#ﻗﺴﻮﺓ_ﻣﺤﺐ_3
ﺯﻳﻨﺐ ﺍﻟﻌﺒﻮﺩﻱ 💔🏻✍
#تكملة_بارت١٣
ﺍﻟﺒﻘﻴﻪ ﺑﺤﻴﺎﺗﻜﻢ ﻣﺘﻮﻓﻴﻪ ﺍﻟﺒﻨﻴﻪ
ﺳﺎﻣﺮ / ﺷﻠﻮﻭﻭﻭﻭﻥ ﺷﻠﻮﻥ ﻻ ﺩﻛﺘﻮﺭ ﺷﻮﻓﻬﻪ ﻗﺒﻞ ﺷﻮﻳﻪ ﺣﺠﺖ ﻭﻳﺎﻳﻪ ﻭﺍﻟﻠﻪ ﻫﺎﻱ ﻭﻳﻦ ﺍﻟﻤﻮﺑﺎﻳﻞ
ﻣﺤﺐ / ﺍﻧﺼﺪﻣﺖ ﻋﻘﻠﻲ ﻣﺴﺘﻮﻋﺐ ﻫﺬﺍ ﺍﻟﺨﺒﺮ ﺑﻨﻴﻪ ﺻﻐﻴﺮﻩ ﺧﺎﺑﺮﺕ ﺩﻻﻝ ﻋﻠﻰ ﻧﺠﻢ ﻭﻛﺎﻟﺘﻠﻪ ﺍﻧﺘﻠﺖ ﻃﻠﻌﺖ ﺍﺭﻛﺾ ﺍﻧﻲ ﻭﻧﺠﻢ ﻭﺻﻠﻨﻪ ﻳﻜﻮﻟﻮﻥ ﻣﺎﺗﺖ ﻭﺳﺎﻣﺮ ﻳﺒﺎﻭﻉ ﻭﻳﺒﺠﻲ ﺍﺑﺎﻭﻉ ﻋﻠﻲ ﻣﻴﻌﺮﻑ ﺷﻴﺴﻮﻱ ﻣﻦ ﺍﻟﺼﺪﻣﻪ
ﻣﺤﺐ ﺷﻴﻜﻮﻝ ﻫﺬﺍﺍﺍﺍ ﺷﻨﻮ ﻣﺎﺗﺖ
ﺟﺮﻳﺘﻪ ﻋﻠﻴﻪ ﻭﺷﺒﻜﺘﻪ ﻣﻜﺪﺭﺕ ﻣﺎﺍﺑﺠﻲ
ﺍﺩﻳﺎﻥ ﺟﺎﻧﺖ ﻣﺜﻞ ﺍﺧﺘﻲ ﺍﻟﺼﻐﻴﺮﻩ ﻣﻦ ﺩﺧﻠﺖ ﻟﻠﺒﻴﺖ ﺍﻟﺤﺪ ﺍﺧﺮ ﻟﺤﻈﻪ ﻣﺸﻔﺖ ﻣﻨﻬﻪ ﺷﻐﻠﻪ ﻣﻮ ﺣﻠﻮﻩ ﻫﺎﺩﺋﻪ ﻣﺎﺧﺬﻩ ﺭﻛﻦ ﻭﺣﺪﻫﻪ ﺣﺘﻰ ﻣﻦ ﻋﺎﻓﻬﻪ ﺳﺎﻣﺮ ﺑﻘﺖ ﺑﺎﻟﺒﻴﺖ ﻣﻨﺴﻤﻌﻠﻬﻪ ﺣﺲ ﺍﺑﺪﺍً
ﻣﺤﺐ ﻣﺤﺐ ﻣﻤﺎﺗﺖ ﻣﻤﺎﺗﺖ ﺑﻌﺪﻫﻲ ﺻﻐﻴﺮﺭﺭ ﺭﻩ ﻣﺤﺐ
ﺷﺒﻜﺘﻪ ﻣﺎﺍﻋﺮﻑ ﺷﻠﻮﻥ ﺍﻭﺳﻲ ﻛﺘﻢ ﻳﺒﺠﻲ ﺑﺼﻮﺕ ﻋﺎﻟﻲ
ﺭﺍﺩﻭ ﻳﻄﻠﻌﻮﻫﻪ ﻟﻠﺜﻼﺟﻪ ﻻﻥ ﻻﺯﻡ ﺍﺳﻮﻱ ﺍﺟﺮﺍﺀﺍﺕ ﺧﺮﻭﺝ ﺍﻟﻬﻪ ﻫﻮ ﺷﺎﻓﻬﻪ ﻭﺭﺍﺡ ﻋﻠﻴﻬﻪ
ﺍﺩﻳﺎﺍﺍﺍﻥ ﺍﺩﻳﺎﻥ ﻓﺘﺤﻲ ﻋﻴﻨﺞ
ﺍﺩﻳﺎﻥ ﻭﻳﻦ ﺭﺍﻳﺤﻪ ﻓﻬﻤﻴﻨﻲ
ﺭﺣﺖ ﻭﺭﺍ ﺍﻧﻲ ﻭﻧﺠﻢ ﻓﻘﺪ ﻛﻠﺶ ﻳﺼﻴﺢ
ﺳﺎﻣﺮ ﺑﻌﺪﻩ ﺻﻐﻴﺮ ﻣﻴﺘﺤﻤﻞ ﻫﻴﺞ ﺷﻲ ﺍﺑﺪ
ﻫﺪﻳﻪ / ﺑﻌﺪﻧﻲ ﺗﻮﻧﻲ ﺩﺧﻠﺖ ﻟﻠﺼﻴﺪﻟﻴﻪ ﻛﺎﻋﺪ ﺍﺷﺘﺮﻱ ﺩﻛﺖ ﺩﻻﻝ ﻋﻠﻰ ﺷﻴﺮﻳﻦ
ﺟﺎﻭﺑﺘﻬﻪ
ﺧﺎﻟﻪ ﺧﺎﻟﻪ ﻟﺤﻜﻲ ﺍﺩﻳﺎﻥ
ﺷﺒﻴﻬﻪ
ﺑﺎﻭﻋﺖ ﻋﻠﻰ ﻭﺟﻬﻪ ﺷﻴﺮﻳﻦ
ﺷﺒﻴﻬﻪ ﺍﺩﻳﺎﻥ
ﺍﻧﺘﻠﺖ
ﻳﻤﻪ ﺍﺳﻢ ﺍﻟﻠﻪ ﺷﻠﻮﻥ ﺟﻴﺖ ﺟﻴﺖ ﻫﺴﻪ
ﺷﻜﻮ
ﺍﺩﻳﺎﻥ ﺍﻧﺘﻠﺖ
ﻃﻠﻌﺖ ﺑﺴﺮﻋﻪ ﻭﺍﻧﻲ ﻭﺭﺍﻫﻪ ﺣﺘﻰ ﺍﺑﻮ ﺍﺑﺼﻴﺪﻟﻴﻪ ﻃﻠﻊ ﻭﺭﺍﻧﻪ ﺍﺟﻲ ﻭﻳﺎﻛﻢ ﻣﺠﺎﻭﺑﺘﻪ ﻛﻤﺖ ﺍﻣﺸﻲ ﺑﻼ ﻭﻋﻲ ﺍﺭﻳﺪ ﺑﺲ ﺍﻭﺻﻞ ﻟﻠﺒﻴﺖ ﺩﺧﻠﺖ ﺩﻻﻝ ﺗﺒﺠﻲ ﻭﺍﻳﻬﺎﺏ ﻭﺍﻛﻊ ﻣﻦ ﺍﻟﺠﺮﺑﺎﻳﻪ ﻭﻳﺒﺠﻲ
ﺩﻻﻝ ﺗﻜﻮﻝ ﻟﺢ ﺍﻟﻪ ﺍﻛﻮﻣﻪ
ﺷﻴﺮﻳﻦ / ﺷﺼﺎﺭ ﺷﺼﺎﺭ
ﺍﻳﻬﺎﺏ / ﻣﺎﺗﺖ ﻛﺒﺎﻟﻲ ﻭﺍﻧﻲ ﻣﻜﺪﺭﺕ ﺍﻧﻘﺬﻫﻪ ﺟﺎﻧﺖ ﺗﺒﺎﻭﻉ ﻋﻠﻴﻬﻪ ﺗﺮﻳﺪﻧﻲ ﺍﻛﻮﻭﻭﻭﻡ ﺍﺳﺎﻋﺪﻫﻪ ﻭﺍﻧﻲ ﻣﻜﺪﺭﺭﺭﺭﺭﺭﺭﺭﺕ
ﻛﺒﻞ ﺩﻛﺖ ﻋﻠﻰ ﺻﺪﺭﻫﻪ ﺷﻴﺮﻳﻦ
ﻳﻤﻪ ﻭﻳﻨﻬﻪ ﻭﻳﻦ ﺍﺩﻳﺎﻥ
ﺩﻻﻝ / ﺳﺎﻣﺮ ﺍﺧﺬﻫﻪ ﻟﻠﻤﺴﺘﺸﻔﻰ
ﻳﺎﺍﺍﺍﺍﺍﺍﺍ ﻣﺴﺘﺸﻔﻰ
ﺩﻻﻝ / ﻣﺎﺍﺩﺭﻱ
ﺑﺎﻭﻋﺖ ﻫﺪﻳﻪ ﻣﻤﺴﺘﻮﻋﺒﻪ ﺗﻮﻧﻲ ﻋﻔﺘﻬﻪ ﻭﻃﻠﻌﺖ ﻣﺼﺎﺭ ﺩﻗﺎﻳﻖ ﺍﺟﻲ ﻳﻜﻮﻟﻮ ﺍﻳﻬﺎﺏ ﻣﺎﺗﺖ
ﻣﻨﻮ ﻛﻠﻚ ﻣﺎﺗﺖ ﺍﻳﻬﺎﺏ
ﺍﻳﻬﺎﺏ / ﺍﻧﻜﻄﻊ ﻧﻔﺴﻬﻪ ﻛﻠﻪ ﺑﺴﺒﺒﻲ ﻛﻠﻪ ﺑﺴﺒﺒﻲ ﺍﻧﻲ ﺟﺒﺘﻬﻪ ﻫﻨﺎ
