#ﺍﻧﺘﻘﺎﻡ_ﻭﻗﺴﻮﺓ_ﻣﺤﺐ_ج٢
ﺯﻳﻨﺐ ﺍﻟﻌﺒﻮﺩﻱ
#بارت٢٢
ﻣﺤﺐ / ﺍﻧﻲ ﻗﺮﺭﺕ
ﺑﺎﻭﻋﺖ ﻋﻠﻲ ﺍﻧﺘﻈﺮ ﺑﺸﻨﻮ ﻗﺮﺭ ﻛﺘﻠﻪ ﺷﻨﻮ
ﺍﺳﺎﻣﺤﺞ ﻳﻠﻠﻪ ﺗﻌﺎﻟﻲ ﺍﻧﻄﻴﻨﻲ ﺑﻮﺳﻪ ﻭﺭﻓﻊ ﺣﺎﺟﺒﻪ
ﺍﺑﺘﺴﻤﺖ ﻻ ﺍﺭﺍﺩﻳﺎً ﻋﻠﻰ ﺍﺳﻠﻮﺑﻪ ﺍﻟﻲ ﺣﺠﻪ ﺑﻲ
ﺗﻌﺎﻟﻲ ﻭﻟﻮ ﺍﻧﺖ ﺳﺎﻟﻔﺘﺞ ﺍﻟﻲ ﺳﻮﻳﺘﻴﻬﻪ ﻣﺘﺘﺴﻮﻟﻒ
ﻭﻣﻮ ﻣﺎﻝ ﺍﺳﺎﻣﺤﺞ ﻋﻠﻴﻬﻪ
ﺑﻘﻴﺖ ﻛﺎﻋﺪﻩ ﺑﻤﻜﺎﻧﻲ ﻭﺍﺑﺎﻭﻋﻠﻪ ﻭﻫﻮ ﻳﺒﺎﻭﻋﻠﻲ
ﻣﺘﺠﻴﻦ
ﻭﻳﻦ
ﺍﻟﺤﻀﻨﻲ ﻏﻴﺮ
ﻭﺟﺮﻧﻲ ﻣﻦ ﺍﻳﺪﻱ
ﺍﺑﺘﺴﻤﺖ ﺑﺎﺳﻨﻲ ﺑﺨﺪﻱ
ﻣﺸﺘﺎﻗﻠﺞ ﺣﻴﻞ ﻭﻟﺞ
ﺣﺎﻭﻃﺖ ﺍﻳﺪﻳﻨﺎﺗﻲ ﺭﻛﺒﺘﻪ ﺣﻀﻨﻲ ﻗﻮﻱ
ﺍﺣﺠﻲ ﻫﺴﻪ ﺻﺪﻙ ﻛﻠﺶ ﻗﻬﺮﺗﻴﻨﻲ ﻭﺿﻮﺟﺘﻴﻨﻲ ﺑﺴﻮﺍﻳﺎﺗﺞ ﺍﻻﻭﻟﻰ ﻣﺪﺓ ﺍﻳﺪﺝ ﻭﺍﻟﻠﻪ ﻣﻦ ﺍﺻﻔﻨﻠﻬﻪ ﺍﻟﺤﺪ ﻫﺎﻱ ﺍﻟﻠﺤﻈﻪ ﺍﻛﻮﻝ ﻣﻌﻘﻮﻟﻪ ﻫﺪﻳﻪ ﻫﻴﺞ ﺗﺴﻮﻱ ﺍﻭﻝ ﻣﺮﻩ ﺍﻧﻲ ﺟﺒﺮﺗﺞ ﺑﻴﻬﻪ ﻭﺟﺎﻥ ﺫﺍﻙ ﺍﻟﻤﻮﺿﻮﻉ ﻳﺨﺘﻠﻒ ﺟﻨﺖ ﺗﻌﺒﺎﻥ ﻭﺍﺭﻳﺪ ﺍﻧﺘﻘﻢ ﻣﻨﻬﻪ ﺑﺄﻱ ﻣﻮﺿﻮﻉ ﻭﺑﺎﻻﺳﺎﺱ ﺣﻘﻲ ﻭﺣﻖ ﺍﺧﻮﺍﻧﻲ ﻳﻤﻬﻪ
ﺑﺲ ﻫﺴﻪ ﻣﺎﻟﺞ ﺍﻱ ﻣﺒﺮﺭ ﻫﺪﻳﻪ
ﺻﺢ ﻭﺧﺠﻼﻧﻪ ﻣﻦ ﻧﻔﺴﻲ ﻭﺍﻟﻠﻪ ﺑﺲ ﺍﺣﺘﺮﻙ ﻛﻠﺒﻲ ﻣﻨﻬﻪ
ﻟﻮ ﺷﻤﻴﺤﺘﺮﻙ ﻛﻠﺒﺞ ﻣﺘﺴﻮﻳﻦ ﻫﻴﺞ ﻫﺪﻳﻪ
ﺍﺳﻔﻪ ﻭﺍﻟﻠﻪ ﻭﺑﺴﺘﻪ ﻣﻦ ﺷﻔﺘﻪ ﺣﻴﻞ ﻭﺭﺟﻌﺖ ﺿﻤﻴﺖ ﻭﺟﻬﻲ ﺑﺼﺪﺭﻩ ﻣﺤﺐ ﻭﺍﻟﻠﻪ ﺍﺣﺲ ﻧﻔﺴﻲ ﺿﺎﻳﻌﻪ ﺑﺪﻭﻥ ﺣﻀﻨﻚ
ﻫﺪﻳﻪ ﺍﺭﺟﻌﻲ ﺍﺷﺮﺑﻲ ﺍﻟﻤﺎﻧﻊ
ﺭﻓﻌﺖ ﺭﺍﺳﻲ ﻋﻠﻲ .. ﻟﻴﺶ ﻣﺤﺐ
ﻣﻮ ﻫﺬﺍ ﺍﻟﻲ ﺗﺮﻳﺪﻱ ﺍﺫﺍ ﻣﻤﺄﻣﻨﻪ ﺑﻴﻪ
ﻭﺍﻟﻠﻪ ﺗﻔﻜﻴﺮ ﺍﺟﺎﻧﻲ ﻓﺘﺮﻩ ﻭﻗﺒﻞ ﻟﺘﻜﺘﺸﻒ ﻫﺬﺍ ﺍﻟﺸﻲ ﻋﻔﺘﻪ ﻭﺍﻟﻠﻪ ﻣﺤﺐ ﻟﺘﺴﻮﻱ ﻫﻴﺞ ﻭﺗﺄﺫﻳﻨﻲ
ﻫﺪﻳﻪ ﻋﻔﺘﺞ ﻣﺮﻩ ﻣﺎﺍﻋﻮﻓﺞ ﺑﻌﺪ ﺍﻟﻪ ﺍﺫﺍ ﺍﻟﻠﻪ ﺍﺧﺬ ﻋﻤﺮﻱ
ﺍﻱ ﺻﺢ ﻭﺍﻟﺪﻟﻴﻞ ﻛﺘﻠﻲ ﻧﻨﻔﺼﻞ
ﺍﺟﺬﺏ ﻋﻠﻴﺞ ﺍﻧﺖ ﻣﺨﺒﻠﻪ ﺑﺲ ﺭﺩﺕ ﺃﺃﺩﺑﺞ ﻳﻌﻨﻲ ﺍﻧﺖ ﻣﺜﻼً ﺍﻛﻮ ﺑﺮﺍﺳﺞ ﻋﻘﻞ ﺍﻧﻲ ﺍﻋﻮﻓﺞ ﺍﻧﻲ ﺷﻜﺘﻠﺞ ﻫﺪﻳﻪ ﻣﻮ ﻛﺎﻳﻠﺞ ﺍﻧﺖ ﺍﻟﻲ ﻛﻠﺞ ﻳﻌﻨﻲ ﺑﻜﻞ ﺗﻔﺎﺻﻴﻠﺞ ﺑﺲ ﺍﻏﻼﻃﺞ ﻣﺎﺍﻗﺒﻠﻬﻦ ﺍﺑﺪ ﻫﺎﻱ ﺍﻟﻤﺮﻩ ﺳﺎﻣﺤﺘﺞ ﺍﻟﻤﺮﻩ ﺍﻟﺜﺎﻧﻴﻪ ﺗﺸﻮﻓﻴﻦ ﻣﻨﻲ ﺷﻲ ﻋﻤﺮﺝ ﻛﻠﻪ ﻣﺸﺎﻳﻔﺘﻪ ﻭﻣﺎﺍﻋﻮﻓﺞ ﺧﺎﻑ ﻳﺠﻲ ﺑﺒﺎﻟﺞ ﺍﻋﻮﻓﺞ ﻻ
ﺍﻧﻲ ﻣﺎﺍﻋﻮﻓﺞ
ﺍﺑﺘﺴﻤﺖ " ﻣﺤﺐ ﺍﻧﺖ ﻛﻠﺸﻲ ﺍﻟﻲ ﺑﻬﺎﻱ ﺍﻟﺪﻧﻴﺎ
ﻭﺍﻧﺖ ﻫﻢ ﺩﻧﻴﺘﻲ ﻛﻠﻬﻪ
ﻟﺘﺸﺮﺏ ﺑﻌﺪ ﻭﺍﻟﻠﻪ ﻛﻠﺒﻲ ﻭﺟﻌﻨﻲ ﺑﺬﺍﻙ ﺍﻟﻴﻮﻡ ﻣﻦ ﺭﺟﻌﺖ ﺷﺮﺑﺖ
ﺍﻧﺠﺒﻲ ﻭﻟﺞ ﻣﺸﺎﺭﺏ
ﻭﺍﻟﻠﻪ ﺷﻤﻴﺖ ﺑﻴﻚ ﺭﻳﺤﺔ ﺷﺮﺏ
ﻭﺭﻭﺡ ﺍﻣﻴﺮ ﻣﺸﺮﺑﺖ ﺑﺲ ﺟﺎﻧﻮ ﺟﻤﺎﻋﺘﻲ ﻛﻠﻬﻢ ﻳﺸﺮﺑﻮﻥ ﺑﺎﻟﺴﻴﺎﺭﻩ ﺍﻧﻲ ﻣﻦ ﻳﻮﻡ ﺍﻟﻲ ﺍﻧﻮﻟﺪ ﺍﻣﻴﺮ ﺍﺧﺬﺕ ﻋﻬﺪ ﻋﻠﻰ ﻧﻔﺴﻲ ﻣﺎﺍﻃﺦ ﺍﻟﺸﺮﺏ ﺑﻌﺪ ﻭﺩﺍﻋﺔ ﻋﻴﻮﻧﺞ ﻣﺸﺮﺑﺖ ﻭﻻ ﺭﺍﺡ ﺍﺷﺮﺏ ﺑﻌﺪ ﻭﻟﺞ ﻫﻮ ﺍﻧﻲ ﺍﺗﻮﺳﻞ ﺍﻟﻠﻪ ﻳﺒﺎﻭﻋﻠﻲ ﺍﺭﻭﺡ ﺍﻋﺼﻲ ﺑﻬﺎﻱ ﺍﻟﺴﻮﺍﻟﻒ ﻭﺷﺴﺘﻔﺎﺩ ﻣﻦ ﺍﺷﺮﺏ
ﺣﻀﻨﺘﻪ ﻗﻮﻱ
ﻣﺤﺐ ﺍﻧﺖ ﻧﻌﻤﻪ ﺑﺎﻟﻨﺴﺒﻪ ﺍﻟﻲ ﻟﻮ ﻟﻔﻴﺖ ﺍﻟﺪﻧﻴﺎ ﻛﻠﻬﻪ ﻣﺮﺍﺡ ﺍﻟﻜﻪ ﺑﺤﻨﻴﺘﻚ ﻭﺍﻟﻠﻪ ﺷﻜﺪ ﺍﺣﺒﻚ
ﺍﺭﻳﺪﺝ ﺗﻜﺒﺮﻳﻦ ﻫﺪﻳﻪ ﻭﺗﻌﻘﻠﻴﻦ
ﻭﺍﻟﻠﻪ ﺗﻌﺒﺘﻴﻨﻲ ﺭﺍﺡ ﺍﻛﻠﺞ ﺑﺸﻐﻠﻪ ﺗﻀﻮﺟﻨﻲ ﺑﻴﺞ
ﺷﻜﺞ ﻭﻟﺞ ﻭﺭﻭﺡ ﻋﻼﺀ ﻣﺨﺎﻳﻨﺞ ﺫﺍﻙ ﺍﻟﻴﻮﻡ ﺍﻧﻲ ﻇﺎﻳﺞ ﻣﻨﺞ ﻣﻨﺎ ﻭﺗﺘﻬﻤﻴﻨﻲ ﻣﻨﺎ ﻛﻠﺖ ﻫﺴﻪ ﻫﺎﻱ ﻣﻦ ﺍﻛﻮﻡ ﺍﻟﺰﻙ ﺭﺍﺳﻬﻪ ﺑﺎﻟﺤﺎﻳﻂ ﺍﺣﺪ ﻳﻜﻠﻲ ﻟﻴﺶبيج قصص عراقيه حقيقيه من واقعنا.روعه الطائي
ﻏﻤﻀﺖ ﻋﻴﻨﻲ ﻗﻮﻱ ﻭﻛﺘﻠﻪ ﺍﻏﺎﺭ ﻋﻠﻴﻚ ﻣﺤﺐ
ﻣﺎﺍﺧﺎﻑ ﻣﻨﻚ ﺍﺧﺎﻑ ﻣﻨﻬﻦ ﻫﻨﻪ ﻛﻠﺸﻲ ﻳﺴﻮﻥ
