قالها نقدر نقعد خزرت فيه وشافتو
قعد قاتلو بصح مقتلكش اقعد
انور : مم علابالي باربي مي مش رح
تخليني واقف
غزلان : كيفاش عرفت وين انا
انور : غزلان علابالي كذبت عليك محبيتش
نقولك غير باش متخليش دار وتروح
وشوفو ذك رحت وخليتيني دار ظلمة
كنت مزهيتلي الحالة قشك مزال فيه
ريحتك غزلان راني من كنا صغار نحبك
نهار تولدت كنت معاك
غزلان : بصح علاش جدي خير انهم
يختارو بيني وبين ختي لهذي درجة
معنديش مامبا قيمة عندو راني حفيدتو
تهدر وتبكي وانور غاضاتو غزلان بزاف
ولا يمسحلها في دموعها قالها خلاص
هيا عينيك رح يطرطق من لحمورة
وقالها جامي شفت نواحة كيفك تقول
يكريوك في جنازات غزرت فيه وخبطتو
على كتافو ولات تضحك قاتلو يخي
سامط وهامل قالها وشنو صار انا
وليت صامط وهامل معرف شكون لي
يحققلك امنياتك
غزلان: انور
انور: بقا يغزر فيها
غزلان: علابالك بلي البارح سراج عرض
عليا اني نتزوج بيه وانا وافقت
خطراكش معندي حتى واحد والديا
خلاوني وجدي منعرف اذا حي ولا ميت
ونتا ياانور كذبت عليا مابقا غير هو
سند تاعي
انور: ياعني رح تكون معاه
غزلان: ممم ونحبك تكون ولد عمي وخويا
في نفس الوقت حبي ليك هو هكا
لااكثر ولااقل خطراكش نحب سراج
منعرفش اما هكا شفتو غير لعباد غامض
انور: وش ذك جيت علاجالك وليت
تمدحي فيه
غزلان : انور وشبيك مقلق هكا علاه
تكرهو مفهمتش
انور : غزلان كلش في وقت ساهل
ونحبك ذك اتهلاي في قرايتك يخي
غزلان : مم قرايتي برك لي من فرطش
بيها
انور: هكا نحبك ورح نكون ديما معاك
صح مخترتينيش مي راني ديما في
كتافك
غزلان: مرسي نروشي
انور: اهههه وشنو هذي نروشي
غزلان: مم يخي سامط دلعتك وتزيد
تشرط
انور : هه دلعي ياروحي مي شوفي
كون غير يقلق نجي نهرسو اه علاه
كنت تبكي نسيت طول من هدرة
غزلان: قاتلو صح انا ذك بنت شارع
انور: وشنو شكون لي قالك هكا غزلان
شوفي نقسم بربي لليوم متعڨبلو غير
قليلي هيا
غزلان: تنهدت وقاتلو وحد تخدم معايا
في لوتال يعني انا مش من مقام سراج
انور : وشنو نتي من اكبر عايلات في
دزاير ويعني راكي من مستواه ومتزيديش
تهدري هكا فهمت وهيا ديجا راح حال
على لقراية
غزلان : اي زح صح هيا هيا
##################
سراج يما افتحي عينيك بدا يبخ في
الماء على وجها حتى بدات تحل في
عينيها واية تبكي عاونها باش تنوض
شربها الما قالها يما هيا نديك عند طبيب
يما وسلملها على راصها قاتلو شوية
دوخة برك هيا ادي ختك تقرا على
روحها ونتا روح اخدم والله يابني
راني مليحة قالها يما تشوفي فيا مهبول
عيطت عليه قاتلو قتلك كلمة خلاص
مش انا نطيح بساهل راني بنت توفيق
عبد المجيد وهيا روح ملقا ميهدر
سلم على راسها وراح
ادا معاه اية وراح واية مخها في جيهة
خرا سراج اية عمري راكي مليحة
قاتلو ممم سراج اية راني نهدر
مهاك علابلك بلي نتركب كي يقولي
واحد ممم حتى وصلو سوال باب تاع
ليكول شافت غزلان معا واحد في
طوموبيل دار سراج وشافها
أنت تقرأ
احببتك من قلبي ( بالهجة الجزائرية)
Misterio / Suspensoانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
