#ﺍﻧﺘﻘﺎﻡ_ﻭﻗﺴﻮﺓ_ﻣﺤﺐ
ﺑﻘﻠﻢ ﺯﻳﻨﺐ ﺍﻟﻌﺒﻮﺩﻱ
#بارت١٥
ﻣﻮ ﺗﺮﻳﺪ ﺗﺨﻄﺐ....
ﺷﻌﻠﻴﺞ ﺍﻧﺖ ﺍﺧﻄﺐ ﺍﻭ ﻻ ﻣﺘﺸﻮﻓﻴﻦ ﻧﻔﺴﺞ ﺍﻧﺎﻧﻴﻪ
ﺗﺮﻳﺪﻳﻨﻲ ﻋﻠﻰ ﻣﺰﺍﺟﺞ ﺭﻭﺡ ﺍﻟﻐﻴﺮﻱ
ﻭﻣﻦ ﺍﺭﻭﺡ ﺗﻌﺎﻝ ﺍﺭﺟﻊ
ﻣﻜﺘﻠﻚ ﺗﻌﺎﻝ ﺍﺭﺟﻊ ﺷﻮﻛﺖ ﻛﺘﻠﻚ ﺍﻧﻲ
ﺑﺲ ﻛﻼﻣﺞ ﻭﺗﺼﺮﻓﺎﺗﺞ ﻫﻴﺞ ﺗﻜﻮﻝ
ﺍﻧﺖ ﻛﻞ ﻫﻤﻚ ﺗﺮﺿﻲ ﺭﻏﺒﺘﻚ
ﺟﺮﺩﺗﻨﻲ ﻣﻦ ﻛﺮﺍﻣﺘﻲ ﺍﺳﺘﻐﻠﻴﺖ ﻧﻘﻄﺔ ﺍﺑﻨﻲ
ﻭﺍﺳﺘﻐﻠﻴﺖ ﺍﺧﻮﻳﻪ ﻣﻴﺤﺠﻲ ﻭﻳﺎﻱ ﻭﺧﻠﻴﺘﻨﻲ ﺍﺳﻮﻱ ﺍﺷﻴﺎﺀ ﻣﺎﺍﺣﺐ ﺍﺳﻮﻳﻬﻦ
ﺑﺲ ﻫﺴﻪ ﻻ ﻣﺎﺍﻛﺪﺭ ﺑﻌﺪ ﺍﺭﻳﺪﻙ ﺗﻄﻠﻜﻨﻲ ﻭﺭﻭﺡ ﺗﺰﻭﺝ ﺍﻱ ﻭﺣﺪﻩ ﺗﺮﻳﺪﻫﻪ ﺑﺲ ﻟﺘﺒﻘﻴﻨﻲ ﻋﻠﻰ ﺫﻣﺘﻚ ﻣﻦ ﻛﻠﻬﻪ ﺗﻌﺮﻑ ﺍﺣﻨﻪ ﻣﺘﺰﻭﺟﻴﻦ ﻭﺗﺘﺰﻭﺝ ﻋﻠﻴﻪ ﺗﻬﻴﻨﻲ ﺑﻬﺬﺍ ﺍﻟﺸﻲ
ﻛﻞ ﻫﻤﺞ ﺍﻻﻫﺎﻧﻪ ﻭﺍﻟﻜﺮﺍﻣﻪ ﻭﺗﺮﻳﺪﻳﻦ ﺍﺗﺮﺍﺟﻊ ﻋﻦ ﺍﻟﺰﻭﺍﺝ
ﺯﻳﻦ ﺍﻧﻲ ﺷﻨﻮ ﺫﻧﺒﻲ ﺍﺑﻘﻪ ﺑﺪﻭﻥ ﺯﻭﺍﺝ ﻫﻢ ﺍﺭﻳﺪ ﺍﻛﻮﻥ ﻋﺎﺋﻠﻪ
ﺑﺎﻋﻴﻠﻲ ﺭﻳﺎﻡ ﺍﺫﺍ ﺗﺒﻘﻪ ﻫﺎﻱ ﻋﻘﻠﻴﺘﺞ ﺭﺍﺡ ﺗﺨﺴﺮﻳﻦ ﻫﻮﺍﻱ
ﺍﺧﺴﺮ ﺷﻨﻮ ﺍﻟﻲ ﺍﺧﺴﺮﻩ
ﺧﺴﺮﺕ ﺍﻟﻐﺎﻟﻲ ﻭﺑﻘﻴﺖ ﺑﺬﻝ ﺑﺪﻭﻧﻪ
ﺑﻘﻪ ﻳﺒﺎﻭﻉ ﻋﻠﻴﻪ
ﻭﺧﺮﺭﻱ ﻣﻦ ﻭﺟﻬﻲ ﺭﻳﺎﻡ
ﻛﺘﻠﺞ ﺗﺮﻳﺪﻳﻦ ﺗﺮﻭﺣﻴﻦ ﺍﻟﻠﻪ ﻭﻳﺎﺝ ﻣﺘﺮﻳﺪﻳﻦ ﺗﺒﻘﻴﻦ ﻣﻌﺰﺯﻩ ﻣﻜﺮﻣﻪ ﻫﻨﺎ
ﺍﻧﻲ ﺍﻳﻤﻦ ﻣﺎﺍﻋﻮﻓﻪ ﻭﺍﻣﺎ ﻋﻦ ﺍﻗﺘﺮﺍﺣﺞ ﺍﻟﻲ ﺑﺪﻭﻥ ﻣﻌﻨﻰ ﻣﺎﻝ ﻧﺘﻄﻠﻚ
ﻣﻤﻘﺒﻮﻝ ﺍﺑﺪ ﻻﻥ ﻣﺎﻛﻮ ﻋﻘﻞ ﻳﺴﺘﻮﻋﺐ ﺍﺣﻨﻪ ﻣﺘﺰﻭﺟﻴﻦ ﻛﺪﺍﻣﻬﻢ ﻭﺯﻭﺍﺝ ﻛﺎﻣﻞ ﻭﻧﺘﻄﻠﻚ ﻭﻧﺒﻘﻪ ﺑﻨﻔﺲ ﺍﻟﺒﻴﺖ ﺍﻧﻲ ﻣﺎﺍﻗﺒﻞ ﻫﺬﺍ ﺍﻟﻮﺿﻊ ﺍﺑﺪﺍً ﻟﺘﺤﺠﻴﻦ ﺑﻲ ﻭﻻ ﺗﻔﺘﺤﻲ ﻭﺑﺤﺎﻝ ﺗﻔﺘﺤﻲ ﺗﻌﺮﻓﻴﻦ ﺟﻮﺍﺑﻲ ﺷﻨﻮ
ﻭﻋﺎﻓﻨﻲ ﻭﻓﺘﺢ ﺑﺎﺏ ﺍﻟﻜﻨﺘﻮﺭ ﻭﺭﺟﻊ ﺳﺪﻩ ﺑﻌﺼﺒﻴﻪ
ﻭﻭﻛﻒ ﻛﺒﺎﻟﻲ
ﺗﺪﺭﻳﻦ ﺍﻧﺖ ﺷﻨﻮ ﻣﺸﻜﻠﺘﺞ
ﻣﺘﻌﺮﻓﻴﻦ ﺑﺮﻭﺣﺞ ﺷﺘﺮﻳﺪﻳﻦ ﻭﻣﺘﺤﺒﻴﻦ ﺗﻜﻌﺪﻳﻦ ﺑﺪﻭﻥ ﻣﺸﺎﻛﻞ ﻭﺗﺪﻭﺭﻳﻦ ﻋﻠﻴﻬﻦ ﻣﺪﺍﻭﺭ ﻣﻦ ﺗﺰﻭﺟﻨﺎ ﻟﻠﻴﻮﻡ ﻣﺒﻘﻴﺘﻲ ﺷﻐﻠﻪ ﻣﺴﻮﻳﺘﻴﻬﻪ ﻭﺍﻧﻲ ﺻﺎﺑﺮ ﻭﺍﻛﻮﻝ ﻣﻴﺨﺎﻟﻒ ﺑﻌﺪﻫﻲ ﻃﻔﻠﻪ ﺑﺲ ﺍﺭﻳﺪ ﺍﻓﻬﻢ ﺣﺴﺎﻡ ﺷﻠﻮﻥ ﺟﺎﻥ ﻣﺘﺤﻤﻠﺞ ﻣﺎﺍﺩﺭﻱ
ﺑﺎﻭﻋﺖ ﻋﻠﻲ ﻗﻬﺮﻧﻲ ﻛﻠﺶ ﺗﻤﻨﻴﺖ ﺍﻟﺰﻣﻪ ﺍﺧﻨﻜﻪ ﻋﻠﻰ ﻫﺎﻱ ﺣﺠﺎﻳﺘﻪ ﻭﻣﻜﺪﺭﺕ ﺍﺳﻜﺖ ﻣﻊ ﺍﻟﻌﻠﻢ ﺍﻟﻲ ﺑﻜﻠﺒﻲ ﻫﻮﺍﻱ ﺣﺠﻲ
ﺑﺲ ﺭﺩﺕ ﺍﺳﺘﻔﺰﻩ ﻣﻮ ﺑﺲ ﻫﻮ ﻳﺴﺘﻔﺰﻧﻲ ﻛﺘﻠﻪ
ﻻﺯﻡ ﺍﻟﻴﻮﻡ ﻧﺴﻮﺍﻧﻚ ﻣﺎﻛﻮ ﻭﺟﺎﻱ ﻫﺎﺟﻢ ﻋﻠﻴﻪ
ﺷﻨﻮﻭﻭ ﻗﺼﺪﺝ ﻭﻋﺘﻨﻲ ﻣﻦ ﺍﻳﺪﻱ
ﺩﻭﺧﺮ ﺻﻼﺡ ﻭﺧﺮ ﻛﺎﺍﻓﻲ
ﺗﻌﺒﺖ ﻭﺍﻟﻠﻪ ﻳﻮﻣﻴﻪ ﻓﺎﺗﺤﻴﻦ ﻧﻔﺲ ﺍﻟﻤﻮﺿﻮﻉ ﻫﺴﻪ ﻛﺎﻓﻲ ﻣﻮ ﻛﻠﺖ ﺭﺍﺡ ﺍﺗﺰﻭﺝ ﻛﺘﻠﻚ ﻟﺘﺘﺰﻭﺝ ﺣﺠﻴﺖ ﻭﻳﺎﻙ
ﻭﻟﺞ ﻣﻨﻮ ﻫﺴﻪ ﻛﺎﻝ ﺍﺫﺍ ﺗﺮﻳﺪ ﺗﺘﺰﻭﺝ ﺗﻄﻠﻚ
ﺑﺎﻭﻋﺖ ﻋﻠﻲ
ﺍﻧﻲ ﺗﻌﺒﺖ ﻭﺍﻟﻠﻪ ﺗﻌﺒﺖ ﻭﻛﻤﺖ ﺍﺑﺠﻲ ﺭﺩﺕ ﺍﻃﻠﻊ ﻟﺰﻡ ﺍﻳﺪﻱ ﺟﺮﻳﺘﻬﻪ ﻭﺧﺮﺭﺭﺭ ﻃﻠﻌﺖ ﻣﻦ ﺍﻟﻐﺮﻓﻪ ﻣﺨﺘﻨﻜﻪ ﻣﺎﺍﺩﺭﻱ ﺷﺪﻳﺼﻴﺮ ﺑﻴﻪ ﺻﺪﻙ ﺑﻴﻪ ﺍﻧﻔﺼﺎﻡ ﺍﻧﻲ
ﺍﻟﻠﻪ ﻻ ﺑﻮﻓﻘﻚ ﺻﻼﺡ ﺑﻘﻴﺖ ﻛﺎﻋﺪﻩ ﻋﻞ ﺩﺭﺝ ﻣﺎﻝ ﻗﺎﻁ ﺍﻟﺜﺎﻧﻲ ﻭﻣﺨﻠﻴﻪ ﺍﻳﺪﻱ ﻋﻠﻰ ﺧﺪﻱ ﻭﺍﻓﻜﺮ ﻻﺯﻡ ﺍﺷﻮﻑ ﺣﻞ ﺍﻟﻨﻔﺴﻲ ﺍﺫﺍ ﺑﻘﻴﺖ ﻫﻴﺞ ﺍﺣﺘﻤﺎﻝ ﺍﺭﻭﺡ ﻟﻠﺸﻤﺎﻋﻴﻪ
"""""""""""""
ﺑﻌﺪ ﻣﺎ ﻃﻠﻌﺖ ﺭﻳﺎﻡ ﻣﻦ ﺍﻟﻐﺮﻓﻪ ﺟﻨﺖ ﻣﺘﻤﺪﺩﻩ ﻫﺬﺍ ﻛﻠﻪ ﺩﻻﻝ ﻣﺘﺪﺭﻱ ﺑﻴﻪ ﻣﻮﺟﻮﺩﻩ ﻳﻤﻬﻪ ﻻﻥ ﻧﺎﻳﻤﻪ ﺩﻙ ﻣﻮﺑﺎﻳﻞ ﺑﺲ ﺷﻨﻮ ﺑﺲ ﺭﺟﺎﺝ ﺑﺪﻭﻥ ﺻﻮﺕ ﺑﻘﻪ ﻳﻮﻥ ﺑﺎﻝ٣ﻣﺮﺍﺕ ﻳﺎﻟﻠﻪ ﺣﺴﺖ ﻻﻥ ﺟﻮﻩ ﺭﺍﺳﻬﻪ ﻣﺨﻠﻴﺘﻪ ﺍﻧﻲ ﺑﻘﻴﺖ ﻣﺘﺤﺮﻛﺖ ﺟﻨﺖ ﻣﻐﻤﻀﻪ ﻋﻴﻮﻧﻲ
بيج قصص عراقيه حقيقيه من واقعنا.روعه الطائي
ﻣﺎﺍﺣﺲ ﺍﻟﻪ ﻛﺎﻟﺖ
ﻫﺎ ﺣﺒﻴﺒﻲ
ﺻﻔﻨﺖ ﻫﺎﻱ ﺩﻻﻝ ﻋﺰﺯﺯﻩ ﺭﺩﺕ ﺍﺣﺠﻲ ﻋﻠﻴﻬﻪ ﻻﻥ ﻃﻔﻠﻪ ﺑﺲ ﺗﺬﻛﺮﺕ ﻧﻔﺴﻲ ﻣﻦ ﺟﻨﺖ ﺍﺣﺐ ﻋﻼﺀ ﻭﻟﻮ ﻫﺴﻪ ﻭﻟﺪ ﻫﺎﻟﻮﻛﺖ ﻣﻮ ﻣﺜﻞ ﻋﻼﺀ
ﺍﻱ ﻭﺍﻟﻠﻪ ﻧﻤﺖ ﺳﻨﻲ ﻛﺎﻡ ﻳﻮﺟﻌﻨﻲ ﻭﺍﻧﻄﺘﻨﻲ ﻣﺎﻣﺎﺣﺒﺎﻳﻪ ﻣﺪﺭﻱ ﺷﻨﻮ ﻭﻧﻤﺖ
ﺍﺑﺘﺴﻤﺖ ﻣﻦ ﺳﻤﻌﺘﻬﻪ ﺗﺤﺠﻲ ﻭﺗﺬﻛﺮﺕ ﺍﺣﻨﻪ ﺷﻠﻮﻥ ﺟﻨﻪ ﻧﺘﺒﺎﺩﻝ ﺍﻟﻜﻼﻡ ﺑﺎﻟﺮﺳﺎﺋﻞ ﺣﺴﻴﺖ ﻧﻔﺴﻲ ﺍﺷﺘﺎﻗﻴﺖ ﺍﻟﺮﺳﺎﺋﻠﻨﻪ ﺍﻗﺮﺍﻫﻦ ﻣﺎﺍﻋﺮﻑ ﺷﺠﺎﻥ ﻳﻜﻠﻠﻬﻪ ﻭﻫﻴﻪ ﺍﻻﺑﺘﺴﺎﻣﻪ ﻣﺒﻴﻨﻪ ﻣﻦ ﻧﺒﺮﺓ ﺻﻮﺗﻬﻪ ﻭﺣﺘﻰ ﻭﻫﻴﻪ ﻧﺎﻳﻤﻪ
ﺭﺣﺖ ﻟﻠﻤﺤﻞ ﻣﺎﻝ ﺣﻼﻗﻪ ﺍﻟﻴﻮﻡ
ﻣﻦ ﻛﺎﻟﺖ ﻫﺎﻟﻜﻠﻤﻪ ﻓﺘﺤﺖ ﻋﻴﻨﻲ ﻭﻛﻠﺒﻲ ﻭﺟﻌﻨﻲ ﺣﻴﻞ
ﻭﻟﻴﺶ ﺍﻟﺸﻘﻪ ﺑﺪﻟﺘﻮﻫﻪ
ﻭﺟﻌﻨﻲ ﺑﺎﻟﺰﺍﻳﺪ ﻳﻤﻪ ﻣﻌﻘﻮﻟﻪ ﺣﺴﻴﺖ ﻛﻠﺸﻲ ﺑﺠﺴﻤﻲ ﻛﺎﻡ ﻳﺮﺟﻒ
ﻣﺎﺷﻲ ﺣﺒﻴﺒﻲ ﺍﻣﻮﺕ ﻋﻠﻴﻚ ﻭﺍﻟﻠﻪ
ﺍﺣﺲ ﺟﺴﻤﻲ ﺗﻜﻬﺮﺏ ﺭﺩﺕ ﺍﻫﺠﻢ ﻋﻠﻴﻬﻪ ﺑﺲ ﻟﺰﻣﺖ ﻧﻔﺴﻲ ﺑﺎﺧﺮ ﻟﺤﻈﻪ ﺍﺧﺘﻨﻜﺖ ﺣﻴﻞ ﺭﻓﻌﺖ ﻣﻮﺑﺎﻳﻠﻲ ﻭﺭﺩﺕ ﺍﺩﻙ ﻋﻠﻲ ﻭﺍﺭﺯﻟﻪ ﻭﺍﻛﻠﻪ ﻣﺮﻳﺾ ﻣﻮ ﺑﻴﺪﻙ ﻭﺭﺟﻌﺖ ﻛﺘﺒﺘﻠﻪ ﺭﺳﺎﻟﻪ
