#رواية_أنا_ حرة
الحلقة 9
قالت لي ملهمه
_ انا عندي ليك مفاجئه الليله ، عندك محاضرات كتيره؟
_ هي محاضره واحده وخلصتها ، بس مع شلتي عندنا مشي مكتبه و....
قاطعتني
_ياخ خلي شلتك دي حبه ، أقول ليك مفاجئه تقولي لي مكتبه وشلتك؟!!
قلت ليها بعد زفره طلعتها
_طيب شنو ؟
-إنتِ وين عشان اجيك ونمشي
سألتها باستغراب بعد ما رفعت حاجبيني
_ هسي؟ !!
قالت لي بحماس
- ايوا
وريتها مكاني ، فعلا جاتني بعدو طلعنا مشينا ، وصلنا السنما
بنبره حماس وابتسامه
_ المفاجئه هي السنما ، حصل دخلتيها ...؟
انا بعاين وبتلفت قلت
_ لا والله ...دي اول مره
قالت وهي تجرني من معصم يدي وبخطوات قبلي ماشه وهي تقول
_ طيب يلا ندخل
عاينت قدامي كان في صف بنات طويل في شباك التذاكر ، وصف الاولاد أقل بكتير
ملهمه وقفت بتفكير وبعد شويه نادت اخر شاب كان واقف في الصف
_لو سمحت
قبل عليها الشاب واشر بيدو لنفسو
_ انا !!؟
ابتسمت ترد
_ ايوا ، ممكن لحظه ؟
جا علينا بابتسامه ووقف
_ نعم
_ ممكن تقطع لينا معاك تذكرتين ؟!
عاين لينا وابتسم بنظرات تفصل كل جسمنا وهي بادلتو الابتسام
_ طبعا
واتوجه للصف تاني ، وفعلا قطع لينا التذاكر وجا
أدتو القروش وهي تستلم منو التذكرتين
قال ليها وهو يرجع يدها
_ ياخ معقول ، دي حاجه بسيطه ما بشيل منكم .
بعد اصرار منو رفض يشيل منها ، كان معاه صحبو ماشين ، كل دا وانا كنت ماخده دور الاستماع والمشاهده ومن غير ما اتكلم بحرف
دخلنا عشان نحضر الفلم ، عاينت من بعيد قاعه كبيره ومدرجه ، بين كل كرسي والتاني مقبض يد .
ملهمه قعدت في المقاعد الاخيره وانا مشيت معاها قعدت جنبها علي يدها اليسار
بعد مده شفت الولدين القطعو لينا التذاكر قعدو جنبنا .
القطع التذاكر لينا قعد جنب ملهمه وصحبو قال لي علي اذنك عايز ادخل جوا
أنت تقرأ
أنــــــا حــــــره
Novela Juvenilانتِ حره برأيكِ ، حره بعزمكِ ، حره بتفكيركِ ومنطقكِ ، فلا تجعلي احدا يغرس في رأسكِ معنى الحريه الذي لا ترضيه في نفسكِ للمزيد من الروايات زورو صفحتي بالفيس بوك #روايات_هبه_الله _حسن
