كرونيك:😘😍حب في الغربة😍😘

8&9

الحلقة الثامنة 💖. خرجت وخلاتو ضحك نص ضحكة وهز تيليفونو وعيط لواحد من رجالو الو نفذ واش قتلك لي ماتعرفوشو انو شعيب سقسى على رنيم وعرف شكون باباها هو مايملكش كل البيوت لي في هذاك الشارع كان يكذب عليها هو هدد مول البيت وشراه من عندو باه يقدر ينتقم من رنيم وخلى رجالو يكلمو كل اصحاب البيوت لي قراب من ثم باه ماياجروش ليها دار وكلم الفنادق كامل باه يرغمها تنفذ واش طلب منها كانت دور بعدما رجلها تعبو والليل قريب يطيح وفاليز تاعها ثقيلة قعدت في كرسي مع طريق وتليفونها صونا رقم باين من دولة اخرى رنيم: الو شكون عمار: الو بنتي توحشتك لباس وينك اليوم ماكلمتناش راكي مليحة رنيم ودمعة في عينها: بابا توحشتكم انا مليحة برك اليوم تلهيت خرجت نحوس برى وماحسيتش بالوقت كيفاه تعدى عمار: بنتي انا واثق فيك وواثق انك راح تكوني مليحة وراح تنجحي وترجعي بشهادتك ونتي رافعة راسي كلامو خلاها تبكي صح بصح ماتبينش رنيم انشاء الله بابا راح نرجع وانا حاملة الشهادة ورافعتلك راسك نحبك بابا سلم كامل عليهم تهلو في رواحكم عمار: هما ثانيك توحشوك ويهدرو عليك وعلابالهم بلي ماينخافش عليك ونتي قدها وراح تفرحينها تهلي في روحك وكيما وصيتك وماتزيديش تبطي علينا عيطي رنيم: انشاء الله بابا صحا تهلى في روحك غلقت تليفون وبقات تبكي عرفت انها كون تغير بيتها راح يكتشف باباها لانها تحكي معاهم سكايب ووراتلهم الدار ويعرفوها واذا غيرتها راح يقلقو وممكن ترجع وماتكملش قرايتها خممت شوية وقررت انها تعفس على كرامتها هذي المرة وتقبل بشرطو ماهو الا شهر وراح يفوت بحلو ومرو وبعدها تكمل حياتها وتتهنى منو ( عولي ماتعرفيش مع شكون طحتي )..........

جام للحلقات

الحلقة التاسعة 💖. وقفت وهي متوجهة لدار شعيب باه تقلو بلي هي موافقة وهو اصلا كان علابالو بلي جاية لخاطر رجالو لي وراها خبروه قاعد في البيرو تاعو دخلت للفيلا والخادمة قتلها تفضلي ميسيو شعيب يستنى فيك تفضلي معايا الخادمة تمشي وهي وراها وصلت للبيرو دخلت وهوكان قاعد و علا مات النصر على وجهو قعد رنيم: بدون لف ودوران انا موافقة على شرطك هو شهر مكانش غيرو وبعدها تخرج من حياتي ووجهك مانزيدش نشوفو وانا كارية عندك مانيش نطلب فيك باه تسكني عندك اوك كملت كلامها وجات نايضة وهو تكلم استني هذا مفتاحك تاع الدار وغدوة تبدى الاتفاقية تاعنا وتبدي تنفيذ اوامري مفهوم هزت لمفاتح وخرجت بلا ماتنطق بكلمة راحت لدارها دوشت ورقدت مباشرة تعبت اليوم نهار كامل وهي واقفة على رجليها ناضت الصباح تحل في عينيها بسيف تلقاه واقف قدامها رنيم: او واش راك دير هنا وكيفاه دخلت نت صح ماكش مربي وتغطي في روحها باللحاف ضحك وقلها ماتخافيش ماكيش من النوع لي نفضلو ولا عندي نية نتوشي وحدة كيفك يلى البسي وهبطي نحتاجك . هو خرج وهي غسلت وبدلت وهبطت تلقاه قاعد في كوزينة وطيب قهوة يشرب فيها وحطلها معاه رنيم : خير تفضل واش تحتاج شعيب: وهو يشرب في القهوة اولا ممنوع تسألي اتا لي نسأل فقط ثانيا تنفذي بلا نقاش واش نطلب ثالثا ممنوع تجيبي رجال لداري وممنوع تعرفي رجال رنيم كانت حايرة فيه كيفاه يحكي بثيقة خاصة الجملة الاخيرة رنيم : حياتي الشخصية مكان مدخلك فيها اوك حنا تفقنا شهر وتكمل لحكاية التزم حدودك وعرف كيفاه تحكي معايا شعيب: اوك خلال الشهر انا نطلب هك مفهوم وتنفذي بدون نقاش وذرك يلى معايا..........