلة اية قاعد تفطر قالها
متقراش نتي قاتلو لا منقراش اليوم رانا
فاكونس قالو بوه شرف يا بابا وينو مشروع
لي رح تخدمو تحوس تفلس شركة وزيد
لوتال راهو مشتارك مع مشروع هادا اذا
خسرنا فيه رح يروح كل شي من يدينا
سمعتني نحب تزرب فيه راني قتلك
قاتلو يماه اقعد بني افطر وروح للخدمة
قالها : ولاه راجلك يخليك تفطر كي لعايلة
ديما في نفس الموضوع قتلك اعطيني
وقت راه عندي امور راني معاهم كي
نخلصهم رح نخدم مشروع
قالو : ايه مشروع هو لمهم عندك ولا ست
حسن غزلان لي راك تجري من اخبارها
وتحوس علة معلوماتها فيق لعمرك طفلة
هذيك رح تكون فيروس على لوتال مالا
بعدها منو وميهمنيش فيك الا كانت مستحقا
هدي خدمه ولا لا
قالو سراج : بابا الشركة تاعي ولوتال تاعي
زادة وصح انتا لي عاونتني باش نجح لوتال
اما كل شي عملتو وحدي من شركات ومطاعم وراني قادر على
شقاي متعلمنيش وش نعمل متقوليش
شكون نحط في خدمة راني مداير في عمالي
كونفيونس وميعملو حتى حاجة خايبة
قالو : انا قلت هدرت هديك طفلة
منحبهاش في لوتال رح تكون خراب
انا راني قلت كلامي ومنعاودوش عايلتها
هي لي دمرت عايلتنا هوما لي طعنو بوك
في ظهرو وتزيد تعاون بنتهم مليحة هذي
لاه راني حال ميتم انا
كي قالو ميتم قالو سراج تعرف الي هوما
مش مستعرفين ببنتهم
فك عليا خرج وخلاه يغلي وحدو ركب
وديمارا كل دقيقة يكفر حتى وصل للوتال
حبط سقسا عليها قالولو بلي راهي في مطعم
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
