#ﻗﺴﻮﺓ_ﻣﺤﺐ3
ﺯﻳﻨﺐ ﺍﻟﻌﺒﻮﺩﻱ 🏻✍😍️♥
#البارت_الأخيرررررر
ﻛﻠﻲ ﻟﺘﺎﺧﺬﻳﻦ ﻛﻞ ﺍﻟﻤﻼﺑﺲ ﺑﻘﻴﻠﻲ ﺫﻛﺮﻯ ﻣﻨﻬﻪ ﻻﻥ ﻛﻠﻨﻪ ﻧﻨﻄﻲ ﻣﻼﺑﺴﻬﻪ ﺍﻟﺒﻨﻴﻪ ﻓﻘﻴﺮﻩ ﺗﺮﻳﺪ ﺗﺘﺰﻭﺝ ﻭﻣﺎﻋﺪﻫﻪ ﺛﻮﺍﺏ ﺍﻝ ﺍﺩﻳﺎﻥ ﺟﺮﻳﺖ ﻣﻼﺑﺲ ﻣﺴﻔﻄﺎﺕ ﺟﺎﻥ ﻋﺎﻟﻲ ﺍﻟﻜﻨﺘﻮﺭ ﻭﻛﻌﻦ ﻣﻼﺑﺲ ﻭﻣﻦ ﺿﻤﻨﻬﻦ ﺍﻭﺭﺍﻕ
ﺩﻧﻜﺖ ﻋﻠﻴﻬﻦ ﺗﻄﺸﺮﻥ ﻻﻥ ﺍﻧﻲ ﻣﻦ ﺳﺤﺒﺖ ﺍﻟﻤﻼﺑﺲ ﺣﻴﻞ ﺳﺤﺒﺘﻬﻦ ﺷﻠﺖ ﻛﻢ ﻭﺣﺪﻩ ﺟﺎﻧﺖ ﻭﺟﻪ ﻭﻛﻔﻪ ﻣﻜﺘﻮﺏ ﺑﺲ ﻣﺘﻮﻗﻌﺘﻬﻪ ﻣﺬﻛﺮﺍﺗﻬﻪ ﻻﻥ ﺟﺎﻧﺖ ﺗﻘﺮﻩ ﻟﻼﻣﺘﺤﺎﻧﺎﺕ ﻗﺪﻣﺖ ﺑﺲ ﻣﻠﺤﻜﺖ ﺳﻮﺩﻩ ﻋﻠﻴﻪ ﺷﻠﺘﻬﻦ ﺻﺎﺭﺕ ﻋﻴﻨﻲ ﻋﻠﻰ ﻛﻠﻤﺔ
ﻣﺸﺘﺎﻗﺘﻠﻪ ﻫﻮﺍﻱ ﻭﻣﺎﺍﻛﺪﺭ ﺍﻛﺮﻫﻪ
ﻓﺘﺤﺖ ﺍﻟﻮﺭﻗﻪ ﻟﻜﻴﺘﻬﻦ ﻣﺬﻛﺮﺍﺗﻬﻪ
ﺭﺃﺳﺎً ﺑﺠﻴﺖ
ﻭﺳﺎﻣﺮ ﻫﻢ ﺷﺎﻝ ﻭﺭﻗﻪ
ﺳﺎﻣﺮ / ﻣﻦ ﺷﻔﺖ ﺍﻻﻭﺭﺍﻕ ﺍﻭﻝ ﻛﻠﻤﻪ ﺻﺎﺭﺕ ﻛﺒﺎﻟﻲ ﺗﻌﺒﺎﻧﻪ ﺣﻴﻞ ﻭﻣﻜﺎﻋﺪ ﺍﻋﺮﻑ ﻣﻨﻮ ﻣﻨﻬﻢ ﺟﺎﻥ ﻳﺤﺠﻲ ﻭﻳﺎﻳﻪ
ﻫﺪﻳﻪ / ﻟﺘﻘﺮﺍﻫﻦ ﺳﺎﻣﺮ
ﺍﻧﻄﻴﻨﻴﺎﻫﻦ ﻫﺪﻳﻪ ﻭﺳﺤﺒﻬﻦ ﻣﻦ ﺍﻳﺪﻱ
ﺍﺫﺍ ﻛﻤﻠﺘﻲ ﺍﻟﻤﻼﺑﺲ ﻃﻠﻌﻲ
ﻣﺎﺍﻋﺮﻑ ﺷﻨﻮ ﺍﻟﻤﻜﺘﻮﺏ ﺑﺲ ﺧﻔﺖ ﻣﺎﺍﻋﺮﻑ ﻟﻴﺶ ﻣﺎﺍﺩﺭﻱ ﺷﻜﺎﺗﺒﻪ ﺍﺩﻳﺎﻥ ﻭﻳﺠﻮﺯ ﻋﺘﺐ ﻭﺭﺍﺡ ﺗﺨﻠﻲ ﻳﺤﺲ ﺑﺘﺄﻧﻴﺐ ﺍﻟﻀﻤﻴﺮ ﻟﻤﻴﺖ ﺍﻟﻤﻼﺑﺲ ﻭﺑﻘﻴﺖ ﻛﻢ ﻏﻴﺎﺭ
ﻛﻠﺒﻲ ﻋﺼﺮﻧﻲ ﺍﺥ ﻳﺎ ﺍﺩﻳﺎﻥ ﻣﻌﻘﻮﻟﻪ ﺭﺣﺘﻲ
ﻭﺍﻟﻠﻪ ﺍﺑﺪ ﻣﺎﺍﺳﺘﻮﻋﺐ
ﺳﺎﻣﺮ / ﻛﻌﺪﺕ ﺍﻗﺮﻩ ﻛﺘﺎﺑﺎﺗﻬﻪ ﻗﺮﻳﺖ ﺍﻭﺟﺎﻋﻬﻪ ﺍﻟﻲ ﺳﺒﺒﺘﻬﻦ ﺍﻟﻬﻪ ﺟﻨﺖ ﻣﺎﺍﻋﺮﻑ ﻭﻳﻦ ﺍﻟﺒﺪﺍﻳﻪ ﻭﻭﻳﻦ ﺍﻟﻨﻬﺎﻳﻪ ﻻﻥ ﺍﻻﻭﺭﺍﻕ ﺍﻛﺜﺮ ﻣﻦ ﻭﺭﻗﻪ ﻭﻣﻦ ﻭﻛﻌﺖ ﺗﺨﺮﺑﻄﻦ ﺟﻨﺖ ﺍﻗﺮﻩ ﻣﻨﻬﺎﺭ ﺑﺪﺍﺧﻠﻲ ﻭﺩﻣﻮﻋﻲ ﺗﻨﺰﻝ ﺟﻨﺖ ﺍﻗﺮﺍﻫﻦ ﺑﺼﻮﺗﻬﻪ ﻭﺍﺗﺨﺎﻳﻞ ﺣﺮﻛﺎﺗﻬﻪ ﻭﺩﻣﻮﻋﻬﻪ
ﻭﺻﻠﺖ ﺍﻟﻮﺭﻗﻪ ﻣﻜﺘﻮﺑﻪ
ﻓﺮﺣﺎﻧﻪ ﺣﻴﻞ ﻓﺮﺣﺎﻧﻪ ﺑﺎﻻﻏﺮﺍﺽ ﻫﻮﺍﻱ ﻛﺎﻋﺪ ﺍﺭﺳﻢ ﺑﺎﻓﻜﺎﺭﻱ ﺷﻠﻮﻥ ﺍﺻﻤﻢ ﺍﻟﺒﻴﺖ ﻭﻳﻪ ﺍﻻﻏﺮﺍﺽ
ﻣﻌﻘﻮﻟﻪ ﺭﺍﺡ ﻳﺼﻴﺮﻟﻲ ﺑﻴﺖ ﺍﻟﻄﺒﺎﺥ ﺟﺎﻥ ﻛﻠﺶ ﺣﻠﻮﻩ ﺍﺗﺨﺎﻳﻞ ﺭﻭﺣﻲ ﺍﻃﺒﺦ ﺑﻲ ﺍﻻﺷﻴﺎﺀ ﺍﻟﻲ ﻳﺤﺒﻬﻦ ﺳﺎﻣﺮ
ﺍﺣﻠﻰ ﺷﻲ ﺗﻜﻌﺪ ﺑﺒﻴﺖ ﻭﻭﻳﻪ ﺍﻻﻧﺴﺎﻥ ﺍﻟﻲ ﺗﺤﺒﻪ
ﻣﻤﺼﺪﻛﻪ ﺍﻟﺪﻧﻴﺎ ﺿﺤﻜﺘﻠﻲ
ﺳﺎﻣﺮ ﻣﺎﺍﻋﺮﻑ ﻟﻴﺶ ﻛﺎﻋﺪ ﺍﻛﺘﺐ ﺑﺲ ﺟﻨﺖ ﻋﺒﺎﻟﻲ ﻣﺘﺮﺟﻊ
ﻟﺬﻟﻚ ﻛﻠﺖ ﺧﻞ ﺍﻛﺘﺐ ﺷﻠﻮﻥ ﺗﻌﻄﺒﺖ ﻭﻳﺎﻙ ﻣﻌﺒﺎﻟﻲ ﺭﺍﺡ ﺗﺮﺟﻊ ﺃﺃﻳﺴﺖ ﻣﻦ ﺭﺟﻮﻋﻚ ﺟﻨﺖ ﺍﺣﻘﺪ ﻋﻠﻴﻚ ﻣﺮﺍﺕ ﺑﺲ ﺍﻧﻮﺟﻊ ﻣﻦ ﺍﺣﻘﺪ ﻋﻠﻴﻚ ﻭﺟﻨﺖ ﻣﻦ ﺍﺩﻋﻲ ﻋﻠﻴﻚ ﺑﻨﻔﺲ ﺍﻟﻮﻗﺖ ﺍﺗﺮﺍﺟﻊ ﻭﺍﺧﺎﻑ ﻋﻠﻴﻚ ﺍﻋﺮﻑ ﺍﻧﺖ ﻣﺘﻘﺒﻠﺘﻨﻲ ﻻﻥ ﺍﻧﺖ ﺭﺍﺡ ﺗﺎﺧﺬ ﺷﻬﺎﺩﻩ ﻋﺎﻟﻴﻪ ﺑﺲ ﺭﺍﺡ ﺍﺩﺭﺱ ﺑﺲ
ﺧﺎﻳﻔﻪ ﺧﺎﻳﻔﻪ ﻫﻮﺍﻱ ﺧﺎﻑ ﻣﺎﺍﻧﺠﺢ
ﻛﻠﺒﺖ ﺍﻟﻮﺭﻗﻪ ﻣﺘﺤﻤﻠﺖ ﺍﺑﺪ ﻭﺍﺑﺠﻲ ﺧﻠﻴﺘﻬﻪ ﺑﻜﻠﺒﻲ
ﺍﺣﺒﺞ ﺑﺪﻭﻥ ﺷﻬﺎﺩﻩ ﻯﺎﻟﻠﻪ
ﺷﻠﻮﻥ ﺍﺩﻳﺎﻥ ﺷﻠﻮﻥ ﺭﺍﺡ ﺍﻛﻤﻞ ﺣﻴﺎﺗﻲ ﻣﻦ ﺟﺪﻳﺪ
ﺷﻠﻮﻥ ﻓﻬﻤﻴﻨﻲ ﺣﺘﻰ ﻭﺍﺣﻨﻪ ﻣﻮ ﺳﻮﻩ ﺟﻨﺖ ﺍﺣﺲ ﺑﺤﻴﺎﺗﻲ ﻣﺘﺮﻭﺳﻪ ﺑﻴﺞ ﺷﻠﻮﻥ ﻫﺴﻪ ﺗﻌﻮﻓﻴﻨﻲ
ﺣﺘﻰ ﻣﻠﺤﻜﺖ ﺍﺧﻠﻴﻠﻨﺎ ﺍﻏﻨﻴﻪ ﻧﺴﻤﻌﻬﻪ ﺳﻮﻩ ﻭﺗﺼﻴﺮ ﺧﺎﺻﻪ ﺑﻴﻨﺎ ﺟﻨﺖ ﻋﺒﺎﻟﻲ ﺍﺳﻤﻊ ﺍﻏﺎﻧﻲ ﺍﻟﺤﺐ ﻫﺴﻪ ﺧﻠﻴﺘﻴﻨﻲ ﺍﺳﻤﻊ ﺍﻏﺎﻧﻲ ﻓﺮﺍﻙ ﻳﺎﺭﻳﺖ ﻟﻮ ﺗﺮﺟﻌﻴﻦ ﺍﻟﻴﻪ
ﻳﺎ ﺭﻳﺖ ﻟﻮ ﻳﻄﻠﻊ ﺣﻠﻢ ﻭﺍﻟﻠﻪ ﻣﺎﺍﺯﻋﻠﺞ ﺍﺑﺪ ﻭﺍﻋﻮﺿﺞ ﻛﻞ ﻳﻮﻡ ﻧﺰﻟﺖ ﺑﻲ ﺩﻣﻮﻋﺞ
ﻫﺪﻳﻪ / ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ ﻭﺍﻟﻜﻞ ﻣﺤﺘﺎﺭ ﺑﻬﻤﻮﻣﻪ
ﺍﺩﻳﺎﻥ ﺳﻜﻨﺖ ﺍﻟﻜﺒﻮﺭ ﻭﺍﺭﺗﺎﺣﺖ ﻣﻦ ﺍﻟﻀﻴﻢ ﻭﺍﻟﻘﻬﺮ
ﺍﻳﻬﺎﺏ ﺍﺳﻮﺀ ﺍﺳﻮﺀ ﻣﻦ ﺍﻳﻬﺎﺏ ﺍﻟﻘﺪﻳﻢ ﺟﻜﺎﻳﺮ ﻭﻣﺤﺪ ﻳﻜﺪﺭ ﻳﺤﺠﻲ ﻭﻳﺎ ﺍﻫﺼﺎﺏ ﻧﺎﻳﻢ ﺑﺎﻟﻔﺮﺍﺵ ﺗﺄﻧﻴﺐ ﺍﻟﻀﻤﻴﺮ ﻣﻴﻜﺪﺭ ﻳﺨﻠﻲ ﻳﺮﺗﺎﺡ ﻭﺻﻠﺖ ﻣﺮﺣﻠﻪ ﻣﺤﺐ ﺍﺧﺬﻩ ﺍﻟﺪﻛﺘﻮﺭ ﻧﻔﺴﺎﻧﻲ ﻛﺎﻡ ﻳﻨﻄﻲ ﻋﻼﺝ ﺭﺧﻪ ﺍﻋﺼﺎﺑﻪ ﺑﺎﻟﺰﺍﻳﺪ ﻭﻧﺎﻳﻢ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻣﻴﻘﺒﻞ ﻳﻘﺘﻨﻊ ﺍﺩﻳﺎﻥ ﻣﻨﻴﺘﻬﻪ ﻫﻮ ﻳﻜﻮﻝ ﺍﻧﻲ ﺩﺧﻠﺘﻬﻪ ﺍﻟﻬﺬﺍ ﺍﻟﺒﻴﺖ ﻭﺍﻧﻲ ﻟﻮ ﺍﻛﺪﺭ ﺍﺗﺤﺮﻙ ﺟﺎﻥ ﻣﻤﺎﺗﺖ ﻣﻮﺗﺘﻬﻪ ﻛﺒﺎﻟﻪ ﻣﻴﻜﺪﺭ ﻳﻨﺴﺎﻫﻪ ﺍﺑﺪ ﻭﻫﻴﻪ ﺳﺒﺐ ﺍﻧﺘﻜﺎﺳﺘﻪ
ﻭﺍﺭﻳﺞ ﻣﻦ ﺟﻬﻪ ﺛﺎﻧﻴﻪ ﺭﺍﺣﺖ ﻭﻫﻮ ﺭﺍﻓﺾ ﻳﻜﻤﻞ ﺣﻴﺎﺗﻪ ﻭﻳﺎﻫﻪ
ﻳﻜﻮﻝ ﺍﻇﻠﻤﻬﻪ ﺍﻧﻲ ﺍﻧﺴﺎﻥ ﻓﺎﺷﻞ ﺣﺘﻰ ﺍﺫﺍ ﻳﺼﻴﺮ ﺑﻴﻬﻪ ﺷﻲ ﻣﺎﺍﻛﺪﺭ ﺍﺳﺎﻋﺪﻫﻪ ﻭﺍﻧﻘﺬﻫﻪ ﻟﻮ ﺍﺫﺍ ﺻﺎﺭﻭ ﻋﻨﺪﻱ ﺍﻃﻔﺎﻝ ﻭﻭﺍﺣﺪ ﺑﻴﻬﻢ ﺭﺍﺩ ﻳﺼﻴﺮ ﺑﻲ ﺷﻲ ﻫﻢ ﻣﺎﺍﻛﺪﺭ ﺍﺳﺎﻋﺪﻩ
ﺍﻓﻜﺎﺭﻩ ﻟﻠﻤﺴﺘﻘﺒﻞ ﺳﻠﺒﻴﻪ ﻭﻣﺴﻴﻄﺮﻩ ﻋﻠﻲ
ﺣﺎﻭﻟﻨﻪ ﺭﺩﻧﻪ ﻣﺤﺪ ﻛﺪﺭ
ﺭﺟﻊ ﺳﺎﻣﺮ ﺍﻟﻜﻠﻴﺘﻪ ﻫﻢ ﻃﺎﺑﻊ ﺍﻟﺤﺰﻥ ﻣﺴﻴﻄﺮ ﻋﻠﻲ ﺑﺲ ﺍﻫﻮﻥ ﺗﻌﻮﺩ ﻣﺎﻛﻮ ﻭﺍﺣﺪ ﻳﻤﻮﺕ ﻭﺭﻩ ﺍﺣﺪ ﺍﻟﻠﻪ ﻳﻨﻄﻲ ﺍﻻﻧﺴﺎﻥ ﺻﺒﺮ ﺑﺲ ﻫﻢ ﻣﻮ ﻣﺒﻴﻦ ﻋﻠﻲ ﺍﻟﻘﻬﺮ ﻭﺩﻭﻡ ﻳﺮﻭﺡ ﻳﺰﻭﺭﻫﻪ ﺍﺑﺪ ﻣﻌﺎﻓﻬﻪ
ﺭﻳﺎﻡ ﻭﺻﻼﺡ ﺣﻴﺎﺗﻬﻢ ﺣﻠﻮﻩ ﻣﺤﺪ ﻳﻌﺮﻑ ﻋﻨﻬﻢ ﺷﻲ
ﻛﻤﻞ ﺩﺭﺍﺳﺘﻪ ﺑﺎﻟﻌﺮﺍﻕ ﻭﻛﻌﺪ ﻳﻢ ﺍﻃﻔﺎﻟﻪ ﻭﺍﺷﺘﺮﻯ ﻗﻄﻌﺔ ﻛﺎﻉ
ﺍﻣﺎ ﻣﺤﺐ ﺍﺥ ﻳﺎ ﻣﺤﺐ ﺷﺎﻳﻞ ﻫﻢ ﺍﻟﺪﻧﻴﺎ ﻋﻠﻰ ﺭﺍﺳﻪ
ﺍﺣﺒﻪ ﻭﺍﺭﻳﺪﻩ ﻭﺍﻟﺨﻮﻑ ﺑﺪﺍﺧﻠﻲ ﻣﺎﺍﻛﺪﺭ ﺍﻭﺧﺮﻩ ﻣﺜﻞ ﺣﺎﻟﺔ ﺍﻳﻬﺎﺏ ﻣﺴﻴﻄﺮ ﻋﻠﻴﻪ ﺍﻟﺨﻮﻑ ﻣﻦ ﺍﻟﺨﺬﻻﻥ
ﻭﺑﻌﻘﻠﻲ ﻣﻦ ﺗﻄﻠﻜﺖ ﻣﻨﻪ ﻳﺎﻟﻠﻪ ﻋﺎﺷﺖ ﻣﻼﻙ
ﺳﺎﻋﺎﺕ ﺍﻻﻧﺴﺎﻥ ﻋﻘﻠﻪ ﻳﺒﺮﺯ ﺍﻓﻜﺎﺭ ﻭﻳﺴﻴﻄﺮﻥ ﻋﻠﻰ ﻛﻞ ﺣﻮﺍﺳﻪ
ﺑﺪﺕ ﺣﻤﻠﺔ ﺍﻟﻤﻈﺎﻫﺮﺍﺕ ﺳﺎﻣﺮ ﺭﺟﻊ ﺗﺮﻙ ﻛﻠﻴﺘﻪ ﻭﻛﺎﻡ ﻳﻄﻠﻊ ﻭﻳﻪ ﺍﻟﻤﺘﻈﺎﻫﺮﻳﻦ ﻭﺷﻴﺮﻳﻦ ﻳﻮﻣﻴﻪ ﻋﺮﻙ ﻭﻳﺎ
ﺟﺎﻧﺖ ﺑﻌﺪﻫﻲ ﺑﺎﻟﺒﺪﺍﻳﻪ ﻣﻮ ﺟﺪﻳﻪ
ﺑﻌﺪﻳﻦ ﺻﺎﺭﺕ ﻣﻈﺎﻫﺮﺍﺕ ﺟﺪﻳﻪ
ﻭﻛﻤﻨﻪ ﻧﺨﺴﺮ ﻫﻮﺍﻱ ﺷﺒﺎﺏ ﻣﻦ ﺿﻤﻨﻬﻢ
ﺍﺻﺪﻗﺎﺀ ﺳﺎﻣﺮ ﺍﺛﻨﻴﻦ ﺷﻮﻳﻪ ﺳﻮﻳﻪ ﻭﻛﺎﻡ ﻣﺤﺐ ﻭﻧﺠﻢ ﻳﺮﻭﺣﻮﻥ ﻭﺍﺣﻨﻪ ﻣﺴﺘﻴﻦ ﺧﻮﻑ ﻋﻠﻴﻬﻢ
ﺗﻮﺗﺮﺕ ﺣﻴﻞ ﺟﺎﻥ ﺍﻣﻠﻲ ﻣﺤﺐ ﻳﻮﻛﻔﻬﻢ ﺍﻧﻮﺏ ﻫﻮ ﺍﺧﺬﻫﻢ ﻭﺭﺍﺡ ﻭﻛﺎﻣﻮ ﺣﺘﻰ ﺑﻠﻴﻞ ﻣﻴﺠﻮﻥ ﺍﻟﻰ ﺍﻥ ﺍﻧﺪﻛﺖ ﺍﻟﺒﺎﺏ ﺍﻟﻔﺠﺮﻳﻪ ﻓﺘﺤﺘﻪ ﻧﺠﻢ ﻣﺘﺼﻮﺏ ﺑﺄﻳﺪﻩ ﺑﻄﻔﺮﻓﻬﻪ ﻫﻴﺞ ﺑﺲ ﺟﺮﺡ ﻋﺎﻃﺖ ﺷﻴﺮﻳﻦ
ﻳﻤﻪ ﺍﻳﻢ ﺍﻟﻠﻪ ﺍﺑﻨﻲ ﻳﻤﻪ ﺍﻟﻪ ﺗﻤﻮﺗﻮﻧﻲ ﻳﺎﻟﻠﻪ ﺗﺮﺗﺎﺣﻮﻥ
ﻭﻛﺎﻣﺖ ﺗﺒﺠﻲ
ﻧﺠﻢ / ﻳﺎﺑﻪ ﻭﺍﻟﻠﻪ ﻣﺎﺑﻴﻪ ﺷﻲ
ﺷﻴﺮﻳﻦ / ﺍﺥ ﻛﻠﺒﻲ ﺍﺥ ﻳﺎ ﻳﻤﻪ ﺍﻟﻪ ﺗﺮﻳﺪﻭﻥ ﺗﺴﻮﻟﻲ ﻣﺼﻴﺒﻪ ﻳﺎﻟﻠﻪ ﺗﺮﺗﺎﺣﻮﻥ ﺍﻛﻌﺪﻭ ﻭﻟﻜﻢ ﻳﻤﻪ ﻛﻌﺪﻭ ﺍﺑﻨﻚ ﺑﻌﺪﻩ ﺻﻐﻴﺮ
ﺑﺎﻭﻉ ﻋﻠﻲ ﺍﺫﺍ ﺗﻴﺘﻢ ﺷﻨﺴﺘﻔﺎﺩ
ﻳﻤﻪ ﻭﺍﻟﻠﻪ ﻣﺎﺑﻴﻪ ﺷﻲ
ﺳﺎﻣﺮ ﻭﻳﻦ ﺍﺧﻮﻙ ﻭﻳﻦ
ﻫﺴﻪ ﻫﺬﺍ ﺑﺎﻟﺒﺎﺏ
ﻫﺪﻳﻪ / ﻭﻣﺤﺐ ﻭﻳﻦ
ﻫﻢ ﺑﺮﻩ
ﺧﻮﻣﺎ ﺍﻛﻮ ﺷﻲ ﻟﻴﺶ ﺑﺮﻩ ﻭﺍﻛﻔﻴﻦ
ﻭﻳﻪ ﻭﻟﺪ ﺟﻤﺎﻋﺘﻨﻪ
ﺭﺣﺖ ﺟﺒﺖ ﻣﻮﺑﺎﻳﻠﻲ ﺩﻛﻴﺖ ﻋﻠﻲ ﺟﻨﺖ ﻧﺎﺭ ﺍﻋﺼﺎﺏ
ﺟﺎﻭﺑﻨﻲ
ﺍﻟﻮ
ﻭﻳﻨﻚ ﻣﺤﺐ
ﻭﺷﻌﻠﻴﺞ ﺍﻧﺘﻲ
ﺍﺣﺠﻲ ﺻﺪﻙ
ﻻ ﺻﺪﻙ ﺷﻌﻠﻴﺞ ﺷﺪﺧﻠﺞ ﺑﻴﻪ
ﻣﺤﺐ ﺍﺩﺭﻱ ﻭﺍﻛﻒ ﺑﺎﻟﺒﺎﺏ ﺍﺩﺧﻞ ﺍﺭﻳﺪ ﺍﺣﺠﻲ ﻭﻳﺎﻙ
ﺷﺘﺮﻳﺪﻳﻦ
ﺍﺩﺧﻞ ﻣﺤﺐ ﻭﺑﺠﻴﺖ
ﻣﺎﺷﻲ ﻫﺴﻪ ﺟﻴﺖ
ﺩﺧﻠﻮ ﻫﻮ ﻭﺳﺎﻣﺮ ﻧﺠﻢ ﺻﻌﺪ ﺍﻟﻐﺮﻓﺘﻪ ﻭﺳﺎﻣﺮ ﻫﻢ ﺻﻌﺪ ﻭﺷﻴﺮﻳﻦ ﺭﺍﺣﺖ ﻟﻠﻐﺮﻓﻪ ﺑﻘﻪ ﻭﺍﻛﻒ ﻭﻳﺒﺎﻭﻉ ﻋﻠﻴﻪ
ﺧﻴﺮﺝ ﺭﺍﻳﺪﻩ ﺷﻲ
ﻣﺤﺐ ﻛﺎﻓﻲ ﺗﺮﻭﺡ ﻟﻠﻤﻈﺎﻫﺮﺍﺕ
ﻫﺬﺍ ﺍﻟﻤﻮﺿﻮﻉ ﻣﻮ ﻟﻠﻨﻘﺎﺵ ﻧﻬﺎﺋﻴﺎً ﻧﺮﻳﺪ ﻧﺴﻮﻱ ﺣﻞ ﺍﺫﺍ ﺍﻧﻲ ﺍﻛﻌﺪ ﻭﻏﻴﺮﻱ ﺷﻨﺴﺘﻔﺎﺩ
ﺍﻟﻲ ﻃﺎﻟﻌﻴﻦ ﻣﺎﻋﺪﻫﻢ ﺷﻐﻞ ﺍﻧﺖ ﻋﻨﺪﻙ ﻣﺤﻞ ﺷﻜﻮ ﻃﺎﻟﻊ
ﺍﻧﻲ ﻋﻨﺪﻱ ﻏﻴﺮﻱ ﻣﺎﻋﻨﺪﻩ
ﻣﺤﺐ ﻛﺎﻓﻲ
ﺍﻛﻠﺞ ﺭﺍﺳﻲ ﻳﻮﺟﻌﻨﻲ ﺭﺍﺡ ﺍﺭﻭﺡ ﻟﻼﺳﺘﻘﺒﺎﻝ ﺟﻴﺒﻴﻠﻲ ﺟﺎﻱ ﻫﻨﺎﻙ
ﻛﺎﻋﺪ ﺍﺣﺠﻲ ﻭﻳﺎﻙ ﻣﺤﺐ