ﻫﻮ ﻏﻴﺮ ﺍﺫﺍ ﺍﻧﻄﻴﻬﻦ ﻭﺟﻪ ﻫﻮ ﺍﻧﻲ ﺍﻛﻌﺪ ﺍﻟﺼﺒﺢ ﻛﻮﻩ ﺟﺎﺭﻉ ﺭﻭﺣﻲ ﺗﺮﻳﺪﻳﻦ ﺍﺟﺮﻋﻬﻦ ﻭﺑﻌﺪﻳﻦ ﺍﻧﻲ ﻋﻨﺪﻱ ﻫﺪﻳﺘﻲ
ﺷﺴﻮﻱ ﺑﺎﻟﺒﺎﻗﻴﺎﺕ ﻭﻟﺞ ﻫﻮ ﺍﻧﺖ ﻏﻴﺮ ﺭﻳﺘﻲ
ﻳﺮﺑﻲ ﻣﺎﺍﺗﺤﻤﻞ ﻫﺎﻟﻜﻼﻡ ﻣﻨﻚ
ﺳﺤﺒﻨﻲ ﺍﻟﺤﻀﻨﻪ ﻗﻮﻱ ﺷﻜﺪ ﺍﺭﺗﺎﺡ ﻣﻦ ﺍﻧﺎﻡ ﺑﺤﻀﻨﻪ
ﺷﻜﺪ ﺟﻨﺖ ﺍﺣﺲ ﺭﻭﺣﻲ ﻏﺮﻳﺒﻪ ﺑﺪﻭﻧﻪ
ﻣﻊ ﺍﻟﻌﻠﻢ ﻳﻨﺎﻡ ﺑﺼﻔﻲ ﺑﺲ ﺣﻀﻨﻪ ﻏﻴﺮ
ﻭﻋﺪﺕ ﻧﻔﺴﻲ ﺑﻌﺪ ﻣﺎﺍﺗﺼﺮﻑ ﺑﺪﻭﻥ ﻋﻘﻞ ﻭﺍﻓﻜﺮ ﺑﻜﻞ ﺍﻟﺠﻬﺎﺕ ﻗﺒﻞ ﻻ ﺍﺧﻄﻲ ﺍﻱ ﺧﻄﻮﻩ
ﺭﻳﺎﺍﻡ / ﻣﺮ ٣ﻳﻮﻡ ﻋﻠﻰ ﻭﻓﺎﺓ ﺍﻡ ﻣﻴﻨﺎ ﺣﺎﻭﻟﺖ ﺍﺗﻮﺍﺻﻞ ﻭﻳﻪ ﺣﻨﻴﻦ ﻣﺎﻛﻮ ﺧﺎﺑﺮﺕ ﻋﻠﻰ ﺍﻡ ﻗﺎﺳﻢ ﻣﺎﻛﻮ ﻣﻠﺘﻬﻴﻦ ﺑﺎﻟﻔﺎﺗﺤﻪ ﻭﺍﺧﺎﻑ ﺍﻛﻮﻝ ﺍﻝ ﻣﺤﺐ ﺍﺭﻳﺪ ﺍﺭﻭﺡ ﻳﻤﻜﻦ ﻻﻥ ﻛﺎﻋﺪ ﺍﺣﺠﻲ ﻭﻳﻪ ﺻﻼﺡ ﺍﺧﺎﻑ ﻳﺸﻚ ﺑﺎﻟﻤﻮﺿﻮﻉ ﻭﻳﻜﻠﻲ ﻋﻨﺪﺝ ﺷﻲ ﻭﺑﺎﻻﺻﻞ ﺍﻋﺮﻑ ﻣﺮﺍﺡ ﻳﺨﻠﻴﻨﻲ ﺍﺭﻭﺡ
ﺍﺗﺼﻠﺖ ﻋﻠﻰ ﺻﻼﺡ ﺏ٨ ﺷﻐﻠﻨﻲ ﻭﺻﺎﺭﺕ ﺍﻟﻮﺣﺪﻩ ﺑﻠﻴﻞ ﻭﻣﺎﻛﻮ ﺍﻧﻲ ﻛﻠﺖ ﺍﻛﻴﺪ ﻣﻠﺘﻬﻲ
ﺑﺎﻟﻮﺣﺪﻩ ﻭﻧﺺ ﺍﺗﺼﻠﺖ ﻋﻠﻲ ﺟﺎﻭﺑﻨﻲ
ﻫﺎ ﺣﺒﻴﺒﺘﻲ
ﻫﻠﻮ ﺣﺒﻴﺒﻲ ﺷﻨﻮ ﻭﻳﻨﻚ
ﻣﺸﻐﻮﻝ ﻛﻠﺶ ﻭﺑﻌﺪﻧﻲ ﻣﺪﺍﺧﻞ ﻟﻠﺒﻴﺖ
ﻟﻴﺶ ﻣﻮ ﺧﻠﺼﺖ ﺍﻟﻔﺎﺗﺤﻪ
ﺍﻱ ﺧﻠﺼﺖ ﺑﺲ ﺍﻟﻨﺎﺱ ﻣﻜﻔﺖ ﺑﺴﺮﻋﻪ ﻭﺣﻨﻴﻦ ﺑﺘﻬﻪ ﺗﺨﺮﺑﻄﺖ ﻭﻗﺒﻞ ﺷﻮﻳﻪ ﺍﺟﻴﻨﻪ ﻣﻦ ﺍﻟﻤﺴﺘﺸﻔﻰ
ﺻﺪﺩﻙ ﻳﺎﺍﺍ ﺳﻮﺩﻩ ﻋﻠﻴﻪ ﻭﺍﻟﻠﻪ ﻛﻠﺒﻲ ﻣﻄﻜﻚ ﻋﻠﻴﻬﻪ
ﻣﻮ ﻣﻔﺮﻭﺽ ﺗﺠﻴﻦ ﺭﻳﺎﻡ
ﺍﻱ ﺑﺲ ﺷﻠﻮﻥ ﻣﺤﺐ ﺍﻛﻴﺪ ﻣﻴﻘﺒﻞ
ﻫﺬﺍ ﻭﺍﺟﺐ ﺷﻨﻮ ﻣﺤﺐ ﺑﻜﻠﺸﻲ ﻧﺎﺑﺺ ﻧﻔﺴﻪ
ﻣﺎﺍﻛﺪﺭ ﺍﺳﺘﺜﻨﻲ ﺍﻟﻤﺤﺐ ﺑﻌﺪ
ﺧﻠﻴﻨﻲ ﺍﺩﺧﻞ ﻟﻠﺤﻤﺎﻡ ﺍﺳﺒﺢ ﻭﺍﺧﺎﺑﺮﺝ
ﻣﺎﺷﻲ ﺣﺒﻴﺒﻲ
ﺷﻮﻳﻪ ﻭﺭﺟﻊ ﺍﺗﺼﻞ ﻋﻠﻴﻪ ﺟﺎﻭﺑﺘﻪ
ﺧﻮﻣﺎ ﺗﺄﺧﺮﺕ ﻋﻠﻴﺞ
ﻻ
ﻧﻌﺴﺎﻥ ﺣﻴﻞ ﺗﺪﺭﻳﻦ
ﻳﻌﻨﻲ ﻃﺮﺩﻩ ﻫﺎﻱ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ
ﻭﺍﻧﻲ ﺍﺣﺠﻲ ﻭﻳﺎ ﻓﺠﺄﻩ ﺳﻤﻌﺖ ﺻﻮﺕ ﻣﻴﻨﺎ
ﻫﺎ ﺣﺒﻲ ﺗﺮﻳﺪﻧﻲ
ﺣﺴﻴﺖ ﻛﻠﺸﻲ ﺑﻴﻪ ﺍﻧﻬﺎﺭ ﺳﻜﺘﺖ ﻣﺤﺠﻴﺖ ﺭﺩﺕ ﺍﺳﻤﻊ ﺷﻴﺤﺠﻮﻥ
ﺍﻱ ﺭﺩﺕ ﺍﻃﻤﺌﻦ ﻋﻠﻰ ﺣﻨﻴﻦ ﺷﻠﻮﻥ ﺻﺎﺭﺕ
ﻣﻮ ﺗﻮﻙ ﺷﻔﺘﻬﻪ ﻋﻠﻰ ﺣﻄﺔ ﺍﻳﺪﻙ ﻣﻨﻬﺎﺭﻩ ﻭﺍﻧﻲ ﺗﻌﺒﺎﻧﻪ ﺣﻴﻞ ﻭﻗﺎﺑﻠﻴﺘﻲ ﺧﻠﺼﺖ ﺍﺣﺲ ﻛﻠﺸﻲ ﺑﻬﺎﻱ ﺍﻟﺪﻧﻴﺎ ﺻﺎﺭ ﺛﻜﻴﻞ ﺍﻣﻲ ﺭﺍﺣﺖ ﺑﻌﺪ ﻣﺎﻋﺪﻧﻪ ﻏﻴﺮﻫﻪ ﺑﻬﺎﻱ ﺍﻟﺪﻧﻴﺎ
ﺑﻬﺎﻟﻠﺤﻈﻪ ﺍﻧﺴﺪ ﺍﻟﺨﻂ ﻛﻤﺖ ﻣﺎﺍﺳﻤﻊ ﺭﺃﺳﺎً ﺑﺠﻴﺖ ﻭﺭﻩ ﻋﺸﺮ ﺩﻗﺎﻳﻖ ﺍﺗﺼﻞ ﻋﻠﻴﻪ ﺑﻘﻪ ﻳﺪﻙ ﺍﺑﺎﻭﻉ ﻋﻠﻲ ﻭﺍﺑﺠﻲ ﻭﻣﺎﺍﺟﺎﻭﺏ
ﺭﺟﻊ ﻋﻞ ﻭﺍﺗﺴﺎﺏ ﺩﺯ
💬 ﺣﺒﻲ ﻭﻳﻨﺞ ﻧﻤﺘﻲ
💬 ﺭﻳﺎﻡ
💬 ﺍﻟﻮﻭﻭ
ﺍﻓﺘﺤﻬﻦ ﻭﻣﺎﺍﺟﺎﻭﺑﻪ ﺭﺟﻊ ﺩﺯﻟﻲ
💬 ﻟﻴﺶ ﻛﺎﻋﺪ ﺗﻔﺘﺤﻴﻬﻦ ﻭﻣﺘﺠﺎﻭﺑﻴﻦ ﺿﺠﺘﻲ ﻻﻥ ﻣﻴﻨﺎ ﺩﺧﻠﺖ ﻟﻠﻐﺮﻓﻪ
💬 ﺗﻌﺒﺎﻥ ﺣﻴﻞ ﻟﺘﺰﻭﺩﻳﻬﻪ ﻋﻠﻴﻪ ﺭﻳﺎﻡ
💬 ﺭﻳﺎﻡ ﺟﺎﻭﻭﻭﺑﻲ
💬 ﻋﻮﻓﻚ ﻣﻦ ﺩﺧﻮﻟﻬﻪ ﻟﻠﻐﺮﻓﻪ ﺍﻛﺜﺮ ﺷﻲ ﺿﻮﺟﻨﻲ ﻫﻮ ﻣﻦ ﺳﺪﻳﺖ ﺍﻟﺨﻂ ﻟﻴﺶ ﺳﺪﻳﺘﻪ ﺻﻼﺡ ﺷﻨﻮ ﺍﻟﻲ ﺣﺠﻴﺘﻪ ﻭﻣﺮﺩﺗﻨﻲ ﺍﺳﻤﻌﻪ
💬 ﻭﺍﻟﻠﻪ ﻣﻮﺑﺎﻳﻠﻲ ﻃﻔﻪ ﺷﺤﻦ
💬 ﻃﻔﻪ ﺷﺤﻦ ﺷﻨﻮ ﻫﺎﻟﺼﺪﻓﻪ ﺍﻟﻤﺨﻴﻔﻪ ﺍﻟﻲ ﺧﻠﺖ ﻣﻮﺑﺎﻳﻠﻚ ﺍﻟﻪ ﻣﻦ ﺗﺪﺧﻞ ﻣﻴﻨﺎ ﻳﻨﻄﻔﻲ
ﺍﺧﺬ ﺳﻜﺮﻳﻦ ﻟﻠﺸﺎﺷﻪ ﻭﺩﺯﻟﻴﺎ
💬 ﺷﻮﻓﻲ ﺷﻜﺪ ﺍﻟﺸﺤﻦ ﻫﺴﻪ ﻳﺎﻟﻠﻪ ٣ﺑﺎﻟﻤﻴﻪ ﻫﺬﺍ ﻣﻮ ﺩﻟﻴﻞ
💬 ﺗﻌﺒﺖ ﻣﻦ ﻫﺬﺍ ﺍﻟﻤﻮﺿﻮﻉ ﺻﻼﺡ
💬 ﻭﺍﻧﻲ ﻫﻢ ﺗﻌﺒﺖ ﻭﺩﺍﻳﺦ ﻭﻣﺤﺘﺎﺭ
