دخل صابها تغسل في لماعن وهي كل مرة
شعرها طايح على وجها حتى قرب منها
وهي محستلوش حط يدو على شعرها
وبعدو وهي تخلعت طيحت الطبسي لي
كان في يدها قاتلو اهاه خلعتني موسيو
سراج قالها خلاص مصرا والو وجا شاف
شاف طبسي مكسور في الارض ومشافش
سراج بلي راه تم خطراكش دخل يعرش
من الباب حتى شاف سراج تم قالو مسيو
سراج راك لهنا كشما تستحق قالو منسحق
والو ومتزيدش تعيط عليها هكاك انا مقتلها
والو ونتا زادم طول احترم كل واحد لهنا
وسيرتو غزلان هي بقات تخزر فيه جامي
دافع عليها واحد هكا وخزر سراج في غزلان
وبتسم معاها وغمزلها هي حشمت وحبطت
راصها من الحشمة وخرج هو من ثم وهو
يبتسم لااراديا حتى يزدم في حسام قالو
حسام وش ضرست لعقل تبان غير الخير
قالو بعد برك وين كنت قالو باين سهرة
ولا في الاحلام قالو باين نتا لي ضرست
لعقل لي راه طل من الف كيلو متر قالو
حسام حقا وشبيه باباك صباح جا مقلق
واحد مراهو داير بيه حتى سكرتيرة زعكها
قالو سراج على جال كي خدمت غزلان في
لوتال وزيد راه قاعد فيه وعلابالك بلي
كي شفناها لازم نعاونوها منيش رح نخليها
وحدها في نصاص ليالي وزيد هي ثاني
راه حمات ختي خطرتين وراهي واجب
اني نعاونها حسام يخزر في سراج ويضحك
وش بيه جدك لاه راك تضحك قالو مم سراج
نسقسيك بصح جاوبني بصراحة غزلان
تعجبك قالو بفف فرخة كيفها وش يعجبني
فيها قولي برك هو يهدر متوتر خطراكش
غزلان راه عجباتو وكي يقرب منها يحس
احساس جامي حسو من قبل حسام قالو
رانا هنا وين راك تخمم باين فيها اه ياغزلان
طيحتي خويا على راصو قال متعجبنيش
باين حب نادر من عينيك وزيد كي هدر
بوك عليها معجبكش الحال هيا قول برك
هادا دك وش يسموه قالو سراج يسموه
دين مك بعد من قدامي سراج مشا وحسام
يجري من وراه ويقول عشقك مادار فيا
اي ويطيح في الارض ويغني وناس كيما
راهم يتفرجو ويقول وشبيه هادا مهبول
وسراج شابع عليه ضحك قالو نوض من
الارض بهدلت بينا ناض وقالو قول خي
تحبها متجرحنيش عيشك قلبي ميتحملش
قالو ونتا وش وجعك نحبها ولا نكرها
قالو ينطق يازبي خي تحبها لانروح نقولها
قالو وش تقولها قالو بلي راك تحب وحدة
وهي يتجرحو مشاعرها وتروح تنتحر
ونتا تقعد تبكي سوال قبرها وتندم على
اليوم لي مخبرتهاش بالحقيقة قالو في
راصك نشاء الله عافني متقلقنيش قالو
خلاص علابالي بلي تحبها خزر فيه سراج
وبتسم على جنب على هبال صاحبو
غزلان كانت تغسل وتتفكر في سراج كل
مرة يعاونها وهي حست بلي راه تحبو
هو مش انور كان مجرد اعجاب برك بصح
سراج احساسها معاه متبدل راه صح طاحت
فيه خلصت غزلان لماعن نحات طابلية
صابت هديل تهدر في تيليفون محبتش
تقلقها ومشات طلعت في الدروج صابت
بروتفاي طايح في الارض هزتو قالت دك
نشوف لمن طاح كي حلت صابتو معمر
صوارد ولمحت تصويرة كي جبدتها لقات
تصويرة احلام توأم تاعها قالت اه هه هادا
تاع لالا ختي معمر بصوارد وانا ليزافار تاع