💬 ﺷﻔﺖ ﻣﺮﺿﻪ ﺑﺤﻴﺎﺗﻲ ﺑﺲ ﻣﺜﻠﻚ ﻣﺸﻔﺖ
ﻭﺭﺟﻌﺖ ﺣﺬﻓﺘﻬﻪ ﻭﺭﺟﻌﺖ ﺩﺯﻳﺘﻬﻪ ﺍﻟﻪ ﻣﺘﺤﻤﻠﺖ
ﺑﻌﺪﻳﻦ ﻛﻤﺖ ﺍﻟﻮﻡ ﺑﻨﻔﺴﻲ ﻟﻴﺶ ﺩﺯﻳﺘﻬﻪ ﻭﺍﻧﻮﺏ ﺍﻧﻲ ﻣﻤﺘﺄﻛﺪﻩ ﻫﻮ ﻟﻮ ﻻ ﺣﺘﻰ ﻣﺸﻔﺖ ﺍﻟﺮﻗﻢ ﻣﻦ ﺩﻙ
ﻋﻠﻘﺖ ﻣﻮﺑﺎﻳﻠﻲ ﻭﻏﻤﻀﺖ ﻋﻴﻨﻲ ﻛﻤﺖ ﺍﺑﺠﻲ ﻣﺘﺤﻤﻠﺖ
ﻟﻴﺶ ﻫﻴﺞ ﻳﺴﻮﻱ ﻣﺎﺍﺩﺭﻱ ﻭﻳﻪ ﻃﻔﻠﻪ ﺍﻧﻮﺏ ﻭﻻ ﻣﻨﻮ ﺑﺖ ﺍﺑﻦ ﻋﻤﻲ ﻋﺎﻑ ﺍﻟﺪﻧﻴﺎ ﻛﻠﻬﻪ
ﻣﻜﺪﺭﺕ ﺍﻧﺎﻡ ﺑﻄﻼﻉ ﺍﻟﺮﻭﺡ ﺑﺎﻟﻠﻪ ﻧﻤﺖ
ﺑﺲ ﻧﻮﻣﻲ ﺧﻔﻴﻒ ﻭﻛﻠﻪ ﺍﺣﻼﻡ ﻭﺍﺣﻼﻣﻲ ﺍﺷﻮﻑ ﻣﺤﺐ ﻳﺨﻮﻧﻲ ﻭﺍﺑﺠﻲ ﻭﻓﻮﻛﺎﻫﻪ ﻧﻮﻣﻲ ﺧﻔﻴﻒ ﻛﻞ ﺷﻮﻳﻪ ﺍﻧﺎﻡ ﻭﺍﺣﻠﻢ ﻭﺍﻓﺰ ﺍﺧﺮ ﺷﻲ ﻣﻦ ﻛﺜﺮ ﻣﺎﻧﻮﻣﻲ ﺧﻔﻴﻒ ﺑﺲ ﻛﺎﻣﺖ ﺩﻻﻝ ﻣﻦ ﺍﻟﺠﺮﺑﺎﻳﻪ ﻓﺰﻳﺖ ﻫﻴﻪ ﻏﺮﻓﺘﻬﻪ ﻛﻠﺶ ﺻﻐﻴﺮﻩ ﺑﺤﻴﺚ ﻳﺎﺩﻭﺏ ﺟﺮﺑﺎﻳﻪ ﻭﻛﻨﺘﻮﺭ ﻣﻦ ﺫﻧﻲ ﺍﻟﻜﻨﺎﺗﻴﺮ ﺍﻟﺒﻴﻬﻦ ﻗﻤﺎﺵ ﻭﺳﺤﺎﺏ ﻛﺒﻞ ﻛﺎﻟﺖ ﻫﺪﺩﻳﻪ
ﺑﺎﻭﻋﺘﻠﻬﻪ ﺑﺨﺰﺭﻩ ﺍﻱ ﻫﺪﺩﻳﻪ
ﺍﺑﺘﺴﻤﺖ "" ﻫﺎﻱ ﺷﻮﻛﺖ ﺍﺟﻴﺘﻲ
ﻣﻦ ﺍﻟﺒﺎﺭﺣﻪ ﺍﻧﻲ ﻫﻨﺎ
ﺩﻧﻜﺖ ﺑﺎﺳﺘﻨﻲ
ﺍﻟﺒﺎﺭﺣﻪ ﻧﻤﺖ ﻣﻦ ﻭﻛﺖ ﻻﻥ ﺳﻨﻲ ﺟﺎﻥ ﻳﻮﺟﻌﻨﻲ
ﺍﺩﺭﻱ
ﻫﻤﺰﻳﻦ ﺟﻴﺘﻲ ﻧﺘﻮﻧﺲ ﺑﺎﻟﻌﻄﻠﻪ
ﺑﻜﺪﻱ ﺑﻜﺪﺝ ﻧﺘﻮﻧﺲ
ﺟﻨﺖ ﺍﺣﺠﻲ ﻭﻳﺎﻫﻪ ﺑﺠﻔﺎﺀﻭﻛﺎﺭﻫﺘﻬﻪ ﻭﻛﺎﺭﻫﻪ ﺻﻼﻓﺘﻬﻪ
ﻭﺑﻮﺩﻱ ﺍﻫﻔﻬﻪ ﺑﺮﺍﺷﺪﻱ ﻫﺎﻟﺼﻠﻔﻪ
ﻛﺎﻣﺖ ﺭﺍﺣﺖ ﻟﻠﺤﻤﺎﻡ ﻭﺍﻧﻲ ﻛﺒﻞ ﻃﻔﺮﺕ ﻋﻠﻰ ﻣﻮﺑﺎﻳﻠﻬﻪ ﺭﺩﺕ ﺍﻓﺘﺤﻪ ﺑﻲ ﺭﻣﺰ ﺭﺩﺕ ﺍﺑﺠﻲ ﺗﺨﺒﻠﺖ
ﺷﻤﺮﺗﻪ ﺑﻌﺼﺒﻴﻪ ﻋﻠﻰ ﺍﻟﺠﺮﺑﺎﻳﻪ ﻃﺦ ﺑﺎﻟﺤﺎﻳﻂ ﺩﻧﻜﺖ ﻋﻠﻲ ﺑﺴﺮﻋﻪ ﻋﺰﺯﻩ ﺑﻌﻴﻨﻲ ﺍﻧﻮﺏ ﻫﻮ ﻣﻦ ﺫﻧﻲ ﺍﻟﺤﺪﻳﺜﺎﺕ
ﺑﺎﻭﻋﺖ ﻋﻠﻲ ﺻﺎﺭﺕ ﺑﻲ ﻃﺨﻪ ﻣﺒﻴﻨﻪ ﺭﺟﻌﺖ ﺧﻠﻴﺘﻪ ﺟﻮﻩ ﺍﻟﻤﺨﺪﻩ ﻭﻛﻤﺖ ﻋﻠﻰ ﺣﻴﻠﻲ ﺍﻟﻢ ﻓﺮﺍﺷﻲ ﺍﺳﻮﻱ ﺭﻭﺣﻲ ﻣﺎﻟﻲ ﻋﻼﻗﻪ ﺍﺧﺬﺕ ﻣﻮﺑﺎﻳﻠﻲ ﻭﻃﻠﻌﺖ ﻫﻴﻪ ﻃﻠﻌﺖ ﻣﻦ ﺍﻟﺤﻤﺎﻡ ﺩﺧﻠﺖ ﻭﺭﺍﻫﻪ
ﻏﺴﻠﺖ ﻭﻧﺰﻟﺖ ﻟﻜﻴﺖ ﻋﻤﺘﻲ ﺍﻡ ﻓﻼﺡ ﻭﺍﻡ ﻗﺎﺳﻢ ﺳﻠﻤﺖ ﻋﻠﻴﻬﻦ ﻭﻛﻌﺪﺕ ﺑﺎﻟﻬﻮﻝ
ﺍﻡ ﻓﻼﺡ / ﺷﻠﻮﻧﺞ ﻳﻤﻪ ﺷﺨﺒﺎﺭﺝ
ﺍﻟﺤﻤﺪﻟﻠﻪ ﻋﻤﻪ
ﺍﻟﺒﺎﺭﺣﻪ ﺗﺄﺧﺮﺗﻲ ﺍﻧﺖ ﻭﺻﻠﻴﺢ ﺍﻧﻲ ﺑﻘﻴﺖ ﺍﻧﺘﻈﺮ ﻟﻞ٩ﻭﻣﺺ ﻛﻠﺘﻠﻬﻢ ﺑﻌﺪ ﻋﻴﻨﻲ ﻣﺘﻜﺪﺭ ﺗﻔﺘﺢ
ﺍﻡ ﻗﺎﺳﻢ / ﻭﺍﻧﻲ ﻭﺍﻟﻠﻪ ﻫﻢ ﻣﻠﻬﻪ ﻋﺒﺎﺩ ﺍﻟﻠﻪ ﻧﺎﻣﺖ ﻋﻮﺩ ﻛﻠﺖ ﺍﻧﺘﻈﺮﻛﻢ ﺻﺤﻴﺖ ﻋﻞ ﺍﺫﺍﻥ ﺍﻟﻔﺠﺮ
ﻋﺎﺩﻱ ﻫﻬﻪ ﺍﺻﻼً ﺍﻧﻲ ﻫﻢ ﻣﻦ ﻭﺻﻠﺖ ﻛﺒﻞ ﺭﻳﺎﻡ ﻓﺮﺷﺘﻠﻲ
ﺷﺨﺒﺎﺭﺝ ﻋﻤﻪ ﺷﻠﻮﻥ ﺻﺤﺘﺞ
ﻭﺍﻟﻠﻪ ﺻﺤﺘﻲ ﻫﺎﻛﺪﻭﺗﻬﻪ ﻻ ﻋﻴﻦ ﺑﺎﻗﻴﺘﻠﻲ ﻻ ﺭﺟﻠﻴﻦ ﺍﺳﻢ ﺍﻟﻠﻪ ﻋﻠﻴﺞ
ﻳﺎﺍﻝ ﻣﺎﻋﻨﺪﺝ ﻏﻴﺮ ﺍﻟﻌﺎﻓﻴﻪ
ﺍﻟﻜﺸﺮﻩ ﺷﺨﺒﺎﺭﻫﻪ
ﺍﺑﺘﺴﻤﺖ ﺷﻴﺮﻳﻦ ﻗﺼﺪﺝ
ﺍﻛﻮ ﻏﻴﺮﻫﻪ ﻛﺸﺮﻩ
ﺗﻘﺼﺪ ﺷﻜﺮﻩ ﺑﺲ ﻫﻴﻪ ﺗﻜﻠﻬﻪ ﺍﻟﻜﺸﺮﻩ ﺩﻭﻣﻬﻪ
ﻛﺘﻠﻬﻢ ﺭﻳﺎﻡ ﻭﻳﻦ
ﺑﺎﻟﻤﻄﺒﺦ
ﺍﻡ ﻗﺎﺳﻢ ﻫﺴﻪ ﺗﻨﺰﻝ ﺑﺮﺍﺀ ﻭﺍﺳﻮﻳﻠﺠﻦ ﺭﻳﻮﻙ ﺧﺎﻑ ﺗﻀﻮﺟﻴﻦ ﻭﺣﺪﺝ
ﺍﻱ ﻫﻴﻪ ﻛﻌﺪﺕ ﻫﺴﻪ ﺗﻨﺰﻝ ﻛﻠﺖ ﻳﺠﻮﺯ ﺩﺗﺨﺎﺑﺮﺍﻟﺤﻘﻴﺮﻩ ﻭﻣﻨﺰﻟﺖ ﺭﺣﺖ ﺍﻟﺮﻳﺎﻡ ﺟﺎﻧﺖ ﺗﺼﺪﻑ ﺍﻟﺴﻤﺞ ﺍﺑﺘﺴﻤﺘﻠﻲ
ﺑﻮﺳﺘﻬﻪ ﺑﺲ ﺣﺴﻴﺘﻬﻪ ﺗﺼﻨﻌﺖ ﻭﺑﻴﻬﻪ ﺷﻲ
ﻭﻟﺞ ﻟﻴﺶ ﻣﻜﻌﺪﺗﻴﻨﻲ ﻣﻦ ﻛﻌﺪﺗﻲ
ﺭﻳﺎﻡ / ﻋﻠﻴﻤﻦ ﻛﻠﺖ ﺷﺒﻌﻲ ﻧﻮﻡ
ﺑﺎﻭﻋﺘﻠﻬﻪ ﺷﺒﻴﺞ ﻳﻮﻝ ﺑﻴﺞ ﺷﻲ
ﻻ ﻣﺎﺑﻴﻪ
ﻋﻠﻴﺞ ﺍﻟﻠﻪ
ﻻ ﻭﺍﻟﻠﻪ ﺷﺒﻴﺞ ﺑﺲ ﺍﻳﻤﻦ ﺿﻮﺟﻨﻲ ﺑﻠﻴﻞ
ﺭﻓﻌﺖ ﺗﻚ ﺣﺎﺟﺐ
ﻣﺘﺄﻛﺪﻩ
ﺍﻱ ﻭﻟﺞ ﺩﺧﻠﻲ ﺍﻟﻘﻮﺭﻱ ﻋﻞ ﻧﺎﺭ ﺣﺘﻰ ﺗﺘﺮﻳﻜﻴﻦ
ﻭﺍﻧﺖ
ﺗﺮﻳﻜﺖ
ﻋﺎﺑﺘﻠﺞ
ﺧﻠﻴﺖ ﺍﻟﻘﻮﺭﻱ ﻭﻛﻌﺪﺕ ﻳﻤﻬﻪ ﻭﺍﺣﺴﻬﻪ ﺑﺎﻟﻬﻪ ﻣﺪﺭﻱ ﻭﻳﻦ ﻧﺰﻟﺖ ﺩﻻﻝ ﻣﺒﺘﺴﻤﻪ ﺍﻧﻲ ﺍﺧﺰﺭ ﺑﻴﻬﻪ ﻻ ﺍﺭﺍﺩﻳﺎً
ﺟﺎﻧﺖ ﺗﺤﻈﺮ ﺍﻟﺮﻳﻮﻙ ﻋﻞ ﻣﻴﺰ ﺟﺎﻥ ﻛﺎﻟﺘﻠﻲ ﻫﺪﻳﻪ ﺷﺒﻴﺞ ﺗﺨﺰﺭﻳﻦ ﺑﻴﻪ
ﺍﻧﻲ
ﺍﻱ ﻭﺍﻟﻠﻪ ﻭﺿﺤﻜﺖ ﻣﺪﺭﻱ ﻛﻞ ﻣﺎﺍﺩﻭﺭ ﻭﺟﻬﻲ ﺍﺷﻮﻓﺞ ﺗﺨﺰﺭﻳﻦ ﺑﻴﻪ
ﻣﺘﻮﻫﻤﻪ ﻟﻴﺶ ﺍﺧﺰﺭﺝ ﺑﻴﻨﻲ ﻭﺑﻴﻨﺞ ﺷﻲ ﻣﺘﻌﺎﺭﻛﻴﻦ
ﺑﻘﺖ ﺭﻳﺎﻡ ﺗﺒﺎﻭﻉ ﻋﻠﻴﻨﻪ ﻭﺍﻧﻲ ﺑﺎﻭﻋﺘﻠﻬﻪ ﻓﺘﺤﺖ ﻋﻴﻨﻬﻪ ﻭﺣﺮﻛﺖ ﺭﺍﺳﻬﻪ ﺑﻤﻌﻨﻰ ﺗﺴﺄﻟﻨﻲ ﺍﻛﻮ ﺷﻲ
ﺩﺭﺕ ﻋﻠﻰ ﺩﻻﻝ
ﻟﻴﺶ ﺩﻻﻝ ﺗﺤﺴﻴﻦ ﻫﺬﺍ ﺍﻻﺣﺴﺎﺱ ﺧﺎﻑ ﻣﺴﻮﻳﺘﻠﺞ ﻋﻤﻠﻪ ﺍﻧﻲ ﻃﺒﻴﻌﻴﻪ ﻣﻦ ﺟﻴﺖ ﻭﺍﻟﻬﺴﻪ ﻭﺑﻌﺪﻳﻦ ﺷﻮﻛﺖ ﺷﻔﺘﺞ ﻫﻮ ﺗﻮﻧﻲ ﺷﻔﺘﺞ
ﻻ ﻣﺎﻋﻨﺪﻱ ﺷﻲ ﺑﺲ ﺍﻇﺎﻫﺮ ﻋﻴﻮﻧﺞ ﻫﻨﻪ ﻫﻴﺞ ﻧﻈﺮﺗﻬﻦ
ﻭﻛﻌﺪﺕ ﻛﺒﺎﻟﻲ ﺑﻘﻴﺖ ﺍﻓﻜﺮ ﺷﻠﻮﻥ ﺍﻋﺮﻑ ﺍﻟﺮﻗﻢ ﺍﻟﻲ ﺩﻙ ﻋﻠﻴﻬﻪ ﺍﻟﻬﺎﻱ ﺍﻟﺤﻘﻴﺮﻩ
ﻛﺎﻣﺖ ﺑﻌﺪ ﻣﺎﻛﻤﻠﺖ ﺭﻳﻮﻙ ﺍﻧﻲ ﺑﻘﻴﺖ ﻳﻢ ﺭﻳﺎﻡ
ﺟﺎﻧﺖ ﺑﻄﻴﺌﻪ ﻣﻦ ﺗﺴﻮﻱ ﺑﺎﻟﺴﻤﺞ
ﺍﻭﻝ ﻣﻄﻠﻌﺖ ﺩﻻﻝ ﺭﻓﻌﺖ ﺭﺍﺳﻬﻪ ﺷﻜﻮﻭﻭ ﻭﻟﺞ
ﻫﺪﻳﻪ / ﻫﺎﻱ ﺍﻟﻨﻌﺎﻝ ﻳﻤﻜﻦ ﺗﺤﺠﻲ ﻭﻳﻪ ﻣﺤﺐ
ﺍﺵ ﻭﻟﺞ ﻧﺼﻲ ﺣﺴﺞ ﻟﻴﺴﻤﻌﻮﺝ
ﻧﺎﺻﻲ ﻳﻤﻌﻮﺩﻩ
