كرونيك:😘😍حب في الغربة😍😘

10&11

الحلقة العاشرة 💖. ركبت معاه وصلو للمول كبير عطالها قائمة وكل حاجة فيها لازم تجيب منها 20 وفهمها بلي لازم تحط كل حاجة في شاريو يعني هي قائمة تاع لوازم كوزينة ولكن× 20 يعني هي لازم تحضر 20 قضية بقت حالة فمها وحايرة في هذا لبنادم كيفاه يخمم وكيفاه هي تقدر دير هكا كامل وحدها شافت فيه نظرة تاع ارحمني ماهذا😭😭 عوج فمو وراح ودارلها بيدو تاع روحي نفذي تحركت والمول كان فارغ يعني غير هي حتى خدامين مكانش تسقسيهم على بلاصة حوايج بقت وحدها دور وكل حاجة توصل عندها تدي منها 20 ماكانت تكمل كان روحها خرجت ورجليها حبسو قريب 4 سوايع وهي دور وسي شعيب حاط رجل على رجل وقاعد يشرب في قهوة ولا علابالو كملت ونزلت عندو قتلو بلي كملت وكانت تلهث من تعب وصلت برك ترمت على الكرسي وهي تخرج في الكلام بسيف رنيم: كملت خ...لاص خزر فيها بنص عين شعيب: شكون قلك تقعدي نوضي شافت فيه وهي علامات الاستفهام في وجها (هذا صح لا رحمة لا شفقة اللطف😂😂) وفي نفس غاضتها عمرها ملي قاعد يصير فيها وقفت وراسها للارض لانها كانت تبلع في دموعها باه مايهبطوش جاو رجال يخدمو عندو عبو كامل القضيان وخرجو بيه وهي باقية تسقسي وين رايحة هذي القضيان ( يوكل في داعش😀😂😂😂) وقف وهو يتزعبل بلا حتى مايشوف فيها تبعني بلعت ريقها ولحقت من وراه وهذي مرة وقفو قدام شركة كبيرة فيها تقريب 120 طابق نزلت وراسها لفوق تشوف في حجم الالشركة فوقها من دهشتها صوابعو لي ترشقهم قدام وجها خزرت فيه قلها خدمتك داخل ماشي هنا يلا 😒😒 (تبا شرير) لحق لبيرو تاعو ولي هو في اخر طابق وصل قدام سيكريتير شعيب: واش عندي ليوم ندى : اجتماع على15:00 مع شركة جوني بخصوص المناقصة الاخيرة وعشاء عمل20:30 في مطعم****** مع اصحاب اسهم شركة***** للاستيراد والتصدير والدعوة لشخصين 😇😇 دخل وهي بقت تشوف في ندى لي كانت عبارة على عارضة ازياء

جام للحلقات

الحلقة الحادية عشر 💖. جسم رشيق ولباس شبر قصير مع انها عربية ماهيش اجنبية تلفت لقاها مزالت واقفة في بلاصتها شعيب: هاي نظن ندى ماهيش حاجة بيزار هك بلعي فمك وتبعيني فاقت مع روحها وتبعتو دخلت معاه للبيرو قعد وشاف معاها ودور راسو للبيرو تاعو لي كان كبير وواسع وتكلم شعيب: شفتي هذيك المكتبة نحبك تنظميها كامل وتمسحي الغبرة كيما تشوفي راهي دايرة حالة ... رنيم: نظن كاين فاندوميناج في شركة هذي لالا ... شعيب: نعم كاين علاه ... رنيم: هذي مهمتهم مانيش خدامة عندك اوك ... شعيب هذا القانون الثاني خرقتيه تنفذي بلا اسئلة وكاين عقوبة كي تخرقي القوانين وناض جا رايح جيهتها ويشوف فيها بنظرة مستفزة قلقتها كان هو يقدم وهي توخر حتى تعثرت في فوتاي في البيرو وجات طايحة فوقها وصل قدامها وهبط عندها حط يد منا ويد منا وهبط راسو لوجها احسنلك ماتحاوليش تختبري صبري لاني مانحبش نعاود كلامي مرتين مفهووووووم ( بالعياط) خافت وتنفضت من الخلعة ودارت براسها ايه تاع اوك وقف وقلها يلا وقتك بدا راح قعد في بيرو تاعو يشوف في الاوراق ويحضر للاجتماع وهي غرقت في الخدمة هبطت لكتب هذوك مسحت الغبرة وكان الرف الفوقاني بعيد عليها وحبت تمسحو طلعت باه تمسح وناسية بلي المكتبة فارغة وهي اثقل منها واوووب تجي راح طيح عليها ولكن يد جبدتها في اخر لحظة انقضتها ولا كانت المكتبة راح طيح عليها انتي حمارة فعلا كنتي راح تموتي وتباصيني معاك ( هذي مكتبة ماشي دار تموت خلاص 😂😂😂) بقت تريقل في شعرها وهو لي كان مدخل راسو مع راسها ويشوف فيها كيفاه تتنفس وخايفة ويشف في ريحة شعرها حس حاجة في قلبو مافهمش واش هي رنيم فاقت من صدمة رنيم: شكرا لانك انقذتني وجبدت روحها منو ورجعت للكتب وبقت تنظم فيهم وهو بطل خدمة وبقى يراقب فيها من تحت لتحت في كل تحركاتها صونا تليفونها... رنيم: الو اهلا حبي توحشتك وينك.... مروة: كلبة وينك نسيتني بدلاتك امريكا... رنيم : لا عمري والله عمري ماننساك كاين شكون ينسى قلبو.... مروة: هكاك كوليني بالهدرة وينك ياهم وين غارقة.... رنيم : صرات معايا حكاية حبي خلي مين نروح نعيطلك ونقلك ... مروة: اوك حبي تهلي في روحك عشية نعيطلك ايا صحا.... رنيم : اوك بيبي مممموووواااااح باي ( لي يسمع تقول تهدر مع راجل ماشي صحبتها😉😉) شعيب كان يسمع وماشي عاجبو الحال ماهوش فاهم علاه بصح مقلق صح وقف راح عندها مع شكون كنتي تهدري رنيم: نعم !!