ﺩﻻﻝ / ﻧﺠﻢ ﻭﻣﺤﺐ ﺭﺍﺣﻮ
ﻫﺪﻳﻪ / ﺟﺎﻥ ﺍﺻﻌﺐ ﺧﺒﺮ ﻫﻮ ﺧﺒﺮ ﻭﻓﺎﺓ ﺍﺩﻳﺎﻥ
ﺑﺘﻨﺎ ﺟﺎﻧﺖ ﻣﻮ ﻣﺠﺮﺩ ﺟﻨﻪ
ﺍﺧﺘﻲ ﺍﻟﺼﻐﻴﺮﻩ ﺣﺘﻰ ﺷﻴﺮﻳﻦ ﺍﻟﻲ ﻋﺪﻫﻪ ﻗﺴﻮﻩ
ﺍﻧﻬﺪ ﺣﻴﻠﻬﻪ ﺑﺠﺖ ﻭﺻﺮﺧﺖ ﻭﻣﻠﺨﺖ ﺭﻭﺣﻬﻪ
ﺍﻧﻄﻔﺖ ﺷﻤﻌﻪ ﺑﺒﻴﺘﻨﺎ ﻛﻠﻨﻪ ﻣﺼﺪﻭﻣﻴﻦ ﻭﻣﻜﺎﻋﺪ ﻧﺴﺘﻮﻋﺐ ﺟﺎﻧﺖ ﻭﻳﺎﻧﻪ ﻓﺠﺄﻩ ﺍﺧﺘﻔﺖ ﻭﻣﺘﺮﻛﺖ ﺑﺲ ﺍﻟﺬﻛﺮﻳﺎﺕ ﺍﻟﻄﻴﺒﻪ
ﺍﺑﺎﻭﻉ ﻋﻠﻰ ﺳﺎﻣﺮ ﺳﻮﺩﻩ ﻋﻠﻴﻪ ﻣﻬﺪﻭﺩ ﺣﻴﻠﻪ
ﺍﺟﻮﻱ ﺍﻫﻠﻬﻪ ﺳﻮﻳﻨﻪ ﺍﻟﻔﺎﺗﺤﻪ ﺍﻟﻬﻪ ﺑﻴﺘﻨﺎ ﺩﻓﻨﺎﻫﻪ ﻳﻢ ﻋﻼﺀ ﻣﻊ ﺍﻟﻌﻠﻢ ﺍﻫﻠﻬﻪ ﻣﻘﺒﻠﻮ ﺭﺍﺩﻭﻫﻪ ﻳﻢ ﺍﻣﻬﻪ ﺑﺲ ﺳﺎﻣﺮ ﻣﻘﺒﻞ ﻭﻛﻠﺐ ﺍﻟﺪﻧﻴﺎ ﺭﺍﺩ ﻳﺘﻌﺎﺭﻙ ﻛﺎﻝ ﺍﻟﻪ ﻳﻤﻨﻪ
ﻭﻣﺤﺐ ﺍﺗﺪﺧﻞ ﻭﺭﺍﺩﺕ ﺗﺼﻴﺮ ﻣﺸﻜﻠﻪ
ﻭﺳﺎﻣﺮ ﻣﻴﻘﺒﻞ ﻭﺍﺧﻮﺍﻧﻬﻪ ﻣﻴﻘﺒﻠﻮﻥ
ﺍﻣﺎ ﺍﻳﻬﺎﺏ ﺍﻛﺜﺮ ﺷﺨﺺ ﺗﺈﺫﻩ ﺗﺪﻣﺮ ﻭﺍﻧﺘﻬﻰ
ﻛﺪﺍﻣﻪ ﻣﺎﺗﺖ ﻭﻳﻠﻮﻡ ﺑﺮﻭﺣﻪ ﻻﻥ ﻫﻮ ﺩﺧﻠﻬﻪ ﺑﻬﺬﺍ ﺍﻟﺒﻴﺖ
ﺧﻠﺺ ﺍﻟﻴﻮﻡ ﺍﻟﺜﺎﻧﻲ ﻣﺸﺎﻳﻔﻪ ﺳﺎﻣﺮ ﻳﻨﺎﻣﻮﻥ ﺑﺎﻟﺠﺎﺩﺭ ﻻﻥ ﺍﻟﺒﻴﺖ ﻣﺘﺮﻭﺱ ﻛﺮﺍﻳﺒﻨﻪ ﻣﻦ ﻏﻴﺮ ﻣﺤﺎﻓﻈﺎﺕ ﻭﺑﺎﻟﻲ ﻳﻢ ﺳﺎﻣﺮﺑﺲ ﺍﻭﻝ ﻣﺎﺭﺟﻌﻮ ﻣﻦ ﺍﻟﻤﺴﺘﺸﻔﻰ ﺟﺎﻥ ﻛﻠﺶ ﻣﻨﻬﺎﺭ ﻭﺭﻭﺣﻪ ﻻﻳﺒﻪ ﻣﺮﺗﻪ ﻭﻃﻔﻠﻪ ﺑﻨﻔﺲ ﺍﻟﻴﻮﻡ ﻭﺍﻟﺪﻓﻨﻪ ﻣﻘﺒﻠﻮ ﻳﺎﺧﺬﻭﻥ ﻧﺴﻮﺍﻥ ﺑﺲ ﺷﻴﺮﻳﻦ ﺭﺍﺣﺖ ﻭﻧﺴﻮﺍﻥ ﺍﺧﻮﺗﻬﻪ
ﺟﻨﺖ ﻛﺎﻋﺪﻩ ﺍﻧﻲ ﻭﺭﻳﺎﻡ ﻭﺩﻻﻝ ﻭﺍﻟﺒﻨﺎﺕ ﻧﺘﺬﻛﺮ ﺳﻮﺍﻟﻔﻬﻪ ﻭﻧﺒﺠﻲ ﻭﺍﻟﺒﻴﺖ ﻣﺘﺮﻭﺱ ﺩﺧﻠﺖ ﺍﺭﻳﺞ ﺗﺒﺠﻲ ﻛﻤﺖ ﺷﺒﻜﺘﻬﻪ
ﺍﺭﻳﺞ / ﻫﺪﻳﻪ ﺻﺪﻙ ﻳﻌﻨﻲ ﻣﺎﺗﺖ
ﺍﻱ ﻣﺎﺗﺖ ﺷﺒﻜﺘﻬﻪ ﻭﻛﻤﺖ ﺍﺑﺠﻲ ﻭﺑﻮﺳﺖ ﺍﻟﺒﻨﺎﺕ ﻭﻛﻌﺪﻧﻪ
ﺍﺭﻳﺞ / ﺟﻨﺖ ﻣﻨﺘﻈﺮﻩ ﺍﻳﻬﺎﺏ ﻳﺠﻴﻨﻲ ﻃﻮﻝ ﺍﻟﻮﻛﺖ
ﻳﻨﺪﻝ ﺑﻴﺘﻨﺎ ﻭﺣﺘﻰ ﺍﺫﺍ ﺑﻌﺮﺑﺎﻧﻪ ﻳﻜﺪﺭ ﻳﺨﻠﻲ ﺍﻱ ﺍﺣﺪ ﻳﺠﻴﺒﻪ
ﻛﻞ ﻣﺎ ﻳﺨﻠﺺ ﻳﻮﻡ ﺍﻋﺮﻑ ﺍﻳﻬﺎﺏ ﺻﺪﻛﻬﻢ
ﺍﻣﻮﺕ ﻗﻬﺮ ﻭﻣﻦ ﺟﻬﻪ ﻣﺮﺕ ﻋﻤﻲ ﺗﻐﺚ ﺑﻴﻪ ﺑﺲ ﺷﺴﻮﻳﻠﻬﻢ ﻃﺒﻬﻢ ﻣﺮﺽ ﻭﻳﻦ ﺍﻭﻟﻲ ﻟﻌﺪ ﺍﻟﻰ ﺍﻥ ﺍﺟﻪ ﺍﻟﺒﺎﺭﺣﻪ ﺑﻠﻴﻞ ﻋﻤﻮ ﻛﺎﻝ ﺟﻨﺔ ﻋﻴﺎﻟﺞ ﻣﻨﺘﻮﻟﻪ ﺧﻄﻴﻪ ﻭﻣﻴﺘﻪ
ﺗﺨﺒﻠﺖ ﻣﺠﻨﺖ ﺍﻋﺮﻑ ﺍﻱ ﻭﺣﺪﻩ ﺑﺎﻟﺒﺪﺍﻳﻪ ﻻﻥ ﻋﻤﻮ
ﻣﻌﺮﻑ ﻣﻨﻴﻪ ﻣﻨﻬﻦ ﻋﺮﻓﺖ ﻫﻮ ﻣﺎﺧﺬ ﺭﻗﻢ ﻣﺤﺐ ﻭﻣﺨﺎﺑﺮﻩ ﻣﻌﺰﻱ ﺩﻛﻴﺖ ﻋﻠﻲ ﺟﺎﻥ ﻣﺒﻴﻦ ﻋﻠﻲ ﻣﻘﻬﻮﺭ ﺣﻴﻞ ﻛﺎﻝ ﺍﺩﻳﺎﻥ
ﺑﺎﻟﺤﺎﻟﺘﻴﻦ ﻣﺘﺖ ﻗﻬﺮ ﺩﻻﻝ ﻭﺍﺩﻳﺎﻥ ﺍﺣﺒﻬﻦ
ﻭﺍﺟﻴﺖ ﺍﻟﻴﻮﻡ ﻭﻳﻪ ﻋﻤﻮ ﻟﻠﻔﺎﺗﺤﻪ
