سراب بدات كاترمش بعينيها بعدم تصديق واش حماق ولا شنو دازت العملية و فاش حلات عينيها لقات كولشي مبدل
سراب : آدم ولكن ...
آدم :( قاطعها ) ماتgولي والو دابة أنا عارف بلي تا نتي كاتبغيني و تأكدي بلي غاتاخذي القرار الصحيح سمعي لقلبكي أسراب
سراب : ( هزات يديها و هي كاتحاول تركز ) بشوية عليك أ آدم كلمة بكلمة راك خربقتي ليا أفكاري إيمتى وليتي كاتبغيني واش ماكاتشوفش حالتي واش باغي تكمل حياتك معايا أنا
آدم : علاش كاتهضري بهاد الطريقة
سراب : لا ماكانقصش من راسي حيت عارفة المكانة ديالي ولكن شوف راني مريضة و عايشة بكلوة وحدة واش ماكفاكش هاد المرض
آدم : هادا ماشي مرض ماكاتهمني تا حاجة من غيرك سراب نساي كولشي يالاه نبداوا صفحة جديدة نبداوا من الصفر عارف بلي بجوجنا درنا بزاف دالأخطاء لي خاصنا نصلحوهم
سراب :( حركات راسها ) واخة نبغي مانقدرش مانقدرش نبدا من الصفر شي حوايج فالماضي ماكايموتوش كاينين شي حوايج كايبقاوا مبصومين علينا حياتنا كلها ( شدات فيدو ) آدم واخة نكون كانبغيك ماغانقدرش نتزوج بيك حاول تفهمني راه هادشي ماشي بيدي
آدم : ( ناض ) فهاد اللحظة ماغانبزز عليك والو حيت عارف بلي مشاعرك مخربقين فاش غاتبراي ديك الساعة غاتكون هضرة أخرى
خرج و خلا وراه سراب لي كاتعيط عليه
سراب :(دوزات يديها على شعرها ) دابة آش غاندير يا ربي فهاد الوحلة و هو مالقى إيمتى يعتارف ليا غير فهاد البلاصة و فهاد الحالة وفاللخر مشى و خلاني
هزات راسها و تكوانسات آش هادشي كاتشوف قدامها
دخل و سد الباب بالساروت و جلس قبالتها و هي مازال ساكتة ماكاتتحركش و لا تهضر
واش هادا الشبح ديالو و لا شنو غمضات عينيها فاش بدات كاتتفكر أحداث داك النهار لي نساتهم
أشرف :( شد يدها ) خلعتيني عليك على سلامتك
سراب كاتحاول تخرج الهضرة ولكن ماقدراتش بغات تغوت و ماقدراتش
أشرف :( كايمثل الاستغراب ) خويا كايعجبكي الحال معاه و أنا كايتقطع ليكي الحس معايا ( قرب حداها و هو مخرج عينيه ) من إيمتى و نتوما كاتخونوني
سراب :( دفعاتو و هي كاتترعد ) خرججج برراا غايجي شي واحد يشوفك خخررج دابة يششوفك آدم
أشرف : ( ورك ليها على يدها ) واش عاارفة وااخة مابقيتييش صاالحة لوالو أنا باقي كانبغيك واخة وليتي بلا فائدة كانبغي هاد النظرة لي فعينيك كانبغي هادد الخووف لي فيهم
سراب :( غوتات ) gلت لييك خخرجج مااتقررببشش مابغييتش نسمع صووتك كاانكررهوو و كاانكررهكك
أنت تقرأ
لسحرها انحنت الجبال ♣ عندما تعشق الزعيمة ♣
Aksiهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...