ﻣﻼﺣﻈﻪ / ﻟﺘﻜﻮﻟﻮﻥ ﻗﺼﻴﺮ ﻻﻥ ﺍﻟﺘﻔﺎﻋﻞ ﻣﻴﺴﺎﻋﺪ ﺍﺑﺪﺍً 🤨
#ﻗﺴﻮﺓ_ﻣﺤﺐ_3
ﺑﻘﻠﻤﻲ ﺯﻳﻨﺐ ﺍﻟﻌﺒﻮﺩﻱ ️🉥✍
#بارت١١
ﺩﺭﺕ ﻭﺟﻬﻲ ﻋﻠﻲ ﻭﺍﺑﺘﺴﻤﺖ
ﺍﻳﻬﺎﺏ / ﺍﺣﺒﺞ ﻭﺍﻟﻠﻪ ﺑﺪﻩ ﻳﻤﺸﻄﻠﻲ ﺑﺸﻌﺮﻱ ﻭﻛﻞ ﺷﻮﻳﻪ ﺍﺩﻭﺭ ﻋﻠﻲ
ﻭﻣﻦ ﻛﻤﻞ ﺗﻤﺸﻴﻂ ﺟﺮﻧﻲ ﻧﻮﻣﻨﻲ ﻋﻠﻰ ﺻﺪﺭﻩ ﻭﻛﺎﻡ ﻳﺒﻮﺱ ﺑﺨﺪﻱ
ﺩﺭﺕ ﻋﻠﻲ
ﺍﻳﻬﺎﺏ ﺍﻧﺖ ﻣﺘﻨﻮﺻﻒ ﺍﺑﺪﺍً
ﺍﻧﺘﻲ ﺍﻟﻲ ﻣﺘﻨﻮﺻﻔﻴﻦ
ﻓﺠﺄﻩ ﺩﺭﺕ ﻭﺟﻬﻲ ﻋﻠﻲ ﻋﻴﻮﻧﻪ ﻣﻐﺮﻏﺮﻩ ﺑﻴﻬﻪ ﺩﻣﻮﻉ ﻣﺤﺒﻮﺳﻪ
ﺷﺒﻴﻚ ﺣﺒﻴﺒﻲ
ﺧﺎﻳﻒ ﺍﻧﻲ ﻇﺎﻟﻤﺞ
ﻟﻴﺶ ﺗﺤﺠﻲ ﻫﻴﺞ
ﺍﺑﺴﻂ ﺷﻐﻠﻪ ﻣﺎﺍﻛﺪﺭ
ﻛﺒﻞ ﺧﻠﻴﺖ ﺍﻳﺪﻱ ﻋﻠﻰ ﺷﻔﺘﻪ
ﺷﻠﻮﻥ ﺍﻧﺖ ﻇﺎﻟﻤﻨﻲ ﻭﺍﻧﻲ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ
ﺍﻳﻬﺎﺏ ﺍﻧﺖ ﺍﺟﻤﻞ ﺷﻲ ﺻﺎﺭ ﺑﺤﻴﺎﺗﻲ ﺍﻧﺖ ﺍﻻﻣﺎﻥ ﻭﺍﻟﺴﻨﺪ ﺍﻟﻲ ﻣﺤﺮﻭﻣﻪ ﻣﻨﻬﻦ
ﺍﻧﻲ ﺍﺣﺒﻚ ﺍﻟﺪﺭﺟﺔ ﺍﻧﻲ ﻣﻜﺘﻔﻴﻪ ﺑﻴﻚ ﻭﺍﺣﻤﺪ ﺭﺏ ﺍﻟﻌﺎﻟﻤﻴﻦ ﺍﻥ ﺭﺯﻗﻨﻲ ﺑﻴﻚ
ﺍﻳﻬﺎﺏ / ﻋﻨﺪﻱ ﻋﻴﻮﺏ ﻣﺎﺍﻛﺪﺭ ﺍﻏﻴﺮﻫﻦ ﺑﻌﺪﻳﻦ ﺭﺍﺡ ﺗﺘﻌﺒﻴﻦ ﻭﺗﻤﻠﻴﻦ
ﺍﺭﻳﺞ / ﻋﻦ ﻧﻔﺴﻲ ﺣﺘﻰ ﻋﻴﻮﺑﻚ ﺍﺣﺒﻬﻦ ﻛﻠﺸﻲ ﺑﻴﻚ ﺍﺣﺒﻪ
ﺍﻧﺖ ﻣﺤﻠﻲ ﺣﻴﺎﺗﻲ ﺍﻧﺖ ﺭﺯﻕ ﻣﻦ ﺭﺏ ﺍﻟﻌﺎﻟﻤﻴﻦ
ﺍﻳﻬﺎﺏ / ﺍﺑﺘﺴﻢ " ﺑﺎﺳﻨﻲ ﻣﻦ ﺭﺍﺳﻲ ﺍﻧﺘﻲ ﺍﻟﻌﻮﺽ ﺍﻟﻲ ﺭﺏ ﺍﻟﻌﺎﻟﻤﻴﻦ ﻋﻮﺿﻨﻲ ﺑﻲ
ﺍﺭﻳﺞ ﺍﻧﻲ ﺍﺣﺒﺞ ﺍﻟﻠﻪ ﻳﺸﻬﺪ ﻋﻠﻴﻪ ﺍﻟﺪﺭﺟﻪ ﺣﺘﻰ ﻣﺎﺍﻛﺪﺭ ﺍﻭﺻﻔﻬﻪ ﻣﺎﺍﻋﺮﻑ ﻭﺟﻮﺩﺝ ﺑﺤﻴﺎﺗﻲ ﺣﻠﻪ ﻛﻞ ﺍﻟﺪﻧﻴﺎ ﺑﻌﻴﻨﻲ
ﺗﻌﺮﻓﻴﻦ ﺍﻧﻲ ﺍﻱ ﺷﻲ ﻣﻨﺞ ﺍﺣﺒﻪ ﺣﺘﻰ ﺍﻟﻨﻈﺮﻩ ﺗﻮﺩﻳﻨﻲ ﺍﻟﻌﺎﻟﻢ ﺛﺎﻧﻲ ﻭﻳﻦ ﺟﻨﺘﻲ ﻣﻦ ﺯﻣﺎﻥ
ﻛﻤﺖ ﻛﻌﺪﺕ ﻋﻠﻰ ﺭﺟﻠﻪ ﻭﺣﻀﻨﺘﻪ ﻭﻫﻮ ﺣﻀﻨﻲ
ﺟﻨﺖ ﺍﻋﻴﺶ ﻗﺼﺔ ﺣﺐ ﻣﺘﻨﻮﺻﻒ ﻣﻤﻴﺰﻩ ﺑﻤﻌﻨﻰ ﺍﻟﻜﻠﻤﻪ
ﺍﻱ ﺑﻨﺖ ﺗﺘﻤﻨﺎﻫﻪ
ﺑﻜﻞ ﻣﺸﺎﻋﺮﻱ ﻭﺍﺣﺎﺳﻴﺴﻲ
ﺟﺎﻥ ﺍﻭﻝ ﺣﺐ ﺑﺤﻴﺎﺗﻲ
ﻭﺻﻠﺖ ﻣﺮﺣﻠﻪ ﺑﻔﺘﺮﻩ ﻗﺼﻴﺮﻩ ﺍﺣﺒﻪ ﺣﺐ ﺳﻨﻴﻦ ﻃﻮﻳﻠﻪ
ﺻﺪﻗﻪ ﻭﺍﺣﺎﺳﻴﺴﻪ ﺍﻟﻲ ﻣﺎﺑﻴﻬﻦ ﺗﺼﻨﻊ ﺳﺤﺮﻧﻲ
ﺻﺎﺭﺕ ﻋﻴﻨﻪ ﺑﻌﻴﻨﻲ
ﻭﺧﺮ ﺧﺼﻼﺕ ﺷﻌﺮﻱ ﻭﺍﺑﺘﺴﻢ
ﺍﺭﻳﺞ / ﺍﻋﺸﻖ ﺍﺑﺘﺴﺎﻣﺘﻚ ﺍﻳﻬﺎﺏ
ﺍﻳﻬﺎﺏ / ﻭﺍﻧﻲ ﺍﻋﺸﻘﺞ ﻛﻠﺞ ﻣﻮ ﺑﺲ ﺍﺑﺘﺴﺎﻣﺘﺞ
ﻋﻴﻮﻧﺞ ﺭﻣﺸﺞ ﺍﻧﻔﺞ ﺷﻔﺘﺞ ﺟﺴﻤﺞ ﻛﻠﺸﻲ ﺑﻴﺞ
ﻭﺍﻻﻛﺜﺮ ﻛﻠﺒﺞ ﺍﻩ ﻳﺎ ﮔﻠﺒﺞ
ﺍﻧﺖ ﺍﻧﺴﺎﻧﻪ ﻣﻤﻌﻘﻮﻟﻪ
ﺍﻋﺪﻟﻚ ﺣﺒﻴﺒﻲ ﺣﺘﻰ ﺗﻨﺎﻡ ﻣﺒﻴﻦ ﻋﻠﻴﻚ ﻧﻌﺴﺎﻥ
ﺑﻌﺪ ﺧﻠﻴﻨﻲ ﺍﺗﺄﻣﻞ ﻭﺟﻬﺞ ﺍﻛﺜﺮ
ﺍﺑﺘﺴﻤﺖ ﻭﺣﻀﻨﺘﻪ ﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ
ﺍﻳﻬﺎﺏ / ﺍﺩﻳﺎﻥ ﺷﻌﺮﺝ ﻟﻮﻧﻪ ﻃﺒﻴﻌﻲ
ﺟﻨﺖ ﻧﺎﻳﻤﻪ ﻋﻠﻰ ﺻﺪﺭﻩ ﺗﻮﻧﻲ ﻏﻤﻀﺖ ﻋﻴﻨﻲ ﻭﻣﺒﺘﺴﻤﻪ ﻛﺒﻞ ﺳﻤﻌﺖ ﺍﺩﻳﺎﻥ " ﻓﺘﺤﺖ ﻋﻴﻨﻲ ﺍﻧﻲ ﺳﻤﻌﺖ ﺑﺎﻟﻤﻜﻠﻮﺑﻲ ﻟﻮ ﺍﻧﻲ ﺳﻨﻮ ﺑﺎﻟﻀﺒﻂ
ﺍﺩﻳﺎﻥ ﻫﻬﻬﻬﻪ ﻛﻠﺖ ﺍﺩﻳﺎﻥ ﻭﻛﻤﺖ ﻛﻌﺪﺕ ﺑﺎﻭﻋﺖ ﻋﻠﻲ ﺍﺭﺗﺒﻚ ﻭﺑﻌﺪ ﻋﻴﻨﻪ ﻋﻦ ﻋﻴﻨﻲ
ﺍﻳﻬﺎﺏ / ﻫﻬﻬﻪ ﻣﻌﻘﻮﻟﻪ
ﺍﺭﻳﺞ / ﺍﻱ ﻭﺍﻟﻠﻪ ﺫﻛﺮﺗﻨﻲ ﺑﻴﻬﻪ ﺧﻄﻴﻪ ﻭﺍﻟﻠﻪ ﺗﺨﺒﻞ ﺍﺧﻮﻙ ﻣﺘﻌﺎﻓﻲ ﻫﻮ ﻣﺠﺒﻮﺭ ﻋﻠﻴﻬﻪ
/ ﻛﺒﻞ ﺗﻌﺼﺐ ﻭﺣﺴﻴﺘﻪ ﻣﻮ ﻃﺒﻴﻌﻲ
ﺍﻳﻬﺎﺏ / ﻛﻢ ﻣﺮﻩ ﻛﺘﻠﺞ ﻣﺎﻟﺞ ﻋﻼﻗﻪ ﺑﺄﺣﺪ
ﺍﺭﻳﺞ / ﺍﻧﺖ ﻟﻴﺶ ﻣﺘﺤﺠﻲ ﻭﻳﺎ
ﺍﻳﻬﺎﺏ / ﻛﻞ ﺍﻧﺴﺎﻥ ﻭﺣﺮ ﺑﺤﻴﺎﺗﻪ
ﺍﺭﻳﺞ / ﺭﻓﻌﺖ ﺗﻚ ﺣﺎﺟﺐ ﺗﻌﺎﻝ ﺍﻧﺖ ﻟﻴﺶ ﻏﻠﻄﺖ ﺑﺎﺳﻤﻬﻪ
ﺍﻳﻬﺎﺏ / ﻣﻐﻠﻄﺖ
ﺍﺭﻳﺞ / ﻻ ﺑﻠﻲ ﻏﻠﻄﺖ
ﺍﻳﻬﺎﺏ / ﻻ ﺍﻧﺘﻲ ﻣﻦ ﻛﺪ ﻣﺘﻔﻜﺮﻳﻦ ﺑﻴﻬﻪ ﻭﻓﻀﻮﻟﻴﻪ
ﺍﺭﻳﺞ / ﻳﺠﻮﺯ ﻭﺍﻟﻠﻪ ﺻﺪﻙ ﺍﻧﻲ ﺍﻓﻜﺮ ﺑﻴﻬﻪ ﻭﺩﻛﻴﺖ ﺧﺸﺐ ﺍﻟﺠﺮﺑﺎﻳﻪ ﺍﻟﺤﻤﺪﻟﻠﻪ ﺍﻧﺖ ﻣﻮ ﻣﺜﻞ ﺍﺧﻮﻙ ﻭﻟﻪ ﺍﻧﻲ ﺍﻣﻮﺗﻪ ﺍﺫﺍ ﻫﻴﺞ ﻳﺴﻮﻱ ﺑﻴﻪ
ﺍﻳﻬﺎﺏ / ﺷﻤﺴﻮﻱ
ﺍﺭﻳﺞ / ﺿﻴﻘﺖ ﻋﻴﻨﻲ ﻫﺎﺍﺍﺍﺍ ﻣﻮ ﺗﻜﻮﻝ ﻣﺎﻟﻨﻪ ﻋﻼﻗﻪ
ﺍﻳﻬﺎﺏ / ﻣﺠﺮﺩ ﺳﺆﺍﻝ ﻋﺎﺩﻱ ﻻﻥ ﻣﺎﺍﻋﺮﻑ
ﺍﺭﻳﺞ / ﺷﻨﻮ ﻣﺘﻌﺮﻑ ﻣﻮ ﺳﺎﻓﺮ ﻭﻋﺎﻓﻬﻪ ﻭﺑﺒﺪﺍﻳﺔ ﺯﻭﺍﺟﻬﻢ
ﺍﻛﻠﻚ ﺑﺸﻐﻠﻪ ﺍﺧﻮﻙ ﻣﻐﺮﻭﺭ ﻣﺎﻝ ﺍﻓﺸﻔﺶ ﻋﻀﻼﺗﻪ
ﺍﻳﻬﺎﺏ
ﺍﻳﻬﺎﺏ / ﻫﺎ ﺣﺒﻴﺒﺘﻲ
ﺍﺭﻳﺞ / ﺷﻮ ﻣﻦ ﺗﺤﺠﻲ ﻭﻳﺎﻱ ﺗﻮﺧﺮ ﻋﻴﻮﻧﻚ ﻣﻨﻲ
ﺍﻳﻬﺎﺏ / ﻃﺒﻴﻌﻲ ﺍﻧﺘﻲ ﺷﺒﻴﺞ ﺍﻡ ﻋﻠﺞ
ﺍﺭﻳﺞ / ﻟﻴﺶ ﻣﺘﻠﻌﺐ ﺣﺪﻳﺪ