💬 ﻟﺘﺪﻭﺥ ﻭﻻ ﺗﺤﺘﺎﺭ ﺍﻧﺖ ﺧﻄﺒﺖ ﺍﻟﺒﻨﻴﻪ ﺗﺘﺤﻤﻞ ﺍﻟﻨﺘﺎﺋﺞ ﻭﺍﻧﻲ ﻓﺮﻃﺖ ﺑﻴﻚ ﻭﺍﺗﺤﻤﻞ ﺍﻟﻨﺘﺎﺋﺞ ﻣﻴﻨﺎ ﻣﺎﻟﻬﻪ ﺫﻧﺐ ﺻﺢ ﻫﻴﻪ ﺗﺪﺭﻱ ﻣﺘﺰﻭﺝ ﺑﺲ ﻫﻢ ﺭﺍﺡ ﺗﺼﻴﺮ ﺍﻟﻤﻈﻠﻮﻡ ﺑﻴﻨﺎﺗﻨﻪبيج قصص عراقيه حقيقيه من واقعنا.روعه الطائي
💬 ﺷﺘﻔﺼﺪﻳﻦ ﺭﻳﺎﻡ
💬 ﺍﻧﻲ ﺍﻧﺴﺤﺐ ﻣﻦ ﺣﻴﺎﺗﻚ
ﻛﺒﻞ ﺍﺗﺼﻞ ﻋﻠﻴﻪ ﻣﺠﺎﻭﺑﺘﻪ ﺭﺟﻊ ﻣﺮﻩ ﺛﺎﻧﻴﻪ ﺍﺗﺼﻞ ﺟﺎﻭﺑﺖ
ﻫﺎ ﺻﻼﺡ
ﺍﻧﺖ ﺷﺪﺗﺤﺠﻴﻦ ﺭﻳﺎﻡ
ﺷﺤﺠﻲ ﻳﻌﻨﻲ ﺷﺤﺠﻲ ﻣﻜﺎﻋﺪ ﺍﺗﺤﻤﻞ ﻛﻠﻪ ﻣﻨﻚ ﺟﻨﺖ ﻣﺮﺗﺎﺣﻪ ﺑﺪﻭﻧﻚ ﺧﺮﺑﻄﺖ ﻋﻘﻠﻲ ﻣﺎﺍﺗﺤﻤﻞ ﺑﻌﺪ
ﻣﻴﻨﺎ ﺑﺎﻳﺘﻪ ﻳﻤﻚ
ﻣﻮ ﻳﻤﻲ ﺑﻐﺮﻓﺔ ﻗﺎﺳﻢ ﻧﺎﻳﻤﺎﺕ ﻫﻴﻪ ﻭﺍﺧﺘﻬﻪ
ﻻ ﻭﺍﻟﻠﻪ ﺍﻱ ﺻﺢ ﺩﺧﻠﺘﻠﻚ ﺑﻴﺶ ﺍﻟﺴﺎﻋﻪ ﺑﺪﻭﻥ ﺣﺘﻰ ﻣﺘﺪﻙ ﺍﻟﺒﺎﺏ ﻭﺍﻟﻤﺸﻜﻠﻪ ﻛﻞ ﻣﺎﺍﺣﺠﻲ ﺍﺣﺲ ﻛﻠﻪ ﺑﺴﺒﺒﻲ
ﺑﺲ ﻫﻮ ﺑﺴﺒﺒﻚ ﺍﻧﺖ
ﺭﻳﺎﻡ ﻟﺘﺤﺠﻴﻦ ﻫﻴﺞ
ﻟﻌﺪ ﺷﺤﺠﻲ ﺻﻼﺡ ﺷﻜﻠﻚ ﻣﺮﺗﺎﺡ ﺍﻟﻬﺬﺍ ﺍﻟﻮﺿﻊ
ﻣﻤﺮﺗﺎﺡ ﺭﻳﺎﻡ ﻭﺑﺎﺟﺮ ﺭﺍﺡ ﻳﺮﻭﺣﻦ ﺍﻟﺒﻨﺎﺕ ﺍﻟﺒﻴﺖ ﻋﻤﻬﻦ
ﻭﺷﻮﻛﺖ ﺗﺤﺠﻲ ﻭﻳﻪ ﻣﻴﻨﺎ
ﺍﺳﺘﻐﻔﺮﻙ ﻳﺎﺍﻟﻠﻪ ﺭﻳﺎﻡ ﺑﺲ ﻓﻬﻤﻴﻨﻲ ﺷﻮﻳﻪ ﻟﺘﺼﻌﺒﻴﻬﻪ ﻋﻠﻴﻪ
ﻋﻠﻰ ﻣﻨﻮ ﺗﺼﻌﺐ ﺍﻧﺖ ﻣﺘﻮﻧﺲ ﻫﺎﻱ ﻭﻫﺎﻱ ﻳﺤﺒﻨﻚ
ﺷﻨﻮ ﻫﺎﻟﺤﺠﻲ ﺭﻳﺎﻡ
ﺷﻜﺪ ﺍﻧﻄﻴﻨﻲ ﻭﻗﺖ ﺗﻨﻬﻲ ﺑﻲ ﻛﻠﺸﻲ ﻟﺘﺨﻠﻴﻨﻲ ﺍﺗﻌﻠﻖ ﺑﻴﻚ ﻭﺑﻌﺪﻳﻦ ﺗﻜﻠﻲ ﻣﺎﺍﻛﺪﺭ
ﺷﻬﺮ
ﺷﻨﻮﻭﻭﻭ ﻻ ﻭﺍﻟﻠﻪ
ﻛﺘﻠﺞ ﺍﻗﺼﻰ ﺣﺪ ﺭﺟﻌﻴﻠﻲ ﺭﻳﺎﻡ ﻭﺧﻠﻴﻨﻲ ﺍﻛﻮﻝ ﺍﺫﺍ ﻣﺎﺍﻧﻔﺼﻞ ﻋﻨﺞ ﺍﺧﺴﺮ ﻋﺎﺋﻠﺘﻲ
ﺗﻜﺪﺭ ﻫﺴﻪ ﺗﻜﻮﻝ ﻫﺎﻟﺤﺠﻲ ﺯﻭﺟﺘﻲ ﻣﺘﺮﺟﻊ ﺍﻟﻪ ﺍﺫﺍ ﺍﻧﻔﺼﻠﺖ ﻋﻨﺞ ﻭﺍﻧﺖ ﻣﻤﺠﺬﺏ
ﻣﺎﺷﻲ ﺑﺲ ﺍﻧﻄﻴﻨﻲ ﻭﻗﺖ
ﻣﻨﻄﻴﺘﻚ ﻭﻗﺖ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﺑﺲ ﺍﺳﺘﻌﺠﻞ ﺻﻼﺡ ﻛﻞ ﻣﺎ ﺗﺘﺄﺧﺮ ﻛﻠﻤﺎ ﺗﺘﻌﻠﻖ ﺑﻴﻚ ﻣﻴﻨﺎ ﺍﻛﺜﺮ ﻭﺗﺄﺫﻳﻬﻪ
ﻭﺗﺄﺫﻳﻨﻲ
ﺣﻨﻴﻦ / ﺍﻟﻀﻴﺎﻉ ﺍﻟﻲ ﺍﻧﻲ ﺑﻲ ﻣﻴﻨﻮﺻﻒ ﻣﺎﻛﻮ ﻛﻠﻤﻪ ﺗﻌﺒﺮﻩ
ﺍﻟﺨﻮﻑ ﻣﺴﻴﻄﺮ ﻋﻠﻴﻪ ﻭﺍﻟﺮﻭﺡ ﺗﺪﻭﺭ ﻋﻠﻰ ﺍﻣﻲ ﺿﻌﺖ ﺍﻟﻒ ﻗﺎﻁ ﺿﻴﺎﻋﻲ ﻛﺎﻋﺪﻩ ﺑﻮﺳﻂ ﺯﺣﻤﻪ ﻣﺨﻴﻔﻪ ﻣﺠﻬﻮﻟﻪ
ﺍﻧﺘﻬﺖ ﺍﻳﺎﻡ ﺍﻟﺨﻴﺮ ﺍﻟﻲ ﻫﻴﻪ ﺍﻣﻲ ﻭﻫﺴﻪ ﺭﺍﺡ ﻧﺮﻭﺡ ﺍﻻﻳﺎﻡ ﺍﻟﺬﻝ
ﺟﻨﺖ ﻧﺎﻳﻤﻪ ﺑﺒﻴﺖ ﺧﺎﻟﺘﻲ
ﻣﺎﺍﻛﺪﺭ ﺍﺩﺧﻞ ﺍﻟﺒﻴﺘﻨﻪ ﻭﻛﻞ ﻣﻜﺎﻥ ﺑﻲ ﺭﻳﺤﺔ ﺍﻣﻲ
ﺣﺘﻰ ﺟﺪﺭﺍﻥ ﺍﻟﺤﺎﻳﻂ ﺍﺣﺴﻬﻪ ﺗﺼﺮﺥ ﺍﻟﺒﻴﺖ ﺻﺎﺭ ﺧﺎﻟﻲ
ﺻﺎﺭ ﺑﺎﺭﺩ ﺍﻧﻄﻔﺖ ﻛﻞ ﻧﻴﺮﺍﻧﻪ
ﺍﻋﺎﺗﺐ ﺭﺑﻲ ﺣﺮﻣﻨﻲ ﻣﻦ ﺧﻴﻤﺘﻨﺎ ﻣﻜﺘﻔﻪ ﺑﺎﺑﻮﻳﻪ ﺑﺲ
ﺯﻳﻦ ﺍﺣﻨﻪ ﻭﻳﻦ ﻧﺮﻭﺡ ﻳﺎ ﺭﺑﻲ
ﺟﻨﺖ ﻣﻐﻤﻀﻪ ﻋﻴﻨﻲ ﻣﺴﻮﻳﻪ ﺭﻭﺣﻲ ﻧﺎﻳﻤﻪ ﻭﻣﻦ ﻛﺜﺮ ﻣﺎﺍﻓﻜﺮ ﻭﻋﻘﻠﻲ ﺷﺎﺭﺩ ﻣﺤﺴﻴﺖ ﺍﻟﻪ ﻣﻦ ﻋﻠﻰ ﺍﻳﺪ ﻟﺰﻣﺖ ﺍﻳﺪﻱ ﺧﺸﻨﻪ ﻣﻮ ﻧﺎﻋﻤﻪ ﻓﺰﻳﺖ ﻣﺨﺮﻭﻋﻪ ﻭﻫﺒﻄﺖ ﺍﻟﻠﺤﻈﻪ ﺍﺟﻪ ﺑﺒﺎﻟﻲ ﺍﺣﻤﺪ ﻋﻄﺖ
ﻟﺘﺨﺎﻓﻴﻦ ﺣﺒﻴﺒﺘﻲ ﻫﺎﻱ ﺍﻧﻲ
ﻗﺎﺳﻢ " ﻭﺧﻠﻴﺖ ﺍﻳﺪﻱ ﻋﻠﻰ ﮔﻠﺒﻲ ﻟﻴﺶ ﻫﻴﺞ ﺳﻮﻳﺖ ﻭﺷﺪﺧﻠﻚ ﻟﻠﻐﺮﻓﻪ
ﺍﺭﻳﺪ ﺍﻃﻤﺌﻦ ﻋﻠﻴﺞ
ﺭﺃﺳﺎً ﺑﺠﻴﺖ ﻋﻮﻭﻭﻓﻨﻲ ﻟﺘﻄﻤﺌﻦ ﻋﻠﻴﻪ ﺍﻃﻠﻊ ﻣﻦ ﺍﻟﻐﺮﻓﻪ ﺍﻟﻠﻪ ﻋﻠﻴﻚ
ﻭﺍﻟﻠﻪ ﺭﺍﺡ ﺗﺨﺒﻠﻴﻨﻲ ﻓﻬﻤﻴﻨﻲ ﺷﺒﻴﺞ
ﻣﺎﺑﻴﻪ ﺷﻲ ﺑﺲ ﻣﺎﺍﺭﻳﺪﻙ ﺗﺘﻘﺮﺏ ﻣﻨﻲ ﻭﻻ ﺗﺤﺠﻲ ﻭﻳﺎﻱ
ﻛﺎﻓﻲ ﻋﻠﻴﻪ ﻣﻮﺗﺖ ﺍﻣﻲ ﻟﺘﻀﻮﺟﻨﻲ ﺍﻧﺖ ﻫﻢ
ﻣﺎﺍﻋﻮﻓﺞ ﺑﻌﺪ ﻟﺘﺨﺎﻓﻴﻦ ﻣﻨﻲ ﻭﺍﻧﻄﻴﻨﻲ ﻓﺮﺻﻪ ﻭﺑﺲ ﺗﻄﻠﻊ ﺍﻻﺭﺑﻌﻴﻦ ﻣﺎﻝ ﺧﺎﻟﺘﻲ ﺍﻗﺮﻩ ﻓﺎﺗﺤﺘﻲ ﻋﻠﻴﺞ ﺍﺭﻳﺪﺝ ﺣﻨﻴﻦ ﺣﺴﻴﺖ ﺑﻘﻴﻤﺘﺞ ﻣﻦ ﻋﻔﺘﻴﻨﻲ ﻣﻦ ﺻﻼﺡ ﺭﺍﺩ ﻳﺘﺰﻭﺝ ﻭﻣﻌﺮﻓﺖ ﺍﻱ ﻭﺣﺪﻩ ﺑﻴﺠﻦ ﺗﺪﻣﺮﺕ ﺣﺴﻴﺖ ﺑﺮﻭﺣﻲ ﺷﻜﺪ ﺍﺣﺒﺞبيج قصص عراقيه حقيقيه من واقعنا.روعه الطائي
