#انتقام_وقسوة_محب_ج٢
بقلمي زينب العبودي
#البارت_التاسع
مااحس اله ايهاب كال
تره اني سمعتجن
ريام/ولك مالك علاقه بهاي السوالف انت
هديه/وانت ليش مخلي اذنك ويانه هااااا
بهاللحظه دخل صلاح ضايج ماادري شبي
وكال
صلاح/يلله ريام هم يالله تأخرنا ورانه طريق
هديه/دباتوو شعدكم
صلاح/لا والله عندي دوام
ريام/سلمت عليهم وطلعنه من صعدنه بالسياره الى ان وصلنه ابد محجه حسيته مو على بعضه
بس مسألته بس بداخلي الف شك وسؤال
معقوله سمعني من جنت احجي ويه هديه
واذا سمعني شكوله لو يجوز صاير شي ويا وميريد يحجي
بس الاكثر الي خفت منه بس لا سمعني اني وهديه
مااحس اله جاوب مااعرف ششوكت دك الموبايل او هو خابر او لا بس فجأه كال الو
المطلوب
صامت مسوي
بعدين نحجي
يلله مع السلامه
مفهمت شي ابد مثل الاطرش بالزفه
الى ان وصلنه دخلنه للبيت بقه هو بالسياره
سلمت عليهم وكعدت ووين يالله دخل حتى سألو علي وكالو شعنده بالسياره بس خمنت اني لو عنده مشكله قويه لو بقه يحجي ويه لبنى
صعدت دخلت للحمام سبحت وبدلت ومن طلعت لكيته متمدد عل جربايه باوعت علي وانتظر لو يحجي بموضوع هديه لو اذا محجه معناهه مسامع
لفيت شعري بدون حتى ماامشطه لان استحي من هو موجود باوعت علي مندمج بالموبايل ومن يكتب وجهه وتقاسيمه تتغير
هذا شبي قلقني حيل حسيت بي شي طلعت وعفته رحت ال دلال بالغرفه اسألهه على امهه لان مشفتهه
دكيت الباب دگه وحده ورأساً فتحت الباب
ارتبكت حيل وحسيتهه شمرت شي
دلال/گمزتيني
ريام/ليش گمزتي ولج شعندج ام البلاوي
دلال/انت چفتي جنج شرطي
ريام/امج وين
دلال/البيت خالي راحت من البارحه
ريام/ليش
دلال/شمدريني
ريام/هو انتِ شتدرين بالبيت
طلعت وعفتهه ونزلت سويت عشه وياهم وسناء وجهه ثكيل عليه لان رحت ال بغداد عافت عليه العشا والمواعين والبيت جان وصخ نظفته للتسعه خلصت
وصلاح مراد عشه من دزيت فهد علي كال نايم
صعدت بالتسعه فتحت الباب لكيته نايم
وايمن يبجي سكته بسرعه كلت خاف يفز خطيه
وانطيته ممه ونام بصف صلاح طفيت الگلوب ونمت بالكاع بمكانه
وكعدت اگلب بموبايلي بصور حسام
واتذكر الايام الي اخذنه بيهن الصور
فجأه دك رقم
سويته صامت وبقيت اباوع عل رقم گبل اجه ببالي محب كلت اجاوب لو لا حرت الى ان انگطع رجع دك مره ثانيه گلت خل افتح خط واسكت وادعي يارب كون محب حتى اذا بس صوته اسمع