ﺍﻳﻬﺎﺏ / ﻫﻬﻬﻬﻬﻪ ﻭﺍﻟﻠﻪ ﺿﺤﻜﺘﻴﻨﻲ ﺷﻠﻮﻥ ﺍﻟﻌﺐ
ﺍﺭﻳﺞ / ﻛﺒﻞ ﺟﺮﻳﺖ ﺍﻳﺪﻩ ﺑﺬﻧﻲ ﺗﻠﻌﺐ ﺣﺪﻳﺪ ﺗﺤﺮﻙ ﻋﻀﻼﺕ ﺍﻳﺪﻙ ﺑﺲ ﻫﺎ ﻣﻮ ﺗﻤﺸﻲ ﻣﺜﻞ ﺍﺧﻮﻙ ﺳﺎﻣﺮ
ﺷﺒﻲ ﺳﺎﻣﺮ ﺍﻧﺘﻲ ﺷﺒﻴﺞ ﺷﺎﺩﻩ ﻭﻳﺎ
ﻫﻬﻬﻪ ﻻ ﻭﺍﻟﻠﻪ ﺑﺲ ﻣﻦ ﻳﻤﺸﻲ ﻳﻨﻔﺦ ﺭﻭﺣﻪ
ﻛﻞ ﺷﻮﻳﻪ ﻭﺍﺭﻳﺪ ﺍﻛﻠﻪ ﺗﺮﻩ ﻧﺪﺭﻱ ﺑﻴﻚ ﺗﻠﻌﺐ ﺣﺪﻳﺪ
ﻫﻤﻪ ﺍﻟﻲ ﻳﻠﻌﺒﻮﻥ ﺣﺪﻳﺪ ﺩﻭﻡ ﻫﻴﺞ ﻳﻤﺸﻮﻥ
ﻭﺍﻧﺘﻲ ﺷﻤﺪﺭﻳﺞ ﺑﻴﻬﻢ ﻫﻴﺞ ﻳﻤﺸﻮﻥ
ﺷﻨﻮ ﻏﻴﺮ ﺍﺷﻮﻓﻬﻢ
ﻭﻫﻴﺞ ﺍﻧﺘﻲ ﺗﺮﻛﺰﻳﻦ ﺑﻴﻬﻢ
ﺍﺭﺗﺒﻜﺖ ﺧﺠﻠﻨﻲ ﻛﺘﻠﻪ ﻻ ﻃﺒﻌﺎً ﺑﺲ ﻣﻦ ﻳﻤﺮﻭﻥ ﻣﻦ ﻳﻤﻲ ﺍﺷﻮﻓﻬﻢ ﻗﺎﺑﻞ ﺍﻏﻤﺾ ﻋﻴﻮﻧﻲ
ﺭﻓﻊ ﺗﻚ ﺣﺎﺟﺐ
ﺍﻳﻬﺎﺏ / ﻣﻦ ﻛﺎﻟﺘﻠﻲ ﻫﻴﺞ ﻣﻌﻨﺎﻫﻪ ﺗﺤﺐ ﺍﻟﻤﻌﻀﻠﻴﻦ ﻭﻻ ﻣﻨﺘﺒﻬﻪ ﻋﻠﻴﻬﻢ ﺍﺟﺬﺏ ﺍﺫﺍ ﻛﻠﺖ ﻣﻀﺠﺖ ﻣﺎﺍﺣﺲ ﺍﻟﻪ ﺑﺎﺳﺘﻨﻲ ﺑﺠﻔﻨﻲ ﻭﺭﺍﺩ ﺗﻜﻮﻡ ﺟﺮﻳﺘﻬﻪ
ﻭﻟﺞ ﺍﻧﺘﻲ ﺷﻨﻮﻭﻭﻭ
ﺷﻨﻮ
ﺍﺣﺒﺞ ﺣﻴﻞ ﺭﺍﺡ ﺗﻤﻮﺗﻴﻨﻲ ﺑﺤﺒﺞ ﻭﺗﺼﺮﻓﺎﺗﺞ ﻛﺪ ﻣﺎﺍﺣﺒﻬﻦ
ﺍﺣﺴﺞ ﻃﻔﻠﺘﻲ ﺍﺭﻳﺪ ﺍﺷﺒﻜﺞ ﺍﺭﻳﺪ ﺍﻛﻠﺞ ﻭﺍﻟﻠﻪ
ﺍﻟﺴﻌﺎﺩﻩ ﻳﻜﺪﺭ ﻳﺼﻨﻌﻪ ﺍﻻﻧﺴﺎﻥ ﺑﺎﻟﺤﺐ ﻣﻬﻤﺎ ﺗﻜﻮﻥ ﺍﻟﻈﺮﻭﻑ
ﺍﺩﻳﺎﻥ / ﺟﻨﺖ ﺗﻮﻧﻲ ﻛﺎﻋﺪﻩ ﻣﻦ ﺍﻟﻨﻮﻡ ﺑﺮﻣﻀﺎﻥ ﻧﺘﺄﺧﺮ
ﺑﺎﻟﻜﻌﺪﻩ ﺑﺮﺍﺣﺘﻨﺎ ﺣﺪﻧﻪ ﻟﻞ ٤ﺍﻟﻌﺼﺮ ﻧﻨﺰﻝ
ﺣﺘﻰ ﻧﺒﻠﺶ ﺑﺎﻟﻔﻄﻮﺭ ﻋﻼﻗﺘﻲ ﻭﻳﺎ ﺳﺎﻣﺮ ﻫﺪﻭﺀ ﻭﺻﻤﺖ ﺑﺲ ﻫﻮ ﻳﺤﺎﻭﻝ ﻳﺘﻘﺮﺏ ﻣﻨﻲ ﺑﺲ ﺍﻧﻲ ﻛﺮﺍﻣﺘﻲ ﻣﺘﺴﻤﺤﻠﻲ
ﺍﺣﻦ ﺍﻟﻪ ﻭﺳﺎﻋﺎﺕ ﺍﺣﺠﻲ ﻭﻳﺎ ﻋﻠﻰ ﻛﺪ ﻛﻼﻣﻪ ﻭﺑﺲ
ﻻﻥ ﻫﻮ ﻫﻢ ﺑﺲ ﻋﻠﻰ ﻛﺪ ﻣﺤﺘﺎﺟﻪ ﺷﻲ
ﻭﻣﺮﺍﺕ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ ﻣﻦ ﺍﻧﺎﻡ ﺍﺣﺲ ﻋﻠﻲ ﻳﻜﺘﺐ ﺑﻈﻬﺮﻱ ﻣﺎﺍﻋﺮﻑ ﺷﻨﻮ
ﺑﺲ ﺷﻨﻮ ﻫﺎﻻﻳﺎﻡ ﻟﻜﻪ ﺷﻐﻞ ﺑﺴﻮﺑﺮ ﻣﺎﺭﻛﺖ ﻭﻫﻮ ﻳﺼﻮﻡ ﺑﺲ ﻛﺎﻡ ﻳﻜﻌﺪ ﻣﻦ ﺍﻟﺴﺎﻋﻪ ﺏ٨ﻟﻞ٢ﺍﻟﻈﻬﺮ ﻭﻛﺮﺍﺕ ﻋﻜﺴﻲ ﻣﻦ ﺍﻝ٢ﻟﻞ١٠ﺣﺘﻰ ﻓﻄﻮﺭ ﻣﻴﻔﻄﺮ ﻭﻳﺎﻧﻪ ﻻﻥ ﺳﻮﺑﺮ ﻣﺎﺭﻛﺖ ﺟﺒﻴﺮ ﻭﻣﻌﺮﻭﻑ ﺑﺎﻟﻤﻨﻄﻘﻪ ﺍﻋﺮﻑ ﻻﻥ ﻣﺤﺐ ﺣﺠﻪ ﻋﻠﻲ ﻭﻣﺮﺍﺩ ﻳﺎﺧﺬ ﻣﺼﺮﻑ ﻣﻨﻪ ﻭﻛﻠﻴﺘﻪ ﻫﺎﻱ ﺍﻟﺴﻨﻪ ﺗﺮﻛﻬﻪ ﻻﻥ ﻣﻠﺤﻚ ﻋﻠﻴﻬﻢ ﻋﻠﻰ ﺍﻟﺴﻨﻪ ﺍﻟﺘﺠﻲ ﻳﺮﺟﻊ
ﺟﺎﻥ ﺩﻳﺠﻬﺰ ﻧﻔﺴﻪ ﻭﻳﺎﺧﺬ ﺍﻏﺮﺍﺽ ﺍﻟﻘﺎﻋﻪ
ﻻﻥ ﻣﻨﺎﻙ ﻳﺮﻭﺡ ﻟﻠﻘﺎﻋﻪ ﻳﻌﻨﻲ ﻫﻮ ﻭﺍﻝ ١٢ﻳﺠﻲ
ﺳﺎﻣﺮ / ﻣﺤﺘﺎﺟﻪ ﺷﻲ
ﺍﺩﻳﺎﻥ / ﺳﻼﻣﺘﻚ
ﺟﻨﺖ ﻛﺎﻋﺪ ﻋﻠﻰ ﺍﻟﺴﺠﺎﺩﻩ ﺍﻗﺮﺃ ﻗﺮﺁﻥ ﻃﻠﻊ ﻫﻮ ﻛﻤﻠﺖ ﻗﺮﺁﻥ
ﻭﻃﻠﻌﺖ ﻭﺭﻗﻪ ﺟﺪﻳﺪﻩ
ﻛﺘﺒﺖ ﺑﻴﻬﻪ ﺷﻴﺼﻴﺮ ﻭﻳﺎﻱ
ﺍﻭﺍﺧﻔﻴﻬﻦ ﻣﺎﺍﻋﺮﻑ ﻟﻴﺶ ﺍﻛﺘﺐ ﻳﻤﻜﻦ ﻻﻥ ﻣﺎﻋﻨﺪﻱ ﺍﺣﺪ
ﺍﻟﺸﻜﻮﻙ ﺍﺻﻌﺐ ﺷﻲ
ﺍﻟﺸﻚ ﻣﺎﺯﺍﻝ ﻣﺮﺍﻓﻘﻨﻲ
ﺍﺷﻮﻑ ﺍﻳﻬﺎﺏ ﺑﺴﺎﻣﺮ ﺍﻟﻘﺪﻳﻢ
ﻛﻠﻤﺎﺕ ﺗﺘﺮﺩﺩ ﻋﻠﻰ ﻣﺴﻤﻌﻲ ﻫﻮ ﺟﺎﻥ ﻳﺤﺠﻴﻬﻦ
ﺍﻛﻼﺕ ﻣﻴﺤﺒﻬﻦ ﻫﺴﻪ ﻳﺤﺒﻬﻦ ﻭﺍﺷﻮﻑ ﺍﻳﻬﺎﺏ ﻳﺤﺒﻬﻦ
ﺣﺒﻪ ﺍﻝ ﺍﺭﻳﺞ ﻭﺍﻫﺘﻤﺎﻣﻪ ﺑﻴﻬﻪ ﻫﻮ ﺣﺐ ﺳﺎﻣﺮ ﺍﻟﻘﺪﻳﻢ
ﺷﻲ ﻣﺪﻭﺧﻨﻲ
ﻣﺎﺍﺣﺐ ﺍﻳﻬﺎﺏ ﻭﺍﺣﺐ ﺳﺎﻣﺮ ﻧﻔﺴﻪ ﺑﺲ ﻫﺎﻟﺸﻲ ﺷﺎﻏﻞ ﻋﻘﻠﻲ
ﻧﺰﻟﺖ ﺟﻮﻩ ﺑﻌﺪ ﻣﺎ ﻛﻤﻠﺖ ﺻﻼﺗﻲ ﻭﺻﺎﺭ ﻭﻛﺖ ﺍﻟﻨﺰﻟﻪ
ﻟﻜﻴﺖ ﻫﺪﻳﻪ ﻭﺩﻻﻝ ﻳﺴﻮﻥ ﺑﺎﻟﺘﻤﺮ
ﻛﻌﺪﺕ ﻳﻤﻬﻦ
ﻫﺪﻳﻪ / ﺍﺩﻳﺎﻥ ﻟﺘﺪﺑﻜﻴﻦ ﺭﻭﺣﺞ ﻣﻨﺤﺘﺎﺟﺞ ﺳﻮﻱ ﺷﻮﺭﺑﻪ
ﺍﺩﻳﺎﻥ / ﺑﻌﺪ ﻭﻛﺖ ﻟﻠﺸﻮﺭﺑﺎ
ﻫﺪﻳﻪ / ﻣﻴﺨﺎﻟﻒ ﻧﺰﻳﺪ ﻧﻄﻠﻊ ﺍﻟﺒﻴﺖ ﺍﻟﻴﻮﻡ ﻻﺯﻡ ﺍﻭﻝ ﻣﻴﺄﺫﻥ
ﺟﻨﺖ ﺍﺳﻮﻱ ﺑﺎﻟﺘﻤﺮ ﺩﻙ ﻣﻮﺑﺎﻳﻠﻲ
ﺑﺎﻭﻋﺖ ﻣﺤﺐ ﺻﺎﺭ ﻓﺘﺮﻩ ﻣﻨﺤﺠﻲ ﻛﻤﺖ ﻣﻦ ﻳﺠﻲ ﺍﺑﻘﻪ ﺑﺎﻟﻐﺮﻓﻪ ﺍﺭﺗﺎﺣﻴﺖ ﺑﻬﺬﺍ ﺍﻟﺒﻴﺖ ﺍﻛﺪﺭ ﺍﻗﻔﻞ ﺑﺎﺏ ﻋﻠﻴﻪ ﻭﻫﻮ ﺑﺎﻻﺳﺘﻘﺒﺎﻝ ﻳﺸﻮﻑ ﺑﻨﺘﻪ ﻭﻣﻦ ﻛﺪ ﻣﺎ ﺃﻳﺲ ﻣﻨﻲ ﺍﺳﺘﺴﻠﻢ
ﻛﻤﺖ ﻏﺴﻠﺖ ﺍﻳﺪﻱ ﺧﻠﺼﺖ ﺍﻟﻤﻜﺎﻟﻤﻪ ﺭﺟﻊ ﺍﺗﺼﻞ ﻋﻠﻰ ﺩﻻﻝ
ﻛﺎﻟﺖ ﻣﺤﺐ ﻫﺬﺍ
ﺟﺎﻭﺑﺘﻪ ﻭﺧﻠﻴﺘﻪ ﺑﺎﺫﻧﻬﻪ ﺳﻠﻢ ﻋﻠﻴﻬﻪ ﻭﻛﻠﻬﻪ ﻫﺪﻳﻪ ﻭﻳﻦ
ﻫﺎﻱ ﻳﻤﻲ
ﺍﻧﻄﻴﻨﻴﺎﻫﻪ
ﺍﺧﺬﺕ ﻣﻨﻬﻪ ﺍﻟﻤﻮﺑﺎﻳﻞ ﻭﺣﺠﻴﺖ ﻭﻳﺎ
ﻟﻴﺶ ﻣﺘﺠﺎﻭﺑﻴﻦ ﻫﺪﻳﻪ
ﻣﻠﺤﻜﺖ
ﺧﻞ ﻳﻮﻟﻦ ﻣﻠﺤﻜﺖ
ﺗﻔﻀﻞ
ﺍﻧﺘﻲ ﺷﺒﻴﺞ ﺗﺮﻩ ﺍﻧﻲ ﺗﻌﺒﺖ ﻭﺍﻟﻠﻪ
ﺷﻜﻮ ﻣﺤﺐ
ﺩﻃﻠﻌﻲ ﻣﻦ ﻳﻤﻬﻢ
ﺍﻭﻛﻲ ﻭﺭﺣﺖ ﻟﻼﺳﺘﻘﺒﺎﻝ ﻃﺒﻜﺖ ﺍﻟﺒﺎﺏ