ﺍﻃﻠﻊ ﺑﺮﺭﺭﻩ ﻗﺎﺳﻢ ﺭﻭﺡ ﻟﺘﺤﺠﻲ ﻣﺎﺍﺭﻳﺪﻙ ﺍﻧﻲ ﺑﻴﺎ ﺣﺎﻝ ﻭﺍﻧﺖ ﺷﺪﺗﺤﺠﻲ ﺍﻧﺖ ﺷﻨﻮ ﻣﺎﻋﻨﺪﻙ ﺍﺣﺴﺎﺱ
ﻛﻤﺖ ﻣﻨﻬﺎﺭﻩ ﻣﻦ ﺍﻟﻔﺮﺍﺵ
ﺗﻌﺎﻟﻲ ﻭﻳﻦ ﺭﺍﻳﺤﻪ
ﻣﺎﺍﺭﻳﺪ ﺍﺑﻘﻪ ﻭﻳﺎﻙ ﺑﻐﺮﻓﻪ ﻭﺣﺪﻩ ﻣﺴﺪﻭﺩﻩ ﻋﻠﻴﻨﻪ
ﻫﺬﺍ ﻫﻮ ﺍﺧﺮ ﻗﺮﺍﺭ ﻋﻨﺪﺝ ﻟﻮ ﺍﻧﻄﻴﺞ ﻓﺮﺻﻪ ﺗﻔﻜﺮﻳﻦ ﺍﻟﺤﺪ ﻣﺘﻄﻠﻌﻴﻦ ﻣﻦ ﺍﻟﻲ ﺍﻧﺖ ﺑﻲ
ﺍﺧﺮ ﻗﺮﺍﺭ ﻭﻣﺎﺍﻛﺪﺭ ﺍﺗﺮﺍﺟﻊ ﻋﻨﻪ ﺍﺑﺪ
ﻟﻴﺸﺸﺸﺸﺶ
ﻫﻴﺞ ﻣﺎﺍﺭﻳﺪﻙ ﻭﺑﺲ
ﺍﻧﺖ ﻋﻨﺪﺝ ﻋﻼﻗﻪ ﻭﻳﻪ ﻭﺍﺣﺪ ﺛﺎﻧﻲ ﻣﻮﻭﻭﻭ
ﺑﺎﻭﻋﺖ ﻋﻠﻲ ﺍﺫﺍ ﻣﺘﻄﻠﻊ ﻫﺴﻪ ﻣﻦ ﺍﻟﻐﺮﻓﻪ ﺍﻟﻤﻬﻢ ﻋﻠﻴﻚ ﻭﺍﻟﻠﻪ
ﻟﺰﻡ ﺍﻳﺪﻱ ﻗﻮﻱ ﺟﺎﻭﻭﺑﻴﻨﻲ ﺣﻨﻴﻦ ﻛﺎﻋﺪ ﻳﺨﻄﺮ ﺑﺎﻟﻲ ﻫﺬﺍ ﺍﻟﺸﻲ ﻫﻮﺍﻱ
ﻟﻚ ﺍﻧﺘﻲ ﺑﻴﺎ ﺣﺎﻝ ﻟﻚ ﺍﻓﻬﻤﻤﻤﻤﻤﻢ ﺍﻟﻲ ﺍﻧﺪﻓﻨﺖ ﻗﺒﻞ ٣ﺃﻳﺎﻡ ﺍﻣﻲ ﻭﺍﻧﺖ ﺷﺪﺗﺤﺠﻲ ﻭﻳﺎﻱ ﻭﺧﺮﺭﺭ ﻋﻮﻑ ﺍﻳﺪﺩﻱ
ﺑﻬﺎﻟﻠﺤﻈﻪ ﺍﻧﻔﺘﺢ ﺍﻟﺒﺎﺏ ﺧﺎﻟﺘﻲ ﺍﻡ ﻗﺎﺳﻢ ﺍﻧﺼﺪﻣﺖ ﻣﻦ ﺷﺎﻓﺖ ﻗﺎﺳﻢ ﻻﺯﻡ ﺍﻳﺪﻱ ﻭﻛﺎﻣﺖ ﺗﺒﺎﻭﻉ ﻋﻠﻴﻨﻪ ﺑﺎﺳﺘﻐﺮﺍﺏ ﻭﺣﺪﻳﻪ ﺑﻨﻔﺲ ﺍﻟﻮﻗﺖ ﻛﺒﻞ ﻋﺎﻑ ﺍﻳﺪﻱ
ﺷﻜﻮ ﺷﻜﺎﻋﺪ ﻳﺼﻴﺮ ﻫﻨﺎ
ﺳﻜﺘﺖ ﻣﻦ ﺍﻟﻔﺸﻠﻪ ﻭﺍﻟﺨﺠﻞ ﻭﻛﻠﺸﻲ ﺷﺠﺎﻭﺑﻬﻪ ﺍﻟﻠﻪ ﻻ ﻳﻨﻄﻴﻚ ﻳﺎ ﻗﺎﺳﻢ ﻫﻴﻪ ﺗﻌﺮﻑ ﺍﻧﻲ ﺍﺣﺒﻪ ﺑﺲ ﻣﺤﺪ ﻳﻌﺮﻑ ﺟﻨﻪ ﻋﻠﻰ ﻋﻼﻗﻪ ﺑﺲ ﺍﻟﻘﻠﻴﻞ
ﻗﺎﺳﻢ / ﺭﺩﺕ ﺍﻃﻤﺌﻦ ﻋﻠﻴﻬﻪ ﻭﺭﺍﺩ ﻳﻄﻠﻊ
ﺍﻡ ﻗﺎﺳﻢ / ﻭﻟﻴﺶ ﻫﻴﺞ ﻻﺯﻡ ﺍﻳﺪﻫﻪ
ﻣﺎﻛﻮ ﺷﻲ ﻳﻤﻪ ﻭﻃﻠﻊ ﻭﻋﺎﻓﻬﻪ ﺑﺎﻭﻋﺘﻠﻲ ﺑﻨﻄﺮﺍﺕ ﻇﺎﻳﺠﻪ ﻣﻨﻲ
ﺷﺪﻳﺼﻴﺮ ﺣﻨﻴﻦ
ﻣﺎﻛﻮ ﺷﻲ ﺧﺎﻟﻪ
ﻣﻮ ﺟﻨﺘﻲ ﺗﺤﺒﻴﻦ ﻗﺎﺳﻢ ﻟﻴﺶ ﻫﺴﻪ ﻣﺘﻘﺒﻠﻴﻦ ﺑﻲ ﻭﺗﻨﻔﺮﻱ
ﻫﻮ ﻛﻠﺞ
ﺍﻱ ﻛﻠﻲ ﻭﻣﺼﺪﻛﺖ ﺷﻨﻮ ﺗﻠﻌﺒﻮﻥ ﺣﻴﻪ ﻭﺩﺭﺝ ﺍﻧﺖ ﺟﻨﺖ ﺧﺎﺑﺼﺘﻨﻲ ﺑﻲ ﻭﺗﺴﺄﻟﻴﻦ ﻋﻠﻲ ﻭﻣﺒﻴﻨﻪ ﺗﺤﺒﻲ ﻭﻣﻦ ﺭﺍﺩﺝ ﻧﻔﺮﺗﻲ ﻣﻮ ﻭﻛﺖ ﻫﺎﻟﻜﻼﻡ ﺑﺲ ﺍﻧﻲ ﻫﻢ ﻛﻠﺒﻲ ﺧﻠﺺ ﻭﺑﺎﻟﻲ ﻋﻠﻴﺞ ﻣﺎﻋﻮﻟﺖ ﻗﺎﺳﻢ ﺍﻟﻠﻪ ﻳﻬﺪﻱ
ﻟﻌﺪ ﻗﺎﺳﻢ ﺷﻜﺪ ﻧﺎﻓﺮﻧﻲ ﺟﺎﻥ ﺑﺤﻴﺚ ﺗﻜﻮﻟﻴﻦ ﻣﺎﻋﻮﻟﺖ ﻋﻞ ﻋﻤﻮﻡ ﺧﺎﻟﻪ ﺍﻧﻲ ﻣﻮ ﺑﺤﺎﻝ ﻗﺎﺳﻢ ﺍﻧﻲ ﺍﻣﻲ ﻣﻴﺘﻪ ﻫﺴﺘﻮﻫﻪ
ﻭﻟﺞ ﺍﺩﺭﻱ ﺑﻮﺟﻌﺞ ﻭﺍﻧﻲ ﻫﻢ ﻣﻮﺟﻮﻋﻪ ﻋﻠﻰ ﺍﺧﺘﻲ ﺑﺲ ﺍﻧﺖ ﺑﺘﻲ ﺍﻟﺜﺎﻧﻴﻪ ﺍﻧﻲ ﺧﺎﻳﻔﻪ ﻋﻠﻴﺞ ﻣﻴﻨﺎ ﻭﺭﺍﺡ ﺗﺘﺰﻭﺝ ﺻﻼﺡ ﻭﺍﻧﺖ ﺷﻠﻮﻥ ﺑﻴﺞ ﻭﺍﻟﺒﺎﺭﺣﻪ ﻣﺘﻘﺒﻠﻴﻦ ﺗﺮﻭﺣﻴﻦ ﺍﻟﺒﻴﺖ ﻋﻤﺞ ﻭﺍﻧﻲ ﻣﺎﺍﻛﺪﺭ ﺍﺑﻘﻴﺞ ﻳﻤﻲ ﺑﺪﻭﻥ ﻣﻴﺘﺰﻭﺟﺞ ﻗﺎﺳﻢ ﻻﻥ ﻫﺬﺍ ﻣﻮ ﺑﻴﺘﻲ ﺑﻴﺖ ﻋﻴﺎﻟﻲ
ﺧﺎﻟﻪ ﻟﺘﺨﻠﻴﻨﻲ ﺍﺭﻭﺡ ﺍﻟﺒﻴﺖ ﻋﻤﻲ ﻋﻠﻴﺞ ﺍﻟﻠﻪ ﺧﻠﻴﻨﻲ ﺍﺭﺟﻊ ﺍﻟﺒﻴﺘﻨﻪ
ﻣﻨﻮ ﻳﺨﻠﻴﺞ ﺗﻜﻌﺪﻳﻦ ﻭﺣﺪﺝ ﻭﻟﺞ ﺍﺣﻨﻪ ﻭﻳﻦ ﻋﺎﻳﺸﻴﻦ
ﻗﺎﺳﻢ ﺭﺍﻳﺪﺝ ﻭﺗﺤﺒﻲ ﻗﺒﻠﻲ ﺑﻲ ﻳﻤﻪ ﻭﺑﺲ ﺗﻄﻠﻊ ﺍﺭﺑﻌﻴﻦ ﺍﻣﺞ ﻧﻘﺮﻩ ﺍﻟﻔﺎﺗﺤﻪ ﻭﻧﻌﻘﺪﻟﻜﻢ ﺳﻴﺪ ﺍﻟﺤﺪ ﻣﺎﺗﻄﻠﻊ ﺳﻨﺔ ﺍﻣﺞ ﻧﺰﻭﺟﻜﻢ ﻭﻧﻔﺮﺡ ﺑﻴﻜﻢ
ﺍﻟﻠﻪ ﻳﺨﻠﻴﺞ ﺧﺎﻟﻪ ﻟﺘﺤﺠﻴﻦ ﻫﺴﻪ ﺑﻬﺬﺍ ﺍﻟﻤﻮﺿﻮﻉ ﻣﻦ ﺍﺣﺠﻲ ﻫﻴﺞ ﺍﺳﺘﺤﻲ ﻣﻦ ﺍﻣﻲ ﺍﻟﻲ ﺗﻮﻫﻪ ﺍﻧﺪﻓﻨﺖ
ﺣﻀﻨﺘﻲ ﻭﻣﺴﺤﺖ ﻋﻠﻰ ﻇﻬﺮﻱ ﺑﺠﻴﺖ ﺑﺤﺮﻛﻪ
ﻟﺘﺨﻠﻴﻨﻲ ﺍﺭﻭﺡ ﺍﻟﺒﻴﺖ ﻋﻤﻮ
ﻻﺯﻡ ﺗﺮﺣﻴﻦ ﺣﺒﻴﺒﺘﻲ ﻛﻞ ﺷﻮﻳﻪ ﻋﻤﺞ ﻳﺨﺎﺑﺮ ﺻﺢ ﻫﻤﻪ ﺣﻘﺮﺍﺀ ﻭﻳﺎﻛﻢ ﻭﻃﺮﺩﻭﻛﻢ ﻭﺣﻘﺞ ﻫﻴﺞ ﻣﻮﻗﻔﺞ ﻣﻨﻬﻢ ﺑﺲ ﺍﺣﺴﻦ ﻣﻦ ﺍﻟﻨﺎﺱ ﺍﻟﻐﺮﺑﻪ ﻣﻬﻤﺎ ﻳﻜﻮﻥ ﺍﻧﺖ ﻋﺮﻇﻬﻢ
ﻋﺎﻓﺘﻨﻲ ﻭﻃﻠﻌﺖ ﺍﺣﺲ ﺟﺴﻤﻲ ﻛﺎﻡ ﻳﺮﺟﻒ ﻛﻤﺖ ﺍﻗﺮﺽ ﺑﺎﻇﺎﻓﻴﺮﻱ ﺑﺤﻠﻜﻲ ﻣﻦ ﺍﻟﺘﻮﺗﺮ ﻭﺍﺗﺬﻛﺮ ﺍﺣﻤﺪ ﻣﻦ ﺍﻋﺘﺪﻩ ﻋﻠﻴﻪ
ﻭﻣﺎﺍﻋﺮﻑ ﺷﺮﺍﺡ ﻳﺴﻮﻳﻠﻲ ﻫﻨﺎﻙ ﻓﻜﺮﺕ ﺍﻛﻮﻝ ﺍﻝ ﺧﺎﻟﺘﻲ ﻭﺍﺧﺎﻑ ﺧﺎﻑ ﻣﺤﺪ ﻳﺼﺪﻛﻨﻲ ﻭﺍﻟﺴﺎﻟﻔﻪ ﺻﺎﺭﻟﻬﻪ ﻫﻮﺍﻱ
