سراب دارت راسها كاتفكر
سراب : أنا ماعنديش أصدقاء ( سكتات ) ولكن مانقدرش نرفض هاد العرض
آدم بدى كايضحك و عنقها و تا هي عنقاتو
سراب : حنا غير أصدقاء شتك من الدقة اللولة عنقتيني
آدم :( حاوطها بيدو و هوما راجعين للفيلا ) هاديك غير التعنيقة دالصداقة
سراب :( ضحكات ) والله مامتيقة بلي نتا فعمرك 34 سنة
آدم :( ضحك ) تا أنا والله مامتيق تا شرفت عاد جاتني المراهقة المتأخرة و يا حسرة بنت 20 عام جرجراتني و لعبات بيا كيما بغات
سراب : ( عقدات حجبانها ) هاحنا غانبداوا فحشيان الهضرة
آدم :( باس راسها ) صافي سمحي ليا
دخلوا عندهم و هوما كايضحكوا مما أثار دهشة و استغراب العائلة
سراب :( وقفات قدامهم و هي كاتشير نحو آدم ) كانعرفكم على الصديق ديالي آدم
مايكل شاف فآدم لي كايفرنس و توجه بأنظارو لأمين و أنجلينا لي تا هوما حابسين الضحكة
مايكل :( ضحك ) آش درتي ليها أ آدم يالاه كانت غاتفرgع علينا و دابة دخلات و الحياة فيها
آدم :( غمزو ) هذا سر
____________
بعد أسبوع
أنجلينا كاتشوف فالناس لي كايتجاراوا
أنجلينا : زربوا دغيا سيمانة و باقي ماسالينا التحضيرات
عنقها أمين من اللور
أمين : كانبغيك
أنجلينا :( ضرباتو على يدو ) سير أالسافل دابة يشوفنا شي واحد
أمني :( ضحك ) منين كاتجيبي هاد المصطلحات
أنجلينا مشات كاتجري
أنجلينا : ماديروش الورد هنا ديروه الفوق ( شافت فالراجل لي فالسلوم كايقاد الأضواء ) بغيت كولشي يكون مقاد بالعبار ( غواتت ) ههييه نتاا كثثر من دداك الورد ريحتو زوينة...
جا مايكل لي فرحان و تا هو كايعطيهم التعليمات
مايكل :( شاف فأنجلينا ) هاد السيمانة كلها و حنا عايشين على أعصابنا ( شاف فاللائحة دالمدوعين ) بغيت gاع الناس لي جاوا السنة لي فاتت يعاودوا يجيوا خاص نوضعوا حد لهضرة الناس
أنجلينا :( ضحكات ) ونتا أعمي ماناويش تعاود تتزوج راك ماشاء الله باقي صغير و الدنيا قدامك
مايكل :( نزل راسو ) دابة دازت 7 سنين على الموت ديالهم و عمري مانسيتهم عمري مانسيتها
أنجلينا :( ابتاسمات ) الحب ديالكم قوي لدرجة واخة ماتت مانسيتيهاش و باقة كانشوف الحب فعينيك ليها ( شافت فأمين و خنزرات ) وا عنداك تخرج ليا نتا من الجنب
أنت تقرأ
لسحرها انحنت الجبال ♣ عندما تعشق الزعيمة ♣
Açãoهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...