ﻟﻴﺶ ﻣﺘﺠﺎﻭﺑﻴﻨﻲ ﻫﺪﻳﻪ ﺍﻧﻲ ﺗﻌﺒﺖ ﺣﻴﻞ ﻭﺍﻟﻠﻪ ﻋﺎﻳﻔﺞ ﻃﻮﻝ ﻫﺎﻱ ﺍﻟﻔﺘﺮﻩ ﻛﻞ ﻳﻮﻡ ﺍﻋﺘﺬﺯ ﻣﻨﺞ ﺣﺘﻰ ﻣﻨﻈﺮﻱ ﻳﻢ ﺍﺧﻮﺍﻧﻲ ﻣﺎﺍﻫﺘﻤﻠﻪ ﻛﺎﻓﻲ ﺗﺮﻩ ﻭﺻﻠﺖ ﺣﺪﻫﻪ
ﻣﺤﺐ ﺍﻧﻲ ﻛﺘﻠﻚ ﺍﻋﺘﺬﺭ ﺍﻧﻲ ﻣﺎﺍﺭﻳﺪ ﺍﻋﺘﺬﺍﺭﻙ
ﻫﺬﻳﻪ ﺍﺫﺍ ﺟﻨﺘﻲ ﺩﺗﺴﻮﻳﻦ ﻫﺬﺍ ﺍﻟﺸﻲ ﺑﻔﻜﺮﺝ ﺍﺧﻠﻲ ﻳﺤﺲ ﺑﻘﻴﻤﺘﻲ ﺑﻌﺪ ﺍﻛﺜﺮ ﻓﺎﻧﺘﻲ ﻛﺎﻋﺪ ﺗﻐﻠﻄﻴﻦ ﻫﻮﺍﻱ
ﻻﻥ ﺍﻧﺘﻲ ﻗﻴﻤﺘﺞ ﺟﺒﻴﺮﻩ ﻋﻨﺪﻱ
ﺍﻟﻤﺴﺄﻟﻪ ﻣﻮ ﻣﺴﺄﻟﺔ ﻗﻴﻤﻪ ﺍﻟﻤﺴﺄﻟﻪ ﻧﻲ ﻣﺎﺍﻛﺪﺭ ﺍﻋﻴﺶ ﻭﻳﺎﻙ ﺑﻌﺪ ﺗﻔﻬﻢ ﻫﺬﺍ ﺍﻟﺸﻲ ﻣﺤﺐ ﺍﺫﺍ ﺍﺭﺟﻊ ﻣﻌﻨﺎﻫﻪ ﻣﻨﺮﺗﺎﺡ
ﻭﻳﺠﻮﺯ ﻧﻜﺮﻩ ﻭﺍﺣﺪ ﺍﻟﺜﺎﻧﻲ
ﻋﻔﺘﺞ ﻓﺘﺮﻩ ﻃﻮﻳﻠﻪ ﻟﺸﻮﻛﺖ ﺑﻌﺪ ﺗﺮﺗﺎﺣﻴﻦ ﻫﺪﻳﻪ
ﺍﻧﻲ ﺧﻨﺘﺞ ﻭﺍﻋﺘﺮﻓﺖ ﺑﻐﻠﻄﻲ ﺷﺘﺮﻳﺪﻳﻦ ﺑﻌﺪ
ﻛﺎﻓﻲ ﺍﻧﻲ ﺯﻫﻜﺖ
ﻣﺤﺐ ﻃﻠﻜﻨﻲ ﻭﺍﺧﻠﺺ ﺍﺫﺍ ﺯﻫﻜﺖ ﻻﻥ ﺍﻧﻲ ﻫﻢ ﺯﻫﻜﺖ
ﻣﺎﺍﻛﺪﺭ ﺍﺭﺟﻌﻠﻚ ﻧﻔﺴﻲ ﻣﺘﺘﻘﺒﻞ ﺑﻌﺪ ﺍﻧﻲ ﺣﺮﻩ
ﺍﻧﻲ ﻋﺸﺖ ﻭﻳﺎﻙ ﺳﻨﻴﻦ ﻣﺘﻐﻴﺮﺕ ﻧﻔﺴﻚ ﺍﻧﺖ ﻣﻦ ﻧﺎﺣﻴﺘﻲ
ﺍﻱ ﺷﻲ ﻳﺼﻴﺮ ﺍﻧﻲ ﺗﺤﻤﻠﻨﻲ ﻣﺴﺆﻟﻴﺘﻪ ﺿﺮﺑﺘﻨﻲ ﻫﻨﺘﻨﻲ ﺧﻨﺘﻨﻲ ﺷﻜﻜﺖ ﺑﺎﺧﻼﻗﻲ
ﻛﻠﺘﻠﻲ ﺍﻧﺘﻲ ﺑﺖ ﺣﺮﺍﻡ ﺑﻴﻮﻡ ﻣﻦ ﺍﻻﻳﺎﻡ
ﻛﻠﺸﻲ ﺳﻮﻳﺖ ﺑﻴﻪ ﻃﺎﻗﺘﻲ ﺧﻠﺺ ﻣﺘﺘﺤﻤﻞ ﺑﻌﺪ ﺍﻋﺮﻑ ﺍﺫﺍ ﺭﺟﻌﺖ ﻭﻳﺎﻙ ﻛﻠﺸﻲ ﺭﺍﺡ ﻳﺘﻜﺮﺭ ﻻﻥ ﺗﻜﺮﺭ ﻛﻠﺸﻲ
ﺷﻤﻌﻨﺎ ﻫﺎﻟﻤﺮﻩ ﻣﻴﺘﻜﺮﺭ ﺍﻧﻲ ﻣﺮﺗﺎﺣﻪ ﻋﻮﻓﻨﻲ ﻣﺮﺗﺎﺣﻪ
ﻣﻦ ﻏﻴﺮ ﺍﻟﻜﻼﻡ ﺍﻟﻤﺤﻔﻮﺭ ﺑﻜﻠﺒﻲ ﺍﻟﺒﻴﻨﻚ ﻭﺑﻴﻨﻬﻪ
ﺍﻟﺤﺪ ﻫﺎﻱ ﺍﻟﻠﺤﻈﻪ ﻛﻠﺒﻲ ﻳﻮﺟﻌﻨﻲ
ﻛﺘﻠﺞ ﻣﺎﺍﺧﻮﻧﺞ ﺑﻌﺪ
ﻣﺠﺎﻫﺰﻩ ﺍﻧﺨﺎﻥ ﻛﻠﺒﻲ ﻣﻴﺘﺤﻤﻞ ﺑﻌﺪ
ﻟﺞ ﺑﺎﺑﺎ ﺍﻧﻲ ﺷﺤﺠﻲ
ﻭﺍﻧﻲ ﺍﻋﺮﻑ ﺭﺍﺡ ﺗﺨﻮﻥ ﻭﺍﺫﺍ ﻣﺤﻨﺖ ﺗﺸﻜﻜﻨﻲ ﺑﺎﻟﺨﻴﺎﻧﻪ ﻭﺍﻧﻲ ﺗﻌﺒﺖ ﺻﺪﻙ ﻃﺎﻗﺘﻲ ﺧﻠﺼﺖ ﻛﺎﻓﻲ ﻣﺤﺐ
ﺑﺮﺍﺣﺘﺞ ﻫﺪﻳﻪ ﻫﺬﺍ ﻫﻮ ﻋﺎﺩ ﺑﻼﺯﺣﻤﻪ ﻋﻠﻴﺞً
ﺗﺴﻤﺤﻴﻦ ﺍﺟﻲ ﺍﻓﻄﺮ ﺑﻴﻦ ﺍﺧﻮﺗﻲ ﻟﻮ ﺍﺑﺰﺯ ﻣﻦ ﺍﺟﻲ
ﻫﻠﻪ ﺑﻴﻚ
ﺍﺻﻼً ﻣﺴﻮﻳﻦ ﺷﻲ ﺗﺤﺒﻪ ﻛﻠﺶ
ﺍﻧﻲ ﺍﺣﺒﺞ ﺍﻟﺞ ﻭﺑﺲ
ﺍﺑﺘﺴﻤﺖ ﻣﻦ ﻛﺎﻝ ﻫﻴﺞ
ﻓﺪﻭﻩ ﺍﺭﻭﺡ ﻟﻼﺑﺘﺴﺎﻣﻪ
ﻻ ﻭﺍﻟﻠﻪ ﻣﺒﺘﺴﻤﺖ
ﻭﺍﻟﻠﻪ ﻛﻠﺒﻲ ﺣﺲ ﺑﻴﺞ ﺍﺑﺘﺴﻤﺘﻲ ﻳﺎ ﺟﺬﺍﺑﻪ ﺍﺩﺭﻱ ﺗﺤﺒﻴﻨﻲ
ﻭﻛﻠﺒﺞ ﻳﺮﻳﺪﻧﻲ ﺑﺲ ﺍﺥ ﻳﺎ ﻋﻘﻠﺞ ﻣﺪﺭﻱ ﺷﻤﺘﺮﻭﺱ
ﻣﺒﺘﺴﻤﺖ
ﺷﻔﺘﺢ
ﻛﻤﺖ ﺍﺗﻠﻔﺖ ﻣﻦ ﻛﻞ ﻋﻘﻠﻲ ﻛﺘﻠﻪ ﻣﺒﺘﺴﻤﺖ ﻋﻠﻰ ﺷﻨﻮ ﺍﺑﺘﺴﻢ
ﻳﻠﻠﻪ ﺷﻮﻳﻪ ﻭﺍﺟﻴﺞ ﻣﻜﻴﺠﻲ ﻣﺸﺘﻬﻲ ﺍﺷﻮﻓﺞ ﺑﺎﻟﺤﻤﺮﻩ ﺍﻟﺤﻤﺮﻩ
ﺍﻳﺒﺎﻩ ﺍﺗﺬﻛﺮ ﻣﺮﻩ ﻫﺎﻱ ﻣﻦ ﺯﻣﺎﻥ ﻣﻦ ﺯﻣﻦ ﺟﺪﻱ
ﻣﻦ ﺟﻨﺖ ﻣﺎﺧﺬ ﺍﻳﻬﺎﺏ ﻟﻠﺴﻔﺮ ﻭﺭﺟﻌﺖ ﻳﺎﻳﺎﺑﻪ ﻣﻦ ﺩﺧﻠﺖ ﺍﺑﺪ ﻣﺎﺍﻧﺴﻰ ﺫﺍﻙ ﺍﻟﻴﻮﻡ ﺩﻟﻠﺘﻴﻨﻲ ﺑﻲ ﺷﻜﻮ ﺑﻴﻬﻪ ﻟﻮ ﺗﻌﻴﺪﻳﻬﻪ
ﻫﺪﻳﻪ / ﺍﻛﻠﻚ ﻣﺤﺐ ﺍﻧﺖ ﺷﺪﺗﺤﺠﻲ ﺍﺣﻨﻪ ﻣﻮ ﻧﺮﻳﺪ ﻧﺘﻄﻠﻚ
ﻣﺤﺐ / ﻟﺞ ﺑﺎﺑﺎ ﺍﻧﺘﻲ ﺣﻼﻟﻲ ﻭﺍﻟﻠﻪ ﺣﺮﺍﻡ ﻋﻠﻴﺞ ﻭﺍﻟﻤﻼﺋﻜﻪ ﻫﺴﻪ ﺗﻨﻌﻠﺞ ﻣﻦ ﺍﻟﺼﺒﺢ ﻟﻠﻴﻞ
ﻫﺪﻳﻪ / ﺷﻮﻑ ﻟﺬﻟﻚ ﺍﺭﻳﺪ ﺍﺗﻄﻠﻚ ﻻﻥ ﺍﻧﻲ ﻣﺎﺍﺗﻘﺒﻞ ﺍﻧﺴﺎﻥ ﺧﺎﻳﻦ ﻣﺜﻠﻚ ﻳﺘﻐﺰﻝ ﺑﺘﻔﺎﺻﻴﻞ ﻏﻴﺮﻱ ﻭﻋﺎﻳﻔﻨﻲ ﻳﻘﺤﻂ ﻋﻠﻴﻪ ﺑﺎﻻﻫﺘﻤﺎﻡ ﺍﻛﺮﻫﻚ ﻳﻠﻠﻠﻪ ﻋﻮﻓﻨﻲ ﻣﻦ ﺍﺗﺬﻛﺮﻫﻦ ﻭﺍﻟﻠﻪ ﺍﻧﻮﺟﻊ
ﻣﺤﺐ / ﺍﻧﻲ ﺑﺤﺎﻟﻪ ﻭﺣﺪﻩ ﺍﻋﻮﻓﺞ
ﻫﺪﻳﻪ / ﺍﻱ ﺑﻠﻠﻪ
ﻣﺤﺐ / ﻟﻮ ﺍﻧﻲ ﻟﻮ ﺍﻧﺘﻲ ﻧﻨﺪﻓﻦ ﺑﺎﻟﻜﺒﻮﺭ
ﻫﺪﻳﻪ / ﺍﺗﻄﻠﻚ ﻣﻨﻚ ﻭﺍﻟﻠﻪ
ﻣﺤﺐ / ﻭﺍﻟﻠﻪ ﻭﻻ ﺍﻃﻠﻜﺞ ﺃﻳﺴﻲ
ﻫﺪﻳﻪ / ﻟﺘﺠﻲ ﻣﺤﺐ ﺍﻟﻴﻮﻡ
ﻣﺤﺐ / ﻻ ﻭﺍﻟﻠﻪ ﺍﺟﻲ ﻭﻣﻮ ﺑﺲ ﺍﺟﻲ ﻻ
ﻫﺪﻳﻪ / ﻻ ﻭﺍﻟﻠﻪ ﻟﻮ ﺗﻤﻮﺕ
ﻣﺤﺐ / ﺷﻔﺘﻬﻤﺘﻲ ﺍﻧﺘﻲ ﻫﺴﻪ ﻭﻛﺒﻞ ﺟﺎﻭﺑﺘﻲ ﻫﺎ ﺍﻋﺘﺮﻓﻲ
ﻟﻮ ﻧﻜﻮﻝ ﺍﻧﺘﻲ ﺣﺎﺑﻪ ﻫﺬﺍ ﺍﻟﺸﻲ ﻭﻟﺞ ﻃﺎﻟﻌﻪ ﻋﻴﻨﺞ
ﻫﺪﻳﻪ / ﺣﺴﺪ ﺍﻟﺨﻂ
ﻣﺤﺐ / ﻳﻠﻠﻪ ﺳﺪﻱ ﻣﻦ ﺍﺟﻲ ﻧﺴﻮﻟﻒ ﺑﺎﻟﻤﺒﺎﺷﺮ ﺍﺣﺴﻦ
ﻫﺪﻳﻪ / ﻭﺍﻟﻠﻪ ﻭﻻ ﺍﻃﻠﻌﻠﻚ
ﻣﺤﺐ / ﺍﻧﻲ ﺍﺩﺧﻠﺞ ﻭﻳﻦ ﻣﻦ ﺗﺮﻭﺣﻴﻦ
ﻫﺪﻳﻪ / ﺳﺪﻳﺖ ﺍﻟﺨﻂ ﻣﻨﻪ ﻧﺮﻓﺰﻧﻲ ﻃﻠﻌﺖ ﺿﺎﻳﺠﻪ
ﺩﻻﻝ / ﻫﺎ ﻫﺪﻫﺪ ﺷﻜﻠﺞ ﺿﺎﻳﺠﻪ
ﻫﺪﻳﻪ / ﻋﻔﺘﻬﻪ ﻭﺭﺣﺖ ﻟﻠﺘﻤﻦ ﺍﺳﻮﻱ ﺑﺎﻭﻋﺖ ﺍﺩﻳﺎﻥ ﺩﺗﺴﻮﻱ ﻛﺎﺳﺘﺮ ﻭﺍﻛﻔﻪ ﻋﻠﻰ ﺍﻟﻄﺒﺎﺥ ﻭﺷﺎﺭﺩﻩ
ﺷﺒﻴﻬﻪ ﺍﻟﺤﻠﻮﻩ
ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ ﻣﺎﺑﻴﻪ ﺷﻲ
ﺩﻻﻝ / ﻭﻟﺞ ﺍﺩﻳﺎﻥ ﺗﺼﺎﻟﺤﺘﻮ ﻟﻮ ﺑﻌﺪﻛﻢ
