كرونيك:😘😍حب في الغربة😍😘

12&13

الحلقة الثانية عشرة 💖. روحت وهي تلعن في زهرها الكلب لي طيحها في متعجرف هك هي قريب توصل لدارها وتليفونها صونا رنيم : الو اهلا لبنى لباس لبنى : وينك توحشتك ماكيش تباني ..... رنيم: خلاني خوك ..... لبنى: واش قلتي؟؟؟..... رنيم: والو حنونة قتلك عندي شغالات برك ...... لبنى: خلاص عشية رواحي تعشي معايا كل يوم نتعشى وحدي خويا مايجيش بكري ...... رنيم : لا والله مانقدر معروضة لعشاء اليوم مانقدرش لبنى مرة اخرى حبي 😘...... لبنى : مممم كاين جديد مالا اوك ارواحي ذرك نحكو شوية حتى يوصل موعد عشاك ..... رنيم: اوك دقيقة ونكون عندك وصلت رنيم لفيلا دخلت وبقت لبنى تنسنس وتحوس تعرف الجديد غير انو رنيم والو كانت تبدل الموضوع ومن بعد لبنى سقست رنيم واش راح تلبس للعشاء الليلة رنيم : ماعلاباليش صراحة ماعنديش صواري باه نلبسها وماعلاباليش واش يلبسو في هكا مناسبات لبنى : نوضي معايا انا نتهلى فيك ايا ..... طلعتها لبيتها وهبطت ديك الخزانة وبدات تخير واش تلبسها حتى لقت روب روج بودو جاية سير تاي مواتية جسمهم قدقد وجاية طويلة ومفتوحة على ظهرها وصباط نوار يبريي ومعاه بوشات كيفو وشعرها جبداتو داراتو بوكلي وخلاتو مطلوق ودارتلها رسيل وايلاينير وغوجالافغ روج بوردو جات قنبلة موقوتة خرجت من عند لبنى بعدما باستها ووعدتها تحكيلها غدوة واش صرى معاها في العشاء خرجت وراحت لدارها وبقت تسنى في شعيب يجي باه تروح معاه هكا شوية وصل دقدق حلت الباب فمو بقا محلول كي شافها تخلع ومخو طار ليه ليه فاق مع روحو شعيب: احم احم نمشو ..... رنيم: هيا

جام للحلقات.نكمل

الحلقة الثالثة عشرة 💖. خرجو من المطعم ركب في تاكسي وهو دخان طالع منو هي غير ركبت خطفها من يدها جابها في حجرو وحط يدو على خصرها ويزير وجبهتو في جبهتها هي مصدومة من الجاست لي دارها باقية تشوف وهو يهدر ويتنفس بالقاوي ويهدر ويجز على سنيه الاولى ناقشتي قراري الثانية ماجاوبتيش على سؤالي الثالثة عفستي على هدرتي ودرتي رايك وانا قتلك راح نعاقبك معنتها ماكيش خايفة مني اوك لالة رنيم واوب ماستناهاش حتى تهدر حط شفافو على شفافها وغرق معاها في قبلة طويلة خلاها داخت اكثر من الدوخة لي حاكمتها سحب روحو بالعقل رجعها لبلاصتها حط سبتة تاعو وقلع بتاكسي لدارها مباشرة نزلت وهي ميتة بالتعب والحشمة والحيرة في وقت واحد دخلت وهو راح للفيلا تاعو بدلت ودوشت لبست شورت وبيستي وحطت راسها ورقدت طول غدوة اول يوم جامعة