ﻛﻌﺪﺕ ﻳﻢ ﺍﻟﺒﻨﺎﺕ ﺑﺎﻭﻋﺖ ﻋﻠﻰ ﺧﺎﻟﻪ ﺷﺎﻓﺘﻨﻲ ﻭﻛﺎﻣﺖ ﺗﺨﺰﺭ ﺑﻴﻪ ﺩﻧﻜﺖ ﺭﺃﺳﺎً ﺍﺧﺘﻨﻜﺖ ﻛﻠﺶ ﺷﻲ ﻣﻴﺴﺘﻮﻋﺒﻪ ﺍﻟﻌﻘﻞ ﻣﻊ ﺍﻥ ﺍﻟﻤﻮﺕ ﻫﻮﺍﻱ ﻭﻣﻮ ﺟﺪﻳﺪﻩ ﺷﺒﺎﺑﻨﺎ ﻳﻤﻮﺗﻮﻥ ﺑﺲ ﻋﻞ ﺍﻗﻞ ﺍﻟﺸﺒﺎﺏ ﻳﻄﻠﻌﻮﻥ ﻣﻮ ﺍﺩﻳﺎﻥ ﺑﺎﻟﺒﻴﺖ ﻭﺗﻤﻮﺕ ﻳﻮﻣﻬﻪ ﻭﺣﺪ ﻳﻜﺪﺭ ﻳﻌﺘﺮﺽ
ﺗﺬﻛﺮﺕ ﻧﻔﺴﻲ ﻣﻦ ﻛﻔﺸﺘﻬﻪ ﻣﻦ ﺷﻌﺮﻫﻪ
ﻛﻠﺒﻲ ﻛﺎﻡ ﻳﻮﺟﻌﻨﻲ ﺍﺥ ﻳﺎ ﺍﺩﻳﺎﻥ ﺷﻠﻮﻥ ﺗﺮﻭﺣﻴﻦ
ﻭﻳﻨﺞ ﻳﻜﻮﻟﻮﻥ ﺍﻟﻤﻴﺖ ﺭﻭﺣﻪ ﺗﻔﺘﺮ ﺑﺎﻟﺒﻴﺖ ﺗﺒﻘﻪ
ﺗﻌﺎﻟﻲ ﺳﺎﻣﺤﻴﻨﻲ ﺍﺩﻳﺎﻥ ﻭﺍﻟﻠﻪ ﺟﻨﺖ ﺍﺣﺒﺞ ﺣﻴﻞ
ﺍﻧﻲ ﻛﻠﺒﻪ ﺷﻠﻮﻥ ﺳﻮﻳﺖ ﺑﻴﺞ ﻫﻴﺞ
ﻭﺍﻟﻠﻪ ﺍﺣﺒﺞ
ﺗﻌﺎﻟﻲ ﺭﺟﻌﻲ ﺑﻌﺪ ﻣﺎﺍﻏﺎﺭ ﻣﻨﺞ ﺟﻨﺖ ﺍﻏﺎﺭ ﻋﻠﻰ ﺍﻳﻬﺎﺏ ﻣﻨﺞ
ﻋﺎﺩﻱ ﺑﺲ ﺭﺟﻌﻲ ﺍﻧﺘﻲ ﺍﺧﺘﻲ ﺍﻟﻲ ﺍﻟﻠﻪ ﻣﺮﺯﻗﻨﻲ ﺑﻴﻬﻪ
ﺍﺗﺨﺎﻳﻠﻬﻪ ﺑﻮﺳﻄﻨﻪ ﺗﺒﺎﻭﻉ ﻋﻠﻴﻨﻪ ﻻﻥ ﺍﺗﺬﻛﺮ ﻣﺮﻩ ﻛﺎﻟﻮ ﺍﻟﻤﻴﺖ ﻳﺒﻘﻪ ﻳﺤﺠﻲ ﻭﻳﺎﻧﻪ ﻭﺍﺣﻨﻪ ﻣﻨﺴﻤﻌﻪ
ﺍﺗﺨﺎﻳﻞ ﺭﻭﺣﻬﻪ ﺑﻴﻨﺎﺗﻨﺎ
ﻛﺎﻣﻦ ﺍﻟﺒﻨﺎﺕ ﻻﻥ ﻛﺎﻟﻮ ﺣﻴﺼﺒﻮﻥ ﻋﺸﻪ ﻛﻤﺖ ﻭﻳﺎﻫﻢ
ﺍﻧﻄﺘﻨﻲ ﺍﻟﺴﻔﺮﻩ ﺭﻳﺎﻡ
ﻣﺎﺍﺣﺲ ﺍﻟﻪ ﻭﻛﻔﺖ ﻛﺒﺎﻟﻲ ﺧﺎﻟﻪ
ﺍﻟﺒﻘﻴﻪ ﺑﺤﻴﺎﺗﺞ ﺟﺎﻭﺑﺘﻨﻲ ﺑﺤﺪﻳﻪ ﻭﺑﻨﻔﺲ ﺍﻟﻮﻗﺖ ﺑﺼﻮﺕ ﻧﺎﺻﻲ
ﺷﺠﺎﺑﺞ ﺑﻴﺘﻲ ﻫﺴﻪ ﺗﻄﻠﻌﻴﻦ ﺑﻴﺘﻲ ﻳﺘﻌﺬﺭ ﻭﺣﺪﻩ ﻭﺻﺨﻪ ﻣﺜﻠﺞ
ﺑﺎﻭﻋﺖ ﻋﻠﻴﻬﻪ ﻭﺍﻟﻠﻪ ﺧﺎﻟﻪ
ﻟﺘﺤﺠﻴﻦ ﻭﻃﻠﻌﻲ ﺗﻘﺮﺑﺖ ﻫﺪﻳﻪ
ﺷﻴﺮﻳﻦ ﻣﻮ ﻭﻗﺘﻬﻪ ﺍﻟﻨﺎﺱ ﻫﻨﺎ
ﻫﺎﻱ ﻣﺘﺒﻘﻪ ﺑﺒﻴﺘﻲ ﺍﺑﺪ
ﺑﺎﻭﻋﺖ ﻋﻠﻰ ﻫﺪﻳﻪ ﻛﻤﺖ ﺍﺑﺠﻲ
ﻫﺪﻳﻪ / ﺭﻭﺣﻲ ﺩﺧﻠﻲ ﻟﻠﻐﺮﻓﻪ ﻫﺴﻪ ﺍﺟﻴﺞ ﻣﻨﺮﻳﺪ ﻓﻀﺎﻳﺢ ﺧﻞ ﺍﺣﺠﻲ ﻭﻳﻪ ﺷﻴﺮﻳﻦ
ﺭﺣﺖ ﺩﺧﻠﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﺻﻮﺭﺗﻲ ﻭﺻﻮﺭﺗﻪ ﻣﺎﻛﻮ ﺷﺎﻳﻠﻬﻪ ﻭﻛﻞ ﺍﻟﺘﺤﻔﻴﺎﺕ ﺍﻟﻲ ﺍﺳﺘﺮﻳﻨﺎﻫﻦ ﺳﻮﻩ ﻣﺎﻛﻮ
ﺟﻨﺖ ﻣﺸﺘﺎﻗﻪ ﻟﻠﻐﺮﻓﻪ ﻣﻌﺪﺕ ﻋﻠﻰ ﺍﻟﺠﺮﺑﺎﻳﻪ ﺍﺑﺠﻲ ﺍﻧﻔﺘﺤﺖ ﺍﻟﺒﺎﺏ ﺭﻳﺎﻡ ﻛﺒﻞ ﻛﻤﺖ
ﺭﻳﺎﻡ / ﺍﺭﻳﺞ ﺍﻧﻲ ﺍﺣﺠﻴﻬﻪ ﻛﺪﺍﻣﺞ ﻭﻭﺭﺍﺝ ﺍﻧﺘﻲ ﻏﻴﺮﺗﻲ ﺍﻳﻬﺎﺏ ﻟﻼﺣﺴﻦ ﻭﻫﺬﺍ ﻓﻀﻞ ﺍﺑﺪ ﻣﻨﻨﺴﺎ ﺍﻧﻲ ﻣﻤﻮﺟﻮﺩﻩ ﻭﻳﺎﻛﻢ
ﺑﺲ ﻳﺴﻮﻟﻔﻮﻥ ﺑﻴﺞ ﺩﻭﻡ ﻭﻳﺤﻤﺪﻭﺝ ﻣﻦ ﻳﻤﻌﺖ ﺍﻧﺼﺪﻣﺖ ﻛﻠﺶ
ﻭﺍﻟﻠﻪ ﻣﺎﺑﻴﻨﻲ ﻭﺑﻴﻨﻪ ﺷﻲ
ﺑﻬﺎﻟﻠﺤﻈﻪ ﺩﺧﻠﺖ ﻫﺪﻳﻪ ﻛﺘﻠﻬﻪ ﻫﺪﻳﻪ ﺗﻌﺎﻟﻲ
ﺍﻧﻲ ﺍﻛﺜﺮ ﻭﻗﺘﻲ ﻳﻤﻜﻢ ﻭﺍﻟﻠﻪ ﻣﺎﻋﻨﺪﻱ ﺷﻲ ﻭﻳﺎ ﻭﺣﺘﻰ ﺍﺳﻤﻪ ﻣﺎﺍﻋﺮﻓﻪ ﺩﻭﻡ ﻳﻤﺸﻲ ﻭﺭﺍﻳﻪ ﻭﻳﺴﻤﻌﻨﻲ ﺣﺠﻲ ﻭﻣﻤﻨﻄﻴﺘﻪ ﻣﺠﺎﻝ
ﻫﺪﻳﻪ / ﺍﺥ ﻳﺎ ﺍﺭﻳﺞ ﺍﻟﻤﺸﻜﻠﻪ ﻣﻮ ﻭﻗﺖ ﺍﻟﺴﻮﺍﻟﻒ ﻭﺭﻭﺡ ﺍﺩﻳﺎﻥ ﺑﻌﺪﻫﻲ ﺑﺲ ﺍﻧﺘﻲ ﻫﻢ ﺳﺎﻟﻔﺘﺞ ﻣﺼﻴﺒﻪ