ﺩﺳﻮﻳﻠﻲ ﺟﺎﻱ ﻭﻧﺴﻮﻟﻒ
ﺭﺣﺖ ﺳﻮﻳﺘﻠﻪ ﺟﺎﻱ ﺟﻨﺖ ﺑﺲ ﺍﺭﻳﺪﻩ ﻣﻴﺮﻭﺡ ﺧﺎﻳﻔﻪ ﻋﻠﻲ ﻭﻋﻠﻰ ﺍﻟﻮﻟﺪ ﺍﻟﻮﺿﻊ ﻣﻮ ﺯﻳﻦ ﻭﻫﻮﺍﻱ ﺷﺒﺎﺏ ﻛﺎﻋﺪ ﺗﻤﻮﺕ
ﺻﺒﻴﺘﻠﻪ ﺟﺎﻱ ﻟﻜﻴﺘﻪ ﻳﺪﺧﻦ
ﺑﺎﻭﻋﺖ ﻋﻠﻲ ﺍﻭﻝ ﻣﺮﻩ ﻳﺪﺧﻦ ﺑﺎﻟﺒﻴﺖ ﺣﺘﻰ ﻗﺒﻞ ﻣﻦ ﻣﺘﺰﻭﺟﻴﻦ ﻳﺪﺧﻦ ﻗﻠﻴﻞ ﻭﺑﺎﻟﺸﺎﺭﻉ
ﺧﻠﻴﺖ ﺍﻟﺠﺎﻱ ﻛﺎﻡ ﻭﻛﻒ ﺑﺎﻭﻋﺖ ﻋﻠﻲ ﻭﻳﻦ
ﺑﺎﻭﻋﺖ ﺭﺍﺡ ﺑﺎﺗﺠﺎﻩ ﺍﻟﺒﺎﺏ
ﺳﻨﻮ ﻭﻳﻦ ﻟﻠﺤﻤﺎﻡ ﻟﻌﺪ ﻟﻴﺶ ﺧﻠﻴﺘﻨﻲ ﺍﺻﺒﻠﻚ
ﻣﺎﺍﺣﺲ ﺍﻟﻪ ﻗﻔﻠﻪ ﺭﺣﺖ ﻋﻠﻲ ﻫﺎﻱ ﺷﺪﺗﺴﻮﻭﻭﻭﻱ
ﻟﺰﻣﻨﻲ ﻣﻦ ﺍﻳﺪﻱ
ﻣﺸﺘﺎﻗﻠﺞ ﺣﻴﻞ
ﻭﺧﺮﺭﺭﺭﺭﺭﺭﺭﺭ ﻣﺤﺐ
ﺍﺥ ﻳﺎ ﺍﻝ ﻭﺧﺮﺭﺭﺭﺭﺭ ﺍﺗﻤﻨﻰ ﺍﻛﻄﻢ ﺍﻟﻠﺴﺎﻧﺞ ﻣﻦ ﻭﺭﺍﻫﻪ
ﺩﻭﺧﺮ ﻭﺧﺮ ﺍﻧﻲ ﻭﻳﻦ ﻭﺍﻧﺖ ﻭﻳﻦ ﺍﻧﻲ ﺍﺭﻳﺪ ﺍﺣﺠﻲ ﻭﻳﺎﻙ
ﺳﺤﺒﻨﻲ ﻋﻠﻰ ﺍﻟﻘﻨﻔﻪ ﺩﻓﻌﺘﻪ ﺳﺪ ﺣﻠﻜﻲ
ﻣﺎﺍﺳﻮﻳﻠﺞ ﺷﻲ ﻭﺍﻟﻠﻪ ﺑﺲ ﺍﺭﻳﺪ ﺍﺣﺠﻲ ﻭﻳﺎﺝ ﻛﻌﺪﻱ
ﻣﺤﺐ
ﺩﻛﻌﺪﻱ
ﻛﻌﺪﺕ ﻭﺍﻧﻲ ﺍﺳﺘﻐﻔﺮ ﻣﺎﺍﺣﺲ ﺍﻟﻪ ﺧﻠﻪ ﺭﺍﺳﻪ ﺑﺤﻀﻨﻲ
ﺑﺎﻭﻋﺖ ﻋﻠﻲ ﺑﺎﻭﻉ ﻋﻠﻴﻪ ﺗﺬﻛﺮﺕ ﻗﺒﻞ ﻣﻦ ﻳﺴﻮﻱ ﻫﺎﻱ ﺍﻟﺤﺮﻛﻪ
ﻫﺪﻳﻪ / ﻭﺑﻌﺪﻳﻦ
ﻣﺤﺐ / ﻣﺎﻛﻮ ﺑﻌﺪﻳﻦ ﻣﺸﺘﺎﻕ ﺍﻧﺎﻡ ﺑﺤﻀﻨﺞ ﻭﺑﻤﺎ ﺍﻥ ﺍﻧﺘﻲ ﻣﺮﺍﺡ ﺗﺨﻠﻴﻨﻲ ﻋﻞ ﺍﻗﻞ ﺧﻠﻴﻨﻲ ﺍﻧﺎﻡ ﻋﻠﻰ ﺭﺟﻠﺞ ﻭﺟﺮ ﺍﻳﺪﻱ ﻓﺮﺟﻴﻠﻲ ﺭﺍﺳﻲ ﺷﻮﻳﻪ ﻳﻮﺟﻌﻨﻲ ﺣﻴﻞ
ﻣﺤﺐ ﻟﺘﺮﻭﺡ ﻟﻠﻤﻈﺎﻫﺮﺍﺕ
ﺍﻧﺘﻲ ﻣﻮ ﻣﺘﺮﻳﺪﻳﻨﻲ ﻣﻮ ﺗﻜﻮﻟﻴﻦ ﺍﻧﺖ ﺩﻣﺮﺗﻨﻲ ﺷﻌﻠﻴﺞ ﺑﻴﻪ
ﻭﻣﻼﻙ ﻣﺘﻔﻜﺮ ﺑﻴﻬﻪ
ﻣﺜﻞ ﻣﺎﺍﻧﺘﻲ ﻣﺘﻔﻜﺮﻳﻦ ﺑﻴﻬﻪ ﻛﺒﺮﺕ ﻭﺍﻧﻲ ﻣﺤﺮﻭﻡ ﻣﻨﻬﻪ ﺍﻧﺘﻲ ﻛﻠﺶ ﺣﻘﻴﺮﻩ ﻭﺍﻧﺎﻧﻴﻪ
ﺑﺎﻭﻋﺖ ﻋﻠﻲ ﺭﻓﻌﺖ ﺣﺎﺟﺒﻲ ﻧﺎﻳﻢ ﺑﺤﻀﻨﻲ ﻭﺗﻐﻠﻂ ﻋﻠﻴﻪ
ﻗﺎﺑﻞ ﺟﺬﺏ ﺍﺻﺪﺍً ﺍﻧﻲ ﺷﻜﻮ ﻣﻜﻌﺪﺗﻚ ﺑﺤﻀﻨﻲ
ﻃﻠﻜﻨﻲ ﻳﻠﻠﻪ ﻃﻠﻜﻨﻲ ﺻﺎﺭ ﻛﻢ ﺳﻨﻪ ﻭﻣﺘﻘﺘﻨﻊ ﻣﺎﺍﺭﻳﺪﻙ
ﻓﺘﺢ ﺗﻚ ﻋﻴﻦ ﺍﻛﻠﺞ ﺍﻧﺘﻲ ﺷﻜﺪ ﺗﺤﺠﻴﻦ ﻟﻮﻙ ﻟﻮﻙ ﻟﻮﻙ ﻟﻮﻙ ﻭﺧﺮﺭﺭﺭ ﻃﻠﻜﻨﻲ ﺻﺨﻤﻨﻲ ﺟﺪﺩﻱ ﻛﻠﻤﺎﺕ
ﻻ ﻭﺍﻟﻠﻪ ﻳﻠﻠﻪ ﺍﻃﻠﻊ ﺑﺮﻩ
ﻛﻌﺪ ﻭﺻﺎﺭ ﻛﺒﺎﻟﻲ
ﺧﻮﺏ ﻛﻮﻟﻲ ﺑﻮﻭﻭﺳﻨﻲ
ﻧﺎﻡ ﺑﺤﻀﻨﻲ
ﻣﺸﺘﺎﻗﺘﻠﻚ
ﺗﻜﺪﺭﻳﻦ ﺍﺫﺍ ﻣﺘﻌﻮﺩﻩ ﻋﻠﻰ ﻛﻠﻤﺔ ﻭﺧﺮﺭﺭﺭﺭ ﻧﺤﻮﺭﻫﻪ ﻭﺗﺼﻴﺮ ﻟﺘﻮﺧﺮﺭﺭﺭﺭﺭﺭﺭ
ﺑﺎﻭﻋﺖ ﻋﻠﻲ ﻳﺤﺠﻲ ﻭﻳﻘﺮﺏ ﻭﺟﻬﻪ ﻋﻠﻴﻪ ﺧﻠﻴﺖ ﺍﻳﺪﻱ ﻋﻠﻰ ﺷﻔﺘﻪ ﻭﺩﻓﻌﺘﻪ ﺑﻄﻞ ﺣﺮﻛﺎﺗﻚ
ﺧﻮﺏ ﻫﺴﻪ ﺍﻧﻲ ﻣﺪﺧﻠﺖ ﻟﻠﺒﻴﺖ ﻣﻦ ﺧﺎﺑﺮﻧﻲ
ﺍﻱ ﺍﻧﻲ ﺻﺢ ﺑﺲ ﺭﺩﺕ ﺍﻛﻠﻚ ﻟﺘﺮﻭﺡ
ﺯﻳﻦ ﻟﻴﺶ ﻣﺎﺍﺭﻭﺡ
ﺷﻨﻮ ﺍﻟﻠﻴﺶ ﺍﺧﻮﺍﻧﻚ ﺣﻴﻤﻮﺗﻮﻥ ﻭﺍﻧﺖ ﻫﻢ ﺑﻨﺘﻚ ﺗﺘﻴﺘﻢ
ﺑﻘﻪ ﻳﺒﺎﻭﻉ ﻋﻠﻴﻪ
ﻟﻴﺶ ﻫﺪﻳﻪ ﺗﻨﻬﺰﻣﻴﻦ ﻣﻦ ﺣﻴﺎﺗﻨﺎ ﻭﻣﺘﺒﺎﻭﻋﻴﻦ ﻋﻠﻴﻬﻪ
ﺗﻌﺒﺖ ﺍﻧﻲ ﺍﺣﺠﻲ ﺻﺪﻙ ﺗﻌﺒﺖ
ﻛﻠﺖ ﻃﺰ ﺑﻴﻬﻪ ﻭﺳﻮﻳﺖ ﺍﻟﻌﻠﻴﻪ ﻫﻮﺍﻱ
ﺑﺲ ﻣﻜﺪﺭﺕ
ﺳﻮﻳﺖ ﻋﻼﻗﺎﺕ
ﺭﻓﻌﺖ ﺣﺎﺟﺒﻲ
ﺍﻱ ﻟﺘﺒﺎﻭﻋﻴﻦ ﻋﻠﻴﻪ ﺳﻮﻳﺖ ﻋﻼﻗﺎﺕ ﺑﺲ ﻣﻜﺪﺭﺕ ﺑﺲ ﻳﻮﻡ ﻭﺍﺣﺪ ﺍﻧﻲ ﺍﺭﻳﺪﻛﻢ ﻋﺎﺋﻠﺘﻲ ﺍﻧﺘﻲ ﻭﻣﻼﻙ ﻳﻤﻲ
ﺗﻠﻮﻣﻴﻨﻲ ﻣﺎﺍﺭﻭﺡ ﻟﻠﻤﻈﺎﻫﺮﺍﺕ
ﻣﻨﻮ ﻋﻨﺪﻱ ﻋﻞ ﺍﻗﻞ ﺧﻞ ﺍﻓﻴﺪ ﺍﻟﻮﻃﻦ
ﺷﻨﻮ ﻣﻨﻮ ﻋﻨﺪﻙ ﻭﺍﺧﻮﺍﻧﻚ ﻭﺑﻨﺘﻚ
ﻛﻠﻬﻢ ﻣﺎﺷﺎﺀ ﺍﻟﻠﻪ ﻭﺻﻠﻮ ﻣﺤﺪ ﺑﻴﻬﻢ ﺑﻌﺪ ﻳﺤﺘﺎﺟﻨﻲ ﺳﺎﻣﺮ ﻣﺒﻘﺎﻟﻪ ﺷﻲ ﻳﺘﺨﺮﺝ
ﻧﺠﻢ ﻋﻨﺪﻩ ﻋﺎﺋﻠﺘﻪ ﻭﻣﺴﺘﻘﺮ ﻭﺻﺎﺭ ﻳﻌﺘﻤﺪ ﻋﻠﻲ
ﻭﺍﻳﻬﺎﺏ ﻫﺬﺍ ﻫﻤﻲ ﺍﻟﺠﺒﻴﺮ ﺑﺲ ﻫﻢ ﺧﻠﺺ ﻛﻠﺒﻲ
ﻃﺎﻟﻊ ﻋﻠﻴﺞ ﻋﻜﺮﺭﺭﺭﺭﻩ ﻭﻣﻜﺮﻭﻩ
ﺑﺎﻭﻋﺖ ﻋﻠﻲ ﺭﺩﺕ ﺍﺣﺠﻲ ﻣﺎﺍﺣﺲ ﺍﻟﻪ ﺧﻠﻪ ﺷﻔﺘﻪ ﺑﺸﻔﺘﻲ
ﻭﺥ ....... ﺑﺎﺳﻨﻲ ﺍﻗﻮﻯ ﻏﻤﻀﺖ ﻋﻴﻨﻲ ﺑﻴﺘﻪ
ﺟﻨﺖ ﻣﻨﺪﻣﺠﻪ ﻭﻳﺎ
ﻓﺠﺄﻩ ﻛﻠﺸﻲ ﺗﺨﺮﺑﻂ ﺣﺎﻭﻝ ﺭﺍﺩ ﻳﺘﻘﺮﺑﻠﻲ
ﺍﻧﻲ ﺍﻧﺮﻋﺼﺖ ﺗﺬﻛﺮﺕ ﺳﻮﺍﻟﻔﻪ ﺍﺣﺲ ﻓﺠﺄﻩ ﻛﻤﺖ ﺍﻛﺮﻫﻪ
ﻭﺧﺮﺭﺭﺭﺭﺭ ﻭﻛﻤﺖ ﺍﺑﺠﻲ
ﻭﻫﻮ ﻳﺒﻮﺱ ﺑﻴﻪ ﺩﻓﻌﺖ ﻭﺟﻬﻲ ﻋﻨﻪ ﻭﺧﺮﺭﺭﺭﺭ ﺍﻛﻠﻚ ﻭﺧﺮ ﻣﻦ ﻓﻮﻛﺎﻳﻪ ﻭﻛﻌﺪ ﻳﺒﺎﻭﻉ ﻋﻠﻴﻪ
ﺍﺍﺍﻧﺖ ﺷﺒﻴﺞ
ﻣﺎﺍﺭﻳﺪﻙ ﺍﻛﺮﺭﺭﺭﻫﻚ ﺍﺗﺨﺒﻞ ﻣﻦ ﺗﺠﻲ ﻳﻤﻲ
ﻟﺘﺤﺎﻭﻝ ﺍﻛﻠﻚ ﻣﺎﺍﺭﻳﺪﻙ ﺍﻓﻬﻢ ﺧﺬﺍ ﺍﻟﺸﻲ
ﻣﺎﺍﺭﻳﺪﻙ ﺭﻭﺡ ﺍﻝ ﺭﻓﻞ ﺭﻭﺡ ﻭﺧﻠﺼﻨﻲ
ﻛﻌﺪ ﻭﺧﺎﻑ ﻳﻨﻔﺦ ﺑﺨﺸﻤﻪ ﻣﻦ ﺍﻟﻌﺼﺒﻴﻪ ﻭﺿﻐﺪ ﻋﻠﻰ ﺣﻠﻜﻪ ﺑﻴﺪﻩ ﺑﻨﺘﺮ ﺍﻧﺘﻲ ﻣﻮﻭﻭﻭﻭ ﻃﺒﻴﻌﻴﻪ ﻭﺍﻟﻠﻪ
ﻋﻮﻓﻨﻲ
ﺍﻧﺘﻲ ﺷﺒﻴﺞ ﻓﻬﻤﻴﻨﻲ ﺑﺎﻋﻲ ﻋﻠﻴﻪ ﺗﺮﻩ ﻭﺻﻠﺖ ﺣﺪﻫﻪ
ﻭﺻﻠﺖ ﺣﺪﻫﻬﻪ ﺍﻧﻲ ﺗﻌﺒﺖ ﺍﻟﻬﻨﺎ ﻭﺣﺪﻱ ﻭﻧﻜﺖ ﺍﻳﺪﻩ
ﺻﺎﺑﺮ ﻋﻠﻴﺞ ﻫﻮﺍﻱ ﺗﻌﺎﻟﻲ ﻛﻠﻴﻠﻲ ﻋﻨﺪﺝ ﺍﺣﺪ ﺍﺑﺎﻟﺞ ﺍﺣﺪ
ﺍﻧﺖ ﺷﺪﺗﺤﺠﻲ
ﺍﻱ ﺍﺣﺠﻲ ﻻﻥ ﻣﻮ ﻃﺒﻴﻌﻴﻪ
ﻛﻢ ﻣﺮﻩ ﺑﻌﺪ ﺗﻄﻌﻦ ﺑﺸﺮﺭﺭﺭﻓﻲ
ﻟﺘﺼﻴﺤﻴﻦ ﻟﺞ ﺻﻮﺗﺞ ﻟﺘﻌﻠﻲ ﻭﺿﻌﺞ ﻟﻌﺪ ﺗﺸﻮﻓﻲ ﻃﺒﻴﻌﻲ
ﻟﺞ ﺍﻟﻠﻪ ﺍﻟﻠﻪ ﺑﻌﻀﻤﺘﻪ ﻳﺴﺎﻣﺢ ﺍﻧﺘﻲ ﻓﺪ ﺷﻨﻮ ﺣﺘﻰ ﻣﺘﺴﺎﻣﺤﻴﻦ
ﻣﺎﺍﺳﺎﻣﺤﻚ
ﻻﻥ ﻭﺟﻌﺘﻨﻲ ﻫﻮﺍﻱ
ﻛﻤﺖ ﻣﺎﺍﺻﺪﻙ ﺗﺘﻐﻴﺮ ﺍﻧﺖ ﺷﻨﻮ ﺗﻨﺴﻪ ﺗﻨﺴﻪ ﺍﻟﻲ ﺳﻮﻳﺘﻪ ﺑﻴﻪ
ﺍﺫﺍ ﺍﻧﺖ ﺗﻨﺴﺎ ﻻﻥ ﻣﻤﺘﺄﺫﻱ ﻓﺎﻧﻲ ﺍﺗﺄﺫﻳﺖ ﻫﻮﺍﻱ
ﺍﻧﺖ ﺩﻣﺮﺗﻨﻲ ﻓﻠﺸﺘﻨﻲ ﻭﺻﻠﺘﻨﻲ ﻣﺮﺣﻠﻪ ﺍﺧﺎﻑ ﺍﺧﺎﻑ ﺍﻋﻴﺶ ﻭﻳﺎﻙ
ﺗﻮﺝ ﺑﺴﺘﻴﻨﻲ ﻭﻃﺒﻴﻌﻴﻪ ﻭﺍﻧﺪﻣﺠﺘﻲ
ﻭﻳﺎﻱ ﻓﺠﺄﻩ ﺻﺮﺧﺘﻲ ﻫﺪﻳﻪ ﺍﻧﺘﻲ ﻣﻮ ﻃﺒﻴﻌﻴﻪ ﻛﻠﻴﻠﻲ ﺍﻟﺼﺪﻙ ﺷﺘﺤﺴﻴﻦ
ﺷﻨﻮ ﺷﺤﺲ ﻛﻠﺸﻲ ﻣﺎﺑﻴﻪ ﻣﺠﻮﺩ ﺍﻧﺖ ﺍﻧﺴﺎﻥ ﺩﻣﺮﺗﻨﻲ
ﻗﺮﺭﺕ ﺍﺷﺘﺮﻱ ﺭﺍﺣﺔ ﺑﺎﻟﻲ ﻭﺭﺍﺣﺔ ﺑﺎﻟﻲ ﺑﻌﻴﺪﻩ ﻋﻨﻚ
ﺍﻟﻬﺎﻱ ﺍﻟﺪﺭﺟﻪ
ﻭﺍﻛﺜﺮ
ﻭﺍﻛﺜﺮ ﺣﻠﻮ ﺣﻠﻮ ﻫﺬﺍ ﻫﻮ ﻫﺪﻳﻪ ﺑﺮﺍﺣﺘﺞ ﻛﻠﺶ ﺑﺮﺍﺣﺘﺞ
ﺍﻧﻲ ﻛﻠﺐ ﺍﺑﻦ ﻛﻠﺐ ﺍﺫﺍ ﻛﻠﺒﺘﺞ ﺑﻌﺪ
ﺍﻱ ﺍﺣﺴﻦ ﻃﻠﻜﻨﻲ
ﻭﺍﻟﻠﻪ ﻭﻻ ﺍﻃﻠﻜﺞ ﺗﺤﻠﻤﻴﻦ
ﻭﻳﻦ ﻣﻮﺑﺎﻳﻠﺞ
ﺷﻨﻮﻭﻭﻭ
ﻭﻳﻦ ﻧﻌﺎﻟﺞ
ﺍﻧﺖ ﺷﻨﻮ ﺗﺤﺠﻲ ﻭﻳﺎﻱ ﻫﻴﺞ
ﺟﻴﺒﻲ ﻣﻮﺑﺎﻳﻠﺞ ﺑﺴﺮﻋﻪ
ﺷﺘﺴﻮﻱ ﺑﻲ
ﺍﻧﻲ ﺍﻋﺮﻑ ﻣﻨﻮ ﺑﻠﻌﺐ ﺑﻌﻘﻠﺞ
ﺷﺘﻘﺼﺪ ﺑﻠﻠﻪ
ﺍﻓﺘﻬﻤﺘﻲ ﻛﻠﺶ ﺯﻳﻦ ﻗﺼﺪﻱ
ﻻ ﻭﺍﻟﻠﻪ ﻣﻔﻬﻤﺖ
ﺟﻴﺒﻲ ﻣﻮﺑﺎﻳﻠﺞ ﻫﺪﻳﻪ
ﻣﺎﺍﺟﻴﺒﻪ ﻭﻣﻮ ﻣﻦ ﺣﻘﻚ
ﺟﻴﺒﻲ ﻫﺪﻳﻪ ﻟﻮ ﻋﻨﺪﺝ ﺷﻲ
ﺍﻧﺖ ﺷﻨﻮﻭﻭﻭ ﻫﺎﺍﺍ ﻛﺎﻓﻲ ﺍﻟﻬﻨﺎ ﻭﺑﺲ ﺭﺩﺕ ﺍﻃﻠﻊ ﺳﺤﺒﻨﻲ ﻋﻠﻲ
ﻣﻮ ﺍﻟﻬﻨﺎ ﻭﺑﺲ ﺷﻌﻨﺪﺝ ﺑﺎﻟﻤﻮﺑﺎﻳﻞ
ﻣﺎﻋﻨﺪﻱ ﺷﻲ ﻃﺒﻌﺎً ﺑﺲ ﻛﺎﻓﻲ ﻣﺤﺐ ﻣﺎﺍﺳﻤﺤﻠﻚ ﻫﻴﺞ ﺗﺤﺠﻲ ﻭﻳﺎﻱ ﺍﺑﺪ ﻭﺍﻧﻲ ﻛﻠﺒﻪ ﺍﻟﻪ ﺍﺭﻓﻊ ﻋﻠﻴﻚ ﻗﻀﻴﻪ ﻭﺍﻟﻠﻪ ﻭﺍﺧﻠﺺ ﻣﻨﻚ ﻳﻮﻡ ﺑﻌﺪ ﻳﻮﻡ ﺍﻧﺖ ﺗﺄﻛﺪﻟﻲ ﺍﻧﻲ ﻣﻐﻠﻄﺖ ﻣﻦ ﻣﺮﺟﻌﺘﻠﻚ ﺗﺘﻬﻤﻨﻲ ﺑﺸﺮﻓﻲ ﻋﻴﻨﻚ ﻋﻴﻨﻚ ﺍﻧﻲ ﻛﺎﻋﺪ ﺍﻛﻠﻚ ﻃﻠﻜﻨﻲ ﻟﻴﺶ ﻣﺘﻄﻠﻜﻨﻲ ﻟﻴﺶ ﻣﺼﺮ ﺗﺠﺒﺮﻧﻲ ﺍﻋﻴﺶ ﻭﻳﺎﻙ
ﻟﺞ ﻏﺒﻴﻪ ﺍﻧﻲ ﻣﻦ ﺣﺠﻴﺖ ﻭﺭﺩﺕ ﺍﻟﻤﻮﺑﺎﻳﻞ ﻻﻥ ﺍﻋﺮﻑ ﻫﺎﻱ ﺻﺪﻳﻘﺘﺞ ﺍﻟﻤﺤﺎﻣﻴﻪ ﺗﻔﺮ ﻋﻘﻠﺞ ﻭﻫﻴﻪ ﺑﺴﺒﺒﻬﻪ
ﻣﻮ ﺑﺴﺒﺐ ﺍﺣﺪﺩﺩﺩﺩ ﺍﻧﻲ ﻣﺎﺍﻛﺪﺭ ﺍﻋﻴﺶ ﻭﻳﺎﻙ
ﻣﺎﺍﻛﺪﺭ ﺍﺭﺟﻊ
ﻟﻴﺶ ﺍﺭﻳﺪ ﺍﻓﻬﻢ ﻟﻴﺶ ﺍﻧﺴﺎﻥ ﺩﻳﻜﻠﺞ ﺑﻌﺪ ﻣﺎﺍﺧﺬﻟﺞ
ﻭﻣﺎﺍﺧﻮﻧﺞ ﻭﺗﻐﻴﺮﺕ ﻭﺍﻟﻠﻪ ﺗﻐﻴﺮﺕ
ﻣﺤﺐ ﺍﻧﺖ ﻭﺷﻴﺮﻳﻦ ﺍﻟﺤﺪ ﻫﺎﻱ ﺍﻟﻠﺤﻈﻪ ﻭﺍﺣﺪ ﻳﻜﺮﻩ ﺍﻟﺜﺎﻧﻲ
ﻭﺍﻧﻲ ﺷﻲ ﺑﺪﺍﺧﻠﻲ ﻳﻤﻨﻌﻨﻲ ﻣﻨﻚ ﻛﺎﻓﻲ
ﻣﺎﺷﻲ ﻋﻨﺪﺝ ﺍﺧﺘﻴﺎﺭﻳﻦ ﻫﺴﻪ
ﺭﻓﻌﺖ ﺣﺎﺟﺒﻲ
ﺗﻨﺎﻣﻴﻦ ﻭﻳﺎﻱ ﻻﻥ ﺑﻌﺪ ﻣﺎﺍﺗﺤﻤﻞ ﺍﺭﻳﺪﺝ ﺍﻟﺞ ﻣﺸﺘﺎﻗﻠﺞ
ﻻ ﻭﺍﻟﻠﻪ
ﺍﻧﻲ ﺭﺟﻠﺞ ﻣﻮ ﻏﺮﻳﺐ
ﻟﻮ ﺗﻤﻮﺕ
ﺍﻥ ﺷﺎﺀ ﺍﻟﻠﻪ ﺍﻣﻮﺕ ﻭﺍﺧﻠﺺ ﻣﻨﺞ
ﻋﺎﻑ ﺍﻳﺪﻱ ﻭﻓﺘﺢ ﺍﻟﺒﺎﺏ ﻋﺘﻪ ﺑﻌﺼﺒﻴﻪ ﻭﻃﻠﻊ
ﺑﺎﻭﻋﺖ ﻋﻠﻲ ﺍﻧﻘﻬﺮﺕ ﻣﺪﺭﻱ ﺣﺰﻧﺖ ﻣﺎﺍﺩﺭﻱ ﺿﺠﺖ ﺍﻟﻤﻬﻢ
ﺍﺭﻳﺪﻩ ﻭﺍﻟﻠﻪ ﺧﺎﺻﻪ ﻣﻦ ﺑﻌﻴﺪ ﻋﻨﻲ
ﺑﺲ ﻣﺎﺍﺩﺭﻱ ﻣﻦ ﻳﺠﻲ ﻳﻤﻲ ﺍﺗﺨﺒﻞ
ﺭﺍﺡ ﺑﻴﻮﻣﻬﻪ ﻭﺍﺧﺘﻔﻪ ﺍﺳﺒﻮﻉ ﻛﺎﻣﻞ ﻳﺮﻭﺣﻮﻥ ﻟﻠﻤﻈﺎﻫﺮﺍﺕ
ﻭﺍﻧﻲ ﻣﻴﺘﻪ ﻗﻬﺮ ﺍﺭﻳﺪ ﺍﻛﻠﻪ ﺍﻱ ﻭﻫﺬﺍ ﻫﻮ ﻭﻣﺎﺍﻛﺪﺭ ﺣﺎﻳﺮﻩ ﺑﻨﻔﺴﻲ ﻣﻦ ﺍﺑﺎﻭﻉ ﻣﻼﻙ ﻛﺒﺮﺕ ﻭﺗﻔﺘﻬﻢ ﺻﺎﺭﺕ