ﺑﻌﺪﻫﻲ ﻣﻌﻘﻮﻟﻪ ﻭﺯﻳﻦ ﻣﻮ ﻛﺎﻝ ﻣﺎﻟﻲ ﻋﻼﻗﻪ ﺍﻧﻲ
ﺍﻱ ﺑﻌﺪﻫﻲ ﺟﺬﺍﺏ
ﻭﻣﻨﻮ ﻛﻠﺞ ﻫﻮ
ﻫﻴﺞ ﺻﺪﻓﻪ ﻫﻢ ﺣﻼﻕ ﻭﻳﻦ ﻻﻛﻴﺘﻬﻪ ﻫﻮ ﺑﺲ ﺍﺭﻳﺪ ﺍﻧﺘﻈﺮ ﺍﺗﺄﻛﺪ ﻣﻦ ﺍﻟﺮﻗﻢ ﻭﺍﻧﻲ ﺍﻋﻠﻤﻬﻢ ﻣﺘﻌﺮﻓﻴﻦ ﺭﻣﺰﻫﻪ
ﻭﻳﻦ ﺍﻋﺮﻓﻪ ﻭﻟﺞ ﻭﻟﻮ ﺗﻤﻮﺗﻴﻦ ﻣﺘﻮﺻﻠﻴﻦ ﺍﻟﻤﻮﺑﺎﻳﻠﻬﻪ ﻣﺘﻌﻮﻓﻪ ﻟﺤﻈﻪ
ﻭﺍﻟﻠﻪ ﻫﺴﻪ ﺍﺭﻭﺡ ﺍﻛﻠﻬﻪ ﻓﺘﺤﻴﻠﻲ ﻣﻮﺑﺎﻳﻠﺞ
ﻋﺰﻩ ﺑﻌﻴﻨﺞ ﻳﺮ ﺑﺎﻟﺞ
ﺑﻬﺎﻟﻠﺤﻈﻪ ﺩﺧﻠﺖ ﺍﻡ ﻗﺎﺳﻢ ﺳﻜﺘﻨﻪ ﻣﺜﻞ ﺍﻟﺤﺴﺖ ﻋﻠﻴﻨﻪ ﺟﻨﻪ ﻧﺤﺠﻲ ﺑﻤﻮﺿﻮﻉ ﺑﻘﺖ ﺗﺒﺎﻭﻉ ﻋﻠﻴﻨﻪ
ﺍﻡ ﻗﺎﺳﻢ / ﺷﻠﻮﻧﺞ ﺑﺎﻻﻣﺘﺤﺎﻧﺎﺕ ﻫﺪﻳﻪ
ﻭﺍﻟﻠﻪ ﺍﻟﺤﻤﺪﻟﻠﻪ
ﻭﺍﻟﻠﻪ ﺍﻧﻘﻬﺮﻧﻪ ﻋﻠﻴﺞ ﻣﻦ ﻓﺼﺨﺘﻲ ﻟﻴﺶ ﻓﺼﺨﺘﻲ ﻭﻓﻼﺡ ﺑﻮﻗﺘﻬﻪ ﻛﺎﻝ ﺧﻮﺵ ﻗﺴﻤﻪ
ﻣﺎﻛﻮ ﻧﺼﻴﺐ ﺍﻡ ﻗﺎﺳﻢ
ﺍﻱ ﻭﺍﻟﻠﻪ ﻛﻠﺸﻲ ﻗﺴﻤﻪ ﻭﻧﺼﻴﺐ ﺑﻌﺪﺝ ﺻﻐﻴﺮﻩ ﻭﺍﻟﻄﺮﻳﻖ ﻃﻮﻳﻞ ﻛﺪﺍﻣﺞ ﺍﻫﻢ ﺷﻲ ﺩﺭﺍﺳﺘﺞ ﺍﻟﺰﻭﺍﺝ ﻣﻠﺤﻮﻙ ﻋﻠﻲ
ﺍﻟﺤﻤﺪﻟﻠﻪ
ﻛﻌﺪﺕ ﻳﻤﻬﻢ ﻋﻞ ﻣﻴﺰ ﻭﻓﺘﺤﺖ ﺟﻬﺎﺯﻱ ﻣﺎﻛﻮ ﻋﺸﺮ ﺩﻗﺎﻳﻖ ﺩﻙ ﻋﻠﻴﻪ ﻣﺤﺐ ﺟﺎﻥ ﺩﻣﻲ ﻓﺎﻳﺮ ﻣﻨﻪ
ﺷﻐﻠﺘﻪ
ﻭﻫﻮ ﻳﺪﻙ ﻭﺍﻧﻲ ﺍﺷﻐﻠﻪ
ﺍﻡ ﻗﺎﺳﻢ / ﺍﺫﺍ ﻣﺎﻋﻨﺪﺝ ﺭﺻﻴﺪ ﻫﺪﻳﻪ ﺧﺎﺑﺮﻱ ﻣﻨﻲ ﻣﺒﻴﻦ ﻭﺍﺣﺪ ﺩﻳﺴﻮﻳﻠﺞ ﻣﺴﻜﻮﻝ ﻋﻨﺪﻩ ﺷﻲ
ﻫﺎﻱ ﺷﻴﺮﻳﻦ
ﺍﻱ ﺧﺎﺑﺮﻳﻬﻪ ﻣﻨﻲ
ﺭﺟﻊ ﺩﻙ ﻣﺸﻐﻠﺘﻪ ﺍﺑﺘﺴﻤﺖ ﻫﺎﻱ ﺩﻛﺖ ﻳﺠﻮﺯ ﺃﻳﺴﺖ ﻣﻨﻲ
ﻛﻤﺖ ﺟﺎﻭﺑﺖ ﻳﻤﻬﻢ ﺑﺲ ﻛﻠﺖ ﺍﻟﻮ ﻭﺻﻌﺪﺕ ﻓﻮﻙ
ﺑﺒﺒﺒﺒﺒﺒﺖ ﺍﺍﺍﺍﺍﺍﺍﻟﻜﻠﺐ ﻟﻴﺶ ﻣﻨﺒﻄﻠﻴﻦ ﺳﺎﻟﻔﺘﺞ ﻫﺎﺍﺍﺍﺍﺍﻱ
ﻣﻴﺖ ﻣﺮﺭﺭﺭﻩ ﻛﺘﻠﺞ ﻣﻦ ﺍﺧﺎﺑﺮﺝ ﺗﺠﺎﻭﻭﻭﻭﺑﻴﻦ ﻣﺘﺸﻐﻠﻴﻨﻲ ﺟﺎﻭﺑﻴﻨﻲ ﻭﻛﻠﻴﻠﻲ ﻣﺎﺍﺍﺭﻳﺪ ﺍﺣﺠﻲ ﺑﺲ ﻟﺘﺸﻐﻠﻴﻨﻲ
ﺍﻟﻮ ﻣﺎﺍﺳﻤﻊ ﻛﻠﺖ ﻫﻴﺞ ﻋﻠﻤﻮﺩ ﻣﻴﺤﺴﻮﻥ ﻣﻜﺎﻋﺪ ﺍﺣﺠﻲ ﻭﻳﻪ ﺷﻴﺮﻳﻦ ﻭﺣﺮﺕ ﻭﻳﻦ ﺍﺣﺠﻲ ﻓﺘﺤﺖ ﻏﺮﻓﺔ ﺻﻼﺡ ﻭﺭﻳﺎﻡ ﻫﻤﺰﻳﻦ ﻣﻤﻮﺟﻮﺩ ﻻﻥ ﺍﺩﺭﻱ ﺑﻲ ﺩﻭﺍﻡ ﺑﺲ ﻛﻠﺖ ﻳﺠﻮﺯ ﻣﻤﺪﺍﻭﻡ ﺗﺄﻛﺪﺕ ﻣﺎﻛﻮ ﺩﺧﻠﺖ
ﺍﻧﺖ ﺷﻨﻮﻭﻭ ﺗﻐﻠﻂ ﻋﻠﻴﻪ
ﻭﻭﺟﻌﻪ ﺍﻟﺘﻮﺟﻌﺞ ﻟﻴﺶ ﻣﺘﺠﺎﻭﺑﻴﻦ
ﻣﻴﻌﺠﺒﻨﻲ
ﺷﻨﻮﻭﻭ ﺍﻟﻤﻴﻌﺠﺒﺞ ﺷﻨﻮﻭﻭﻭﻭﻭﻭ
ﻭﺷﻨﻮ ﻫﺎﻱ ﺭﺳﺎﻟﺘﺞ ﻫﺎﺍﺍﺍﺍ ﺷﻨﻮﻭﻭﻭ ﻣﻌﻨﺎﻫﻪ ﻫﺪﺩﺩﻳﻪ
ﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﺗﻜﻠﻴﻠﻲ ﻣﺮﺭﺭﻳﺾ ﺍﻧﺖ ﻣﻨﻮﻭﻭﻭ ﺣﺘﻰ ﺗﻜﻠﻴﻠﻲ ﻫﻴﺞ ﻫﺎﻱ ﻛﻠﻪ ﻻﻥ ﺍﻧﻄﻴﺘﺞ ﺍﻧﻲ ﺣﺠﻢ ﺍﻛﺒﺮ ﻣﻦ ﺭﺍﺳﺞ
ﻭﺍﺭﺟﻊ ﻭﺍﻛﻮﻝ ﺍﻧﺖ ﻣﺮﻳﺾ ﻋﻔﺖ ﺍﻟﺪﻧﻴﺎ ﻛﻠﻬﻪ ﻭﺭﺣﺖ ﺍﻟﺪﻻﻝ ﺑﺖ ﺍﺑﻦ ﻋﻤﻲ ﻣﺘﺴﺘﺤﻲ ﺍﻧﺖ
ﻫﺎﻱ ﻭﻳﺎﻣﻦ ﺩﺗﺤﺠﻴﻦ ﻫﻴﺞ ﺍﻧﺖ ﻫﺎﺍﺍﺍﺍﺍ
ﻟﺞ ﺍﺗﻤﻨﻰ ﻫﺴﻪ ﺍﻧﺖ ﻳﻤﻲ ﺍﻟﻪ ﺍﺷﺮﺭﺭﺏ ﻣﻦ ﺩﻣﺞ ﻭﻭﻭﻭﺍﻟﻠﻪ
ﻻ ﺗﺸﺮﺏ ﻣﻦ ﺩﻣﻲ ﻭﻻ ﻫﺎﻱ ﻋﻮﻓﻨﻲ ﺑﺤﺎﻟﻲ ﻭﻟﺘﺨﺎﺑﺮﻧﻲ ﺑﻌﺪ ﻭﺍﻧﻲ ﺍﻋﻠﻤﻬﻪ ﺍﻟﺪﻻﻝ ﻫﺎﻱ ﺍﻟﺤﻘﻴﺮﻩ ﻳﻠﻠﻪ ﺍﻧﺘﻮ ﺗﺘﻮﺍﻟﻤﻮﻥ
ﺷﻨﻮﻭﻭ ﻧﺘﻮﺍﻟﻢ ﻭﻟﺞ ﺍﻧﺖ ﺷﻠﻮﻥ ﺗﺤﺠﻴﻦ ﻭﻳﺎﻳﻪ ﻫﻴﺞ
ﻫﺎﺍﺍﺍﺍﺍ ﺑﺴﻴﻄﻪ """ ﺑﺴﻄﻴﻪ ﻫﺪﻳﻪ ﻭﺳﺪﻩ ﺑﻮﺟﻬﻲ
ﺷﻤﺮﺕ ﺍﻟﻤﻮﺑﺎﻳﻞ ﻋﻠﻰ ﺍﻟﺠﺮﺑﺎﻳﻪ ﻭﻛﻠﺖ ﺣﻘﻴﺮﺭﺭﺭﺭﺭﺭ ﻭﺍﻟﻠﻪ ﺣﻘﻴﺮ ﺳﺎﻋﺔ ﺍﻟﺴﻮﺩﻩ ﺍﻟﻲ ﻃﻠﻌﺖ ﺑﻄﺮﻳﻘﻲ ﻭﺍﻟﻲ ﺻﺮﺕ ﺑﻴﻮﻡ ﻣﻦ ﺍﻻﻳﺎﻡ ﺟﺰﺀ ﻣﻦ ﺣﻴﺎﺗﻲ
ﺑﺠﻴﺖ ﻣﺘﺤﻤﻠﺖ ﻫﺠﻮﻣﻪ ﻋﻠﻴﻪ ﻓﻮﻛﺎﻫﻪ ﺍﻧﻮﺏ ﻣﺎﻛﻮ ﻟﺤﻈﺎﺕ ﻭﺭﺟﻊ ﺩﻙ ﻋﻠﻴﻪ ﺟﺎﻭﺑﺘﻪ ﺭﺃﺳﺎً
ﺷﻜﻮﻭﻭﻭ ﺷﺘﺮﺭﺭﻳﺪ ﺑﻌﺪ
ﺍﺣﺠﻲ ﻋﺪﻝ ﻫﺪﻳﻪ ﻣﻴﺖ ﻣﻠﻴﻮﻥ ﻣﺮﻩ ﻛﺘﻠﺞ ﻣﺎﻋﻨﺪﻱ ﺷﻲ ﻭﻳﻪ ﻫﺎﻱ ﺍﻟﺒﻨﻴﻪ ﻭﻫﻴﻪ ﺟﺎﻧﺖ ﺗﺘﺼﻞ
ﺻﺪﻓﻪ ﺍﻧﺖ ﻫﻢ ﺣﻼﻕ
ﺷﺪﺗﺤﺠﻴﻦ ﺑﺎﺑﺎ ﺷﻨﻮ ﺻﺪﻓﻪ ﺍﻧﺖ ﻫﻢ ﺣﻼﻕ ﺍﻟﺒﺎﺭﺣﻪ ﺑﻠﻴﻞ ﺧﺎﺑﺮﺗﻬﻪ ﻓﻮﻙ ﺍﻝ١٢ﻭﺍﻧﻲ ﺟﻨﺖ ﻧﺎﻳﻤﻪ ﻳﻤﻬﻪ ﻭﻣﺘﺪﺭﻱ
ﻭﻟﺞ ﺍﻟﻠﻪ ﺍﻛﺒﺮ ﺍﻟﺒﺎﺭﺣﻪ ﺍﺻﻼً ﺍﻧﻲ ﻗﺒﻞ ﺍﻝ١٢ﻧﺎﻳﻢ ﻭﺍﻟﻠﻪ
ﻭﺍﻟﻠﻪ """ ﻟﺞ ﻧﻴﻢ ﻣﻦ ﺩﻭﻥ ﺍﻻﻳﺎﻡ ﺍﻟﺒﺎﺭﺣﻪ ﺍﻧﺖ ﺍﻧﺘﺮﻧﺖ ﻣﺎﻛﻮﻭﻭ ﺍﻧﻄﻤﺮﺕ ﻣﻦ ﻭﻛﺖ ﻭﺳﻴﺪ ﻋﻠﻲ ﻣﺴﺎﻓﺮ ﺭﺍﺟﻊ ﻟﻠﺒﻴﺖ ﻣﻦ ﻭﻛﺖ ﺷﻮﻛﺖ ﺑﻌﺪ ﺧﺎﺑﺮﺕ
ﺗﻌﺒﺘﻴﻨﻲ ﻫﺪﺩﺩﻳﻪ ﻭﺭﻭﺡ ﺍﻣﻲ ﺗﻌﺒﺘﻴﻨﻲ
ﻳﻮﻣﻴﻪ ﺗﻄﻠﻌﻴﻠﻲ ﺑﺴﺎﻟﻔﻪ ﻟﻮ ﺭﻓﻞ ﻟﻮ ﻫﺴﻪ ﺍﻧﻮﺏ ﻣﺪﺭﻱ ﺷﺴﻤﻬﻪ
ﺍﻱ ﺧﻄﻴﻪ ﻋﻠﻰ ﺍﺳﺎﺱ ﻣﺘﻌﺮﻑ ﺍﺳﻤﻬﻪ
ﺳﻜﺖ "" ﺷﺘﺮﺩﻳﻦ ﻫﺴﻪ
ﻣﺎﺷﻲ ﻣﺎﺍﺭﻳﺪ ﺳﻼﻣﺘﻚ ﺍﺻﻼً
ﺍﺻﻼًﺷﻨﻮ ﻫﺎﻱ
ﻫﻴﺞ " ﻫﻴﺞ ﺑﺲ ﻋﻔﻴﻪ ﺑﻌﺪ ﻟﺘﺘﺼﻞ ﻋﻠﻴﻪ
ﻫﺴﻪ ﺍﻧﻲ ﻣﺘﺼﻞ ﻟﻮ ﺍﻧﺖ ﺍﻟﻲ ﺗﺘﺤﻠﻤﻴﻦ ﻭﻳﻮﻣﻴﻪ ﺫﺍﺑﻪ ﻋﻠﻴﻪ ﺗﻬﻤﻪ
ﺍﻱ ﺻﺤﻴﺢ ﺫﺍﺑﻪ ﺗﻬﻤﻪ
ﺍﻧﻲ ﺍﺻﻼً ﺯﻋﻼﻥ ﻣﻨﺞ
ﺍﻧﻮﺏ
ﺍﻱ ﻟﻌﺪ ﺷﻨﻮﻭﻭ ﻫﺪﻳﻪ ﺷﻨﻮ ﺣﺠﺎﻳﻪ ﻭﺍﻟﺜﺎﻧﻴﻪ ﺗﻜﻮﻭﻟﻴﻦ ﻣﺮﻳﺾ ﻋﻠﻴﻪ ﻟﺞ ﺍﻟﻲ ﺳﻮﻳﺘﻪ ﻭﺧﻼﺝ ﺗﻜﻮﻟﻴﻦ ﻣﺮﻳﺾ ﻋﻠﻴﻪ ﻓﺴﻮﻳﺘﻪ ﻻﻥ ﺍﺣﺒﺞ ﻭﻣﺎﺍﺭﻳﺪ ﺍﺿﻴﻌﺞ ﻣﻦ ﺍﻳﺪﻱ ﻻ ﻭﺍﻟﺤﻠﻮ ﺗﻜﻠﻴﻠﻲ ﺭﻭﺡ ﺩﻛﺘﻮﺭ
