#رواية_أنا_حرة
#الحلقة4
ماشه ومنهاره بالبكى ، أما هو بقول
_ خلاص اهدي واصبري كدا بتعذبيه في قبرو
مره يقول المرحوم ومره تانيه يقول المرحومه ، بينوع
وانا ماشه شفت خالتي فتحت عيني لاخرهم وشهقت ومن غير ما أحس طلع صوت من حنجرتي
ــــــ خالتي
قبلت علي خالتي بصدمه ونسيت تهديد الولد وبمجرد ما اتلفت بخلعه للولد لقيتو جاري بين زحمه الناس ويدافر ويزح الناس عشان يجري.
استغربت كيف هو جبان للدرجه دي وعامل فيها قبل شويه بيهددني فضلت اعاين ليه لحدي ما إختفى من نظري
اليوم داك بديت اعرف اني ما في كل وقت قويه ،
وجاني إعتقاد انو قوتي بس لمن اكون في قريتي ..
جات خالتي مخلوعه من منظري وتعاين لي بعيونها الخايفه من فوق لتحت
: ساره كنتي وين؟ كنت بفتش فيك .. ومالك بتبكي كدا في شنو؟
كنت بحاول احكي ليها بس الشهقات ما سمحت لي
بخلعه قالت لي اهدي اهدي اول يا ساره و تعالي معاي نقعد وتحكي لي.
...كانت بتقول كدا وفي وشها ظاهر الخوف ...
مشيت معاها وقعدنا ...
ـــــ اها احكي لي في شنو؟ مالك؟
حكيت ليها اني كنت خايفه لمن فقتها، ولمن استسلمت في اني القاها قعدت خايفه ومتوتره ..
جا ولد وقعد جنبي وبنظرات مريبه عاين لي خلاني اقوم ..
بس قام وراي بسرعه وبدا يهددني ...
قالت لي بعد اخدت زفره راحه : هسي روقي يا ساره حااجه ما تحصل ليك ما تخافي ..،
دا ولد ساي بيحاول يهدد فيك ما اكتر ..
ما يقدر يعمل حاجه وسط الزحمه دي ..براك قلتي جرا لمن ناديتيني ..
قلت ليها بخوف : بس قال هو متعود لكدا ويقدر يعوقني بالسكينه الفي جيبو ويجري ويدس في الزحمه ..وبعدين ما تنسي انو كان ناوي يطلعني بره ومنو عارف كان حيعمل شنو
قالت بابتسامه عشان تطمني
: الولد عرف انك ما من المدينه وفهم كدا عشان كدا استقل الحته دي في تخويفك ...
لو بيقدر يعمل القالو ليه بيجري بمجرد ما ناديتيني ...؟!!
ومستحيل يقدر يعمل كدا مع واحده من المدينه عشان كدا لقاكي طريده سهله ..بس الحمد لله ربنا ستر. ....
سكتت مسافه قليله تاني قالت: ..وبعدين مالك ما كوركتي او لفتي انتباه الناس ..؟
قلت ليها بعد نفس عميق طلعتو : بس خفت شدييد والله وما عرفت اتصرف .
ابتسمت لي وقالت : هسي ما تخافي ...حتتعودي علي كل شي باذن الله.
هزيت راسي مؤيداها من غير كلام
رجعنا البيت اضطمنت اكتر وقت دخلت واخدت نفس طويييل .
بسبب الكلام دا بقيت بعاين لكل ولد بنظره خوف وشك .
اتجاوزت المرحله دي لمن اتأقلمت اكتر مع الوضع.
جارات خالتي يجو من فتره لتانيه يشربو معانا جبنه ونتونس ..
أنت تقرأ
أنــــــا حــــــره
Teen Fictionانتِ حره برأيكِ ، حره بعزمكِ ، حره بتفكيركِ ومنطقكِ ، فلا تجعلي احدا يغرس في رأسكِ معنى الحريه الذي لا ترضيه في نفسكِ للمزيد من الروايات زورو صفحتي بالفيس بوك #روايات_هبه_الله _حسن
