اسيرة انتقامه..بقلم منار مازن

Part 15

*البارت الخامس عشر*

*ملاك بصدمة وشفقه لما عانته تلك المرأة الطيبة:طب لييييه مفيش أم تعمل فى بنتها كده دي باعتها وليه مارجعتش لابوها*

*رئيسة الخدم:لا يا بنتي فيه لما تبقي كلبة فلوس..لو كانت رجعت لابوها كان هيرجعها لجوزها اللي هو ابو رعد لان فى تفكيره انها هي السبب وهي اللي اديتله الفرصه*

*ملاك ببكاء:ماشي حتي لو هي كلبة فلوس كانت جوزتها لاي حد من غير موضوع اغتصابها ده..على كده الست اللي بيقولوا عليها بالغلط انها امي طلعت جنبها صفر على الشمال..ليييه بيعملوا فينا كده*

*رئيسة الخدم محاولة تهدئتها:اهدي يا بنتي هما دلوقتي بيتحاسبوا على اللي عملوه..انتي ايه حكايتك؟!*

*ملاك ببكاء حاد:بنت عندها 3سنين بتحب ابوها وأمها بس حالتهم المادية مكنتش اوي امها كانت كلبة فلوس بتعشق الفلوس زي عينها سابتني واجبرت بابا انه يطلقها وبالفعل بابا نفذ لها طلبها وطلقها سابتني فى الوقت اللي كنت محتاجاها فيه مفكرتش تسال عليا ولا تعرف اخباري سنين بتمر وملقيتهاش جنبي سؤالي عنها كل يوم ما بينقطعش وكان رد واحد اللي بلاقيه "انسيها يا ملااااك انسيها متستاهلش انك تفتكريها وتسالي عنها..متستاهلش عياطك عليها الست دي سابتك وانتي 3سنين ومفكرتش تسال عليكي انسيها"كنت كل يوم بكرها بس كان نفسي اشوفها وأسالها ليه كبرت ونجحت ومكانتش موجوده جنبي زي اى ام وتزغرط من يومها قررت اني انساها واخرجها من حياتي بس غصب عني كنت بشتاق لها..من كلامك عن الست اللي دخلت بين زينب هانم وايهاب بيه وقرار رعد انه ينتقم من بنتها عرفت اني انا البنت دي..عرفت ليه رعد بيعاملني كده..فاكرني زيها*
*انهت كلامها بانهيار تام*

*ضمتها رئيسة الخدم الى صدرها مربتتا على رأسها:اهدى يا بنتي صدقيني ربنا مش هيسيبها يلا قومي واغسلي وشك كده ومش عيزاكى تعيطي وانا من هنا ورايح امك زي ما انا ام رعد ماشي*

*ملاك وهي تمسح عينيها:ماشي يا ماما سعاد*

*قبلتها سعاد من راسها وتركتها لتكمل عملها*
🌸🌸🌸🌸🌸🌸
*فى الشركة شعر رعد بنغز فى قلبه*

*رعد محدثا نفسه:ياربي انا مش عارف ليه قلبي وجعني كده*
*قاطع حديثه دلوف السكرتيرة*

*هايدي:مستر رعد ماهيتاب هانم عايزة تقابل حضرتك*

*رعد بتنهيدة:ودي عايزة ايه دخليها*

*هايدي:حاضر*
*فتحت الباب وافسحت لها الطريق الى الداخل:اتفضلى*

*دلفت ماهيتاب بغرور وتكبر واشارت لها بالخروج:مهمتك خلصت*

*جزت هايدي على اسنانها فى غضب من تلك الاهانة وخرجت صافعة الباب خلفها*

*رعد بغيظ:ايه اللى حصل ده يا ماهي انتي عارفة اني محبش حد يهين اى موظف عندى*

*ماهيتاب محاولة امتصاص غضبه:سوري يا بيبي اصلى عايزة اوريك الحاجات اللي جبتها وكمان عايزاك فى موضوع ضروري*