حلات الباب
سراب : أول حاجة خاصك تعطيني نسخة من الساروت لي عندك و ثانيا غانبدل هاد الديكور و ثالثا أنا لي غانتحكم فالنظام ديال الدار و أي حاجة كاتدخل للدار و لا تخرج أنا لي غانكون مشرفة عليها
آدم بقى واقف مربع يديه كايتصنت فيها
آدم : شي أوامر خرى ألالة سراب
سراب : فالوقت الحالي هادشي لي عقلت عليه فاش نتفكر شي حاجة نgولها ليك
جلسات
آدم :( هز ورقة و بدى كايقرى فيها ) خاص فالنهار ثلاثة الوجبات يكونوا متوازنين و الدوا تشربيه بانتظام بينما جا موعد العملية و مانبغيش أي أعذار
سراب : لا زيد كاين شي حاجة نسيتيها
آدم :( نزل لمستواها ) هادشي لي عقلت عليه
غمزها و مشى للكوزينة كايطيب ليها شي حاجة تاكلها
سراب حطات يدها على راسها و ناضت
سراب : أوف كيفاش نسيت الحفلة راني واعدت أدهم نمشي ليها ( شافت فحوايجها ) غانزيد نتعطل خاصني نمشي نلبس حوايج مناسبين ( ضربات راسها ) علاش نسيتي
سمعات صوت الصونيت
سراب :شي واحد جا
آدم : غايكونوا غا خوايجك لي وصيت عليهم
سراب : كون تمنيت شي حاجة خرى كون تحققات
مشى آدم حل الباب و دخل و هو كايجر فالعالاقة لي عامرة بالحوايج و فاللون الأسود
سراب :( ابتاسمات غا مع راسها ) ولينا كانتفاهموا أنا وياك
آدم : ماكايهمنيش اللون المهم عندي هو تلبسي شي حاجة تكون مستورة
سراب :( جمعات فمها بعصبية ) غاندير ليك خاطرك ولكن ماشي تال ديك الدرجة ( وقفات و حطات يدها على صدرو ) نتا عامر كلك بالوشوم و جاي كاتهضر بهاد الطريقة
آدم :( ابتاسم و هو هاز حاجبو ) ماشي لخاطري ضحيت ببزاف دالحوايج باش نوصل لديك الخدمة فاللخر جات وحدة و ضمرات ليا كولشي باش نوصل لداك البوسط دوزت بزاف دالامتحانات و أنواع دالعذاب
سراب : هادشي كلو باش إلى شداتكم شي عصابة ماتعتارفوش واخة يعذبوكم ( حركات راسها بلا حول و لا قوة إلا بالله ) هوما لي خاسرين ماشي نتا
آدم :( ضحك ) ماكانهضرش ليك على الظابط آدم المتوكل حيت هو لي خسر ولكن أنا ماخسرتش
سراب :( بعدم فهم ) ياك نتا ظابط شرطة
آدم : ( ضرب خذها بضربات خفيفة ) كاينين شي حوايج تا نتي ماعارفاهومش على حياتي كايبقاوا أسرار ظابط شرطة كانت مهنة فوق الشبعة و مجرد إلهاء للمافيا أنا مادوزتش gاع دوك الاختبارات باش نولي مجرد ظابط
أنت تقرأ
لسحرها انحنت الجبال ♣ عندما تعشق الزعيمة ♣
Aksiyonهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...