ﻟﻴﺶ ﻣﺤﺠﻴﺘﻲ ﺍﺫﺍ ﻫﻮ ﻳﺴﻤﻌﺞ ﻛﻼﻡ ﺟﺎﻥ ﻛﻠﺘﻴﻠﻲ ﻋﻞ ﺍﻗﻞ ﻋﻮﻓﻴﻬﻪ ﺍﻟﺴﺎﻟﻔﻪ ﻫﺴﻪ ﺑﺲ ﺧﻞ ﺗﺨﻠﺺ ﺍﻟﻔﺎﺗﺤﻪ ﻭﺍﻟﻠﻪ ﻛﺮﻳﻢ
ﺍﻧﺘﻲ ﺷﺨﺒﺎﺭﺝ ﻣﺮﺗﺎﺣﻪ ﺑﺒﻴﺖ ﻋﻤﺞ
ﺍﺭﻳﺞ / ﻣﻤﺮﺗﺎﺣﻪ ﻣﻮ ﻻﻥ ﻣﺄﺫﻳﻨﻲ ﻻﻥ ﺍﻳﻬﺎﺏ ﻣﺼﺪﻙ
ﺭﻳﺎﻡ / ﺍﺭﻳﺞ ﺣﺴﺐ ﺍﻟﻜﻼﻡ ﻣﻴﻜﺪﺭﻭﻥ ﻣﻴﺼﺪﻛﻮﻥ ﺍﻧﺎﻱ ﻫﻢ ﺍﺗﻔﻬﻤﻲ ﻭﺍﻧﺘﻲ ﻣﺤﺠﻴﺘﻲ
ﺍﺭﻳﺞ / ﺻﺢ ﻭﺍﻟﻠﻪ ﺻﺢ ﻣﺎﺍﺩﺭﻱ ﺷﻠﻮﻥ ﻓﺎﺗﺘﻨﻲ ﻟﻮ ﻛﺎﻳﻠﻪ ﺍﻝ ﻫﺪﻳﻪ ﻋﻞ ﺍﻗﻞ ﺧﺎﻟﻪ ﻣﺘﺴﻤﻌﻨﻲ ﻭﺍﻟﻠﻪ ﺭﺯﻟﺘﻪ ﻣﺤﺠﻴﺖ ﻭﻳﺎ
ﺷﻴﺮﻳﻦ ﻛﻢ ﻣﺮﻩ ﻛﺎﻟﻮ ﻣﺼﺪﻛﺖ ﺑﺲ ﻣﻦ ﺷﺎﻓﺘﺞ ﻭﺍﻛﻔﻪ ﻛﺒﺎﻟﻪ ﻭﺗﺤﺠﻴﻦ ﻭﻳﺎ ﺗﺨﺒﻠﺖ
ﺩﺗﻌﺎﻟﻲ ﺗﻌﺸﻲ ﻭﻳﻪ ﺍﻟﻨﺴﻮﺍﻥ
ﺍﺭﻳﺞ / ﻻ ﺷﺘﻌﺸﻪ ﻳﻤﻌﻮﺩﻩ ﻭﺍﺩﻳﺎﻥ ﻣﺘﺮﻭﺡ ﻣﻦ ﺑﺎﻟﻲ
ﻟﻠﻴﻞ ﺧﺎﺑﺮﺕ ﻋﻠﻰ ﻋﻤﻮ ﻛﺘﻠﻪ ﻭﻳﻨﻚ ﻋﻤﻮ ﺷﻮﻛﺖ ﻧﺮﻭﺡ
ﻛﻠﻲ ﺍﻧﻲ ﺭﺣﺖ ﻣﻦ ﺯﻣﺎﻥ
ﻭﺍﻧﻲ ﻟﻌﺪ ﻋﻤﻮ
ﻏﻴﺮ ﺑﻴﺖ ﻋﻴﺎﻟﺞ ﺑﻌﺰﻩ ﺗﺒﻘﻴﻦ ﻣﻮ ﻭﻛﺖ ﺳﻮﺍﻟﻒ ﺍﻟﺰﻋﻞ
ﺟﺎﻥ ﺍﻟﻴﻮﻡ ﺍﻟﺜﺎﻧﻲ ﻳﻌﺘﺒﺮﻭ ﺛﺎﻟﺚ ﻓﺎﻟﻨﺎﺱ ﻛﻠﻬﻪ ﻃﺸﺖ ﺑﻘﻴﺖ ﺍﻧﻈﻒ ﻭﻳﻪ ﺍﻟﺒﻨﺎﺕ ﻭﺍﻡ ﺍﻳﻬﺎﺏ ﺗﺨﺰﺭ ﺑﻴﻪ ﺍﺧﺘﻨﻜﺖ ﺣﻴﻞ ﺻﻌﺪﺕ ﻓﻮﻙ ﺍﺧﺘﻔﻴﺖ ﺍﻋﺮﻑ ﻣﺮﺍﺡ ﻳﻘﺒﻠﻮﻥ ﺍﺑﻘﻪ ﻭﻣﺎﺍﻋﺮﻑ ﺍﻳﻬﺎﺏ ﻳﻘﺒﻞ ﻳﺴﻤﻌﻨﻲ ﺍﻭ ﻻ ﻭﺍﻟﺠﻮ ﻣﻮ ﻣﺎﻝ ﺍﺑﻘﻪ ﻧﻬﺎﺋﻲ ﻭﻋﻤﻲ ﻋﺎﻓﻨﻲ ﺻﻌﺪﺕ ﻓﻮﻙ ﺩﺧﻠﺖ ﺍﻟﻐﺮﻓﺔ ﺍﺩﻳﺎﻥ ﺑﺠﻴﺖ ﺭﺃﺳﺎً ﺍﺗﺬﻛﺮ ﻣﻦ ﺍﺩﺧﻞ ﻳﻤﻬﻪ
ﻭﺟﻌﻨﻲ ﻛﻠﺒﻲ ﺍﺧﺘﻨﻜﺖ ﺍﻛﺜﺮ ﻛﺒﻞ ﻃﻠﻌﺖ
ﻟﻠﺴﻄﺢ ﺍﺑﺠﻲ ﺍﺩﻳﺎﻥ ﺍﻧﺘﻲ ﻋﻨﺪﺝ ﺍﻟﻲ ﻳﺤﺒﺞ ﻭﻋﻨﺪﺝ ﻃﻔﻞ
ﻟﻮ ﻣﻴﺘﻪ ﺍﻧﻲ ﺍﺣﺴﻦ ﺍﻧﻲ ﺣﺘﻰ ﺑﻴﺖ ﻣﺎﻋﻨﺪﻱ
ﻭﺍﺧﻮﻳﻪ ﺑﺎﻟﺴﺠﻦ ﺻﺢ ﺍﺧﻮﺍﻧﺞ ﺟﻼﺏ ﺑﺲ ﻳﺤﺒﻮﺝ ﻛﻠﻬﻢ ﻭﺩﻭﻡ ﻳﺤﻤﺪﻭﻥ ﺑﻴﺞ ﺍﻧﻲ ﻟﻮ ﺷﺴﻮﻱ ﻳﻜﺮﻫﻮﻧﻲ
ﺍﻳﻬﺎﺏ / ﺩﺧﻠﺖ ﻟﻠﺒﻴﺖ ﻣﺨﻨﻮﻙ ﺍﻟﻤﻨﻈﺮ ﻣﻴﺮﻭﺡ ﻣﻦ ﺑﺎﻟﻲ ﺍﺑﺪ
ﻭﺟﻊ ﺳﺎﻣﺮ ﻛﺒﺎﻟﻲ ﺍﻧﻲ ﺳﺒﺐ ﻛﻞ ﺍﻟﻲ ﺻﺎﺭ ﺑﻴﻬﻢ
ﻣﺎﺍﻛﺪﺭ ﺍﺳﺎﻣﺢ ﻧﻔﺴﻲ
ﺍﻟﻴﻮﻡ ﺍﻟﻲ ﻣﺎﺗﺖ ﺑﻲ ﺍﺩﻳﺎﻥ ﻛﺒﺎﻝ ﻋﻴﻨﻲ ﺟﻨﺖ ﺍﺣﺲ ﺑﻌﻴﻮﻧﻬﻪ ﺗﻜﻠﻲ ﺍﻧﺖ ﺑﺴﺒﺒﻚ ﺟﺎﻧﺖ ﺗﺒﺎﻭﻉ ﻋﻠﻴﻪ
ﺍﻟﻨﻈﺮﺍﺕ ﺍﻟﻲ ﺷﻔﺘﻬﻦ ﺑﻴﻬﻪ ﺟﺎﻧﺖ ﻧﻈﺮﺍﺕ ﻣﻮ ﻃﺒﻴﻌﻴﻪ
ﺍﻏﻤﺾ ﺍﻓﺘﺢ ﻛﺒﺎﻝ ﻋﻴﻨﻲ
ﺩﺧﻠﺖ ﻛﺒﻞ ﻟﻠﻐﺮﻓﻪ
ﻭﻃﺒﻜﺖ ﺍﻟﺒﺎﺏ ﻭﻗﻔﻠﺘﻪ
ﻋﺠﺰﻱ ﻣﺎﺍﺭﻳﺪﻩ ﺑﻌﺪ ﺧﺎﻧﺘﻨﻲ ﺍﺭﻳﺞ ﻭﺣﻘﻬﻪ ﻣﻨﻮ ﺗﻘﺒﻞ ﺑﻮﺍﺣﺪ ﻣﻌﻮﻕ ﻭﺍﺩﻳﺎﻥ ﺍﻧﻲ ﺩﻣﺮﺗﻬﻪ ﻭﻣﻮ ﺑﺲ ﻫﻴﺞ ﻟﻮ ﻣﻮ ﻋﺠﺰﻱ ﺟﺎﻥ ﻫﻴﻪ ﻋﺎﻳﺸﻪ ﺟﺎﻥ ﻛﺪﺭﺕ ﺍﻛﻮﻡ ﻭﺍﻭﺧﺮ ﺍﻟﻜﻬﺮﺑﺎﺀ ﻣﻨﻬﻪ