ﺍﺣﺲ ﻧﻔﺴﻲ ﻋﺸﺖ ﺑﺪﻭﺍﻣﻪ ﻣﺎﻟﻬﻪ ﺍﻭﻝ ﻣﻦ ﺍﺧﺮ
ﺍﺭﻳﺞ / ﺗﺄﺫﻳﺖ ﻫﻮﺍﻱ
ﺧﺬﻟﻨﻲ ﺑﻜﻞ ﻣﻌﻨﻰ ﺍﻟﺨﺬﻻﻥ
ﺣﺴﻴﺖ ﺑﺎﻭﻝ ﻓﺘﺮﻩ ﺻﺮﺕ ﻣﻦ ﺍﻻﻣﻮﺍﺕ ﻋﻠﻘﻨﻲ ﺑﻲ ﻭﻋﺎﻓﻨﻲ
ﺣﺒﻴﺒﺘﻪ ﺑﺪﻭﻥ ﻣﻘﺎﺑﻞ ﺣﺒﻴﺘﻪ ﻣﻦ ﻛﻠﺒﻲ ﻭﻣﺒﺎﻭﻋﺖ ﻋﻠﻰ ﺍﻟﻌﻴﻮﺏ ﻭﻻ ﺍﻋﺘﺒﺮﺗﻬﻦ ﺍﻟﺤﺪ ﻫﺎﻱ ﺍﻟﻠﺤﻈﻪ ﻋﻴﻮﺏ ﺑﺎﻟﺒﺪﺍﻳﻪ
ﻣﻦ ﺣﺴﻴﺖ ﻧﻔﺴﻲ ﺍﺣﺒﻪ ﺑﻘﻴﺖ ﺑﻴﻨﻲ ﻭﺑﻴﻦ ﻧﻔﺴﻲ ﺍﺣﺎﺭﺏ ﺭﻭﺣﻲ ﻛﻠﺖ ﺧﺎﻑ ﻣﺠﺮﺩ ﺍﻋﺠﺎﺏ ﻣﺎﺍﺭﻳﺪ ﺍﺧﺬﻟﻪ
ﻭﺍﺫﻱ ﺑﺲ ﻫﻮ ﺧﺬﻟﻨﻲ ﺑﻜﻞ ﺑﺴﺎﻃﻪ
ﻛﻠﺒﻲ ﻳﻮﺟﻌﻨﻲ ﻣﻦ ﺍﺗﺬﻛﺮ ﺍﻟﻴﻮﻡ ﺍﻟﻄﻠﻌﺖ ﺑﻲ
ﺟﺎﻥ ﺭﺍﻓﺾ ﻛﻠﺸﻲ ﺣﺘﻰ ﺍﻛﻞ ﻣﻴﻘﺒﻞ ﻳﺎﻛﻞ ﻭﺍﻧﻲ ﺍﺑﺎﻭﻉ ﻋﻠﻲ ﻣﻘﻬﻮﺭﻩ ﻣﻨﻪ ﺣﻴﻞ ﻫﻴﻪ ﻣﺎﺗﺖ ﺍﺩﻳﺎﻥ ﺑﺲ ﻣﻮﺟﻮﺩﻩ ﺑﻴﻨﺎﺗﻨﺎ ﻭﻫﻲ ﻣﻦ ﺟﺎﻧﺖ ﻋﺎﻳﺸﻪ ﻣﺠﺎﻧﺖ ﻫﻴﺞ ﺑﻴﻨﺎﺗﻨﺎ ﺣﺎﻭﻟﺖ ﻛﻠﺖ ﺍﺗﺤﻤﻞ ﻻﻥ ﻣﺼﺪﻭﻡ ﻭﺍﺣﻨﻪ ﻫﻢ ﻣﺼﺪﻭﻣﻴﻦ ﺍﻟﻤﻮﺗﺘﻬﻪ
ﻻﻥ ﺷﺨﺺ ﻭﻳﺎﻧﻪ ﻓﺠﺄﻩ ﺭﺍﺡ ﻭﺍﻳﻬﺎﺏ ﺣﺴﺎﺱ ﻭﻣﺎﺗﺖ ﻛﺒﺎﻟﻪ
ﺍﺭﻳﺞ / ﺍﻳﻬﺎﺏ ﺷﻨﻮ ﺭﺃﻳﻚ ﻧﻄﻠﻊ ﺷﻮﻳﻪ
ﺍﻳﻬﺎﺏ / ﻣﻴﺖ ﻣﺮﻩ ﻛﺘﻠﺞ ﻣﺎﺍﺍﺭﻳﺪ ﻟﻴﺶ ﺗﻠﺤﻴﻦ ﻋﻠﻴﻪ
ﻋﻠﻤﻮﺩﻙ
ﺍﻧﻲ ﻃﻠﻜﺘﺞ ﻭﺍﻧﺘﻲ ﺑﺎﻗﻴﻪ ﻛﺎﻋﺪ ﺍﻛﻠﺞ ﻣﺎﺍﺭﻳﺪﺝ ﺍﻧﺘﻲ ﻣﺘﻔﻬﻤﻴﻦ
ﺑﺎﻭﻋﺖ ﻋﻠﻲ ﺑﺼﺪﻣﻪ ﻭﺩﻣﻌﺘﻲ ﻧﺰﻟﺖ
ﺍﻳﻬﺎﺏ ﺍﻧﺖ ﻛﺎﻋﺪ ﺗﺤﺠﻲ ﺻﺪﻙ
ﺍﻱ ﺍﺭﻳﺞ ﻣﺎﺍﺭﻳﺪ ﺍﻧﺘﻲ ﻟﻴﺶ ﻣﺠﻠﺒﻪ ﺑﻴﻪ ﻭﺍﻧﻲ ﻣﻌﻮﻕ
ﺣﺘﻰ ﺣﻘﻮﻗﺞ ﺍﻟﺸﺮﻋﻴﻪ ﻣﺎﺍﻛﺪﺭ ﺍﻧﻄﻴﻬﻦ ﺍﻟﺞ
ﺑﻘﻴﺖ ﺍﺑﺎﻭﻉ ﻋﻠﻲ ﺑﺤﻘﺪ ﻭﻫﻮ ﻳﺤﺠﻲ
ﺗﻌﺮﻑ ﺷﻨﻮ ﺍﻛﺜﺮ ﺷﻲ ﻣﺘﻨﺪﻣﻪ ﻋﻠﻲ ﺣﺒﻴﺘﻚ
ﺍﻳﻬﺎﺏ / ﺍﻋﺮﻑ
ﺍﺭﻳﺞ / ﺍﺍﺍﺍﺍﺍﺍﺍﻧﺖ ﺷﻨﻮﻭﻭﻭﻭﻭ ﺍﻧﺖ ﺷﻨﻮ ﻓﻬﻤﻨﻲ ﻣﻔﺮﻭﺽ ﺍﻛﺜﺮ ﺍﻧﺴﺎﻥ ﺗﻌﺮﻑ ﺷﻨﻮ ﻣﺮﺍﻋﺎﺓ ﺷﻌﻮﺭ ﺍﻻﻧﺴﺎﻥ
ﺍﺑﺪ ﻣﺮﺍﻋﻴﺖ ﻣﺸﺎﻋﺮﻱ ﺑﺲ ﺍﺭﻳﺪ ﺍﻛﻠﻚ ﺷﻐﻠﻪ ﺍﺫﺍ ﺍﻧﺖ ﺗﺤﺐ ﻣﺮﺕ ﺍﺧﻮﻙ ﻓﺎﻗﺬﺭ ﺍﻧﺴﺎﻥ ﺷﻔﺘﻪ ﺑﺤﻴﺎﺗﻲ ﻭﺍﻟﻠﻪ
ﻛﻤﺖ ﺑﺴﺮﻋﻪ ﺑﺪﻟﺖ ﻭﻃﻠﻌﺖ ﻫﻮ ﻭﻻ ﺣﺠﻪ ﻛﻠﻤﻪ ﺍﺧﺬﺕ ﻣﻮﺑﺎﻳﻠﻲ ﺟﺎﻧﻮ ﻛﺎﻋﺪﻳﻦ ﺑﺎﻻﺳﺘﻘﺒﺎﻝ ﺑﺪﻭﻥ ﻣﺎﺍﺣﺠﻲ ﻭﻻ ﻭﻳﻪ ﻭﺍﺣﺪ ﻃﻠﻌﺖ ﻭﺭﻛﻌﺖ ﺍﻟﺒﺎﺏ ﺣﻴﻞ
ﻣﻦ ﻛﻠﻲ ﻃﻠﻜﺘﺞ ﻭﺑﻌﺪﺝ ﺑﺎﻗﻴﻪ ﻫﺎﻧﻲ ﻛﻠﺶ
ﻣﺘﺤﻤﻠﺖ ﻛﺮﺍﻣﺘﻲ ﻳﻬﻴﻦ ﺑﻴﻬﻪ ﺍﻛﺜﺮ ﻣﻦ ﺑﻘﻴﺖ ﻭﻫﻮ ﻭﻻ ﻳﻤﻪ ﺣﺘﻰ ﻣﻦ ﺍﻧﺎﻡ ﺑﺼﻔﻪ ﻳﺪﻭﺭ ﻭﺟﻬﻪ ﻟﻠﺠﻬﻪ ﺍﻟﺜﺎﻧﻴﻪ ﺍﻛﻠﻪ ﺍﻧﺖ ﻣﺼﺪﻙ ﺍﻧﻲ ﺧﻨﺘﻚ ﻳﻜﻠﻲ ﻻ ﻛﻠﺖ ﺍﺗﺤﻤﻞ ﻻﻥ ﺍﺣﻪ ﻭﺗﻌﺒﺎﻥ ﺑﺲ ﺯﻭﺩﻫﻪ ﺣﻴﻞ ﺗﻤﻨﻴﺖ ﺑﻬﺎﻟﻠﺤﻈﻪ ﺍﻟﻜﻪ ﻩ ﺍ ﺍﻟﻨﺬﻝ
ﺍﻟﻲ ﺑﺴﺒﺒﻪ ﺳﻤﻌﺘﻲ ﺗﺪﻣﺮﺕ ﻛﻞ ﺍﻟﻲ ﺍﻋﺮﻓﻪ ﺧﺎﻳﻒ ﻣﻦ ﻣﺤﺐ ﻻﻥ ﻣﺘﺤﻠﻔﻠﻪ ﻭﺍﺻﻼً ﻣﺤﺐ ﺳﻮﺍﻫﻪ ﻋﺸﺎﺋﺮﻳﻪ ﻻﻥ ﺣﺠﻪ ﻭﻳﺎﻱ ﻭﻛﻠﻲ ﺍﺫﺍ ﻋﻨﺪﺝ ﺷﻲ ﺍﺣﺠﻲ ﻭﺍﺫﺍ ﻣﺎﻋﻨﺪﺝ ﺧﻠﻴﻨﻲ ﺍﺩﺧﻞ ﺑﺰﻭﺩ ﺍﻟﻬﻢ ﻭﺍﻛﺪﺩﺗﻠﻪ ﻣﺎﻋﻨﺪﻱ ﺷﻲ
ﻫﻮ ﺑﻴﺘﻬﻢ ﺑﺎﻟﻔﺮﻉ ﺍﻟﺤﻘﻴﺮ ﺑﺲ ﻧﻬﺎﻳﺘﻪ ﻓﺘﺖ ﻣﻦ ﻳﻤﻪ ﺟﺎﻧﺖ ﺍﺣﻮ ﺳﻴﺎﺭﻩ ﺑﺒﺎﺑﻬﻢ ﻛﻤﺖ ﺍﺩﻭﺭ ﺑﺎﻟﻜﺎﻉ ﻋﻠﻰ ﺑﻄﻞ ﺷﻲ ﺍﺭﻳﺪ ﺍﻓﻮﺥ ﻛﻠﺒﻲ ﺑﻴﻬﻢ ﻛﻤﺖ ﺍﺩﻭﺭ ﺑﺎﻟﺸﺎﺭﻉ ﺍﻟﺤﺪ ﻣﺎﻟﻜﻴﺖ ﺑﻄﻞ ﻛﺴﺮﺗﻪ ﻭﺭﺣﺖ ﺷﺨﻄﻄﺖ ﺍﻟﺴﻴﺎﺭﻩ ﺟﺎﻧﻮ ﺍﻃﻔﺎﻝ ﻳﻠﻌﺒﻮﻥ ﺑﻘﻮ ﻳﺒﺎﻭﻋﻮﻥ ﻋﻠﻴﻪ ﻭﻭﺍﺣﺪ ﺭﺍﺡ ﺩﻙ ﺍﻟﺒﺎﺏ ﻋﻠﻴﻬﻢ ﺷﻤﺮﺕ ﺍﻟﻜﺰﺍﺯﻩ ﻭﺭﺣﺖ ﺃﺟﺮﺕ ﺗﻜﺴﻲ
ﺑﺲ ﻛﻠﻤﺔ ﺍﻳﻬﺎﺏ ﻟﻠﻴﻮﻡ ﺗﻮﺟﻊ ﻛﻠﺒﻲ ﻃﻠﻜﻨﻲ ﻭﺭﺍﻫﻪ
ﻣﺤﺐ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ ﺟﺎﻥ ﻳﺴﺄﻝ ﻋﻠﻴﻪ ﺍﻟﺤﺪ ﻣﺎ ﻃﻠﻊ ﺍﺧﻮﻳﻪ ﻣﻦ ﺍﻟﺴﺠﻦ ﻭﺍﻟﻔﺘﺮﻩ ﺍﻟﻲ ﺑﻘﻴﺖ ﺑﻴﻬﻪ ﻳﻢ ﺑﻴﺖ ﻋﻤﻲ ﺩﻣﺮﻭﻧﻲ ﻧﻔﺴﻴﺎً ﻓﻮﻙ ﺩﻣﺎﺭﻱ
ﻭﻓﻮﻛﺎﻫﻪ ﻣﻦ ﻃﻠﻊ ﺍﺧﻮﻳﻪ ﻣﺎﻋﻨﺪﻩ
ﺷﻲ ﺑﻘﻴﻨﻪ ﻛﻢ ﻳﻮﻡ ﻭﻣﺮﺕ ﻋﻤﻲ ﺗﺒﺴﻤﺮ ﻭﺑﻌﺪﻳﻦ ﺣﺠﺖ ﺑﺎﻟﻤﺒﺎﺷﺮ ﻭﻃﻠﻌﻨﻪ
ﺃﺟﺮﻧﻪ ﺧﺮﺍﺑﻪ ﻭﻫﻢ ﻣﺎﻋﺪﻧﻪ ﺍﻳﺠﺎﺭﻫﻪ ﻫﻮ ﻃﻠﻊ ﻳﺸﺘﻐﻞ ﻋﻤﺎﻟﻪ ﻭﺍﻧﻲ ﻫﻢ ﻃﻠﻌﺖ ﺍﺩﻭﺭ ﻋﻠﻰ ﺷﻐﻠﻪ ﺑﺲ ﻣﺎﺍﻛﻠﻪ ﺩﺍﺍﺩﻭﺭ ﻛﺘﻠﻪ ﺻﺪﻳﻘﺘﻲ ﻟﻜﺘﻠﻲ ﺷﻐﻞ ﺳﻜﺮﺗﻴﺮﻩ ﻳﻢ ﺩﻛﺘﻮﺭﻩ ﻭﺑﻬﺎﻟﻔﺘﺮﻩ ﺍﻃﻠﻊ ﺍﺩﻭﺭ ﻣﻦ ﺟﻬﻪ ﺭﺟﻠﻪ ﻭﻣﻦ ﺟﻬﻪ ﻫﻮ ﻣﺮﻳﺾ ﺍﺭﻳﺪ ﺑﺲ ﺍﻟﻜﻪ ﺷﻐﻞ ﺣﺘﻰ ﺍﺧﻔﻒ ﻋﻠﻲ ﻭﻣﻬﻤﻮﻡ
ﻛﻞ ﻣﺎ ﺍﻧﺰﻧﻚ ﻭﻛﻠﺒﻲ ﻳﻮﺟﻌﻨﻲ ﺍﺩﻋﻲ ﻋﻠﻰ ﺍﻣﻲ ﻭﺍﺑﻮﻳﻪ
ﻃﻠﻌﺖ ﻣﺎﻛﻮ ﺷﻐﻞ ﻭﻳﻦ ﻣﺎﺍﻭﻟﻲ ﻣﺎﻛﻮ
ﺍﺧﺮ ﺷﻲ ﺍﺗﺼﻠﺖ ﻋﻠﻰ ﻣﺤﺐ ﻣﺘﺮﺩﺩﻩ ﺑﺲ ﻫﻮ ﻛﻠﻲ ﺷﺘﺤﺘﺎﺟﻴﻦ ﺍﺗﺼﻠﻲ ﻋﻠﻲ ﺑﺲ ﻛﺮﺍﻣﺘﻲ ﺍﺥ ﻳﺎ ﻛﺮﺍﻣﺘﻲ
ﻭﺍﺭﺟﻊ ﻭﺍﻛﻮﻝ ﺍﻫﻢ ﺷﻲ ﺍﺧﻮﺝ
ﺍﺗﺼﻠﺖ ﻋﻠﻲ ﺑﺎﺧﺮ ﺩﻛﻪ ﻳﺎﻟﻠﻪ ﺟﺎﻭﺏ
ﺍﻳﻬﺎﺏ / ﺟﻨﺖ ﻛﺎﻋﺪ ﻋﻠﻰ ﺍﻟﻜﺮﺳﻲ ﺑﺎﻟﻌﻴﺎﺩﻩ ﻣﺤﺐ ﻣﺎﺧﺬﻧﻲ ﻟﻠﺪﻛﺘﻮﺭ ﻛﺎﻟﻮ ﺩﻛﺘﻮﺭ ﺯﻳﻦ ﻭﻛﺎﻋﺪ ﺍﻧﺘﻈﺮ ﺍﻟﺴﺮﻩ
ﺑﺬﻳﺞ ﺍﻟﻔﺘﺮﻩ ﺍﻟﺮﺍﺣﺖ ﺗﻌﺒﺎﻥ ﺣﻴﻞ ﺍﻟﺠﺄ ﻟﻠﻨﻮﻡ ﻭﻟﻮ ﻣﻮ ﻣﺤﺐ ﻭﺍﻟﺤﺎﺣﻪ ﻭﻣﻴﺴﻤﻊ ﻣﻨﻲ ﺣﺘﻰ ﺩﻛﺘﻮﺭ ﻣﺎﺍﺟﻲ
ﻣﻨﺘﻈﺮ ﺍﻣﻮﺕ ﻭﺍﺧﻠﺺ ﺗﺄﻧﻴﺐ ﺍﻟﻀﻤﻴﺮ ﻣﻤﻮﺗﻨﻲ
ﻋﻠﻰ ﺍﺩﻳﺎﻥ ﻟﻮ ﻣﺎ ﻋﺠﺰﻱ ﻟﻮ ﻣﺎ ﻣﺠﺬﺏ ﻋﻠﻴﻬﻪ ﺟﺎﻥ ﻋﺎﺷﺖ ﺣﻴﺎﺓ ﺛﺎﻧﻴﻪ ﻣﺎﺍﻛﺪﺭ ﺍﺳﺘﺜﻨﻲ ﺍﻟﻲ ﺳﻮﻳﺘﻪ ﺑﻴﻬﻪ ﻭﺍﺣﻮﻝ ﻗﻀﺎﺀ ﻭﻗﺪﺭ ﻭﻣﻜﺘﻮﺑﻠﻬﻪ ﻻﻥ ﺟﻨﺖ ﺟﺰﺀ ﻣﻦ ﺗﻌﺎﺳﺘﻬﻪ
ﻭﺍﺧﻮﻳﻪ ﺳﺎﻣﺮ ﻋﻴﻮﻧﻪ ﺍﻟﺤﺪ ﺍﻻﻥ ﺫﺑﻼﻧﻪ
ﻭﺍﺭﻳﺞ ﺍﻩ ﻳﺎ ﺍﺭﻳﺞ ﺍﺻﺪﻕ ﺣﺐ ﺑﺤﻴﺎﺗﻲ
ﻣﺎﺍﺭﻳﺪ ﺍﻇﻠﻤﻬﻪ ﻭﻳﺎﻱ ﺍﺑﺪ ﻣﺎﺑﻴﻪ ﺧﻴﺮ ﺍﻟﻬﻪ
ﻛﻠﺒﻲ ﻳﻮﺟﻌﻨﻲ ﻋﻠﻴﻬﻪ ﺣﻴﻞ ﻭﺭﻭﺣﻲ ﻣﻬﺪﻭﺩﻩ ﻋﻠﻴﻬﻪ ﻣﺎﻛﻮ ﻟﺤﻈﻪ ﺍﺫﺍ ﻣﻮ ﺑﺒﺎﻟﻲ ﻫﻴﻪ
ﻣﺎﻛﻮ ﻳﻮﻡ ﺧﻠﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﺍﺫﺍ ﻣﺎ ﺍﺫﻛﺮﻫﻪ ﻣﻦ ﺗﺤﺠﻲ ﻭﺗﻌﻠﺞ ﺩﻙ ﻣﻮﺑﺎﻳﻞ ﻣﺤﺐ
ﺑﺎﻭﻋﺖ ﺍﺭﻳﺞ ﻻﻥ ﺟﺎﻥ ﻛﺎﻋﺪ ﻳﻤﻲ ﺍﻟﻜﺮﺳﻲ ﻣﺎﻟﺘﻪ
ﺍﺥ ﺷﻠﻮﻥ ﺻﺪﻓﻪ ﻭﺍﺣﻠﻰ ﺻﺪﻓﻪ ﻻﻥ ﻣﺎﺍﻋﺮﻑ ﻋﻨﻬﻪ ﺷﻲ
ﺟﺎﻧﺖ ﻫﺪﻳﻪ ﺗﺘﺼﻞ ﻋﻠﻴﻬﻪ ﺑﺲ ﻫﻴﻪ ﻛﺎﻣﺖ ﻣﺘﺠﺎﻭﺑﻬﻪ
ﻣﺤﺐ / ﻫﻠﻪ ﻭﺍﻟﻠﻪ
ﺍﺭﻳﺞ / ﺷﻠﻮﻧﻚ ﺍﺑﻮ ﺍﻣﻴﺮ
ﻣﺤﺐ / ﺍﻧﻲ ﺑﺨﻴﺮ ﺍﻧﺘﻲ ﺷﻠﻮﻧﺞ
ﺍﺭﻳﺞ / ﺍﻟﺤﻤﺪﻟﻠﻪ ﺯﻳﻨﻪ ﺷﻨﻮ ﺍﺧﺒﺎﺭﻛﻢ ﺍﻥ ﺷﺎﺀ ﺍﻟﻠﻪ ﺯﻳﻨﻦ
ﻣﺤﺐ / ﻭﺍﻟﻠﻪ ﺯﻳﻨﻴﻦ ﺍﻧﺘﻲ ﺷﻠﻮﻧﺞ ﺍﺧﺒﺎﺭﺝ ﺍﻥ ﺷﺎﺀ ﺍﻟﻠﻪ ﻣﺮﺗﺎﺣﻪ
ﺍﺭﻳﺞ / ﺍﻟﺤﻤﺪﻟﻠﻪ ﺣﺮﺕ ﺷﻠﻮﻥ ﺍﺑﺪﻱ ﻭﻳﺎ ﺑﺎﻟﻜﻼﻡ
ﻣﺤﺐ / ﺍﺧﻮﺝ ﺷﻠﻮﻧﻪ ﺍﻥ ﺷﺎﺀ ﺍﻟﻠﻪ ﺯﻳﻦ
ﺍﺭﻳﺞ / ﻫﻮ ﺍﻧﻲ ﺍﺗﺼﻠﺖ ﺑﻴﻚ ﻋﻠﻤﻮﺩﻩ ﻣﺎﺍﺩﺭﻱ ﺷﻠﻮﻥ ﺍﺑﺪﻱ ﻭﻳﺎﻙ ﺑﺎﻟﻜﻼﻡ ﺍﻧﺖ ﺑﻴﻮﻡ ﻣﻦ ﺍﻻﻳﺎﻡ ﻛﺘﻠﻲ ﺍﻋﺘﺒﺮﻳﻨﻲ ﺍﺧﻮﺝ ﻭﺍﻧﺖ ﺑﺎﻟﻨﺴﺒﻪ ﺍﻟﻲ ﺑﻤﻘﺎﻡ ﺍﺧﻮﻳﻪ
ﺍﻛﻴﺪ ﺍﻧﺘﻲ ﺣﺎﻟﺞ ﺣﺎﻝ ﺭﻳﺎﻡ ﺍﻟﻠﻪ ﻳﺸﻬﺪ
ﺍﻳﻬﺎﺏ / ﺟﺎﻥ ﻛﺎﻋﺪ ﻛﺎﻡ ﻋﺎﻓﻨﻲ ﻭﻃﻠﻊ ﺑﺮﻩ ﻳﺤﺠﻲ
ﺑﻘﻴﺖ ﺍﺑﺎﻭﻉ ﻋﻠﻲ ﻣﻦ ﺑﻌﻴﺪ ﺟﺎﻥ ﻣﺴﺘﻤﺮ ﻳﺤﺠﻲ
ﺍﺭﻳﺞ / ﻧﻬﻴﺖ ﻭﻳﻪ ﻣﺤﺐ ﺍﻟﻤﻜﺎﻟﻤﻪ ﻭﻋﺪﻧﻲ ﻫﻮ ﻳﺸﻮﻓﻠﻪ ﺷﻐﻠﻪ ﻣﻨﺎﺳﺒﻪ ﻭﻳﺮﺟﻌﻠﻲ ﺍﻟﺠﻮﺍﺏ
ﻟﻠﻴﻞ ﺍﺗﺼﻞ ﺑﻴﻪ ﻣﺤﺐ ﻛﻠﻲ ﺻﺪﻳﻘﻲ ﻋﻨﺪﻩ ﻣﺤﻞ ﻣﺎﻝ ﺟﻤﻠﻪ
ﺍﻱ
ﺍﺧﻮﺝ ﺷﻠﻮﻧﻪ ﺑﺎﻟﺮﻳﺎﺿﻴﺎﺕ
ﻳﻌﻨﻲ ﺯﻳﻦ ﻳﻌﺮﻑ ﻳﺤﺴﺐ
ﺑﺎﻭﻋﻲ ﻭﺍﻟﻠﻪ ﻫﺴﻪ ﻣﺒﻘﻴﺖ ﻭﺍﺣﺪ ﻣﺘﺼﻠﺖ ﻋﻠﻲ ﻣﻦ ﺟﻤﺎﻋﺘﻲ ﺍﻟﻤﺸﻜﻠﻪ ﺧﻮﺝ ﺭﺟﻠﻪ ﻭﻣﺮﻳﺾ ﻣﻴﺘﺤﻤﻞ ﻳﺸﻴﻞ
ﻣﻜﺪﺭﺕ ﻋﺎﺩﻱ ﻣﻮ ﻣﺸﻜﻠﻪ ﻣﺸﻜﻮﺭ ﻣﻘﺼﺮﺕ
ﻻ ﺩﺳﻤﻌﻲ ﻟﺘﺼﻴﺮﻳﻦ ﺳﺒﻴﺠﻴﻪ ﺍﻧﻲ ﻟﻜﻴﺘﻠﻪ ﺑﺲ ﺑﻌﻴﺪ ﻋﻠﻴﻜﻢ ﻳﻜﻌﺪ ﺑﺎﻟﺤﺴﺎﺏ ﺑﻤﺤﻞ ﻣﺎﻝ ﺟﻤﻠﻪ
ﺍﺑﺘﺴﻤﺖ " ﺣﺘﻰ ﺍﺫﺍ ﺑﻌﻴﺪﻩ ﻫﻮ ﺭﺟﺎﻝ ﻗﺎﺑﻞ ﺷﻨﻮ
ﻭﺍﻟﻠﻪ ﺧﻮ ﺷﻐﻠﻪ ﻭﺍﻟﺮﺟﺎﻝ ﻛﻠﺶ ﺯﻳﻦ ﺑﺲ ﺍﻧﻲ ﺷﻠﺖ ﻫﻤﻪ ﻟﻠﻄﺮﻳﻖ ﻭﻫﻢ ﺧﻮﺵ ﻳﻮﻣﻴﻪ
ﺭﺣﻢ ﺍﻟﻠﻪ ﻭﺍﻟﺪﻳﻚ ﻣﺤﺐ ﻭﺍﻟﻠﻪ " ﻗﺎﻃﻌﻨﻲ
ﻛﺎﻓﻲ ﻟﺘﻠﺤﻴﻦ ﻣﺎﺍﺣﺐ ﻫﺎﻱ ﺍﻟﺴﻮﺍﻟﻒ