ﺑﻬﺎﻟﻠﺤﻈﻪ ﺩﺧﻠﺖ ﺭﻳﺎﻡ ﻟﻠﻐﺮﻓﻪ ﻭﻛﻌﺪﺕ ﻛﺒﺎﻟﻲ
ﻣﺤﺐ / ﻣﺘﺤﺠﻴﻦ ﻫﺪﻳﻪ
ﺑﻘﻴﺖ ﺳﺎﻛﺘﻪ
ﻳﻠﻠﻪ ﺭﻭﺣﻲ ﻫﺴﻪ ﻭﺻﻠﺖ ﻟﻠﻤﺤﻞ ﻭﺍﻛﻮ ﻭﻟﺪ ﻣﻨﺘﻀﺮﻳﻨﻲ ﺑﻌﺪﻳﻦ ﺍﺧﺎﺑﺮﺝ ﻭﺗﺠﺎﻭﺑﻴﻦ ﻫﺪﻳﻪ ﻓﺘﻬﻤﺘﻲ
ﺍﻱ
ﻳﻠﻠﻪ ﻣﻊ ﺍﻟﺴﻼﻣﻪ
ﺳﺪﻳﺘﻪ ﻣﻨﻪ ﻭﺍﻭﻝ ﻣﺴﺪﻳﺘﻪ
ﺭﻳﺎﻡ / ﻭﻳﻪ ﻣﻨﻮ ﺟﻨﺘﻲ ﺗﺤﺠﻴﻦ
ﻭﻳﻪ ﻣﺤﺐ
ﻫﻮ ﺟﺎﻥ ﻳﺴﻮﻳﻠﺞ ﻣﺴﻜﻮﻝ
ﻻ ﺟﺎﻥ ﻳﺪﻙ ﺑﺲ ﺍﻧﻲ ﺍﺷﻐﻠﻪ
ﺭﺍﺟﻌﻪ ﻋﻼﻗﺘﻜﻢ
ﻻ ﻭﻳﻦ ﺑﺲ ﺍﻧﻲ ﻛﺘﻠﻪ ﻋﻠﻰ ﺩﻻﻝ
ﻭﺷﻜﺎﻝ
ﻳﻨﻜﺮ ﻭﺍﻧﻲ ﺍﻟﺒﺎﺭﺣﻪ ﺳﻤﻌﺘﻬﻪ ﺑﻌﻴﻴﻨﻲ
ﺭﻳﺎﻡ / ﻫﻬﻬﻬﻪ ﻗﺼﺪﺝ ﺑﺬﻧﺞ ﻣﻄﻴﻪ
ﺷﻤﺪﺭﻳﻨﻲ ﻭﺍﻟﻠﻪ ﺧﺒﻠﻨﻲ ﺍﺧﻮﺝ
ﺳﻮﻟﻔﺘﻠﻬﻪ ﺍﻟﻲ ﺳﻮﺍ ﻛﻠﻪ
ﺍﻭﻭﻑ ﻳﺎ ﺭﺑﻲ ﺷﻜﺪ ﻳﺤﺒﺞ ﺍﺧﻮﻳﻪ ﺍﻟﻠﻪ ﻻ ﻳﻨﻄﻴﺞ ﻫﺪﻳﻪ ﺷﻠﻮﻥ ﺷﺎﻟﻌﻪ ﻛﻠﺐ ﺍﺧﻮﻳﻪ
ﺑﺎﻭﻋﺘﻠﻬﻪ ﺍﻛﻠﺞ ﻫﺴﻪ ﻣﻦ ﺍﻛﻮﻡ ﺍﺳﺤﻠﺞ ﺍﺣﺪ ﻳﻜﻠﻲ ﻟﻴﺶ
ﻟﺞ ﺑﺎﺑﺎ ﻋﻤﺎﻳﻞ ﺍﺧﻮﺝ ﺍﻟﻲ ﺳﻮﺍﻫﻦ ﺑﻴﻪ ﻣﻮ ﺳﻬﻼﺕ ﻭﺣﺪﻩ ﺍﺿﺮﺏ ﻣﻦ ﺍﻟﺜﺎﻧﻴﻪ ﻭﻋﻮﻓﺞ ﻫﺴﻪ ﻣﻦ ﻋﻤﺎﻳﻠﻪ ﻫﺴﻪ ﺍﺑﺴﻂ ﺷﻐﻠﻪ ﻣﻦ ﻳﺨﺎﺑﺮ ﻳﺼﻴﺢ ﻭﻳﻐﻠﻂ ﺍﻧﻮﺏ ﻫﻮﻩ ﻫﺎﻱ ﻛﻠﻬﻪ ﻭﻻ ﻋﻼﻣﻪ ﺗﺪﻝ ﻫﻮ ﻳﺘﻐﻴﺮ
ﺑﺎﻋﻲ ﻫﺪﻳﻪ ﺭﺍﺡ ﺗﻀﻴﻌﻴﻦ ﺍﺧﻮﻳﻪ ﻣﻦ ﺍﻳﺪﺝ ﻭﺍﻟﻠﻪ
ﺗﺮﻩ ﺭﻓﻞ ﺍﻟﺤﺪ ﺍﻻﻥ ﻣﺘﺄﻣﻠﻪ ﻳﺮﺟﻌﻠﻬﻪ ﻋﻨﺴﺖ ﻭﻫﻴﻪ ﺗﺘﺄﻣﻞ ﺍﻛﻠﺠﻴﺎﻫﻪ ﺍﻧﻲ
ﻫﺎﻱ ﺭﻓﻞ ﺑﺖ ﺧﺎﻟﺘﺞ ﺍﺫﺍ ﻟﺰﻣﺘﻬﻪ ﺑﻴﻮﻡ ﺍﻟﻪ ﺍﺳﺤﻠﻬﻪ ﺑﻠﺴﺎﻧﻲ ﻭﺍﻟﻠﻪ ﺑﺲ ﺍﺷﻮﻓﻬﻪ ﺍﻟﻪ ﺍﻛﻠﻬﻪ ﺑﺎﺑﺎ ﺭﺣﻤﻲ ﻛﺮﺍﻣﺘﺞ ﻣﺎﻛﻮﻭ ﻫﻴﺞ ﻟﺰﺯﺯﻛﻪ ﻋﺰﻩ ﺑﻌﻴﻨﻬﻪ
ﺍﻧﻲ ﺍﻟﻴﻮﻡ ﺭﺍﺡ ﺍﻛﻠﻪ ﻟﻤﺤﺐ ﺍﺭﺟﻊ ﺑﺲ ﺑﺸﺮﻁ ﻭﺍﺣﺪ
ﺗﺤﺠﻲ ﻭﻳﻪ ﺭﻓﻞ ﻛﺪﺍﻣﻲ ﻭﺗﻜﻠﻬﻪ ﺑﺎﺑﺎ ﻟﺘﺘﺄﻣﻠﻴﻦ ﺑﻴﻪ
ﻣﺎﺍﺣﺲ ﺍﻟﻪ ﺍﻧﺪﻙ ﺍﻟﺒﺎﺏ
ﺭﻳﺎﻡ ﻣﻨﻮﻭﻭ ﺗﻌﺎﻟﻲ
ﺍﻛﻴﺪ ﺩﻻﻝ
ﺩﻻﻝ / ﻣﺎﻣﺎ ﺗﺼﻴﺤﺞ ﺗﻜﻮﻝ ﺗﻌﺎﻟﻲ ﮔﻠﻲ ﺍﻟﺴﻤﺞ ﻫﻢ ﻳﺎﻟﻠﻪ ﺭﺟﻠﻲ ﺗﻮﺟﻌﻨﻲ
ﺍﺟﻴﺖ "" ﻳﻠﻠﻪ ﻛﻮﻣﻲ ﻫﺪﻭﻭ
ﻫﺪﻳﻪ / ﺩﻻﻝ ﺑﺎﻟﻪ ﺍﻧﻄﻴﻨﻲ ﻣﻮﺑﺎﻳﻠﺞ
ﺩﻻﻝ / ﻟﻴﺶ
ﺑﺎﻭﻋﺖ ﻋﻠﻴﻬﻪ ﺍﻧﺨﻄﻒ ﻟﻮﻧﻬﻪ
ﺭﻳﺎﻡ ﺧﻠﺖ ﻭﻧﺰﻟﺖ ﻭﻋﺎﻓﺘﻨﻪ
ﺍﺭﻳﺪ ﺍﺧﺎﺑﺮ ﻣﻨﺞ
ﻣﺎﻋﻨﺪﻱ ﺭﺻﻴﺪ
ﻣﻮ ﻋﻨﺪﺝ ﻧﺖ
ﺍﻱ
ﺧﻠﺺ ﺍﺧﺎﺑﺮ ﺑﺎﻟﻨﺖ
ﻓﺘﺤﺘﻪ ﻭﺍﻧﻄﺘﻨﻴﺎ ﻭﻭﺍﻛﻔﻪ ﻓﻮﻙ ﺭﺍﺳﻲ
ﻭﺍﻧﻲ ﻣﺎﺍﻋﺮﻓﻠﻪ ﻛﺘﻠﻬﻪ ﺍﻭﻛﻔﻲ ﺧﻞ ﺍﻧﻘﻞ ﺍﻟﺮﻗﻢ
ﻛﺘﺒﺖ ﺍﻟﺮﻗﻢ ﻣﺎﻝ ﻣﺤﺐ ﺑﺠﻬﺎﺕ ﺍﻻﺗﺼﺎﻝ ﻛﺎﺗﺒﻪ ﻋﻠﻲ
ﻓﺮﺡ
ﺑﺎﻭﻋﺖ ﻋﻠﻴﻪ
ﺭﻗﻢ ﺭﺟﻠﻲ ﺷﻴﺴﻮﻭﻱ ﻋﻨﺪﺝ ﻭﻣﻜﺘﻮﺏ ﻓﺮﺡ ﻫﺎﺍ ﻭﺭﻓﻌﺖ ﺣﺎﺟﺒﻲ
ﺭﺍﺩﺕ ﺗﺠﺮ ﺍﻟﻤﻮﺑﺎﻳﻞ ﻟﺰﻣﺘﻪ ﺣﻴﻞ ﻭﺩﻓﻌﺖ ﺍﻳﺪﻫﻪ
ﺟﺎﻭﻭﻭﺑﻲ ﺑﺴﺮﺭﻋﻪ ﻻ ﻫﺴﻪ ﺍﻟﻢ ﻋﻠﻴﺞ ﺍﻟﺒﻴﺖ
ﻣﺎﻋﻨﺪﻱ ﺷﻲ
ﻭﻛﻤﺖ ﺍﻛﻠﺐ ﺑﺎﻟﺴﺠﻞ ﺷﻔﺖ ﻣﻜﺎﻟﻤﻪ ﺑﻴﻨﻬﻢ ﺑﺘﻮﻗﻴﺖ ﺍﻟﺒﺎﺭﺣﻪ
ﻣﻌﺮﻓﺖ ﺍﺳﻜﺮﻧﻬﻪ ﻻﻥ ﺟﻨﺖ ﺭﺍﻳﺪﻩ ﺍﺭﺳﻠﻬﻪ ﺍﻟﻪ ﺑﺎﻟﻨﺖ ﺑﺲ ﻣﻌﺮﻓﺖ ﺍﺧﺬﺕ ﺑﻤﻮﺑﺎﻳﻠﻲ ﺍﻟﻌﺎﻭﻱ ﺻﻮﺭﻩ
ﺩﻻﻝ ﻋﺎﻃﺖ ﺷﺪﺗﺴﻮﻭﻭﻳﻦ
ﺍﻧﺠﺒﻲ ﻟﺘﺤﺠﻴﻦ ﺍﻧﻲ ﺍﻋﻠﻤﺞ ﻋﻔﺘﻲ ﺍﻟﺪﻧﻴﺎ ﻛﻠﻬﻪ ﻭﺭﺣﺘﻲ ﻋﻠﻰ ﺭﺟﻠﻲ ﺍﻟﺴﺎﺑﻖ
ﻭﺍﻟﻠﻪ ﻣﻮ ﻫﻴﺞ
ﺍﺷﺸﺶ ﻟﺘﺤﺠﻴﻦ
ﺍﻧﻄﻴﻨﻲ ﺍﻟﻤﻮﺑﺎﻳﻞ
ﺍﺫﺍ ﻣﺘﺮﻳﺪﻳﻦ ﺍﻓﻀﺤﺞ ﻭﻟﻲ ﻣﻦ ﻳﻤﻲ
ﺍﻧﻄﻴﻨﻲ ﻣﻮﺑﺎﻳﻠﻲ ﻭﺍﻭﻟﻲ
ﺷﻌﻨﺪﺝ ﻭﻭﻭﻭﻳﺎ ﺍﻟﻐﻲ
ﻣﺎﻋﻨﺪﻱ ﺷﻲ ﻭﺍﻟﻠﻪ
ﺍﺣﺠﻲ ﻻ ﺍﻛﺴﺮﺝ
ﻣﺎﻋﻨﺪﻱ ﺷﻲ ﺍﻛﻠﺞ
ﻟﺞ ﺍﻧﺖ ﺷﻜﺪ ﺻﻠﻔﻪ ﺳﻤﻌﺘﺞ ﺍﻟﺒﺎﺭﺣﻪ ﻭﻫﺎﻱ ﻣﻜﺎﻟﻤﻪ ﻭﺗﻨﻜﺮﻳﻦ ﻛﺪﺍﻣﻲ ﺣﻘﻴﺮﻩ ﻭﻋﺘﻴﺖ ﺷﻌﺮﻫﻪ ﻋﻠﻰ ﻛﻴﻒ
ﺑﻜﺪ ﺍﻟﻨﻌﺎﻝ ﺑﻌﺪﺝ
ﺻﺎﺣﺖ ﺑﻴﻪ ﺍﻧﻄﻴﻨﻲ ﻣﻮﺑﺎﻳﻠﻲ ﺍﻛﻠﺞ
ﻣﺎﺍﻧﻄﻲ ﻭﻟﻲ ﻣﻨﺎ
ﺗﻮﻧﻲ ﺭﺩﺕ ﺍﺩﺧﻞ ﻟﻠﺮﺳﺎﺋﻞ ﻣﺎﻝ ﻓﺎﻳﺒﺮ ﻧﻔﺲ ﺍﻟﺒﺮﻧﺎﻣﺞ ﺍﻟﻲ ﻓﺒﺮﻛﻪ ﻋﻠﻴﻪ ﻣﺤﺐ ﺷﻔﺖ ﻓﺮﺡ ﺍﻭﻝ ﻭﺍﺣﺪ ﺟﺮﺗﻪ ﻣﻨﻲ ﻛﺒﻞ
ﺍﻧﻲ ﺗﺨﺒﻠﺖ
ﺍﻧﻄﻴﻨﻲ ﻻ ﺍﻛﺴﺮﺝ
ﻣﺎﺍﻧﻄﻲ ﻭﺍﻟﻠﻪ
ﺭﺍﺡ ﺍﺻﻴﺢ ﻭﺍﻟﻤﻬﻢ ﻋﻠﻴﺞ ﻭﺍﻟﻠﻪ
ﻣﺎﻋﻨﺪﻱ ﺷﻲ ﻭﻳﻪ ﺭﺟﻠﺞ ﻣﺪﺭﻱ ﺷﻴﺼﻴﺮﻟﺞ ﻭﺍﻟﻠﻪ
ﺍﻧﺠﺒﻲ ﻟﻮ ﻣﺎﺷﻔﺖ ﺑﻌﻴﻨﻲ ﺍﻧﻄﻴﻨﻲ ﺧﻞ ﺍﺷﻮﻑ ﺍﻟﺘﻔﺎﻫﻪ ﻣﺎﻟﺘﻜﻢ ﻭﺍﺻﻠﻪ ﺍﻟﻮﻳﻦ
ﻃﻠﻌﺖ ﻭﻋﺎﻓﺘﻨﻲ ﺭﺣﺖ ﻭﺭﺍﻫﻪ
ﻭﻟﺞ ﺷﻜﺪ ﺷﻔﺖ ﺻﻠﻔﺎﺕ ﻣﺜﻞ ﺻﻼﻓﺘﺞ ﻣﺸﻔﺖ ﺣﻘﻴﺮﺭﺭﻩ
ﻣﺎﺍﺣﺲ ﺍﻟﻪ ﻃﻠﻊ ﻗﺎﺳﻢ ﻣﻦ ﻏﺮﻓﺘﻪ
ﻫﺪﻳﻪ ﻭﻛﺎﻡ ﻳﺒﺎﻭﻉ ﻋﻠﻴﻨﻪ
ﺍﻛﻮ ﺷﻲ ﺑﻴﺠﻦ ﺷﻲ
ﺑﺎﻭﻋﺖ ﺭﺩﺕ ﺍﻛﻠﻪ ﺑﺲ ﺗﺼﺮﻓﺖ ﺑﻌﻘﻼﻧﻴﻪ ﺷﻜﺪ ﻫﻮ ﻣﺤﺐ ﺣﻘﻴﺮ ﺑﺲ ﻣﺎﺍﻛﺪﺭ ﺍﻧﻄﻲ ﺑﻲ ﻳﻤﻬﻢ ﺗﺮﻭﺡ ﺗﺼﻴﺮ ﻣﺸﻜﻠﻪ
ﻣﺎﻛﻮ ﺷﻲ ﻛﺘﻠﻪ
ﺷﺨﺒﺎﺭﺝ ﻣﺸﺘﺎﻗﻴﻦ
ﺑﻬﺎﻟﻠﺤﻈﻪ ﺍﺳﺘﻐﻠﺘﻬﻪ ﺩﻻﻝ ﻭﺩﺧﻠﺖ ﺍﻧﻲ ﻓﺮﺕ ﻣﺎﻋﻮﻟﺖ ﻗﺎﺳﻢ ﻳﻜﻤﻞ ﺳﻼﻣﻪ ﺍﻟﻲ ﺻﺎﺭ ﺍﻃﻮﻝ ﻣﻦ ﺣﻴﺎﺗﻲ
ﻭﺩﺧﻠﺘﻠﻬﻪ ﺍﻧﻲ ﻋﻮﺩ ﺍﻟﻴﻮﻳﻦ ﺗﺮﻳﺪﻳﻦ ﺗﻮﺻﻠﻴﻦ
