كرونيك:😘😍حب في الغربة😍😘

14

الحلقة الرابعة عشرة 💖. ناضت الصباح دوشت لبست غوب بيضاء حد الركبة معاها فاست دجين وصاندال نواغ وصاك نواغ وخرجت حكمت تاكسي وراحت للجامعة اول يوم عرفت وين تقرى خذات مواعيد المحاضرات وكتا وتعرفت على بنات وولاد عرب فيهم من الجزائر وفيهم من تونس ومصر وسوريا بلدان ياسر فات نص نهار تحفة نسات كامل واش فات عليها يومين لي فاتو وصلت 14:20 وكان لازم تروح خرجت مع بنات وطفل (ياسر)كان معاها وكانت تضحك معاه وفي هذاك الوقت كان كاين شكون نارو شاعلة من هذاك الطفل(ياسر) لي لاسقها ويضحك معاها ( شعيب واقيل طاح فيها لوف😍😍) ههههه وهي تضحك غير طلعت راسها وتجي عينها في عينو لي كانت حمرا من الغش وعروق يديه لي باينين تالمو مزير يدو هي غير شافاتو سلمت على البنات وودعت ياسر وراحت جيهتو لانها تعرف بلي جاي بخصوص اتفاقيتهم وصلت عندو ...... رنيم: سلام لباس...... شعيب وعينو على ياسر: شايف اول يوم في الجامعة عجبك راكي تضحكي ..... رنيم: فهمت بلي كاين حاجة ماهيش عادية بصح ماعمرتش راسها وجاوبت : ايه نهار يهبل وزيد تعرفت بناس جدد من دزاير ومن الوطن العربي وكامل الله يبارك يتحبو .... شعيب وهو راح ياكلها ويعيط : يتحبو يتحبو شكون هذو لي يتحبو هذاك ط*** لي تتضيحكي نتي وياه عندكم ساعة( ايه عندو ساعة وهو يستنى فيها مسكين شعيب😭😭الحب عمل فيه) رنيم و علا مات التعجب في وجها ونت واش دخلك هذي حياتي وانا حرة نضحك مع لي نحب وقت مانحب علاه نضحك بفمك انا 😒😒 شعيب : اوكي نتي حبيتي تحملي لي راه جاي وركب في تاكسي وطاااار وهي بقت واقفة متعجبة من تصرفو ركبت في تاكسي ومروحة لدارها غير وصلت لقت لبنى عند الباب تستنى فيها سلمت عليها ودخلو لبنى: ستنيتك تعيطي ونتي والو يلا احكيلي شكون مولا العشاء تاع البارح يالالة خفي رنيم: اصبري عليا شوي كليتيني 😂😂 نبدل ونطيبو حاجة ناكلوها راني ميتة جوع ونريحو نحكيلك اوك لبنى: روحي بدلي وانا نطلب بيتزا ونتغدو واحكيلي ( مزروبة غير تقرعج😂😂) طلعت رنيم تبدل هبطت لقت البيتزا وصلت قعدو ياكلو مع بعض وحكاتلها على شعيب من اول ماتلاقاتو في السوبرماركت حتى للعشاء تاع البارح والي صرى قدام الجامعة لبنى: ونظرة تاع خبث في عينها خويا ونعرفو مليح باين يحبك هههههه.....