ﺿﺤﻜﺖ ﻣﺎﺷﻲ ﻣﺎﺍﻋﻄﻠﻚ
ﺑﻌﺪ ﻣﺘﺮﻳﺪﻳﻦ ﺷﻐﻠﻪ ﻣﻨﺎ ﻣﻨﺎ ﻣﺘﺴﺄﻟﻴﻦ ﻋﻠﻰ ﻭﺍﺣﺪ
ﺍﺧﺘﻔﺖ ﺍﺑﺘﺴﺎﻣﺘﻲ
ﺗﺮﻩ ﺍﻳﻬﺎﺏ ﻳﺤﺒﺞ ﺑﺲ ﺍﻳﻬﺎﺏ ﻣﻦ ﺍﻟﻨﻮﻉ ﺍﻟﺤﺴﺎﺱ ﺯﻳﺎﺩﻩ ﻣﻮﺿﻮﻋﺞ ﻭﺭﺍ ﺍﺩﻳﺎﻥ ﺍﺭﻳﺞ ﻟﺘﺘﻮﻗﻌﻴﻦ ﺍﻳﻬﺎﺏ ﻻﻥ ﺣﺐ ﺍﺩﻳﺎﻥ ﺍﻳﻬﺎﺏ ﺍﺑﺪ ﻣﺤﺒﻬﻪ ﺍﻟﻠﻪ ﻳﺮﺣﻤﻬﻪ ﺍﻳﻬﺎﺏ ﻻﻥ ﻫﻮ ﺩﺧﻠﻬﻪ ﻟﻠﺒﻴﺖ ﺑﺎﻭﻋﻲ ﺍﻧﻲ ﺗﺮﻩ ﻫﻢ ﺿﺎﻳﺞ ﻣﻨﺞ ﻭﻣﻦ ﺍﺣﺠﻲ ﻭﻳﺎﺝ ﻻﻥ ﺍﻋﺘﺒﺮﺗﺞ ﺍﺧﺘﻲ ﺍﻧﺘﻲ ﻫﻢ ﻏﻠﻄﺘﻲ
ﺷﻠﻮﻥ ﻏﻠﻄﺖ
ﺟﺎﻥ ﻣﻔﺮﻭﺽ ﺗﻜﻮﻟﻴﻦ ﻋﻠﻰ ﺍﻟﻮﻟﺪ ﺍﻻﻱ ﺷﺨﺺ ﻣﻊ ﺫﻟﻚ ﻫﻮ ﻣﺼﺪﻙ ﺑﺲ ﺍﻧﺠﺮﺡ ﺧﺎﺻﻪ ﻣﻦ ﺍﻣﻪ ﻛﺎﻟﺘﻠﻪ ﺗﻜﻮﻝ ﻳﻜﻠﻬﻪ ﻣﻌﻮﻕ ﻣﺘﺴﺘﺎﻫﻠﻴﻦ ﻭﺍﺣﺪ ﻣﺜﻠﻪ
ﻫﺎﻟﻜﻠﻤﻪ ﺧﻠﺘﻪ ﻳﺒﺘﻌﺪ ﻋﻨﺞ
ﺍﺑﻮ ﺍﻣﻴﺮ ﻣﺠﻨﺖ ﺍﻋﺮﻑ ﺭﺍﺡ ﺗﻮﺻﻞ ﺍﻟﻬﺎﻱ ﺍﻟﻤﺮﺣﻠﻪ ﻫﻮﺍﻱ ﺑﻨﺎﺕ ﻳﺘﻌﺮﺿﻦ ﺍﻟﻤﻀﺎﻳﻘﻪ ﻭﻳﺴﻜﺘﻦ ﻋﻠﻤﻮﺩ ﻣﺘﺼﻴﺮ ﻣﺸﺎﻛﻞ ﻛﻠﺖ ﻫﻮ ﻳﺰﻫﻚ ﻭﻳﻮﻟﻲ ﻣﻨﻲ ﻭﺍﻟﻠﻪ ﺣﺘﻰ ﻣﺎﺍﻋﺮﻓﻪ
ﺍﻧﻲ ﺍﺗﻤﻨﻰ ﻣﻦ ﻛﻠﺒﻲ ﺍﺫﺍ ﺑﻌﺪﺝ ﺗﺤﺒﻴﻦ ﺍﻳﻬﺎﺏ ﺗﺮﺟﻌﻴﻠﻪ
ﻭﺗﺴﺎﻋﺪﻱ ﻻﻥ ﻭﻳﺎﺝ ﺍﻳﻬﺎﺏ ﺻﺎﺭ ﻏﻴﺮ ﺍﻧﺴﺎﻥ ﻭﻫﺴﻪ ﻣﺘﺪﻣﺮ ﺍﺭﻳﺞ ﺍﻧﻲ ﺍﻳﻬﺎﺏ ﻣﻮ ﺑﺲ ﺍﺧﻮﻳﻪ ﺍﺑﻨﻲ ﻭﺍﻟﻠﻪ ﻭﻛﺎﻋﺪ ﺍﺷﻮﻓﻪ ﻣﺘﺪﻣﺮ ﻛﺒﺎﻟﻲ ﻣﺎﺍﺿﻐﻂ ﻋﻠﻴﺞ ﻭﻻ ﺍﺭﻳﺪﺝ ﺗﺮﺟﻌﻴﻠﻪ ﺍﻟﻪ ﺍﺫﺍ ﺟﻨﺘﻲ ﺗﺤﺒﻲ ﻣﺜﻞ ﻗﺒﻞ ﻻﻥ ﺍﺫﺍ ﻣﺘﺤﺒﻲ ﻣﺴﺘﺤﻴﻞ ﻳﺮﺟﻊ ﺍﻳﻬﺎﺏ ﻣﺜﻞ ﻣﺎﺍﻧﺘﻲ ﺟﻨﺘﻲ ﻭﻳﺎ ﻗﺒﻞ ﺣﺒﺞ ﺍﻟﻪ ﻫﻮ ﺍﻟﻲ ﻏﻴﺮﻩ ﻭﺧﻼ ﻋﻨﺪﻩ ﺛﻘﻪ ﺑﻨﻔﺴﻪ
ﺍﺩﺭﻱ ﺑﻴﺞ ﻣﺘﻜﺪﺭﻳﻦ ﺗﺠﺎﻭﺑﻴﻦ ﺍﻭ ﻣﻌﺮﻓﺘﻲ ﺑﺲ ﺍﺫﺍ ﺣﺴﻴﺘﻲ ﺍﻧﻲ ﺍﺟﻲ ﺍﻟﺒﻴﺘﺞ ﻭﺍﻧﺘﻲ ﻣﻌﺰﺯﻩ ﻣﻜﺮﻣﻪ ﺍﻃﻠﺐ ﺍﻳﺪ ﻣﻦ ﺍﺧﻮﺝ ﺍﻻﺧﻮﻳﻪ ﻟﺘﺠﺎﻭﺑﻴﻨﻲ ﻫﺴﻪ ﻓﻜﺮﻱ ﻭﺍﺧﺬﻱ ﺭﺍﺣﺘﺞ ﺑﺎﻟﺘﻔﻜﻴﺮ
ﻭﺍﻳﻬﺎﺏ
ﺷﺒﻲ ﺍﻳﻬﺎﺏ
ﻳﺮﻳﺪﻧﻲ ﻫﻮ ﻛﻠﻲ ﻣﺎﺍﺭﻳﺪﺝ ﻭﺻﺎﺭ ﺍﺷﻬﺮ ﺣﺘﻰ ﻣﺤﺎﻭﻝ ﻳﺘﺼﻞ ﺑﻴﻪ
ﻃﺎﻟﻊ ﻋﻠﻰ ﺧﺎﻟﺘﻪ ﻫﻤﻪ ﻣﺎﻝ ﺣﺮﻙ ﺑﺲ ﺍﺧﺎﻑ ﻋﻠﻰ ﺍﺧﺮﺗﻲ
ﺿﺤﻜﺖ
ﻓﻜﺮﻱ ﺯﻳﻦ ﻭﺍﻟﻠﻪ ﻛﺮﻳﻢ ﻭﻟﺘﻀﻐﻄﻴﻦ ﻋﻠﻰ ﺭﻭﺣﺞ ﻭﻟﺘﻨﺤﺮﺟﻴﻦ ﺑﺎﻟﺠﺎﻭﺏ ﺍﻧﻲ ﺑﺎﻟﺤﺎﻟﺘﻴﻦ ﺍﺧﻮﺝ
ﺳﺪﻳﺘﻪ ﻣﻨﻪ ﺟﻨﺖ ﻓﺮﺣﺎﻧﻪ ﺍﻟﺸﻐﻞ ﺍﺧﻮﻳﻪ ﻭﺍﻧﻘﻬﺮﺕ
ﻣﻦ ﻓﺘﺢ ﻭﻳﺎﻱ ﻫﺬﺍ ﺍﻟﻤﻮﺿﻮﻉ ﻻﻥ ﺟﻨﺖ ﺧﺎﺻﻤﺘﻪ ﺑﺪﺍﺧﻠﻲ
ﻣﺎﺍﺭﻳﺪ ﺍﺭﺟﻊ ﺍﻝ ﺍﻳﻬﺎﺏ
ﺑﺸﺮﺕ ﺍﺧﻮﻳﻪ ﺑﺎﻟﺸﻐﻞ ﻭﻓﺮﺡ ﺣﻴﻞ ﻭﻣﺤﺐ ﺍﺧﺬ ﺭﻗﻤﻪ ﻭﻫﻮ ﺍﺗﻔﻖ ﻭﺩﻻ
ﻭﺧﻠﻴﺖ ﺍﺧﻮﻳﻪ ﻳﺸﺘﺮﻳﻠﻲ ﺗﻨﻮﺭ ﻭﻛﻤﺖ ﺍﺧﺒﺰ ﺑﺎﻟﺒﻴﺖ ﻭﺍﺳﻮﻱ ﻛﺒﻪ ﻭﻃﺮﺷﻲ ﻭﺍﺑﻴﻌﻬﻦ
ﻭﺟﺎﻧﺖ ﺟﺎﺭﺗﻨﻪ ﺗﺮﻭﺡ ﻟﻠﻤﻈﺎﻫﺮﺍﺕ ﺗﻮﺩﻱ ﺍﻛﻞ ﻟﻠﻤﺘﻈﺎﻫﺮﻳﻦ
ﺧﺒﺰﺗﻠﻬﻪ ﺍﻧﻲ ﻫﻢ ﻣﻨﻲ ﻭﻭﺍﻧﻄﻴﺘﻪ ﺍﻟﻬﻪ ﻭﻣﺮﻩ ﺭﺣﺖ ﻭﻳﻪ ﺍﺧﻮﻳﻪ ﻭﺣﻴﺎﺗﻲ ﻣﺸﺖ ﻃﺒﻴﻌﻴﻪ ﻣﺎﺍﻧﻜﺮ ﻣﺎﺍﺗﺬﻛﺮﻩ ﻳﻮﻣﻴﻪ ﺍﺗﺬﻛﺮﻩ ﺑﻜﻞ ﻭﻗﺖ ﻻﻥ ﺍﻟﺤﺐ ﻭﺍﻟﻜﻼﻡ ﺍﻟﻲ ﺣﺴﻴﻨﻲ ﺑﻲ ﺑﺬﻳﺞ ﺍﻟﻔﺘﺮﻩ ﻣﻴﻨﺴﻲ ﻭﻣﺤﺐ ﻣﺒﻴﻦ ﻋﺮﻑ ﺟﻮﺍﺑﻲ ﺑﺪﻭﻥ ﻣﺎﺍﻛﻠﻪ
ﺟﻨﺖ ﻛﺎﻋﺪﻩ ﺍﺧﺒﺰ ﺑﺴﺒﺐ ﺍﻟﺨﺒﺰ ﺗﻌﺮﻓﺖ ﻋﻠﻰ ﻫﻮﺍﻱ ﻧﺴﻮﺍﻥ ﻣﻦ ﺿﻤﻨﻬﻦ ﻭﺣﺪﻩ ﻛﺎﻋﺪﻩ ﻣﻦ ﺍﺧﺒﺰ ﺗﺒﺎﻭﻋﻠﻲ
ﺍﻛﻠﺞ ﺣﺒﻴﺒﻪ ﻣﺎﺍﺩﺭﻱ ﺷﻠﻮﻥ ﺍﻓﺘﺢ ﻭﻳﺎﺝ ﺍﻟﻤﻮﺿﻮﻉ
ﺧﻴﺮﺝ ﺧﺎﻟﻪ
ﺍﺧﻮﻳﻪ ﻳﺪﻭﺭﻟﻪ ﻋﻠﻰ ﻋﺮﻭﺳﻪ ﻭﻣﺠﻴﺘﻲ ﻭﺣﺪﻩ ﺑﺒﺎﻟﻲ ﻏﻴﺮﺝ ﺑﻨﻴﻪ ﺑﺖ ﺍﻭﺍﺩﻡ ﻭﺣﻠﻮﻩ ﻭﻧﺎﺩﺭﻩ ﺍﺗﻤﻨﻰ ﺗﺼﻴﺮﻳﻦ ﻣﻦ ﻧﺼﻴﺐ ﺍﺧﻮﻳﻪ
ﺍﻧﻲ ﻣﺘﺰﻭﺟﻪ ﻗﺒﻞ ﻣﺎﻟﻪ ﻭﻣﺘﻄﻠﻜﻪ
ﺍﻱ ﺍﻋﺮﻑ ﻛﺎﻟﺘﻠﻲ ﺍﻡ ﺍﻣﻴﺮ ﻭﺍﺧﻮﻳﻪ ﻫﻢ ﻣﻄﻠﻚ ﻭﻣﺎﻋﻨﺪﻩ ﺍﻃﻔﺎﻝ ﺍﻃﻤﺌﻨﻲ ﺗﺰﻭﺝ ﻭﻣﻦ ﺍﻭﻝ ﻣﺘﺰﻭﺝ ﻳﺎ ﻋﻴﻨﻲ ﻛﺮﺗﻪ ﺗﺨﺒﻠﺖ ﻭﺗﺼﻴﺢ ﻣﺎﺍﺭﻳﺪﻩ ﻭﻫﻮ ﻭﺍﻟﻠﻪ ﻣﻮ ﻻﻥ ﺍﺧﻮﻳﻪ ﻻ ﻭﺍﻟﻠﻪ
ﻓﻘﻴﺮ ﺑﺲ ﻣﺎﻋﻨﺪﻩ ﺣﻆ
ﺑﺎﻭﻋﺖ ﻋﻠﻴﻬﻪ ﺧﺠﻠﺖ ﻣﻌﺮﻓﺖ ﺷﺠﺎﻭﺑﻬﻪ
ﻭﺍﻟﻠﻪ ﻣﺎﺍﺩﺭﻱ ﺷﻜﻠﺞ ﺧﺎﻟﻪ
ﻭﺍﻟﻠﻪ ﺍﻧﻲ ﺍﺭﻳﺪﻟﺞ ﺍﻟﺨﻴﺮ ﺧﻮﺵ ﺑﻨﻴﻪ ﺍﻧﺘﻲ ﻭﺍﺧﻮﻳﻪ ﻣﻮﻇﻒ ﻭﻋﻨﺪﻩ ﺭﺍﺗﺐ ﻭﺑﺲ ﺍﻣﻲ ﻣﻮﺟﻮﺩﻩ ﺍﺧﻮﺗﻲ ﻛﻠﻬﻢ ﻃﺎﻟﻌﻴﻦ
ﻃﻠﻌﺖ ﻣﻦ ﻳﻤﻲ ﻭﺍﻧﻲ ﺣﺎﻳﺮﻩ ﺍﺻﻼً ﻫﺎﻱ ﺍﻟﻤﺮﻩ ﻛﻠﻬﻦ ﺍﻟﻨﺴﻮﺍﻥ ﻳﺤﻤﺪﻥ ﺑﻴﻬﻪ ﻭﺍﻳﻬﺎﺏ ﺻﻔﺤﻪ ﻃﻮﻳﺘﻬﻪ ﻣﻦ ﺣﻴﺎﺗﻲ
ﻻﻥ ﻫﻮ ﺍﺑﺪ ﻣﺘﺤﺮﻙ ﺧﻄﻮﻩ ﺗﺠﺎﻫﻲ
ﺑﻘﻴﺖ ﺣﺎﻳﺮﻩ ﺍﻓﻜﺮ ﺍﻟﺤﺪ ﻣﺎ ﻭﺻﻠﺖ ﺍﻟﻘﻨﺎﻋﻪ ﺑﻴﻨﻲ ﻭﺑﻴﻦ ﻧﻔﺴﻲ ﺍﻗﺒﻞ ﺍﻟﻮﻟﺪ ﺷﻜﻠﻪ ﺣﻠﻮ ﻭﻣﺮﺗﺐ ﺍﻧﻄﺘﻨﻲ ﺍﺳﻢ ﺣﺴﺎﺑﻪ ﺷﻔﺖ ﻛﻞ ﺻﻮﺭﻩ ﻣﻴﺘﻌﻴﺐ ﻭﻣﺒﻴﻦ ﻣﺘﺪﻳﻦ
ﺑﺲ ﻛﻠﺒﻲ ﻳﻮﺟﻌﻨﻲ ﺧﺎﻳﻔﻪ ﺧﺎﻑ ﺍﺗﻨﺪﻡ
ﺍﻳﻬﺎﺏ / ﺷﻜﺪ ﺳﺎﻋﺎﺕ ﺍﻓﻜﺮ ﺍﺩﺯﻟﻬﻪ ﺭﺳﺎﻟﻪ
ﺑﺲ ﺧﺠﻼﻥ ﻣﻨﻬﻪ ﺷﻜﻠﻠﻬﻪ ﻋﻔﺘﺞ ﻭﻫﻨﺘﺞ ﻛﺘﻠﺞ ﻟﻴﺶ ﺑﺎﻗﻴﻪ ﻭﻫﺴﻪ ﺍﻛﻠﺞ ﻣﺘﻨﺪﻡ ﺗﻨﺪﻣﺖ ﻣﻦ ﺍﻭﻝ ﻣﺤﺠﻴﺖ ﻫﺎﻱ ﺍﻟﻜﻠﻤﻪ ﻭﻛﻌﺪﺕ ﺍﻗﻨﻊ ﺭﻭﺣﻲ ﺍﺣﺴﻦ ﺍﻇﻠﻤﻬﻪ ﻭﻣﺘﺴﺘﺎﻫﻞ
ﻭﺍﺭﺟﻊ ﻭﺍﺣﻮﻝ ﺍﺳﺘﺎﻫﻞ ﺍﺗﻮﺟﻊ ﺣﻮﺑﺔ ﺍﺩﻳﺎﻥ ﻃﻠﻜﺖ ﺍﻟﺪﻧﻴﺎ ﻭﻋﺰﻟﺘﻲ ﻭﺳﺮﻳﺮﻱ ﻫﻴﻪ ﺭﺍﺣﺘﻲ
ﻣﻦ ﺻﺎﺭﺕ ﺍﻟﻤﻈﺎﻫﺮﺍﺕ ﻛﻠﺖ ﺧﻞ ﺍﺭﻭﺡ ﺣﺎﻟﻲ ﺣﺎﻝ ﺍﻟﺸﺒﺎﺏ ﺭﺣﺖ ﻭﻳﻪ ﺳﺎﻣﺮ ﻭﻧﺠﻢ ﺷﻮﻳﻪ ﻏﻴﺮﺕ ﺟﻮ ﻭﺣﺒﻴﺖ ﺍﺿﻴﻒ ﺻﻮﺗﻲ ﻭﻛﻠﺖ ﺑﻠﻜﺖ ﺍﻣﻮﺕ
ﻣﺤﺐ ﺍﺟﻪ ﻫﻤﺎﻙ ﺷﺎﻓﻨﻲ ﺗﺨﺒﻞ ﺍﺗﻌﺎﺭﻙ ﻭﻳﺎﻫﻢ ﻭﺭﺟﻌﻮﻧﻲ ﺭﺩﺕ ﺍﺣﺠﻲ ﻣﻨﻄﺎﻧﻲ ﻣﺠﺎﻝ ﺍﺣﺠﻲ
ﻭﻫﺬﺍ ﺍﻟﺸﻲ ﻳﺪﻣﺮﻧﻲ ﺗﻌﺼﺒﺖ ﺑﻮﻗﺘﻬﻪ ﻭﻛﺪﺍﻡ ﺍﻟﻜﻞ ﺟﺎﻭﺑﺘﻪ
ﻣﺎﻟﻚ ﻋﻼﻗﻪ ﺑﻴﻪ ﺍﺍﺍﺍﻧﻲ ﺟﺒﻴﺮ ﺩﻭﻣﻚ ﺑﺎﻭﺍﻣﺮﻙ ﺗﻜﻠﻲ ﺍﻧﺖ ﻋﺎﺟﺰ ﻣﻮ ﻣﻦ ﺣﻘﻚ ﺗﻘﺮﺭ ﻭﺗﺴﻮﻱ ﺷﻲ ﻧﺘﺮﺕ ﺑﻲ ﻛﺪﺍﻡ ﺟﻤﺎﻋﺘﻪ ﻭﺍﺧﻮﺍﻧﻲ ﺑﺎﻭﻉ ﻋﻠﻴﻪ ﺧﺰﺭﻧﻲ ﻭﻛﺎﻝ
ﺳﺎﻣﺮ ﺭﺟﻌﻪ ﻟﻠﺒﻴﺖ
ﻣﺎﺍﺭﺟﻊ
ﺍﻳﻬﺎﺍﺍﺍﺏ ﺍﻧﻲ ﻣﻜﺎﻋﺪ ﺍﻓﺮﺽ ﻋﻠﻴﻚ ﺍﻟﻮﺿﻊ ﻣﻮ ﺯﻳﻦ ﺩﺗﺸﻮﻓﻪ ﺍﺧﺎﻑ ﻋﻠﻴﻚ ﻣﻮ ﻭﻛﺖ ﻣﺠﺎﻣﻠﻪ ﺍﻧﻲ ﺍﻛﺪﺭ ﺍﺭﻛﺾ ﺍﻧﺖ ﻣﺘﻜﺪﺭ ﺟﺒﺮﻧﻲ ﺍﺭﺟﻊ ﻭﻣﻄﻠﻌﺖ ﺑﻌﺪ ﻭﻣﺤﺠﻴﺖ ﻭﻳﺎ
ﺍﻟﺠﻜﺎﻳﺮ ﺭﺍﺣﺘﻲ ﺻﺎﺭﺕ ﻭﺩﻣﻮﻋﻲ ﻋﻠﻰ ﺣﻴﺎﺗﻲ ﺍﻟﻲ ﻣﻔﻬﻤﺖ ﻣﻨﻬﻪ ﺷﻲ ﺍﺣﺲ ﻧﻔﺴﻲ ﻣﺘﻔﻠﺶ ﻛﻠﺶ ﻭﻣﻦ ﺭﺣﺖ ﻟﻠﺪﻛﺘﻮﺭ ﺗﻔﻠﺸﺖ ﺑﺎﻟﺰﺍﻳﺪ ﻻﺯﻡ ﻋﻤﻠﻴﻪ ﺑﺎﻣﺮﻳﻜﺎ ﺯﺭﻉ ﻭﻫﺎﻱ ﺗﻜﻠﻔﺘﻬﻪ ﻛﻠﺶ ﻏﺎﻟﻴﻪ ﻭﺍﻋﺮﻑ ﻣﻨﻬﻪ ﺭﺍﺡ ﻳﺘﻌﺐ ﻣﺤﺐ ﻭﺭﺍﺡ ﻳﺒﻘﻪ ﺗﻔﻜﻴﺮﻩ ﺑﻔﻠﻮﺱ ﺍﻟﻌﻤﻠﻴﻪ
ﺟﻨﺖ ﻣﺘﻤﺪﺩ ﺍﻟﺴﺎﻋﻪ ﺑﺎﻝ٢ ﻛﻞ ﺍﻏﻨﻴﻪ ﺍﺳﻤﻌﻬﻪ ﺍﺑﺠﻲ ﻭﺍﺗﺬﻛﺮﻫﻪ ﺑﻴﻬﻪ ﻭﺍﺑﺎﻭﻉ ﺻﻮﺭﻫﻪ
ﺟﻨﺖ ﻣﻘﺮﺏ ﺍﻟﺼﻮﺭﻩ ﻋﻠﻰ ﻋﻴﻮﻧﻬﻪ ﻭﺳﺎﻋﻪ ﻋﻠﻰ ﺷﻔﺘﻬﻪ
ﺑﺎﻟﺸﺎﺷﻪ ﺍﺟﺘﻨﻲ ﺭﺳﺎﻟﻪ
ﺑﺖ ﻛﻠﺒﻲ
ﺭﺃﺳﺎً ﻓﺘﺤﺘﻬﻪ
ﺭﺍﺡ ﺍﺗﺰﻭﺝ
ﺍﺣﺲ ﻣﺪﺭﻱ ﺷﺼﺎﺭ ﺑﻴﻪ ﻣﻦ ﻗﺮﻳﺖ ﺭﺳﺎﻟﺘﻬﻪ
ﺑﻘﻴﺖ ﺻﺎﻓﻦ ﻣﻌﻘﻮﻟﻪ
ﻣﺒﺮﻭﻙ ﺗﺴﺘﺎﻫﻠﻴﻦ ﻛﻞ ﺍﻟﺨﻴﺮ ﺍﻥ ﺷﺎﺀ ﺍﻟﻠﻪ ﻳﺴﻌﺪﺝ
ﺍﺭﻳﺞ / ﻣﺎﺍﺩﺭﻱ ﻟﻴﺶ ﺍﻧﻲ ﻗﺮﺭﺕ ﺍﻗﺒﻞ ﺑﺲ ﺩﺯﻳﺘﻠﻪ ﺭﺳﺎﻟﻪ
ﻳﻤﻜﻦ ﺍﺭﻳﺪﻩ ﻳﻤﻨﻌﻨﻲ ﺑﺲ ﺟﻮﺍﺑﻪ ﺗﻤﻨﻴﺘﻪ ﻳﻤﻲ ﻭﺍﺿﺮﺑﻪ ﻭﺍﻓﻮﺥ ﻛﻠﺒﻲ ﻭﺗﻨﺪﻣﺖ ﻻﻥ ﺩﺯﻳﺘﻠﻪ ﻃﻠﻌﺖ ﻣﻦ ﺍﻟﺪﺭﺩﺷﻪ ﻭﻏﻤﻀﺖ ﻋﻴﻨﻲ ﻭﻛﻤﺖ ﺍﺑﺠﻲ
ﻭﺍﻟﻮﻡ ﺑﻨﻔﺴﻲ ﻻﻥ ﺑﻌﺪﻧﻲ ﺍﺣﺒﻪ
ﺷﻮﻳﻪ ﻭﺻﻠﺘﻨﻲ ﺭﺳﺎﻟﻪ ﻓﺘﺤﺖ ﻋﻴﻨﻲ ﺑﺴﺮﻋﻪ ﺷﻔﺘﻪ ﻫﻮ ﻛﻠﺒﻲ ﻛﺎﻡ ﻳﺪﻙ ﻛﻠﺖ ﺍﻓﺘﺤﻬﻪ ﻟﻮ ﺍﺷﺘﻠﻪ ﺷﺘﻠﺘﻪ ﺷﻮﻳﻪ ﺭﺟﻊ ﺩﺯ ﺛﺎﻧﻴﻪ ﻛﻠﺖ ﺍﺷﺘﻠﻪ ﻫﻢ ﻫﺴﻪ ﻳﻜﻮﻝ ﻣﺼﺪﻛﺖ ﺍﺗﺼﻞ ﺍﺣﺘﺎﺭﻳﺖ ﻛﻤﺖ ﻭﻛﻔﺖ ﻃﺒﻜﺖ ﺍﻟﺒﺎﺏ ﺧﺎﻑ ﻳﺴﻤﻌﻨﻲ ﺍﺧﻮﻳﻪ ﻻﻥ ﻧﺎﻳﻢ ﺑﺎﻟﻬﻮﻝ ﻫﻮ ﺑﻴﺘﻨﻪ ﻫﻮﻝ ﻭﻏﺮﻓﻪ ﻭﻣﻄﺒﺦ ﺻﻔﻴﺮ ﻭﻛﻠﻬﻦ ﺻﻐﺎﺭ ﻋﻠﻰ ﻛﺪ ﺣﺎﻟﻨﻪ
ﻓﺘﺤﺖ ﺍﻟﺨﻂ
ﻟﻴﺶ ﻣﺘﻘﺮﻳﻦ ﺭﺳﺎﻟﺘﻲ
ﺷﺘﺮﻳﺪ ﺍﻳﻬﺎﺏ
ﺍﻗﺮﻱ ﺍﻟﺮﺳﺎﻟﻪ
ﻣﺎﺷﻲ ﺳﺪﻳﺘﻪ ﻭﻓﺘﺤﺖ ﺍﻟﺮﺳﺎﻟﻪ
ﻣﺎﺍﻋﺮﻑ ﺑﻴﺎ ﻭﺟﻪ ﺟﺎﻱ ﺍﻛﺘﺐ ﻛﺘﻠﺞ ﻣﺒﺮﻭﻙ ﻻﻥ ﺗﺴﺘﺎﻫﻠﻴﻦ ﺍﻧﺘﻲ ﻛﻞ ﺍﻟﺨﻴﺮ ﻭﺍﻛﻴﺪ ﻭﺗﺴﺘﺎﻫﻠﻴﻦ ﺍﻧﺴﺎﻥ ﻛﺎﻣﻞ
