راحت غزلان قعدت وبدا استاذ يشرح
في الدرس
استاذ خرج من لكلاسة خطراكش صونات تاع 10 للراحة وخرجو وراحت غزلان باش تعاون اية اية قاتلهم نروح وحدي قاتلها نورمال مخسرت عليك والو هيا اية تشوكات من هدرتها وخلاتها حبطو وقعدو في بلاصة على جال اية باش ميقيسوهاش وغزلان كانت معاها وجا واحد يقرا وكانو معاه تاع لكلاصة
معاهم رايح يتبلا اية كيما العادة وبدا
يهدر ويقول وش أية جاتك صحبة جديدة
رح تبيعينا على جالها وناضو كيما راهم
يضحكوا قاتلو سكر فمك وبعد من بلاصتي
ياجبري قالها دك نعتلك شكون جبري
جا رح يدزها طيح من الكرسي وتزرب
تحكمها غزلان قاتلو والله ما تحشم وبسقتلو
في وجهو قالها دك نوريلك معامن طحتي
كان سراج يخدم مع حسام قالو حسام
وش درت في صفقة فخرا كيفاه نديرو
باش نسلمو تصاميم مزالنا وحد شهر
قالو سراج والله راني حاصل لي لرسمتهم
ماعجبونيش رميتهم اف ياربي راني
حاصل حصلة مكانش منها وراهم
مستثمرين كبار كون نعقدو معاهم رح
نربحو اضعاف لازم نربحها ميهمنيش
قالو حسام خلاص لازم نحاولو
قالو سراج ايه ايا دك راني رايح نجيب
اية من ليسي راهم رايحيين لجزائر
عندي خالتي زوجت اشرف
قالو حسام ايه مالا دك تلقا زالات في
عرس صيد وحد ليك وحدة ليا
قالو سراج روح تعطي قالك نصيد لاه
تشوف فيا رايح لبحر نصيدلك ولا في
غابة قيل قسامي
حسام : اه ياصحبي وكتا تجي لي مش
غير تطيحلك راصك توخذلك راصتك
طول
ويحكم يشالي سراج كاس على حسام
مزيا مجاتش فيه زرب حبط راصو
علابالو بصاحبو بلي رح يخبط باي حاجة
زرب هرب كي وصل عند باب قالو روح
نشاء الله تعشق حاب نشوفك تسوفري
وتطلعلك سخانة اي
ويزيد يشالي في سيالات اه ياربي
هداك طفل راه يخرجني من عقلي
ناض لبس لافاست وهز مفاتحو وديمارا
نوليو عند بطلتنا ٭٭٭
وحكمها من يدها قالها دك نوريلك شكون
جبري خبط لها راصها في تاقة حتى
ولات تشوف في ضباب ولات خبطتو
للمنطقة حساسية وناض يعيط ولي
دايرين لثم ڨاع يخافو منو خطراكش
بيت ليريش عندهم صوارد راح حكم
اية من خمارها قالها لازم نشوفو شعرك
وحط يدو على خيمارها ويلقا يد غزلان
شدتو وهي حاسة بدوخة بصح على
جال اية قاومت قاتلو متزيدش تحط
يدك لموسخة ويدزها وتطيح خطراكش
هوما كانو بعاد شوي على لغاشي ولبلاصة
فيها 5 درجات وبدا جرح تاع ظهرها ينزف
اية ولات تعيط وتبكي وتقول الله لاتربحك
شوف وش درت لها ولبنات تلمو عليها
وبداو يفطنو فيها وهي شبه متغاشية
تشوف في ضباب وراصها ولا ينزف بزاف
في هداك الوقت وصل سراج ودخل شاف
دعوا ڨاع متلما خاف لاتكون ختو كاش
ما صرالها طلع يجري شاف ديراكت في
ختو كانت لثم بصح منتبهش لغزلان من
خلعة راح ليها وعنقها قالها وش بيك
لاه راكي تبكي قاتلو غزلان راهي تنزف
دار شاف حالتها حالة تشوكا من لي شافو
راح عندها حكملها راصها لقاها دم محبش
يحبس من راصها وظهرها وبدا يفطن
فيها والو راح هزها وزب راح ركبها في
طوموبيل زادت لحقت اية عاونوها
لبنات ركب اية وديمارا طيارة قالها وش
صرا حكاتلو بلي طفل كان يتبلا فيهم
وهيا عاونتها حار منها كيفاش راهي
دافع على ختو
نحب تصويتات لاني رح نكمل
نكملها وقت لي نكون قاعد
فيه ودعم منكم وتعليقاتكم
خطراكش عندي ظروف تمنعني
نكملها
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