ﺍﺧﺨﺦ ﻳﺎﺭﺑﺘﻨﻲ ﻟﻮ ﻛﺎﻳﻠﻪ ﺍﻝ ﺍﻣﻲ
ﺩﺧﻠﺖ ﻋﻠﻴﻪ ﻣﻴﻨﺎ ﻭﺍﻧﻲ ﻣﺘﻮﺗﺮﻩ
ﺻﺎﺣﺖ ﺑﻴﻪ
ﺷﺠﻨﺘﻮ ﺗﺴﻮﻭﻥ ﺍﻧﺖ ﻭﻗﺎﺳﻢ ﺑﺎﻟﻐﺮﻓﻪ
ﺍﻧﺖ ﺷﺪﺗﺤﺠﻴﻦ ﻣﻴﻨﺎ
ﻫﺎ ﺣﻨﻴﻦ ﺍﻣﻨﻪ ﻣﺎﺗﺖ ﺑﻌﺪ ﻣﺎﻋﺪﻧﻪ ﺳﻨﺪ ﺑﻬﺎﻱ ﺍﻟﺪﻧﻴﺎ ﺍﺳﺘﺮﻱ ﻋﻠﻴﻨﻪ ﻗﺎﺳﻢ ﻣﻠﻌﺐبيج قصص عراقيه حقيقيه من واقعنا.روعه الطائي
ﻣﻴﻨﺎ ﻃﺮﺩﺗﻪ ﻭﺍﻟﻠﻪ ﺍﻧﻲ ﺑﻴﺎ ﺣﺎﻝ
ﻭﻻ ﺍﻧﻲ ﺑﺲ ﺍﺣﻨﻪ ﺑﻌﺪ ﻫﺬﺍ ﻫﻮ ﺍﻣﻨﺎ ﺭﺍﺣﺖ ﺣﻨﻴﻦ ﻋﻮﻓﺞ ﻣﻦ ﻗﺎﺳﻢ ﻭﻣﻦ ﺍﻱ ﺍﺣﺪ ﺍﻟﻴﻮﻡ ﻧﺮﻭﺡ ﺍﻟﺒﻴﺖ ﻋﻤﻮ ﻭﻣﻦ ﺍﺗﺰﻭﺝ ﺻﻼﺡ ﺍﻛﻠﻪ ﻳﺄﺟﺮﻟﻨﺎ ﺍﻟﺒﻴﺖ ﻧﻔﺴﻪ ﻭﺍﺧﺬﺝ ﻭﻳﺎﻱ
ﺷﻮﻛﺖ ﺗﺘﺰﻭﺟﻮﻥ ﺍﻧﺖ ﻭﺻﻼﺡ
ﺗﻮﻫﻪ ﺍﻣﻨﻪ ﻣﺎﺗﺖ ﻳﻌﻨﻲ ﺍﻛﻴﺪ ﻓﺘﺮﻩ ﺍﺭﻳﺪﺝ ﺗﺼﻴﺮﻳﻦ ﻗﻮﻳﻪ ﺍﻧﻲ ﺷﻔﺘﻪ ﻣﻦ ﺩﺧﻞ ﻋﻠﻴﺞ ﻳﺘﺴﺤﺐ ﻣﺜﻞ ﺍﻟﺤﺮﺍﻣﻴﻪ
ﺍﻧﻲ ﻣﺎﺍﺭﻳﺪ ﺍﺭﻭﺡ ﺍﻟﺒﻴﺖ ﻋﻤﻮ
ﻣﻴﻨﺎ / ﻭﻫﻨﺎ ﻏﺮﺑﻪ ﺣﻨﻴﻦ ﺍﻻﻭﻟﻰ ﻧﺮﻭﺡ ﻧﻜﻌﺪ ﺑﺒﻴﺖ ﻋﻤﻮ ﻭﻫﻮ ﻫﻢ ﺑﺎﺧﺮ ﻓﺘﺮﻩ ﺯﻳﻦ ﻭﻳﺎﻧﻪ
ﻣﺎﺍﻛﺪﺭ ﻣﺎﺍﺭﻭﺡ ﺍﻧﻲ
ﺷﺒﻴﺞ ﺣﻨﻴﻦ ﻟﻴﺶ ﻫﻴﺞ ﺧﻞ ﻳﻮﻟﻮﻥ ﻫﻮ ﻣﺆﻗﺖ ﺍﻧﻲ ﻫﻢ ﺍﻛﺮﻫﻢ ﺑﺲ ﺍﺣﻨﻪ ﺑﻌﺪ ﻣﻨﻜﺪﺭ ﻭﺣﺪﻧﻪ ﻋﻞ ﺩﻧﻴﺎ ﺑﺪﻭﻥ ﻣﺎﻣﺎ
ﺍﺣﻤﺪ ﻭﺳﻜﺘﺖ
ﺍﺣﻤﺪ ﻓﻘﻴﺮ ﺷﺒﻴﺞ
ﻻ """ ﻻ ﻣﻮ ﻓﻘﻴﺮ ﺍﻧﺖ ﻣﺘﺪﺭﻳﻦ ﺷﺴﻮﻩ
ﺷﺴﻮﻩ ﺣﻨﻴﻦ ﺷﻤﺴﻮﻳﻠﺞ ﺍﺣﻤﺪ
ﺧﻠﻴﺖ ﺍﻳﺪﻱ ﻋﻠﻰ ﻛﺼﺘﻲ ﻭﺯﺍﺩﺕ ﺑﺠﻴﺘﻲ
ﺍﺣﻤﺪ ﺍﺧﺬ ﺷﺮﻓﻲ ﺍﻋﺘﺪﻩ ﻋﻠﻴﻪ ﻭﺑﺠﻴﺖ ﺑﺼﻮﺕ ﻋﺎﻟﻲ
ﻛﺒﻞ ﺷﻬﻜﺖ ﻭﺧﻠﺖ ﺍﻳﺪﻫﻪ ﻋﻠﻰ ﺣﻠﻜﻬﻪ
ﺷﺪﺗﺤﺠﻴﻦ ﺣﻨﻴﻦ ﺍﻧﺖ
ﻭﺭﻭﺡ ﻣﺎﻣﺎ ﺍﻟﺤﻘﻴﺮ ﺍﻋﺘﺬﻩ ﻋﻠﻴﻪ
ﺷﻮﻛﺖ ﻫﺎﻱ ﻣﻦ ﻛﻠﺘﻴﻠﻲ ﺣﺎﻭﻝ ﻳﺘﺤﺎﺭﺵ ﺑﻴﺞ ﻣﻦ ﺭﺣﻨﻪ
ﻻ ﻣﺴﻮﻩ ﺷﻲ ﺑﻮﻗﺘﻬﻪ ﺑﺲ ﺟﺬﺏ ﻋﻠﻴﻪ ﻭﺍﺧﺬﻧﻲ ﻣﻦ ﺍﻟﻤﺪﺭﺳﻪ ﻛﺎﻝ ﺍﻫﻠﻲ ﻋﺎﺯﻣﻴﻦ ﺍﻫﻠﺞ
ﻭﺭﺣﺘﻲ ﻭﻳﺎﺍﺍﺍﺍﺍ ﺣﻨﻴﻦ
ﺳﻜﺘﺖ ﻭﺑﺠﻴﺖ
ﺣﻨﻴﻦ ﺟﺎﻭﺑﻲ ﻭﻛﺎﻣﺖ ﺗﻠﻄﻢ ﻋﻠﻰ ﻭﺟﻬﻪ
ﻭﻟﺞ ﺟﺎﻭﺑﻲ
ﺍﻱ ﻫﻮ ﻣﻮ ﻛﺘﻠﺞ ﺍﻋﺘﺪﻩ ﻋﻠﻴﻪ
ﺿﺮﺑﺘﻨﻲ ﺭﺍﺷﺪﻱ ﻭﻫﺴﻪ ﺗﺤﺠﻴﻦ ﻳﺎ ﻏﺒﻴﻪ
ﻫﺎﻱ ﺷﻜﺪﺩ ﺻﺎﺭﻟﻪ ﺍﻟﺤﺠﻲ
ﻫﻮﺍﻱ
ﺷﻜﺪ ﻳﻌﻨﻲ
ﻓﻮﻙ ﺍﻟﺴﺒﻊ ﺷﻬﻮﺭ
ﺩﻛﺖ ﻋﻠﻰ ﺻﺪﺭﻫﻪ ﺍﻟﻠﻪ ﻻ ﻳﻮﻓﻘﺞ ﻳﺎ ﺣﻨﻴﻦ ﻳﺎ ﺭﺑﻲ ﺷﺴﻮﻱ ﻫﺴﻪ ﺍﻧﻲ ﺑﻬﺎﻱ ﺍﻟﻤﺼﻴﺒﻪ ﺍﻟﻤﻦ ﺣﺎﺟﺒﻪ
ﻣﺤﺪ
ﻣﺘﺄﻛﺪﻩ ﺣﻨﻴﻦ
ﺭﺩﺕ ﺍﻛﻮﻝ ﺍﻟﺨﺎﻟﻪ ﻭﺳﻜﺘﺖ
ﺩﻳﺮ ﺑﺎﻟﺞ ﺗﺤﺠﻴﻦ ﺍﻻﺣﺪ ﺑﻌﺪ ﻣﻴﻔﻴﺪ ﺍﻟﺤﺠﻲ ﻣﺤﺪ ﻳﺼﺪﻛﺞ ﻏﺒﻴﻪ ﻣﻔﺮﻭﺽ ﻣﻦ ﺍﻟﺒﺪﺍﻳﻪ ﺗﺤﺠﻴﻦ ﻭﻧﺎﻋﺐ ﺑﻲ ﻟﻌﺐ ﺍﻟﻬﺬﺍ ﺍﻟﻘﺬﺭ ﻫﺴﻪ ﺑﻌﺪ ﺳﺒﻊ ﺷﻬﻮﺭ ﻳﻜﻮﻟﻮﻥ ﻫﺴﻪ ﺻﺤﻴﺘﻲ ﺑﻌﺪ ﻛﻠﻬﻪ ﺗﺨﺎﻑ ﻣﻨﺞ ﻭﻳﻜﻮﻟﻮﻥ ﺗﺘﺒﻠﻰ ﻋﻞ ﻧﺎﺱ
ﻛﺎﺑﻠﺘﻨﻲ ﻭﻛﺎﻣﺖ ﺗﺒﺠﻲ
ﺍﺍﺥ ﻳﺎ ﺣﻨﻴﻦ ﺷﻠﻮﻥ ﺑﻴﻪ ﺷﺴﻮﻱ ﻫﺴﻪ ﺍﻧﻲ ﻳﺎﺭﻳﺖ ﻟﻮ ﻧﻜﺪﺭ ﻫﺴﻪ ﻧﻜﻌﺪ ﺑﺒﻴﺘﻨﺎ ﻣﻨﻴﻦ ﺍﻟﻜﺎﻫﻪ ﻣﻨﺞ ﻟﻮ ﻣﻦ ﺍﺧﺘﺞ ﺍﻟﻲ ﺑﺎﻟﻔﺎﺗﺤﻪ ﻣﻦ ﺍﺟﺘﻲ ﻭﺗﻜﻮﻝ ﺑﻌﺪ ﻣﺎﺍﺗﺤﻤﻞ ﺍﺑﻘﻪ ﻳﻢ ﺭﺟﻠﻲ
ﻫﺴﻪ ﻳﺎﻟﻠﻪ ﺗﺤﺠﻦ ﻭﻳﻨﺠﻦ ﻣﻦ ﺍﻣﻲ ﻋﺎﻳﺸﻪ ﺍﻧﻲ ﺷﻨﻮ ﺑﻴﺪﻱ ﻋﻠﻴﺠﻦ ﻫﺴﻪ
ﺷﺒﻴﻬﻪ ﺭﻭﺍﻥ
ﺭﺟﻠﻬﻪ ﺍﻟﺤﻘﻴﺮ ﻛﻠﻤﻪ ﻭﺍﻟﺜﺎﻧﻴﻪ ﻣﺰﻭﺭﻛﻬﻪ ﻭﺗﻜﻮﻝ ﺑﻌﺪ ﻣﺎﺍﺗﺤﻤﻞ
ﺍﻟﻠﻪ ﻳﺎﺧﺬﻩ ﺍﻥ ﺷﺎﺀ ﺍﻟﻠﻪ
ﻟﺘﺨﻠﻴﻨﻪ ﻧﺮﻭﺡ ﻫﻨﺎﻙ ﻣﻴﻨﺎ
ﺍﻧﺖ ﺗﺨﺒﻠﺘﻲ ﻭﻳﻦ ﻧﺒﻘﻪ ﻟﻌﺪ ﻫﻨﺎ ﻣﻨﻜﺪﺭ ﻗﺎﺳﻢ ﻳﻠﻮﺏ ﻋﻠﻴﺞ ﻣﻼﺣﻈﻪ ﻧﻈﺮﺍﺗﻪ ﺧﻮﻣﺎ ﻳﺪﺭﻱ ﺑﻴﺞ ﺣﻨﻴﻦ
ﻻ ﻭﺍﻟﻠﻪ ﻟﻮ ﻳﺪﺭﻱ ﺑﻴﻪ ﻳﺮﻛﺾ ﻭﺭﺍﻳﻪ
ﻣﺎﺍﺩﺭﻱ ﻛﻠﺖ ﺧﺎﻑ ﻳﺪﺭﻱ ﺑﻴﺞ ﻭﻳﺮﻳﺪ ﻣﻨﺞ ﺷﻲ ﻫﻢ ﻫﺎﻟﺴﻜﻴﺮ