لقراية معنديش باش نشريهم اه يادنيا
هادو صوارد يحكمولي عام كي والو
سمعت حس من لور كي دارت صابت
احلام لابسا قش مفضوح عليها وجي
زادما فيا قاتلي وش سراقة كيفاش جا
سوالك تحوسي تسرقيني متحشميش
اه دك نعيط للمدير باش يزعكك شوف
حتى قشك باين بلي وحد جيعانة تحوس
على صوارد قاتلها غزلان بلعي فمك مسرقتكش وزيد كان طايح في الارض
وانا هزيتو باش نحوس على مولاه وخرجتي
نتي مكانش واحد جيعان كيفك سمعتني
طلعت سكرتيرة عند سراج وهو كان مع
حسام دخلت طول بلا مطبطب قالها
كيفاه تدخلي هكا قاتلو الموظفة جديدة
راهي تتشاجر معا وحد من الزبائن دار
للحسام وقلع يجري خاف لا يجي بوه
وتزيد تكمل على لخر حتى شاف غزلان
ضربت احلام بكف وناس كيما راهم
متلمين وكل واحد وش يهدر قاتلها عندك
تزيدي تتجرأ وتهدر هدي الكلمة راكي نتي
لي قح*** وتحوسي على صوارد عندك
تزيدي دور بيا كي نتي كي عايلتك والله
منحرقكم كيما راكم راني نبه فيك واحلام
بقات شاد في وجها من الضربة وناس
كيما شافو سراج بداو يترجعو خطراكش
يخافو منو وزاد لحق بوه جا رح يهدر سراج
بصح بوه وقفو وهدر هو
قالهم وش كاين لهنا وغزلان ونتي لاه
ضربتيها متنساش روحك راك في لوتال
محترم وعندو سمعتو وزيد متضربش
ناس لي تدخل لهنا كون يقولولك امسح
لنا صباط تمسحو خطراكش لوتال تاعي
راه مشهور وعندو سمعتو ومنحبش
وحدة كيما نتي تحبطلي باسمي في
الارض واذا معجبتكش هدرتي تفضل الباب
يدخل جمل بقات تخزر فيه وفي سراج
لي زعما تسحايب بلي رح يدافع عليها
بصح مدار والو خاف لا يهدر ويزعكو غزلان
خايف على صغرونتي من ذيوبا لي دايرين
بيها حسام وش لاه بكمت مهدرت والو
رخصو بطفلة قدام عينيك ومهدرت والو
تفرڨ الغاشي وغزلان راحت لاشومبر
خطراكش خلصت الخدمة دخلت ترمات
في سرير وتبكي حتى سمعت الباب يدق
ناضت تفتح وصابتو انور ايه انور جا باش
يهدر معاها خطراكش راه قاعد يعس فيها
بقات تخزر فيه دخل طول وسكر الباب
وغزلان بقات تقول اخرج منهدرش معاك
كذبت عليا اه علاه وش درتلكم وبقات
تخبط فيه علاه علاه وجاتها هستيريا
بدات تخبط وهو بقا حاكمها وهيا تعيط
ربي لي خلقها حسام وسراج طلعو باش
يهدرو معاها سمع عياط جاي من شومبرتها
ما جا يلحق حتى تحل الباب وشافو انور
خارج من ثم وهي تدفر فيه وتقول متهدرش
معايا بعدني ورجليها كامل دم خطراكس كي
كانت تعيط وتخبط طاح الكاس وهي عفست
عليه راح سراج يجري عندها قالها خلاص
غزلان كالمي روحك و جبد انور
قالو وش جابك عندها اخطيها والله ونسمع
زدت درت بيها نحرقك سمعت وحسام
حاكم غزلان من كتافها ويقولها خلاص
ختيتو ومحضنها انور معندو مدخلك
بيني وبينها ونتا وش دخلك وعطيه
سراج لي نيفو حتى ساح الدم منو قالو
هادي على وش دخلني
لبنات نحب تفاعل كومنتيو ديرولي تصويت
باش نزيد نكتبلك لقا دعم منكم وهاذا فضلا
وليس امرا
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
