كرونيك:😘😍حب في الغربة😍😘

25

الحلقة الخامسة و العشرين 💖. باسها شعيب من راسها وطلع يرقد طل على رنيم لقاها ميتة ( تعبت مسكينة) باسها من راسها غطاها وشاف مع الروب تاعها وضحك وخرج راح لبيتو .... طلع النهار الناس توجد ورنيم ميتة شعيب خرج من الصباح ولبنى مسكينة تجري وتوجد ووصت على كيكة وطوابل تاع الضياف زينت الجنينة ورجعتها حطة وصل16:30 تاع العشية ناضت رنيم لقت شمبرة تاعها ظلمة ( بالعاني ظلموها باه مايقلقهاش الضو وتنوض) شافت في برتابل لقتها16:30 رنيم: اووو هذا كل نوم تكسلت ناضت دخلت للدوش عبت البانو ودخلت فيه من بعد كملت لفت روحها بمنشفة وخرجت تلقى لبنى ومعاها 2 بنات وحاملين معاهم صنادق رنيم: اهلا شكون هذو لبنى : نسيتي الحفلة جو يوجدوك يمكيولك والبسي لاغوب تاعك انا مزال نكمل حوايج تكوني نتي كملتي ونجي نوجد انا ثان رنيم صاح افتحي هذوك الريدو يدخل الضو لبنى: لالا جيرانا راهم يبنو وتعرفي شعيب مايحبش خليهم ..... رنيم : صحا .... خرجت لبنى وخلتهم يوجدو فيها وصلت 8 كانت واجدة ولابسة دخلت لبنى😍😍 ياعمري راكي تهبلي ...... رنيم بصح مافهمتش علاه هذي الحفلة وعلاه انا لبستوني هك ..... لبنى خلاص ماتبديش تقلقي فيا والله جيتي تهبلي ايا لبنات وجدوني انا رنيم اقعدي انا نروح نوجد ونجي نهبطو كيف كيف اوك ماتهبطيش بلا بيا ..... رنيم اوك روحي ..... هزت رنيم تليفونها تشوف تجرب تعيط لعيلتها مايجاوبوش ..... عيطت لمروى ... رنيم : او يا بقرة وينك ..... مروى : في دار علاه يا الحقارة ملي رحتي لمريكان نسيتيني ..... رنيم : اسكتي برك اسمعي نعيط لدارنا مايجاوبوش ..... مروى: نسيتي بلي ماناش نفس التوقيت بلاك باباك ونجلى يخدمو واريج ويماك يكونو رقدو راه الليل عندنا ابنتي .....رنيم: ونتي علاه نايضة لهذا الوقت يالالة مروة كيما تعرفي مع الفيس ههههه ...... رنيم : ايا روحي نخليك غدوة نزيدو نحكو تهلي في روحك نحبك ...... مروة : وانا نحبك عمري تهلي في روحك .... في الوقت هذاك دخلت لبنى لابسة صواري غوج بوردو طويلة ظهرها عريان وفيها شقة واصلة حد الفخذ وصباط نوار وشعرها بوكلي ومكياج سابل كلاس تحفة ...... رنيم: اواه مراد اليوم عقلو يطير ...... لبنى: هههههه ونسيتي شعيب ...... رنيم: هههههه على هذي اللبسة راح يقتلني..... لبنى : هيا هيا هذاك هو الوقت قدامي ..... هبطو وغير وصلو باب الفيلا ناضت عائشة تزغرت وشعلو الالعاب النارية( لي يجو في الارض هذوك يبينو الطريق) طلعت رنيم راسها تلقى شعيب لابس كوستيم بلونوي جاي مع جسمو حطة هبال(😍😍😍😍 قلبي الصغير) وبابيو حمرة وجاي عندها ويتبسم رنيم شافت مع لبنى تاع واش كاين وصل عندها شغيب...... شعيب: كل عام ونتي بخير حبي خسارة 19 عام ماكنتش معاك بصح نوعدك الباقي عمري مانخليك ...... رنيم عيونها دمعو فهمت بلي حفلة عيد ميلادها عنقاتو غير شافت وراه خرجو ناس كامل يصفقو ..... رنيم: ربي يخليك ليا عمري ..... شعيب : تقبلي تكملي حياتك معايا في داري وتكوني ام ولادي ...... رنيم دارت براسها ايه وعاودت عانقاتو شعيب : شوفي لهيه عندي مفاجئة اخرى شافت وين ورالها تلقى عايلتها يماها باباها خواتاتها ..... رنيم : يااااااا وراحت تجري عندهم تعنق فيهم توحشتهم بزاااف ...... ( علابالي ماكمش فاهمين شعيب من اليامات وهو يتفاهم مع باباها وخطبها منو وهو وافق واليوم الصباح خرج بكري راح جابهم من المطار وبقى معاهم حتى وجدو رواحهم وجابهم للحفلة والعرس 😍😍 ايه اليوم عرسهم هذي هي المفاجئة) رنيم بابا ماما توحشتكم نجلى اريج واش هذي الحطة راكم تهبلو نجلى : ونتي تهبلي بالابيض يا روحي معليش لبستيه قبلي بصح جاك يهبل ربي يهنيك عمري وعنقتها ..... رنيم مزال ماهيش فاهمة والو مسكينة امها واخيرا جا اليوم وشفت فيه وحدة من اميراتي عروسة في هذاك الوقت وصل شعيبباباها: وليدي بنتي امانة عندك تهلافيها ونتي بنتي تاكدي انا ديما معاك واذا كاش مادارلك دار باباك كاينة رنيم شافت في شعيب تاع واش كاين فهموني .... شعيب: تهنى عمي في عيني هي كل عمري ذرك قاطعتهم لبنى فوق المنصة والميكروفون في يدها .... لبنى: سيداتي ايها الضيوف الاعزاء مرحبا بكم معنا لتشاركون فرحتنا بخويا العزيز ...شعيب**** و خطيبتو ولي بعد دقائق راح تكون زوجتو رنيم**** مرحبة بيكم ونحب نقول للعرسان الشيخ راه يسنى ايا وقعو قبل ما نخليه يروح وتبقو هكاك ... ناضت الناس كامل تضحك شعيب حكم يد رنيم وراحو جيهة الطاولة تاع العقد وباباها وعيلتها وراهم قعدت رنيم مسكينة لي مزالت مشوكية وماهيش مصدقة كلش صار بلا علمها سألها الشيخ اذا تقبل وهي وافقت ووافق شعيب وباسها من راسها قربت رنيم منو وهمست في وذنو... رنيم : راح تخلصها غالية شوشيتو حبيبي هذي المفاجئة ... ضحك شعيب ورجع همس فس وذنها شعيب: حبيبي راني خايف عليك نت لانو الحساب كبير بينا 😘 باسها جنب وذنها وناضو يشطحو ولبنى قلبتها بالشطيح وتعرفت على خوات رنيم كملت الحفلة والعرس شعيب دا رنيم للاوتيل وعيلة رنيم باتو في الفيلا (لي صرى في الاوتيل حاجة تخصهم يزيكم بلا تقرعيح مسوفجات 😂😂😂😂).. المهم ملكها وولت ملكو وعنقها ورقدو 

جام للحلقات. ولا احسبوني مت