ﺍﺩﻳﺎﻥ / ﺑﻌﺪﻧﻪ
ﺩﻻﻝ / ﻭﺍﻟﻠﻪ ﻛﻔﻮ ﺧﻮﺵ ﺣﺘﺄﺩﺑﻲ ﻣﺒﻴﻦ ﻋﻠﻲ ﻭﺍﻟﻠﻪ ﺍﺣﺴﻪ ﻣﺘﻐﻴﺮ ﺣﺘﻰ ﻧﺠﻢ ﻳﻜﻮﻝ ﻣﺘﻐﻴﺮ
ﻫﺪﻳﻪ / ﻛﺎﻓﻲ ﻟﺞ ﺍﻧﻄﻲ ﻓﺮﺻﻪ
ﺍﺩﻳﺎﻥ / ﺑﺎﺑﺘﺴﺎﻣﻪ ﺍﻧﺖ ﺍﺧﺮ ﻣﻦ ﻳﺘﻜﻠﻢ ﻫﺪﻳﻪ ﻭﺍﻟﻠﻪ ﻣﺤﺐ ﻭﺭﺩﻩ ﺍﺣﺴﻪ ﻳﺨﺘﻠﻒ ﻋﻨﻬﻢ ﻛﻠﻬﻢ
ﺩﻻﻝ / ﻻ ﻋﻴﻨﻲ ﺣﺎﻟﻴﺎً ﺍﻋﻘﻞ ﻭﺍﺣﺪ ﺑﻴﻬﻢ ﻧﺠﻢ
ﺍﺭﻳﺞ / ﻻ ﻋﻴﻨﻲ ﺭﺟﻠﻲ ﺍﻋﻘﻞ ﻭﺍﺣﺪ ﺑﻴﻬﻢ
ﺳﺎﻣﺮ ﻳﺘﻔﻴﻚ ﺑﺎﻟﺤﺪﻳﺪ ﻭﻣﺤﺐ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻋﺼﺒﻲ ﻭﻧﺠﻢ ﺷﻮﻛﺖ ﻣﺎﺍﺷﻮﻓﻪ ﻭﻳﺸﻮﻓﻨﻲ ﻟﺘﻮﻛﻔﻴﻦ ﻳﻢ ﺍﻟﺒﺎﺏ ﻭﻣﻌﻘﺪ ﺍﻧﻲ ﺯﻭﺟﻲ ﻋﻘﻼﻧﻲ ﻛﻠﺶ
ﻫﺪﻳﻪ / ﻓﺠﺄﻩ ﺩﺧﻠﺖ ﺍﺭﻳﺞ
ﺍﺭﻳﺞ ﺣﺲ ﺍﻟﺒﻴﺖ ﻫﻴﻪ ﻭﺳﺎﻣﺮ ﺑﺲ ﺳﺎﻣﺮ ﻗﺒﻞ ﻣﻮ ﻫﺴﻪ ﻋﻠﻰ ﺍﻟﺼﺎﻣﺖ ﻣﺎﺧﺬ ﻣﻮﺍﻗﻒ ﻣﻦ ﺍﻟﻜﻞ ﻣﻌﺘﺰﻝ
ﺍﺭﻳﺞ / ﻻ ﺻﺪﻙ ﺑﻌﺪﻛﻢ ﻣﻤﺘﺼﺎﻟﺤﻴﻦ
ﺷﻜﻮﺷﻤﻨﺘﻈﺮﻩ ﻭﻟﺞ ﻫﺬﺍ ﺭﺟﻠﺞ ﺍﺑﻮ ﻓﻴﻜﻪ ﻫﺴﻪ ﻭﺣﺪﻩ ﺗﺒﻮﻛﻪ ﻣﻨﺞ ﻳﻜﻴﻔﻦ ﻋﻞ ﻳﺘﻔﻴﻚ ﻫﻮ ﺍﻧﺘﻮ ﺍﺻﻼً ﻟﻴﺶ ﻣﺘﺰﺍﻋﻠﻴﻦ ﻫﺬﺍ ﺍﻟﺸﻲ ﺍﻟﻲ ﻣﻜﺎﻋﺪ ﺍﻓﻬﻤﻪ
ﻫﺪﻳﻪ / ﺷﻌﻠﻴﺞ ﺍﻧﺘﻲ ﺍﻡ ﻋﻠﺞ ﺣﻴﺮﻱ ﺑﻌﻠﺠﺞ ﻭﺳﻜﺘﻲ
ﺍﺭﻳﺞ / ﻻ ﺑﺮﺑﺞ ﺍﻭﻛﻔﻲ ﺧﻞ ﺍﻃﻔﻲ ﻓﻀﻮﻟﻲ ﻳﻌﻨﻲ ﻫﺴﻪ ﻫﻮ ﻣﻦ ﺍﺟﻪ ﻟﻠﻴﻮﻡ ﻣﻤﺨﻠﻴﺘﻪ ﻳﺘﻘﺮﺑﻠﺞ ﺷﻠﻮﻥ ﺻﺎﺑﺮ
ﺩﻻﻝ / ﻭﺍﻧﺘﻲ ﺍﺭﻳﺞ ﺍﻋﺘﺮﻓﻲ ﻫﻬﻬﻬﻪ
ﻭﺑﻌﺪﻳﻦ ﺷﻤﺪﺭﻳﺞ ﻳﺠﻮﺯ ﻣﺘﺰﺍﻋﻠﻴﻦ ﺑﺲ ﻳﺎﺧﺬ ﺣﻘﻮﻗﻪ ﻭﻟﻪ ﺷﻤﺴﻜﺘﻪ
ﺍﺭﻳﺞ / ﺷﻌﺘﺮﻑ ﻭﻟﺞ ﻣﺘﺴﺘﺤﻴﻦ ﺍﻧﺘﻲ
ﻫﺪﻳﻪ / ﺷﻤﺪﺭﻳﻨﻪ ﻣﺤﺐ ﻣﻦ ﺷﺎﻑ ﻋﻠﺠﺞ ﻛﺎﻝ ﺧﺒﺮﻩ
ﺍﺭﻳﺞ / ﻳﺒﻮﻭﻭﻭﻭﻭﻭ ﻭﻏﻄﺖ ﺭﺍﺳﻬﻪ ﺍﻟﻌﻠﺞ ﺟﺎﺏ ﺍﺧﺮﺗﻲ ﻭﺍﻟﻠﻪ
ﻭﺍﻧﺘﻦ ﻣﺘﺴﺘﺤﻦ ﺭﺟﻮﻟﺘﺠﻦ ﻣﻄﻠﻌﻪ ﻋﻴﻨﺠﻦ ﻭﺍﻧﺖ ﻫﺪﻳﻪ ﺍﻛﺒﺮ ﻭﺣﺪﻩ ﻋﻮﻑ ﻭﺷﻮﻓﻲ ﺳﻮﺍﻟﻔﺞ
ﺩﻻﻝ / ﻟﺞ ﻫﺪﻳﻪ ﻣﻦ ﺟﻮﻩ ﺍﻟﺠﻮﻩ ﻣﺴﻮﻳﻪ ﺭﻭﺣﻬﻪ ﻓﻘﻴﺮﻩ
ﻫﺪﻳﻪ / ﺍﺑﺎﻭﻉ ﻋﻠﻰ ﺍﺩﻳﺎﻥ ﺗﺼﺐ ﺑﺎﻟﻜﺎﺳﺘﺮ ﻭﺗﺘﺒﺴﻢ ﺧﺠﻮﻟﻪ ﺣﻴﻞ ﺍﺧﺠﻞ ﻭﺣﺪﻩ ﺑﺎﻟﺒﻨﺎﺕ
ﻭﺍﻧﺖ ﻭﻟﺞ ﺍﺩﻳﺎﻥ ﺷﻮ ﻣﺘﺤﺠﻴﻦ
ﺷﺤﺠﻲ
ﺍﺭﻳﺞ / ﺳﺄﻟﻨﺎﺝ ﺍﺑﻮ ﻋﻀﻼﺕ ﺷﻠﻮﻥ ﺻﺎﺑﺮ ﻋﻠﻴﺞ
ﺑﺨﺠﻞ ﻫﻮ ﻣﺪﺭﻱ ﺷﻴﻜﺘﺐ ﻋﻠﻰ ﻇﻬﺮﻱ ﻣﺮﺍﺕ ﺑﺲ ﺍﻟﻜﻒ ﺍﻭﻝ ﺣﺮﻑ ﺍ
ﺍﺭﻳﺞ / ﺍﺍﺍﺍﺍﺍﺍﺍ ﻫﻬﻬﻬﻪ ﺍﻧﻲ ﺍﻛﻠﺞ ﻳﻜﺘﺒﻠﺞ ﺍﺭﻳﺪ ﺣﻘﻲ
ﻫﺪﻳﻪ / ﺧﺮﺏ ﺑﺎﻟﺤﻆ ﻳﻌﻨﻲ ﻛﻠﻬﻢ ﻋﻠﻰ ﻛﺘﺎﺑﻪ ﺑﺎﻟﻈﻬﺮ ﻟﻮ ﺑﺎﻻﻳﺪ
ﻭﺑﻌﺪﻳﻦ ﺍﻧﺘﻲ ﺭﻛﺰﻱ ﺍﺩﻳﺎﻥ ﺍﻧﻲ ﻛﺒﻞ ﺍﻓﺘﻬﻢ ﺍﺭﻛﺰ ﺑﺎﻟﺤﺮﻭﻑ
ﺍﺭﻳﺞ / ﻋﻮﺩ ﻣﺴﻮﻳﻦ ﺭﻭﺣﻬﻢ ﻓﻘﺮﻩ ﺍﻟﻠﻪ ﻳﺴﻠﻤﻬﻢ ﻭﻣﻴﺤﺠﻮﻥ
ﺩﻻﻝ / ﻭﺍﻟﻠﻪ ﺍﻧﻲ ﻫﻢ ﻣﺮﺍﺕ ﻳﻜﺘﺒﻠﻲ ﺑﺲ ﻣﻦ ﻧﺘﺰﺍﻋﻞ
ﻫﺪﻳﻪ / ﻣﺤﺐ ﻣﺘﺼﺎﻟﺤﻴﻦ ﻣﺘﺰﺍﻋﻠﻴﻦ ﻳﻜﺘﺐ ﺑﻬﺎﻟﻠﺤﻈﻪ ﺩﺧﻠﺖ ﺷﻴﺮﻳﻦ
ﺷﻴﺮﻳﻦ / ﺷﺒﻴﺠﻦ ﻭﻟﺠﻦ ﺍﺻﻮﺍﺗﺠﻦ ﻃﺎﻟﻌﻪ ﻭﺑﺲ ﺗﻀﺤﻜﻦ
ﺍﺭﻳﺞ / ﻛﺎﻋﺪ ﻧﻜﺺ ﺑﻮﻟﺪﺝ ﺧﺎﻟﻪ ﻋﺬﺭﻳﻨﻪ ﻳﻌﻨﻲ ﺑﺲ ﻫﻤﻪ ﻳﺤﺠﻮﻥ ﺍﻟﻤﻴﺤﺠﻲ
ﺷﻴﺮﻳﻦ / ﻭﻟﺠﻦ ﻭﻟﺪﻱ ﺷﺒﻴﻬﻢ ﻣﺘﻌﺎﻓﻴﺎﺕ ﺍﻧﺘﻦ
ﺍﺭﻳﺞ / ﺑﻠﻠﻪ ﻋﻠﻴﺞ ﺍﻟﻠﻪ ﺧﺎﻟﻪ ﺍﺑﻮﻫﻢ ﻫﻢ ﻳﻜﺘﺐ ﻋﻠﻰ ﻇﻬﺮﺝ
ﺷﻴﺮﻳﻦ / ﺑﺎﺑﺘﺴﺎﻣﻪ ﺍﻱ ﻭﺍﻟﻲ ﻳﻜﺘﺐ ﻋﻠﻰ ﺍﻟﻈﻬﺮ ﻭﻣﺴﻮﻱ ﺭﻭﺣﻪ ﻓﻘﻴﺮ ﻏﺴﻠﻦ ﺍﻳﺪﺟﻦ ﻣﻨﻪ ﻫﺬﺍ ﻧﺴﻮﻧﺠﻲ
ﺍﺭﻳﺞ / ﺍﺑﺸﺮﺝ ﺧﺎﻟﻪ ﻛﻞ ﻭﻟﺪﺝ ﻳﻜﺘﺒﻮﻥ ﻋﻠﻰ ﺍﻟﻈﻬﺮ ﻳﻌﻨﻲ ﺃﻳﺴﻦ ﻫﻮ ﻣﻮ ﺍﺑﻮﻫﻢ ﻣﺘﺰﻭﺝ ﺍﺛﻨﻴﻦ ﺃﻳﺴﻦ ﻣﻦ ﻫﺴﻪ ﺍﻛﻠﻠﺠﻦ
ﺑﺲ ﺍﻧﻲ ﺭﺟﻠﻲ ﺍﻟﺤﻤﺪﻟﻠﻪ ﻣﺴﻴﻄﺮﻩ ﻭﻓﻘﻴﺮ
ﺍﺩﻳﺎﻥ / ﻣﻨﻮ ﻛﻠﺞ ﻓﻘﻴﺮ
ﺍﺭﻳﺞ / ﻟﻴﺶ ﺗﻌﺮﻓﻴﻦ ﻋﻨﻪ ﺷﻲ
ﺍﺩﻳﺎﻥ / ﻻ ﺑﺲ ﺍﻟﻬﺎﺩﺉ ﺩﻭﻡ ﻳﺨﻮﻑ
ﺍﺭﻳﺞ / ﺍﻧﺘﻲ ﻫﺎﺩﺋﻪ ﻳﻌﻨﻲ ﻻﺯﻡ ﻧﺨﺎﻑ ﻣﻨﺞ
ﻫﺪﻳﻪ / ﻛﺎﻓﻲ ﻛﻠﻬﻢ ﻳﺨﻮﻓﻮﻥ ﻣﻦ ﺍﺑﻮﻫﻢ ﻭﺷﻴﻠﻮ ﺍﻳﺪﻛﻢ ﻣﺎﺑﻴﻬﻢ ﻓﻘﻴﺮ ﻳﻠﻠﻪ ﺣﻴﺄﺫﻥ ﻭﻟﻜﻢ ﻛﻠﺒﻲ ﺍﻟﻴﻮﻡ ﻣﻔﺮﻓﺢ ﻋﻠﻰ ﺍﻟﻠﺒﻦ
ﺷﻴﺮﻳﻦ / ﻋﻤﻲ ﺍﻛﻠﺘﻦ ﻭﻟﺪﻱ ﺣﺎﺻﻞ ﻓﺎﺻﻞ ﻫﻮ ﻭﻳﻦ ﺗﻠﻜﻦ ﻣﺜﻠﻬﻢ
ﺩﻻﻝ / ﻭﻟﺞ ﺍﺭﻳﺞ ﻣﻮ ﺑﺲ ﺍﺑﻮﻫﻢ ﻣﺘﺰﻭﺝ ﺍﺛﻨﻴﻦ ﺣﺘﻰ ﺍﺧﻮ ﻭﺭﺍﺛﻪ ﺍﻟﺴﺎﻟﻔﻪ
ﻫﺪﻳﻪ / ﻛﺎﻓﻲ ﻣﺘﺴﺪﻭﻥ ﻫﺎﻟﺴﻴﺮﻩ ﺍﻟﻴﻮﻡ ﺣﺘﻰ ﺻﻴﺎﻣﻨﻪ ﺭﺍﺡ ﻣﻦ ﻭﺭﺍﻫﻢ ﺟﻨﻪ ﻣﺘﺤﺪﻳﻦ ﻋﻠﻴﻬﻢ ﻧﺤﺠﻲ ﻣﺪﺭﻱ ﺷﺒﻴﻨﻪ ﺍﻧﻬﺮﺷﻨﻪ ﻋﻠﻰ ﺍﻟﺤﺠﻲ