ﻣﺎﺍﻛﺪﺭ ﺍﻋﻴﺶ ﻭﺍﻧﻲ ﺳﺒﺐ ﺧﺴﺎﺭﺓ ﺑﻨﻴﻪ ﺑﻌﺪﻫﻲ ﺗﻮﻫﻪ ﻛﺒﺮﺕ ﻃﻔﻠﻪ ﺷﺎﺑﻪ ﺍﻧﻲ ﺩﻣﺮﺗﻬﻪ
ﺍﻧﻲ ﺑﺲ ﺍﺫﻳﻪ ﻋﻠﻰ ﺍﻟﺒﺸﺮ
ﺭﺣﺖ ﻟﻠﻤﺠﺮ ﺩﻭﺭﺕ ﻋﻠﻰ ﺷﻲ ﺣﺎﺩ ﻛﻠﺖ ﻫﺬﺍ ﻫﻮ
ﺍﺳﺘﺤﻖ ﺍﻣﻮﺕ ﻭﺟﺎﻥ ﻣﻔﺮﻭﺽ ﺍﻣﻮﺕ ﻣﻦ ﺍﻭﻝ ﻣﺎ ﺻﺮﺕ ﻋﺎﺟﺰ
ﻫﺪﻳﻪ / ﺩﺧﻞ ﺳﺎﻣﺮ ﺟﻨﺖ ﻣﺎﺍﺷﻮﻓﻪ ﻻﻥ ﻣﻠﺘﻬﻲ ﺑﺎﻟﻔﺎﺗﺤﻪ
ﺷﺒﻜﺘﻪ ﻭﺍﺑﺠﻲ ﻭﻫﻮ ﻳﺒﺠﻲ
ﺍﻟﻠﻪ ﻳﺼﺒﺮﻙ ﺣﺒﻴﺒﻲ
ﻫﺪﻳﻪ ﻣﺎﺗﺖ ﻫﺪﻳﻪ ﻣﺎﺗﺖ ﺗﻌﺮﻓﻴﻦ ﻳﻌﻨﻲ ﺷﻨﻮ ﻳﻌﻨﻲ ﺑﻌﺪ ﻣﻤﻮﺟﻮﺩﻩ ﺧﺎﺑﺮﺗﻨﻲ ﻣﺸﺘﻬﻴﻪ ﻛﻜﻮ ﻣﻠﺤﻜﺖ ﺣﺘﻰ ﺍﺟﻴﺒﻪ ﺍﻟﻬﻪ
ﻭﺍﻟﻠﻪ ﺣﺠﺖ ﻭﻳﺎﻱ ﺻﻮﺗﻬﻪ ﻃﺒﻴﻌﻲ
ﻧﺠﻢ / ﻛﻮﻝ ﻳﺎﻟﻠﻪ ﺳﺎﻣﺮ ﻳﻮﻣﻬﻪ
ﺳﺎﻣﺮ / ﺍﺫﻳﺘﻬﻪ ﻫﻮﺍﻱ
ﺑﻬﺎﻟﻠﺤﻈﻪ ﺩﺧﻞ ﻣﺤﺐ ﻭﺷﺒﻜﻪ ﻭﻛﺎﻡ ﻳﺒﺠﻲ ﻣﻨﺘﻮﻗﻌﻪ ﻣﺤﺐ ﻳﺒﺠﻲ ﻋﻠﻰ ﺍﺩﻳﺎﻥ ﺑﺲ ﻫﻴﻪ ﺍﺩﻳﺎﻥ ﻧﺴﻤﻪ ﻛﻠﻬﻪ ﺗﺤﺒﻬﻪ
ﻋﺎﻓﻨﻪ ﻭﺻﻌﺪ ﺳﺎﻣﺮ ﻣﺤﺐ ﻛﻞ ﺍﻟﻨﺠﻢ ﺭﻭﺡ ﻭﺭﺍ ﺭﺩﺕ ﺍﺭﻭﺡ ﻛﻠﻲ ﻣﺤﺐ
ﻣﺤﺐ / ﺍﻳﻬﺎﺏ ﻭﻳﻦ
ﻫﺪﻳﻪ / ﺑﺎﻟﻐﺮﻓﻪ ﺩﺧﻞ ﻋﻔﺘﻪ ﻭﺻﻌﺪﺕ ﻭﺭﺍﻫﻢ ﺍﻝ ﺳﺎﻣﺮ
ﺳﺎﻣﺮ / ﺩﺧﻠﺖ ﻟﻠﻐﺮﻓﻪ ﻭﺣﺸﻪ ﺑﻜﻞ ﻣﻜﺎﻥ ﺍﺳﻤﻊ ﺻﻮﺗﻬﻪ ﻭﺍﺗﺨﺎﻳﻞ ﺷﻜﻠﻬﻪ ﻫﺪﻭﺋﻬﻪ ﻛﻼﻣﻬﻪ ﺩﺧﻠﻮ ﻭﺭﺍﻳﻪ ﻛﻠﻬﻢ ﺍﺧﻮﺗﻲ
ﺍﺭﻳﺪ ﺍﺑﻘﻪ ﻭﺣﺪﻱ
ﻧﺠﻢ / ﻋﻮﻑ ﺍﻟﻐﺮﻓﻪ ﺍﻃﻠﻊ ﻣﻨﻬﻪ ﺗﺘﺄﺫﻩ
ﺳﺎﻣﺮ / ﻻ ﻣﺎﺍﺗﺄﺫﻩ
ﻫﺪﻳﻪ / ﻣﺎﺍﺣﺲ ﺍﻟﻪ ﺻﻮﺕ ﺑﺎﺏ ﻳﻨﺪﻙ ﻗﻮﻱ ﻭﺻﻮﺕ ﻣﺤﺐ ﺍﻳﻬﺎﺍﺍﺍﺍﺏ ﺟﺎﻭﺏ ﻟﻴﺶ ﻗﺎﻓﻞ ﺍﻟﺒﺎﺏ ﺳﻤﻌﻨﻪ ﺩﺑﺔ ﺑﺎﺑﺎ ﻭﻭﻳﺎﻫﻪ ﺻﺮﺧﺔ ﺷﻴﺮﻳﻦ
ﻧﺠﻢ ﻭﺳﺎﻣﺮ ﺭﻛﻀﻮ ﻭﺍﻧﻲ ﻫﻢ ﻧﺰﻟﺖ ﺍﺭﻛﺾ
ﺍﺭﻳﺞ / ﺟﻨﺖ ﺑﺎﻟﺴﻄﺢ ﺳﻤﻌﺘﻬﻢ ﻣﻦ ﻳﺤﺠﻮﻥ ﻭﻳﻪ ﺳﺎﻣﺮ ﺑﺲ ﺳﻤﻌﺖ ﺻﺮﺍﺥ ﺍﺧﺘﺮﻋﺖ
ﻧﺰﻟﺖ ﺍﺭﻛﺾ ﻣﺎﺍﺩﺭﻱ ﺷﺼﺎﺭ ﻭﺍﻧﺼﺪﻡ ﺑﻤﺤﺐ ﺷﺎﻳﻞ ﺍﻳﻬﺎﺏ ﻭﺍﻳﺪﻩ ﻧﺠﻢ ﻻﺯﻣﻬﻪ ﺿﺎﻏﻄﻬﻪ ﻛﻠﻬﻪ ﺩﻡ ﻛﻤﺖ ﺍﺻﺮﺥ ﻭﺭﻭﺣﻲ ﺭﺍﺣﺖ ﻭﻛﻠﻬﻢ ﻣﺨﺒﻮﺻﻴﻦ
ﺍﻳﻬﺎﺏ / ﻋﻮﻓﻮﻭﻭﻭﻧﻲ ﺍﺭﻳﺪ ﺍﻣﻮﺕ
ﻫﺪﻳﻪ / ﺧﻠﺼﺖ ﺍﻟﻔﺎﺗﺤﻪ ﻭﺍﻟﻬﻮﺳﻪ ﺟﻨﻪ ﻣﻠﺘﻬﻴﻦ ﺑﻬﻮﺳﺔ ﺍﻟﻔﺎﺗﺤﻪ ﻣﻦ ﺻﻔﺖ ﺍﻟﻬﻮﺳﻪ ﺣﺴﻴﻨﻪ ﺑﻮﺣﺸﺘﻬﻪ
ﺍﻳﻬﺎﺏ ﺑﻠﻴﻞ ﻛﻠﺶ ﻃﻠﻌﻮ ﻣﻦ ﺍﻟﻤﺴﺘﺸﻔﻰ
ﺳﺎﻣﺮ ﺣﺒﺲ ﺭﻭﺣﻪ ﺑﻐﺮﻓﺘﻪ
ﺍﺭﻳﺞ ﺑﻌﺪ ﻣﺎ ﺗﺨﺒﻠﺖ ﻣﻦ ﺷﺎﻓﺖ ﺍﻳﻬﺎﺏ ﻣﻨﺘﺤﺮ ﻭﺩﻻﻝ ﻭﺭﻳﺎﻡ ﻳﻤﻬﻪ ﻳﻬﺪﺋﻦ ﺑﻴﻬﻪ
ﺍﺣﺲ ﻛﻠﺒﻲ ﺧﻠﺺ ﻣﺎﻛﻮ ﻧﻄﻠﻊ ﻣﻦ ﺷﻐﻠﻪ ﻧﺪﺧﻞ ﺑﺸﻐﻠﻪ ﺟﺪﻳﺪﻩ ﻣﺜﻞ ﺍﻟﻠﻌﻨﻪ ﻋﻠﻴﻨﻪ
ﻣﺎﺍﻋﺮﻑ ﺷﻴﺮﻳﻦ ﺍﻟﻲ ﺟﻨﺘﻪ ﻭﺳﻮﺗﻪ ﺏ ﻋﻼﺀ ﻣﻦ ﻇﻠﻤﺘﻪ ﻛﺎﻋﺪ ﻳﻄﻠﻊ ﺑﻴﻨﻪ ﻣﻜﺎﻋﺪ ﻧﺮﺗﺎﺡ ﺍﺑﺪ
