أدهم شد فيد آدم و جاوا عند سراب
أدهم : سمحي ليا حيت عصبتكي البارح
سراب شافت فآدم لي عرفاتو مول الفعلة
سراب : أصلا ماتعصبتش ولكن ماتبقاش تجبد ليا داك الموضوع
أدهم : صافي كانواعدك ولكن بشرط
سراب :( باستغراب ) آشناهوا هاد الشرط
أدهم :( زير على يد آدم ) يبقى معانا عمو آدم
سراب :( غمضات عينيها و عاودات حلاتهم بعصبية ) أدهم سير للداخل أنا و آدم عندنا شي هضرة ( شافت فيه ) مهمة
أدهم :( بدى كايزعزع فيد آدم ) لا بغيت نبقى معاكم ماغاندخلش
آدم :( نزل على ركابيه ) خاصك تسمع لهضرة سراب و ماتقلقهاش إلى بغيتيني نبقى معاك
أدهم : وعد الرجال (هز يدو )
آدم :( ضحك و ضرب يدو معاه) وعد الرجال يالاه دخل
دخل آدم و سراب بقات واقفة كاتشوف فآدم و هي مخنزرة
آدم : كنت كانظن بلي ساليتي الهضرة
سراب : لا ماساليتهاش شوف آدم بلا ماتحرض عليا ولدي
آدم :( باستغراب ) بالعكس أنا ماحرضتوش عليك هو بغى الوجود ديالي معاه واش فيها شي حاجة
سراب :( غوتات ) آه فيهها بزاف دالحوايييجج آددم وااش ماابااغيشش تففهم بليي ماابقييتش بااغة نششوف كمماارتكك ماابغييتش بأي طريقة غانششرححها لييك
آدم :(بعصبية ) سسرااب وااخة تتكذذبيي ولككن عينييك مااغايكذبووش بجووجنا عاارفيين بليي هااد الهضرةة مااخارجاشش منن قلببك
سراب :( بصوت مبحوح ) صافي واش ماكفاتكش هاد الحالة لي راني فيها فين باغي تزيد فين ( هزات صبعها ) دير لي بغيتي ولكن بعد من حياتي و من حياة ولدي ماغانسمحش ليك تآذينا باراكة
عطاتو بالظهر و بقات غادية و هي كاتسمع صوت آدم من وراها
آدم : ( بعصبية ) ممااكااينن تا وواحد بااغي يآذييك ققد رااسككي نتتي كااتآذي ننفسسك بننفسسك و كااتجي تتاهمييني نتتي كااتهربي من الحققييقة نتي خاايفة منننها خاايفة من فكمرة أنكي كااتبغييننيي
سراب حطات يدها على وذنيها ماباغاش تسمع هضرتو لي عارفاها بصح
دخلات و تكات على الحيط
سراب : علاش باقي مصر أنك تبقى فحياتي رغم ديك الهضرة القاصحة لي gلت ليك .. علاش باقي متشبث بيا علاش نتا عارفني بلي ماصالحاش ليك ... أنا ماغانقدم ليك تا حاجة من غير الحزن و الهم
غمضات غينيها و عاودات فتحاتهم و ابتاسمات و هي مصرة أنها ماغاتعاودش تضعف
سمعوا صوت الدقان فالباب لي كان غايتهرس سراب تعصبات
أنت تقرأ
لسحرها انحنت الجبال ♣ عندما تعشق الزعيمة ♣
Acciónهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...
