#قسوة_محب_3
بقلمي زينب العبودي✍🏻♥️
#بارت٣
مااحس اله ايهاب اخو سامر كال انت مو عندج تحسس من البيض هسه جسمج كله يتحسس لتاكلين
باوعت علي هو هم ارتبك
شيرين/يا عندج تحسس لعد ليش ردتي تاكلين اكلي ويه سامر
اديان/صفنت على ايهاب شمدري بيه تحسس
ايهاب/بدون وعي حجيتهه اله بعد ما كملت كلامي يالله انتبهت عليهه من صفنت معرفت شسوي باوعت ال سامر جانت اللكمه بحلكه هم صفن عليه ارتبكت حيل درت وجهي عنهم اثنينهم وسويت روحي اكل
همزين امي منتبهت وولا احد من الموجود
وكمت الوم بنفسي شلون منتبهت شكد غبي اني
سامر/ هيه تكلي وعوده الهه وهو يخاف عليهه كدامي
واني تعبت ومن اوجه ينكر اهتمامه وحبه ويريدني اعيش وياهه عادي تعبت حيل كتلهه
اكلي دجاج عوفي البيض باوعت لعيونهه تتسأل حسيتهه كشفت السالفه ارتبكت مو من تسائلاتهه من الموقف كله ولعبت روحي كبل عفت الاكل اللحظه راد ينكشف كلشي واني شنو موقفي من زوجتي يحبهه اخويه
بديت اضوج من ايهاب ومااطيق تصرفاته خلاني بدائره قذره
شيرين/وين
سامر/شبعت
كمت باوعت عليه اديان كالتلي بصوت ناصي مأكلت شي
سامر/شبعت اكلي انت
اديان/اني هم شبعت كمت استحي ابقه كاعده اكل بعدني ممتعوده عليهم صح سامر بعيد عني بهاي الفتره بس من هو موجود مااستحي من احد
شيرين/شماكل ليش انت
اكلت ويه جماعتي
شيرين/وانت مأكلتي شي شعليج بسامر كعدي لتستحين
لا مااريد بهاللحظه اجتي هديه جانت تسوي ممه ال ملاك باوعت عليه وين كايمه كعدي تعشي شلون بهاي التستحي
لا مااستحي بس شبعانه
شيرين/ام ادم تره باجر عازمتكم على غده
سامر/اي اعرف خابرني عمو حيان
اديان/كام راح يغسل كمت ورا باوعت علي يغسل ايده ويباوع عليه كتله سامر
ليش متعشيتي
ليش صاير تنسه كل تفاصيلي جنت تهتم حتى اخوك يعرف عندي تحسس وانت لا كمت ادوخ مااعرف شي
سامر/برأيج هذا وقت كلام واني اغسل
اني مو ناسي مشدوه واصلاً اني مسولفله ال ايهاب
تذكر هذا الشي لان كاعد ماعنده شغل وعمل مينسه شي
وانت شعندك
وجرت الخاولي من التعلاكه وانطتني انشف ايدي
اخذته منهه باوعت عليهه لا ارادياً ابتسمت
الاول مره انتبه الجمالهه وبرائتهه صارلهه اسبوع كامل وممباوعلهه
عيونهه كبار وصاحبة رموش كثيفه والبؤبؤ من كد ما اسود يلمع
بنيه حلوه
ومهتمه بيه وصغيره وفقيره كلشي بيهه بريء
والدليل منتبهت الهاي السالفه ولو هيه سالفه متخطر بالعقل ابد
هيه مرتي ومااكدر اباوع عليهه ابد عفتهه ورحت كعدت على القنفه
حسيتهه انقهرت لحكتني