ﺑﻌﺪ ﻣﺎ ﺭﺟﻌﻮ ﺩﺧﻠﺖ ﺍﺭﻳﺞ ﻟﻠﻐﺮﻓﻪ ﻭﺭﻩ ﺍﻳﻬﺎﺏ ﻭﻗﻔﻠﺖ ﺍﻟﺒﺎﺏ
ﺷﻴﺮﻳﻦ / ﻣﺎﺍﺭﻳﺪﻫﻪ ﻫﺎﻱ ﺗﻄﻠﻊ ﺑﺮﻩ ﺑﻴﺘﻲ
ﻣﺤﺐ / ﻣﻮ ﻭﻗﺖ ﻫﺎﻱ ﺳﻮﺍﻟﻔﺞ ﺍﺑﺪ
ﺧﺎﻧﺖ ﺍﺑﻨﻲ ﻭﺗﺮﻳﺪﻧﻲ ﺍﺑﻘﻴﻬﻪ
ﺍﻟﺤﺪ ﺍﻻﻥ ﻣﺸﺎﻳﻒ ﺷﻲ ﺑﻌﻴﻨﻲ ﻋﻠﻰ ﺍﻟﺒﻨﻴﻪ
ﺍﻧﻲ ﺷﻔﺖ ﺗﺤﺠﻲ ﻭﻳﺎ
ﻭﻣﻮﺑﺎﻳﻠﻬﻪ ﻳﻢ ﺍﻳﻬﺎﺏ ﻛﻠﺸﻲ ﻣﺎﺑﻲ ﺍﻧﻲ ﺑﻨﻔﺴﻲ ﻛﻠﺒﺖ ﺑﻲ
ﻭﻣﻠﻜﻴﺖ ﺍﻱ ﺷﻲ ﺳﺪﻭ ﺍﻟﻤﻮﺿﻮﻉ ﺍﻧﻲ ﺍﺣﻞ ﻭﺍﺗﺄﻛﺪ ﻣﻦ ﻫﺎﻱ ﺍﻟﺴﺎﻟﻔﻪ ﻭﻫﺬﺍ ﺍﻟﺴﺎﻓﻞ ﻣﺼﻴﺮﻩ ﻳﺮﺟﻊ ﻣﺎﺍﺭﺣﻤﻪ ﻭﻣﻦ ﺍﻟﺰﻣﻪ ﺑﺴﺎﻋﺘﻬﻪ ﺍﻋﺮﻑ ﺍﺫﺍ ﻋﻨﺪﻩ ﺩﻟﻴﻞ ﻋﻠﻴﻬﻪ ﻳﻨﻄﻴﻨﻲ
ﺣﺎﻭﻟﺖ ﺷﻴﺮﻳﻦ ﺳﻜﺘﻬﻪ ﺑﻌﺼﺒﻴﻪ
ﻭﻟﺪﺝ ﻫﺴﻪ ﻣﺤﺘﺎﺟﻴﺞ ﻋﻮﻓﻲ ﻫﺎﻟﺴﻮﺍﻟﻒ
ﺍﻳﻬﺎﺏ ﻋﺒﺎﻟﻪ ﻭﻛﻞ ﺑﺎﻟﻪ ﻻﻥ ﻫﻮ ﺩﺧﻠﻬﻪ ﻟﻠﺒﻴﺖ
ﻭﺍﺑﻨﺞ ﺳﺎﻣﺮ ﻣﺮﺗﻪ ﻭﻃﻔﻠﻪ ﺭﺍﺣﻮ ﻣﻨﻪ ﻣﻮ ﻭﻛﺖ ﻫﺎﻱ ﺍﻟﺴﻮﺍﻟﻒ
ﻧﺠﻢ / ﻭﻳﻦ ﺭﺍﻳﺢ ﺍﻧﺖ
ﺭﺍﻳﺢ ﻟﻠﺸﻘﻪ ﺗﻌﺒﺎﻥ ﻛﻠﺶ
ﻣﺘﺒﺎﺕ ﻫﻨﺎ
ﻻ ﺗﻌﺒﺎﻥ ﻛﻠﺶ ﺍﺭﻳﺪ ﺍﺭﻭﺡ ﺍﺳﺒﺢ ﻭﺍﻧﺎﻡ ﺷﻮﻳﻪ
ﺭﺍﺡ ﺍﺻﻌﺪ ﺍﻝ ﺳﺎﻣﺮ ﺑﺎﻛﺖ ﺍﻟﻠﻪ ﻳﻬﺪﻱ ﻳﺠﻲ ﻭﻳﺎﻱ ﻣﺎﺍﺭﺗﺎﺡ ﺍﻋﻮﻓﻬﻢ ﺍﺛﻨﻴﻨﻬﻢ
ﺳﺎﻣﺮ / ﺩﺧﻠﺖ ﻟﻠﻐﺮﻓﻪ ﻛﻌﺪﺕ ﺑﺎﻟﻜﺎﻉ ﺍﻧﺘﺠﻴﺖ ﻋﻠﻰ ﺍﻟﻤﻴﺰ ﺗﻮﺍﻟﻴﺖ ﺍﺑﺎﻭﻉ ﺍﻟﻤﻜﺎﻥ ﺳﺠﺎﺩﺗﻬﻪ ﻳﻮﻣﻴﻪ ﺑﻬﻴﺞ ﻭﻛﺖ ﺑﻠﻴﻞ ﺗﺼﻠﻲ ﻭﺍﻧﻲ ﺍﻧﺘﻈﺮﻫﻪ ﺗﻨﺎﻡ ﺑﺤﻀﻨﻲ
ﻛﻠﺘﻴﻠﻲ ﺍﺧﺎﻑ ﺗﻌﻮﻓﻨﻲ ﻭﻋﺪﺗﺞ ﻣﺎﺍﻋﻮﻓﺞ ﻣﺘﻔﻘﻨﻪ ﻫﻴﺞ ﺍﺩﻳﺎﻥ
ﻣﺘﻔﻘﻨﻪ ﺍﻧﺘﻲ ﺗﻌﻮﻓﻴﻨﻲ
ﻟﻴﺶ ﺧﻠﻴﺘﻴﻨﻲ ﺍﺣﺒﺞ ﻟﻌﺪ ﺍﺫﺍ ﺗﺮﻭﺣﻴﻦ
ﺑﺤﻴﺖ ﺑﺤﺮﻛﻪ ﺩﻣﻮﻋﻲ ﻳﻨﺰﻟﻦ ﺍﺣﺒﻬﻪ ﺣﻴﻞ ﺷﻠﻮﻥ ﺭﺍﺡ ﺍﻛﺪﺭ ﺍﻋﻴﺶ ﺑﺪﻭﻧﻬﻪ
ﻳﺎﺭﻳﺘﻨﻲ ﻣﺮﺣﻌﺖ ﻭﺣﺒﻴﺘﺞ ﻫﺎﻟﻜﺪ
ﻣﻔﻜﺮﺗﻲ ﺑﻴﻪ ﻳﺎ ﺍﺩﻳﺎﻥ
ﻣﻔﻜﺮﺗﻲ ﺑﻴﻪ ﻟﻴﺶ ﻫﻴﺞ ﺍﺧﺘﻨﻜﺖ ﺣﻴﻞ ﻓﺘﺤﺖ ﻣﻮﺑﺎﻳﻠﻲ ﺍﺑﺎﻭﻉ ﺑﺼﻮﺭﻫﻪ ﻭﺍﺗﻠﻤﺴﻬﻦ ﺑﺎﺻﺒﻌﻲ
ﻋﻴﻮﻧﻬﻪ ﺍﻟﺒﺮﻳﺌﻪ ﻭﺍﻟﺤﺰﻳﻨﻪ
ﺟﻨﺖ ﺍﺑﺎﻭﻉ ﻋﻠﻴﻬﻪ ﻓﺘﺢ ﺍﻟﺒﺎﺏ ﻣﺤﺐ ﺑﺎﻭﻋﺖ ﻋﻠﻲ ﺍﺟﻪ ﻛﻌﺪ ﺑﺼﻔﻲ
ﺳﺎﻣﺮ ﺍﻧﺖ ﺍﻧﺴﺎﻥ ﻭﺍﻋﻲ ﻭﺟﺒﻴﺮ ﺗﻌﺮﻑ ﺍﻟﻤﻮﺕ ﺣﻖ
ﺍﻟﺤﺰﻥ ﻣﻴﺮﺟﻊ ﺍﻟﺮﺍﺡ
ﺻﺎﺭ ﺳﻨﻴﻦ ﻭﺍﻧﻲ ﻧﻔﺲ ﺣﺰﻧﻲ ﻋﻠﻰ ﻋﻼﺀ ﻭﻣﺎﻛﻮ
ﻣﺎﺍﻛﻠﻚ ﻟﺘﺤﺪﻥ ﺍﺩﻳﺎﻥ ﺗﺴﺘﺎﻫﻞ ﺍﻟﺤﺰﻥ
ﺍﻧﻲ ﻫﺴﻪ ﺍﺣﺠﻲ ﻭﻳﺎﻙ ﻭﻣﺤﺘﺮﻙ ﻛﻠﺒﻲ ﺣﺮﻙ ﻋﻠﻴﻬﻪ ﻃﻔﻠﻪ ﺑﻌﺪﻫﻲ ﺑﺲ ﻫﺎﻱ ﺷﻨﺴﻮﻱ ﺍﻟﻠﻪ ﻳﺮﻳﺪ ﻫﻴﺞ ﻳﻮﻣﻬﻪ
ﺑﺲ ﺍﺭﻳﺪﻙ ﺗﺼﻴﺮ ﻗﻮﻱ
ﺳﺎﻣﺮ / ﺷﻠﻮﻥ ﻓﻬﻤﻨﻲ ﺍﻧﺴﺎﻧﻪ ﺗﻨﺎﻡ ﺑﺤﻀﻨﻚ ﻳﻮﻣﻴﻪ ﺗﺨﺎﺑﺮﻙ ﺗﺮﻳﻜﺖ ﻭﺗﻐﺪﻳﺖ ﻭﻳﺎﻫﻪ ﺳﺎﻋﺔ ﺍﻟﺴﻮﺩﻩ ﺍﻟﻄﻠﻌﺖ ﺑﻴﻬﻪ ﻟﻠﻜﻬﻮﻩ ﻟﻮ ﻣﻮﺟﻮﺩ ﺟﺎﻥ ﻣﻤﺎﺗﺖ