ﻗﺒﻞ ﻟﻴﺄﺫﻥ ﺑﻠﺤﻈﺎﺕ ﺍﺟﻮﻱ ﺍﻧﻲ ﻣﻄﻠﻌﺖ ﻭﺩﻥ ﺍﻟﺒﻨﺎﺕ ﺍﻟﻠﺒﻦ ﻭﺍﻟﺴﻔﺮﻩ ﻧﻜﻠﻨﻬﻪ ﻭﺑﻘﻴﺖ ﺑﺎﻟﻤﻄﺒﺦ ﺟﺎﻧﺖ ﻣﻠﻮﻛﻪ ﻛﺒﺮﺍﻧﻪ ﺷﻮﻳﻪ ﺗﺼﺤﻚ ﻭﺗﻜﻠﺐ ﻭﺻﺎﻳﺮﻩ ﺳﻮﺍﻟﻔﻬﻪ ﺗﺠﻨﻦ ﺍﺳﻤﻌﻬﻪ ﺍﺑﻮﻫﻪ ﻣﺪﺭﻱ ﺷﻴﺴﻮﻳﻠﻬﻪ ﻭﻫﻴﻪ ﺗﻀﺤﻚ ﺗﻜﺮﻛﺮ
ﻭﻛﺘﻠﻬﻢ ﻟﺤﺪ ﻳﺼﻴﺤﻨﻲ ﺍﺑﺪ
ﺷﺮﺑﺖ ﻟﺒﻦ ﻭﻛﻠﺖ ﺧﻞ ﺍﺭﻭﺡ ﺍﺻﻠﻲ
ﻟﺒﺴﺖ ﻋﺒﺎﺗﻲ ﻭﺳﻠﻴﺖ ﻭﺍﻧﻲ ﺍﺻﻠﻲ ﻓﺘﺢ ﺍﻟﺒﺎﺏ ﻣﺎﻝ ﻏﺮﻓﻪ ﺑﺎﻭﻋﺖ ﻋﻠﻲ ﻗﻔﻠﻪ ﺣﺘﻰ ﻛﻤﺖ ﻣﺎﺍﻋﺮﻑ ﺷﺤﺠﻲ ﺍﻟﻠﺴﺎﻧﻲ ﺍﻧﻌﻜﺪﻭﻛﻤﺖ ﺍﺧﺮﺑﻂ ﺑﺎﻟﺼﻼﺓ
ﻛﻌﺪ ﻋﻠﻰ ﺍﻟﺠﺮﺑﺎﻳﻪ ﻛﻤﻠﺖ ﻛﻠﺖ ﺳﻠﻤﺖ ﺩﺍﺍﻛﻤﻞ ﺻﻼﺗﻲ
ﻣﺤﺐ / ﺗﻘﺒﻞ ﺍﻟﻠﻪ ﺭﺍﺑﻌﻪ ﺍﻟﻌﺪﻭﻳﻪ
ﻫﺬﻳﻪ / ﻣﺤﺐ ﺷﺘﺮﻳﺪ ﺷﻜﻮ ﻗﻔﻠﺖ ﺍﻟﺒﺎﺏ ﻟﻴﺶ ﻣﻜﺎﻋﺪ ﺗﻔﻄﺮ
ﺍﺭﻳﺪ ﺍﻓﻄﺮ ﺑﻴﺞ
ﻛﻤﺖ ﺑﺴﺮﻋﻪ ﺑﺘﻮﺗﺮ ﻣﺤﺐ ﺑﻄﻞ ﺳﻮﺍﻟﻔﻚ ﻭﻋﻴﺐ ﺍﺧﻮﺗﻚ ﻫﻨﺎ
ﻛﻤﺖ ﻟﺤﻜﻨﻲ ﺭﺩﺕ ﺍﺻﻴﺢ ﺳﺪ ﺣﻠﻜﻲ
ﻭﻟﺞ ﻟﻴﺶ ﺗﺼﻴﺤﻴﻦ
ﻓﺘﺤﺖ ﻋﻴﻨﻲ ﺑﻜﻞ ﻭﺳﻌﻬﻦ ﺟﻨﺖ ﺍﺩﺭﺩﻡ ﻋﻠﻲ ﺻﺪﻙ ﺭﺩﺕ ﺍﺻﻴﺢ ﺑﻬﺎﻱ ﺍﻟﻠﺤﻈﻪ
ﻟﺞ ﻛﺎﻓﻲ ﺻﻮﺗﺞ ﻟﺘﻔﻀﺤﻴﻨﺎ
ﻭﺧﺮﺭﺭﺭﺭﺭﺭ ﺑﺲ ﺻﻮﺗﻲ ﻣﻴﻄﻠﻊ ﺣﺎﺑﺴﻪ ﺑﻴﺪﻩ ﺧﺎﻧﻜﻨﻲ
ﺍﻧﺘﻲ ﻟﻴﺶ ﻫﻴﺞ ﻣﺨﺒﻠﻪ
ﺣﺎﻭﻟﺖ ﺍﻭﺧﺮﻩ ﻣﺎﻛﻮ ﻣﺪﺭﻱ ﺷﺒﻲ ﻣﺘﺨﺒﻞ
ﻟﺞ ﺑﺎﺑﺎ ﻭﺍﻟﻠﻪ ﻣﺎﺍﻋﻮﻓﺞ ﻟﻮ ﺗﺼﺮﺧﻴﻦ ﻣﻨﺎ ﻟﻠﺒﺎﺟﺮ ﺑﺲ ﺗﻔﻀﺤﻴﻦ ﺭﻭﺣﺞ ﻭﻳﻌﺮﻓﻮﻥ ﺍﻧﻲ ﺗﻘﺮﺑﺘﻠﺞ ﻋﺼﺒﻨﻲ ﺑﺎﻟﺰﺍﻳﺪ
ﻛﻮﻩ ﻭﺧﺮﺕ ﺍﻳﺪﻩ ﺍﺍﺍﺍﺍﺍﺍﻟﻠﻨﺖ ﺷﺒﻴﻚ
ﻣﺸﺘﺎﻗﻠﺞ ﻭﻟﺞ
ﻣﺎﺭﻳﺪ ﺍﺷﺘﻴﺎﻗﻚ
ﺍﻧﺠﺒﻲ
ﺍﻧﺖ ﺷﻨﻮﻭﻭﻭ ﻣﺤﺐ ﻛﺎﻓﻲ ﻭﺷﻨﻮ ﺍﺗﻘﺮﺑﻠﺞ ﺍﻧﺖ ﺷﻮ ﻣﺪﺭﻱ ﺷﻠﻮﻧﻚ ﻛﺎﻓﻲ
ﺍﺭﻭﺡ ﻭﺍﻟﻠﻪ ﺍﺗﺰﻭﺝ ..... ﺗﺮﻩ
ﻣﺘﺘﺰﻭﺝ ﺍﺣﺪ ﻻﺯﻣﻚ
ﺍﻱ ﺣﺒﺞ ﺑﺎﻋﻲ ﺑﺖ ﺍﻟﺤﻼﻝ ﺍﻧﻲ ﺭﺟﺎﻝ ﺗﺮﻩ ﻣﻴﺼﻴﺮ ﻫﻴﺞ ﻭﺍﻟﻠﻪ
ﻟﻮ ﺗﺮﺟﻌﻴﻦ ﻟﻮ
ﻭﺍﻟﻠﻪ ﻳﺎﺭﻳﺖ ﺗﻌﻮﻓﻨﻲ
ﻟﻮ ﻫﻢ ﺗﺮﺟﻌﻴﻦ ﻣﺎﻋﻨﺪﺡ ﻏﻴﺮ ﺫﻧﻲ ﺍﻻﺧﺘﻴﺎﺭﻳﻦ
ﻭﻳﻨﻬﻦ ﺍﻻﺧﺘﻴﺎﺭﺍﺕ
ﻛﺘﻠﺞ ﺍﻻﻭﻝ ﺗﺮﺟﻌﻴﻦ ﻭﺍﻟﺜﺎﻧﻲ ﺗﺮﺟﻌﻴﻦ ﺍﺧﺘﺎﺭﻱ ﺍﻱ ﻭﺍﺣﺪ ﺑﻴﻬﻢ
ﻫﺪﻳﻪ / ﺍﻃﻠﻊ ﻣﺤﺐ ﺭﺍﺡ ﺍﻣﻮﺕ ﻭﺍﻟﻠﻪ
ﻣﺤﺐ / ﻣﻦ ﺍﻻﺷﺘﻴﺎﻕ ﻏﻴﺮ
ﻫﺪﻳﻪ / ﻣﺤﺒﺒﺒﺒﺒﺐ ﻛﺎﻓﻲ
ﻣﺤﺐ / ﺍﻧﺘﻲ ﻛﺎﻓﻲ ﺗﺮﻩ ﻭﺻﻠﺖ ﺍﻟﺨﺸﻤﻲ ﻭﻳﺎﺝ
ﻫﺪﻳﻪ / ﺍﻃﻠﻊ ﻣﺤﺐ
ﻣﺤﺐ / ﻣﺎﺷﻲ ﻫﺪﻳﻪ ﻣﺘﻨﻄﻴﻨﻲ ﺣﻘﻲ ﻟﺘﻠﻮﻣﻴﻨﻲ ﺑﻌﺪ
ﻭﻓﺘﺢ ﺍﻟﺒﺎﺏ ﻭﺭﻛﻌﻪ ﺣﻴﻞ
ﻫﺪﻳﻪ / ﻣﺮﺭﺭﺭﻳﺾ
ﺑﻘﻴﺖ ﺑﺎﻟﻐﺮﻓﻪ ﻛﻤﻠﻮ ﻓﻄﻮﺭ ﺭﺣﺖ ﺑﺎﻟﻤﻄﺒﺦ ﺍﻛﻠﺖ ﻭﻣﺮﺣﺖ ﻳﻤﻪ ﺍﺣﺲ ﺷﻲ ﻳﻤﻨﻌﻨﻲ ﻋﻨﻪ ﻣﺎﺍﻋﺮﻓﻪ ﺍﺷﺘﺎﻗﻠﻪ ﻭﺍﺣﺒﻪ
ﺑﺲ ﻣﺎﺍﺗﺤﻤﻞ ﺍﺭﺟﻌﻠﻪ ﺷﻲ ﻣﻮ ﺑﻴﺪﻱ ﻭﻻ ﺍﻛﺪﺭ ﺍﺳﻴﻄﺮ ﻋﻠﻲ
ﺧﺎﺻﻪ ﺭﺳﺎﺋﻠﻪ ﻣﻦ ﺍﺗﺬﻛﺮﻫﻦ ﻳﺒﻌﺪﻧﻲ ﻋﻨﻪ ﻣﻴﺖ ﺧﻄﻮﻩ
ﺍﺩﻳﺎﻥ / ﻛﻤﻠﺖ ﻣﻮﺍﻋﻴﻦ ﺍﻟﻔﻄﻮﺭ ﺍﻧﻲ ﻭﺩﻻﻝ
ﺩﻙ ﻣﻮﺑﺎﻳﻠﻲ ﺟﺎﻥ ﻋﻨﺪﻱ ﻣﻮﺑﺎﻳﻞ ﺑﺲ ﻣﺎﺑﻲ ﺍﻧﺘﺮﻧﺖ
ﻣﻦ ﺍﻧﻄﺎﻧﻴﺎ ﻣﺤﺐ ﺑﻘﻪ ﻳﻤﻲ
ﺍﺗﺼﻞ ﻋﻠﻴﻪ ﺳﺎﻣﺮ ﺟﻨﺖ ﻣﺴﺠﻠﻪ ﺭﻗﻤﻪ ﻻﻥ ﻣﺮﺍﺕ ﻳﺘﺼﻞ ﻋﻠﻴﻪ ﻣﻦ ﻳﺤﺘﺎﺝ ﺷﻲ
ﺟﺎﻭﺑﺘﻪ
ﺍﺩﻳﺎﻥ / ﺍﻟﻮ
ﺳﺎﻣﺮ / ﻫﻠﻮ ﺍﺩﻳﺎﻥ ﺷﻠﻮﻧﺞ
ﺍﺩﻳﺎﻥ / ﺍﺑﺘﺴﻤﺖ ﺯﻳﻨﻪ
ﺳﺎﻣﺮ / ﺩﻭﻣﺞ
ﺍﺩﻳﺎﻥ / ﺳﻜﺖ ﻭﺍﻧﻲ ﺳﻜﺘﺖ ﺍﺧﺮ ﺷﻲ ﻛﺘﻠﻪ ﺷﻨﻮ
ﺳﺎﻣﺮ / ﺷﻨﻮ ﻳﻌﻨﻲ
ﺍﺩﻳﺎﻥ / ﻳﻌﻨﻲ ﺧﻮﻣﺎ ﻣﺤﺘﺎﺝ ﺷﻲ
ﺳﺎﻣﺮ / ﻫﺎ ﺻﺢ ﺭﺩﺕ ﺍﻛﻠﺞ ﺍﺫﺍ ﺍﺟﻴﺞ ﻫﺴﻪ ﺗﺮﻭﺣﻴﻦ
ﺍﺩﻳﺎﻥ / ﻭﻳﻦ
ﺳﺎﻣﺮ / ﺻﺪﻳﻘﻲ ﻛﺎﻝ ﻧﻄﻠﻊ ﻃﻠﻌﻪ ﻋﺎﺋﻠﻴﻪ ﻭﻟﺢ ﻋﻠﻴﻪ
ﺗﻄﻠﻌﻴﻦ
ﺍﺩﻳﺎﻥ / ﺑﻜﻴﻔﻚ ﻭﺍﻟﺴﻮﺑﺮ ﻣﺎﺭﻛﺖ
ﺳﺎﻣﺮ / ﺍﺳﺘﺄﺫﻧﺖ ﻣﻦ ﺻﺎﺣﺒﻪ
ﺍﺩﻳﺎﻥ / ﻣﺎﺷﻲ
ﺳﺎﻣﺮ / ﻳﻠﻠﻪ ﺟﻬﺰﻱ ﻧﻔﺴﺞ ﻟﻌﺪ ﻫﺴﻪ ﺭﺍﺡ ﺍﺟﻲ ﺍﻧﻲ
ﺍﺩﻳﺎﻥ / ﻣﺎﺷﻲ " ﻛﻤﻠﺖ ﺍﻟﻤﻮﺍﻋﻴﻦ ﺑﺴﺮﻋﻪ ﺍﻟﺒﺎﻗﻴﺎﺕ ﻭﻣﺴﺤﺖ ﺍﻟﻤﻄﺒﺦ ﻋﻠﻰ ﺍﻟﺴﺮﻳﻊ ﻭﺭﺣﺖ ﺳﺒﺤﺖ ﺑﺴﺮﻋﻪ ﻻﻥ ﺟﻨﺖ ﻋﺮﻛﺎﻧﻪ ﻭﻣﻜﻴﺠﺖ ﺑﻘﻪ ﺑﺲ ﺍﺑﺪﻝ ﺟﻨﺖ ﻻﺑﺴﻪ ﺍﻟﺒﺮﻧﺺ
ﺩﺧﻞ ﺳﺎﻣﺮ ﺑﺪﻭﻥ ﻣﻴﺪﻙ ﺍﻟﺒﺎﺏ ﺍﺭﺗﺒﻜﺖ ﻫﻮ ﺑﻘﻪ ﻳﺒﺎﻭﻉ ﻋﻠﻴﻪ
ﺳﺎﻣﺮ / ﺑﺎﻟﻌﺎﻓﻴﻪ
ﺍﺩﻳﺎﻥ / ﺍﻟﻠﻪ ﻳﻌﺎﻓﻴﻚ ﻭﻟﻤﻠﻤﺖ ﺍﻟﺒﺮﻧﺺ ﺍﻛﺜﺮ ﺧﺎﻑ ﻣﺴﺎﺗﺮﻧﻲ
ﺭﺍﺡ ﻟﻠﻜﻨﺘﻮﺭ ﻃﻠﻊ ﻣﻼﺑﺴﻪ ﻭﺧﻼﻫﻦ ﻋﻠﻰ ﺍﻟﺠﺮﺑﺎﻳﻪ