ﻟﺘﺘﻮﻗﻌﻴﻦ ﻋﻔﺘﺞ ﻻﻥ ﻣﺎﺍﺣﺒﺞ ﻝ ﻭﺍﻟﻠﻪ ﺍﻟﻠﻪ ﻳﺸﻬﺪ ﻋﻠﻴﻪ
ﺍﻧﺘﻲ ﺍﺣﻠﻰ ﺷﻲ ﻭﺍﺣﻠﻰ ﺣﺐ ﺻﺎﺭ ﺑﺤﻴﺎﺗﻲ
ﺍﻧﻲ ﺑﺪﻭﻧﺞ ﻣﺨﺘﻨﻚ ﻭﺿﺎﻳﻊ ﻭﻧﻮﻡ ﻣﺎﺍﻧﺎﻣﻪ
ﻣﺎﺍﻛﻠﺞ ﻫﻴﺞ ﻋﻠﻤﻮﺩ ﺗﺮﺟﻌﻴﻠﻲ ﻻﻥ ﺍﻧﻲ ﺍﺭﻳﺪﻟﺞ ﺍﻟﺨﻴﺮ
ﻭﺍﻟﺮﺳﺎﻟﻪ ﺍﻟﺜﺎﻧﻴﻪ
ﺍﻋﺮﻑ
ﺑﻴﺞ ﻣﺤﺒﻴﺒﺘﻴﻨﻲ ﻭﺟﻨﺘﻲ ﺗﺠﺎﻣﻠﻴﻨﻲ ﻭﺍﻟﺪﻟﻴﻞ ﻫﺴﻪ
ﺩﺯﻳﺘﻠﻪ ﻳﺎ ﺩﻟﻴﻞ ﻫﺬﺍ
ﻣﺎﺍﺣﺠﻲ ﻣﻴﻔﻴﺪ ﺍﻟﺤﺠﻲ ﻫﻮ ﺑﻌﺪ ﺭﺍﺡ ﺗﺘﺰﻭﺟﻴﻦ
ﺍﺟﺎﻣﻠﻚ ﺍﺟﺎﻣﻠﻚ ﺍﻧﺖ ﺷﻨﻮﻭﻭﻭﻭﻭ ﻣﻦ ﺑﺸﺮﺭﺭﺭﺭ ﺍﻧﺖ ﺩﻣﺮﺗﻨﻲ ﺍﻛﻠﻚ ﺍﺣﺒﻚ ﺍﻛﻠﻚ ﻭﻻ ﻳﻮﻡ ﺟﺎﻣﻠﺘﻚ ﻣﻴﻔﻴﺪ ﺷﺴﻮﻳﻠﻚ ﻟﻌﺪ
ﺍﺧﻮﻳﻪ ﻳﺮﻳﺪ ﻳﺘﺰﻭﺝ ﻭﺑﺴﺒﺒﻲ ﻣﻴﺘﺰﻭﺝ ﺍﻧﻲ ﺍﺩﺭﻱ ﻟﺬﻟﻚ ﻗﺒﻠﺖ ﺑﻲ
ﻳﻌﻨﻲ ﻣﺘﺤﺒﻲ
ﺟﺎﻭﺑﻴﻨﻲ ﺍﺭﻳﺞ ﻣﻮ ﺭﺍﺡ ﺍﻣﻮﺕ ﻭﺍﻟﻠﻪ ﺍﻧﻲ ﺍﺣﺒﺞ ﻭﺍﻟﻠﻪ ﻭﻣﻦ ﻛﻠﺘﻴﻠﻲ ﺭﺍﺡ ﺍﺗﺰﻭﺝ ﺣﺘﻰ ﻧﻔﺲ ﻣﺎﺍﻛﺪﺭ ﺍﺗﻨﻔﺲ
ﻟﺞ ﺍﻧﻲ ﺗﻌﺒﺎﻥ ﺑﺪﻭﻧﺞ ﺑﺲ ﻣﺎﺍﻛﺪﺭ ﺍﺣﺠﻲ ﻭﻳﺎﺝ ﻻﻥ ﻣﺎﺍﻋﺮﻑ
ﻭﺍﻟﻠﻪ ﺗﻌﺒﺎﻥ ﺗﻌﺒﺎﻥ ﺑﺪﻭﻧﺞ ﻭﺗﻌﺒﺎﻥ ﻣﻦ ﺗﺄﻧﻴﺐ ﺍﻟﺼﻤﻴﺮ ﻋﻠﻰ ﺍﺩﻳﺎﻥ ﻣﻮ ﻻﻥ ﺍﺣﺒﻬﻪ ﻭﻟﺞ ﺍﺭﻳﺞ ﺑﻨﻴﻪ ﺍﻧﻲ ﺿﺤﻜﺖ ﻋﻠﻴﻬﻪ ﻣﺎﺗﺖ ﻛﺒﺎﻟﻲ ﺭﻭﺣﻬﻪ ﻃﻠﻌﺖ ﻛﺒﺎﻟﻲ ﺭﺍﺡ ﺍﻣﻮﺕ ﻣﻦ ﻫﺬﺍ ﺍﻟﻤﻨﻈﺮ ﺍﻟﻲ ﻣﻴﻘﺒﻞ ﻳﺮﻭﺡ ﻣﻦ ﻛﺒﺎﻝ ﻋﻴﻨﻲ
ﻭﺗﻌﺒﺎﻥ ﻫﻢ ﺑﺪﻭﻧﺞ
ﻭﻫﺴﻪ ﺯﻭﺩﺗﻴﻬﻪ ﻋﻠﻴﻪ ﻭﺗﻜﻠﻴﻠﻲ ﺭﺍﺡ ﺍﺗﺰﻭﺝ ﺻﺢ
ﺣﺘﻜﻮﻟﻴﻦ ﺍﻧﺖ ﻋﻔﺘﻨﻲ ﺷﻌﻠﻴﻚ ﺑﻴﻪ
ﺟﻨﺖ ﺧﺎﻳﻒ ﻃﻮﻝ ﻫﺎﻱ ﺍﻟﻔﺘﺮﻩ ﺍﻧﺎﻧﻲ ﺍﻋﺮﻑ
ﺍﺭﻳﺞ / ﺍﻧﺖ ﺣﺘﻰ ﻣﺤﺎﻭﻟﺖ ﺗﺤﺠﻲ ﻭﻳﺎﻱ
ﺭﺃﺳﺎً ﺍﺗﺼﻞ ﻋﻠﻴﻪ
ﺟﺎﻭﺑﺘﻪ ﺍﻟﻮ
ﺍﺥ ﻳﺎ ﺻﻮﺗﺞ ﺍﻟﻲ ﻃﻮﻝ ﻫﺎﻟﻔﺘﺮﻩ ﺍﺣﻠﻢ ﺍﺳﻤﻌﻪ
ﺍﻱ ﺻﺤﻴﺢ
ﻭﺍﻟﻠﻪ ﻻﻥ ﻣﺎﻋﻨﺪﻱ ﻋﻴﻦ ﺍﺣﺠﻲ ﻭﻳﺎﺝ ﺧﺠﻼﻥ ﻣﻨﺞ ﻭﻣﺎﺍﺭﻳﺪ ﺍﺟﺒﺮﺝ ﺧﺎﻑ ﻣﻦ ﺍﺧﺎﺑﺮﺝ ﺗﻨﺤﺮﺟﻴﻦ ﻭﺗﺒﻘﻴﻦ ﻭﻳﺎﻱ
ﺍﻧﻲ ﺍﺣﺒﻚ ﻳﺎ ﺍﻧﺤﺮﺝ ﻭﺭﺃﺳﺎً ﺑﺠﻴﺖ
ﺍﻧﺖ ﺗﺪﺭﻱ ﺑﻴﻪ ﺑﺪﻭﻧﻚ ﺷﺼﺎﺭ
ﻣﺨﺘﻨﻜﻪ ﻭﻣﺎﻟﻲ ﻭﺍﻫﺲ ﻟﻠﺪﻧﻴﺎ ﻭﻳﻮﻣﻴﻪ ﺍﺣﺠﻲ ﻋﻠﻴﻚ ﻻﻥ ﺧﻠﻴﺘﻨﻲ ﺍﺣﺒﻚ ﻏﺸﻴﺘﻨﻲ ﺑﺴﻮﺍﻟﻔﻚ
ﻭﺍﻟﻠﻪ ﻣﻐﺸﻴﺘﺞ ﻭﻛﻞ ﻛﻠﻤﻪ ﺟﻨﺖ ﺍﺣﺠﻴﻬﻪ ﻭﻛﻞ ﻳﻮﻡ ﻋﺸﺖ ﺑﻲ ﻭﻳﺎﺝ ﺟﺎﻥ ﻣﻦ ﻛﻠﺒﻲ ﻭﻛﻞ ﺣﻮﺍﺳﻲ
ﻳﻌﻨﻲ ﺷﻨﻮ ﻫﺴﻪ ﺷﺴﻮﻱ ﺍﻧﻲ
ﻟﺘﻘﺒﻠﻴﻦ ﺑﻲ ﺑﺲ ﺍﺫﺍ ﺗﺤﺒﻲ ﻋﺎﺩﻱ ﺍﻫﻢ ﺷﻲ ﺳﻌﺎﺩﺗﺞ
ﻣﺎﺍﺍﺍﺍﺣﺒﻪ ﺍﺣﺒﻚ ﺍﻟﻚ ﺍﻓﻬﻢ ﻫﺬﺍ ﺍﻟﺸﻲ ﺗﺮﻩ ﻣﻮﺗﺘﻨﻲ
ﺍﻣﻮﺕ ﻋﻠﻴﺞ ﻭﺍﻟﻠﻪ ﺍﺥ ﻳﺎ ﺍﺭﻳﺞ ﻭﺍﻟﻠﻪ ﻟﻮ ﻣﺘﺰﻭﺟﻪ ﺍﻣﻮﺕ ﺍﻛﺜﺮ ﻣﻦ ﻣﻮﺗﻲ ﻫﺴﻪ ﺻﺪﻙ ﺗﺤﺠﻴﻦ ﻫﺬﺍ ﻭﻳﻨﻪ ﻫﺬﺍ ﻣﻨﻮ ﺍﻟﻲ ﻳﺮﻳﺪ ﻳﺎﺧﺬﺝ ﻣﻨﻲ
ﻭﻳﻨﻚ ﻟﻴﺶ ﺍﻧﺖ
ﻣﻮﺟﻮﺩﻭﺍﻟﻠﻪ ﻭﻣﺎﻓﺪﻳﻮﻡ ﻏﻴﺘﻲ ﻋﻦ ﻋﻴﻨﻲ
ﺣﺘﻰ ﺍﻟﻌﻠﺞ ﻟﻮ ﺷﺎﻳﻔﻪ ﻛﻢ ﺑﺎﻛﻴﺖ ﺑﺎﻛﻴﺖ ﺟﺒﺘﻪ ﺍﻟﺞ
ﺿﺤﻜﺖ ﺑﻄﻠﺘﻪ ﻟﻠﻌﻠﺞ
ﻫﺎﺍﺍﺍ ﺻﻼﻭﺍﺕ ﺷﻌﺠﺐ
ﺑﻜﻴﻔﻲ
ﺍﻣﻮﺕ ﻋﻠﻴﺞ ﻭﺍﻟﻠﻪ
ﺑﻘﻴﻨﻪ ﻧﺤﺠﻲ ﻟﻠﺼﺒﺢ ﻣﻜﺪﺭﺕ ﺍﺭﺗﺒﻂ ﺑﻐﻴﺮﻩ
ﺍﻳﻬﺎﺏ ﻣﻮ ﺍﻟﺸﺨﺺ ﺍﻟﻲ ﺍﻛﺪﺭ ﺍﻧﺴﻰ
ﺟﺎﻥ ﺍﻟﻲ ﺍﻣﺎﻥ ﺑﻮﻗﺖ ﺟﻨﺖ ﻣﺤﺘﺎﺟﻪ ﺍﻻﻣﺎﻥ ﺑﻲ
ﻫﺪﻳﻪ / ﻛﻌﺪﻧﻪ ﻣﻦ ﺍﻟﻨﻮﻡ ﺍﻟﺼﺒﺢ ﺍﻭﻝ ﻣﺎﺭﺣﺖ ﺍﻻﻳﻬﺎﺏ ﻛﻌﺪﺗﻪ ﻻﻥ ﻋﻨﺪﻩ ﻋﻼﺝ ﻭﻧﺠﻢ ﺧﺎﻑ ﻳﻄﻠﻊ ﺣﺘﻰ ﻳﻜﻮﻣﻪ
ﺷﻔﺖ ﻭﺟﻬﻪ ﻳﺨﺘﻠﻒ ﻛﻞ ﻣﺮﻩ ﺍﻳﻬﺎﺏ ﻣﻴﺘﺤﺎﺟﻪ ﻭﺿﺎﻳﺞ ﺣﺘﻰ ﺍﻛﺜﺮ ﻣﻦ ﻣﺮﻩ ﻳﺘﺠﺎﻭﺯ ﻋﻠﻴﻪ ﻭﺍﺫﺍ ﺍﺣﺪ ﺣﺠﻪ ﻋﻠﻲ ﻻﻥ ﻳﺸﺮﺏ ﺟﻜﺎﻳﺮ ﻳﻨﻬﺎﺭ ﻭﻳﺼﻴﺮ ﺍﻋﺼﺎﺏ ﻛﻌﺪ ﻣﺒﺘﺴﻢ ﺑﺎﻭﻋﺖ ﻋﻠﻲ ﻛﺘﻠﻪ ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ ﻭﺍﺟﻪ ﻧﺠﻢ ﻫﻢ ﻛﻮﻣﻪ ﺑﺪﻟﻪ ﻭﺩﺧﻠﻨﺎ ﻟﻠﻐﺮﻓﻪ ﻣﺎﻟﺘﻲ ﺍﻧﻲ ﻭﺷﻴﺮﻳﻦ ﻻﻥ ﺍﻟﻜﻌﺪﻩ ﺑﻴﻬﻪ
ﺟﻨﻪ ﻛﺎﻋﺪﻳﻦ ﺧﺎﻟﻴﻦ ﺍﻟﺼﻴﻨﻴﻪ ﺑﺎﻟﻜﺎﻉ ﺍﻧﻲ ﻭﺷﻴﺮﻳﻦ ﻭﺩﻻﻝ ﻭﺍﻭﻛﻞ ﻣﻼﻙ ﺧﺒﻠﺘﻨﻲ ﺍﻛﻌﺪﻫﻪ ﻭﺗﻜﻮﻡ
ﻓﺠﺄﻩ ﻛﺎﻝ ﺍﻳﻬﺎﺏ
ﺍﻧﻲ ﺣﺠﻴﺖ ﻭﻳﻪ ﺍﺭﻳﺞ
ﻛﺒﻞ ﺑﺎﻭﻋﺖ ﻋﻠﻲ ﺑﺎﺑﺘﺴﺎﻣﻪ ﻣﻊ ﺍﻟﻌﻠﻢ ﺿﺎﻳﺠﻪ ﻣﻨﻪ ﺻﺎﻳﺮ ﻣﻮ ﺫﺍﻙ ﺍﻳﻬﺎﺏ ﺍﻟﻘﺪﻳﻢ
ﺷﻴﺮﻳﻦ / ﻭﺍﻧﻲ ﺍﻛﻮﻝ ﻭﺟﻬﻚ ﻳﻀﺤﻚ ﺍﻟﻴﻮﻡ
ﺍﻱ ﺧﻴﺮﻫﻪ ﺍﺭﻳﺞ
ﺍﻳﻬﺎﺏ / ﺍﻟﻴﻮﻡ ﺭﺍﺡ ﺍﺣﺠﻲ ﻭﻳﻪ ﻣﺤﺐ ﻭﺍﺭﻭﺡ ﺍﺭﺟﻌﻬﻪ
ﻫﺪﻳﻪ / ﻭﺍﻟﻠﻪ ﺍﻟﻠﻪ ﺍﺣﻠﻰ ﺧﺒﺮ
ﺷﻴﺮﻳﻦ / ﻭﻣﻨﻮ ﻛﻠﻚ ﺍﻟﺒﻨﻴﻪ ﺗﻘﺒﻞ ﺗﺮﺟﻌﻠﻚ
ﻫﺪﻳﻪ / ﻳﻌﻨﻲ ﻟﻮ ﻣﺘﻘﺒﻞ ﺟﺎﻥ ﺣﺠﻪ ﻣﻮ ﺩﻳﻜﻮﻝ ﺣﺠﻴﺖ ﻭﻳﺎﻫﻪ ﻛﻤﺖ ﻣﺘﺤﻤﻠﺖ ﺷﺒﻜﺘﻪ ﻣﺒﺮﻭﻙ ﺍﻳﻬﺎﺏ ﺍﺣﻠﻰ ﺧﺒﺮ ﻫﺬﺍ ﻭﺍﻟﻠﻪ ﻣﻴﺘﻪ ﻗﻬﺮ ﻋﻠﻴﻜﻢ ﻭﺍﺩﺭﻱ ﺗﺤﺒﻬﻪ ﻭﺗﻜﺎﺑﺮ
ﺍﻳﻬﺎﺏ / ﻳﻮﻡ ﺍﻻﻟﺞ ﺍﻧﺘﻲ ﻭﺍﻟﻠﻪ ﻳﺤﻨﻦ ﻛﻠﺒﺞ ﻋﻠﻰ ﺍﺧﻮﻳﻪ
ﺷﻴﺮﻳﻦ / ﺍﻱ ﻭﺍﻟﻠﻪ ﺧﻄﻴﻪ
ﻫﺪﻳﻪ / ﺑﺎﻭﻋﺖ ﻋﻠﻴﻬﻪ ﺷﻌﺠﺐ
ﺷﻴﺮﻳﻦ / ﺻﺢ ﻋﻨﺪﻩ ﺳﻮﺍﻟﻒ ﻣﺤﻠﻮﻩ ﺑﺲ ﻣﺎﺍﻛﺪﺭ ﺍﻧﻜﺮ ﻳﺤﺒﺞ ﻭﺳﻮﻩ ﻫﻮﺍﻱ ﺍﺷﻴﺎﺀ ﻣﻮ ﻛﻞ ﺭﺟﺎﻝ ﻳﺴﻮﻳﻬﻪ ﺍﻟﻠﻪ ﻳﺼﻠﺢ ﺣﺎﻟﺞ
ﻣﺤﺐ ﺻﻔﺤﻪ ﻃﻮﻳﺘﻬﻪ ﺑﺤﻴﺎﺗﻲ ﺍﻟﻤﺴﺄﻟﻪ ﺧﺎﺭﺟﻪ ﻋﻦ ﺍﺭﺍﺩﺗﻲ ﻣﺎﺍﺭﻳﺪﻩ ﻳﻠﺢ ﻋﻠﻴﻪ ﻭﻣﻔﺮﺣﺎﻧﻪ ﺍﺑﺪ ﻣﻦ ﻳﻠﺢ ﻭﺍﺭﻓﺾ ﺑﺲ ﻃﺎﻗﺘﻲ ﺧﻠﺼﺖ ﻭﺍﺧﺎﻑ ﺍﻋﻴﺶ ﻭﻳﺎ ﺑﻌﺪ ﻭﻫﻢ ﺍﻛﻮ ﺷﻲ ﻳﻤﻨﻌﻨﻲ ﻋﻨﻪ ﻭﻫﻮ ﻫﻢ ﺍﺳﺘﺴﻠﻢ ﻛﻠﺶ ﺑﺲ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ
ﺍﺷﻮﻑ ﺳﺘﻮﺭﻱ ﺍﻏﺎﻧﻲ ﺍﺷﺘﻴﺎﻕ
ﺍﺟﻪ ﻣﺤﺐ ﺍﻟﻌﺼﺮ ﻛﺎﺷﺦ ﻻﻥ ﺧﺎﺑﺮﻩ ﺍﻳﻬﺎﺏ ﺟﻨﺖ ﺍﺳﺒﺢ ﻣﻼﻙ ﻻﻥ ﻛﺎﻳﻞ ﺍﻝ ﺍﻳﻬﺎﺏ ﺧﻞ ﺗﺒﺪﻟﻠﻬﻪ ﺍﺧﺬﻫﻪ ﻭﻳﺎﻱ
ﻭﺷﻴﺮﻳﻦ ﻫﻢ ﻭﻳﺎﻫﻢ ﺩﺗﺒﺪﻝ ﺍﻣﺎ ﻓﻼﺡ ﺍﺑﻦ ﻋﻤﻲ ﺃﻳﺲ ﻣﻨﻲ ﻭﻣﻦ ﻣﺤﺐ ﻭﺍﺻﻼً ﻛﻞ ﻭﺍﺣﺪ ﺣﺎﻳﺮ ﺑﻬﻤﻪ
ﻃﻠﻌﺖ ﺻﺎﺭ ﻛﺒﺎﻟﻲ ﻣﺤﺐ ﻧﻔﺲ ﺳﺘﺎﻳﻠﻪ ﺍﻻﺳﻮﺩ
ﺑﺲ ﺟﺎﻥ ﺷﻮﻳﻪ ﺳﻤﻨﺎﻥ ﺻﺎﻳﺮ ﺍﺣﻠﻰ
ﺷﻠﻮﻧﺞ ﻫﺪﻳﻪ
ﺯﻳﻨﻪ
ﺍﺳﺘﻌﺠﻠﻴﻠﻲ ﻣﻠﻮﻛﻪ
ﺍﻱ ﺑﺴﺮﻋﻪ ﻫﺴﻪ ﺩﺧﻠﺘﻬﻪ ﻟﻠﻐﺮﻓﻪ ﺑﺪﻟﺘﻠﻬﻪ ﺟﺎﻧﺖ ﺩﺑﺪﻭﺑﻪ ﻭﺗﺨﺒﻞ ﺑﻴﻀﻪ ﻣﻼﻣﺢ ﻭﺷﻜﺎﺭ ﺳﺎﻣﺮ ﻃﺎﻟﻌﻪ ﻋﻠﻰ ﻋﻤﻬﻪ
ﻭﻫﻮ ﺩﻭﻡ ﻳﻜﻮﻝ ﺗﺸﺒﻬﻨﻲ ﻟﺒﺴﺘﻬﻪ ﻧﻔﻨﻮﻑ ﺟﺎﻧﺖ ﺗﻤﺸﻲ ﻭﺩﺑﺪﻭﺑﻪ ﻭﻟﺒﺴﺘﻬﻪ ﻣﻨﺎﻇﺮ ﻭﺍﺧﺬﺗﻠﻬﻪ ﺻﻮﺭ ﺿﺎﺟﺖ ﻛﺎﻣﺖ ﺗﺒﺠﻲ ﻻﻥ ﻟﺤﻴﺖ ﻋﻠﻴﻬﻪ ﺍﺭﻳﺪ ﺍﺧﺬﻟﻬﻪ ﺻﻮﺭﻩ ﺣﻠﻮﻩ ﻭﻫﻴﻪ ﻟﻮ ﺗﻜﻌﺪ ﻟﻮ ﺗﻠﻌﺐ ﺑﺎﻟﻤﺸﻂ ﻟﻮ ﺷﻮﻑ
ﻭﻃﻠﻌﺖ ﻫﻴﻪ ﺗﺮﻛﺾ ﺍﻝ ﺍﺑﻮﻫﻪ ﺗﺒﺠﻲ
ﻛﺎﻋﺪ ﺍﺷﻴﻞ ﺑﺎﻏﺮﺍﺿﻬﻪ ﺍﺭﺗﺒﻬﻦ ﻣﺎﺍﺣﺲ ﺍﻟﻪ ﺩﺧﻞ ﻣﺤﺐ
ﺷﻤﺴﻮﻳﻪ ﺍﻝ ﻣﻼﻙ
ﻛﻠﺸﻲ ﻣﻤﺴﻮﻳﺘﻠﻬﻪ
ﺗﻘﺮﺏ ﻋﻠﻴﻪ
ﺍﻟﻨﺎﺱ ﺗﺰﻭﺟﺖ ﻭﺗﻄﻠﻜﺖ ﻭﻣﺎﺗﺖ ﻭﺍﻟﻲ ﺗﻄﻠﻜﻮ ﺭﺟﻌﻮ ﻭﺍﻧﺘﻲ ﺑﻌﺪﺝ
ﺑﺪﻭﻥ ﻣﺎﺍﺑﺎﻭﻉ ﻛﺘﻠﻪ ﺍﻧﺖ ﻣﻜﺎﻋﺪ ﺗﻔﻬﻢ ﺷﺴﻮﻳﻠﻚ
ﺗﺮﻳﺪﻧﻲ ﺍﺭﺟﻌﻠﻚ ﻏﺼﺒﺎً ﻣﺎﻋﻠﻴﻪ
ﻻ ﻳﺎ ﺑﻮﻱ ﻻ ﺍﺭﻳﺪ ﻧﺮﺟﻊ ﻭﻻ ﺷﻲ ﺍﻧﻲ ﺍﻟﻤﻴﺮﻳﺪﻧﻲ ﻣﺎﺍﻛﻠﺒﻪ ﺑﺰﺑﺎﻧﻪ
ﺑﺎﻭﻋﺖ ﻋﻠﻲ ﻭﺭﻓﻌﺖ ﺣﺎﺟﺒﻲ ﻻ ﻭﺍﻟﻠﻪ
ﻃﻠﻊ ﻭﺭﺍﺣﻮ ﻧﻈﻔﺖ ﺍﻟﺒﻴﺖ ﺍﻧﻲ ﻭﺩﻻﻝ ﻭﺭﺗﺒﻨﻪ ﻏﺮﻓﺔ ﺍﻳﻬﺎﺏ ﻭﺍﺭﻳﺞ ﻓﺮﺷﺘﻠﻬﻢ ﻓﺮﺷﺔ ﺍﻟﻌﺮﺱ ﻋﺮﺳﺎﻥ ﻳﻌﺘﺒﺮﻭﻥ
ﺍﺭﻳﺞ / ﺟﻨﺖ ﻃﺎﻳﺮﻩ ﻣﻦ ﺍﻟﻔﺮﺣﻪ ﺍﺟﻮﻱ ﻭﺟﻨﺖ ﻓﺮﺣﺎﻧﻪ ﻣﻦ ﺭﺟﻊ ﻃﻠﺒﻨﻲ ﻣﺤﺐ ﻣﻦ ﺧﻄﺒﻨﻲ ﺍﻭﻝ ﻣﺮﻩ ﻣﻮ ﻣﻦ ﺍﺧﻮﻳﻪ ﻭﺟﻨﺖ ﻣﺠﺒﻮﺭﻩ ﻭﺣﺰﻳﻨﻪ ﻫﺴﻪ ﻃﺎﻳﺮﻩ ﻣﻦ ﺍﻟﻔﺮﺡ
ﺑﺲ ﻫﻢ ﺍﻳﻬﺎﺏ ﺍﻟﺤﺰﻥ ﻣﻐﻴﻢ ﻋﻠﻰ ﻋﻴﻨﻪ
ﺗﺰﻭﺟﻨﺎ ﻣﻦ ﺟﺪﻳﺪ ﻋﻘﺪﻟﻨﻪ ﺍﻟﺴﻴﺪ ﺍﻡ ﺍﻳﻬﺎﺏ ﺟﺎﻧﺖ ﻃﺒﻴﻌﻴﻪ ﻭﻳﺎﻱ ﻭﻓﺮﺣﺎﻧﻪ ﻣﺜﻞ ﻗﺒﻞ ﺭﺟﻌﺖ ﺑﻮﺳﺘﻨﻲ ﻭﺑﺎﺭﻛﺘﻠﻲ
ﺑﻮﺳﺖ ﺍﺧﻮﻳﻪ ﻭﺭﺟﻌﺖ ﻭﻳﻪ ﺣﺒﻴﺐ ﻛﻠﺒﻲ
ﺍﻟﺤﺐ ﺍﻟﻲ ﻣﻜﺪﺭﺕ ﺍﻧﺴﻰ ﺍﻟﻲ ﺟﺎﻥ ﻣﻤﺴﺰ ﺑﺎﻟﻨﺴﺒﻪ ﺍﻟﻲ ﻭﺭﺍﺡ ﻳﺒﻘﻰ ﻣﻤﻴﺰ ﺭﺟﻌﻨﻪ ﻟﻠﺒﻴﺖ ﻫﻠﻬﻠﺖ ﺍﻣﻪ ﻭﺑﺎﺭﻛﻠﻲ ﺍﻟﺒﻨﺎﺕ
ﺍﻟﺤﺪ ﻣﺎﺩﺧﻠﻨﻪ ﺍﻟﻐﺮﻓﺘﻨﻪ ﻣﺤﺎﺟﻴﻦ ﺳﻮﻩ
