آدم : ( حك شعرو ) هادي غير ثرية
سراب : شكون هاد ثرية
آدم :(شاف فيها بتعجب ) واش ماعقلتيش عليها
سراب : ماكانعرف تا وحدة بهاد الاسم و كون عرفتها ماغانسولكش من الأصل
يالاه بغات تجاوبها غيثة و سكتها آدم بعينيه
آدم : ( حط يد على ذراعها و جلسها ) راكي غير نسيتيها راكم كاتعرفوا بعضياتكم ( غمض عينيه ) التأثير ديال الدوا لي شربتي
أمين :( بخوف ) سراب آش واقع ليك
سراب : ديما كاتجبد ليا الصداع (شافت فأمين ) ماكاين والو عنداك تمشي توصل شي حاجة لمايكل
أمين : صافي ولكن باقي كانستنى منك شي تفسير لهاد شي لي
بسراب بدات كاتشم فريحة الحريق
سراب :( كاتشم ) مح مح آدم واش خليتي البوطة شاعلة على الماكلة
آدم :( خرج عينيه ) تفو على زهر
مشى دغيا للكوزينة طفى داك شي و رجع لقى كولشي كايضحك عليه و سراب أول وحدة
سراب : ناري فينهوا عقلك مستحيل دير شي حاجة مزيانة بلا ماتخسرها
آدم :( كايشوف فعينيها ) على لي يبغيك يبقى عندو شي عقل
بداوا كايصفقوا و آدم عاد وعى براسو آش gال
آدم : كنت كانقصد لي شافكي واش يبقى عندو شي عقل
أميمة :( كاضحك ) لا أخويا هضرة النبي سبقات ماعندك فيت ترجع
هشام : ماتحشمش خوذ راحتك أصلا حنا جينا باش نستافدوا من الخبرة ديالك
سراب حابسة الضحكة على دوك الحمقين لي متيقين بلي بيناتهم شي حاجة
جلسوا معاهم و هوما كايهضروا و يضحكوا و كل مرة كايسولوهم شي سؤال و ديما كاتكون إجابتهم مختلفة بحكم تسرعهم
خرجوا معاهم قدام الباب
سراب :( بهمس ) من بعد هاد النهار مستحيل يبقاوا متقين هاد التمثيلية
آدم : نتي لي كاتجاوبي جواب مختالف على جوابي آش ندير ليكي
هشام : وا وجهكم قاسح ماقدرتوا تا تعرضونا عرضة كذابية زعما صحابك أ آدم
سراب :( هزات كتافها ) بيناتكم
توادعوا و سراب خذات أمين لي مشاوا كايهضروا و آدم مربع يديه حاضيهم و مامسوقش لهضرة ولاد عمامو
سراب : أمين علاش دخلتي فهاد اللعبة راك كاتخاطر بgاع داك شي لي تعذبت عليه
أمين :( بعصبية ) سرااب وااش نسييتتي بليي أنا خوكي ها نسيتي بلي تربينا بجوج مستتحييل نقبل نشوفكي كاتحاربي و تتعذبي بوحدكي من صغرنا و حنا كانتقاسم الكولشي العصا و البكا
أنت تقرأ
لسحرها انحنت الجبال ♣ عندما تعشق الزعيمة ♣
Actionهو الثلج و هي النار هي السراب و هو الحقيقة اصطدام بين قوى الخير و الشر اصطدام بين الماضي و الحاضر معركة بين رجل و امرأة تدخل فيها الحب و الكره و الانتقام شكون لي غايفوز ؟ ترباوا على ان الحب اكبر و اعظم خطيئة ممكن ايرتاكبوها واش هاد الفكرة غاتزول...