ﻭﺍﺧﺬ ﺧﺎﻭﻟﻲ ﻭﻃﻠﻊ
ﺑﺪﻟﺖ ﺑﺴﺮﻋﻪ ﺑﻘﻪ ﺑﺲ ﺍﻟﺤﺠﺎﺏ
ﺩﺧﻞ ﻫﻮ ﻛﺘﻠﻪ ﺑﺎﻟﻌﺎﻓﻴﻪ
ﺳﺎﻣﺮ / ﺍﻟﻠﻪ ﻳﻌﺎﻓﻴﺞ
ﺟﺎﻥ ﻭﺍﻛﻒ ﻳﻤﺸﻂ ﻛﻠﻲ ﻳﻠﻠﻪ ﻟﺒﺴﻲ ﺣﺠﺎﺑﺞ ﻫﻢ ﻳﺎﻟﻠﻪ ﺣﻴﻮﺻﻞ ﺻﺪﻳﻘﻲ ﻣﺎﺷﻲ ﻭﻛﻔﺖ ﺑﺼﻔﻪ ﻫﻮ ﺷﻄﻮﻟﻪ ﻭﺍﻧﻲ ﺷﻜﺼﺮﻧﻲ ﻟﺒﺴﺖ ﺣﺠﺎﺑﻲ ﻭﻧﺰﻟﺖ ﺑﺴﺮﻋﻪ
ﺍﺭﻳﺞ / ﻫﺎﺍﺍﺍﺍﺍﺍﺍﺍﺍﺍ ﻫﺎﻱ ﺷﻨﻮﻭﻭﻭﻭﻭﻭ ﻣﻜﻴﺎﺝ ﻭﻣﺒﺪﻟﻪ ﻭﻳﻦ
ﺍﺩﻳﺎﻥ / ﺭﺍﺡ ﺍﻃﻠﻊ ﺍﻧﻲ ﻭﺳﺎﻣﺮ
ﺍﺭﻳﺞ / ﺑﺎﺑﺘﺴﺎﻣﻪ ﺗﺼﺎﻟﺤﺘﻮﻭﻭﻭ ﻣﻮﻭﻭﻭﻭ ﻋﺮﻓﺘﻲ ﺷﻜﺘﺒﻠﺞ ﺑﻈﻬﺮﺝ
ﺍﺩﻳﺎﻥ / ﻭﻟﺞ ﺍﺭﻳﺞ ﺳﻜﺘﻲ ﻓﺪﻭﻩ ﻋﻴﺐ ﻻ ﺍﺣﺪ ﻳﺴﻤﻊ ﺍﺭﻳﺪ ﻛﻌﺐ ﻋﺎﻟﻲ ﻣﻨﺞ ﻛﻠﺶ ﻛﺼﻴﺮﻩ ﺍﻧﻲ ﻭﻳﺎﺭﻳﺖ ﺍﺳﻮﺩ ﻳﺮﻫﻢ ﻭﻳﻪ ﻟﺒﺴﻲ
ﺍﺭﻳﺞ / ﻣﺎﺍﻟﺒﺲ ﻛﻌﺐ ﻋﺎﻟﻲ ﺍﻧﻲ ﻣﺎﺍﺣﺐ ﺍﻟﻌﺎﻟﻲ ﺑﺲ ﺣﺬﺍﺀ ﻋﺮﺳﻲ ﺗﺮﻳﺪﻱ
ﺍﺩﻳﺎﻥ / ﻻ ﺷﺴﻮﻱ ﺑﻲ ﻋﻨﺪﻱ ﺣﺬﺍﺀ ﻋﺮﺳﻲ
ﺍﺭﻳﺞ / ﻫﺪﻳﻪ ﺷﺎﻳﻔﻪ ﻋﺪﻫﻪ ﻛﻌﺐ
ﺍﺩﻳﺎﻥ / ﺍﻱ ﺑﻲ ﻛﺒﺮ ﻋﻠﻴﻪ ﺷﻮﻳﻪ
ﺍﺭﻳﺞ / ﻟﺞ ﺑﺎﺑﺎ ﺟﻴﺒﻲ ﺍﻧﻲ ﻫﺴﻪ ﺍﺳﻮﻱ ﻋﻠﻰ ﻗﻴﺎﺳﺞ ﻭﺍﻟﻠﻪ ﺍﻋﺒﻲ ﻛﻄﻦ ﻭﻛﻠﻨﺲ ﻭﺗﻔﺾ ﺗﺮﻩ
ﺍﺩﻳﺎﻥ / ﺍﻱ ﺍﻋﺮﻑ ﺍﺻﻼً ﻣﻮ ﺍﻭﻝ ﻣﺮﻩ ﺍﻋﺒﻴﻬﻦ ﻛﻠﻨﺲ ﻣﻦ ﺍﺧﺬ ﻣﻦ ﺍﺣﺪ ﺑﺲ ﻋﺒﺎﻟﻲ ﻋﻨﺪﺝ ﻻﻥ ﺍﻧﺘﻲ ﻧﻔﺲ ﻗﻴﺎﺱ ﺭﺟﻠﻲ ﺗﻘﺮﻳﺒﺎً
ﺍﺭﻳﺞ / ﺍﺧﺬﺕ ﻣﻦ ﻫﺪﻳﻪ ﻟﺒﺴﺘﻪ ﻭﻃﻠﻌﻮ ﺳﻮﻩ ﻃﻠﻌﺖ ﺗﺨﺒﻞ ﻫﻴﻪ ﺣﻠﻮﻩ ﺣﻴﻞ ﺍﺩﻳﺎﻥ ﻭﺍﻟﻄﺎﻏﻲ ﻋﻠﻰ ﺟﻤﺎﻟﻬﻪ ﻧﺰﺍﻛﺘﻬﻪ ﻭﻫﺪﻭﺋﻬﻪ
ﻫﺪﻳﻪ / ﻳﺎﻟﻠﻪ ﺍﻟﻠﻪ ﻳﻬﺪﻳﻬﻢ
ﺍﺭﻳﺞ / ﺑﺲ ﻟﻮ ﺍﻋﺮﻑ ﺷﺒﻴﻬﻢ
ﻫﺪﻳﻪ / ﻭﻟﺞ ﻛﻠﺸﻲ ﻣﺎﺑﻴﻬﻢ ﻏﻴﺮ ﻻﻥ ﺳﺎﻓﺮ ﺭﺍﺡ ﻣﺤﺐ
ﺍﺭﻳﺞ / ﺍﻱ ﺭﺍﺡ ﻣﻦ ﻗﺒﻞ ﺷﻮﻳﻪ ﻫﻮ ﻭﻧﺠﻢ ﻭﺍﻳﻬﺎﺏ ﺑﺎﻻﺳﺘﻘﺒﺎﻝ ﻛﺎﻋﺪ ﻳﻘﺮﻩ ﺑﺎﻟﻜﺘﺎﺏ
ﻋﻔﺖ ﻫﺪﻳﻪ ﻭﺭﺣﺖ ﻟﻜﻴﺘﻪ ﻣﻨﺪﻣﺞ ﻳﻘﺮﻩ ﻛﻌﺪﺕ ﻛﺒﺎﻟﻪ
ﺣﺒﻴﺒﻲ ﺍﺳﻮﻳﻠﻚ ﻛﻬﻮﻩ ﺍﻟﻜﻬﻮﻩ ﻭﻳﻪ ﺍﻟﻘﺮﺍﻳﻪ ﻓﺪ ﺷﻲ ﻭﺍﻟﻠﻪ
ﺍﻳﻬﺎﺏ / ﺍﻱ ﺷﻲ ﻣﻦ ﺍﻳﺪﺝ ﺍﺭﻳﺪﻩ
ﺍﺭﻳﺞ / ﺍﻛﻠﻚ ﺍﻛﻮ ﻛﻼﻡ ﺑﻜﻠﺒﻲ ﻭﻋﻘﻠﻲ ﻳﺪﻭﺭ ﺍﻧﺖ ﻫﻴﺞ ﻟﻮ ﺑﺲ ﺑﺎﻟﺒﺪﺍﻳﻪ ﻭﺗﻌﻮﺩﻧﻲ ﻭﺑﻌﺪﻳﻦ ﺗﻬﻤﻠﻨﻲ
ﺍﻳﻬﺎﺏ / ﻫﻬﻬﻬﻪ ﻻ ﻭﺍﻟﻠﻪ ﻣﻮ ﻻﻥ ﺑﺎﻟﺒﺪﺍﻳﻪ ﺑﺲ ﺷﻌﻨﺪﻱ ﻏﻴﺮﺝ
ﺍﺭﻳﺞ / ﻋﺒﺎﻟﻲ ﻭﺍﺑﺘﺴﻤﺖ
ﺳﺎﻣﺮ ﻭﺍﺩﻳﺎﻥ ﻃﻠﻌﻮ
ﺍﻳﻬﺎﺏ / ﻭﺍﺣﻨﻪ ﺷﻌﻠﻴﻨﻪ
ﺍﺭﻳﺞ / ﻟﻴﺶ ﻣﻦ ﺍﻛﻠﻚ ﺷﻐﻠﻪ ﺗﺨﺼﻬﻢ ﻛﺒﻞ ﺗﺠﺎﻭﺏ ﺑﺤﺪﻳﻪ ﻭﺗﻜﻮﻝ ﺷﻌﻠﻴﻨﻪ ﻏﻴﺮ ﺍﺧﻮﻙ ﻭﻋﺎﺋﻠﺘﻪ ﻫﻤﻪ
ﺍﻳﻬﺎﺏ / ﻳﻌﻨﻲ ﺑﺼﻮﺭﻩ ﻋﺎﻣﻪ ﺣﻴﺎﺗﻬﻢ ﺍﻟﺨﺎﺻﻪ ﻫﺴﻪ ﻣﺜﻼً ﺣﻴﺎﺗﻨﺎ ﺑﺲ ﺍﻧﻲ ﻭﻳﺎﺝ ﻧﻌﺮﻓﻬﻪ
ﺍﺭﻳﺞ / ﺍﺣﻨﻪ ﺷﻮ ﻣﻤﺘﻌﺎﺭﻛﻴﻦ ﺍﻟﺤﺪ ﺍﻻﻥ ﻳﻜﻮﻟﻮﻥ ﺍﻻﺣﺒﺎﺏ ﻳﺼﻴﺮﻭﻥ ﻣﺜﻞ ﺗﻮﻡ ﻭﺟﻴﺮﻱ ﺍﺫﺍ ﻭﺍﺣﺪ ﻳﺤﺐ ﺍﻟﺜﺎﻧﻲ ﻣﻦ ﺻﺪﻙ
ﺭﺍﺡ ﺍﺯﻋﻞ ﻣﻨﻚ ﻳﻠﻠﻪ ﺯﻋﻠﺖ ﺍﻧﻲ ﺻﺎﻟﺤﻨﻲ
ﺍﻳﻬﺎﺏ / ﺍﻟﻠﻪ ﻻ ﻳﺸﻮﻓﻨﺎ ﺍﻟﺰﻋﻞ ﻭﺑﻌﺪﻳﻦ ﺍﻧﻲ ﻭﻳﺎﺝ ﻭﺍﺣﺪ ﻓﺎﻫﻢ ﺍﻟﺜﺎﻧﻲ ﻣﺴﺘﺤﻴﻞ ﻧﺰﻋﻞ
ﺍﺭﻳﺞ / ﻭﻣﻨﻮ ﻛﺎﻝ ﺍﺣﻨﻪ ﻭﺍﺣﺪ ﻓﺎﻫﻢ ﺍﻟﺜﺎﻧﻲ ﺍﻧﻲ ﻓﺎﻫﻤﺘﻚ ﺑﻠﻠﻪ ﺍﻧﺖ ﺷﻔﺎﻫﻢ ﻋﻨﻲ
ﺗﻴﻬﺎﺏ / ﺍﻛﺜﺮ ﻣﺠﻨﻮﻧﻪ ﻭﺧﺒﻠﻪ ﻭﺣﺒﻮﺑﻪ ﻭﺍﻡ ﻛﻠﺐ ﻃﻴﺐ
ﻭﺍﺟﻤﻞ ﻣﺮﻩ ﺑﺎﻟﻨﺴﺒﻪ ﺍﻟﻲ
ﺍﺭﻳﺞ / ﺣﻜﻮﻡ ﺍﺳﻮﻳﻠﻚ ﻛﻬﻮﻩ ﺍﻧﻲ ﻛﻤﺖ ﺳﻮﻳﺘﻠﻪ ﻛﻬﻮﻩ ﻭﻛﻌﺪﺕ ﺍﻛﻠﺐ ﺑﻤﻮﺑﺎﻳﻠﻲ ﺷﻮﻳﻪ ﻭﻭﺧﺮﺗﻪ ﺑﺎﻭﻋﺖ ﻣﻨﺪﻣﺞ ﻳﻘﺮﻩ ﻭﺷﺮﺏ ﺍﻟﻜﻬﻮﻩ ﻭﺧﻠﻪ ﺍﻟﻔﻨﺠﺎﻥ ﻋﻠﻰ ﺍﻟﻄﺒﻠﻪ
ﺍﺧﺬﺗﻪ ﻛﺒﻞ ﻭﺧﻠﻴﺖ ﺭﺟﻞ ﻋﻠﻰ ﺭﺟﻞ ﺧﻞ ﻧﻘﺮﻩ ﻓﻨﺠﺎﻧﻚ
ﺍﻳﻬﺎﺏ / ﻫﻬﻬﻬﻬﻪ ﻭﺗﻘﺮﻳﻦ ﻓﻨﺠﺎﻥ
ﺍﺭﻳﺞ / ﻭﻣﻀﺒﻮﻁ ﻫﻢ
ﺍﻳﻬﺎﺏ / ﺗﺘﺸﺎﻗﻴﻦ ﺍﻛﻴﺪ
ﺍﺭﻳﺞ / ﺭﻛﺰﺕ ﺑﻔﻨﺠﺎﻧﻪ
ﺍﻧﺖ ﺗﺤﺐ ﻗﺒﻞ
ﺟﻨﺖ ﺗﺤﺐ ﻭﺣﺪﻩ ﻭﺍﻟﻲ ﺗﺤﺒﻬﻪ ﻛﺒﺎﻝ ﻋﻴﻨﻚ
ﺍﻳﻬﺎﺏ / ﺍﻟﻠﺤﻈﻪ ﺧﻔﺖ ﺧﺎﻑ ﺻﺪﻙ ﺗﻌﺮﻑ ﺟﺎﻧﺖ ﻣﺮﻛﺰﻩ ﺑﺎﻟﻔﻨﺠﺎﻥ ﻭﺗﺨﺎﻳﻠﺘﻬﻪ ﺗﺤﺠﻲ ﺍﻟﻲ ﺻﺎﺭ ﺍﺭﺭﺭﺭﻳﺞ
ﻋﻮﻭﻭﻓﻲ ﻫﺎﻱ ﺍﻟﺴﻮﺍﻟﻒ ﺍﺫﺍ ﻣﺘﺮﻳﺪﻳﻦ ﺗﻀﻮﺟﻴﻨﻲ ﺣﺮﺍﻡ
ﺑﺎﺑﺘﺴﺎﻣﻪ "" ﺍﻛﻮ ﻋﻴﻦ ﻭﺍﻛﻮ ﻃﺮﻳﻖ ﺍﺍﺍﺍﺍﺍﺍﺍﺍﺍﺍﺍ ﻫﺎﻱ ﺷﻨﻮ
ﺍﺭﺭﺭﺭﻳﺞ
ﺍﺭﻳﺞ / ﺑﺎﻭﻋﺖ ﻋﻠﻲ ﺷﺒﻴﻚ ﺍﻳﻬﺎﺏ ﻋﻨﺪﻙ ﺷﻲ