ﺍﻧﻄﺒﻚ ﺍﻟﺒﺎﺏ ﺑﻘﻴﺖ ﻭﺍﻛﻔﻪ ﺍﺑﺎﻭﻉ ﻋﻠﻲ ﻭﻫﻮ ﻳﺒﺎﻭﻉ ﻋﻠﻴﻪ ﺗﻘﺮﺏ ﺑﺎﻟﻜﺮﺳﻲ ﻳﻤﻲ
ﺷﻴﻠﻴﻨﻲ
ﺑﺎﻭﻋﺖ ﻋﻠﻲ
ﻧﻮﻣﻴﻨﻲ ﺑﻔﺮﺍﺷﻲ ﻟﻮ ﻫﺴﻪ ﻣﺘﻜﺪﺭﻳﻦ
ﺍﺑﺘﺴﻤﺖ ﺷﻠﻮﻥ ﻣﺎﺍﻛﺪﺭ
ﺧﺎﻑ ﻣﺘﺮﻳﺪﻳﻦ ﺗﻜﻮﻣﻴﻨﻲ
ﺩﻧﻜﺖ ﻋﻠﻲ ﻣﺜﻞ ﻗﺒﻞ ﺧﻠﻪ ﺍﻳﺪﻩ ﺑﺮﻛﺒﺘﻲ
ﺭﻓﻌﺘﻪ ﻭﻛﻊ ﺭﻭﺣﻪ ﻭﺳﺤﺒﻨﻲ ﻣﺘﺖ ﺿﺤﻚ
ﺻﺎﺭﺕ ﺑﻴﻪ ﻫﺴﺘﺮﻳﺎ ﻣﺎﻝ ﺿﺤﻚ
ﻭﻟﺞ ﻟﻴﺶ ﺗﻀﺤﻜﻴﻦ
ﻻﻥ ﻣﻦ ﻛﺘﻠﻲ ﺷﻴﻠﻴﻨﻲ ﻋﺮﻓﺘﻚ ﺭﺍﺡ ﺗﻮﻛﻌﻨﻲ ﻣﺜﻞ ﻗﺒﻞ ﻭﺿﺤﻜﺖ
ﺍﻟﻠﻪ ﻣﺸﺘﺎﻕ ﺍﻟﻀﺤﻜﺘﺞ ﻭﺍﻟﻠﻪ
ﺑﻘﻴﺖ ﺍﺿﺤﻚ ﻣﺜﻞ ﺍﻟﻤﺨﺒﻠﻪ
ﻛﺎﻓﻲ ﻭﻟﺞ ﺍﺭﻳﺪ ﺍﺑﻮﺳﺞ ﺧﺮﺑﺘﻲ ﺍﻡ ﺍﻟﺮﻭﻣﺎﻧﺴﻴﻪ
ﻫﻬﻬﻬﻪ ﺳﻜﺘﺖ ﺳﻜﺘﺖ ﺑﺲ ﺑﻌﺪ ﻟﺘﻌﻴﺪﻫﻪ
ﻳﻮﻣﻴﻪ ﺍﻋﻴﺪﻫﻪ ﻭﻳﻮﻣﻴﻪ ﺍﺗﻐﺰﻝ ﺑﻴﺞ ﻋﻨﺪﺝ ﻣﺎﻧﻊ
ﺑﻘﻴﺖ ﺍﺑﺎﻭﻉ ﻋﻠﻲ ﺳﻜﺘﺖ ﻣﻦ ﺍﻟﻀﺤﻚ
ﺍﺧﺎﻑ ﺍﺗﻌﻠﻖ ﺑﻴﻚ ﻭﻫﻢ
ﻳﺤﺒﻨﻲ ﻣﻦ ﺣﻨﺠﻲ ﻭﺑﺎﺳﻨﻲ
ﺍﺭﻳﺞ ﺗﻌﺮﻓﻴﻦ ﺷﻜﺪ ﻛﺎﻋﺪ ﺍﺣﻤﺪ ﺭﺏ ﺍﻟﻌﺎﻟﻤﻴﻦ
ﺷﻜﺪ
ﻣﺎﺍﻛﺪﺭ ﺍﻋﺪ ﺷﻜﺮﺍً ﻻﻥ ﺳﺎﻣﺤﺘﻴﻨﻲ ﻭﺭﺟﻌﺘﻴﻠﻲ ﻭﺍﻟﻠﻪ
ﻛﻤﺖ ﺍﺑﻮﺱ ﺑﻲ ﺑﻘﻴﻨﻪ ﺑﺎﻟﻜﺎﻉ ﻧﺎﻳﻤﻴﻦ ﺑﺤﻀﻨﻪ ﺟﻨﺖ ﻣﺸﺘﺎﻗﺘﻠﻪ ﺍﻟﺪﺭﺟﺔ ﻣﺘﻨﻮﺻﻒ
ﺳﺎﻣﺮ / ﺍﺩﻳﺎﻥ ﻣﺎﺍﻛﺪﺭ ﺍﻧﺴﺎﻫﻪ ﻣﺒﻘﺎﻟﻬﻪ ﺷﻲ ﻭﻳﺼﻴﺮﻟﻬﻪ ﺳﻨﻪ
ﻭﻣﺎﺍﻛﺪﺭ ﺍﻃﻠﻌﻬﻪ ﻣﻦ ﺫﺍﻛﺮﺗﻲ ﻣﺸﺒﻌﺖ ﻣﻨﻬﻪ
ﺟﻨﺖ ﺍﺯﻭﺭﻫﻪ ﺩﺍﺋﻤﺎً ﺑﺲ ﺻﺎﺭ ﺣﻈﺮ ﻣﻜﺪﺭﺕ ﺍﻭﺻﻠﻠﻬﻪ
ﻋﺎﺷﺖ ﻭﺣﻴﺪﻩ ﻋﺮﻓﺖ ﻣﻦ ﻣﺬﻛﺮﺍﺗﻬﻪ ﻫﻴﻪ ﻭﺣﻴﺪﻩ ﺩﺍﺋﻤﺎً
ﻭﻛﻞ ﻣﺎﺍﺭﻭﺡ ﻧﻔﺲ ﺍﻟﻜﻼﻡ ﻗﺒﻞ ﺍﻟﺤﻈﺮ ﺭﺣﺘﻠﻬﻪ ﻭﻛﻌﺪﺕ ﻳﻢ ﻛﺒﺮﻫﻪ ﺍﺳﻮﻟﻒ ﻭﻳﺎﻫﻪ
ﻋﺒﺎﻟﺞ ﺍﻧﺴﺎﺝ ﻣﺴﺘﺤﻴﻞ ﺍﻧﺴﺎﺝ
ﻳﻮﻣﻴﻪ ﺍﺷﺘﺎﻗﻠﺞ ﺍﻛﺜﺮ ﻣﺸﺒﻌﺖ ﻣﻨﺞ ﺍﺩﻳﺎﻥ ﻭﺍﻟﻠﻪ
ﻟﻮ ﻋﺎﻳﺸﻪ ﺟﺎﻥ ﻋﻮﺿﺘﺞ ﻋﻠﻰ ﻛﻞ ﻳﻮﻡ ﻋﺸﺘﻲ ﻣﺤﻠﻮ ﻣﻮ ﻻﻥ ﺍﻧﺘﻲ ﻣﻤﻮﺟﻮﺩﻩ ﻻ ﻭﺍﻟﻠﻪ ﻻ ﻻﻥ ﻗﺮﻳﺖ ﻣﺬﻛﺮﺍﺗﺞ ﺑﺲ ﺍﻧﻲ ﺍﺣﺒﺞ ﻣﺘﻲ ﻭﺍﻧﺘﻲ ﺩﺍﻳﺨﻪ ﻣﻨﻮ ﻣﻨﻌﺪﻧﻪ ﺣﺒﻴﺒﺘﻲ ﻭﻣﻨﻮ ﺍﻟﺠﺎﻥ ﻳﺤﺒﺞ ﻣﺮﺍﺡ ﺍﺟﺎﻭﺑﺞ ﺣﺘﻰ ﻫﺴﻪ ﻭﺍﻛﻴﺪ ﻋﺮﻓﺘﻲ ﺑﺲ ﺣﺘﻰ ﻭﺍﻧﺘﻲ ﻣﻴﺘﻪ ﻣﺎﺍﺣﺐ ﺗﻌﺮﻓﻴﻦ ﻭﺿﺤﻜﺖ ﻫﻬﻪ ﺷﻮﻑ ﺷﺤﺠﻲ
ﺍﻧﻲ ﺍﻟﻲ ﺣﺒﺞ ﺧﻠﻲ ﻫﺬﺍ ﺍﻟﺸﻲ ﺑﺒﺎﻟﺞ
ﻫﺪﻳﻪ / ﻣﺸﺖ ﺍﻻﻳﺎﻡ ﺍﻳﻬﺎﺏ ﻭﺍﺭﻳﺞ ﺣﻠﻮﻳﻦ ﺑﺲ ﺍﻳﻬﺎﺏ ﺑﻌﺪﻩ ﻣﻴﻜﺪﺭ ﻳﻄﻠﻊ ﻓﻜﺮﺓ ﻣﻮﺗﺖ ﺍﺩﻳﺎﻥ ﻣﻦ ﻋﻘﻠﻪ
ﺍﺳﻤﻌﻬﻢ ﻳﺘﻌﺎﺭﻛﻮﻥ ﺳﺎﻋﺎﺕ ﻭﺍﺭﻳﺞ ﺑﺎﻟﺬﺍﺕ ﺍﺳﻤﻌﻬﻪ ﺗﺤﺠﻲ ﻫﻮﺍﻱ ﻭﺗﺸﻜﻴﻠﻲ ﻣﻨﻪ ﺑﺲ ﺻﺎﺑﺮﻩ ﻭﻳﺎ
ﻣﻤﻘﺼﺮ ﻭﻳﺎﻫﻪ ﺑﺎﻟﺤﺐ ﻭﺍﻟﻐﺰﻝ ﺑﺲ ﻣﻴﻄﻠﻊ ﻣﺜﻞ ﻗﺒﻞ
ﺑﺎﻗﻲ ﺑﺎﻟﺒﻴﺖ
ﻭﺍﺻﻼً ﺍﻟﻜﻞ ﻛﻌﺪ ﺑﺎﻟﺒﻴﺖ ﺑﺴﺒﺐ ﻛﻮﺭﻭﻧﺎ
ﺍﻟﻜﻞ ﻣﺤﺒﻮﺱ ﻻ ﻧﻄﻠﻊ ﻭﻻ ﻧﻄﺐ ﺑﺎﻗﻴﻦ ﺑﺲ ﺍﻛﻞ ﻭﻧﻮﻡ ﻭﺷﻴﺮﻳﻦ ﺍﺫﺍ ﻃﻠﻌﻮ ﺍﻟﻮﻟﺪ ﺗﺒﻘﻪ ﺗﺤﺠﻲ ﻋﻠﻴﻬﻢ
ﻭﻣﺤﺐ ﻣﻦ ﻳﺠﻲ ﻛﻤﺎﻣﺎﺕ ﻭﺟﻔﻮﻑ ﻭﺳﺎﻣﺮ ﻣﺮﺍﺕ ﻣﻦ ﺗﻨﺎﻡ ﺷﻴﺮﻳﻦ ﻳﺰﺍﻏﻞ ﻭﻳﻄﻠﻊ ﻭﺍﻧﻲ ﺣﺎﻳﺮﻩ ﻭﺍﻟﻀﻐﻂ ﻋﻠﻴﻪ ﻫﻮﺍﻱ ﺍﻳﻬﺎﺏ ﺳﺎﻣﺮ ﻛﻠﻬﻢ ﻭﻳﻠﻮﻣﻮﻥ ﺑﻴﻪ
ﻭﻣﻴﺲ ﻣﻴﺲ ﻳﺎ ﻣﻴﺲ ﻛﻞ ﺩﻗﻴﻘﻪ ﺗﺨﺎﺑﺮﻧﻲ
ﺟﺠﻨﺖ ﻓﺮﺣﺎﻧﻪ ﺍﻟﻬﻪ ﻻﻥ ﻫﻢ ﺭﺟﻌﺖ ﺍﻟﺰﻭﺟﻬﻪ ﺑﺲ ﻫﻢ ﺗﻌﺎﺭﻛﺖ ﻭﻳﺎ ﻭﻫﻢ ﺭﺟﻌﺘﻠﻪ ﻭﻣﺎﺍﻋﺮﻑ ﺑﻌﺪ ﻭﻳﻦ ﺗﺼﻔﻪ ﻭﻳﺎﻫﻢ
ﻣﺮﺍﺕ ﺍﻟﺒﻌﺪ ﺍﻛﺜﺮ ﺭﺍﺣﻪ ﻣﻦ ﺍﻟﻘﺮﺏ ﻭﻫﺬﺍ ﺍﻟﻲ ﺍﺣﺠﻲ ﻭﻣﺤﺪ ﻳﻔﻬﻤﻨﻲ
ﺟﻨﺖ ﻣﺘﻤﺪﺩﻩ ﺭﻣﻀﺎﻥ ﻭﻫﻮﺳﺔ ﺭﻣﻀﺎﻥ ﻭﺍﻟﻔﻄﻮﺭ
ﻭﺍﻟﻤﻮﺍﻋﻴﻦ ﻭﺭﻳﺎﻡ ﺟﺎﻧﺖ ﺟﺎﻳﻪ ﺍﻟﻨﻪ ﺻﺢ ﺣﻈﺮ ﺑﺲ ﺍﻟﻲ ﺑﺎﻟﺠﻴﺶ ﻳﻜﺪﺭﻭﻥ ﻳﺘﻤﺸﻮﺭﻭﻥ ﻭﺻﻼﺡ ﺍﺟﻪ ﻻﻥ ﻫﻢ ﻣﺎﻝ ﻣﻦ ﺍﻟﺤﻈﺮ ﺫﺑﻬﻪ ﻳﻤﻨﻪ ﻭﺭﺍﺡ ﺍﻟﺠﻤﺎﻋﺘﻪ ﻻﻥ ﻫﻮ ﻭﺻﺪﻳﻘﻪ ﺍﻟﻲ ﺟﺎﺑﻬﻢ ﺟﺎﻳﻴﻦ ﻭﻛﻌﺪﻩ ﻭﺳﻬﺮﻩ
ﻭﻣﻠﺤﻪ ﻣﻦ ﺭﻳﺎﻡ
ﻟﺰﻣﺖ ﻣﻮﺑﺎﻳﻠﻲ ﺛﺎﻧﻲ ﻳﻮﻡ ﻣﻦ ﻛﻌﺪﺕ ﻣﻦ ﺍﻟﻨﻮﻡ ﻟﻜﻴﺘﻪ ﻧﺎﺷﺮ ﺳﺘﻮﺭﻱ ﺍﻏﻨﻴﻪ ﺗﺮﻛﻴﺎ
ﻳﻨﻘﺼﻨﻲ ﺍﻟﻨﻮﻡ ﻋﻠﻰ ﻛﺘﻔﻚ
ﺃﺷﺘﺎﻕ ﺍﻟﻰ ﺭﺃﺳﻚ ﻋﻠﻰ ﺫﺭﺍﻋﻲ
ﺃﺷﺘﺎﻕ ﺍﻟﻰ ﺭﺍﺋﺤﺘﻚ ﻓﻲ ﻓﺮﺍﺷﻲ
ﺟﺴﺪﻱ ﻳﺸﺘﺎﻕ ﺍﻟﻰ ﺟﺴﺪﻙ ﺗﻌﺎﻝ ﻭﺍﻟﻤﺴﻨﻲ
ﺃﺷﺘﺎﻕ ﺍﻟﻰ ﺍﻟﻨﻮﻡ ﻓﻲ ﺍﻟﻠﻴﺎﻟﻲ ﻭﺟﻬﻲ ﻳﺸﺘﺎﻕ ﺍﻟﻰ ﺍﻻﺑﺘﺴﺎﻣﺔ
ﻳﺪﻱ ﺗﺸﺘﺎﻕ ﺍﻟﻰ ﻳﺪﻙ
ﻋﻴﻮﻧﻲ ﺩﺍﺋﻤﺎ ﻣﻤﺘﻠﺌﺔ ﺑﺎﻟﺪﻣﻮﻉ
ﺭﺟﺎﺀ ﻋﺪ ﻻﺗﺠﻌﻞ ﺍﻻﺧﺮﻭﻥ ﺳﻌﺪﺍﺀ
ﺍﺳﺤﻖ ﻫﺬﺍ ﺍﻟﺨﺘﻢ ﺍﻟﻠﻤﺘﻠﺊ ﺑﺎﻟﺴﺤﺮ ﺍﻟﻤﻈﻠﻢ
ﺍﻟﻌﻴﺶ ﺑﺪﻭﻧﻚ ﻣﺴﺘﺤﻴﻞ ﻏﻴﺎﺑﻚ ﻻﻳﻮﺻﻒ
ﺩﺍﺋﻤﺎ ﻣﺎﺍﻗﻮﻝ .. ﺃﺷﺘﺎﻕ .. ﺣﺘﻰ ﻟﻮ ﻛﺎﻥ ﻫﺬﺍ ﻏﻴﺮ ﻛﺎﻓﻴﺎ
ﺑﺠﻴﺖ ﻭﺍﻧﻲ ﺍﺳﻤﻌﻬﻪ ﺍﺣﺲ ﺍﻋﺼﺎﺑﻲ ﻣﺘﻮﺗﺮﻩ
ﺍﺧﺎﻑ ﺍﺳﺎﻣﺤﻪ ﻭﻳﺨﻮﻧﻲ ﻭﺍﺣﺎﻑ ﺍﺭﺟﻌﻠﻪ ﻭﻳﺮﻳﺪ ﺍﻃﻔﺎﻝ ﻭﻫﺬﺍ ﺍﻟﺸﻲ ﺍﻛﺒﺮ ﻣﺎﻧﻊ ﺍﻟﻲ ﺍﺭﺟﻊ ﻭﻳﺨﻮﻓﻨﻲ ﺩﺯﻳﺖ ﺍﻟﻤﻴﺲ ﺭﺳﺎﻟﻪ ﻣﻦ ﻧﺸﺮﺕ ﺻﺪﻳﻘﺘﻬﻪ ﺍﻟﺴﺘﻮﺭﻱ ﻭﺭﻩ ﺳﺎﻋﻪ ﺗﻘﺮﻳﺒﺎً ﺩﺯﻟﻲ ﻣﺤﺐ
ﻫﺬﺍ ﻫﻮ ﻫﺪﻳﻪ ﺍﻟﻬﻨﺎ ﻭﻛﺎﻓﻲ ﺑﻌﺪ ﻧﺰﻟﺖ ﻣﻦ ﻧﻔﺴﻲ ﻫﻮﺍﻱ ﺍﻧﺖ ﻣﺘﺴﺘﺎﻫﻠﻴﻦ ﺣﺒﻲ ﺍﺑﺪ ﺳﻮﻳﺖ ﻫﻮﺍﻱ ﻭﺍﻧﺖ ﻣﺘﻘﺪﺭﻳﻦ ﺍﻧﻲ ﺑﻌﺪ ﺍﻟﻬﻨﺎ ﻭﺍﺩﻭﺭ ﻛﺮﺍﻣﺘﻲ ﺑﺎﺟﺮ ﺳﻴﺪ ﻭﻭﺭﻩ ﻣﺘﻨﺘﻬﻲ ﺍﺯﻣﺔ ﻛﻮﺭﻭﻧﺎ ﺍﻃﻠﻜﺞ ﺑﺎﻟﻤﺤﻜﻤﻪ ﺑﺲ ﺳﻴﺪ ﻻﺯﻡ ﻧﺘﻄﻠﻚ ﻻﻥ ﺍﺭﻳﺪ ﺍﺑﻠﺶ ﺣﻴﺎﺗﻲ ﻭﺍﺗﺰﻭﺝ ﺷﺴﻮﻳﻠﺞ ﺧﻮﻣﺎ ﺍﻧﺘﻈﺮ ﺑﻼ ﻓﺎﺋﺪﻩ
ﺗﺮﻳﺪﻳﻦ ﻃﻼﻙ ﻫﺬﺍ ﻫﻮ ﺍﻃﻠﻜﺞ
ﻣﻦ ﻗﺮﻳﺖ ﺍﻟﺮﺳﺎﻟﻪ ﺍﻧﻬﺎﺭﺕ ﺍﻋﺼﺎﺑﻲ
ﻟﻴﺶ ﺍﻧﻘﻬﺮﺕ ﻭﺍﻧﻲ ﻫﺬﺍ ﺍﻟﻲ ﺍﺭﻳﺪﻩ
ﺣﺎﻭﻟﺖ ﻣﺎﺍﻫﺘﻢ ﺟﺎﻧﺖ ﺭﻳﺎﻡ ﺟﺎﻳﻪ ﺧﻄﺎﺭ ﻳﻤﻨﻪ
ﻣﻦ ﺍﻟﺒﺎﺭﺣﻪ ﺩﺧﻠﺖ ﻋﻠﻴﻪ
ﺷﻜﻮ ﺑﻴﺞ ﺷﻲ
ﻻ ﺑﻠﻌﻜﺲ ﻓﺮﺣﺎﻧﻪ
ﻟﻴﺶ
ﺭﺍﺡ ﻳﻄﻠﻜﻨﻲ ﻭﺍﺧﻴﺮﺍً ﻣﺤﺐ ﺍﻧﺴﺎﻥ ﺟﺬﺍﺏ ﻭﻫﺴﻪ ﺑﻴﻨﺖ ﺟﺬﺑﺘﻪ
ﻫﺪﻳﻪ ﺍﻧﺖ ﺷﺒﻴﺞ ﻣﻦ ﻛﻞ ﻋﻘﻠﺞ ﺍﻧﺖ ﻣﻮ ﻃﺒﻴﻌﻴﻪ ﻭﺍﻟﻠﻪ
ﻻ ﻃﺒﻴﻌﻴﻪ
ﻟﻴﺶ ﺍﻧﻘﻬﺮﺗﻲ ﻟﻌﺪ
ﻻﻥ ﻣﺎﺍﻋﺮﻑ ﺗﻌﺒﺎﻧﻪ ﻭﺑﺲ
ﺳﻮﻩ ﻫﻮﺍﻱ ﻋﻠﻤﻮﺩ ﺗﺴﺎﻣﺤﻲ
ﺍﻋﺮﻑ ﺑﺲ ﻣﺘﻔﻬﻤﻮﻧﻲ
ﺷﻨﻮ ﺍﻟﻲ ﻣﻨﻔﻬﻤﻪ
ﺃﺫﺍﻧﻲ ﻫﻮﺍﻱ
ﺍﻋﺘﺬﺭ ﺍﻟﻒ ﻣﺮﻩ ﻭﺗﺮﻩ ﺍﻧﻲ ﺍﻟﻲ ﺩﺯﻳﺘﻠﻪ ﺩﺭﺩﺷﺘﺞ ﺍﻟﻲ ﻣﺴﻜﺮﻧﻴﻬﻪ ﻻﻥ ﺑﻌﺪ ﻣﺎﺍﺗﺤﻤﻞ ﻫﻴﺞ ﻳﺼﻴﺮ ﺑﺎﺧﻮﻳﻪ ﺍﻧﺖ ﺍﺧﺘﻲ ﻫﻢ ﻭﺍﻣﻮﺕ ﻋﻠﻴﺞ
ﻟﻴﺶ ﻭﺩﻳﺘﻴﻬﻪ ﺍﻟﻪ
ﺍﻧﺖ ﻣﻮ ﻣﺘﺮﻳﺪﻱ ﻭﻫﻮ ﻛﺎﻋﺪ ﻳﻠﺢ ﻋﻠﻴﺞ ﻭﺍﺣﻨﻪ ﻧﺤﺠﻲ ﻭﺍﻧﺘﻲ ﻗﺎﻓﻠﻪ
ﻟﺸﻮﻛﺖ ﻳﻨﺘﻈﺮﺝ ﻫﺪﻳﻪ ﻭﺍﻧﺖ ﺗﺼﺪﻳﻦ ﺑﻲ ﺍﻧﺖ ﺣﺘﻰ ﻣﺪﺗﻨﻄﻴﻦ ﺍﻣﻞ ﺍﻧﻲ ﻫﺴﻪ ﺷﻜﺪ ﻗﺮﻳﺒﻪ ﻋﻠﻴﺞ ﻣﺎﺍﻋﺮﻑ ﺗﺤﺒﻲ ﺗﻜﺮﻫﻲ ﺗﺤﻘﺪﻳﻦ ﻋﻠﻲ
ﻣﺘﺘﺨﻴﻠﻴﻦ ﻣﻦ ﻗﺮﻩ ﺩﺭﺩﺷﺘﺞ ﺷﺼﺎﺭ ﺑﻲ ﺍﻧﻘﻬﺮ ﺣﻴﻞ
ﺷﻤﺪﺭﻳﺞ
ﻣﻦ ﺻﻮﺗﻪ ﺑﻴﻦ ﻭﻫﻮ ﻫﻢ ﺗﺮﻩ ﻣﻞ ﻭﺍﻧﺖ ﻣﺘﻔﻬﻤﻲ
ﻣﺤﺐ ﺷﺎﺏ ﻫﻮﺍﻱ ﺑﻨﺎﺕ ﻳﺘﻤﻨﻨﻪ ﺣﻠﻮ ﻭﻣﻨﺎﻗﺼﻪ ﺷﻲ ﻭﻣﺎﻛﻮ ﺍﻧﺴﺎﻥ ﻣﻴﻐﻠﻂ
ﻭﺧﺮﻱ ﺭﻳﺎﻡ ﻣﻨﻲ
ﺑﺮﺍﺣﺘﺞ ﺗﺪﺭﻳﻦ ﻭﺍﺣﺪ ﻣﻦ ﺟﻤﺎﻋﺘﻪ ﻛﺎﻳﻠﻪ ﺍﺧﺘﻲ ﺍﻟﻚ ﻣﻮ ﺍﻟﻐﻴﺮﻙ ﺑﺲ ﻛﻮﻝ ﻣﻮﺍﻓﻖ ﺍﺧﺬﻫﻪ ﺣﺘﻰ ﻣﻜﺒﻌﻪ
ﺷﻜﺪ ﺣﻘﻴﺮﺭﺭﺭﺭﺭ ﻫﺬﺍ ﻳﺒﻴﻊ ﺍﺧﺘﻪ ﻣﻦ ﻛﻞ ﻋﻘﻠﻪ
ﻫﻮﺍﻱ ﻫﻴﺞ ﺯﻭﺍﺟﺎﺕ ﻻﻥ ﻣﻦ ﻛﺪ ﻣﺎﺍﺧﻮﻳﻪ ﻣﺆﺩﺏ ﻭﻳﺸﻮﻓﻪ ﺧﻮﺵ ﺭﺟﺎﻝ ﻳﻬﺪﻱ ﺍﺧﺘﻪ
ﺑﻴﺎ ﻗﺮﻥ ﻋﺎﻳﺸﻴﻦ ﺍﺣﻨﻪ ﻓﻬﻤﻴﻨﻲ ﺑﺎﻟﻌﺎﺍﺍﻓﻴﻪ ﻋﻠﻴﻬﻢ ﻳﺘﻬﻨﻮﻥ ﺑﻤﺤﺐ ﺍﻥ ﺷﺎﺀ ﺍﻟﻠﻪ ﺑﺎﻟﻌﺎﻓﻴﻪ ﻋﻠﻴﻬﻪ ﻣﺤﺐ ﺍﻟﺨﺎﻳﻦ ﺍﻟﻐﺪﺍﺭ ﺍﻟﻲ ﺍﻟﻠﺴﺎﻧﻪ ﻣﺘﺒﺮﻱ ﻣﻨﻪ ﻭﻳﺤﺐ ﺑﺲ ﻧﻔﺴﻪ
ﻟﺘﺤﺠﻴﻦ ﻋﻠﻰ ﺍﺧﻮﻳﻪ ﻫﻴﺞ
ﻭﻟﻲ ﻣﻦ ﻳﻤﻲ ﺭﻳﺎﻡ ﻻﻫﺴﻪ ﺍﻛﻄﻌﺞ ﻭﺍﻟﻘﺮﺁﻥ ﻛﻮﻩ ﺻﺎﺑﺮﻩ ﻭﻣﺘﺤﻤﻠﺘﺞ
ﺍﻧﻮﻭﻭﻭﺏ
ﺍﻧﺖ ﺷﻮﻛﺖ ﺗﻮﻟﻴﻦ ﺍﻟﺒﻴﺖ ﻋﻴﺎﻟﺞ
ﺗﻄﺮﺩﻳﻨﻲ ﻭﻟﺞ ﻭﺑﻌﺪﻳﻦ ﺍﻧﻲ ﺑﺎﻗﻴﻪ ﺑﺎﺟﺮ ﺭﺍﺡ ﺍﺭﻭﺡ ﺍﺷﻮﻑ ﺍﻟﺒﻨﻴﻪ ﺍﻟﻲ ﺭﺍﺡ ﻳﺘﺰﻭﺟﻬﻪ ﺍﺧﻮﻳﻪ
ﺑﺎﻭﻋﺖ ﻋﻠﻴﻬﻪ ﻫﻴﺞ ﺻﺎﺭﺕ ﺭﻳﺎﻡ ﻟﻸﺳﻒ ﻋﻠﻴﺞ ﻭﺍﻟﻠﻪ
ﺷﻤﺴﻮﻳﻪ
