كرونيك:😘😍حب في الغربة😍😘

21

الحلقة الواحدة و العشرين 💖 . #الواقع فطنت لعشية على صوت لبنى تنوض فيها رنيم عنقتها وتسلم عليها لبنى: وينك سمانة مابنتيش وزيد علاه وجهك هك قلي شعيب كنتي في كلينيك واش جرى حكيلي رنيم: رجعي النفس تكلماي ذرك نحكيلك حكاتلها رنيم كلش كيفاه تعاركت مع شعيب وكيفاه فوتت هذيك السمانة وكيفاه رجع جابها هنا بلا مايفهمها واش هو سبب التغير هذا لبنى: هذا كامل صرى وانا وين كنت افففف سمحيلي حبي خليتك وحدك ونتي بحاجتي عاودت عنقتها .... رنيم : خلاص عيشة البواسة هيا نهبطو قلقت وحدي ...... لبنى: تؤمري يلا نروحو للكوزينة طاطا عايشة تكون طيبت كيكة نشربو قهوة رنيم هيا اصبري نبدل ..... لبنى: لا هكا مليح نهبطو هك ( كانت لابسة شورت وبيستي رقدت فيهم) رنيم: لاعيب .... لبنى: حمارة مزلنا في خطتنا لازم يعترف بحبو لازم يبطل غرور تاعو هيا نوضي خرجو من البيت وهبطو للكوزينة لقو طاطا عايشة ثم تقسم في كيكة لبنى: طاطا الريحة راهي تشهي وشافت في ليلى( الخادمة) ليلى ديريلنا قهوة نشربو بيها هذي الكيكة ...... عايشة: ياعمري علابالي نتي وشعيب تحبوها على هذي طيبتها بنتي رنيم لباس شوية اقعدي رتاحي ..... ليلى : حاظر انسة لبنى وتشوف في رنيم خزة ماشي مفهومة هما يشربو في القهوة ريحة شعيب دخلت سبقاتو عايشة: هاو وليدي ناض دخل مساالخير عليكم مممم ريحة بنينة ماما عايشة كيكة العادة وقرب باسها من راسها ربي يطولنا في عمرك ..... ومع شاف جت عينو على رنيم وواش لابسة السخانة طلعتلو بصح تدارك الوضع وشاف في لبنى واش نتي ماتسلميش لبنى : ارواح نبوسك راني ناكل هههههه ...... شعيب: عادتك ماتبطليهاش ديما الماكلةماتستغنيش عليها وراح عندها عنقها وباسها وقعد مقابل رنيم لي اول ماشافتو ترهوجت وكانت تاكل بسيف هما هكاك وتليفونو صونا ..... شعيب: اهلا حبيبو لباس راك مليح وينك هنا قريب توصل اوك صاحا نستناك ...... لبنى: شكون راه جاي ...... شعيب: رؤوف وشاف في رنيم نتي طلعي بدلي هذا*** كون خرجتي عريانة خير ووقف .....لبنى: علاه نورمال ياك انا نلبس هك علاه ماتقلقش رنيم لالا اقعدي رؤوف ماهوش براني ........ شعيب: نتي اختي الصغيرة كنت نلبسك قشك كان نسيتيلبنى: خلاص حتى رنيم كيما ختك خليها ...... شعيب : وهو كابس على يدو عروقو بانو اتا عندي اخت وحدة وكي قلت تطلع تبدل يعني تطلع مفهوم وهو يعيط رنيم خافت عكس لبنى لي حبت تنطقو ....... لبنى: هيا رنيم نلبسك على ذوقي اليوم رؤوف عقلو يطير ...... شعيب: بالعياط رنييييييم تبعيني ..... رنيم قلبها حبس علابالها اليوم تخلصها غالية لبنى غير تضحك ...... خرجت وراه تبعتو للمكتب تاعو دخلت خلت الباب مفتوح ...... شعيب : غلقي الباب ....... دارت تغلق الباب ومع تشوف تلقاه وراها رنيم: علاه ناديتني ....... شعيب: هذا القش تاع نوم يعني من الشمبرة مايخرجش مفهوم والعرى هذا نكرهو يعني نزيد نشوف لحمك باين نوعدك تخلصي ومراحش يعجبك الحال رنيم: كيفاه 😡😡....... شعيب قدم لكتفها العريان ورقبتها مرر صبعو على كامل رقبتها حتى وصل ليدها وحط شفافو على رقبتها يبوس ويعض حتى خلالها مارة وعاود هبط لكتافها وعاود طبع امارة جددة هي كانت تتوجع ..... رنيم: اااه شعيب وجعتني ..... شعيب : هذا والو قدام الي راح تشوفيه كون ماتسمعيش لكلام وذرك روحي بدلي وسي رؤوف تزيدي تهدري معاه وتعناق والسلامات لي نكرها انا ماكلاه مفهوم دارت براسها ايه وخرجت تجري من المكتب تاعو راحت لبيتها دخلت لدوش تشوف في المارات الي دارهم في رقبتها لبست سروال وتريكو تغطت المارة تاع كتفها بصح رقبتها تبان وزيد زراقت راحت تجري عند لبنى ..... رنيم: لبنى شوفي واش دار لي بسبتك كيفاه نديرانا ذرك هذي المارة لبنى: هههههههه خلاص ماتخافيش شوي فاندوتان وهي راحت اقعدي وهيا خلي نروحو نقعدو معاهم

جام للحلقات.