ﻳﺮﻳﺪ ﻳﺘﺰﻭﺟﻨﻲ ﻗﺎﺳﻢ
ﺷﻠﻮﻥ ﺗﺮﻫﻢ ﺑﻌﺪ ﺍﺍﺥ ﻳﺎ ﺣﻨﻴﻦ ﺷﻠﻮﻥ ﻣﺘﺤﺠﻴﻦ ﻭﺍﻟﻠﻪ ﺍﺣﺲ ﻋﻘﻠﻲ ﺭﺍﺡ ﻳﻮﻛﻒ ﻛﻮﻣﻲ ﺑﺪﻟﻲ ﻳﻠﻠﻪ ﻧﺮﻭﺡ ﻋﻤﺞ ﻛﺎﻝ ﺩﺍﺯ ﺍﻟﻨﺬﻝ ﻳﺠﻲ ﻳﺎﺧﺬﻧﻪبيج قصص عراقيه حقيقيه من واقعنا.روعه الطائي
ﻣﺎﺍﺭﻳﺪ ﺧﻠﻴﻨﻪ ﺍﺣﻨﻪ ﻧﺄﺟﺮ ﺍﻟﺒﻴﺖ ﻭﻧﻌﻴﺶ ﺑﻲ ﺍﻧﺖ ﻣﻮﻇﻔﻪ ﻭ ﺍﻧﻲ ﻫﻢ ﺍﺷﺘﻐﻞ
ﺑﺎﻉ ﻫﺎﻱ ﻣﻨﻮ ﻳﺨﻠﻴﺞ ﻛﻠﻬﻪ ﺗﺼﻴﺮ ﺯﻟﻢ ﺑﺮﺍﺳﺞ ﺫﻭﻟﻲ ﻋﻤﺎﻣﺞ ﻳﺼﻴﺮﻭﻥ ﺑﺲ ﻫﻤﻪ ﻭﺑﺲ ﻟﺘﺨﺎﻓﻴﻦ ﻣﺎﺍﻋﻮﻓﺞ ﺍﻱ ﻟﺤﻈﻪ ﻭﺣﺪﺝ ﻫﻨﺎﻙ ﺍﺣﻨﻪ ﺑﻌﺪ ﻻﺯﻡ ﺍﻳﺪ ﺑﺄﻳﺪ ﺣﻨﻴﻦ
ﺣﺴﻴﺖ ﺣﻤﻞ ﺍﻧﺰﺍﺡ ﻣﻨﻲ ﻣﻦ ﻛﻠﺖ ﺍﻝ ﻣﻴﻨﺎ ﺣﺴﻴﺖ ﻧﻔﺴﻲ ﻣﻮ ﻭﺣﺪﻱ ﻋﻞ ﺍﻗﻞ ﺻﺢ ﻣﺮﺍﺡ ﻳﺘﻐﻴﺮ ﺷﻲ ﺑﺲ ﻋﻞ ﺍﻗﻞ ﺍﺧﺘﻲ ﺗﺪﺭﻱ ﺑﻴﻪ ﺑﺮﻳﺌﻪ ﻛﻤﺖ ﻟﺒﺴﺖ ﺟﺒﺘﻲ ﻭﺷﺎﻟﻲ ﺩﻛﺖ ﺍﻟﺒﺎﺏ ﺩﻻﻝ
ﺣﻨﻴﻦ ﺭﻳﺎﻡ ﺗﺮﻳﺪ ﺗﺤﺠﻲ ﻭﻳﺎﺝ
ﺑﺎﻭﻋﺖ ﻋﻠﻰ ﻣﻴﻨﺎ ﻛﺎﻟﺘﻠﻲ ﺍﺳﺘﻌﺠﻠﻲ ﻟﻴﺠﻲ ﺍﺣﻤﺪ
ﻣﺎﺷﻲ
ﺟﺎﻭﺑﺘﻬﻪ ﺍﻟﻮﻭﻭ
ﺣﻨﻮﻧﻪ ﺣﺒﻴﺒﺘﻲ ﺍﻟﺒﻘﻴﻪ ﺑﺤﻴﺎﺗﺞ ﻭﺍﻟﻠﻪ ﻣﻴﺘﻪ ﻗﻬﺮ ﻋﻠﻴﺞ ﺳﻮﺩﻩ ﻋﻠﻴﻪ ﺍﻟﺒﻘﻴﻪ ﺑﺤﻴﺎﺗﺞ
ﻣﺎﺗﺖ ﻣﺎﻣﺎ ﺭﻳﺎﻡ ﺭﺍﺣﺖ ﺍﻣﻲ
ﺍﻭﻭﻭﻑ ﻳﺎ ﻋﻤﺮﻱ ﺍﻟﻠﻪ ﻳﺼﺒﺮﺟﻦ ﺍﻧﺖ ﻭﺧﻮﺍﺗﺞ ﺷﻲ ﺻﻌﺐ ﺑﺲ ﺍﻟﺤﻤﺪﻟﻠﻪ ﻛﻮﻟﻲ ﺧﻄﻴﻪ ﻟﻮ ﺑﺎﻗﻴﻪ ﺍﻣﻜﻢ ﺟﺎﻥ ﺗﺄﺫﺕ ﺍﻟﻠﻪ ﻳﺤﺒﻬﻪ ﻛﺒﻞ ﺍﺧﺬ ﻋﻤﺮﻫﻪ
ﺻﻠﻴﻠﻬﻪ ﻭﺍﻗﺮﻱ ﻗﺮﺁﻥ ﻫﺬﺍ ﺍﻟﺘﺤﺘﺎﺟﻪ ﻣﻦ ﻋﺪﻛﻢ ﻫﺴﻪ
ﺍﻥ ﺷﺎﺀ ﺍﻟﻠﻪ
ﺣﻨﻴﻦ ﻧﺮﻳﺪ ﻧﻄﻤﺌﻦ ﻋﻠﻴﺞ ﺷﻠﻮﻥ ﻧﺨﺎﺑﺮﺝ ﻟﻴﺶ ﻣﻐﻠﻖ
ﻣﺒﺪﻟﻪ ﺭﻗﻤﻲ ﻫﺴﻪ ﺍﺧﺬ ﺭﻗﻤﺞ ﻣﻦ ﺩﻻﻝ ﻭﺍﺩﺯﻟﺞ ﻋﻮﺩ
ﻣﻮ ﺗﻨﺴﻴﻦ ﺣﺘﻰ ﻫﺪﻳﻪ ﻣﺒﻘﺖ ﺍﺣﺪ ﻣﺨﺎﺑﺮﺗﻪ ﺗﺮﻳﺪ ﺗﺤﺠﻲ ﻭﻳﺎﺝ ﻭﻫﻴﻪ ﺑﺎﻟﻤﺪﺭﺳﻪ ﻫﺴﻪ
ﻣﺎﺷﻲ ﺣﺒﻴﺒﺘﻲ
ﻳﻠﻠﻪ ﻋﻤﺮﻱ ﺍﺧﺬﻱ ﺭﺍﺣﺘﺞ
ﻭﺳﻠﻤﻴﻠﻲ ﻋﻠﻰ ﻣﻴﻨﺎ ﻭﺭﻭﺍﻥ
ﻳﻮﺻﻞ ﺣﺒﻲ
ﻋﺬﺭﻳﻨﻲ ﻣﻜﺪﺭﺕ ﺍﺟﻲ ﺗﻌﺮﻓﻴﻦ ﺍﻟﻮﺿﻊ ﺍﻧﺖ
ﻣﻌﺬﻭﺭﻩ ﺣﺒﻴﺒﺘﻲ
ﺳﺪﻳﺖ ﺍﻟﺨﻂ ﻣﻨﻬﻪ ﻭﻧﺰﻟﺖ ﺑﺎﻭﻋﺖ ﻋﻠﻰ ﻗﺎﺳﻢ ﻣﺒﺎﻭﻋﻠﻲ ﺍﺑﺪ ﻋﻴﻨﻪ ﺑﺎﻟﻤﻮﺑﺎﻳﻞ ﻭﻣﻴﻨﺎ ﺭﺍﺣﺖ ﺍﻝ ﺻﻼﺡ ﻟﻠﻐﺮﻓﻪ ﺑﻘﻴﺖ ﻛﺎﻋﺪﻩ ﺑﺎﻟﻬﻮﻝ ﺍﻧﺘﻈﺮ ﺍﺭﻭﺡ ﻟﻼﻋﺪﺍﻡ ﺑﺮﺟﻠﻲ
ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ
ﺩﺭﺕ ﻭﺟﻬﻲ ﻋﻠﻰ ﻗﺎﺳﻢ ﺑﺎﻭﻋﺖ ﻋﻠﻲ ﻣﺒﻴﻦ ﺿﺎﻳﺞ
ﺭﺃﺳﺎً ﺑﺠﻴﺖ ﺑﺪﻭﻥ ﺻﻮﺕ ﻭﺩﻧﻜﺖ ﺭﺍﺳﻲ
ﻛﻠﺒﻲ ﻳﻮﺟﻌﻨﻲ ﺍﺣﺒﻪ ﺣﻴﻞ ﻭﻣﺎﺍﻛﺪﺭ ﺍﺻﻴﺮ ﺍﻟﻪ
ﺟﺎﻥ ﺣﻠﻢ ﺑﺎﻟﻨﺴﺒﻪ ﺍﻟﻲ ﻻﻥ ﺣﺒﻴﺘﻪ ﺣﻴﻞ
ﻭﻫﺴﻪ ﻣﻦ ﻫﻮ ﺭﺍﺩﻧﻲ ﻭﻛﺘﻞ ﺭﻭﺣﻪ ﻣﺎﺍﻛﺪﺭ ﺍﺻﻴﺮﻟﻪ ﻣﺮﻩ
ﻣﺎﻋﻨﺪﻱ ﻏﻴﺮﻙ ﺣﺒﻴﺐ ﻟﻴﺮﻭﺡ ﺑﺎﻟﻚ ﻟﻠﺒﻌﻴﺪ ﻳﺎ ﻗﺎﺳﻢ
ﺍﻧﻐﺪﺭﺕ ﻭﺍﺩﺭﻱ ﺑﻴﻚ ﻣﻦ ﺗﻌﺮﻑ ﻣﺘﺘﻘﺒﻠﻨﻲ
ﻭﻣﺮﺍﺡ ﺗﺼﺪﻛﻨﻲ ﻣﻈﻠﻮﻣﻪ
ﺭﻓﻊ ﻋﻴﻨﻪ ﻋﻠﻴﻪ ﺩﻧﻜﺖ ﻣﺮﻩ ﺛﺎﻧﻴﻪ
ﺑﺎﻭﻋﺖ ﺍﻝ ﻣﻴﻨﺎ ﻧﺰﻟﺖ ﻛﺎﻟﺘﻠﻲ ﻳﻠﻠﻪ ﺍﺣﻤﺪ ﺑﺮﻩ
ﻛﺎﻡ ﻗﺎﺳﻢ ﺳﺒﻘﻨﻲ ﻭﻃﻠﻊ ﻝ ﺍﺣﻤﺪ ﺑﻮﺳﺖ ﺧﺎﻟﻪ ﻭﻃﻠﻌﺖ ﺷﻔﺖ ﻗﺎﺳﻢ ﻭﺍﻛﻒ ﻳﻤﻪ ﻭﻳﺴﻮﻟﻔﻮﻥ ﻭﻛﻔﻨﻪ ﻳﻤﻬﻢ ﺍﻧﻲ ﻭﻣﻴﻨﺎ ﻭﻭﺭﺍﻧﻪ ﻃﻠﻊ ﺻﻼﺡ
ﺍﺣﺲ ﻛﻠﺒﻲ ﺍﻧﺨﻤﻂ ﻣﻦ ﺷﻔﺘﻪ ﺍﻟﺼﻮﺭﻩ ﺭﺟﻌﺘﻠﻲ ﻭﺣﺸﻴﺘﻪ ﻭﻧﺬﺍﻟﺘﻪ ﻳﻤﻜﻦ ﻟﻮ ﺑﻬﺎﻱ ﺍﻟﻠﺤﻈﻪ ﻋﻨﺪﻱ ﺳﺠﻴﻨﻪ ﻟﻮ ﻣﺴﺪﺱ ﺍﻛﺘﻠﻪ ﺑﺪﻭﻥ ﺗﺮﺩﺩ ﻭﺑﻜﻞ ﺻﻼﻓﻪ
ﺍﻟﺒﻘﻴﻪ ﺑﺤﻴﺎﺗﺞ ﺣﻨﻮﻧﻪ ﺍﻥ ﺷﺎﺀ ﺍﻟﻠﻪ ﺧﺎﺗﻤﺔ ﺍﻻﺣﺰﺍﻥ
ﻣﻴﻨﺎ / ﻟﻴﺶ ﻫﻮ ﻣﻨﻮ ﺑﻘﺎﻟﻨﻪ ﺑﻌﺪ ﻫﻴﻪ ﺍﻟﺨﺘﻤﻪ ﺟﺎﻧﺖ ﻣﺮﻋﺒﻪ ﺍﻣﻨﻪ ﺭﺍﺣﺖ ﻣﻦ ﻋﺪﻧﺎ