ﺷﺒﻴﺞ ﻫﺪﻳﻪ
ﻭﻭﺟﻌﻪ ﻟﺞ """ ﻟﺞ ﻛﻠﻬﻪ ﺑﭽﻔﻪ ﻭﺻﻼﻓﺘﺞ ﺑﭽﻔﻪ ﺛﺎﻧﻴﻪ
ﻫﺎﺝ ﺍﺧﺬﻱ ﺍﻟﻤﻮﺑﺎﻳﻞ ﺷﻮﻓﻲ ﺣﺘﻰ ﺗﺮﺗﺎﺣﻴﻦ
ﻻ ﻭﺍﻟﻠﻪ ﻫﻜﺐ ﻣﻤﺴﺤﺘﻲ ﻣﻮ ﻋﺒﺎﻟﺞ ﺫﻛﻴﻪ ﺍﻧﺖ ﻏﻤﻲ ﺭﻭﺣﺞ ﺍﺧﺬﺕ ﺻﻮﺭﻩ ﺍﻟﻤﻜﺎﻟﻤﺘﺞ ﻭﻳﺎ ﻭﺷﻤﺰﺟﻠﺘﻪ
ﺍﻧﻲ ﺍﻋﻠﻤﻜﻢ ﺍﺛﻨﻴﻨﻜﻢ
ﺍﺣﺘﺮﻛﺖ ﺭﻭﺣﻲ ﻃﻠﻌﺖ ﻣﻦ ﻳﻤﻬﻪ ﺭﺟﻌﺖ ﺩﻛﻴﺖ ﻋﻠﻲ ﻣﺠﺎﻭﺏ ﻓﺮﺕ ﻛﻌﺪﺕ ﻋﻞ ﺟﺮﺑﺎﻳﻪ ﺍﻳﺪﻱ ﺗﺮﺟﻒ ﻣﻦ ﺍﻟﻌﺼﺒﻴﻪ ﺍﻟﻲ ﺻﺮﺕ ﺑﻴﻬﻪ
ﺍﻟﺤﺪ ﻣﺼﺎﺣﻮﻧﻲ ﻧﺰﻟﺖ ﻳﻤﻬﻢ ﺑﺎﻟﻤﻄﺒﺦ ﺳﻮﻳﺖ ﻃﻤﺎﻃﻪ ﻭﺑﺼﻞ ﺑﻤﻮﺍﻋﻴﻦ ﻻﻥ ﻳﺤﺒﻮﻥ ﺍﻟﺒﺼﻞ ﻭﺧﻠﻴﺖ ﻃﺮﺷﻲ ﺍﺟﻪ ﻓﻼﺡ ﺭﺣﺖ ﺳﻠﻤﺖ ﻋﻠﻲ ﻭﺩﺧﻞ ﻟﻠﻐﺮﻓﻪ ﺗﻮﻧﻲ ﻛﻌﺪﺕ ﺟﺎﻥ ﻗﺎﺳﻢ ﻫﻢ ﻛﺎﻋﺪ ﺑﺎﻟﻬﻮﻝبيج قصص عراقيه حقيقيه من واقعنا.روعه الطائي
ﺍﻱ ﻫﺪﻳﻪ ﺷﺨﺒﺎﺭﺝ
ﻛﻞ ﺷﻮﻳﻪ ﺗﺴﺄﻟﻨﻲ ﻋﻠﻰ ﺍﺧﺒﺎﺭﻱ ﺯﻳﻨﻪ ﻭﺍﻟﻠﻪ
ﺧﺒﺎﻝ ﻣﻮ ﺻﻮﺟﺞ ﺻﻮﺝ ﺍﻟﻴﺴﺄﻟﺞ
ﺍﺑﺘﺴﻤﺖ ﺟﺬﺏ ﻻﻥ ﺣﺴﻴﺖ ﻋﻠﻰ ﻧﻔﺴﻲ ﻛﻤﺖ ﺍﻛﺸﻒ ﺗﻮﺗﺮﻱ ﺑﻴﺪﻱ
ﺻﺒﻴﻨﻪ ﺍﻟﻐﺪﻩ ﻭﺻﺤﻨﻪ ﺍﻝ ﻓﻼﺡ ﺗﻮﻧﻲ ﺭﺩﺕ ﺍﻛﻌﺪ ﺩﻙ ﻣﻮﺑﺎﻳﻠﻲ ﺭﺣﺖ ﺷﻔﺘﻪ ﻣﺤﺐ ﻣﺎﺍﺗﺤﻤﻞ ﺍﺻﺒﺮ ﺳﻮﻳﺘﻪ ﺻﺎﻣﺖ ﻛﺎﻡ ﻳﺪﻙ ﺑﻼ ﺻﻮﺕ ﻭﺭﺣﺖ ﺻﻌﺪﺕ
ﻛﻠﻬﻢ ﻛﺎﻟﻮ ﻭﻳﻦ
ﻛﺘﻠﻬﻢ ﻋﻨﺪﻱ ﻋﻼﺝ ﻓﻮﻙ ﻻﺯﻡ ﺍﺷﺮﺑﻪ ﻧﺴﻴﺘﻪ
ﻭﺩﺧﻠﺖ ﻟﻠﻐﺮﻓﻪ
ﻫﺎ ﺣﺒﻴﺒﺘﻲ ﺩﺍﻛﻪ ﻋﻠﻴﻪ ﺍﻛﻴﺪ ﺭﺟﻊ ﻋﻘﻠﺞ ﺍﻟﺮﺍﺳﺞ
ﻟﺘﺤﺠﻲ ﻫﻴﺞ ﻳﺎ
ﻳﺎ ﻣﺎﺍﺩﺭﻱ ﺷﻨﻮ ﻣﻦ ﺑﺸﺮ
ﻛﺸﻔﺖ ﺟﺬﺑﻚ ﻛﻠﻪ ﻭﺷﻔﺖ ﺑﻌﻴﻨﻲ ﻭﺍﺧﺬﺕ ﺻﻮﺭﻩ ﺍﻟﻤﻜﺎﻟﻤﺘﻚ ﺑﻌﺪ ﺩﻳﺮﺭﺭ ﺑﺎﻟﻚ ﺗﺨﺎﺑﺮﻧﻲ ﻟﻮ ﺗﺤﺎﺟﻴﻨﻲ ﺻﻮﺗﻚ ﻣﺎﺍﺭﻳﺪ ﺍﺳﻤﻌﻪ ﻭﻻ
ﺟﺎﻥ ﻳﺴﺪﻩ ﺑﻮﺟﻬﻲ
ﺍﻧﻬﺎﺭﺕ ﺍﻋﺼﺎﺑﻲ ﻛﻤﺖ ﺍﺻﻴﺢ
ﺟﺒﺎﺍﺍﺍﻥ ﺣﺘﻰ ﻣﺤﺠﻴﺖ ﺣﻘﻴﺮﺭﺭ ﻭﺍﻧﻄﻴﺘﻪ ﺣﻈﺮ
ﻧﺰﻟﺖ ﺷﺎﺑﻪ ﻧﺎﺭ ﻛﻌﺪﺕ ﻣﺘﻮﺗﺮﻩ ﻭﻳﺴﺄﻟﻨﻲ ﻛﻞ ﺷﻮﻳﻪ ﻓﻼﺡ ﺍﺧﺒﺎﺭﺝ ﺩﺭﺍﺳﺘﺞ ﺷﻴﺮﻳﻦ ﻭﺍﻧﻲ ﻛﻮﻩ ﻃﺎﻳﻘﻪ ﺭﻭﺣﻲ ﺣﺘﻰ ﻣﺄﻛﻠﺖ ﻟﻤﻠﻤﺖ ﺍﻟﺴﻔﺮﻩ ﻭﻳﺎﻫﻢ ﻭﻏﺴﻠﺖ ﻣﻮﺍﻋﻴﻦ ﻭﻳﻪ ﺭﻳﺎﻡ ﻭﺻﻌﺪﻧﻪ ﺗﻤﺪﺩﺕ ﻳﻤﻬﻪ ﺑﺎﻟﻐﺮﻓﻪ ﻭﺣﺠﻴﺘﻠﻬﻪ
ﺍﺧﺎﺑﺮﻩ ﺍﻧﻲ
ﻋﻠﻰ ﺷﻨﻮ ﺗﺨﺎﺑﺮﻱ ﺍﻧﻲ ﻋﻦ ﻧﻔﺴﻲ ﻣﺎﺍﺭﻳﺪ ﺍﺧﻮﺝ ﺑﻌﺪ ﻟﻮ ﺷﻴﺼﻴﺮ ﺑﺲ ﺍﻧﻲ ﻓﻨﺞ ﻟﻴﺶ ﻣﻘﻬﻮﺭﻩ
ﻟﻴﺶ
ﻟﺞ ﻳﺤﺠﻲ ﺑﺼﻼﻓﻪ ﻭﻳﺘﻮﺳﻞ ﻭﻫﻮ ﻳﺨﻮﻥ ﺑﻴﻪ
ﺍﺫﺍ ﻫﻮ ﻫﻴﺞ ﺷﻜﻮ ﻳﺨﺎﺑﺮ ﻋﻠﻴﻪ
ﺍﻛﻠﺞ ﺍﻧﻲ ﻭﻳﺎﺝ ﻧﻔﺲ ﺍﻟﺸﻲ ﺣﻴﺎﺗﻨﻪ ﺧﺮﺏ ﺣﻈﻲ
ﻫﺪﻳﻪ / ﻭﺍﻟﺒﺎﺭﺣﻪ ﺍﻧﻲ ﺍﻛﻮﻝ ﻣﺤﺐ ﺍﺣﺴﻦ ﻣﻦ ﺻﻼﺡ ﻭﺍﻟﻠﻪ ﻳﺎ ﺭﺑﻲ ﻫﻬﻬﻬﻪ ﻏﻴﺮ ﺍﺿﺤﻚ ﺍﻧﻲ
ﻭﺍﺣﻨﻪ ﻧﺴﻮﻟﻒ ﻓﺠﺄﻩ
ﺟﺎﻥ ﻳﺪﻙ ﻣﻮﺑﺎﻳﻞ ﺭﻳﺎﻡ
ﻭﻛﻠﺒﺘﻪ ﻋﻠﻴﻪ ﺑﺎﻋﻲ ﻭﻟﺞ ﻣﺤﺐ ﻫﺬﺍ ﺩﻳﺪﻙ ﻋﻠﻴﻪ
ﻳﻤﻜﻦ ﻻﻥ ﺍﻧﻄﻴﺘﻲ ﺣﻈﺮ
ﻛﻠﻴﻠﻪ ﻣﺘﺮﻳﺪ ﺗﺴﻤﻊ ﺻﻮﺗﻚ ﻭﻓﺘﺤﻲ ﺳﺒﻴﻜﺮ
ﺟﺎﻭﺑﺘﻪ ﻭﺍﻧﻲ ﻛﺎﻋﺪﻩ ﻳﻤﻬﻪ
ﺍﻟﻮ ﻫﻠﻮ ﻣﺤﺐ ﺷﻠﻮﻧﻚ ﺣﺒﻴﺒﻲ
ﺭﻳﺎﻡ ﺩﺯﻳﻠﻲ ﺍﻟﺼﻮﺭﻩ ﺍﻟﻲ ﺗﻜﻮﻝ ﻋﻠﻴﻬﻪ ﻫﺪﻳﻪ ﻭﺍﺭﻳﺪ ﻭﺍﻟﺮﻗﻢ ﻣﺎﻝ ﺑﺖ ﺣﻤﺎﺝ
ﻣﺎﻋﻨﺪﻱ ﺑﺮﺍﻣﺞ
ﻣﺎﺍﺩﺭﻱ ﺷﻠﻮﻥ ﺭﻫﻤﻴﻬﻪ ﺑﺴﺮﻋﻪ ﻻ ﻫﺴﻪ ﺍﺟﻲ ﺍﻫﺠﻢ ﺍﻟﺒﻴﺖ ﻛﻠﻪ ﻋﻠﻰ ﺭﻭﺳﻜﻢ ﻭﺳﺪ ﺍﻟﺨﻂ
ﻋﻮﺟﺖ ﺣﻠﻜﻲ ﻋﻮﺩ ﻣﻴﻌﺮﻓﻬﻪ ﻫﻬﻬﻪ ﻭﺍﻟﻠﻪ ﻳﻀﺤﻚ
ﺷﻠﻮﻥ ﻫﺴﻪ
ﻋﻮﻓﻲ ﺑﺎﺑﺎ ﻫﺬﺍ ﺟﺬﺍﺏ ﻋﺒﺎﻟﻪ ﺍﺭﺟﻌﻠﻪ ﺑﻌﺪ ﺍﻟﻤﺮﻳﺾ
ﻃﻠﻌﺖ ﺭﻳﺎﻡ ﻭﺑﻘﻴﺖ ﻣﺘﻤﺪﺩﻩ ﻋﻞ ﺟﺮﺑﺎﻳﻪ ﺍﺣﺲ ﻧﻔﺴﻲ ﻓﺎﻳﺮﻩ ﺍﻋﺼﺎﺏ ﻭﺍﻳﻤﻦ ﻳﻜﻤﺰ ﻓﻮﻙ ﺑﻬﺎﻟﻠﺤﻈﻪ ﺗﺬﻛﺮﺕ ﺍﻣﻴﺮ
ﺣﺒﻴﺒﻲ ﺍﻟﻠﻪ ﻳﺮﺣﻤﻪ ﻟﻮ ﻋﺎﻳﺶ ﻭﻃﺒﻴﻌﻲ ﺟﺎﻥ ﻫﺴﻪ ﻫﻮ ﺑﺤﻀﻨﻲ
ﻣﺎﺍﺣﺲ ﺍﻟﻪ ﻓﺘﺤﺖ ﺍﻟﺒﺎﺏ ﺭﻳﺎﻡ ﻭﻛﺎﻟﺖ ﻳﺎﻟﻤﻄﻴﻪ
ﺍﻣﺪﺍﺍﺍﺍﺝ ﻭﺗﻐﻢ ﺑﻴﻪ
ﺷﻜﻮﻭ
ﻭﻟﺞ ﺷﻴﺨﻠﺼﺞ ﻣﻨﻪ ﻫﺴﻪ ﻋﺮﻓﺖ ﺍﻟﺴﺎﻟﻔﻪ
ﺍﻱ ﺑﻠﻠﻪ ﺷﻨﻮ ﺍﻟﺴﺎﻟﻔﻪ ﻫﻢ ﺑﺖ ﺣﻤﺎﺝ ﻣﺤﺘﺎﺟﻪ ﻣﺴﺎﻋﺪﻩ ﻭﻳﺴﺎﻋﺪﻫﻪ
ﻣﻄﻴﻪ ﻭﻟﺞ ﺍﺑﻮ ﺍﻟﻤﺼﺎﻳﺐ ﻧﺠﻢ
ﺷﻠﻮﻥ ﺑﻠﻠﻪ
ﻫﻴﻪ ﻭﻧﺠﻢ ﺍﻟﺸﻴﺎﻃﻴﻦ
ﺩﻃﻴﺮﻱ ﻓﻄﻴﺮﻩ ﻫﺎﻱ ﺭﻫﻤﻮﻫﻪ ﺟﺬﺑﻪ ﺑﻴﻨﻬﻢ
ﻭﺍﻟﻠﻪ ﻫﺴﻪ ﺭﺩﺕ ﺍﺩﺧﻞ ﻟﻠﻐﺮﻓﻪ ﺧﻠﻴﺖ ﺍﺫﻧﻲ ﻗﺒﻞ ﻻ ﺍﺩﺧﻞ ﻛﻠﺖ ﺑﻠﻜﺖ ﺍﺳﻤﻌﻬﻪ ﻣﻦ ﺗﺨﺎﺑﺮ ﻭﺍﻟﺰﻣﻬﻪ ﻣﺘﻠﺒﺴﻪ
ﺍﺭﻳﺪ ﺍﺷﻮﻓﻬﻪ ﺷﺘﺤﺠﻲ ﻭﻳﺎ ﺟﺎﻥ ﺍﺳﻤﻌﻬﻪ ﺗﻜﻠﻪ ﻧﺠﻢ ﺷﻠﻮﻥ ﻫﺴﻪ ﻓﻬﻤﻨﻲ ﻣﻮ ﻛﺘﻠﻚ ﻟﺘﺨﺎﺑﺮﻧﻲ ﻣﻦ ﺭﻗﻤﻪ
ﻫﻢ ﻣﺎﺍﺻﺪﻙ
ﺩﻧﺠﺒﻲ ﻋﺴﺎﺝ ﻟﺘﺼﺪﻛﻴﻦ ﻭﻟﺰﻣﺖ ﻣﻮﺑﺎﻳﻠﻬﻪ ﻭﺍﺗﺼﻠﺖ ﻋﻠﻰ ﻧﺠﻢ
ﺍﻟﻮﻭﻭﻭ
ﻫﻠﻮ ﺭﻳﺎﻡ ﺷﻌﺠﺐ
ﻭﻭﺟﻌﻪ ﺷﻠﻮﻥ ﺗﺴﻮﻱ ﻫﻴﺞ ﺑﻤﺤﺐ
ﺷﻤﺴﻮﻱ
ﺷﻠﻮﻥ ﺗﺨﺎﺑﺮ ﻣﻦ ﻣﻮﺑﺎﻳﻠﻪ ﺑﺪﻭﻥ ﻣﻴﺪﺭﻱ ﻫﺴﻪ ﺭﺍﺡ ﻳﻜﺸﻔﻚ ﻏﺒﻲ ﻫﺴﻪ ﺩﺯﻟﻲ ﻛﻠﻲ ﺩﺯﻳﻠﻲ ﺭﻗﻤﻬﻪ
ﻻ ﺑﺸﺮﻓﺞ ﻫﻴﻪ ﻫﺪﻳﻪ ﺷﺒﻴﻬﻪ ﺷﺒﺴﺮﻋﻪ ﻛﻠﺘﻠﻪ