ﺍﺧﻮﺝ ﺩﻣﺮﻧﻲ ﻭﺗﺮﻭﺣﻴﻦ ﺗﺸﻮﻓﻴﻠﻪ ﻣﺮﻩ
ﻟﻌﺪ ﺷﺴﻮﻱ ﻏﻴﺮ ﻻﺯﻡ ﺍﺭﻭﺡ ﺍﻧﻲ ﻭﺍﻭﻛﻒ ﻭﻳﺎ ﻟﻮ ﺗﺤﺒﻲ ﻭﺭﺍﻳﺪﺗﻪ ﻣﺴﺘﺤﻴﻞ ﺍﺳﻮﻳﻬﻪ ﺑﺲ ﺍﻧﺖ ﻣﺘﺮﻳﺪﻱ ﻫﺎﻱ ﺭﺍﺡ ﺗﺨﻠﺼﻴﻦ ﻣﻨﻪ
ﺍﻧﻲ ﻣﻴﻬﻤﻨﻲ ﻳﺘﺰﻭﺝ ﻟﻮ ﻻ ﺍﻧﺖ ﺗﻬﻤﻴﻨﻲ
ﺷﻠﻮﻥ
ﺍﻧﺘﻲ ﺍﺧﺘﻲ ﺍﻟﻲ ﺻﺪﺍﻗﺘﻨﺎ ﺍﻟﻘﻮﻳﻪ ﻭﺧﻮﺗﻨﻪ ﺗﺎﻟﻲ ﺍﺭﻭﺣﻴﻦ ﻭﻳﻪ ﻣﺤﺐ ﺍﻟﻲ ﺩﻣﺮﻧﻲ ﺗﺨﻄﺒﻴﻠﻪ
ﻭﻟﺞ ﻏﻴﺮ ﺍﺧﻮﻳﻪ ﻫﻮ ﺍﺫﺍ ﻣﻮ ﺍﻧﻲ ﻣﻦ ﻳﺮﻭﺡ
ﻛﺎﻣﺖ ﻭﻛﻔﺖ ﻫﺪﻳﻪ ﻋﺎﺩﻱ ﺗﺨﻠﻴﻦ ﺭﻫﻒ ﻳﻤﺞ ﻋﻞ ﺍﻗﻞ ﻟﻮ ﺍﻳﻤﻦ ﺑﺲ ﺍﻳﻬﻢ ﺍﺧﺬﻩ ﻻﻥ ﻳﺸﻠﻊ ﻛﻠﺒﻲ
ﻭﻳﻦ ﺭﺍﻳﺤﻪ ﻟﻴﺶ ﺍﻧﺖ
ﻣﺤﺐ ﺭﺍﺡ ﻳﺠﻴﻨﻲ ﺍﺭﻭﺡ ﻭﻳﺎ ﻫﻢ ﺍﻧﻈﻒ ﺍﻟﺸﻘﻪ ﻭﺍﻛﻮﻱ ﻣﻼﺑﺴﻪ ﻋﻠﻤﻮﺩ ﺩﻧﺮﻭﺡ ﻳﺸﻮﻑ ﺍﻟﺒﻨﻴﻪ
ﻻ ﻣﻮ ﻋﺎﺩﻱ ﺍﺧﺬﻱ ﺑﺘﺞ ﻛﺎﻓﻲ ﻋﻠﻴﻪ ﻣﻼﻙ
ﺍﻧﻬﺎﺭﺕ ﺍﻋﺼﺎﺑﻲ ﺍﻧﻲ ﺍﺭﻳﺪﻩ ﻭﺍﺣﺒﻪ ﺑﺲ ﺍﺧﺎﻑ ﻣﻴﻔﻬﻤﻨﻲ ﻫﻮ ﻭﻻ ﺍﺣﺪ ﻳﻔﻬﻤﻨﻲ ﻭﻻ ﺍﻧﻲ ﻛﺎﻋﺪ ﺍﻓﻬﻢ ﻧﻔﺴﻲ ﻭﺭﻳﺎﻡ ﻛﺎﻣﺖ ﺗﺴﺘﻔﺰﻧﻲ ﻭﺗﻜﻠﻲ ﺣﺘﺘﻨﺪﻣﻴﻦ ﻭﺍﻧﻲ ﻣﺮﻳﺖ ﺑﻠﻲ ﻣﺮﻳﺘﻲ ﺑﻲ ﻭﺗﻨﺪﻣﺖ ﻭﻣﻦ ﻫﺎﻟﺴﻮﺍﻟﻒ
ﻛﻤﺖ ﺍﺗﺤﺮﻙ ﺍﺭﻭﺡ ﻭﺍﺟﻲ ﻟﻠﻤﻄﺒﺦ ﻭﻟﻠﻬﻮﻝ ﻛﻌﺪﺕ ﺑﺎﻻﺳﺘﻘﺒﺎﻝ ﺑﺪﻭﻥ ﻣﺎﺍﻓﺘﺢ ﺍﻟﻜﻠﻮﺑﺎﺕ ﻛﻌﺪﺕ ﺍﺑﺠﻲ ﻣﺨﺘﻨﻜﻪ ﺣﻴﻞ
ﺑﺸﺮ ﻣﻤﺮﺗﺎﺡ ﺑﺎﻟﺤﺎﻟﺘﻴﻦ
ﺟﻨﻪ ﻣﻐﻴﺮﻳﻦ ﺍﻟﺒﻴﺖ ﻓﺎﺕ ﺳﺎﻣﺮ ﺟﺎﻥ ﺍﻇﻠﻢ ﺍﻻﺳﺘﻘﺒﺎﻝ ﻓﺘﺢ ﺍﻟﻜﻠﻮﺏ
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺷﺘﺴﻮﻳﻦ ﻫﻨﺎ
ﻛﻠﺸﻲ ﻣﺎﺍﺳﻮﻱ
ﻻ ﻭﺍﻟﻠﻪ ﻭﻛﻌﺪ ﻋﻠﻰ ﺍﻟﻘﻨﻔﻪ
ﺷﺒﻴﻚ
ﺷﺒﻴﻪ ﻛﻠﺸﻲ ﻣﺎﺑﻴﻪ ﺑﺲ ﻣﺨﺘﻨﻚ ﻻ ﺍﻛﺪﺭ ﺍﻃﻠﻊ ﻭﻻ ﺍﺻﺨﻢ ﻣﻦ ﻭﺭﻩ ﻛﻮﺭﻭﻧﺎ ﻣﻠﻞ
ﺳﺎﻣﺮ ﺍﺭﻳﺪ ﺍﺭﻭﺡ ﺍﻟﺒﻴﺖ ﻣﺤﺐ
ﺷﺘﺴﻮﻳﻦ
ﻋﻨﺪﻱ ﺍﻏﺮﺍﺽ
ﺍﻛﻴﺪ ﻫﺴﻪ ﻣﺤﺐ ﺑﺎﻟﺒﻴﺖ
ﺍﻱ ﺷﻌﻠﻴﻪ ﺑﻲ
ﻳﺎ ﺍﻏﺮﺍﺽ ﺍﻟﻲ ﺗﺮﻳﺪﻳﻬﻦ
ﺷﻨﻮ ﺗﺤﻘﻴﻖ ﺣﻜﻮﻡ ﺍﻟﻠﺒﺲ
ﻳﻠﻠﻪ ﺑﺲ ﺍﺳﺘﻌﺠﻠﻲ ﻻﻥ ﻣﺘﻔﻖ ﻭﻳﻪ ﺟﻤﺎﻋﺘﻲ ﻳﺘﺴﺤﺮﻭﻥ ﻳﻤﻲ
ﻛﻤﺖ ﺑﺴﺮﻋﻪ ﻋﺪﻟﺖ ﻧﻔﺴﻲ ﺧﻠﻴﺖ ﺣﻤﺮﻩ ﺧﻔﻴﻔﻪ ﻭﻣﺴﻜﺎﺭﻩ ﻭﻟﺒﺴﺖ ﺟﺒﺘﻲ ﻭﻧﺰﻟﺖ
ﺭﻳﺎﻡ / ﻭﻳﻦ
ﻫﺪﻳﻪ / ﺩﻳﺮﻱ ﺑﺎﻟﺞ ﻋﻠﻰ ﻣﻼﻙ ﺩﺍﺍﺟﻴﺐ ﺍﻏﺮﺍﺿﻲ
ﺭﻳﺎﻡ / ﻣﻨﻴﻦ
ﻋﻔﺘﻬﻪ ﺑﺪﻭﻥ ﻣﺎﺍﺟﺎﻭﺑﻬﻪ ﻛﻠﺖ ﺍﻝ ﺳﺎﻣﺮ ﻳﻠﻠﻪ ﻣﻼﻙ ﺷﺎﻓﺘﻨﻲ ﻛﺎﻣﺖ ﺗﺒﺠﻲ ﺷﺎﻟﺘﻬﻪ ﺭﻳﺎﻡ ﺩﺧﻠﺘﻬﻪ ﻟﻠﻐﺮﻓﻪ ﻭﻃﻠﻌﺖ ﺑﺴﺮﻋﻪ
ﻣﺠﻨﺖ ﺍﻧﺪﻝ ﺷﻘﺘﻪ ﺍﻟﺠﺪﻳﺪﻩ ﺑﺲ ﻫﻮ ﺩﻭﻡ ﻳﺎﺧﺬﻫﻪ ﻗﺮﻳﺒﻪ ﻋﻠﻰ ﺑﻴﺖ ﺍﺧﻮﺍﻧﻪ ﺑﺴﺮﻋﻪ ﻭﺻﻠﻨﻪ
ﺳﺎﻣﺮ / ﺑﺲ ﺍﺳﺘﻌﺠﻠﻲ
ﻟﺘﺨﺒﺼﻨﻲ ﺍﺭﻳﺪ ﺍﻟﻢ ﺍﻏﺮﺍﺿﻲ
ﺟﻤﺎﻋﺘﻲ ﺭﺍﺡ ﻳﺠﻮﻥ ﺷﺒﻴﺞ
ﻓﺘﺢ ﺍﻟﺒﺎﺏ ﺑﻬﺎﻟﻠﺤﻈﻪ ﻣﺤﺐ ﺗﻔﺎﺟﺊ ﺑﺎﻭﻉ ﻋﻠﻴﻪ
ﻫﺪﻳﻪ / ﺟﻴﺖ ﺍﺧﺬ ﺍﻏﺮﺍﺿﻲ
ﺗﻔﻀﻠﻲ
ﺩﺧﻠﻨﻪ ﺍﻧﻲ ﻭﺳﺎﻣﺮ ﺟﺎﻥ ﻣﺴﻮﻱ ﻧﺮﻛﻴﻠﻪ ﻣﺎﺍﺩﺭﻱ ﺷﻠﻮﻥ ﺍﺟﻴﺖ ﻭﺷﻠﻮﻥ ﺣﺠﻪ ﺗﺎﻓﻬﻪ ﻭﻟﻴﺶ ﺍﺟﻴﺖ
ﻛﺘﻠﻪ ﻭﻳﻦ ﻏﺮﺍﺿﻲ
ﻳﺎ ﻏﺮﺍﺽ
ﻏﺮﺍﺿﻲ ﺍﻧﻲ ﻣﻤﺎﺧﺬﻩ ﺷﻲ ﻣﻦ ﻏﺮﺍﺿﻲ ﻭﺍﺟﻴﺖ ﺍﻟﻤﻬﻦ
ﺭﻳﺎﻡ ﻭﻣﻴﺲ ﻋﺰﻟﻦ ﺍﻻﻏﺮﺍﺽ ﺧﺎﺑﺮﻳﻬﻦ ﻭﺳﺄﻟﻴﻬﻦ ﻋﻠﻰ ﺍﻟﺸﻲ ﺍﻟﻲ ﺗﺮﻳﺪﻱ ﻭﻋﺎﻓﻨﻲ ﻭﺭﺟﻊ ﻛﻌﺪ
ﺳﺎﻣﺮ / ﻓﺪﻭﻩ ﻫﺪﻳﻪ ﺍﺳﺘﻌﺠﻠﻲ
ﻣﺤﺐ / ﻣﺠﺒﺘﻮ ﻣﻼﻙ ﺍﺷﻮﻓﻬﻪ ﻭﺷﻌﻨﺪﻙ ﺍﻧﺖ
ﺳﺎﻣﺮ / ﺟﻤﺎﻋﺘﻲ ﺭﺍﺡ ﻳﺠﻮﻥ ﻋﻠﻰ ﺍﻟﺴﺤﻮﺭ ﻭﺻﺎﺡ ﻫﺪﻳﻪ ﺍﺳﺘﻌﺠﻠﻲ
ﻣﺤﺐ / ﺭﻭﺡ ﺍﻧﺖ ﺍﻧﻲ ﺍﺟﻴﺒﻬﻪ
ﺟﻨﺖ ﺗﻮﻧﻲ ﺩﺍﺧﻠﻪ ﻟﻠﻐﺮﻓﻪ ﻣﺒﺪﻟﻬﻪ ﺟﺎﻳﺐ ﺗﺮﻛﻴﻪ ﺟﻨﺖ ﺍﺣﺐ ﺍﻟﺘﺮﻛﻴﻪ
ﻭﻛﻠﺶ ﺣﻠﻮﻩ ﺟﺎﻧﺖ ﻭﺻﻮﺭﺗﻨﺎ ﻣﻌﻠﻜﻬﻪ ﻭﺿﻠﻊ ﻛﺎﻣﻞ ﺻﻮﺭ ﻣﻼﻙ ﻭﺻﻮﺭﻧﻪ ﺍﺟﺎﻧﻲ ﺳﺎﻣﺮ
ﺭﺍﺡ ﺍﺭﻭﺡ ﻣﺤﺐ ﻳﺮﺟﻌﺞ
ﻛﺘﻠﻪ ﺍﻱ ﻣﺎﺷﻲ
ﺭﺍﺡ ﺳﺎﻣﺮ ﺗﻮﻧﻲ ﻓﺘﺤﺖ ﺍﻟﻜﻨﺘﻮﺭ ﻣﺎﺍﺣﺲ ﺍﻟﻪ ﺍﺟﻪ ﻣﺤﺐ
ﺷﺘﺮﻳﺪﻳﻦ ﻳﺎ ﻏﺮﺍﺽ ﺧﺎﺑﺮﺗﻲ ﺭﻳﺎﻡ ﻟﻮ ﺗﺮﻳﺪﻳﻦ ﺍﺧﺎﺑﺮﻫﻪ
ﺑﺎﻭﻉ ﻋﻠﻲ ﻭﻫﻮ ﻳﺒﺎﻭﻉ ﻋﻠﻴﻪ
ﺗﺠﻴﻦ ﻧﺘﻔﻖ ﻣﺎﺩﺍﻣﺞ ﺍﺟﻴﺘﻲ ﻋﻠﻰ ﺍﻟﻄﻼﻙ
ﺑﺎﻭﻋﺖ ﻋﻠﻲ ﻛﺘﻠﻪ ﺍﻱ
ﺑﺎﺟﺮ ﺭﺍﺡ ﺍﺧﺎﺑﺮ ﺍﺑﻦ ﻋﻤﺞ ﻫﻢ ﻭﺍﺗﻔﻖ ﻭﻳﺎ ﺑﺲ ﺑﺎﻟﺒﺪﺍﻳﻪ ﺧﻞ ﻧﺘﻔﻖ ﻋﻠﻤﻮﺩ ﻣﻼﻙ ﻣﻦ ﻫﺴﻪ ﺍﻛﻠﺞ ﺍﺫﺍ ﺗﺘﺰﻭﺟﻴﻦ ﺍﺧﺬﻫﻪ ﺍﻟﻲ ﺍﺻﻴﺮ ﻭﺍﺿﺢ ﻭﻳﺎﺝ ﻣﻦ ﻫﺴﻪ
ﺗﻬﺪﺩﻧﻲ
ﻣﺎﺍﻫﺪﺩﺝ ﺑﺲ ﺍﻧﻄﻴﺞ ﺧﺒﺮ
ﻣﻮ ﺭﺍﺡ ﺗﺘﺰﻭﺝ ﺍﻧﺖ ﻭﺗﻌﻴﺶ ﺣﻴﺎﺗﻚ ﻭﺑﺎﺟﺮ ﺭﺍﺡ ﺗﺸﻮﻓﻬﻪ
ﺍﺻﻼً ﺍﻧﻲ ﺍﺟﻴﺖ ﺍﺣﺠﻲ ﻭﻳﺎﻙ ﻋﻠﻰ ﻫﺎﻱ ﺍﻟﺴﺎﻟﻔﻪ ﺍﻟﺒﺎﺭﺣﻪ ﺗﺨﻠﻲ ﺳﺘﻮﺭﻱ ﻣﺸﺘﺎﻗﻠﻲ ﻭﺑﺎﺟﺮ ﺗﺮﻳﺪ ﺗﺮﻭﺡ ﺗﺨﻄﺐ
ﺑﺎﻭﻉ ﻋﻠﻴﻪ ﻭﺗﻘﺮﺏ "" ﻣﻨﻮ ﻛﻠﺞ ﻫﺬﺍ ﺍﻟﻜﻼﻡ
ﻛﺎﻟﻮﻟﻲ
ﻟﻌﺪ ﺷﺘﺮﻳﺪﻳﻦ ﺍﺑﻘﻪ ﻭﺍﻧﺖ ﻣﺘﺮﻳﺪﻧﻲ
ﺗﻌﺒﺘﻴﻨﻲ
ﺍﻟﻠﻪ ﻳﻬﻨﻴﻚ ﺑﺤﻴﺎﺗﻚ ﺩﺭﺕ ﺍﺭﻳﺪ ﺍﻓﺘﺢ ﺍﻟﻜﻨﺘﻮﺭ ﻣﺎﺍﺣﺲ ﺍﻟﻪ ﻭﺭﺍﻳﻪ
ﺷﺒﻜﻨﻲ ﺍﻧﻲ ﻣﺘﺤﺮﻛﺖ ﺍﺑﺪ
ﺍﻻﻣﺮ ﻣﺮﻩ ﺍﻛﻠﺞ ﺑﺎﻭﻋﻲ ﺍﻟﺤﻴﺎﺗﻨﺎ ﻫﺪﻳﻪ ﻭﻟﺘﺨﻠﻴﻦ ﺍﻟﺸﻤﺎﺗﻪ ﻳﺼﻔﻜﻮﻥ
ﻭﺭﻭﺡ ﺍﻣﻲ ﺍﺣﺒﺞ ﻭﺣﻖ ﺍﻟﻠﻪ ﺍﺣﺒﺞ ﻭﺍﺭﻳﺪﺝ
ﺻﺪﻛﻴﻨﻲ ﺑﺲ ﻫﺎﻟﻤﺮﻩ
ﻭﺧﺮﺕ ﺍﻳﺪﻩ ﻭﻛﺘﻠﻪ ﻛﺎﻓﻲ
ﺷﻨﻮ ﺍﻟﻜﺎﻓﻲ
ﻣﺤﺐ ﺍﻧﺖ ﻣﺘﻔﻬﻤﻨﻲ
ﺍﺣﺠﻴﻠﻲ ﺣﺘﻰ ﺍﻓﻬﻤﺞ ﻻﻥ ﺗﻌﺒﺖ ﺍﺭﻳﺪ ﺍﻓﻬﻤﺞ ﺳﺎﻋﺎﺕ ﺍﺷﻮﻑ ﺍﻟﺤﺐ ﺑﻌﻴﻮﻧﺞ ﻭﺳﺎﻋﺎﺕ ﺍﺣﺴﺞ ﻫﺎﺩﺋﻪ ﻭﻓﺠﺄﻩ ﺗﺘﻌﺼﺒﻴﻦ ﻭﺗﺤﺠﻴﻦ ﺑﻜﻼﻡ ﻳﺄﺫﻳﻨﻲ
ﺍﻧﺖ ﺃﺫﻳﺘﻨﻲ ﻭﺧﻠﻴﺘﻨﻲ ﺍﺧﺎﻑ ﺍﺻﺪﻛﻚ
ﺻﺪﻛﻴﻨﻲ ﺑﺲ ﻫﺎﻟﻤﺮﻩ ﻫﺪﻳﻪ ﻭﺍﻟﻠﻪ ﻣﺘﺄﺫﻱ
ﺍﻛﺪﺭ ﺍﺑﻠﺶ ﻣﻦ ﺟﺪﻳﺪ ﺣﻴﺎﺗﻲ ﺑﺲ ﻣﺎﺍﺭﻳﺪ ﻏﻴﺮﺝ ﺍﺭﻳﺪﺝ ﺍﻧﺘﻲ
ﺧﻠﻴﻨﻲ ﺍﻋﻮﺿﺞ ﻛﻞ ﺍﻳﺎﻡ ﻋﺬﺍﺑﺞ ﻭﻳﺎﻱ ﺍﻧﻄﻴﻨﻲ ﻫﺎﻱ ﺍﻟﻔﺮﺻﻪ
ﻣﺘﺮﻳﺪ ﺍﻃﻔﺎﻝ
ﻋﻨﺪﻱ ﻣﻼﻙ ﻛﺎﻓﻴﻪ
ﺗﺠﺬﺏ ﻋﻠﻴﻪ ﺍﻧﻲ ﺍﺭﻳﺪﻙ ﺑﺲ ﺍﻋﺮﻑ ﺍﻧﺖ ﺗﺮﻳﺪ ﺍﻃﻔﺎﻝ
ﻭﺍﻟﻠﻪ ﻣﺎﺍﺭﻳﺪ ﺍﻃﻔﺎﻝ ﻟﻌﺪ ﻣﻼﻙ ﺷﻨﻮﻭﻭ ﻫﺎﻱ ﺍﻟﺤﻤﺪﻟﻠﻪ ﺍﻟﻠﻪ ﺭﺯﻗﻨﻲ ﺑﻴﻬﻪ
ﺍﺫﺍ ﻫﺎﻱ ﻣﺸﻜﻠﺘﺞ ﺍﻭﻋﺪﺝ ﻣﺎﺍﻓﺘﺢ ﻣﻮﺿﻮﻉ ﺍﻻﻃﻔﺎﻝ ﺍﺻﻼً ﺍﻧﻲ ﺗﻌﺒﺖ
ﻭﺍﻟﺒﻨﻴﻪ ﺍﻟﻲ ﺗﺮﻳﺪ ﺗﺨﻄﺒﻬﻪ ﺍﻟﺼﺪﻳﻘﻚ ﻣﺎﺍﺩﺭﻱ ﻳﺎﻫﻮﻭﻭﻩ
ﻳﺎﻫﻮﻩ ﻫﺬﺍ
ﺟﺬﺏ ﻳﻤﻌﻮﺩﻩ ﻣﺎﻛﻮ ﻭﻻ ﻣﺮﻩ ﻭﻻ ﻭﺣﺪﻩ
ﺗﺨﺒﻠﺘﻲ ﺍﺗﺰﻭﺝ ﻭﺍﻋﻮﻓﺞ ﺑﺲ ﺯﻫﻜﺘﻴﻨﻲ
ﺗﻀﺤﻜﻮﻥ ﻋﻠﻴﻪ ﻣﺤﺐ ﺻﺪﻙ ﺗﺤﺠﻲ
ﺍﻱ ﻣﻮ ﺷﻠﻌﺘﻲ ﻛﻠﺐ ﻛﻠﺒﻲ ﺑﺖ ﺍﻻﻭﺍﺩﻡ
ﺭﺩﺕ ﺍﻭﺧﺮ ﺳﺤﺒﻨﻲ ﻋﻠﻲ ﺣﻴﻞ
ﻭﺧﺮ
ﻫﺎﺍﺍﺍﺍﺍﺍﺍﺍ ﻣﻮ ﺗﻮﺝ ﻫﺎﺩﺋﻪ ﻭﺗﺤﺠﻴﻦ ﺣﻠﻮ ﺷﻨﻮ ﻭﻟﺞ ﺍﻧﺖ ﺗﻀﺤﻜﻴﻦ ﻋﻠﻴﻪ
ﻭﺧﺮﺭﺭ
ﺣﺼﺮﻧﻲ ﺑﺎﻟﻜﻨﺘﻮﺭ
ﻭﺧﺮ ﻣﺤﺐ
ﻫﺪﻳﻪ ﻛﺎﻓﻲ ﻋﻠﻴﺞ ﺍﻟﻠﻪ
ﻭﺭﻓﻞ
ﺍﻧﻌﻞ ﺍﺑﻮﻫﻪ ﻻﺑﻮ ﺍﻟﺨﻠﻔﻬﻪ
ﻭﻫﺎﻱ ﺍﻟﻔﺘﺮﻩ ﻣﻌﻘﻮﻟﻪ
ﻭﺍﻟﻠﻪ ﻣﺎﻋﻨﺪﻱ ﺍﻱ ﺷﻲ ﻭﺫﺍﻙ ﻣﻮﺑﺎﻳﻠﻲ ﺧﻮﺏ ﻫﺴﻪ ﺟﻴﺘﻲ ﻓﺠﺄﻩ ﺷﻮﻓﻲ ﻭﻛﻠﺒﻲ ﺑﻲ ﺍﺫﺍ ﻟﻜﻴﺘﻲ ﺷﻲ ﻣﺎﺍﺣﺠﻲ ﻭﻳﺎﺝ ﻭﻟﺘﺴﻤﻌﻴﻨﻲ ﺑﻌﺪ
ﻟﺘﺨﻠﻴﻦ ﺍﻟﺸﻴﻄﺎﻥ ﻳﻔﻠﺶ ﺣﻴﺎﺗﻨﺎ ﻭﻳﺴﻴﻄﺮ ﻋﻠﻴﺞ ﺣﻴﺼﻴﺮﻟﻨﻪ ﺍﻛﺜﺮ ﻣﻦ ﺳﻨﺘﻴﻦ ﻫﺪﻳﻪ ﻛﺎﻓﻲ
ﻳﻌﻨﻲ ﺍﻧﺖ ﺍﺗﻔﻘﺖ ﻭﻳﻪ ﺭﻳﺎﻡ
ﻋﻮﻓﺞ ﻣﻦ ﺍﻻﺗﻔﺎﻕ ﻫﺴﻪ ﺷﻨﻮﻭﻭ
ﻣﺤﺐ
ﻣﺎﺍﺣﺲ ﺍﻟﻪ ﺑﺎﺳﻨﻲ ﻭﺷﺒﻜﻨﻲ ﺟﻨﺖ ﻣﺸﺘﺎﻗﺘﻠﻪ ﺣﻴﻞ
ﺟﻨﺖ ﺍﺣﺒﻪ ﺣﺘﻰ ﻣﻦ ﺑﻌﻴﺪ ﻋﻨﻲ ﻭﻣﺎﺍﺭﻳﺪﻩ
ﺗﺠﺎﻭﺑﺖ ﻭﻳﺎ ﺭﺃﺳﺎً ﻛﻤﺖ ﺍﺑﻮﺱ ﺑﻲ ﻭﻳﺒﻮﺱ ﺑﻴﻪ
ﺟﻨﺖ ﻣﻘﺮﺭﻩ ﻣﻦ ﺍﻟﺒﻴﺖ ﻫﺬﺍ ﻫﻮ ﺭﺍﺡ ﺍﺳﺎﻣﺤﻪ ﻭﺍﻧﻄﻲ ﻓﺮﺻﻪ
ﺍﺧﺮ ﻓﺮﺻﻪ ﺑﺲ ﺭﻳﺎﻡ ﺣﺮﻛﺘﻨﻲ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ
ﻧﻤﺖ ﻋﻠﻰ ﺍﻟﺠﺮﺑﺎﻳﻪ ﻳﻤﻪ ﻏﻄﺎﻧﻲ
ﺑﻘﻪ ﻳﺒﺎﻭﻉ ﻋﻠﻴﻪ ﻭﺍﺑﺎﻭﻉ ﻋﻠﻲ ﻳﺒﺘﺴﻢ
ﺍﺣﺒﺞ ﻭﺍﻟﻠﻪ ﻫﺪﻳﻪ
ﻭﺍﻧﻲ ﺍﻣﻮﺕ ﻋﻠﻴﻚ ﻣﺤﺐ
ﻟﺘﻌﻴﺪﻳﻬﻪ ﺑﻌﺪ ﻭﺍﻟﻠﻪ ﺍﻣﻮﺗﺞ
ﻣﺤﺐ ﻣﺤﺠﻴﻨﻪ
ﻣﻨﺤﺠﻲ ﺑﺸﻲ ﺍﺑﺪ ﻣﺸﺘﺎﻗﻠﺞ ﺍﻧﻲ ﻭﺑﺲ ﻗﺮﺑﻨﻲ ﻋﻠﻲ ﻭﻛﺎﻡ ﻳﺒﻮﺱ ﺑﻴﻪ ﻟﻮ ﺍﺩﺭﻱ ﻣﻦ ﺯﻣﺎﻥ ﻣﻘﺮﺭ ﺍﺗﺰﻭﺝ