ﺩﻧﻜﺖ ﺭﺍﺳﻲ ﺳﻜﺘﺖ ﻣﺎﺍﻃﻴﻖ ﺍﺳﻤﻊ ﺣﺴﻪ
ﺻﻼﺡ / ﻣﻴﻨﺎ ﺩﻳﺮ ﺑﺎﻟﺠﺮﻋﻠﻰ ﻧﻔﺴﺞ ﻭﻋﻠﻰ ﺣﻨﻴﻦ ﻭﻣﻮﺑﺎﻳﻠﺞ ﺷﺤﻨﻲ ﻣﻮ ﺍﺩﻙ ﻋﻠﻴﺞ ﻣﻐﻠﻖ
بيج قصص عراقيه حقيقيه من واقعنا.روعه الطائي
ﻣﺎﺷﻲ
ﺣﻨﻴﻦ / ﺻﻌﺪﺕ ﺑﺎﻟﺴﻴﺎﺭﻩ ﻛﻌﺪﺕ ﺑﺎﻟﻤﻘﻌﺪ ﺍﻟﺨﻠﻔﻲ ﺍﺑﺪ ﻣﺒﺎﻭﻋﺖ ﻋﻠﻰ ﻗﺎﺳﻢ ﺑﻘﻴﺖ ﻣﺪﻧﻜﻪ ﺍﻟﻪ ﻣﻦ ﺗﺤﺮﻛﺖ ﺍﻟﺴﻴﺎﺭﻩ
ﻳﺎﻟﻠﻪ ﺑﺎﻭﻋﺘﻠﻪ ﺟﺎﻥ ﻳﺒﺎﻭﻋﻠﻲ ﺑﻐﻀﺐ
ﺑﺎﻭﻋﺖ ﻋﻞ ﻣﺮﺍﻳﻪ ﺍﻻﻣﺎﻣﻴﻪ ﺟﺎﻧﺖ ﻋﻴﻮﻥ ﺍﺣﻤﺪ ﺍﻟﻨﮕﺴﻪ ﻋﻠﻴﻪ ﻭﻣﻴﻨﺎ ﻛﺎﻋﺪﻩ ﺑﺼﻔﻪ
ﺍﺣﻤﺪ / ﺷﺨﺒﺎﺭﺝ ﻣﻴﻨﺎ ﺍﻥ ﺷﺎﺀ ﺍﻟﻠﻪ ﺑﺨﻴﺮ ﻭﻋﻴﻨﻪ ﻋﻠﻴﻪ
ﻣﻨﻴﻦ ﻳﺠﻲ ﺍﻟﺨﻴﺮ ﻟﻴﺶ
ﺧﻴﺮﺝ ﻣﻴﻨﺎ ﺷﺼﺎﻳﺮ ﻭﻳﺎﺝ ﺍﺩﺭﻱ ﺑﻴﺞ ﺿﺎﻳﺠﻪ ﻣﻦ ﺍﺑﻮﻳﻪ ﻭﺣﻘﻜﻢ ﻭﺍﻟﻠﻪ ﺑﺲ ﻫﻮ ﻳﻜﻮﻝ ﻣﺘﻨﺪﻡ
ﻣﻴﻨﺎ / ﺷﻴﻔﻴﺪ ﺍﻟﻨﺪﻡ ﺍﻣﻲ ﺧﻠﺺ ﻋﻤﺮﻫﻪ ﺑﺎﻟﺘﻌﺐ
ﺣﻨﻴﻦ / ﺍﺣﺲ ﺻﻮﺗﻪ ﻧﺮﻓﺰﻧﻲ ﺟﻨﺖ ﺍﺗﻤﻨﻰ ﺍﺻﻴﺢ ﺑﻲ ﺍﻛﻠﻪ ﺍﺳﻜﺖ ﺻﻮﺗﻚ ﻣﺎﺍﺭﻳﺪ ﺍﺳﻤﻌﻪ
ﺑﻘﻪ ﻳﺴﺄﻝ ﻭﻳﺴﻮﻟﻒ ﻭﻳﻪ ﻣﻴﻨﺎ ﻭﺟﻮﺍﺑﻬﻪ ﺍﻟﻪ ﺟﺎﻥ ﺑﻨﺘﺮﻩ ﺑﺲ ﻫﻮ ﻣﻄﻲ ﻣﻴﻔﻬﻢ ﻭﺑﺲ ﻳﺤﺠﻲ ﻭﺻﻠﻨﻪ ﺍﻟﺒﻴﺖ ﻋﻤﻮ ﺍﺳﺘﻘﺒﻠﺘﻨﻪ ﺍﻣﻬﻢ ﺍﻟﺒﻘﻴﻪ ﺑﺤﻴﺎﺗﻜﻢ ﻭﻣﻦ ﻫﺎﻟﺴﻮﺍﻟﻒ ﻭﻫﻴﻪ ﺣﺘﻰ ﻣﻜﻠﻔﺖ ﺭﻭﺣﻬﻪ ﺗﺠﻲ ﻟﻠﻔﺎﺗﺤﻪ
ﺟﻨﻪ ﻛﺎﻋﺪﻳﻦ ﺑﺎﻟﻬﻮﻝ ﻣﺎﻟﺘﻬﻢ ﻭﻋﻤﻲ ﺍﻟﺸﻔﻴﻪ ﻣﻤﻮﺟﻮﺩ ﻣﺴﺎﻓﺮ ﻛﺎﻟﺖ ﺍﻟﻴﻮﻡ ﺍﻟﺼﺒﺢ ﺳﺎﻓﺮ
ﻣﺎﺍﺣﺲ ﺍﻟﻪ ﺍﺟﻪ ﺻﻮﺕ ﻣﻦ ﻭﺭﺍﻳﻪ
ﺍﻟﺴﻼﻡ ﻋﻠﻴﻜﻢ
ﺩﺭﺕ ﻋﻠﻲ ﻟﻜﻴﺘﻪ ﻟﻴﺚ ﺍﺧﻮ ﺍﺣﻤﺪ ﺍﻟﺠﺒﻴﺮ
ﻫﻤﻪ ٣ﻭﻟﺪ ﻟﻴﺚ ﻭﺍﺣﻤﺪ ﻭﺃﻳﺴﺮ
ﺑﺎﻟﺨﺎﺭﺝ ﻋﺎﻳﺸﻴﻦ ﻭﺍﻟﻲ ﺍﻋﺮﻓﻪ ﺍﻟﺮﺟﻊ ﺍﺣﻤﺪ ﻭﻫﺴﻪ ﺗﻔﺎﺟﺌﺖ ﺏ ﻟﻴﺚ
ﺍﻟﺒﻘﻴﻪ ﺑﺤﻴﺎﺗﻜﻢ ﺑﻨﺎﺕ
ﺍﻟﺒﻘﻴﻪ ﺑﺤﻴﺎﺗﻚ ﻣﻌﺮﻓﺘﺠﻦ ﻛﺒﺮﺍﻧﺎﺕ
ﺍﺣﻤﺪ / ﻫﺎﻱ ﺣﻨﻴﻦ ﻭﻫﺎﻱ ﻣﻴﻨﺎ ﻭﺭﻭﺍﻥ ﻣﻤﻮﺟﻮﺩﻩ
ﺍﺧﺬﺕ ﻧﻔﺲ ﻻﻥ ﺍﺣﺲ ﺍﻻﻭﻛﺴﺠﻴﻦ ﺧﻠﺺ
ﻣﻴﻨﺎ ﺳﻠﻤﺖ ﻋﻠﻲ ﻭﺍﻧﻲ ﺳﻜﺘﺖ ﻭﻗﺮﺑﺖ ﻧﻔﺴﻲ ﻣﻦ ﻣﻴﻨﺎ
ﻟﻴﺚ / ﺍﻣﻲ ﺍﻟﺒﻨﺎﺕ ﻣﺒﻴﻦ ﻋﻠﻴﻬﻦ ﺗﻌﺒﺎﻧﺎﺕ ﺷﻮﻓﻴﻬﻦ ﻭﻳﻦ ﻳﺴﺘﻘﺮﻥ ﺑﻴﺎ ﻏﺮﻓﻪ
ﺍﻡ ﻟﻴﺚ / ﺣﺒﻴﺒﻲ ﻣﺎﻋﻨﺪﻱ ﻏﺮﻓﻪ ﺍﻟﻬﻦ ﺍﺫﺍ ﺗﺤﺒﻦ ﺑﻨﺎﺕ ﺍﻛﻮ ﺑﺎﻟﻄﺎﺑﻖ ﺍﻟﺜﺎﻟﺚ ﻏﺮﻓﻪ ﻣﻔﺘﻮﺣﻪ ﻣﺨﻠﻴﻪ ﺑﻴﻬﻪ ﺍﻻﻏﺮﺍﺽ ﺑﻴﻬﻪ ﻛﻨﺘﻮﺭ ﺧﻠﻦ ﺍﻏﺮﺍﺿﺠﻦ ﺑﻴﻬﻪ
ﻟﻴﺚ / ﺍﺍﺍﺍﻣﻲ
ﺑﻨﺎﺕ ﻏﺮﻓﺘﻲ ﻛﺪﺍﻣﺠﻦ ﺍﺧﺬﻧﻬﻪ ﺍﻧﻲ ﺍﺻﻼً ﻣﺒﺎﻗﻲ ﻫﻨﺎ ﺍﻗﻞ ﺍﻝ١٠ ﺃﻳﺎﻡ ﻭﺭﺍﻳﺢ
ﺍﻡ ﻟﻴﺚ / ﻭﺍﻧﺖ ﺗﺘﺒﻬﺬﻝ
ﻟﻴﺚ / ﺍﺍﺍﺍﺍﺍﻣﻲ
ﺑﻜﻴﻔﻚ ﻛﻮﻣﻦ ﺑﻨﺎﺕ ﺧﻠﻦ ﺍﻏﺮﺍﺿﺠﻦ
ﻟﻴﺚ / ﻫﺴﻪ ﺭﺍﺡ ﺍﻛﻮﻡ ﺍﺣﻮﻝ ﻣﻼﺑﺴﻲ ﺑﻐﺮﻓﺔ ﺍﺣﻤﺪ
ﺑﻘﻴﻨﻪ ﺍﻧﻲ ﻭﻣﻴﻨﺎ ﻭﺣﺪﻩ ﺗﺒﺎﻭﻉ ﻋﻠﻰ ﺍﻟﺜﺎﻧﻴﻪ ﺍﻟﺘﺰﻣﻨﺎ ﺍﻟﺼﻤﺖ
ﺍﻭﻝ ﺫﻟﻨﻪ ﺍﻟﻨﻪ ﺑﺪﻭﻥ ﺍﻣﻲ
ﻣﻴﻨﺎ ﺭﺍﺩﺕ ﺗﺤﺠﻲ ﻟﺰﻣﺖ ﺍﻳﺪﻫﻪ ﻭﻫﻲ ﻛﺎﻋﺪﻩ ﺑﺼﻔﻲ
ﻛﺎﻡ ﻟﻴﺚ ﻭﺑﻘﻪ ﺍﺣﻤﺪ ﻛﺎﻋﺪ ﻛﺒﺎﻟﻲ ﻳﺒﺎﻭﻉ ﻋﻠﻴﻪ ﺍﺑﺪ ﻣﻨﺰﻝ ﻋﻴﻨﻪ ﻣﻨﻲ
ﻣﻴﻨﺎ / ﻟﻴﺶ ﺗﺒﺎﻭﻉ ﻫﻴﺞ ﻋﻠﻰ ﺣﻨﻴﻦ
ﺍﺣﻤﺪ / ﺍﺑﺎﻭﻉ ﻋﻠﻴﻬﻪ ﺍﻛﻮﻝ ﺷﻮﻛﺖ ﻛﺒﺮﺕ ﺫﺍﻙ ﺍﻟﻴﻮﻡ ﺟﺎﻧﺖ ﺻﻐﻴﺮﻩ ﻭﺗﻠﻌﺐ ﺑﺎﻟﺸﺎﺭﻉ
ﻣﻴﻨﺎ / ﺍﻱ ﺯﻳﻦ ﻳﻌﻨﻲ ﺗﺘﺬﻛﺮ ﻣﻦ ﺍﺑﻮﻙ ﻃﺮﺩ ﺍﻣﻲ
ﺍﻡ ﻟﻴﺚ / ﺍﻧﺘﻦ ﺻﻐﺎﺭ ﻣﺘﻌﺮﻓﻦ ﺍﻟﺴﺒﺐ ﻟﺬﻟﻚ ﻟﺘﺤﻜﻤﻦ
بيج قصص عراقيه حقيقيه من واقعنا.روعه الطائي
ﺣﻨﻴﻦ / ﺍﻥ ﺷﺎﺀ ﺍﻟﻠﻪ ﻧﺎﻭﻳﻴﻦ ﺗﻄﻠﻌﻮﻥ ﺩﻋﺎﻳﻪ ﻋﻠﻰ ﺍﻣﻲ
ﺍﻡ ﻟﻴﺚ / ﺑﻨﺎﺕ ﺍﻱ ﺗﺠﺎﻭﺯ ﺑﺒﻴﺘﻲ ﻣﺎﺍﻗﺒﻞ ﻣﻦ ﺧﺴﻪ ﺍﻛﻠﻠﺠﻦ ﺑﻌﺪﺟﻦ ﻣﻜﺴﻮﺭﺍﺕ ﻋﻠﻰ ﺍﻣﺠﻦ ﻣﺎﺍﺭﻳﺪ ﺍﻏﺜﺠﻦ ﺑﻜﻼﻡ