ﺍﻳﻬﺎﺏ / ﺍﻧﺖ ﺷﻠﻮﻥ ﺗﺤﺠﻴﻦ ﻭﻳﺎﻱ ﻫﻴﺞ ﺍﺭﻳﺞ ﻛﺎﻋﺪ ﺍﻛﻠﺞ ﺍﺗﺨﺒﻞ ﻣﻦ ﻭﺣﺪﻩ ﺗﻘﺮﻩ ﻭﺗﺴﻮﻱ ﻫﺎﻱ ﺍﻻﺷﻴﺎﺀ ﺷﻨﻮ ﻋﻨﺪﻙ ﺷﻲ ﺑﺮﺍﺋﺘﺞ ﺑﻌﻴﻮﻧﻲ ﺗﺮﻭﺡ
ﺍﺭﻳﺞ / ﻫﻬﻬﻬﻬﻬﻬﻪ ﺗﺮﻩ ﻭﺍﻟﻠﻪ ﻣﺎﺍﻋﺮﻑ ﺑﺲ ﻻ ﺻﺪﻛﺖ ﺍﻋﺮﻑ ﺑﺲ ﻋﻠﻴﻚ ﺍﻟﻠﻪ ﺑﺎﻭﻉ ﻣﻮ ﻫﺬﺍ ﻃﺮﻳﻖ ﻭﻋﻴﻦ ﻭﺍﻟﻠﻪ ﺍﻛﻮ ﻳﻌﺮﻓﻮﻥ ﻳﻘﺮﻭﻥ ﺷﻜﺪ ﺣﻠﻮ ﻟﻮ ﺍﻋﺮﻑ ﺍﻗﺮﻩ
ﺳﺎﻣﺮ / ﻃﻠﻌﺖ ﻭﻳﻪ ﺻﺪﻳﻘﺘﻲ ﻭﺯﻭﺟﺘﻪ ﺍﻛﻠﻨﻪ ﻣﻮﻃﻪ ﻭﻛﻌﺪﻧﻪ
ﺯﻭﺟﺘﻪ ﺟﺎﻧﺖ ﺍﺟﺘﻤﺎﻋﻴﻪ ﺑﺎﺩﻟﺘﻨﻲ ﺑﺎﻻﻛﻼﻡ ﻭﺍﺩﻳﺎﻥ ﺳﺎﻛﺘﻪ ﻃﻮﻝ ﺍﻟﻮﻗﺖ ﺧﺠﻼﻧﻪ ﺣﺘﻰ ﺣﺠﻮ ﻋﻠﻴﻬﻪ ﻛﺪﺍﻣﻬﻪ
ﻭﻫﻴﻪ ﺑﺲ ﺗﻮﺯﻉ ﺍﺑﺘﺴﺎﻣﺎﺕ
ﺑﻘﻴﻨﻪ ﺭﺍﺩ ﺻﺪﻳﻘﻲ ﻧﺒﻘﻪ ﻧﺘﺴﺤﺮ ﺑﺮﻩ ﻣﻘﺒﻠﺖ
ﺍﻧﻲ ﻻﻥ ﺍﺩﻳﺎﻥ ﻛﻠﺶ ﺗﺴﺘﺤﻲ ﺍﺣﺴﻬﻪ ﻣﺘﻮﺗﺮﻩ ﻭﺻﻠﻮﻧﻪ ﻟﻠﺒﻴﺖ ﺻﻌﺪﺕ ﻫﻴﻪ ﺑﻘﻴﺖ ﺍﻧﻲ ﺑﺎﻻﺳﺘﻘﺒﺎﻝ ﻣﺤﺪ ﺟﺎﻥ ﻣﻮﺟﻮﺩ ﺑﻘﻴﺖ ﻛﺎﻋﺪ ﺗﻌﺒﺖ ﺣﻴﻞ ﻣﻜﺎﻋﺪ ﺍﻛﺪﺭ ﺍﺭﻳﺪ ﻭﻣﺎﺍﺭﻳﺪ ﻭﺍﻟﺸﻚ ﺑﻜﻠﺒﻲ ﻳﺮﻳﺪ ﻳﺎﻛﻠﻨﻲ ﻭﺗﻘﺒﻠﻲ ﻳﺼﻌﺐ
ﺩﺧﻠﺖ ﻳﻤﻲ ﺍﻣﻲ ﺟﺎﻧﺖ ﺗﺮﻳﺪ ﺗﺎﺧﺬ ﺍﻟﻘﺮﺁﻥ
ﻫﺎﻱ ﺍﻧﺖ ﻫﻨﺎ
ﺍﻱ
ﻟﻴﺶ ﻣﻮ ﻳﻢ ﻣﺮﻳﺘﻚ ﻓﻮﻙ ﺷﻮﻛﺖ ﺭﺟﻌﺘﻮ
ﻫﺴﺘﻮﻧﻲ ﺷﻮﻣﺎﻛﻮ ﺍﺣﺪ
ﺍﺭﻳﺞ ﻭﺍﻳﻬﺎﺏ ﺑﻐﺮﻓﺘﻬﻢ ﻭﻫﺪﻳﻪ ﺩﺗﻨﻮﻡ ﻣﻼﻙ ﻋﻔﺘﻬﻪ ﻭﺍﻧﻲ ﺗﻮﻧﻲ ﻃﻠﻌﺖ ﻣﻦ ﺍﻟﺤﻤﺎﻡ ﻛﻌﺪﺕ ﻛﺒﺎﻟﻲ ﻭﺑﻴﺪﻫﻪ ﺍﻟﻘﺮﺁﻥ
ﺷﺒﻴﻚ ﻳﻤﻪ ﺍﺣﺠﻴﻠﻲ
ﺍﻭﻝ ﻣﺮﻩ ﺍﻣﻲ ﺗﺴﺄﻟﻨﻲ ﻫﺬﺍ ﺍﻟﺴﺆﺍﻝ
ﺷﻴﺮﻳﻦ / ﺑﻌﺪﻙ ﺗﻔﻜﺮ
ﺳﺎﻣﺮ / ﻟﻴﺶ ﺍﻧﻲ ﻛﻮﻟﻲ ﺷﻮﻛﺖ ﻣﻔﻜﺮﺕ
ﺷﻴﺮﻳﻦ / ﻳﻤﻪ ﺷﺒﻴﻚ ﺍﻧﺖ ﺷﻲ ﺭﺍﺡ ﻭﺻﺎﺭ ﻭﺍﻧﺘﻬﻰ ﻭﻫﺎﻱ ﺍﻳﻬﺎﺏ ﻣﺘﻮﻧﺲ ﻭﻣﺘﻐﻴﺮ ﻭﺍﺭﻳﺞ ﻋﻨﺪﻩ ﺍﻟﺪﻧﻴﺎ ﻛﻠﻬﻪ ﻣﺘﺸﻮﻓﻪ
ﺳﺎﻣﺮ / ﻳﻤﻪ ﺍﻧﺘﻮ ﻣﺤﺪ ﻳﻔﻬﻤﻨﻲ ﺍﺑﺪ ﺍﻧﻲ ﺗﻌﺒﺎﻥ ﻭﺍﻟﻠﻪ ﻛﺎﻋﺪ ﺍﻋﻴﺶ ﺑﺼﺮﺍﻉ ﺑﺲ ﺍﻟﻠﻪ ﺍﻟﻴﻌﻠﻢ ﺑﻲ
ﺷﻴﺮﻳﻦ / ﻭﻟﻚ ﻳﻤﻪ ﺍﻟﺒﻨﻴﻪ ﻓﻘﻴﺮﻩ ﻭﺍﻟﻠﻪ ﻭﻳﺘﻴﻤﻪ
ﻭﻣﺎﻛﻮ ﺑﻄﻴﺒﺔ ﻛﻠﺒﻬﻪ ﻭﻫﺎﺩﺋﻪ ﻭﺗﺤﺒﻚ ﺍﻟﻚ
ﻟﻴﺶ ﺗﺘﻌﺎﻓﻰ ﻫﺎﻱ ﺭﺯﻗﻚ ﻭﺧﻮﺵ ﺭﺯﻕ
ﻛﻮﻡ ﻳﻤﻪ ﻛﻮﻡ ﺭﻭﺡ ﺍﻟﻤﺮﺗﻚ ﻭﻋﻴﺶ ﺣﻴﺎﺗﻚ ﻭﺟﻬﻚ ﺍﺻﻔﺮ ﻭﻛﺌﻴﺐ ﺑﺪﻭﻥ ﺳﺒﺐ
ﺻﻌﺪﺕ ﻟﻠﻐﺮﻓﻪ ﻟﻜﻴﺘﻬﻪ ﻛﺎﻋﺪﻩ ﺗﺼﻠﻲ ﻭﺗﻘﺮﻩ ﻗﺮﺁﻥ ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﻪ ﻋﻴﻨﻲ ﻋﻠﻴﻬﻪ ﻭﻋﻴﻨﻲ ﻋﻠﻰ ﺍﻟﻤﻮﺑﺎﻳﻞ
ﻣﻦ ﺭﺟﻌﺖ ﻣﻦ ﺍﻟﺴﻔﺮ ﺟﻨﺖ ﺷﺎﻳﻞ ﻫﻢ ﺍﻛﺜﺮ ﺷﻲ ﻟﻠﻘﺎﺀ ﺍﺩﻳﺎﻥ
ﻣﺎﻋﻨﺪﻱ ﺍﻱ ﺗﺒﺮﻳﺮ ﺍﻟﻬﻪ ﻭﻣﺎﺍﻛﺪﺭ ﺍﻭﺿﺤﻠﻬﻪ ﺳﺒﺐ ﺑﻌﺪﻱ ﻋﻨﻬﻪ ﻫﺮﻭﺑﻲ ﻣﻨﻬﻪ ﻫﻮ ﺣﺒﻲ ﺍﻟﻬﻪ
ﻣﺪﺍﺧﻞ ﺑﻌﻼﻗﻪ ﻗﺒﻞ ﻓﺠﺄﻩ ﺻﺎﺭﺕ ﻛﺒﺎﻟﻲ ﺗﻬﺘﻢ ﺍﻟﺘﻔﺎﺻﻴﻠﻲ ﻭﺑﻨﻔﺲ ﺍﻟﻮﻗﺖ ﺍﺣﺴﻬﻪ ﺣﻼﻝ ﻣﻤﻨﻮﻉ ﺍﻟﻲ ﻣﻜﺪﺭﺕ ﺍﺗﺤﻤﻞ ﻫﻴﻪ ﺑﻜﻠﺐ ﺍﺧﻮﻳﻪ ﻭﺍﻛﻮﻥ ﻣﻨﻬﻪ ﻋﺎﺋﻠﻪ
ﻫﺮﺑﺖ ﻣﻨﻬﻪ ﺳﺎﻓﺮﺕ ﻭﺧﺎﻃﺮﺕ ﺑﺤﻴﺎﺗﻲ ﻭﺩﺭﺍﺳﺘﻲ ﻋﻔﺘﻬﻪ
ﻭﻫﺪﻳﻪ ﻣﻌﺎﻓﺘﻨﻲ ﺑﺤﺎﻟﻲ ﻳﻮﻣﻴﻪ ﺗﺪﺯﻟﻲ ﺻﻮﺭ ﻣﺘﻮﺛﻘﻪ ﺑﺘﻔﺎﺻﻴﻞ ﺣﻠﻮﻩ ﻭﺑﺮﻳﺌﻪ ﺍﺑﺘﺴﺎﻣﺎﺕ ﻋﻔﻮﻳﻪ
ﺍﻫﺮﺏ ﻭﺍﺗﺠﺎﻫﻞ ﻭﺍﻟﻜﻪ ﻧﻔﺴﻲ ﻗﺒﻞ ﻻ ﺍﻧﺎﻡ ﺍﺑﺎﻭﻉ ﺑﻌﻴﻮﻧﻬﻪ ﺍﻟﺤﺰﻳﻨﻪ ﻭﺍﺑﺘﺴﺎﻣﺘﻬﻪ ﺍﻟﻲ ﻫﻴﻪ ﺧﻠﻴﻂ ﻣﻦ ﺍﻟﺤﺰﻥ ﻭﺍﻟﺒﺮﺍﺋﻪ
ﻟﻜﻴﺖ ﺣﺒﻬﻪ ﺑﻜﻠﺒﻲ ﻳﻜﺒﺮ ﻟﻜﻦ ﺑﻄﻠﺖ ﻫﺪﻳﻪ ﺗﺮﺳﻠﻲ ﺻﻮﺭﻫﻪ
ﻭﻛﺒﺮﻳﺎﺋﻲ ﻳﻤﻨﻌﻨﻲ ﺍﻃﻠﺐ ﻣﻦ ﻫﺪﻳﻪ ﺗﺮﺳﻠﻲ
ﻛﻤﺖ ﻳﻮﻣﻴﻪ ﺍﺑﺎﻭﻉ ﺍﻟﺼﻮﺭﻫﻪ ﻣﻜﺪﺭﺕ ﻫﻨﺎﻙ ﺍﺳﻮﻱ ﺍﻱ ﻋﻼﻗﻪ ﻃﻮﻝ ﺍﻟﻮﻗﺖ ﻫﻴﻪ ﺑﻌﻘﻠﻲ
ﻣﻊ ﺍﻟﻌﻠﻢ ﺑﻨﺎﺕ ﺍﺣﻠﻰ ﻣﻮﺟﻮﺩﺍﺕ ﻣﺎ ﺗﺸﺘﻬﻲ ﺍﻟﻌﻴﻦ ﺑﺲ ﻣﻜﺪﺭﺕ ﻋﻴﻮﻧﻬﻪ ﻛﺒﺎﻟﻲ ﻭﻫﻴﻪ ﺗﺒﺠﻲ
ﻣﻮﺍﻋﺪﻫﻪ ﺑﺸﻲ ﺑﺲ ﺣﺴﻴﺘﻬﻪ ﺟﺰﺀ ﻣﻨﻲ ﺻﺎﺭﺕ
ﺭﺟﻌﺖ ﺗﺒﺘﻌﺪ ﺗﻨﻲ ﻣﺘﺘﻘﺮﺏ ﻭﺍﻧﻲ ﺍﺑﺘﻌﺪ ﺍﻛﺜﺮ ﺑﺲ ﻋﻴﻮﻧﻲ ﺗﺮﺍﻗﺒﻬﻪ ﺑﻜﻞ ﻭﻗﺖ ﻭﺗﺪﻭﺭﻫﻪ
ﺍﻣﻨﻊ ﻧﻔﺴﻲ ﺑﺼﻌﻮﺑﻪ ﻳﻮﻣﻴﻪ ﺑﻠﻴﻞ ﻋﻨﻬﻪ
ﺑﺎﻭﻋﺖ ﻋﻠﻴﻬﻪ ﻣﺴﺘﻤﺮﻩ ﺗﻘﺮﻩ ﻗﺮﺁﻥ
ﺍﺩﻳﺎﻥ
ﺟﻨﺖ ﺍﻗﺮﻩ ﻗﺮﺁﻥ ﻓﺠﺄﻩ ﺻﺎﺡ ﺑﺎﺳﻤﻲ ﻛﻤﻠﺖ ﺍﻻﻳﻪ ﻭﻛﻠﺖ ﺻﺪﻕ ﺍﻟﻠﻪ ﺍﻟﻌﻈﻴﻢ
ﺗﻘﺒﻞ ﺍﻟﻠﻪ
ﺗﻘﺒﻞ ﺍﻋﻤﺎﻟﻚ
ﻫﻮﺍﻱ ﺗﺼﻠﻴﻦ
ﺍﻱ ﺍﺣﺐ ﺍﺗﻘﺮﺏ ﺍﻟﺮﺏ ﺍﻟﻌﺎﻟﻤﻴﻦ ﻭﻣﻦ ﺍﻗﺮﺍ ﻗﺮﺍﻥ ﺍﺣﺲ ﺑﺮﺍﺣﻪ
ﺣﻠﻮ
ﺷﻨﻮ
ﻛﻼﻣﺞ
ﺻﺤﺘﻠﻲ ﺷﺮﺩﺕ
ﺭﺩﺕ ﺍﻛﻠﺞ ﺗﻮﻧﺴﺘﻲ ﺍﻟﻴﻮﻡ
ﺍﺑﺘﺴﻤﺖ ﺍﻱ ﻫﻮﺍﻱ ﺑﺲ ﺍﺳﺘﺤﻴﺖ
ﺍﻱ ﺟﺎﻥ ﻭﺍﺻﺢ ﻋﻠﻴﺞ