ﻣﺤﺐ / ﻭﺩﺍﻋﺘﻚ ﻳﻮﻣﻬﻪ ﻫﺬﺍ ﺍﺫﺍ ﻣﻮ ﺑﻜﻬﺮﺑﺎﺀ ﺑﺸﺮﺑﺔ ﻣﻲ
ﺍﻟﻠﻪ ﻛﺎﺗﺒﻠﻬﻪ ﺗﻤﻮﺕ ﻭﺭﻗﺘﻬﻪ ﻭﺍﻛﻌﻪ ﻗﺒﻞ ﺍﺭﺑﻌﻴﻦ ﻳﻮﻡ
ﺳﺎﻣﺮ / ﺗﻌﺮﻑ ﺧﺎﺻﻪ ﺑﺎﺧﺮ ﺍﻳﺎﻡ ﺟﺎﻧﺖ ﺗﻔﺰ ﻣﻦ ﺍﻟﻨﻮﻡ ﻭﺗﻜﻠﻲ ﺧﺎﻳﻔﻪ ﻳﻤﻜﻦ ﺟﺎﻧﺖ ﺧﺎﻳﻔﻪ ﻣﻦ ﺍﻟﻤﻮﺕ ﻭﺍﻧﻲ ﻣﻔﻬﻤﺘﻬﻪ ﺍﺑﺪ
ﻟﻮ ﺍﺧﺮ ﺍﻳﺎﻡ ﻣﻦ ﻟﺤﺖ ﺗﺮﻭﺡ ﺍﻟﺒﻴﺖ ﺍﺧﻮﺍﻧﻬﻪ ﺍﻟﻲ ﻣﻴﺴﺘﺎﻫﻠﻮﻥ ﻭﺗﻌﺎﺭﻛﺖ ﻭﻳﺎﻫﻪ ﺑﺲ ﺗﻮﺳﻠﺖ ﺑﻴﻪ ﻭﺍﻧﻘﻬﺮﺕ ﻫﻤﺰﻳﻦ ﺧﻠﻴﺘﻬﻪ ﺗﺸﻮﻓﻬﻢ ﻭﻟﻪ ﺟﺎﻥ ﻣﺴﺎﻣﺤﺖ ﺭﻭﺣﻲ
ﻛﻮﻡ ﺍﻣﺸﻲ ﻭﻳﺎﻱ
ﻻ ﺍﺭﻳﺪ ﺍﺑﻘﻪ ﻫﻨﺎ
ﺗﺘﺄﺫﻩ ﻫﻨﺎ ﺍﻧﻲ ﺍﻛﻠﻚ
ﺳﺎﻣﺮ / ﺟﻨﻪ ﻧﺠﻬﺰ ﺍﻏﺮﺍﺽ ﺑﻴﺘﻨﺎ ﻭﻓﺮﺣﺎﻧﻴﻦ ﺍﻧﻲ ﻭﻳﺎﻫﻪ
ﺍﻧﺪﻓﻨﺖ ﻫﻨﺎﻙ ﺑﺎﻟﻜﺒﻮﺭ ﻭﺑﻌﺪﻫﻲ ﻣﻤﺘﻬﻨﻴﻪ ﺑﻴﻬﻦ
ﻣﺤﺐ / ﻣﺎﺍﻋﺮﻑ ﺷﻜﻠﻪ ﺻﻌﺐ ﻛﻠﺶ ﺍﻋﺮﻑ ﺑﻲ ﺭﺍﺡ ﻳﺘﺄﺫﻩ ﺳﺎﻣﺮ ﻳﺨﺘﻠﻒ ﻋﻨﻪ ﻣﻤﺘﻌﻮﺩ ﻻ ﻋﻠﻰ ﺍﻟﺼﺪﻣﺎﺕ ﻭﺿﺎﺭﺏ ﺍﻟﺪﻧﻴﺎ ﻣﻴﺖ ﺟﻼﻕ ﻭﺍﻭﻝ ﻣﺮﻩ ﻳﺤﺐ ﻭﺍﻧﻲ ﺍﻛﺜﺮ ﺗﻌﺒﺎﻥ ﻣﻦ ﺟﻬﻪ ﺍﻳﻬﺎﺏ ﺍﻟﻲ ﻓﻜﺮ ﺑﺎﻻﻧﺘﺤﺎﺭ ﺑﺲ ﺍﻟﻲ ﻣﻄﻤﻨﻲ ﻭﺟﻮﺩ ﺍﺭﻳﺞ ﻳﻤﻪ
ﻟﺤﻴﺖ ﻋﻠﻲ ﻣﻘﺒﻞ ﻋﻔﺘﻪ ﻭﻃﻠﻌﺖ ﺭﺣﺖ ﺍﻟﺸﻘﺘﻲ
ﺗﻌﺒﺎﻥ ﻭﻫﻠﻜﺎﻥ ﻭﺍﻟﺪﻧﻴﺎ ﺳﻮﺩﻩ ﺑﻌﻴﻨﻲ ﻣﺎﺍﺩﺭﻱ ﺑﺸﻨﻮ ﺍﻓﻜﺮ
ﺣﺰﻧﺎﻥ ﻋﻠﻴﻬﻪ ﺻﻌﺐ ﻭﺍﺣﺪ ﺑﺤﻴﺎﺗﻚ ﻳﻄﻠﻊ ﻓﺠﺄﻩ
ﻭﺍﻟﻤﻮﺕ ﻳﺎﺧﺬﻩ ﺑﺪﻭﻥ ﻣﻘﺪﻣﺎﺕ
ﻭﻣﻦ ﺟﻬﻪ ﺛﺎﻧﻴﻪ ﺳﺎﻟﻔﺔ ﺍﻳﻬﺎﺏ ﻭﺍﺭﻳﺞ ﺍﻟﻜﻼﻡ ﺿﺪﻫﻪ ﺑﺲ ﻣﺎﺍﻛﺪﺭ ﺍﺗﻬﻤﻬﻪ ﺳﺒﺤﺖ ﺟﻨﺖ ﺗﻌﺒﺎﻥ ﻛﺪﺭﺕ ﺍﻧﺎﻡ
ﺍﺭﻳﺞ / ﻣﻦ ﺩﺧﻠﻮ ﺍﻳﻬﺎﺏ ﺟﻨﺖ ﺑﻐﺮﻓﺔ ﻫﺪﻳﻪ ﻭﺧﺎﻟﻪ ﻣﻦ ﻃﻠﻌﻮ ﺩﺧﻠﺖ ﻣﻦ ﺷﺎﻓﻨﻲ ﺗﻔﺎﺟﺊ ﺑﻘﻪ ﻳﺒﺎﻭﻉ ﻋﻠﻴﻪ ﻃﺒﻜﺖ ﺍﻟﺒﺎﺏ ﻭﺭﺣﺖ ﻋﻠﻲ ﺟﺎﻧﻮ ﻣﻨﻮﻣﻲ ﻋﻠﻰ ﺍﻟﺠﺮﺑﺎﻳﻪ ﺫﺑﻴﺖ ﺭﻭﺣﻲ ﻋﻠﻲ ﻭﻫﻮ ﺍﺑﺪ ﻣﻴﺤﺮﻙ ﺳﺎﻛﻦ
ﺷﻠﻮﻥ ﺗﻨﺘﺤﺮ ﺍﻳﻬﺎﺏ ﻣﻔﻜﺮﺕ ﺑﻴﻪ ﺍﻣﻮﺕ ﺑﺪﻭﻧﻚ
ﻟﻴﺶ ﺭﺟﻌﺘﻲ ﺍﻳﻬﺎﺏ ﺑﻌﺪ ﻫﺬﺍ ﻫﻮ ﻣﺎﺕ ﺍﻧﺘﻬﻰ
ﻣﺨﻨﺘﻚ ﻭﺍﻟﻠﻪ ﺍﻳﻬﺎﺏ ﻭﺍﻟﻠﻪ ﻣﺨﻨﺘﻚ
ﺍﺣﺠﻲ ﺷﻲ ﻛﻠﻲ ﺷﻲ ﺟﺎﻭﺑﻨﻲ ﺍﺿﺮﺑﻨﻲ ﻭﺍﺟﻬﻨﻲ ﺧﻠﻴﻨﻲ ﺍﺑﺮﺀ ﺭﻭﺣﻲ ﻳﻤﻚ ﺷﻔﺖ ﻣﻮﺑﺎﻳﻠﻲ ﻭﺍﻟﻠﻪ ﻣﺎﻋﻨﺪﻱ ﺷﻲ ﻭﺍﺣﺪ ﺣﻘﻴﺮ ﺣﺘﻰ ﺍﺳﻤﻪ ﻣﺎﺍﻋﺮﻓﻪ
ﺍﺩﺭﻱ ﺑﻴﺞ ﻣﺨﻨﺘﻴﻨﻲ ﻭﻣﺎﺍﺻﺪﻙ ﺍﺣﺪ ﺍﺑﺪ ﺑﺲ ﺍﻧﻲ ﻣﺎﺍﻓﻴﺪﺝ ﺑﻌﺪ ﺍﻧﻲ ﻣﻬﻤﺘﻲ ﺑﺎﻟﺤﻴﺎﺓ ﺑﺲ ﺃﺫﻳﻪ ﻋﻠﻰ ﺍﻟﺒﺸﺮ ﻭﺍﺣﺪ ﻣﻌﺎﻕ ﻣﺎﻣﻨﻪ ﻓﺎﻳﺪﻩ ﺑﻨﻴﻪ ﺻﻐﻴﺮﻩ ﺑﺴﺒﺒﻲ ﻣﺎﺗﺖ
ﻃﻠﻌﻲ ﻣﻦ ﺣﻴﺎﺗﻲ ﺍﺭﻳﺞ ﺍﻧﺘﻲ ﺣﻠﻮﻩ
