لسحرها انحنت الجبال ♣ عندما تعشق الزعيمة ♣

part 1

فغرفة كبيرة جالسة البطلة ديالنا حاطا رجليها فوق الطابلة او شادا فيديها الgارو ، الطابلة فيها غا الرجال ولكن فاش كايكونو معاها ما كاتبقاش شي حاجة سميتها الرجولة

هضر واحد الراجل كبير شوية الا انه محافظ على هيبتو كان جالس على ليمن ديالها : بنتي ، داك الظابط لي كنت هضرت ليك عليه باقي مكلف بقضيتك ، على حساب علمي هو كيشكل خطار كبير علينا

سراب : قتلوه

نقز واحد كان جالس على ليسر ديالها : حاولنا بزاف دلمرات ولكن مانجحناش

شدات داك الgارو لي كان فيديها حطاتوا على يدو حرقاتو بيه

داك الراجل ماقدرش تا يتألم على خاطرو ماخرجش الصوت الدموع ت تجمعوا فعينيه

اما هي فمادارت تا ردة فعل

سراب : علاش  مخدماكم عندي

الراجل : ( او هو كيتألم ) باش نفذوا اوامرك

حيدات الgارو رماتو

رجعات تكات على الكرسي او حطات رجليها على الطابلة هزات راسها للسقف او غمضات عينيها : صيفطوا ليه شي جاسوسة تجيب لينا المعلومات عليه

نطق داك الراجل لي هضر فلول : حنا صيفطنا بزاف ولكن اما كايقتلهوم فاش كايكتاشفهوم ايما كايديهم ايستاجوبهم تما حنا كانقتلوهم ، ايلا بقينا مستمرين على هاد الحالة غانشكلو خطار كبير علينا ، هو شخص قاصح بزاف او مستحيل ايديرها بيه شي واحد gاع القضايا لي شدهوم حلهوم

سراب : اذا انا لي غانتكلف بقضيتو

كلشي تصدم حيت هادي اول مرة كاتكلف بشي واحد هي شخصيا ، الى تكلفات كيكون مصيرو الموت الحاجة لي مؤكدة

داك الراجل ضحك حيت دابا هوما كيستخدمو الورقة الرابحة لي عندهوم ، مستحيل شي راجل فلعالم كيما كان عمرو أو شكلو أو طبقتو الاجتماعية ميتسحرش بجماها او الهيبة لي كاتملك هادشي بلاما تستخدم.سلاحها السري

نقز واحد الراجل تا هو كبير فلعمر : انا خايف لا يتقلب كولشي علينا او نصدقو حنا لي خاسرين حيت داك الراجل كاتضرب بيه الامثال على شهامتو او شخصيتو القوية بلاما نساوا وسامتوا بسباب هادشي كانوا جاسوساتنا كيتفضحوا

باقا مغمضة عينيها نطق داك الراجل اللول : ماتنساش راسك عليمن كاتهضر ماتقارنش بينها او بين دوك النملات لي كنا مخدمين ( دار ضحكة جانبية ) الانسان لي ما عندوش قلب ، الانسان لي كايقتل وي عذب بلا ماترمش عينيه مستحيل ايطيح فخطيئة الحب

هضرات سراب : جمعوا قلوعكم الاجتماع سالا

مازادوش معاها الهضرة كولشي خرج الا داك الراجل لي هضر فلول هي جبدات gارو اخر او بدات كاتكمي

سراب : اش سميت داك الظابط

هنا داك الراجل تردد هو خايف من ردة فعلها هي دايرة كي لقنبلة الموقوتة ماكاتعرفش ايمتا تفرgع عليك

هضر داك الراجل بعدما جمع كلماتو : داك الظابط سميتو آدم ، آدم المتوكل ( بعد صمت ) راه خوه

وقف بيها الزمان هنا عند الكلمة الاخيرة لي سمعات المتوكل ، هاد الكلمة بقات كاتعاود فوذنها نفس كنيتو اه نفس كنية الشخص لي دمر براءتها طلقات الgارو تا جا على فخضها الليمن تحرقات الكسوة لي كانت لابسة اما هي فماحساتش بالالم كيفاش غاتحس بالالم ميمكنش تحس بيه هي ما ولات مافيوزية تا قضات على شي حاجة سميتها الاحساس ، ولكن هي دابا كاتواجه الماضي ، الماضي لي تابعها فين مامشات هو ماكفاهش ديك البصمة لي خلاها عندها ما كتافاش بل خلى ليها بصمة اخرى من دمو او لحمو

ابتاسمات اول مرة فحياتها كاتبتاسم ، اول مرة فمها كيتجبد لدرجة لا هي لا تا شي واحد عارفين بلي عندها حفرات الزين

سراب : كانواعدك ا آدم المتوكل ، كانواعدك غاتخلص ضريبة خوك ، كانواعدك غايكون عقابك خاص ، كانواعدك غنحرق ليك قلبك كيما حرق ليا خوك قلبي او حياتي او مستقبلي او حرمني من كلشي ، كانواعدك عقابك غايكون شديد