اسيرة انتقامه..بقلم منار مازن

Part 13

اولا عارفه اني قصرت ف النشر بس بسبب ظروف صحية

ثانيا عارفه ان البارت بيكون قصيرة بس والله بكتب على قد ما اقدر ومش بتعمد ابدا اني اكتبه قصير

ثالثا الرواية لسه قيد الكتابه يعني صعب اكتب اكتر من بارت ف يوم واحد

رابعا بشكر كل البنات اللي قدرت ظروفي فعلا والبنات اللي بتشجعني بحبكم جدااااا
...................................................
...........البارت الثالث عشر............

رعد بهدوء:وانا مسامحك يا ماهي انا عارف انه مكنش قصدك وانا كمان مكانش قصدي اضربك بس اتعصبت
وتابع فى نفسه:لازم اخليكي تحت عيني عشان اعرف بتخطتي لاية كون انك تيجي وتعتذري فده شئ يزود شكي

افاق من شروده على صوت ماهيتاب:بجد يا رعد مسامحني انت مش عارف يا حبيبي كنت خايفه ازاي انك متسامحنيش

رعد بهدوء غير مبالي:مقدرش يا ماهي وخلاص بقي يا حبيبتي مش عايز اتكلم في الموضوع ده تاني

ماهيتاب:من عيني يا حبيبي

رعد بنبرة عادية:يلا عشان ناكل ثم وجهه حديثه الى ملاك:وانتي روحي شوفي هتعملي ايه

ملاك بطاعه:حاضر
...................................................
فى منزل عم ملاك تحديدا فى غرفة ليان

فاقت ليان من افكارها على رنين هاتفها لتجده رقم غير مسجل

ليان بضيق:اوف عيل فصيل بجد فصلني مش هرد

ولكن كان للهاتف رأي اخر استمر على رنينه المتواصل لتقرر ليان الرد وتلقين ذاك المتطفل درسا لن ينساه

ليان بغضب هاتفيا:ايه قلة الذوق دي ده انت مشوفتش دقيقة تربية بتزعج النااااس لييييه هااااا لييييه ما ترد عليا يا استاذ يا محترم ولا القطه كلت لسانك

عدي بصدمة:هو انتي مدياني فرصه ارد ده راديو واتفتح ايه يا بنتي انتي مبتتكلميش في بيتكم ولا ايه

ليان بخجل وهي تكاد تبكي:باشمهندش عدى بص هو يعني فى ارقام بتتصل ترخم وكده فافتكرت واحد منهم انا اسفه جدااا والله مش قصدي اسفه

عدى بضحك:اييه كمية الاسف دي خلاص يا ستي ماحصلش حاجه وسجلي رقمي عندك بقا وقولي لي اخدتي لي ميعاد مع الحاج

ليان بخجل:لا لسه اصل جيت لقيته نايم

عدي بنفاذ صبر:لا بقولك ايه انا عايز الاقي الميعاد عندي بكره مفهوم

ليان بضحك:مفهوم مفهوم

عدى:مع السلامة دلوقتي يا قطتي

ليان بخجل:سلام
...................................................
عوده مره اخرى الى قصر رعد

ماهيتاب:حبيبي الخطوبه هتكون امتي عشان اجهز الفستان وكده ما انت عارف بقي

رعد بفتور:بعد اسبوع

ماهيتاب بحماس:تمام يا حبيبي

رعد بنبرة عالية:ملااااااك حصليني على فوق

ملاك بخوف:حاضر

صعد رعد الي غرفته ولحقت به ملاك ليفعل بها ما يحلوا له

اما بالاسفل فتجلس تلك الافعي

ماهيتاب بغل:كل فلوسك وثروتك دي تبقي ليا وانا هخليك تركع تحت رجلي
...................................................
فى صباح اليوم التالى

فى بيت عدى يستيقظ على رنين هاتفه المتواصل

عدى بنوم:الوووو

رعد بغضب:اصحي يا زفت انت لسه نااااااايم نص ساعه والاقيك فى الشركه

عدى بخضه:طيب حاضر قومت اهو

لم يجيبه رعد بل اغلق فى وجهه
...................................................
فى غرفة رعد

رعد:عايز الاقي القصر كله متنضف بدون مساعدة اي حد ليكي والاكل جاهز مفهوم

ملاك بانكسار:حاضر

يتركها رعد ويتوجهه الي الاسفل يجد ماهيتاب فى انتظاره

ماهيتاب:صباح الخير يا حبيبي انا هخرج انهارده عشان اجيب شوية حاجات قبل الخطوبة

رعد بفتور:تمام يلا مع السلامه

يغادر رعد الى شركته وتلحق به ماهيتاب
...................................................
فى مكان مهجور تقابل ماهيتاب ذاك المجهول

المجهول:ها عملتي اللي اتفقنا عليه

ماهيتاب:اه والعجيب انه سامحني

المجهول:ماهو ده اللي هيجنني بس ما علينا ياريت عينك تبقي فى وسط راسك ومتتصرفيش بغباء تاني ومتكلمنيش الا فى الضرورة ودي اخر مره نتقابل وبحذرك تاني اوعي تتصرفي بدماغك

ماهيتاب:ماشي يا باشا مع السلامه

المجهول:سلام
وتابع فى نفسه:ماهيتاب مش سهله لازم اخد حذري منها
...................................................
فى قصر رعد قررت ملاك بأن تصعد الى الطابق الثالث ذاك الطابق المنعزل لتقوم بتنظيفه دون أخبار اي من العاملين بالقصر

صعدت ليان لتفتح باب احدى الغرف وتشهق بفزع مما رات و...............
...................................................
البارت قصير بس والله مش عارفه اكتب اكتر من كده بسبب البرد دعواتكم

يتبع

#اسيرة_انتقامه
#بقلم_منار_مازن