ﺿﺮﺑﺘﻪ ﻋﻠﻰ ﺟﺘﻔﻪ ﺳﺤﺒﻨﻲ ﻋﻠﻲ ﻭﺟﻌﺼﻨﻲ ﺑﺴﻔﺘﻪ ﻳﺒﻮﺱ ﺑﺨﺪﻱ
ﺧﺎﺑﺮ ﻋﻠﻰ ﺭﻳﺎﻡ ﻛﻠﻠﻠﻬﻪ ﺗﺪﻳﺮ ﺑﺎﻟﻬﻪ ﻋﻠﻰ ﻣﻼﻙ
ﻧﻤﺖ ﺑﺤﻀﻨﻪ ﻟﻠﺼﺒﺢ ﺧﻔﺖ ﺧﺎﻑ ﺍﺧﺴﺮﻩ
ﻣﻦ ﻛﺎﻟﺘﻠﻲ ﺭﻳﺎﻡ ﻳﺘﺰﻭﺝ ﻣﺘﺤﻤﻠﺖ ﺍﻣﻮﺕ
ﺣﻨﻴﻦ / ﺍﻟﺤﻴﺎﺓ ﺗﻤﺸﻲ ﻭﺗﺴﺘﻤﺮ ﻭﺍﻛﻮ ﺣﺐ ﻳﻨﺴﻲ ﻭﺍﻛﻮ ﺣﺐ ﻳﺒﻘﻰ ﺑﺎﻟﻜﻠﺐ ﻭﺣﺒﻲ ﺍﻝ ﻟﻴﺚ ﺑﻘﻪ ﻭﻳﺰﻳﺪ ﻣﻴﻘﻞ ﻭﻫﻮ ﺑﻌﻴﺪ ﻋﻨﻲ ﺑﻌﺪ ﻣﺎﺳﻤﻌﺖ ﺑﺎﺣﻤﺪ ﺧﺎﺑﺮﺕ ﻣﺮﺕ ﻋﻤﻲ ﻭﺍﺳﻴﺘﻬﻪ
ﻭﻛﺎﻟﺘﻠﻲ ﻫﺎﻱ ﺣﻮﺑﺘﺞ ﻭﺍﺩﺭﻱ ﺑﻴﺞ ﻣﺘﺸﻤﺘﻪ
ﻣﺎﺍﻧﻜﺮ ﻣﻦ ﺳﻤﻌﺖ ﺍﻟﺨﺒﺮ ﺑﺠﻴﺖ ﻻﻥ ﺣﺴﻴﺖ ﺑﺎﻻﻧﺘﺼﺎﺭ
ﺑﺲ ﻣﻦ ﺗﺬﻛﺮﺕ ﻃﻔﻞ ﺑﻌﺪﻩ ﻭﺍﻧﻈﻠﻢ ﻭﻟﻼﺳﻒ
ﺗﻌﺎﻗﺐ ﻋﻠﻰ ﺳﻮﺍﻟﻒ ﺍﺑﻮ ﺍﻧﻘﻬﺮﺕ ﻭﺗﺄﻟﻤﺖ ﻋﻠﻲ ﺑﺲ ﻓﺮﺣﺎﻧﻪ ﺍﻟﺤﺮﻛﺔ ﻛﻠﺐ ﺍﺣﻤﺪ
ﺳﻨﺘﻴﻦ ﻣﻔﺎﺭﻛﺘﻪ ﺍﻟﺤﺪ ﻣﺎﺻﺎﺭ ﺍﻟﺤﻈﺮ ﻭﻛﻮﺭﻭﻧﺎ
ﺟﺎﻥ ﺭﻣﻀﺎﻥ ﻭﺍﺣﻨﻪ ﻫﻢ ﻋﺪﻧﺎ ﺣﻈﺮ ﻭﻣﻤﻨﻮﻉ ﺳﻔﺮ ﺯﻭﺝ ﻣﻴﻨﺎ ﺭﻳﺎﺽ ﺟﺎﻥ ﺟﺎﻱ ﻟﻠﻌﺮﺍﻕ ﻭﻣﻜﺪﺭ ﻳﺮﺟﻊ ﺍﻟﺘﺮﻛﻴﺎ ﻣﻤﻨﻮﻉ ﺍﻟﺴﻔﺮ ﻭﺑﺎﻗﻴﻦ ﺍﻧﻲ ﻭﻣﻴﻨﺎ ﺳﺎﻋﻪ ﻳﻤﻲ ﻭﺳﺎﻋﻪ ﺍﻧﻲ ﻳﻤﻬﻪ
ﺟﻨﺖ ﻧﺎﻳﻤﻪ ﻛﻌﺪﺗﻨﻲ ﻋﻠﻰ ﺧﺒﺮ ﻭﻓﺎﺓ ﺍﻡ ﻟﻴﺚ ﺍﻧﻘﻬﺮﺕ ﺣﻴﻞ ﻭﻛﻤﺖ ﺍﺑﺠﻲ
ﻣﻴﻨﺎ / ﺍﻧﻮﺏ ﺍﺗﺼﻞ ﻋﻠﻰ ﻟﻴﺚ ﻣﺎﻛﻮ
ﺍﻭﻑ ﻳﺎﺭﺑﻲ ﺟﻨﺖ ﺍﺑﺠﻲ ﻋﻠﻴﻬﻪ ﻭﺍﺑﺠﻲ ﻋﻠﻲ ﺑﻨﻔﺲ ﺍﻟﻮﻗﺖ
ﺑﻘﻴﺖ ﺍﺭﺍﻗﺐ ﺷﻮﻛﺖ ﻳﺼﻴﺮ ﻋﻨﺪﻩ ﺍﺗﺼﺎﻝ ﻭﺍﺗﺼﻞ ﻋﻠﻲ
ﺍﻟﻰ ﺍﻥ ﺷﻔﺘﻪ ﻣﺘﺼﻞ ﻛﺒﻞ ﺩﻛﻴﺖ ﻋﻠﻲ ﻣﺠﺎﻭﺑﻨﻲ
ﺩﻛﻴﺖ ﻣﺮﻩ ﺛﺎﻧﻴﻪ
ﺟﺎﻥ ﺻﻮﺗﻪ ﻛﻠﺶ ﺗﻌﺒﺎﻥ
ﺑﺠﻴﺖ ﺍﻭﻝ ﻣﺴﻤﻌﺖ ﺻﻮﺗﻪ ﺍﻟﺒﻘﻴﻪ ﺑﺤﻴﺎﺗﻚ
ﻭﺣﻴﺎﺗﺞ ﺍﻟﺒﺎﻗﻴﻪ ﺗﻌﺒﺖ ﺣﻴﻞ ﺑﺎﺧﺮ ﺍﻳﺎﻣﻬﻪ ﺣﻨﻴﻦ ﺻﺎﺭﺕ ﺷﻜﺪﻭﺗﻬﻪ ﺗﻨﺎﺯﻉ ﻛﺪﺍﻣﻲ ﻭﻣﺎﺑﻴﺪﻱ ﺷﻲ ﻋﻠﻴﻬﻪ
ﺍﺑﺠﻲ ﻣﻦ ﻳﺤﺠﻲ
ﻛﺘﻠﻪ ﻣﺸﺘﺎﻗﺘﻠﻚ ﻭﺍﻧﻲ ﺍﺑﺠﻲ
ﺳﻜﺖ
ﺟﻨﺖ ﻣﺤﺘﺎﺟﺞ ﻃﻮﻝ ﺍﻟﻔﺘﺮﻩ ﺍﻟﺮﺍﺣﺖ ﺑﺲ ﺍﻧﺘﻲ ﻛﻠﺘﻲ ﺭﺍﺣﺘﺞ ﻭﺍﻧﻲ ﺭﺩﺕ ﺭﺍﺣﺘﺞ
ﻭﺍﻟﻠﻪ ﻣﻮ ﺑﺲ ﺭﺍﺣﺘﻲ ﻓﻜﺮﺕ ﺑﻴﻬﻪ ﺣﺘﻰ ﺭﺍﺣﺘﻚ
ﺍﻳﺪﺻﺤﻴﺢ
ﻣﺎﻛﻮ ﺩﺍﻋﻲ ﻟﻠﻜﻼﻡ ﻫﺴﻪ ﺍﺭﻳﺪ ﺍﻧﺎﻡ ﺗﻌﺒﺎﻥ
ﺷﻮﻳﻪ ﺷﻮﻳﻪ ﺭﺟﻌﻨﻪ ﻧﺤﺠﻲ ﻃﻮﻝ ﺍﻟﻮﻗﺖ ﺟﺎﻥ ﺯﻋﻼﻥ ﻣﻨﻲ ﺣﻴﻞ ﻭﻋﺎﺗﺒﻨﻲ ﻫﻮﺍﻱ ﺍﺧﺮ ﺷﻲ ﺍﺗﺼﻞ ﻋﻠﻴﻪ ﻭﻛﻠﻲ ﺑﻌﺪ ﻣﺎ ﺭﺟﻌﻨﻪ ﻧﺤﺠﻲ ﺍﻧﻲ ﻭﻳﺎ
ﺣﻨﻴﻦ ﻓﺘﺤﻮ ﺍﻟﻄﺮﻳﻖ
ﻻ ﻭﻳﻦ ﻣﻤﻨﻮﻉ
ﺑﻜﻴﻔﺞ ﺻﺪﻳﻘﻲ ﻋﺎﺋﻠﺘﻪ ﺭﺍﺡ ﻳﺮﺟﻌﻮﻥ ﻟﻠﻌﺮﺍﻕ
ﻣﺴﺘﺤﻴﻞ ﻣﺎﻛﻮ ﻫﻴﺞ ﺷﻲ
ﺷﺒﻴﺞ ﺣﻨﻴﻦ ﺗﻮﻧﻲ ﻫﺎ ﺃﻫﺎ ﻛﺎﻋﺪ ﻳﻤﻪ ﻭﻛﺎﻝ ﻋﻦ ﻃﺮﻳﻖ ﻣﻨﻔﺬ ﺍﺑﺮﺍﻫﻴﻢ ﺍﻟﺨﻠﻴﻞ
ﻭﺷﻠﻮﻥ ﻳﺪﺧﻠﻮﻧﻪ
ﻣﻦ ﻛﺮﺩﺳﺘﺎﻥ ﺣﺠﻴﺖ ﻭﻳﺎ ﺟﻬﺰﻱ ﻧﻔﺴﺞ ﺗﺮﺟﻌﻴﻦ ﻭﻳﺎﻫﻢ
ﻭﺷﻐﻠﻲ
ﺣﻨﻴﻦ ﺍﻧﺘﻲ ﺗﺮﻳﺪﻳﻨﻲ ﻟﻮ ﻻ
ﻃﺒﻌﺎً ﺍﺭﻳﺪﻙ
ﺧﻠﺺ ﺟﻬﺰﻱ ﻧﻔﺴﺞ
ﺟﻬﺰﺕ ﻧﻔﺴﻲ ﻣﻴﻨﺎ ﺣﺠﺖ ﻋﻠﻴﻪ ﺭﺍﺩﺕ ﻭﻋﺮﺿﺖ ﻛﺎﻟﺖ ﻋﻞ ﺍﻗﻞ ﺧﻞ ﻳﻨﻔﺘﺢ ﺍﻟﻄﻴﺮﺍﻥ ﻭﻟﻴﺶ ﻣﺎﻫﻮﻩ ﻳﺠﻴﺞ ﻣﻮ ﺍﻧﺘﻲ ﺗﺮﻭﺣﻴﻠﻪ ﻣﺴﻤﻌﺖ ﻣﻨﻬﻪ
ﺳﺎﻓﺮﺕ ﻭﻳﻪ ﻋﺎﺋﻠﺔ ﺻﺪﻳﻘﻪ ﻭﻛﻠﺶ ﻣﺤﺘﺮﻣﻴﻦ ﻣﻦ ﻭﺻﻠﺖ ﻫﻮ ﺟﺎﻥ ﻳﻨﺘﻈﺮﻧﻲ ﻭﺻﻠﺖ ﺗﻘﺮﻳﺒﺎً ﺑﻠﻴﻞ ﻛﻠﺶ
ﺟﻨﺖ ﻣﻤﺼﺪﻛﻪ ﺭﻭﺣﻲ ﻣﺘﻐﻴﺮ ﻫﻮﺍﻱ ﻭﻣﺒﻴﻦ ﺗﻌﺒﺎﻥ
ﺑﻌﺪﻩ ﺑﻬﺪﻭﺋﻪ ﻭﺍﻧﺎﻗﺘﻪ ﺟﺎﻥ ﻻﺑﺲ ﺍﺳﻮﺩ ﻭﻟﺤﻴﺘﻪ ﻃﻮﻳﻠﻪ ﻣﺒﻴﻦ ﻋﻠﻲ ﺍﻟﺤﺰﻥ ﻋﻠﻰ ﺍﻣﻪ ﻭﻣﻨﺎﻇﺮﻩ ﺍﻟﻲ ﺍﻋﺸﻘﻬﻦ
ﺗﺸﻜﺮ ﻣﻦ ﺻﺪﻳﻘﻪ ﻭﺍﻫﻠﻪ ﻭﺻﻌﺪﺕ ﺑﺎﻟﺴﻴﺎﺭﻩ ﻛﻌﺪ
ﺍﻭﻝ ﻣﺼﻌﺪ ﻧﺰﻉ ﻣﻨﺎﻇﺮﻩ ﻧﻈﻔﻬﻦ ﺑﺎﻟﻜﻠﻨﺲ ﻭﺍﻧﻲ ﺍﺑﺎﻭﻉ ﻋﻠﻲ ﺩﺍﺭ ﻭﺟﻬﻪ ﻭﻟﺒﺲ ﻣﻨﺎﻇﺮﻩ ﻭﻳﺒﺎﻭﻉ ﻋﻠﻴﻪ ﻭﻳﺒﺘﺴﻢ
ﺧﻠﻪ ﺍﻳﺪﻩ ﻋﻠﻰ ﺍﻳﺪﻱ
ﻣﺸﺘﺎﻗﻠﺞ ﻭﺭﻭﺡ ﺍﻣﻲ
ﻣﻮ ﺑﻜﺪﻱ ﻟﻴﺚ
ﻣﻤﺼﺪﻙ ﺍﺑﺪ ﺍﻧﺘﻲ ﻫﻨﺎ
ﻭﻻ ﺍﻧﻲ ﻣﺼﺪﻛﻪ
ﺍﺧﺬﻧﻲ ﻟﻠﺒﻴﺖ ﺗﻔﺎﺟﺌﺖ ﺑﻴﻪ ﺯﻫﺮﺍﺀ ﻭﺍﻳﺴﺮ
ﺷﺒﻜﺖ ﺯﻫﺮﺍﺀ ﻭﺳﻠﻤﺖ ﻋﻠﻰ ﺍﻳﺴﺮ ﺑﻴﻦ ﻋﻠﻰ ﺍﻳﺴﺮ ﺍﻟﻀﻮﺟﻪ ﻣﻦ ﺭﺟﻌﺘﻲ ﻭﺩﺧﻞ ﻫﻮ ﻭﻟﻴﺚ ﻳﺤﺠﻮﻥ
ﺟﺎﻥ ﺍﻟﺒﻴﺖ ﺧﺎﻟﻲ ﺑﺪﻭﻥ ﻋﻤﻪ ﻟﻴﻠﻰ ﺣﺴﻴﺖ ﺑﻮﺣﺸﺘﻬﻪ
ﺑﻌﺪﻳﻦ ﻣﻦ ﻃﻠﻌﻮ ﻣﻦ ﺍﻻﺳﺘﻘﺒﺎﻝ ﺯﻳﻦ ﺍﻳﺴﺮ
ﺑﻘﻴﻨﻪ ﻟﻠﺼﺒﺢ ﻣﻨﻤﻨﻪ ﻧﺴﻮﻟﻒ ﺟﻨﻪ ﻭﺍﺣﺪ ﻣﺸﺘﺎﻕ ﻟﻠﺜﺎﻧﻲ
ﺛﺎﻧﻲ ﻳﻮﻡ ﺟﺎﺏ ﺍﻟﺴﻴﺪ ﻭﻋﻘﺪﻟﻨﺎ ﺗﺰﻭﺟﻨﺎ
ﺟﻨﺖ ﺍﺗﻤﻨﻰ ﺍﻟﻠﺒﺲ ﺑﺪﻟﻪ ﻭﻋﺮﺱ ﻣﻦ ﺣﺒﻴﺐ ﻛﻠﺒﻲ
ﺑﺲ ﻣﻤﻘﺴﻮﻡ ﺩﺧﻠﻨﻪ ﻟﻠﻐﺮﻓﻪ ﺍﻟﻐﺮﻓﺘﻪ ﻓﻮﻙ ﻧﻔﺴﻬﻪ ﻣﻤﺘﻐﻴﺮ ﺑﻴﻬﻪ ﺷﻲ ﺍﻭﻝ ﻣﺪﺧﻠﺖ
ﺫﻧﻲ ﻟﻮﺣﺎﺗﻚ ﺍﻟﻌﺎﺭﻳﺎﺕ ﻣﺎﺍﺭﻳﺪﻫﻦ ﺑﻌﺪ
ﺍﺑﺘﺴﻢ ﻭﺗﻘﺮﺏ ﻋﻠﻴﻪ ﻧﺰﻋﺘﻪ ﻣﻨﺎﻇﺮﻩ
ﻏﻤﺾ ﻋﻴﻨﻲ ﻣﺜﻞ ﺍﻟﻴﻌﺼﺮﻫﻦ ﻟﻴﺶ
ﺣﺘﻰ ﻣﺘﺸﻮﻑ ﺫﻧﻲ ﺍﻟﻌﺎﺭﻳﺎﺕ ﺩﺍﻗﺎﺗﻨﻲ ﻣﻦ ﺍﻭﻝ ﻣﺸﻔﺘﻬﻦ ﻭﻛﺘﻠﻚ ﻭﻣﺒﻘﻴﻬﻦ ﺑﻌﺪﻙ
ﺍﺧﺬ ﻣﻨﺎﻇﺮﻩ ﻣﻦ ﺍﻳﺪﻱ ﻭﺳﺤﺒﻨﻲ ﻋﻠﻲ ﺑﺎﺳﻨﻲ
ﻛﺎﻡ ﻳﺒﻮﺱ ﺑﻴﻪ ﻭﺟﺮﻧﻲ ﻟﻠﺠﺮﺑﺎﻳﻪ
ﺻﺎﺭ ﻓﻮﻛﺎﻳﻪ
ﻣﻌﻘﻮﻟﻪ ﻣﺎﺍﺻﺪﻙ ﺣﻨﻴﻦ
ﺳﺤﺒﺘﻪ ﻋﻠﻴﻪ ﺣﻴﻞ ﻭﻻ ﺍﻧﻲ
ﺟﻨﺖ ﻣﻤﺼﺪﻛﻪ ﺻﺮﺕ ﺯﻭﺟﺘﻪ ﻭﻣﺸﻠﺖ ﻫﻢ ﻛﻠﺸﻲ ﻻ ﺍﺣﻤﺪ ﻭﻻ ﺍﻱ ﺍﺣﺪ ﻭﺍﻻﺣﻠﻰ ﺭﺟﻊ ﺍﻟﺤﻈﺮ ﻭﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺑﺎﻟﺒﻴﺖ ﺣﺘﻰ ﻟﻴﺚ ﻛﻠﻲ ﻫﻤﺰﻳﻦ ﺟﺒﺘﺞ ﺟﺎﻥ ﻟﻬﺴﻪ ﺍﻧﺘﻲ ﺑﻌﻴﺪﻩ
ﻭﺻﺎﻟﻨﻪ ﻋﻠﻰ ﻏﺮﻓﻪ ﻣﻦ ﺍﻻﻧﺘﺮﻧﺖ ﻛﻠﺶ ﺣﻠﻮﻩ ﻭﺍﻧﺘﺼﺮﺕ ﻭﺷﻠﺖ ﻟﻮﺣﺎﺗﻪ ﺍﻟﻌﺎﺭﻳﻪ ﻭﻫﻮ ﺿﺎﺝ ﻛﻠﺶ ﺑﺲ ﺍﺳﺘﺴﻠﻢ
ﻫﺪﻳﻪ / ﺭﺟﻌﻨﻪ ﺍﻧﻲ ﻭﻣﺤﺐ ﻭﺣﻴﺎﺗﻨﻪ ﺣﻠﻮﻩ ﻭﺍﻻﺣﻠﻰ ﺟﺎﻥ ﺣﻈﺮ ﻭﻣﻤﻨﻮﻉ ﻳﻔﺘﺢ ﺍﻟﻤﺤﻞ ﻣﺎﻝ ﺣﻼﻗﻪ ﻭﺑﻌﺪﻳﻦ ﺳﻮﻭ ﻟﻠﺨﻤﺴﻪ ﻋﺎﺩﻱ ﻳﻔﺘﺤﻮﻥ ﻛﻠﺶ ﺣﺒﻴﺖ ﻫﺬﺍ ﺍﻟﻨﻈﺎﻡ
ﻛﺎﻋﺪﻳﻦ ﻣﺘﻮﻧﺴﻴﻦ ﺑﺸﻘﺘﻨﺎ ﻭﻣﻼﻙ ﻭﻳﺎﻧﻪ ﺷﻜﺪ ﺣﻠﻮ ﻭﺟﻮﺩﻧﺎ ﺳﻮﻩ ﻭﺣﺴﻴﺖ ﻓﺮﻕ ﻋﻠﻰ ﻣﺤﺐ ﺑﻌﺪ ﺍﻟﻠﻪ ﺍﻋﻠﻢ ﻳﺠﻮﺯ ﺑﺲ ﺑﺎﻟﺒﺪﺍﻳﻪ ﺑﺲ ﺟﻨﺖ ﻣﺘﻮﻧﺴﻪ ﺑﺮﺟﻌﺘﻨﺎ
ﺍﻟﺘﻤﻴﻨﺎ ﺑﺎﻟﻌﻴﺪ ﻻﻥ ﻧﻔﺲ ﺍﻟﻤﻨﻄﻘﻪ ﻭﻛﻞ ﻣﺎﺍﺭﻭﺡ ﻳﻨﺼﺒﻮﻥ ﻋﻠﻴﻪ ﺭﺣﻨﺎﻟﻬﻢ ﻣﻦ ﺍﻟﺼﺒﺢ ﻗﻠﻘﻨﺎﻫﻢ ﻛﻌﺪﻭ ﻛﻠﻬﻢ ﺍﺭﻳﺞ ﻭﺍﻳﻬﺎﺏ ﻭﻧﺠﻢ ﻭﺩﻻﻝ ﻭﺍﺑﻨﻬﻢ ﻣﻠﻮﻛﻪ ﺧﺎﻟﻪ ﻛﻮﺭﻫﻪ ﻣﻦ ﻛﻮﺭﻩ ﻛﻞ ﺷﻮﻳﻪ ﻫﺎﻣﺸﺘﻪ ﻣﻦ ﻭﺟﻬﻪ
ﺳﺎﻣﺮ ﺟﺎﻥ ﻧﺎﻳﻢ ﺑﺎﻻﺳﺘﻘﺒﺎﻝ ﻧﻜﻌﺪ ﺑﻲ ﻣﻴﻜﻌﺪ ﺑﻘﻴﻨﻪ ﻧﺴﻮﻟﻒ ﻓﺠﺄﻩ ﻭﺧﺮ ﺍﻟﻐﻄﻪ ﻭﻛﻌﺪ ﻳﻔﺮﻙ ﺑﻌﻴﻨﻪ
ﻫﺪﻳﻪ / ﻛﻮﻡ ﻟﻚ ﻳﻠﻠﻪ ﻛﻮﻡ ﺍﻧﻄﻲ ﻋﻴﺎﺩﻱ
ﺩﺍﺭ ﻋﻠﻴﻪ
ﺳﺎﻣﺮ / ﻣﺤﺐ ﻭﺧﺮﺭﺭﺭﺭﺭﺭﺭﺭ ﻣﺤﺐ ﻛﺎﻓﻲ
ﻟﺤﺪ ﻳﺤﺠﻲ ﻭﻳﺎﻱ ﺑﻬﺬﺍ ﺍﻟﻤﻤﻮﺿﻮﻉ
ﺍﺭﻳﺪ ﻣﺤﺐ ﻳﻄﻠﻜﻨﻲ
ﺍﻧﺘﻮﻭﻭﻭﻭ ﻣﺘﻔﻬﻤﻮﻧﻲ
ﻭﺧﺮﺭﺭﺭﺭﻭ ﻟﺤﺪ ﻳﺤﺠﻲ ﻭﻳﺎﻱ ﺑﺎﻟﻤﻮﺿﻮﻉ
ﻭﺗﺎﻟﻲ ﻣﺘﺎﻟﻲ ﺗﻄﻠﻊ ﺑﺲ ﺍﻋﻼﻧﺎﺕ
ﻫﺪﻳﻪ / ﺷﻜﺪ ﺳﺨﻴﻒ ﺳﺎﻣﺮ ﺍﻣﻮﺗﻚ ﻭﺍﻟﻠﻪ ﻭﻛﻤﺖ ﻋﻠﻲ ﺿﺮﺑﺘﻪ
ﻛﻞ ﻣﺎﺍﺷﻮﻓﻪ ﻣﻦ ﺭﺟﻌﻨﻪ ﻟﻠﻴﻮﻡ ﻳﻌﻴﺪﻫﻪ
ﻭﺭﺍﻫﻪ ﻛﺎﻣﻮ ﻳﺘﺸﺎﻗﻮﻥ ﻣﺤﺐ ﻭﺍﻟﻮﻟﺪ
ﺳﺎﻣﺮ ﻳﻜﻮﻝ ﺍﻝ ﻧﺠﻢ ﺍﻧﻲ ﺍﻗﻮﻯ ﻣﻨﻚ ﻟﻮ ﻣﺎ ﺍﻛﺒﺮ ﻣﻨﻲ ﺍﺩﻣﻴﻚ
ﻣﺤﺐ ﺗﻌﺎﻝ ﻟﺘﻌﺘﺒﺮﻧﻲ ﺍﺧﻮﻙ ﺍﻟﺠﺒﻴﺮ ﻭﺩﻣﻴﻨﻲ ﺍﻟﻲ
ﻻ ﻻ ﻣﺎﺍﻛﺪﺭ
ﻻ ﺗﻌﺎﻝ
ﻛﺎﻣﻮ ﻭﺟﺎﻥ ﻳﻠﺰﻡ ﺳﺎﻣﺮ ﻭﻳﻨﺎﻡ ﻋﻠﻰ ﺧﻮﺍﻧﻴﻜﻪ
"" ﺍﻟﻨﻬﺎﻳﻪ ""
ﺍﻟﻬﻨﺎ ﻭﺭﺣﻠﺘﻨﻪ ﻭﻳﺎﻫﻢ ﺗﻨﺘﻬﻲ ﺻﺎﺭﻭ ﺟﺰﺀ ﻣﻦ ﺣﻴﺎﺗﻨﺎ
ﺷﺎﺭﻛﻮﻧﺎ ﺍﺣﺰﺍﻧﻬﻢ ﻭﺍﻓﺮﺍﺣﻬﻢ
ﻭﻭﺗﻔﺎﺻﻴﻠﻬﻢ ﺣﺎﻥ ﺍﻟﻤﻮﻋﺪ ﻧﻮﺩﻋﻬﻢ ﻭﻧﺘﻤﻨﺎﻟﻬﻢ ﺍﻟﺴﻌﺎﺩﻩ
ﺷﻜﺮﺍً ﻟﻜﻢ ﻣﻦ ﻗﻠﺒﻲ ﻋﻠﻰ ﺗﻔﺎﻋﻠﻜﻢ ﺍﻟﺠﻤﻴﻞ ﻭﺷﻜﺮ ﻟﺘﻮﺗﻪ ﻋﻠﻲ ﻭﺯﻳﻨﺐ ﻋﻠﻰ ﺍﻟﺘﺼﺎﻣﻴﻢ ﻭﺗﺼﻤﻴﻢ ﺗﻮﺗﻪ ﺟﺎﻥ ﻟﻜﻞ ﺍﻻﺑﻄﺎﻝ ﺑﺲ ﻟﻼﺳﻒ ﻣﺎﺍﻛﺪﺭ ﺍﻧﺰﻟﻪ ﻫﻨﺎ ﺟﺎﻥ ﺍﻟﻜﻞ ﺍﻻﺑﻄﺎﻝ
ﻭﺍﻋﺬﺭﻭﻧﻲ ﻋﻠﻰ ﺍﻟﺘﻘﺼﻴﺮ ️♥️♥
ﺍﺗﻤﻨﻰ ﻛﺪﺭﺕ ﺍﻭﺻﻠﻠﻜﻢ ﺍﻟﻌﺒﺮ ﻣﻦ ﻗﺼﺘﻬﻢ
ﻭﺑﺎﻟﻨﻬﺎﻳﻪ ﺷﻌﺎﺭ ﺍﻟﻘﺼﻪ
ﻛﻤﺎ ﺗﺪﻳﻦ ﺗﺪﺍﻥ 💔