ﻧﻌﺎﻝ ﻋﻠﻰ ﺭﺍﺳﻚ ﻳﺎ ﻧﺠﻢ ﻣﺘﺨﺎﺑﺮ ﻣﻦ ﻣﻮﺑﺎﻳﻠﻚ ﻭﺑﻌﺪﻳﻦ ﺍﻧﺖ ﻭﻳﻨﻚ ﻭﻳﻦ ﻫﺎﻱ ﺍﻟﺴﻮﺍﻟﻒ
ﺭﻳﻮﻡ ﻃﻠﻌﻴﻨﻲ ﻣﻨﻬﻪ ﻓﺪﻭﻩ ﺍﺭﻭﺣﻠﺞ ﺍﺧﻮﺝ ﻫﺬﺍ ﺷﻴﺨﻠﺼﻨﻲ
ﻣﻨﻪ
ﻭﺍﻧﺖ ﻟﻴﺶ ﺗﺨﺎﺑﺮ ﻣﻨﻪ
ﻣﻮﺑﺎﻳﻠﻲ ﻣﻮ ﺣﺪﻳﺚ ﻣﺎﺍﻣﺪﺭ ﺍﻧﺰﻝ ﺑﻲ ﺑﺮﺍﻣﺞ ﻭﺭﺻﻴﺪ ﻣﺎﻋﻨﺪﻱ
ﻋﺰﻩ ﺑﻌﻴﻨﻚ ﻳﺎ ﻧﺠﻢ ﻋﺰﻩ ﺍﻟﻌﺰﺍﻙ ﻫﻢ
ﻫﺪﻳﻪ / ﺍﻧﻲ ﻫﻮﻩ ﻳﺤﺠﻲ ﻭﺍﻧﻲ ﺍﻓﻜﺮ ﺷﺮﺍﺡ ﻳﺨﻠﺼﻨﻲ ﻣﻦ ﻣﺤﺐ ﺑﻌﺪ ﺍﻟﻲ ﺣﺠﻴﺘﻪ ﻛﻠﻪ
ﺟﻨﻪ ﻓﺎﺗﺤﻴﻦ ﺳﺒﻴﻜﺮ ﺍﻧﺪﻙ ﺍﻟﺒﺎﺏ ﻭﺍﻧﻔﺘﺢ ﺑﺴﺮﻋﻪ ﻭﻧﺠﻢ ﻳﺨﺮﻁ
ﻧﺠﻢ / ﺭﻳﺎﻡ ﻓﺪﻭﻩ ﺳﺎﻋﺪﻳﻨﻲ ﺣﻠﻴﻬﻪ ﻭﺍﻟﻠﻪ ﺍﺧﻮﺝ ﺧﺒﻞ ﻭﻳﺴﻜﻄﻨﻲ ﻭﺍﻧﻲ ﻣﺎﻋﻮﻟﺘﻪ ﺑﻔﻚ ﻳﺎﺧﻪ ﻣﻨﻲ
ﺍﻧﻲ ﺍﺣﺒﻬﻪ ﻭﺍﻟﻠﻪ
ﺻﻼﺡ ﺩﺧﻞ ﺑﻬﺎﻱ ﺍﻟﻠﺤﻈﻪ ﻭﺭﻳﺎﻡ ﺍﻟﺨﺒﻠﻪ ﺑﻘﺖ ﺻﺎﻓﻨﻪ ﻋﻠﻲ
ﻭﺍﻧﻲ ﺟﺮﻳﺖ ﺍﻟﻤﻮﺑﺎﻳﻞ ﻭﻧﻬﻴﺖ ﺍﻟﻤﻜﺎﻟﻤﻪ
ﻫﻮ ﺑﻘﻪ ﻳﺒﺎﻭﻉ
ﺳﻼﻡ ﻋﻠﻴﻜﻢ
ﻫﻠﻮ ﺻﻼﺡ ﺷﻠﻮﻧﻚ
ﺧﻴﺮﻛﻢ ﺧﻮﻣﺎ ﻛﻮ ﺷﻲ
ﻻ ﻣﺎﻛﻮ ﺷﻲ ﺗﻌﺮﻑ ﻧﺠﻢ ﻭﺳﻮﺍﻟﻔﻪ ﺍﻟﺘﻌﺒﺎﻧﻪ ﻭﻳﺮﻳﺪ ﺭﻳﺎﻡ ﺗﺴﺎﻋﺪﻩ
ﺑﻘﻪ ﻳﺒﺎﻭﻉ ﺭﺍﻓﻊ ﺣﺎﺟﺒﻪ ﺍﺧﺬﺕ ﺍﻟﻤﻮﺑﺎﻳﻞ ﻭﻃﻠﻌﺖ
"""""""""""""""""
ﺭﻳﺎﻡ / ﻣﻦ ﺩﺧﻞ ﺣﺮﺕ ﻛﻠﺖ ﻫﺬﺍ ﻫﻮ ﺍﻧﻜﺸﻔﺖ ﺍﻟﺴﺎﻟﻔﻪ ﻛﻠﺒﻲ ﺭﺍﺩ ﻳﻮﻛﻒ ﻭﺧﻔﺖ ﺍﺳﺪ ﺳﺒﻴﻜﺮ ﺧﺎﻑ ﻳﻜﻮﻝ ﻋﺪﻛﻢ ﺷﻲ ﻭﻫﻮ ﻛﻠﺖ ﻫﺬﺍ ﻫﻮ ﺑﺎﻟﺤﺎﻟﺘﻴﻦ ﺍﻧﻜﺸﻔﺖ ﺑﺲ ﻫﺪﻳﻪ ﻧﻘﺬﺕ ﺍﻟﻤﻮﻗﻒ
ﺍﻭﻝ ﻣﻄﻠﻌﺖ ﻛﻠﻲ ﺷﻜﻮﻭﻭ ﺭﻳﺎﻡ ﻭﺍﺣﻨﻪ ﺟﻨﻪ ﻣﻨﺘﺤﺎﺟﻪ
ﻛﺘﻠﻪ ﻣﺸﻜﻠﻪ ﻋﺎﺋﻠﻴﻪ
ﺷﻠﻮﻥ ﺗﺤﻠﻴﻬﻪ ﺍﻧﺖ ﻭﺍﺧﻮﺝ ﻣﻴﺤﺠﻲ ﻭﻳﺎﺝ ﻭﺷﻨﻮ ﻧﺠﻢ ﺷﻌﻨﺪﻩ ﺷﻨﻮ ﻳﺤﺒﻬﻪ ﻭﻫﻮ ﺑﻜﺪ ﺟﻒ ﺍﻳﺪﻱ ﻣﻨﻴﻪ ﻫﺎﻱ
ﺑﺒﺎﻭﻋﺖ ﻋﻠﻲ ﺑﺤﺰﻥ
ﻛﻠﻪ ﻣﻦ ﻭﺭﺍﻙ ﻣﻴﺤﺠﻲ ﻭﻳﺎﻱ ﺍﺧﻮﻳﻪبيج قصص عراقيه حقيقيه من واقعنا.روعه الطائي
ﻭﻧﺠﻢ ﻋﻤﺮﻩ ١٤ﺳﻨﻪ ﺭﺍﺡ ﻳﺼﻴﺮ ١٥ﻣﺒﻘﺎﻟﻪ ﺷﻲ ﻭﻃﻠﻌﺖ ﻭﻋﻔﺘﻪ ﺭﺣﺖ ﺍﻝ ﻫﺪﻳﻪ ﺑﻐﺮﻓﺔ ﺩﻻﻝ ﻛﺎﻋﺪﻩ ﻭﻟﻜﻴﺘﻬﻪ ﺗﺮﺯﻝ ﺑﻴﻬﻪ
ﺷﺴﻮﻱ ﺗﺮﻳﺪﻳﻦ ﺍﻛﻠﺞ
ﺍﻱ ﺗﻜﻠﻴﻠﻲ ﻻﻥ ﻣﻦ ﻭﺭﺍﺡ ﻟﺼﺖ ﺍﻟﺪﻧﻴﺎ ﻭﻣﺒﻘﻴﺖ ﺷﻐﻠﻪ ﻣﺴﻮﻳﺘﻬﻪ
ﻫﻮ ﻧﺠﻢ ﻛﻠﻲ ﺩﻳﺮ ﺑﺎﻟﺞ ﺗﺤﺠﻴﻦ ﺣﺘﻰ ﺍﺫﺍ ﻳﻜﺸﻔﻮﺝ
ﻭﺗﺒﻠﻴﻦ ﻣﺤﺐ
ﺭﻳﺎﻡ / ﻭﺑﻌﺪﻳﻦ ﺍﻧﺖ ﻳﺎ ﺩﻻﻝ ﺑﻠﻠﻪ ﻛﺸﻔﻮﺝ ﻣﻴﺮﺣﻤﻮﺝ ﻭﻻ ﻳﺮﺣﻤﻮﻥ ﻧﺠﻢ ﻭﻳﻨﻜﻢ ﻭﻳﻦ ﻫﺎﻱ ﺍﻟﺴﻮﺍﻟﻒ ﺷﻮﻛﺖ ﻫﺎﻱ ﻓﻬﻤﻴﻨﻲ
ﻣﻦ ﻃﻠﻊ ﻣﻦ ﺍﻟﺴﺠﻦ ﻭﺭﺣﻨﻪ ﺷﻔﻨﺎ ﻭﺷﻔﻨﻪ ﺍﻳﻬﺎﺏ ﺑﻨﻔﺲ ﺍﻟﻮﻗﺖ
ﻳﺎ ﻳﺎﺑﻪ ﻋﺰﻩ ﺑﻌﻴﻮﻧﻜﻢ ﺻﺎﺭ ﺷﻜﺪ ﻻ ﺗﺨﺎﻓﻮﻥ ﻭﻻ ﺗﺴﺘﺤﻮﻥ
ﻫﺪﻳﻪ / ﺯﻳﻦ ﺷﻠﻮﻥ ﻣﺤﺐ ﻳﻜﻮﻝ ﺍﻧﺖ ﻛﺎﻳﻠﺘﻪ ﻣﻌﺠﺒﻪ ﺑﻴﻚ
ﺩﻧﻜﺖ
ﻫﺪﻳﻪ / ﺍﺣﺠﻲ ﻟﺞ ﻻ ﺍﻣﻮﺗﺞ
ﺟﺎﻥ ﻣﻮﺑﺎﻳﻞ ﻧﺠﻢ ﻋﻄﻼﻥ ﻭﺍﻧﻲ ﺩﻛﻴﺖ ﻋﻠﻰ ﻣﺤﺐ ﺭﻣﺸﺘﻠﻪ ﻭﻛﻠﺖ ﻧﺠﻢ ﻣﻦ ﻳﺸﻮﻓﻬﻪ ﻳﺘﺼﻞ ﻓﻬﻮ ﺭﺟﻊ ﺩﻙ ﻋﻠﻴﻪ ﻭﺣﺮﺕ ﺷﻜﻮﻝ ﻣﻦ ﺟﺎﻭﺑﺖ ﻛﺘﻠﻪ ﻫﻴﺞ
ﻫﺪﻳﻪ / ﻋﺰﺯﻩ ﺑﻌﻴﻨﺞ ﺍﻧﺖ ﻳﺎ ﻣﺮﺣﻠﻪ ﻭﺍﺻﻠﻪ ﻣﻮ ﺧﻄﻴﻪ ﺍﻣﺞ
ﺩﻧﻜﺖ ﺭﺍﺳﻬﻪ ﻭﻛﺎﻟﺖ ﺍﺣﺒﻪ
ﺭﻳﺎﻡ / ﺣﺒﻴﺶ ﺣﺒﻴﺶ ﻫﺬﺍ ﻭﺍﻧﺖ ﺻﻐﻴﺮﻩ
ﻭﺑﻌﺪﻳﻦ ﺍﺫﺍ ﻋﺮﻓﻮ ﻋﻤﺎﻣﺞ ﻭﺍﺧﻮﺝ ﻳﻜﺘﻠﻮ ﺍﻻﺧﻮﻳﻪ ﻣﺨﺎﺑﻴﻞ ﻗﺎﺳﻢ ﻭﺻﻼﺡ ﻣﺘﻌﺮﻓﻴﻬﻢ ﻭﻻ ﻓﻮﻛﺎﻫﻪ ﺗﺘﺤﺎﺭﺷﻮﻥ ﺑﻤﺤﺐ ﻫﺎﺝ ﻫﺴﻪ ﻣﺤﺐ ﻛﺎﻟﺐ ﺍﻟﺪﻧﻴﺎ ﻭﺭﺍﺩ ﺭﻗﻤﺞ
ﻋﻠﻴﺞ ﺍﻟﻠﻪ ﻟﺘﻨﻄﻲ ﺭﻗﻤﻲ
ﺑﺲ ﻻ ﻳﻠﻜﻪ ﻣﻜﺎﻟﻤﻪ ﻭﺍﻟﻠﻪ ﺍﺣﺐ ﻧﺠﻢ
ﺭﻳﺎﻡ / ﻋﺰﺯﻩ ﻭﻟﺞ ﻟﺘﺤﺠﻴﻬﻪ ﻭﻳﻨﺞ ﻭﻳﻦ ﺍﻟﺤﺐ ﺍﻧﺖ
ﻫﺪﻳﻪ / ﺍﻧﻲ ﺻﺎﻓﻨﻪ ﺍﺑﺎﻭﻉ ﻋﻠﻴﻬﻪ ﻭﺍﻓﻜﺮ ﺷﻠﻮﻥ ﺑﻴﻪ ﻣﻦ ﻣﺤﺐ ﻫﺴﻪ ﺷﻴﺴﻮﻳﻠﻲ ﻛﻢ ﻣﺮﻩ ﻛﻠﻲ ﻣﺎﻋﻨﺪﻱ ﺷﻲ ﻭﻳﺎﻫﻪ
ﺍﺳﺘﻠﻤﺘﻬﻪ ﺭﻳﺎﻡ ﺭﺯﺍﻳﻞ ﻭﻃﻠﻌﻨﻪ ﻭﻋﻔﻨﺎﻫﻪ ﻭﻛﺘﻠﻬﻪ ﺍﺫﺍ ﺍﻋﺮﻑ ﺑﻴﻜﻢ ﺑﻌﺪﻛﻢ ﺍﻛﻮﻝ ﺍﻝ ﻗﺎﺳﻢ ﻭﺍﻝ ﺍﻣﺞ ﻭﺍﻟﻠﻪ
ﺭﻳﺎﻡ / ﺯﻋﺎﻃﻴﻂ ﻫﺎﻟﻮﻛﺖ
ﻫﺪﻳﻪ / ﺭﻭﺣﻲ ﻧﺎﻣﻲ ﺍﻧﺖ ﻭﺭﺟﻠﺞ ﺍﺟﻪ
ﻳﺎ ﺭﺟﻞ ﺍﻟﻠﻪ ﻳﺨﻠﻴﺞ
ﺷﺒﻴﻜﻢ
ﻧﻔﺲ ﺍﻟﺸﻲ ﻭﺗﺴﻮﺀ ﺍﻻﻣﻮﺭ ﻣﺘﺘﺼﻠﺢ
ﺍﻧﺖ ﺗﺮﻳﺪﻱ ﻟﻮ ﻻ ﻭﻟﺞ
ﺍﺫﺍ ﺗﺮﻳﺪﻱ ﺗﻼﺣﻜﻲ ﻭﺿﻌﺞ ﻭﺍﻧﺠﺒﻲ ﺗﺮﻩ ﺩﻭﺧﺘﻴﻨﻲ
ﺍﺳﻜﺘﻲ ﻭﺣﻴﺮﻱ ﺑﺮﻭﺣﺞ ﺍﻧﺖ
ﺷﺤﻴﺮ ﺍﺻﻼً ﺍﺣﻨﻪ ﻣﻨﺮﻫﻢ
ﺩﻃﻴﺮﺭﺭﻱ ﺍﻧﺖ
ﻧﺰﻟﺖ ﻭﻋﺎﻓﺘﻨﻲ ﺩﺧﻠﺖ ﻟﻠﻐﺮﻓﻪ ﺟﺎﻥ ﻧﺎﻳﻢ ﻋﻞ ﺟﺮﺑﺎﻳﻪ ﻭﺍﻳﻤﻦ ﻳﻤﻪ ﻳﺒﺎﻭﻉ ﺑﻤﻮﺑﺎﻳﻠﻪ
ﺑﺎﻭﻋﺖ ﻋﻠﻲ ﻛﻠﺖ ﺧﻞ ﺍﻧﺰﻝ ﻳﻢ ﻫﺪﻳﻪ ﻟﻌﺪ
ﺟﺎﻥ ﻳﻜﻠﻲ ﻃﻔﻲ ﺍﻟﻜﻠﻮﺏ ﻭﻳﺎﺝ
ﻃﻠﻊ ﻛﺎﻋﺪ ﻃﻔﻴﺖ ﺍﻟﻜﻠﻮﺏ ﻭﻃﻠﻌﺖ
ﻧﺰﻟﺖ ﻳﻢ ﻫﺪﻳﻪ
ﻟﻜﻴﺘﻬﻪ ﻛﺎﻋﺪﻩ ﺑﺎﻟﻬﻮﻝ ﻭﻣﻄﻔﻴﻪ ﺍﻟﻜﻠﻮﺏ
ﻛﻌﺪﺕ ﺑﺼﻔﻬﻪ ﺷﺒﻴﺞ
ﺗﻌﺒﺎﻧﻪ ﻳﺎ ﺭﻳﺎﻡ ﺣﻴﻞ ﻭﺍﻟﻠﻪ ﺍﺣﺠﻲ ﺻﺪﻙ ﻣﻨﻴﻦ ﻣﺎﺍﺟﻴﺒﻬﻪ ﻣﺴﺪﻭﺩﻩ ﺑﻮﺟﻬﻲ ﺧﺎﺻﻪ ﺍﻧﻲ ﻭﻣﺤﺐ
