قاتلو والو شفتك خرجت تقلقت عليك
برك هدا مكان اصلا وش يحوس عند جدك
خي متتفاهموش قالها هيه ونبعد سحقني
قالها غزلان حاب نقولك حاجة وبقا يقرب
منها قالها غزلان راني نعشق فيك حابك
تكون تاعي وحدي حتى واحد ميقرب
منك حاب نكونو اون كوبل راكي في
دارك من اليوم وحتى حاجة متخصك
معايا بقات تفكر وتقول في قلبها صح
هو مليح ومخلانيش كي سحقيتو في
وقت الشدة بصح معندي حتى مشاعر
اتجاهو قاتلو منقدرش نحب نكونو
اصدقاء خير وانا منيش مستعدة نكون
اون كوبل قالها براحتك بصح راكي افضل
طفلة شفتها في حياتي قاتلو وانا جامي
شفت واحد قلبو حنين كيفك قالها هيا
نتعشاو راني ميت بالجوع قعدو يتفرجو
في مسلسل حب لايفهم الكلام ( حياة ومراد)
ويوكلو وكل مرة قالها غدوا تروحي
تقراي وزيد بزيادة الخدمة قاتلو ياه نسيت
خدمة طول
غزلان: شكون المدير متقوليش ماشي نتا
خطراكش راني دك نفرفد دعوة مافيهاش
نص لماعن نكسرهم
انور: معرف مخرشتش انا خطراكش
كاينين مستثمرين بزاف واصلا عندي
خدمة وحد 3 شهر في فرنسا دك تقعدي
وحدك يعني لازم نروح بصح مانيش حاب
نخليك وحدك
غزلان: يا معليش وقفت معايا بزاف
خرمن عايلتي لي رماتني كي قالت
هكاك انور وجهو تبدل
قاتلو انور صافا وشبيك قالها والو راني
عيان قالها نوضي غدوا لقراية وزيد
خدمة اذا قبلوك وناض يضحك قاتلو
اف صامط هدا انا نروح نرقد غير
ياربي ويعقب نهار تاع غدوا سلامات
بصح احساسي راهو العكس اي وحطت
راصها على لمخدة وغمضت عينيها جاتها
تصويرة سراج كيما باسها حلت عينيها
وبدات تمرر في صباعها على شفايفها
يا ربي قلبي راه يخبط كي نتفكرو بف
انور كان قالق كون تعرف غزلان حقيقة
لي راهو مخبيها عليها وخاف كون تحب
سراج يهبل جبد دوا تاعو باش يكالميه
وزاد جات خدمة في فرنسا صافي
راح يبعد عليها 3 شهر ودخل راصو
تحت لمخدة ورقد
نروحو عند سراج ***
حسام وش ياخو وين راك تخمم راني
نخمم في غزلان كيفاش نخليها تندم
وتتربا ومتلعبش مع عايلتي
حسام : ياه رح تندم راني قتلك تخاف
طيح فيها
سراج : ههعع انا في هديك فرخة
حسام : راني قتلك
سراج : بلع ذك وقيل نتا لي طحت فيها
حسام : كون تقبل منقولش لا
خزر سراج في حسام خزر تاع موت
قالو وش تغير منها
قالو بلع لا نجي نهرس عليك الكاس
كانو يشربو هو وياه في دار سراج
قالو ياخو دك انا نروح ونتا روح ارقد
غدوا راه نهار طويل وغمزلو وراح
رب هداك طفل رح يهبلني تفكر سراج
غزلان وكيفاش باسها قال جامي ضعفت
قدام طفلا لازم انا لي نطيحها
رقدو ابطالنا ★★★★
ناضت غزلان بكري باش توجد روحها
باش تقرا خطراكش دخلت متأخرة
بزاف راحت لبست قشها دات معاها غير
صاك صغير ولبست سروال جينز سليم
ومعاه تريكو بيض طايحين كمامو ولبست
صندالة وطلقت شعرها ورفعت خصلات
صغيرة ودارت بارفان نتاعها وحبطت
لقات انور يفكر قاتلو واش سي شباب
مفطرتش قالها نسنا فيك هيا افطري
ولحقيني لطوموبيل رانا روطار هزت
حبة تاع بيسكويت ومشات قالها علاه
مكليتيش قاتلو لاه وش راك تشوف
فيا ندير قالها هيا ركبو في زوج وديمارا
ناض سراج راصو يوجع من البارح مشراب
ناض بسيف راح ضرب فيها دوش لبس
كوستيم غري جاتو طوب زاد طلع
شعرو بجال ودوش بالبارفان تاعو وهز
نواظرو وتيليفونو وحبط لقاهم قاعدين
قاتلو اية دك باش تحبط راح الحال
قالها خلاص رايح رايح لاه راكي تكسريلي
في راصي صباح ربي
قاتلو مقتلك والو لاه شعلت فيا قالها
هيا وبركاي من الهدرة بزاف وسلم على
راص يماه وراح قاتلو اية راهي45 :7
قالها50 :7 توصلي قاتلو اكي نشوفو
طار بيها طيارة وصلت في الوقت
قالها وش قتلك تستعرفي قاتلو مممم
هيا حبطني حبطها وراحت دخلت
وحدها ولبنات كيما راهم يشوفو معاه
وراح هو مشا وصلت غزلان بصح ماشافوش
بعضاهم دخلو كيما راهم للكلاصة بصح
غزلان طولت في ادارة قالها ارواحي
بنتي معايا نوريلك لكلاسة راحت معاه
قالهم هدي هي زميلتكم الجديدة ولبنات
لي لثم يتغامسو عليها كل وحدة وش
تهدر اما اية بقات تخزر فيها ومش مصدقا
بلي هي رح تقرا معاها في نفس لكلاصة
قالها استاذ روحي اقعدي معا اية لبلاصة
فارغة راحت قعدت وتوجعت خطراكش
جرح مزال مبراش مليح حتى وحد شهر
قالتها اية عسلامتك فوق قلبها وغزلان
حست بنبرة صوتها قاتلها يسلمك
محبتش تزيد تهدر معاها حستها متحبهاش
من نهار تلاقاتها في الحفلة اية تهدر في
قلبها اف ياربي زادت قعدت معايا دك
نعتلها معامن راهي مش رح نسكت على
لي صرالي بسبتك ياغزلان
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
