كرونيك:😘😍حب في الغربة😍😘

16&17

16رنيم: لا انا مانيش دارك لي تبيعها ولا تكريها ولا سيارتك لي كي تقلق تبدلها ولا ساعة ايدك لي تتماشي مع الكوستيم لي تلبسو مفهوم انا رنيم عبد لحم ودم مفهوم مانيش ملكك خبطها مع الحيط وحط جبهتو مع جبهتها رنيم افهمي عالمي مخيف انا اختي وراني نحمي فيها بسيف مانقدرش ندخلك لعالمي هذا خطر عليك راك تتأذي بسببي وانا مستحيل نقدر نتحمل نخسر شخص اخر ملي نح وسكت رنيم: كمل ... سيبها شعيب وخرج بلا مايشوف وراه بقت في الارض وتبكي بين خوف من المستقبل وفرحة الي هو يحبها كيما هي نحبو ( ايه هي ثان حبتو) وبني خطورة العالم لي راه عايش فيه...............يتبع.

الحلقة السابعة عشرة 💖. تعبت من البكاء والتخمام ليل كامل وهي تخمم في شعيب وفي الكلام لي قالو هي فهمت بلي هو خايف عليها وحاب يخليها بعيدة على عالمو والفوضى لي فيه طلع الصباح لبست وراحت للجامعة تاعها كملت الكور على 3 وكانت مقرة تروح عند شعيب توجهت للشركة تاعو وصلت لقت ندى: خير واش تحتاجي..... رنيم: شعيب ....... ندى : هههههههه شعيب هكاك اسمو ميسيو شعيب عندك موعد ؟؟..... رنيم: قوليلو رنيم هو علابالو بلي جاية ندى وهي تشوف فيها بحقد كبير استني ودخلت تتزعبن عند شعيب ....... ندى: ميسيو شعيب انسة رنيم قالت الي انتي طلبت منها تجي راهي برى ندخلها؟؟؟ ...... شعيب: لالا قوليلها مشغول وخليها تروح واذا ماحبتش اطلبي الامن ....... ضحكت بمكر وفرحت من لي سمعاتو رنيم كانت واقفة قدام الباب سمعتو ماستنش ندى تخرج وتقلها دخلت مباشرة عندو ندي: واش هذي الوقاحة برى ولا نطلب الامن...... رنيم: شعيب لازم تسمعني ....... شاور شعيب لندى باه تخرج ووقف ناحية رنيم منين جبتي هذي الجرأة واش تسحقي فات عليها وراح للفوتاي لي وراها باه يقعد رنيم: انا نحبك ....... شعيب وقبل مايقعد: كيف كاس ماء بارد تكب عليه من جيهة فرحان ومن جيهة خايف تدارك الوضع وبلع ريقو وقعد فوق الفوتاي شكرا والمطلوب ...... رنيم: قتلك نحبك وعلابالي بلي تحبني ماكلاه تمثل العكس 😢😢 شعيب: ...... رنيم: شعيب والله نحبك ومع بعض راح نتجاوزو كلش وراح تعرف لي قتل خوك ونرجعو لدزاير ونكملو حياتنا مع بعض اعطي لحبنا فرصة تهدر ودموع هابطة ...... شعيب: طلع راسو لقاها تبكي ناض يجري عندها حكم وجها بيدو علاه تبكي ذرك خلاص دموعك مانحبش نشوفهم وزيد شوفي مزال مناش مع بعض وبدات الدموع والعذاب الي جاي اكثر اذا بقيتي معايا ...... رنيم: وحنا مع بعض نت تمسحلي دموعي😭 شعيب: راح تنقلي من جامعة هذي تروحي لولاية اخرى وراح نكريلك دار ثم قريبة للجامعة وتنسي هنا وتنسي لبنى وشعيب ورؤوف مفهوم .......... رنيم: وهي قلبها راح يخرج شعيب انت تحب تبعدني عليك وتضرب فيه على صدرو تحب تخرجني من حياتك اه😭😭 .

جام للحلقات يا لفغاازااات