ﻣﺎﻋﻮﻟﺖ ﺍﻃﻠﻌﻪ ﻣﻦ ﺣﻴﺎﺗﻲ ﻭﺍﺑﻠﺶ ﻣﻦ ﺟﺪﻳﺪ ﻭﺍﺗﻌﻮﺩ ﻋﻠﻰ ﻋﺪﻡ ﻭﺟﻮﺩﻩ ﺭﺟﻌﻠﻲ ﻭﺭﺟﻊ ﺩﺧﻞ ﺍﻟﻌﻘﻠﻲبيج قصص عراقيه حقيقيه من واقعنا.روعه الطائي
ﺍﺣﺲ ﻣﺘﻮﺗﺮﻩ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻭﺧﺎﻳﻔﻪ
ﺗﺮﻩ ﻣﺤﺐ ﻳﺤﺒﺞ ﻭﺍﻟﻠﻪ ﻣﺤﺐ ﺧﺸﻢ ﻳﺎﺑﺲ ﻭﺭﺍﺱ
ﻣﻴﻨﺰﻝ ﺭﻭﺣﻪ ﺑﺲ ﺣﺴﺐ ﺣﺠﻴﺞ ﻭﺍﻟﻲ ﺳﻮﺍ ﻫﻮﺍﻱ ﺫﻝ ﺭﻭﺣﻪ ﻭﻫﻮ ﻣﻮ ﻃﺒﻌﻪ ﻫﻴﺞ
ﻋﺼﺒﻴﺘﻪ ﺗﺄﺫﻳﻨﻲ ﻫﻮﺍﻱ
ﻫﻮ ﺑﺲ ﻫﺬﺍ ﻋﻴﺒﻪ ﻟﺘﻨﺴﻴﻦ ﻣﺤﺐ ﺍﻛﺜﺮ ﻭﺍﺣﺪ ﺗﺄﺫﻩ ﻣﻦ ﻫﻮ ﻭﺻﻐﻴﺮ ﻭﻣﺘﺤﻤﻞ ﻣﺴﺆﻟﻴﺘﻨﺎ ﻣﻮﺕ ﻋﻼﺀ ﺟﺎﻥ ﺻﺪﻣﻪ ﺍﻟﻪ ﻭﺍﻧﻮﺏ ﺍﻧﻲ ﺍﻟﻐﺒﻴﻪ ﺍﻭﻭﻑ ﺷﺴﻮﻳﺖ ﻭﺍﻟﻠﻪ ﻣﺘﻨﺪﻣﻪ ﻣﺎﺍﺩﺭﻱ ﺷﻮﻛﺖ ﻳﺤﻦ ﻋﻠﻴﻪ
ﺍﺫﺍ ﻫﻮ ﻫﻴﺞ ﺑﺸﺮﻓﺞ ﻛﻠﻴﻠﻪ ﺍﺭﺟﻌﻠﻚ ﺑﺲ ﺑﺴﺮﻁ ﺗﺴﺎﻣﺢ ﺭﻳﺎﻡ
ﺑﺎﻭﻋﺖ ﻋﻠﻴﻬﻪ ﺿﺤﻜﺘﻨﻲ ﻛﺘﻠﻬﻪ ﺩﻭﻟﻲ ﻭﻟﻲ ﺩﺧﻞ ﻳﺨﺎﺑﺮ ﻫﻮ ﻫﺴﻪ
ﺍﻧﻲ ﻫﺴﻪ ﺑﺲ ﻳﻄﻠﻊ ﺻﻼﺡ ﺍﺧﺎﺑﺮﻩ ﻭﺍﻛﻠﻪ ﻧﺠﻢ ﻟﻴﺮﻭﺡ ﻳﺴﻮﻱ ﺷﻲ ﻭﻳﻔﻀﺢ ﺩﻻﻝ ﻋﺒﺎﻟﻪ ﺗﺒﻠﻰ ﻋﻠﻲ ﻭﺍﻧﻮﺏ ﻳﻨﻠﻜﻒ ﻧﺠﻢ
ﻫﺪﻳﻪ / ﺍﻭﻑ ﻳﺎ ﻧﺠﻢ ﻣﺎﺍﺩﺭﻱ ﺷﻮﻛﺖ ﻳﻜﻒ ﻣﻦ ﺍﻟﻤﺼﺎﻳﺐ ﻣﺎﻟﺘﻪ
ﻣﻦ ﻭﺭﻩ ﺍﺧﺘﺞ ﻛﻞ ﺍﻟﻲ ﺑﻨﺠﻢ ﻣﻦ ﻫﻮ ﻭﻃﻔﻞ ﻭﻣﻨﻄﻴﺘﻪ ﺍﻛﺒﺮ ﻣﻦ ﺣﺠﻤﻪ
ﺭﺟﻠﺞ ﻣﺘﻐﺪﻱ
ﻣﺎﺍﺩﺭﻱ
ﺍﻛﻠﺞ ﺭﻳﺎﻡ ﺍﻧﺖ ﻣﺎﻝ ﻭﺍﺧﺪ ﻳﻬﻔﺞ ﺭﺍﺷﺪﻱ ﻟﻴﺶ ﻫﻴﺞ ﻭﻳﺎ
ﺭﻳﺎﻡ ﺍﻧﺖ ﺧﺴﺮﺗﻲ ﺍﺧﻮﺝ ﻭﺍﺧﺘﺎﺭﻳﺘﻲ ﺻﻼﺡ
ﺍﺧﺘﺎﺭﻳﺖ ﺍﺑﻨﻲ
ﻧﻔﺲ ﺍﻟﺸﻲ ﺧﺴﺮﺗﻲ ﻣﺤﺐ ﻋﻞ ﺍﻗﻞ ﺭﺗﺒﻲ ﺣﻴﺎﺗﺞ
ﻣﻮ ﺳﻮﻟﻔﺘﻠﺞ ﺍﻟﺒﺎﺭﺣﻪ
ﻭﺍﻟﻠﻪ ﺍﻟﻲ ﻳﻮﻟﻔﺘﻲ ﺍﻧﻲ ﺍﺷﻮﻑ ﺻﻼﺡ ﻫﻮ ﺍﻟﻲ ﻛﺎﻋﺪ ﻳﺤﺎﻭﻝ ﺑﻜﻞ ﺍﻟﻄﺮﻕ ﻭﺍﻧﺖ ﺗﺼﺪﻱ
ﺑﺎﻉ ﻣﻨﻮ ﻳﺤﺠﻲ ﻭﺍﻧﺖ ﻣﺤﺐ ﺷﺴﻮﻳﺘﻲ ﺑﻲ
ﻟﺞ ﺑﺎﺑﺎ ﻣﺸﻜﻠﺘﻨﻪ ﻣﺨﺘﻠﻔﻪ
ﻣﺤﺐ ﺍﺫﺍﻧﻲ ﺣﻴﻞ
ﻭﺍﻟﺤﺪ ﺍﻻﻥ ﺧﺎﻳﻔﻪ ﻣﻨﻪ ﻟﻴﺮﻭﺡ ﻫﻢ ﻳﺮﻳﺪ ﻳﻨﺘﻘﻢ ﻣﻨﻲ ﻻﻥ ﺳﻮﻭ ﻫﻴﺞ ﻭﻳﺎﺝ ﻻﻥ ﺍﻧﻲ ﺍﻟﺤﺎﻳﻂ ﺍﻟﻨﺼﻴﺺ ﻣﺎﻝ ﺍﺧﻮﺝ ﺷﻴﺼﻴﺮ ﺑﺮﺍﺳﻲ
ﺷﻮﻓﻲ ﻫﺪﻳﻪ ﻣﻦ ﻳﺒﻌﺪ ﻋﻨﻲ ﺍﻓﻜﺮ ﺑﻲ ﻭﻣﻦ ﻳﺮﻳﺪ ﻳﺘﻘﺮﺏ ﻣﻨﻲ ﺍﺣﺲ ﺭﻭﺣﻲ ﺍﺷﻮﻑ ﻋﺰﺭﺍﺋﻴﻞ ﻛﺪﺍﻣﻲ ﻭﻣﺎﺍﻃﻴﻖ ﻣﻨﻪ ﻭﻻ ﻛﻠﻤﻪ ﻭﺍﻟﻠﻪ ﻣﺎﺍﻛﺪﺭ ﻟﺞ ﺣﺴﺎﻡ ﻳﺼﻴﺮ ﻛﺒﺎﻝ ﻋﻴﻨﻲ ﺑﻐﺮﻓﺘﻨﺎ
ﺍﺣﻨﻪ ﻧﺴﻮﻟﻒ ﺻﺎﺡ ﻣﻦ ﻓﻮﻙ ﺭﻳﺎﺍﺍﻡ
ﺭﻭﺣﻲ ﺻﻌﺪﻳﻠﻪ
ﺻﻌﺪﺕ ﺑﻘﻴﺖ ﻛﺎﻋﺪﻩ ﺷﻮﻳﻪ ﻭﺩﻙ ﻣﻮﺑﺎﻳﻠﻬﻪ ﻣﺤﺐ ﺟﺎﻭﺑﺖ ﺍﻧﻲ
ﺍﻟﻮ
ﻫﺎﻱ ﺍﻧﺖ ﻭﻳﻦ ﺭﻳﺎﻡ
ﻓﻮﻙ
ﺍﻟﺼﻮﺭﻩ ﻭﻳﻦ ﻭﺍﻟﺮﻗﻢ ﻭﻳﻦ ﺩﻭﺭﺕ ﺑﺎﻟﻤﻜﺎﻟﻤﺎﺕ ﻣﻠﻜﻴﺘﻪ ﺍﺭﻳﺪﻩ ﻭﺍﺳﺘﻌﺠﻠﻮ
ﻣﺎﻛﻮ ﺩﺍﻋﻲ
ﺍﻧﺖ ﺳﻜﺘﻲ ﻣﺎﻟﺞ ﺩﺧﻞ ﻭﻛﻠﻲ ﺍﻝ ﺭﻳﺎﻡ ﺧﻞ ﺗﺪﺯﻫﻦ ﺑﺴﺮﻋﻪ
ﺭﺍﺡ ﺍﻛﻠﻚ ﺑﺲ ﺑﺮﻭﺡ ﻋﻼﺀ ﻋﻠﻰ ﻛﻴﻔﻚ ﻭﻳﺎ ﻃﻔﻞ ﻭﻣﺮﺍﻫﻖ
ﻧﺠﻢ ﻣﻮﻭﻭ ﺧﻮﺵ ﺟﻨﺖ ﺷﺎﻙ ﻭﻫﺴﻪ ﺗﺄﻛﺪﺕ
ﻭﻟﻮ ﻣﺎﺟﻨﺖ ﺷﺎﻙ ﺟﺎﻥ ﺍﻧﺖ ﻭﻋﺸﻴﺮﺗﺞ ﻛﻠﻬﻪ ﺣﺮﻛﺘﻜﻢ
ﻣﺤﺐ
ﻻﺗﺤﺠﻴﻦ ﻭﻻ ﻛﻠﻤﻪ ﻭﺳﺪﻩ ﺑﻮﺟﻬﻲ
"""""""""""""
ﺭﻳﺎﻡ / ﺻﻌﺪﺕ ﺍﻝ ﺻﻼﺡ ﻟﻜﻴﺘﻪ ﻭﺍﻛﻒ ﻳﻨﺘﻈﺮﻧﻲ
ﻫﺎ ﺻﻼﺡ
ﻟﺒﻨﻰ ﻫﻢ ﺧﺎﺑﺮﺗﺞ
ﻻ ﻟﻴﺶ
ﺷﻤﺪﺭﻳﻬﻪ ﺭﺍﺡ ﺍﺗﺰﻭﺝ ﻟﻌﺪ
ﻭﺍﻟﻴﻮﻡ ﺭﺍﺡ ﺍﺷﻮﻑ ﺍﻟﺒﻨﻴﻪ ﻫﻢ
ﺑﺎﻭﻋﺖ ﻋﻠﻲ ﻟﻴﺶ ﺍﻧﺖ ﺍﻟﻴﻮﻡ ﺭﺍﺡ ﺗﺸﻮﻓﻬﻪ
ﺍﻱ
ﻣﻮ ﺍﻧﻲ
ﻟﻌﺪ ﻣﻨﻮﻭﻭﻭ
ﻣﻮ ﺍﻧﻲ ﻛﺘﻠﻚ
ﻻ ﺍﻧﺖ ﺷﻨﻮ ﻗﺼﺪﺝ ﺑﻬﺬﺍ ﺗﺼﺮﻓﺞ
ﺍﻧﺖ ﻣﻮ ﻋﺎﻳﻔﻬﻪ ﺷﺘﺮﻳﺪ ﻣﻨﻚ
ﻋﻮﻓﺞ ﻣﻦ ﺷﺘﺮﻳﺪ ﺍﻧﺖ ﻟﻴﺶ ﻛﺘﻴﻠﻬﻪ ﺷﻨﻮ ﻏﺎﻳﺘﺞ
ﺍﻛﻠﻚ ﻛﺎﻋﺪ ﺍﻛﻠﻚ ﻣﻮ ﺍﻧﻲ
ﻧﺘﺮ ﻟﻌﺪ ﻣﻨﻮﻭﻭ ﻭﻃﻠﻊ ﻣﻦ ﺍﻟﻐﺮﻓﻪ ﻭﺭﻛﻊ ﺍﻟﺒﺎﺏ ﺟﺎﻥ ﺍﻳﻤﻦ ﻧﺎﻳﻢ ﻓﺰ
ﻫﺰﻳﺖ ﺍﻳﺪﻱ ﻭﺍﻟﻠﻪ ﻳﺎﺭﺑﻲ ﻭﺭﺣﺖ ﻋﻠﻰ ﺍﻳﻤﻦ ﺭﺟﻌﺘﻠﻪ ﻧﻮﻣﺘﻪ
ﺩﺧﻞ ﻟﻠﺤﻤﺎﻡ ﻭﻃﻠﻊ
ﺧﻮﺏ ﺍﻧﺖ ﻣﺎﻛﻮ ﺑﻘﺎﻣﻮﺱ ﺣﻴﺎﺗﻚ ﺗﺴﺄﻟﻴﻦ ﻣﺘﻐﺪﻱ ﻟﻮ ﻻ
ﺍﺭﻭﺡ ﻻﻡ ﻗﺎﺳﻢ ﺍﻛﻠﻬﻪ ﻣﺜﻼً
ﻫﺴﻪ ﺍﺳﻮﻳﻠﻚ
ﻟﺘﺴﻮﻭﻳﻠﻲ ﻭﻧﺰﻝ ﺟﻮﻩ ﺑﻘﻴﺖ ﺍﻧﻲ ﺟﻨﺖ ﻧﻌﺴﺎﻧﻪ ﻏﻔﻴﺖ
ﺣﺘﻰ ﻋﻔﺖ ﻫﺪﻳﻪ ﺟﻮﻩ ﻭﺣﺪﻫﻪ
""""""""""""""""
ﻫﺪﻳﻪ / ﺟﻨﺖ ﻛﺎﻋﺪﻩ ﻧﺰﻝ ﺻﻼﺡ ﻣﺒﻴﻦ ﻋﻠﻲ ﻋﺼﺒﻲ ﺭﺍﺡ ﻟﻠﻤﻄﺒﺦ ﻛﺒﻞ ﻭﺍﺳﻤﻌﻪ ﻳﻄﻜﻄﻚ ﺑﺎﺑﺠﺪﻭﺭﻩ ﻛﻤﺖ ﻭﺭﺍ
ﺟﻮﻋﺎﻥ ﺍﺳﻮﻳﻠﻚ ﻏﺪﻩ
ﻻ ﻣﺘﻐﺪﻱ ﺣﺘﻰ ﺭﻳﺎﻡ ﻛﺎﻟﺘﻠﻲ ﺍﺳﻮﻳﻠﻚ ﻛﺘﻠﻬﻪ ﻣﺎﺍﺭﻳﺪ ﺑﺲ ﻫﺴﻪ ﺍﺷﺘﻬﻴﺖ ﺍﻛﻞ
ﺍﻛﻠﻴﻠﻚ ﺳﻤﺞ
ﻻ ﺑﺲ ﺗﻤﻦ ﻭﻣﺮﻙ ﻫﺎ ﺃﻫﺎ ﺧﻼﻫﻦ ﻭﻃﻠﻊ ﻛﻌﺪ ﻋﻞ ﻗﻨﻔﻪ ﻛﻌﺪﺕ ﻳﻤﻪ ﺑﻘﻪ ﻳﺴﺄﻟﻨﻲ ﻋﻦ ﺍﺧﺒﺎﺭﻱ ﻭﺳﺄﺑﻨﻲ ﻋﻠﻰ ﻣﻨﺼﺮ ﻛﻠﻲ ﺧﻮﻣﺎ ﻣﻦ ﻋﻔﺘﻲ ﺿﺎﻳﻘﺞ
ﺿﺤﻜﺖ ﺑﻜﻠﺒﻲ ﻫﻮ ﻣﻨﻮ ﻋﺎﻑ ﻣﻨﻮ
ﺍﺫﺍ ﻣﻀﺎﻳﻘﺞ ﻛﻠﻴﻠﻲ ﺍﻟﻌﺐ ﺑﻲ ﻟﻌﺐ
ﻻ ﺑﻠﻌﻜﺲ ﺍﺻﻼً ﻫﻮ ﺍﻧﺴﺎﻥ ﻣﺤﺘﺮﻡ
ﻟﻌﺪ ﻟﻴﺶ ﻓﺼﺨﺘﻲ ﻳﺎ ﻫﺪﻳﻪ ﺑﻬﺎﻟﻮﻛﺖ ﻗﻠﻪ ﺗﻠﻜﻴﻦ ﺍﻧﺴﺎﻥ ﻣﺤﺘﺮﻡ ﻭﻳﻌﺘﻤﺪ ﻋﻠﻲ