ﺭﺟﻌﺖ ﺩﻧﻜﺖ ﺗﻘﺮﻩ ﻗﺮﺍﻥ ﻭﺍﻧﻲ ﺍﺑﺎﻭﻉ ﻋﻠﻴﻬﻪ
ﻟﺰﻣﺖ ﻣﻮﺑﺎﻳﻠﻲ ﻭﺭﺟﻌﺖ ﺍﻛﻠﺐ ﺑﻲ
ﺍﺩﻳﺎﻥ / ﺑﻘﻴﺖ ﺍﻗﺮﻩ ﻗﺮﺍﻥ ﻻﻥ ﻣﺒﻘﻪ ﺷﻲ ﺍﻟﺮﻣﻀﺎﻥ ﻳﻜﻤﻞ ﻭﻣﻤﻠﺤﻜﻪ ﺍﺧﺘﻢ ﺍﻟﻘﺮﺁﻥ ﺍﻭﻝ ﺭﻣﻀﺎﻥ ﺍﺣﺐ ﺍﺧﺘﻢ ﺍﻟﻘﺮﺁﻥ ﻣﺠﻨﺖ ﻣﻠﺘﺰﻣﻪ ﺑﺲ ﻣﻦ ﻋﺎﻓﻨﻲ ﺳﺎﻣﺮ ﻣﻦ ﺍﻗﺮﻩ ﻗﺮﺁﻥ ﺍﺭﺗﺎﺡ ﻭﺗﻘﺮﺑﺖ ﺍﻟﺮﺏ ﺍﻟﻌﺎﻟﻤﻴﻦ ﺟﻨﺖ ﺍﻗﺮﻩ ﺑﺲ
ﺍﻳﺎﺕ ﻗﺮﺍﻧﻴﻪ ﻣﺘﻔﺮﻗﻪ
ﻭﻫﺬﺍ ﺭﻣﻀﺎﻥ ﻛﻠﺶ ﻣﺼﺮﻩ ﺍﺧﺘﻢ ﺍﻟﻘﺮﺍﻥ ﺑﺎﻭﻋﺖ ﺻﺎﺭ ﻭﻗﺖ ﺑﺎﺯﻡ ﺍﻧﺰﻝ ﻛﻤﺖ ﻧﺰﻋﺖ ﻋﺒﺎﻳﺘﻲ ﻭﺭﺣﺖ ﻟﻠﻜﻨﺘﻮﺭ ﻛﺎﻋﺪ ﺍﻃﻠﻊ ﻣﻼﺑﺲ
ﻣﺎﺍﺣﺲ ﺍﻟﻪ ﺳﺎﻣﺮ ﻭﺭﺍﻳﻪ
ﺩﺭﺕ ﺑﺴﺮﻋﻪ ﻋﻠﻲ ﻣﺘﻔﺎﺟﺌﻪ ﺑﺎﻭﻋﺖ ﻋﻠﻲ ﺳﺎﻣﺮ
ﺭﺃﺳﺎً ﺟﺮﻧﻲ ﻋﻠﻲ
ﺍﺩﻳﺎﻥ ﺍﻧﻲ ﺍﺣﺒﺞ
ﺟﺎﻧﺖ ﺻﺪﻣﻪ ﺍﻟﻲ ﺑﺎﻭﻋﺖ ﻋﻠﻲ ﻓﺠﺄﻩ ﻧﻔﺴﻲ ﺻﺎﺭ ﺳﺮﻳﻊ ﻣﻌﺮﻓﺖ ﺷﺤﺠﻲ ﻣﻦ ﺍﻟﺼﺪﻣﻪ
ﺍﻋﺮﻑ ﻣﺘﺼﺪﻛﻴﻦ ﺑﺲ ﺍﺣﺒﺞ ﺗﻌﺎﻟﻲ ﻧﺒﺪﻱ ﻣﻦ ﺟﺪﻳﺪ
ﺑﺎﻭﻋﺖ ﻋﻠﻲ
ﺍﺣﺠﻲ ﺷﻲ
ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ ﺷﻠﻮﻥ
ﺗﺤﺒﻴﻨﻲ ﻟﻮ ﻻ
ﺧﺠﻠﺖ ﻣﺎﺍﻋﺮﻑ ﺷﻜﻠﻪ
ﺑﻘﻪ ﻳﺒﺎﻭﻉ ﻋﻠﻴﻪ ﻳﻨﺘﻈﺮ ﺍﺣﺠﻲ
ﺍﺧﺎﻑ
ﻣﻦ ﺷﻨﻮ ﺗﺨﺎﻓﻴﻦ
ﺧﺎﻑ ﺗﻌﻮﻓﻨﻲ ﻭﺗﺴﺎﻓﺮ ﻣﺮﻩ ﺛﺎﻧﻴﻪ
ﻣﺎﺍﻋﻮﻓﺞ ﻭﺍﺛﻖ ﻣﻦ ﻧﻔﺴﻲ ﻫﺎﻟﻤﺮﻩ
ﻟﺰﻡ ﺍﻳﺪﻱ ﻭﺧﻼﻫﻪ ﻋﻠﻰ ﻛﻠﺒﻪ ﻫﻨﺎ ﺍﻧﺘﻲ ﻣﻦ ﺯﻣﺎﻥ
ﻭﺛﻘﻲ ﺑﻴﻪ ﻫﺎﻟﻤﺮﻩ
ﻣﺎﺍﺗﺤﻤﻞ ﺗﺨﺪﻟﻨﻲ ﺑﻌﺪ
ﻣﺎﺍﺧﺬﻟﺞ ﻭﺍﻟﻠﻪ ﺳﺎﻣﺤﻴﻨﻲ ﻭﻭﺛﻘﻲ ﺑﻴﻪ ﻫﺎﻟﻤﺮﻩ
ﺍﻧﻲ ﺍﺻﻼً ﻭﺳﻜﺘﺖ
ﺍﻧﺘﻲ ﺷﻨﻮ
ﻣﻜﺪﺭﺕ ﺍﻛﺮﻫﻚ ﺣﺘﻰ ﻭﺍﻧﺖ ﺑﻌﻴﺪ ﺟﻨﺖ ﺍﺣﺒﻚ
ﺗﻘﺮﺏ ﻋﻠﻴﻪ ﻭﺩﻧﻚ ﻋﻠﻴﻪ ﺑﺎﺳﻨﻲ ﺑﺨﺪﻱ
ﺣﺴﻴﺖ ﺍﻳﺪﻩ ﺗﺮﺟﻒ ﻭﺍﻧﻲ ﻛﻠﺸﻲ ﺑﺠﺴﻤﻲ ﻳﺮﺟﻒ ﺭﺍﺩ ﻳﺒﻮﺳﻨﻲ ﻣﻦ ﺷﻔﺘﻲ ﺑﻌﺪﺕ ﻭﺟﻬﻲ ﻋﻨﻪ
ﻻﺯﻡ ﺍﻧﺰﻝ ﻫﺴﻪ
ﻣﺘﻨﺰﻟﻴﻦ
ﻻ ﻣﺎﺍﻛﺪﺭ ﻋﻴﺐ ﻣﻦ ﺍﻟﺠﻮﻩ
ﺣﺼﺮﻧﻲ ﺑﺎﻟﻜﻨﺘﻮﺭ ﻭﺑﺪﻩ ﻳﺒﻮﺱ ﺑﻴﻪ
ﻋﻴﺐ ﻭﺍﻟﻠﻪ
ﺍﺷﺶ
ﻭﺳﺤﺒﻨﻲ ﺑﻬﺪﻭﺀ ﻋﻠﻰ ﺍﻟﺠﺮﺑﺎﻳﻪ
ﺑﺪﻩ ﻳﺒﻮﺱ ﺑﻴﻪ ﺑﻠﻬﻔﻪ ﺍﻭﻝ ﻣﺮﻩ ﺍﺣﺴﻪ ﻳﺤﺒﻨﻲ
ﺍﺭﻳﺞ / ﺷﻮ ﻣﻨﺰﻟﺖ ﺍﺩﻳﺎﻥ
ﻫﺪﻳﻪ / ﻫﺴﻪ ﺍﺭﻣﺸﻠﻬﻪ ﺧﺎﻑ ﻧﺎﻳﻤﻪ ﺍﻧﻮﺏ
ﺭﻣﺸﺘﻠﻬﻪ ﺍﻛﺜﺮ ﻣﻦ ﻣﺮﻩ ﻣﺎﻛﻮ ﺭﺩﻧﻪ ﻧﺼﺐ ﺩﻛﻴﺖ ﻋﻠﻰ ﺳﺎﻣﺮ ﺷﻐﻠﻨﻲ
ﻭﺩﺯ ﻻ ﺍﺳﺘﻄﻴﻊ ﺍﻟﺮﺩ
ﺍﺑﺘﺴﻤﺖ ﻛﻠﺖ ﻳﺠﻮﺯ ﺍﻟﻠﻪ ﻫﺪﺍﻫﻢ ﻛﺘﻠﻬﻢ ﻣﺘﺴﺤﺮﻳﻦ ﺑﺮﻩ ﻣﺎﺍﻋﺮﻑ ﻛﻠﺖ ﺑﻠﻜﺖ ﻭﺻﺪﻙ ﺑﻴﻮﻣﻬﻪ ﻣﻨﺰﻟﻮ
ﺍﺩﻳﺎﻥ / ﺗﻘﺮﺑﻠﻲ ﺍﻭﻝ ﻣﺮﻩ ﺧﺠﻠﺖ ﻣﻨﻪ ﻫﻮﺍﻳﻪ
ﻭﺳﺒﺤﺖ ﻭﺳﺘﺤﻴﻦ ﺍﻧﺰﻝ ﺣﺘﻰ ﻫﻮ ﻣﺘﺴﺤﺮ ﺍﻭﻝ ﻣﺮﻩ ﺍﻧﺎﻡ ﻋﻠﻰ ﺻﺪﺭﻩ ﻛﻌﺪ ﻳﻌﺘﺬﺭ ﻣﻨﻲ ﻫﻮﺍﻱ ﺑﻴﻮﻣﻬﻪ ﻭﻳﻮﻋﺪﻧﻲ ﺑﻬﻮﺍﻱ ﺍﺷﻴﺎﺀ
ﻫﺪﻳﻪ / ﻣﺮ ﺍﺳﺒﻮﻉ ﺣﺴﻴﺖ ﺑﻴﻬﻢ ﻳﺨﺘﻠﻔﻮﻥ ﻋﻦ ﻗﺒﻞ ﺟﺎﻥ ﺍﻟﻜﻞ ﻣﻨﺒﻪ ﺍﻟﻬﻢ ﻗﺒﻞ ﻻﻥ ﺗﺼﺮﻓﺎﺗﻬﻢ ﻣﻠﺤﻮﻇﻪ ﻓﺮﺣﻨﺎﻟﻬﻢ ﻛﻠﻬﻢ ﻭﺍﻧﺘﻬﻰ ﺍﻛﺒﺮ ﻫﻢ ﻟﻠﻌﺎﺋﻠﻪ ﻛﻠﻬﻪ
ﺻﺎﺭ ﺍﻟﻌﻴﺪ ﻭﺍﻟﻜﻞ ﺍﻟﺘﻢ ﺟﺎﻥ ﺍﻟﻜﻞ ﻃﺎﻟﻊ ﻛﻞ ﻭﺍﺣﺪ ﻣﺎﺧﺬ ﺯﻭﺟﺘﻪ ﻭﻃﺎﻟﻊ ﺷﻴﺮﻳﻦ ﺭﺍﺣﺖ ﻟﻠﻨﺠﻒ ﻭﻳﻪ ﺣﻤﻠﺪﺍﺭ ﻭﺍﻧﻲ ﻛﺎﻋﺪﻩ ﻋﺎﻳﺪﻧﻲ ﻣﺤﺐ ﻭﺩﺯﻟﻲ ﺍﻏﻨﻴﺔ ﺷﻤﺴﻴﻦ ﻓﻴﺪﻳﻮ
ﺟﺎﻭﺑﺘﻪ ﻭﺍﻧﺖ ﺑﺎﻟﻒ ﺧﻴﺮ
ﺍﺭﻳﺞ ﺟﺎﻧﺖ ﻧﺎﻳﻤﻪ ﻻﻥ ﺿﻐﻄﻬﻪ ﻫﺎﺑﻂ ﻭﺍﻧﻲ ﻭﺍﻳﻬﺎﺏ ﻛﺎﻋﺪﻳﻦ ﻧﺴﻮﻟﻒ
ﺍﻳﻬﺎﺏ / ﻫﺪﻳﻪ ﻣﻮ ﻛﺎﻓﻲ
ﻫﺪﻳﻪ / ﻻ ﻣﻮ ﻛﺎﻓﻲ
ﺍﻭﻝ ﻣﺮﻩ ﺭﺍﺡ ﺍﺣﺠﻲ ﻭﻳﺎﺝ ﺑﺲ ﺭﺍﺡ ﺗﺨﺴﺮﻳﻦ ﻣﺤﺐ
ﻫﻮ ﺧﺴﺮﻧﻲ
ﺍﻟﺤﻴﺎﺓ ﺗﺴﺘﻤﺮ ﻭﻳﻜﺪﺭ ﺍﻻﻧﺴﺎﻥ ﻳﺤﺐ ﻣﻦ ﺟﺪﻳﺪ ﻣﺘﺨﺎﻓﻴﻦ ﻳﺤﺐ ﻭﺣﺪﻩ ﻏﻴﺮﺝ ﺑﺎﻭﻋﻲ ﺍﻟﻤﻼﻙ
ﻣﻜﺎﻋﺪ ﺍﻛﺪﺭ ﺍﻳﻬﺎﺏ
ﺗﻜﺪﺭﻳﻦ ﺑﺲ ﺟﺮﺑﻲ ﻣﻮ ﺍﻧﻲ ﻛﺪﺍﻣﺞ ﺍﺭﻳﺞ ﻫﺴﻪ ﺍﻟﺪﻧﻴﺎ ﻛﻠﻬﻪ ﺍﻟﻲ
ﺍﺣﺒﻬﻪ ﻭﺍﻛﺘﺸﻔﺖ ﺍﺩﻳﺎﻥ ﻣﺠﺮﺩ ﻭﻫﻢ
ﻫﺪﻳﻪ / ﺍﻧﺖ ﺗﺨﺘﻠﻒ
ﺍﻳﻬﺎﺏ / ﻻ ﻣﺎﺍﺧﺘﻠﻒ ﺍﻻﻭﻝ ﻣﺮﻩ ﺭﺍﺡ ﺍﻛﻠﺞ ﺍﻧﻲ ﺟﻨﺖ ﻋﺒﺎﻟﻲ ﺍﺣﺐ ﺍﺩﻳﺎﻥ
ﻭﻣﻦ ﺍﺭﻳﺞ ﻃﻠﻌﺖ ﺑﺤﻴﺎﺗﻲ ﻛﺪﺭﺕ ﺍﻧﺴﺎﻫﻪ
ﻫﺪﻳﻪ / ﺍﺳﻜﺖ ﻭﻟﻚ ﻟﻴﺴﻤﻌﻚ ﺳﺎﻣﺮ ﻣﺎﻋﻮﻟﻨﺎ ﻳﻨﺴﻰ
ﺍﺭﻳﺞ / ﺟﻨﺖ ﻭﺍﻛﻔﻪ ﺑﺒﺎﺏ ﺍﻻﺳﺘﻘﺒﺎﻝ ﻭﻣﻨﺪﻣﺠﻴﻦ ﻳﺴﻮﻟﻔﻮﻥ
ﺣﺴﻴﺖ ﻛﻠﺒﻲ ﻭﺟﻌﻨﻲ ﺍﻭﻝ ﻣﻜﺎﻝ ﺍﺩﻳﺎﻥ
ﻣﺠﻨﺖ ﺍﻋﺮﻑ ﻫﻴﻪ ﺑﺲ ﻣﻦ ﻛﺎﻟﻮ ﺳﺎﻣﺮ ﻋﺮﻓﺖ ﻫﻴﻪ
....... ﻳﺘﺒﻊ
