#انتقام_وقسوة_محب
#بقلمي ام غايب
#البارت الثاني عشر
رأساً جاوب وكال .....انت وين هسه
هاااا خوش نازلك
كام وعاف ايدي .....
محب/هسه اجي
هزيت ايدي على تصرفاته ودخلت للغرفه طلعتلي ملابس ودخلت للحمام اسبح شويه ودك عليه الباب
هديه ....باقر هنا ديربالج من تطلعين
ماشي....الي يسمعه اطلع مشلتحه يوميه
سبحت وكملت طلعت لكيت باقر يحجي وضايج
ماكو هيج وضعيه دمرتني والله شاده ويه البنيه شسوتلهه ماادري والله شنو مو من ثوبهه ليش ماادري
قاطعته لان لازم اسلم علي ....كتله
السلام عليكم مجنت طايقته لان اخو رفل بس مجبوره اسلم
هلو هديه شلونج
الحمدلله
سلمت علي ودخلت وعفتهم جان صوته واضح اسمعه واني امشط شعري الي فهمته جان عازم البنيه الي يحبهه ويريد يخطبهه ببيتهم وامه مسمعتهه ومحسستهه متريدهه ومتعاركه ويه باقر وعايفته
وجاي المحب على اساس هو مصلح
طلعت سويت عصير برتقال واكو كيكات ام الربع طلعتهن من جيسهن وخليتهن بماعون وقدمتهن ورحت دخلت للغرفه وتمددت بجربايتي بقو هو ومحب يسولفون شويه وصارت سنطه عبالي طلع لل١دخل محب للغرفه جنت توني كاعد اغفه
نام بصفي ودار وجهه عليه وبقه ساكت
فتحت عيني وكمت اني هم اباوع علي
بقينه بس نظرات ووكل واحد بينه بداخله يحجي اتمنى اعرف شجان يحجي بداخله لان مااعرف اقره العيون بالذات عيون محب ممعروفه اذا حسيت بيهن حب اشوف كره يطلعه بيه واذا شفته حقير يصير حنين بقينه واحد صافن بوجه الثاني
محب/ليش من اباوعلج احس كل كياني يتخربط
هديه/أذيتني هواي مااكدر انسى اذيتك ابد
محب/عيونج تحجي هواي .....ومتروسه حقد وكره
ممرتاح بأذيتج ابد بس شوفتي ال شيرين وهيه مريضه عليج تريحني قصص وروايات عراقية كرار صلاح
عذريني مااكدر اتراجع كلبي مورم منهه وماعدهه احد غالي عليهه غيرج
اتمنى افز الكه كابوسك منتهي انتَ بالنسبه الي كابوس والله
قاطع كلامي الي بداخلي صوته
محب/باقر راح يبات هنا يمنه لان متعارك ويه خاله نعيمه واني راح اضطر انام يمج خوما تضوجين
اي اكيد اضوج
ابتسم .....بس للأسف ماعدنه غير اختيار
ليش همه مو يعرفون انت متريدني وخاطب اخته
بقه يباوع عليه ....ماعنده كلام يحجي
كام من يمي نزل فراش من فوك الكنتور ....وودا ال باقر
ورجع نام يمي