ﻣﺜﻞ ﻣﻜﻠﺞ ﻫﺬﺍ ﺍﻧﺘﻲ ﻣﻮ ﻣﺴﺘﻮﺍﺝ ﻣﻌﻮﻕ ﻫﺎﻱ ﺣﻘﻴﻘﻪ
ﺍﻧﻲ ﻣﺎﺍﻛﺪﺭ ﺑﺪﻭﻧﻚ ﺍﻧﺖ ﻣﻜﻔﻴﻨﻲ ﻭﻣﻮﻓﻴﻨﻲ ﻭﻛﻠﺸﻲ ﺍﻟﻴﻪ
ﻣﺎﺍﻛﺪﺭ ﺍﻋﻴﺶ ﺑﻌﺪ
ﺟﻨﺖ ﺗﺤﺒﻬﻪ ﺍﻟﻬﺎﻱ ﺍﻟﺪﺭﺟﺔ ﺍﻟﺪﺭﺟﺔ ﺣﺘﻰ ﺍﻧﺘﺤﺮﺕ ﻋﻠﻤﻮﺩﻫﻪ
ﺍﻧﺘﻲ ﻃﺎﻟﻚ ﺍﺭﻳﺞ ﺍﻃﻠﻌﻲ ﻣﻦ ﺣﻴﺎﺗﻲ
ﺍﻧﻲ ﻣﺎﺍﺭﻳﺪ ﺍﻋﻴﺶ ﺑﻌﺪ ﻣﺎﺍﺳﺘﺎﻫﻞ ﺍﻋﻴﺶ ﺣﻴﺎﺗﻲ ﻃﺒﻴﻌﻲ
ﻭﺍﻧﺘﻲ ﻫﻢ ﻣﺘﺴﺘﺎﻫﻠﻴﻦ ﺗﻌﻴﺸﻴﻦ ﻭﻳﺎﻱ
ﺍﻧﺘﻲ ﺑﻨﻴﻪ ﺗﺴﺘﺎﻫﻠﻴﻦ ﻣﻞ ﺍﻟﺨﻴﺮ ﻭﺍﻧﻲ ﻣﻮ ﺍﻟﺨﻴﺮ
ﺑﺎﻭﻋﺖ ﻋﻠﻲ ﺍﻧﺖ ﻣﺼﺪﻛﻨﻲ ﻟﻮ ﻻ ﺍﺣﺠﻲ ﻭﺍﺑﺠﻲ
ﻛﺘﻠﺞ ﻣﺴﺘﺤﻴﻞ ﺍﺻﺪﻙ ﺗﺨﻮﻧﻴﻨﻲ
ﻟﻌﺪ ﻟﻴﺶ ﺗﻄﻠﻌﻨﻲ ﻣﻦ ﺣﻴﺎﺗﻚ ﻟﻴﺶ ﺩﺧﻠﺖ ﻛﻠﺒﻲ ﻟﻌﺪ ﻟﻴﺶ ﺍﻧﺎﻧﻲ ﻭﻣﺘﻔﻜﺮ ﺑﻴﻪ ﺍﺑﺪ ﺍﻫﻠﻚ ﺗﻬﻤﻮﻧﻲ ﻭﻣﻮﺑﺎﻳﻠﻲ ﺑﺮﺍﺋﺘﻲ ﻭﻛﻼﻣﻚ ﺍﺣﺴﻪ ﻫﻢ ﺑﻲ ﺷﻜﻮﻙ
ﺳﺎﻣﺮ / ﺍﻭﻝ ﻣﺼﺎﺭ ﺍﻟﻔﺠﺮ ﺭﺣﺖ ﻟﻠﻤﻘﺒﺮﻩ ﻋﺒﺮﻳﻪ ﻭﺣﺪﻱ
ﻛﻌﺪﺕ ﻳﻢ ﻛﺒﺮﻫﻪ ﻛﻤﺖ ﺍﺑﺠﻲ ﺑﺠﻴﺖ ﺑﺮﺍﺣﺘﻲ ﻭﺣﺠﻴﺖ ﻭﻳﺎﻫﻪ
ﻣﺸﺘﺎﻗﻠﺞ ﺍﺩﻳﺎﻥ ﻣﺸﺘﺎﻗﻠﺞ ﻭﺍﻟﻠﻪ
ﺟﻨﺖ ﺍﻋﺮﻑ ﺑﻨﻔﺴﻲ ﺍﺣﺒﺞ ﺑﺲ ﻫﺴﻪ ﻋﺮﻓﺖ ﺍﻧﻲ ﻣﻜﺎﻋﺪ ﺍﻛﺪﺭ ﺍﻋﻴﺶ ﺑﺪﻭﻧﺞ ﺑﺲ ﻓﻬﻤﻴﻨﻲ ﻟﻴﺶ ﻋﻔﺘﻴﻨﻲ
ﻋﻠﺘﺞ ﺍﻧﻲ ﻋﻔﺘﺞ ﻫﻮﺍﻱ ﻭﻛﺴﺮﺕ ﻛﻠﺒﺞ ﺷﻜﻠﺞ ﻫﻴﺞ ﻋﺎﻗﺒﺘﻴﻨﻲ ﺑﺲ ﻋﻘﺎﺑﺞ ﻭﺍﻟﻠﻪ ﻗﺎﺳﻲ ﺣﻴﻞ
ﺑﻘﻴﺖ ﻛﺎﻋﺪ ﻳﻤﻬﻪ ﺍﻟﺤﺪ ﻣﺎﺧﺎﺑﺮﻧﻲ ﻣﺤﺐ ﻃﻤﻨﺘﻪ ﻋﻠﻴﻪ ﻭﻛﺘﻠﻪ ﻫﺴﻪ ﺭﺍﺡ ﺍﺭﺟﻊ
ﺍﻟﺒﻴﺖ ﻣﺎﺍﻃﻴﻘﻪ ﺍﺑﺪ
ﻫﺪﻳﻪ / ﻣﺮﺕ ١٠ﺃﻳﺎﻡ ﻋﻠﻰ ﻭﻓﺎﺓ ﺍﺩﻳﺎﻥ
ﺍﺭﻳﺞ ﺭﺍﺣﺖ ﻫﻴﻪ ﻣﻘﺒﻠﺖ ﺗﺒﻘﻪ ﺑﻘﺖ ﺑﺲ ﺷﺎﻓﺖ ﺍﻳﻬﺎﺏ ﻣﺘﺄﺫﻱ ﺣﻴﻞ ﻭﺍﺻﻼً ﻣﺮﺟﻌﺖ ﺣﻴﺎﺗﻬﻢ ﻃﺒﻴﻌﻴﻪ ﻭﺷﻴﺮﻳﻦ ﻣﺤﺎﺭﺑﺘﻬﻪ ﻫﻢ ﻃﻠﻌﺖ ﻣﺘﺤﻤﻠﺖ
ﻣﺮﺍﺕ ﺷﻜﺪ ﻣﺎﺍﻛﻮ ﻧﺎﺱ ﺑﺤﻴﺎﺗﻚ ﻣﺄﺫﻳﺘﻚ ﺑﺲ ﺍﺫﺍ ﺣﺒﻴﺒﻚ ﻭﻳﺎﻙ ﺗﻜﻮﻝ ﻃﺰ ﺑﺎﻟﻜﻞ ﺍﻫﻢ ﺷﻲ ﺣﺒﻴﺒﻲ ﺑﺲ ﺍﺭﻳﺞ ﺻﺎﺭ ﻋﻠﻴﻬﻪ ﺿﻐﻂ ﺣﺘﻰ ﻣﻦ ﺍﻳﻬﺎﺏ
ﺣﺰﻧﻪ ﻣﻮ ﻻﻥ ﻳﺤﺒﻬﻪ ﺍﻝ ﺍﺩﻳﺎﻥ ﺣﺰﻧﻪ ﻻﻥ ﻳﺤﺲ ﻫﻮ ﺳﺒﺐ ﻣﻮﺗﻬﻪ ﺍﻻﻭﻝ ﻣﻦ ﺩﺧﻠﻬﻪ ﻭﺍﻟﺜﺎﻧﻲ ﻣﻦ ﻣﻜﺪﺭ ﻳﺴﺎﻋﺪﻫﻪ
ﻧﻔﺴﻴﺘﻪ ﺗﺘﺄﺯﻡ ﻣﺘﺘﺤﺴﻦ
ﺟﻨﺖ ﻓﻮﻙ ﺍﻟﻢ ﺑﺎﻏﺮﺍﺽ ﺍﺩﻳﺎﻥ ﻭﺳﺎﻣﺮ ﻳﻤﻲ ﻳﺴﻮﻟﻔﻠﻲ ﻋﻠﻴﻬﻪ ﻭﻋﻠﻰ ﻣﻮﺍﻗﻔﻬﻢ
ﻣﺠﻨﺖ ﺍﻋﺮﻑ ﺍﻟﻬﺎﻱ ﺍﻟﺪﺭﺟﻪ ﻳﺤﺒﻬﻪ
ﻛﻠﻲ ﻟﺘﺎﺧﺬﻳﻦ ﻛﻞ ﺍﻟﻤﻼﺑﺲ ﺑﻘﻴﻠﻲ ﺫﻛﺮﻯ ﻣﻨﻬﻪ ﻻﻥ ﻛﻠﻨﻪ ﻧﻨﻄﻲ ﻣﻼﺑﺴﻬﻪ ﺍﻟﺒﻨﻴﻪ ﻓﻘﻴﺮﻩ ﺗﺮﻳﺪ ﺗﺘﺰﻭﺝ ﻭﻣﺎﻋﺪﻫﻪ ﺛﻮﺍﺏ ﺍﻝ ﺍﺩﻳﺎﻥ ﺟﺮﻳﺖ ﻣﻼﺑﺲ ﻣﺴﻔﻄﺎﺕ ﺟﺎﻥ ﻋﺎﻟﻲ ﺍﻟﻜﻨﺘﻮﺭ ﻭﻛﻌﻦ ﻣﻼﺑﺲ ﻭﻣﻦ ﺿﻤﻨﻬﻦ ﺍﻭﺭﺍﻕ
........ ﻳﺘﺒﻊ