ﺑﺎﻭﻋﻠﻲ ﺍﺣﻤﺪ ﻭﺍﺑﺘﺴﻢ
ﺧﺰﺭﺗﻪ
ﺳﻜﺘﺖ ﻛﻤﺖ ﺍﻛﻠﺐ ﺑﻤﻮﺑﺎﻳﻠﻲ ﻃﻠﻌﺖ ﺻﻮﺭ ﺍﻣﻲ ﻭﻛﻤﺖ ﺍﺑﺠﻲ ﻻ ﺍﺭﺍﺩﻳﺎً ﻣﻦ ﺍﺑﺎﻭﻉ ﻋﻠﻴﻬﻪ
ﺍﺥ ﻳﺎ ﻳﻤﻪ ﺗﻌﺒﺘﻲ ﻭﻣﺒﻘﻴﺘﻲ ﺷﻐﻠﻪ ﻣﺸﺘﻐﻠﺘﻴﻬﻪ ﺣﺘﻰ ﻣﻨﻨﺬﻝ ﺍﺣﻨﻪ ﻭﻫﺴﻪ ﺑﻠﻴﺎﺝ ﻛﺎﻋﺪ ﻧﻨﺬﻝ ﻭﻳﻨﺞ ﻳﺎ ﻳﻤﻪ ﻭﻳﻨﺞ ﻓﻬﻤﻴﻨﻲ
ﺑﻌﺪ ﻭﻛﺖ ﺍﻟﺮﻭﺣﺘﺞ ﺣﺘﻰ ﺍﺫﺍ ﺗﻨﺎﻣﻴﻦ ﺑﺎﻟﻔﺮﺍﺵ ﺟﺎﻥ ﺑﻘﻴﺘﻲ ﻧﻔﺴﺞ ﺑﺲ ﻳﺤﻤﻴﻨﻪ
ﻧﺰﻝ ﻟﻴﺚ ﻭﻛﺎﻝ ﺑﻨﺎﺕ ﺍﺫﺍ ﺗﺤﺒﻦ ﺻﻌﺪﻥ ﻟﻠﻐﺮﻓﻪ ﻣﺎﻋﻨﺪﻱ ﺷﻲ ﺑﻴﻬﻪ ﺑﻌﺪ
ﻛﻤﺖ ﺭﺃﺳﺎً ﺑﺪﻭﻥ ﻣﺎﺍﺑﺎﻭﻉ ﺻﻌﺪﺕ ﻓﻮﻙ ﺣﺘﻰ ﻣﺎﺍﻧﺪﻝ ﺍﻟﻐﺮﻓﻪ ﺑﺎﻭﻋﺖ ﻏﺮﻓﻪ ﺑﺎﺑﻬﻪ ﻣﻔﺘﻮﺡ ﺑﻴﻬﻪ ﺟﻨﻄﻪ ﻣﺎﻝ ﺳﻔﺮ ﻭﺳﺮﻳﺮﻳﻦ ﻭﺍﻟﺜﺎﻧﻴﻪ ﺑﺎﺑﻬﻪ ﻣﺴﺪﻭﺩ ﻭﻣﻴﻨﺎ ﻭﺭﺍﻳﻪ
ﻳﺎﻫﻴﻪ ﺍﻟﻐﺮﻓﻪ
ﺍﻛﻴﺪ ﻫﺎﻱ ﺍﻡ ﺍﻟﺴﺮﻳﺮﻳﻦ
ﺑﺲ ﻫﺎﻱ ﺑﻴﻬﻪ ﺟﻨﻄﻪ
ﺩﺩﺧﻠﻲ ﺑﻴﻬﻪ ﺍﻛﻴﺪ ﻫﺎﻱ ﺍﻟﻤﻔﺘﻮﺡ ﺑﺎﺑﻬﻪ
ﺍﻧﻲ ﻫﻢ ﺩﺧﻠﺖ ﻣﺤﺪ ﻛﺎﻝ ﻳﺎﻫﻴﻬﻮﻫﻨﻪ ﻏﺮﻓﺘﻴﻦ ﻓﻮﻙ
ﻓﺘﻨﻪ ﺑﻴﻬﻪ ﻭﺳﺪﻳﻨﻪ ﺍﻟﺒﺎﺏ
ﻣﻴﻨﺎ ﺍﺗﺼﻠﺖ ﻋﻠﻰ ﺻﻼﺡ ﻛﺎﻟﺖ ﺷﻌﻠﻨﻲ ﺍﻛﻴﺪ ﺍﺣﺪ ﻳﻤﻪ
ﻭﻛﺎﻣﺖ
ﻭﻳﻦ
ﻟﻠﺤﻤﺎﻡ
ﻭﻳﻦ ﺗﻌﻮﻓﻴﻨﻲ
ﻣﺤﺘﺎﺟﻪ ﺣﻤﺎﻡ
ﺍﺧﺎﻑ ﺍﺑﻘﻪ ﻭﺣﺪﻱ
ﻭﻟﺞ ﻣﻴﺘﺠﺮﺃ ﻳﺪﺧﻠﺞ ﻫﻨﺎ ﺑﺎﺑﺎ ﺷﺒﻴﺞ ﻫﻴﻪ ﺑﺴﺮﻋﻪ ﺍﺟﻲ
ﻃﻠﻌﺖ ﻣﻴﻨﺎ ﺗﺄﺧﺮﺕ ﺑﺎﻟﺤﻤﺎﻡ ﻃﻠﻌﺖ ﺭﺣﺖ ﺍﺷﻮﻓﻬﻪ
ﺩﻛﻴﺖ ﻋﻠﻴﻬﻪ ﺍﻟﺒﺎﺏ ﻭﻳﻨﺞ ﻣﻴﻨﺎ ﺗﺄﺧﺮﺗﻲ
ﻣﻴﻨﺎ ﻣﻮ ﻫﻨﺎ ﺳﻤﻌﺖ ﺍﻟﺼﻮﺕ ﻣﺘﺖ ﺧﻮﻑ ﻛﺒﻞ ﻭﺧﺮﺕ ﻣﻦ ﺍﻟﺤﻤﺎﻡ ﻧﺰﻟﺖ ﺑﺴﺮﻋﻪ ﺻﺎﺩﻓﻨﻲ ﺍﺣﻤﺪ ﻋﺮﻓﺖ ﺍﻟﻔﻮﻙ ﻟﻴﺚ ﺟﺎﻥ ﺍﺑﺘﺴﻢ ﻣﻦ ﺷﺎﻓﻨﻲ
ﺷﻨﻮ ﺍﻛﻮ ﺍﺣﺪ ﻳﺮﻛﺾ ﻭﺭﺍﺝ
ﻭﻳﻦ ﻣﻴﻨﺎ
ﺑﺎﻟﺤﻤﺎﻡ ﺗﻠﻜﻴﻬﻪ ﺍﺫﺍ ﻣﺘﻨﺪﻟﻴﻦ ﺍﻭﺻﻠﺞ
ﻋﻔﺘﻪ ﻭﺭﺣﺖ ﻛﻌﺪﺕ ﺑﺎﻟﻬﻮﻝ ﻭﻻ ﺍﺑﻘﻪ ﻓﻮﻙ ﻭﺣﺪﻱ ﻋﻞ ﺍﻗﻞ ﺍﻣﻪ ﺟﻮﻩ . ﺷﻮﻳﻪ ﻭﻃﻠﻌﺖ ﻣﻴﻨﺎ ﺷﺎﻓﺘﻨﻲ ﻛﺒﻞ ﻛﻤﺖ ﻭﺍﻣﻬﻢ ﺟﺎﻧﺖ ﻻﺯﻣﻪ ﺍﻟﻘﺮﺁﻥ ﻭﺗﻘﺮﻩ
ﻫﺎ ﺍﻧﺖ ﻫﻨﺎ
ﺍﻱ
ﺗﻌﺎﻟﻲ ﻧﺼﻌﺪ ﻓﻮﻙ
ﺍﻱ ﺍﺣﺴﻦ
ﺻﻌﺪﺕ ﻭﻳﺎﻫﻪ ﺩﺧﻠﻨﻪ ﺍﻟﻐﺮﻓﻪ ﺍﻧﻲ ﻭﻳﺎﻫﻪ ﺟﺎﻧﻮ ﻟﻴﺚ ﻭﺍﺣﻤﺪ ﺑﻴﻬﻪ
ﻣﻴﻨﺎ ﻏﺮﻓﺘﻜﻢ ﻫﺎﻱ ﺍﺣﻨﻪ ﻋﺒﺎﻟﻨﻪ ﻫﻨﺎ
ﻟﻴﺚ / ﻣﻮ ﻓﺮﻏﺘﻠﻜﻢ ﻏﺮﻓﺘﻲ ﻫﺎﻱ ﻏﺮﻓﺔ ﺍﺣﻤﺪ ﻭﺍﻳﺴﺮ
ﺣﻨﻴﻦ ﺑﺎﻭﻋﺖ ﻋﻠﻲ ﻛﺎﻋﺪ ﻋﻞ ﺟﺮﺑﺎﻳﻪ ﻭﺭﺟﻠﻪ ﻣﻨﺰﻟﻬﻦ ﻟﻠﻤﺎﻉ ﻭﻣﻨﺘﺠﻲ ﻭﺧﺎﻝ ﺳﻤﺎﻋﺎﺕ ﺭﺣﺖ ﺍﺧﺬﺕ ﺍﻏﺮﺍﺿﻲ ﻭﻣﻴﻨﺎ ﺍﺧﺬﺕ ﺍﻏﺮﺍﺿﻬﻪ ﻭﻃﻠﻌﺘﻪ ﺍﻟﻐﺮﻓﻪ ﻣﺎﻝ ﻟﻴﺚ ﺍﺻﻐﺮ ﻭﺑﻴﻬﻪ ﺳﺮﻳﺮ ﺍﺑﻮ ﺍﻟﻨﻔﺮ ﻭﻛﻨﺘﻮﺭ
ﺧﻠﻴﺖ ﻣﻼﺑﺴﻲ ﺑﺎﻟﻜﺎﻉ ﻭﻛﻌﺪﺕ ﺑﺼﻔﻬﻦ
ﺷﺒﻴﺞ ﺣﻨﻴﻦ
ﻣﺎﺍﻛﺪﺭ ﺑﺪﻭﻥ ﻣﺎﻣﺎ ﻳﻌﻨﻲ ﻣﻌﻘﻮﻟﻪ ﻣﺎﻣﺎ ﻣﺎﺗﺖ ﻭﺍﻟﻠﻪ ﻋﻘﻠﻲ ﻣﻜﺎﻋﺪ ﻳﺴﺘﻮﻋﺐ ﻫﺬﺍ ﺍﻟﺸﻲ
ﻭﻛﻔﺖ ﻣﻴﻨﺎ
ﻟﻸﺳﻒ ﺍﻱ ﺣﻨﻴﻦ ﻋﻮﻓﻲ ﺿﻌﻔﺞ ﻭﻛﻮﻣﻲ ﻋﻠﻰ ﺣﻴﻠﺞ ﺍﺣﻨﻪ ﺑﻤﺼﻴﺒﻪ ﺑﺲ ﺍﻟﻠﻪ ﺍﻟﻴﻌﻠﻢ ﺑﻴﻬﻪ ﺷﻨﻮ
ﻣﻜﺎﻋﺪ ﺍﻛﺪﺭ ﻫﻮ ﻣﻨﻮ ﺍﻟﻲ ﺟﺎﻥ ﻣﻘﻮﻳﻨﻪ ﻋﻞ ﺣﻴﺎﺓ
ﻏﺼﺐ ﻋﻨﺞ ﺗﺘﻘﻮﻳﻦ ﻛﻮﻣﻲ ﻛﻌﺪﻱ ﻭﺍﺻﺤﻲ ﺧﻞ ﻧﺸﻮﻑ ﺣﻞ ﻟﻠﻤﺼﻴﺒﻪ ﺍﻟﻲ ﻭﻛﻌﺘﻴﻨﻪ ﺑﻴﻬﻪ ﺑﺲ ﻭﺍﺣﺪ ﻳﺸﻢ ﺧﺒﺮ ﻳﺬﺑﺤﻮﺝ ﻭﺍﻟﻠﻪ ﻳﺼﻴﺮﻭﻥ ﺯﻟﻢ ﺑﺮﺍﺳﺞ ﻫﺬﺍ ﺍﻟﻨﺎﻗﺺ ﺍﺑﺴﻂ ﺷﻲ ﻳﻜﻮﻝ ﺗﺘﺒﻠﻪ ﻋﻠﻴﻪ
ﺍﺫﺑﺤﻪ ﻭﺍﻟﻠﻪ
ﺗﺬﺑﺤﻪ ﺳﻜﺘﻲ ﻭﻛﻮﻣﻲ
ﺷﺴﻮﻱ
ﺗﻌﺎﻟﻲ ﻛﻌﺪﻱ ﻛﺒﺎﻟﻲ ﺍﺫﺍ ﻣﻨﺴﻮﻱ ﻫﺬﺍ ﺍﻟﺸﻲ ﻣﺘﻜﺪﺭﻳﻦ ﺗﻨﺠﻴﻦ ﻣﻦ ﻫﺬﺍ ﺍﻟﺸﻴﻄﺎﻥ
ﻛﻤﺖ ﺭﺣﺖ ﻳﻤﻬﻪ ﻭﻛﻌﺪﺕ ﻋﻞ ﺟﺮﺑﺎﻳﻪ
ﺷﻨﻮ ﺍﻟﺸﻲ ﺍﻟﻲ ﻳﻨﺠﻴﻨﻲ
ﺍﻟﻴﻮﻡ ﺑﻠﻴﻞ ﺗﺤﺎﻭﻟﻴﻦ ..... ﻳﺘﺒﻊ
