لسحرها انحنت الجبال ♣ عندما تعشق الزعيمة ♣

part 13

الجدة :( بجدية ) شوفي أبنتي واخة تكوني تا بنت الرئيس و مادخلتيش لخاطري و الله لا خليت هاد الزواج يكمل

آدم : ( شاف فجداتو بشوفات اللوم ) جدة علاش تافقنا

سراب :( حطات يدها على يدو ) ماشي مشكيل أ آدم غير خليها كاتبقى هي الجدة ديالك و هي الكبيرة دالعائلة

آدم :( شاف فيها باستغراب و لكن كمل ) شكرا أحبيبة على التفهم ديالك

الجدة : إوى أبنتي إيمتى غانتعرفوا على العائلة ديالك

سراب :( ضورات عينيها بملل ) ماعنديش العائلة عندي غير مايكل

الجدة : واراني كانهضر عليه هو ياك هو باباك خاصو يدير الواجب

آدم : ماتنسايش بلي أنا لي غانتزوج بيها ماشي هي لي غاتجي عندكم باش طلبكم تزوجوها بيا

الجدة : شوفي الوقت لي غايكون فيه باباك مسالي و علمينا باش نمشيوا نديروا معاه الصواب

سراب : إنشاء الله ( ناضت ) فين جا الحمام

أسماء :( ناضت ) يالاه معايا نوريه ليك

مشات معاها أسماء تحت استغراب العائلة من التصرف ديالها يالاه نوضوا الصداع و دابة مشات توريها الحمام

سراب دارتها وسيلة باش تقدر تتعمق فتفاصيل القصر و تقدر تكتاشف مكان القرص

قاطع البحث ديالها صوت أسماء

أسماء :( متكية على الباب دالحمام ) فخبارك بلي من الشوفة اللولة مادخلتيش لخاطري

سراب :( قربا لعندها و هضرات بصوت خافت ) واش فخبارك بلي حنا كاينين بوحدنا هنا و إلى زدتي معايا كلمة وحدة غانرسم ليك خريطة أمريكا فوجهكي

أسماء :( كاتحاول تخفي خوفها ) هانتي بنتي على حقيقتكي قدام آدم و العائلة كاتمثلي دور الملاك و البنت المحترمة و دابة جالسة كاتشمكري عليا ( خرجات فيها عينيها ) آدم ديالي أنا و ماتحلميش نخليك تتزوجي بيه

سراب غير سمعاتها شنقات عليها و عينيها بغاوا يخرجوا من بلاصتهم كاتحاول ما أمكن تتحكم فراسها

سراب :( ماكاترمشش و كاتهضر بصوت متقطع ) أقسم بالله العلي العظيم إلى غير حاولتي و إلى غير هزيت عيني و شفتك كاتشوفي فيه و لو بالغلط غاننسى بلي نتي بنت عمو و ديك الساعة غاتشوفي سراب الحقيقية سراب لي كاتقلبي عليها

أسماء ولات زرقة و خشات ظفارها فيد سراب كاتحاول تفك راسها تا الصوت لي تغوت بيه تقطع ليها

طلقات منها سراب و دارت يديها على عنقها لي تصوروا فيه صبعان سراب

سراب : إلى وصلات لآدم شي كلمة من هاد الحوار لي ضار بيناتنا غانخلي داك النهار لي علمتيه فيه يوكن أسوء نهار يدوز فحياتك