ﺻﺎﺭﺕ ﺑﻌﺪ
ﺑﻘﻴﻨﻪ ﻧﺴﻮﻟﻒ ﺍﻟﻰ ﺍﻥ ﻃﻠﻌﺖ ﺍﻡ ﻗﺎﺳﻢ ﻭﻓﻼﺡ ﻛﻞ ﺍﻟﺼﻼﺡ ﺗﻌﺎﻝ ﺍﺭﻳﺪ ﺍﺣﺠﻲ ﻭﻳﺎﻙ ﻭﺩﺧﻠﻮ ﻟﻠﻐﺮﻓﻪ ﺳﻤﻌﺖ ﻓﻼﺡ ﺍﻧﻔﻌﻞ ﻭﻃﻠﻊ ﺻﻮﺗﻪ ﻭﺻﻼﺡ ﻧﻔﺲ ﺍﻟﺤﺎﻟﻪ
ﻧﺰﻝ ﻗﺎﺳﻢ ﻛﻌﺪ ﻭﻛﺎﻝ ﺍﻻﻣﻪ ﺷﻜﻮﻭ
ﺍﺑﻮﻙ ﻣﻘﺎﺑﻞ ﻳﺘﺰﻭﺝ ﻭﻓﻮﻙ ﺍﻟﻘﻬﺮ ﻳﺮﻳﺪ ﻳﺘﺰﻭﺝ ﺑﺖ ﺧﺎﻟﺘﻚ
ﺣﻨﻴﻦبيج قصص عراقيه حقيقيه من واقعنا.روعه الطائي
ﺷﻤﺪﺭﻳﻨﻲ ﺍﻧﺖ ﻫﺴﻪ ﺍﺳﻜﺖ ﻋﻨﻲ
ﻫﺪﻳﻪ / ﻣﺘﺤﻤﻠﺖ ﻭﺭﺣﺖ ﺻﻌﺪﺕ ﺍﻝ ﺭﻳﺎﻡ ﻛﺒﻞ ﻓﺘﺤﺖ ﺍﻟﺒﺎﺏ ﺑﺪﻭﻥ ﻣﺎﺍﺩﻛﻪ ﻟﻜﻴﺘﻬﻪ ﻧﺎﻳﻤﻪ
ﻭﻳﺎﻡ ﻭﻟﺞ ﺭﻳﺎﻡ ﻛﻌﺪﻱ
ﻓﺰﺕ ﻣﻦ ﺍﻟﻨﻮﻡ ﻫﺎ ﺷﻜﻮ
ﺗﺪﺭﻳﻦ ﺻﻼﺡ ﺻﺪﻙ ﺭﺍﺡ ﻳﺨﻄﺐ
ﻟﻌﺪ ﺍﻧﻲ ﺷﻜﺘﻠﺞ
ﻭﻫﻴﺞ ﻋﺎﺩﻱ
ﺑﺎﺑﺎ ﺍﻧﻲ ﻣﺎﺍﺣﺒﻪ ﺷﺒﻴﺞ ﻭﺿﺤﻜﺖ
ﺍﻧﺠﺒﻲ ﻋﺰﻩ ﺑﻌﻴﻨﺞ ﺍﺫﺍ ﺍﺑﻘﻪ ﺑﻌﺪ ﺩﻗﻴﻘﻪ ﻳﻤﺞ ﻳﺼﻴﺮ ﺑﻴﻪ ﺍﻧﻔﺼﺎﻡ ﻭﺍﻟﻘﺮﺁﻥ ﺳﺒﺤﺎﻥ ﺍﻟﻠﻪ ﺍﻧﺖ ﻭﺍﺧﻮﺝ ﻧﺴﺦ ﻣﺴﺘﻨﺴﺨﻪ
"""""""""""""""
ﺭﻳﺎﻡ / ﻛﻌﺪﺕ ﺍﺿﺤﻚ ﺑﺲ ﺑﺪﺍﺧﻠﻲ ﺣﺮﻛﻪ ﻣﺎﺍﻋﺮﻓﻬﻪ ﺍﺑﺪ
ﻭﺍﺭﺟﻊ ﻭﺍﻛﻮﻝ ﺍﻟﻨﻔﺴﻲ ﺷﻌﻠﻴﻪ ﺍﻧﻲ ﻛﺘﻠﻪ ﺍﻟﻌﻨﺪﻱ ﻣﻌﻨﺎﻫﻪ ﺭﺍﺡ ﻳﺤﺮﺭﻧﻲ ﻣﻨﻪ ﻣﻔﺮﻭﺽ ﺍﻓﺮﺡ
ﻛﻤﺖ ﻃﺎﺭﺕ ﻧﻮﻣﺘﻲ ﻏﺴﻠﺖ ﻭﻧﺰﻟﺖ ﺍﺭﻳﺪ ﺍﺷﻮﻑ ﺷﺼﺎﺭ
ﺑﺎﻭﻋﻠﻲ ﻗﺎﺳﻢ ﻣﻦ ﻧﺰﻟﺖ ﺍﺑﺘﺴﻤﺖ ﻋﻮﺩ ﺭﺩﺕ ﺍﻛﻠﻪ ﺍﻧﻲ ﻣﻤﻬﺘﻤﻪ ﻻﻥ ﺣﺴﻴﺖ ﺑﻨﻈﺮﺍﺗﻪ
ﺑﺎﺳﻢ / ﺍﻫﻮﻭﻭ ﻋﻮﺩ ﺗﻘﻠﺪﻳﻦ ﻧﻔﺴﺞ ﻣﻤﻬﺘﻤﻪ
ﺑﺲ ﻛﻠﻴﻠﻲ ﻣﻨﻴﻪ ﺍﻟﻲ ﻳﺮﻳﺪ ﻳﺘﺰﻭﺟﻬﻪ ﺣﻨﻴﻦ
ﺭﻳﺎﻡ / ﺍﻱ ﺣﻨﻴﻦ
ﻗﺎﺳﻢ / ﺻﺪﻙ ﻭﺍﻟﻠﻪ
ﻭﻫﺪﻳﻪ ﺗﺒﺎﻭﻋﻠﻲ ﺑﻐﻀﺐ
ﻛﻌﺪﺕ ﻳﻤﻬﻪ ﻟﻴﺶ ﺗﺒﺎﻭﻋﻴﻠﻲ ﻫﻴﺞ
ﻛﺎﻟﺖ ﺑﻬﻤﺲ
ﻻﻥ ﻛﻞ ﺍﻟﺘﻘﺼﻴﺮ ﻣﻨﺞ
ﺍﺳﻜﺘﻲ ﻫﺪﻳﻪ ﺍﻟﻠﻪ ﻳﻨﻄﻴﺞ
ﻛﻌﺪﺕ ﺍﻡ ﻗﺎﺳﻢ ﻳﻤﻲ
ﻟﺘﺨﺎﻓﻴﻦ ﺍﻧﻲ ﻣﺎﺍﺧﻠﻲ ﺍﺧﺘﻲ ﺗﻘﺒﻞ ﺍﻟﻠﻪ ﻳﻬﺪﻱ ﻟﻬﻠﺼﻼﺡ
ﻣﻴﻬﻤﻨﻲ ﺧﻞ ﻳﺘﺰﻭﺝ ﻟﻴﺶ ﻣﻜﺒﺮﻳﻦ ﺍﻟﻤﻮﺿﻮﻉ
ﻃﻠﻊ ﺻﻼﺡ ﻋﺼﺒﻲ ﻣﻦ ﺍﻟﻐﺮﻓﻪ
ﻭﻭﻛﻒ ﻋﻞ ﺩﺭﺝ
ﻣﻮﻭﻭﻭ ﺑﻜﻴﻔﻚ ﺍﻧﻲ ﻛﺎﺍﺍﻓﻲ ﺗﺘﺪﺧﻞ ﻣﻮ ﺍﻧﺖ ﻻﻋﺐ ﻟﻌﺐ ﻭﺗﺠﻲ ﺗﺤﺎﺳﺒﻨﻲ
ﻭﻟﻚ ﻧﺬﻝ ﻫﺎﻱ ﻭﻳﺎﻱ
ﺍﻡ ﻗﺎﺳﻢ / ﺩﺧﻴﻠﻚ ﻳﺎﺭﺑﻲ ﺍﻟﻠﻪ ﻳﺴﺘﺮ ﻓﺪﻭﻩ ﺍﻟﻌﻴﻨﻜﻢ ﺍﻫﺪﺋﻮ ﻭﺻﺎﺭﺕ ﺑﻨﺼﻬﻢ
ﻓﻼﺡ / ﻋﻨﺪﻙ ﻣﺮﻩ ﻭﺻﻐﻴﺮﻩ ﺷﺘﺮﻳﺪ ﺑﻌﺪبيج قصص عراقيه حقيقيه من واقعنا.روعه الطائي
ﻟﻴﺶ ﻣﺘﻌﻮﻑ ﺳﻮﺍﻟﻔﻚ ﺍﻟﺘﻌﺒﺎﻧﻪ
ﻛﻮﻩ ﺻﻌﺪﺕ ﺻﻼﺡ ﺍﻡ ﻗﺎﺳﻢ ﻭﺻﻌﺪﺕ ﻭﻳﺎ ﻭﻓﻼﺡ ﺩﺧﻞ ﻳﺼﻴﺢ ﻟﻠﻐﺮﻓﻪ ﺩﺧﻠﺖ ﻭﺭﺍ
ﺭﻳﺎﻡ / ﺷﻴﺦ ﻓﻼﺡ ﺍﺫﺍ ﺗﺘﻬﺎﺟﻢ ﺻﻼﺡ ﻋﻠﻤﻮﺩﻱ ﻓﺎﻧﻲ ﻣﺎﻋﻨﺪﻱ ﺍﻱ ﻣﺎﻧﻊ ﺑﺰﻭﺍﺝ ﺻﻼﺡ ﻣﻦ ﺣﻘﻪ
ﺭﻳﺎﻡ ﺑﻴﻨﻜﻢ ﺷﻲ ﻣﺎﺍﻋﺮﻓﻪ
ﻣﺎﻛﻮ ﺷﻲ ﻭﺍﻟﻠﻪ ﺑﺲ ﺻﻼﺡ ﺷﺎﺏ ﻣﻦ ﺣﻘﻪ ﻭﺍﻧﻲ ﺍﺭﻣﻠﻪ ﻭﻫﻮ ﺣﺘﻰ ﻣﻮ ﻣﺜﻞ ﺍﻟﺸﺒﺎﺏ ﺳﻮﻩ ﻋﺮﺱ
ﻣﺎﺍﺩﺭﻱ ﺷﺤﺠﻲ ﺍﻧﻲ ﺍﺫﺍ ﺍﻧﺖ ﻗﺎﺑﻠﻪ ﺷﺤﺠﻲ ﺑﻌﺪ ﺍﻧﻲ ﻛﻞ ﺍﻋﺘﺮﺍﺿﻲ ﻋﻠﻤﻮﺩﺝ ﺑﻌﺪﺝ ﺻﻐﻴﺮﻩ ﻭﻣﺎﺍﺭﻳﺪ ﺗﺼﻴﺮ ﺑﻴﻨﻜﻢ ﻣﺸﺎﻛﻞ
ﻃﻠﻌﺖ ﻣﻦ ﻳﻢ ﻓﻼﺡ ﻣﻘﺘﻨﻊ ﻭﻛﺎﻡ ﻳﺤﺠﻲ ﻋﻠﻴﻪ ﺑﻨﻔﺲ ﺍﻟﻮﻗﺖ
ﺷﺴﻮﻳﻠﻪ ﻟﻌﺪ ﻫﻨﺖ ﻧﻔﺴﻲ ﺍﻛﺜﺮ ﻣﻦ ﺍﻟﻼﺯﻡ ﻭﺍﺻﻼً ﺍﻧﻲ ﻫﻢ ﻣﻜﺎﻋﺪ ﺍﺗﻘﺒﻠﻪ ﺑﺲ ﺳﺎﻋﺎﺕ ﺍﻧﺎﻧﻴﺔ ﺍﻟﺒﺸﺮ ﺗﺨﻠﻴﻨﻲ ﺍﻓﻜﺮ
ﺍﻧﻲ ﺻﺢ ﺗﻼﻋﺒﺖ ﺑﻤﺸﺎﻋﺮﻩ
ﻫﺪﻳﻪ / ﻛﺒﺖ ﺍﻟﻌﻴﻄﻪ ﺑﺎﻟﺒﻴﺖ ﻭﺻﺎﺭﺕ ﻫﻮﺳﻪ ﻣﺎﻟﻬﻪ ﺍﻭﻝ ﻭﺗﺎﻟﻲ ﻭﺧﺒﻠﺘﻨﻲ ﻗﻮﺓ ﺭﻳﺎﻡ ﻭﺻﻤﻮﺩﻫﻪ ﺑﺲ ﺃﻛﺪﺗﻠﻲ ﻫﻴﻪ ﻣﺘﺤﺒﻪ ﻻﻥ ﻟﻮ ﺍﻧﻲ ﺟﺎﻥ ﺑﺠﻴﺖ ﻣﺘﺤﻤﻠﺖ ﺍﺫﺍ ﺍﺳﻤﻊ ﻣﺤﺐ ﻳﺘﺰﻭﺝ
ﺑﺲ ﻫﻴﻪ ﻫﻢ ﺗﺤﺒﻪ ﺣﺴﻴﺖ ﺑﺲ ﺑﻌﺪﻫﻲ ﺩﺗﻜﺎﺑﺮ ﺑﺪﺍﺧﻠﻬﻪ ﻭﺣﺴﺎﻡ ﻣﺴﻴﻄﺮ ﻋﻠﻴﻬﻪ ﻭﻋﺮﻓﺖ ﺍﻟﺴﺒﺐ
ﺑﻮﺳﻂ ﺍﻟﻬﻮﺳﻪ ﺍﺗﺮﻗﺐ ﺟﻬﺎﺯﻱ ﻳﺘﺼﻞ ﻋﻠﻴﻪ ﻣﺤﺐ ﻣﺘﺼﻞ
ﺻﺎﺭ ﺍﻟﻠﻴﻞ ﻭﻫﻮ ﻣﺘﺼﻞ ﺍﺑﺪ
ﺟﻨﺖ ﻛﺎﻋﺪﻩ ﻭﺍﻟﻠﺒﻴﺖ ﻛﺌﻴﺐ ﺭﻳﺎﻡ ﺻﻌﺪﺕ ﺍﻟﻐﺮﻓﺘﻬﻪ ﻫﻴﻪ ﻭﺻﻼﺡ
ﻭﻓﻼﺡ ﻣﻦ ﻛﺒﺖ ﺍﻟﻌﻴﻄﻪ ﺑﻘﻪ ﺑﺎﻟﻐﺮﻓﻪ ﻭﺍﻡ ﻗﺎﺳﻢ ﺩﺧﻠﺖ ﻳﻤﻬﻪ ﺑﻘﻴﻨﻪ ﺍﻧﻲ ﻭﻗﺎﺳﻢ ﻭﺍﺣﺪ ﻣﻜﺎﺑﻞ ﺍﻟﺜﺎﻧﻲ ﻭﺍﻡ ﻓﻼﺡ ﺗﺼﻠﻲ
ﺟﻨﺖ ﻛﺎﻋﺪﻩ ﻭﻣﺨﻠﻴﻪ ﺍﻳﺪﻱ ﻋﻠﻰ ﺧﺪﻱ
ﺍﺑﺎﻭﻉ ﺍﻝ ﻗﺎﺳﻢ ﻳﻠﻮﺏ
ﻳﻬﺰ ﺑﺮﺟﻠﻪ
ﻋﻨﺪﺝ ﺭﻗﻢ ﺣﻨﻴﻦ ﺍﻟﺠﺪﻳﺪ ﻫﺪﻳﻪ
ﺑﺎﻭﻋﺖ ﻋﻠﻲ
ﻻ ﻟﻴﺶ
ﺍﺳﺘﻐﻔﺮﺭﺭ ﺍﻟﻠﻪ
ﺑﻬﺎﻟﻠﺤﻈﻪ ﻧﺰﻝ ﺻﻼﺡ ﻛﺎﺷﺦ ﻭﻛﻌﺪ ﻋﻠﻘﻨﻔﻪ
ﻳﻨﺘﻈﺮ ﺍﻣﻪ ﺑﻘﻴﺖ ﺍﺑﺎﻭﻋﻠﻪ ﻣﻦ ﻳﻤﻲ ﺣﺎﻗﺪﻩ ﻋﻠﻲ
ﻭﺍﻣﻪ ﺟﺎﻧﺖ ﻃﺎﻟﻌﻪ ﻳﻢ ﺟﻴﺮﺍﻧﻬﻢ ﻋﺪﻫﻪ ﺻﺪﻳﻘﺘﻬﻪ ﻫﻢ ﻣﺮﻩ ﻋﺠﻮﺯ ﻓﻤﺘﻌﺮﻑ ﺍﻟﻤﺸﻜﻠﻪ ﺍﻟﻲ ﺻﺎﺭﺕ
ﺗﻘﺒﻞ ﺍﻟﻠﻪ ﻳﻮﻡ
ﺗﻘﺒﻞ ﺍﻋﻤﺎﻟﻚ ﻳﺎﻳﻤﻪ
ﻳﻠﻠﻪ ﻟﺒﺴﻲ ﺧﻞ ﻧﺘﻮﻛﻞ
ﺍﻭﻭﻑ ﻳﺎﻳﻤﻪ ﻣﻦ ﻋﻨﺎﺩﻙ ﺷﻠﻴﺖ ﻛﻠﺒﻲ ﻣﺮﻳﺘﻚ ﺧﻄﻴﻪ
ﻗﺎﺳﻢ / ﻫﻴﻪ .... ﻳﺘﺒﻊ
