#انتقام_وقسوة_محب
بقلمي ام غايب
#تكملة_البارت22
ونظفت البيت وامير مكاعد رحت علي
كعدت كباله فتحت كماطه فز ورجع نام
تأملته شكله بريء رغم ما شكله مثل رجل كبير مسن
بس شكله بريء حيل
تلمست وجهه ودنكت علي وبسته
تحرك وفتح حلكه عباله ممه
ابتسمت ....شلته وخليته على جهة كلبي
اوووف ياروحي ....شكد احبك
غسلتله وبدلتله
دكت الباب خاله ام قاسم كعدت شويه وراحت
كملت الوقت بين امير وبين ايمن
وريام كل شويه ادخللهه للغرفه احجي وياهه وهيه ولا يمهه
وكفت اباوع عليهه
اباوع على انكسارهه وقهرهه خفت حيل من هاي اللحظه
خفت على امير ....مااريد اعيش هاي اللحظه ابد
رحت ال امير شبكته وكمت ابوس بي قوي واشم بعطره
دير بالك يا حبيبي تسويهه بيه
اموت وراك والله
سويت غده وكعدت انتظر محب تأخر واخاف اخابره من موقف الصبح
يمد اللسانه عليه
لزمت موبايلي
رجعت دكيت على رفل دك
توترت حيل نسيت شريد احجي سديته
وتذكرت الموقف وتعصبت ورجعت اتصلت
هيه كبل جاوبت
الو
الو وووو ست رفل
منو
منو يعني باعي اني مو من عادتي اتهجم
بس انتي تره زوديتهه
انت منو غير افتهم
اني هديه ...
هلو هديه شلونج شنو هذا الهجوم الي عليه شنو قصتج على كيفج اخذي نفس حبي
ابتسمت الصلافتهه
رفل ابعدي عن محب
شتريدين منه اني زوجته وعدنه ابنه شنو الي تريدي من رجال متزوج وعنده عائله
اني مكاعد افهم على شنو تحجين
الي احجي كافي تدزين مسجات الزوجي
باعي حبي
اني مابيني وبينه شي اني عفت محب
ومستحيل ارجعله بس هو ابن خالتي
مهما يكون لازم يصير تواصل ييناتنه
اطمئني ...ماانكر اني احبه
الحب شي صعب واني حبيت محب
انتظرته سنين بجيت على بجيه وفرحت الفرحه
يعني مو بسهوله اكدر انسى
ماشي بس بعد لتدزيله مسجات
اذا هذا الشي يأذيج ماشي اوكي من عيوني
بس هو هم خل يبتعد مو كل ما يختنك يتصل بيه
كل مااريد انسى يذكرني بي ويرجع يختفي
هو يتصل بيج
اي بس لتخافين ميحجي شي يكلي بس اسمع صوتج وبس يعني اطمئني ميخونج
سديته بوجهه
اياااا كلبه
انهارت اعصابي من كلامهه رجعت اتصلت
اول محجت كالت
اكيد خلص رصيدج
باعي حبي لتقلقين ولتخافين مابيني وبينه شي انتبهي الحياتج
وعوفي هاي السوالف وتعودي اني بت خاله واحجي ويا ويصير لقائات بيناتنه
