اية تفكرت صحبتها لي فرقتها على حبيبها
لي دمرتها وبسبتها راهي متمشيش صراها
حادث كي سمعت لخبر نزل عليها كي الصاعقة
وضربتها طوموبيل تكسرلها العمود الفقري وراهي دك بالكرسي المتحرك وكيما قلتلكم
غزلان عندها ختها توام وهي لي راهي مع
حبيب اية وراهي ذك تسحايب بلي غزلان
نفسها احلام
نوليو لابطالنا
سراج : وشبيك ايه لاه تبدل وجهك
انور : عرفها وشبها بصحبت اية احلام لخطراكش هو يعرفها بصح سراج معلابالوش
بلي ختو كانت تمشي وهدي هي لي خدعتها
وحكات لعايلتها عليها بصح مخبرتهمش بلي
راهي كانت معا واحد لخطراكش برا متزيدش
تشوفها
راح انور سوالهم باش يسلم عليهم ومد يدو
باش يصافحو مع انو سراج كان مش رح يمد
يدو بصح خزر في غزلان وتبسملها على جنب
وصافحو راحت غزلان سوال اية باش تسلم
عليها بصح اية بعدت وجها وزربت راحت
صالدوبان غزلان تعجبت مت تصرفها ليها باش متبكيش قدامها ومتبين ضعفها
ليها راح لحقها سراج باش يطمن على ختو
لقاها شابعا بكا وحالتها حالة سقساها ڨالها
تعرفيها علاه راكي تبكي كي شفتيها حكاتلو
بلي هادي هي صحبتها لي خدعتها وبسبابها
راهي متمشيش سراج ولا ميضويش قالها
وراص ختي ندمها على نهار لي ولدت فيه
ومتبكيش سوالها واحد مايستاهل دموعك
مسحلها دموعها سڨمت روحها راحو رجعو
سوالهم سراج جاي ونضرتو لغزلان متبشرش
بل الخير قالهم وش تشربو قالو انور جيبلي
شراب زاد قال مدموزال وش تشربي قاتلو
والو راني هك مليحة قاعد تهدر في قلبها
جاي دك تقولي وش تشربي باش تحطلي
كاش حاجة والله متصرا يامسيو انور حس
بطريقة كلام سراج مع غزلان وهي تاني دخلو
شك قالها غزلان صفا قاتلو وي هدا هو لبغل
تاع قبيل قالها اااا عليها تزيدو شوي تقتلو
بعضاكم ننصحك غزلان بعدي عليه راه كي نار
لي تحرق كلش لقدامها وراه ثاني عدو عندكي
منو قاتلو متخافش عليا وبداو يجيو المستثمرين باش يشريو الفندق ( لي زعما راه
تخدم فيه غزلان وهو مزال متحلش مامبا )
انور باغي يشريه وسراج ثاني عجبو لانو في
بلاصة سوال لبلاد وبدا تنافس بيناهم ( انور سراج ) وموظفين يروحو يسجلو باش يخدمو
حتى كي تخرج نتيجة ويعرفو مدير وتخرج
غدوا لانهم يطولو في الجراءات حسام قاعد
مع اية باش ينسيها وبدا لغنا راح انور باش
يشطح مع غزلان وبداو يشطحو غزلان مين تخزر في سراج تلقاه يخزر فيها مبعدا قال حسام رح ندمها على نهار لي تلاقاتني فيه
حسام ياخو لي فات مات خلينا منها وربي
يدي حق اية منها قالو سراج انا رح نبدا انتقامي وربي معايا قالو راني رايح سوالهم
ومشا حسام يعيطلو ومجاوبوش غزلان كانت
تشطح حتى لقاتو جاي على اتجاهم وصل عندهم قال لانور تسمحلنا نشطح معاها
دقيقة قالو نو بروبلام دار عندها وحكم خصرها ولصقها فيه وزيرها قاتلو راك توجع
فيا قالها باش تقدري تشحطي مليح لخطراكش
كور تاعك راه لاصق فيا نقدر نتحكم فيك
قاتلو اف بعدني وهو سارح في عينيها
وفمها لغوز قال كيفاه وحد كيما نتي ديري
هك والله ندمك ومتخدعينيش حتى طفا
ضوء
في رايكم لاه طفا ضو في حفلة
وغزلان وش راه يديرلها سراج
وعايلتها لاه تخلات عنها
أنت تقرأ
احببتك من قلبي ( بالهجة الجزائرية)
Mystery / Thrillerانا اسمي غزلان عمري 17بنت متربية في ميتم والدي راحو وخلاوني كي كان عمري 5 سنين كأني ماشي بنتهم من هذاك نهار كرهتهم لانهم دمروني وانا صغيرة وكانت مديرة الميتم سامية كانت امراة متعرفش رحمة كل يوم تضربني بلا سبة وكانو لبنات في الميتم يحبوني وهي يكروها...
