خرجات و هي حاطة السلاح حداها
أدهم :( كايحاول يجاريها ) فين غانمشيوا
سراب :( كاضور بعينيها فالمكان ) حنا غانرجعوا لأمريكا
أدهم :( كايحاول يحيد يدو من يدها ) لا بعدي مني بعدي بغيت نبقى مع بابا
سراب :( غوتات عليه ) سككتت نتاا غااتمشيي معايا ماانبغييش نسسمع حسسسك
أدهم كايجري و هو كايشوف فيها بحقد حيت غاتبعدو على الأب ديالو بالنسبة ليه هو أفضل شخص ديما كايلعب معاه
سراب وقفات فوسط الطريق و هي كاضور براسها فهاد الظلام تا طوموبيل ماكادوز فقط صوت تصفار لي كايتسمع
سراب :( تحنات على ركابيها و هي شادة وجه أدهم بين يديها ) شوف ألحبيب ديالي ماتخلعش أنا معاك حنا غانرجعوا لأمريكا و غانعيشوا حياة أحسن غانعرفك على عائلتك لي كبيرة
أدهم : أنا ماخايفش ولكن فيا الجوع فين حنا دابة إيمتى غانوصلوا لأمريكا
سراب شافت فالسماء و هي ماعارفاش باش تجاوبو أول مرة تحس براسها ضايعة غادية و هي ماعارفاش فين غاتمشي بلا طريق فقط كاتجري و صافي
كان فقط ضوء القمر لي مغطي ديك الطريق لي مجرد المشية فيها كاتزرع فقلبك الخوف
سراب بدات كاتبان ليها طوموبيل جاية فالاتجاه ديالها وقفات فنص الطريق و بدات كاتهز فيديها و شعرها مغطي النص فيها عام مابقات قطعاتو
وقفات ديك الطوموبيل لي كانت غاتدخل فيها لولا أن لي كان راكبها كسيرا بأقصى جهد عندو
مشات للبلاصة دالسائق و هي تهز عليه السلاح
سراب : ( شداتو من الكول ديالو ) يالاه نزل دغيا ولا غانخوي فيك هاد السلاح يالاه آرا السوارت دالطوموبيل
الشخص بقى كايشوف فهاد المصيبة لي طاحت عليه من السما زاد عمق فيها نظراتو
سامي : سراب آش كاديري هنا
سراب : حيد دغيا ماشي وقت الأسئلة
سامي :( شد فيها ) calme toi واش ماعقلتيش عليا
سراب :( حاولات تدفعو ) بعد من قدامي دغيا
سامي :( لوى ليها يدها و طاح منها السلاح ) آش كاديري هنا ( شاف فأدهم ) شكون هاد الدري لي معاك
سراب : ( حطات يدها على راسها و هضرات بعصبية ) ماشي وقتك
سامي :( شد يدها ) فين غاتمشي و نتي ماعارفة تا راسكي فين كاينة ياك ماشي مافيا هي لي دارت ليك هاكة كيفاش تا وصلتي للمغرب
أدهم شد فسامي و هو مخنزر
أدهم : بعد منها
سراب :( شافت فأدهم ) أدهم صافي طلع دغيا فالطوموبيل ( سراب ركبات اللور حدى آدم و هي معنقاه ) ديني دغيا للمطار
أنت تقرأ
لسحرها انحنت الجبال ♣ عندما تعشق الزعيمة ♣
Actionهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...
